وقفة مع النفس

[ترنيم]

السلام عليكم ورحمة الله

الاخوة الافاضل والاخوات الفضليات

كتير مننا وقف مع نفسه وقفة ليعدل بها حاله (قد يكون هذا الحال

هو حاله مع ربنا سبحانه وتعالى او مع اسرته او مع اصدقائه او فى شغله) أو شئ فى حياته

أو عشان ياخد قرار فى امر مهم

كتير مننا وقف مع نفسه وقال لها لازم تعملى كذا

أو قالها لامتى هتعملى كدا؟

أوقالها هتقدرى تفضلى كدا؟

هتقبلى يكون دا حالك؟

مننا اللى بيقف الوقفة دى مع نفسه كل يوم ويحاسبها قبل ما ينام

عشان يعرف ما له وما عليه

ومننا اللى بيقفها كل ما يحس انه محتاجها

ومننا اللى بيقفها لما تحصل له حاجة تفوقه سواء كان موقف او حادث او حتى كلمة من شخص

قريب كان او غريب

ومننا للاسف اللى عمره مع وقفها خالص وسايب حياته ماشية كدا

تعالوا معايا كل واحد عايز يفضفض ويقول

هنا وقفت مع نفسي

وأحببت أن تقفون معي وقفة جادة صادقة مع النفس

تم تعديل 13 أبريل 2010 بواسطة ترنيم

[الباشمهندس ياسر]

ربنا يهدينا جميعا

الفكرة بقي ان النفس شاطرة اوي بصراحة .. او تقريبا انا اللي ضعيف اوي جدا خاااااااااالص

طب مفيش مجموعة خطوات عملية .. الواحد يعرف يظبط بيهم نفسه بجد

و اهي محاولة .. رغم اني مؤمن

وعظني الوعاظ فما اتعظت حتي اتعظت من نفسي

[ترنيم]

ربنا يهدينا جميعا

الفكرة بقي ان النفس شاطرة اوي بصراحة .. او تقريبا انا اللي ضعيف اوي جدا خاااااااااالص

طب مفيش مجموعة خطوات عملية .. الواحد يعرف يظبط بيهم نفسه بجد

و اهي محاولة .. رغم اني مؤمن

وعظني الوعاظ فما اتعظت حتي اتعظت من نفسي

السلام عليكم ورحمة الله

والله يا باشمهندس كلام حضرتك مظبوط جدا

فعلا صعب انك تتحكم دائما فى نفسك ولكن لازم لازم كل شوية كدا تفوقها

اما عن خطوات عمليه عشان نعمل بيها كدا فايريت لو حد يعرف يقولنا

اللى اقدر اقوله ان مثلا حالك مع ربنا سبحانه وتعالى دا شئ خاص جدا بينك وبين ربنا وكل واحد هو اللى يقدر

يعرف هو ماشى ازاى

اما بقى الشغل والعيلة والتعامل مع الناس فد ا اللى ممكن نتكلم فيه

وبما ان مفيش حد افتتح الفضفضة أبدأها انا

من حوالى 7 سنين وقفت مع نفسى وقفة وقررت انى عايزة اكون أم وبس والحمد لله مش ندمانة عليها

فاخدت أجازات رعاية طفل كتير كان تتخللها فترات عودة قصيرة للعمل لاكمال دراسات عليا وبعدين أجازة تانى

المهم انى الآن عايزة آخد رايكم واكيد ناس كتير مروا بالتجربة دى

الى متى يفضل( بضم الياء) ان يستمر الوضع كدا

للى جربوا وضع زى دا ياترى جه عليهم وقت حسوا انهم لازم يرجعوا للشغل ؟

طيب كان امتى ؟

ياريت تشاركونا بخبراتكم وتساعدونى انى اقف وقفة تانية مع نفسى

[mekkawy]

مممممممممم

نفكر ... بس موضوع النفس ده موضوع كبير أوي ... بل هو أصعب موضوع

اختيار موفق مسز ترنيم

مكاوى ... و لنا عودة

تم تعديل 17 أبريل 2010 بواسطة mekkawy

[ترنيم]

مممممممممم

نفكر ... بس موضوع النفس ده موضوع كبير أوي ... بل هو أصعب موضوع

اختيار موفق مسز ترنيم

مكاوى ... و لنا عودة

وانا فى انتظار رد حضرتك وكل الأخوة والأخوات اللى فى المحاورات

ربنا يهدينا للخير جميعا ويرضينا به

[اغابي]

ميرسي يا ترنيم على موضوعك الجميل دااه

انا حاليا فى وقفة مع نفسي علشان احسم موضوع وابت فيه نهائي واوصل لحل يريحنى

- لكن فيه قرار بيبقي صعب و مش قادرة اخده لوحدى عاوزة حد يشاركنى فيه او يشجعنى انى احسم الامر

لكن التردد اكيد مشكلة المشاكل

انا لى طبعا وقفة مع النفس فى كل يوم وانا بقعد كتير مع نفسي واراجع واحلل واحسب كتير من الامور اليومية .

وانشالله حاحسم الموضوع بتاعى واخد قرارى ولحظتها اول مكان حاتكلم فيه وابشركم عن ننفيذ القرار داه حيكون موضوعك يا ترنيم .

لكن لى سؤال يا جماعة - هل الصدق مع النفس ومع الاخرين مشكلة ؟؟؟؟؟؟؟؟؟؟؟؟

تحياتي

اغابي