وزير الهباب لغى الأنتساب

[se_ Elsyed]

إعجن يا عم الحج ما هو لا حد بيحاسب ولا بيراجع وخليها ضلمه

وبدل ما بنشجع التعليم زي الدول الأخرى ...

لأ إزاي ؟

نشجع الناس إنها تبقى بلطجية وعواطلية ومقضيينها

والله يا جماعه اللي أحتك بالهنود في دول الخليج بالذات يعرف قد إيه إن بلدهم دي محترمه وولا عندها تعقيدات وخزعبلات زي اللي عندنا .. ويعرف إن ثلاثة ارباع الموجودين هنا دول كانوا كفتجيه ... لكن الدولة شجعتهم وفتحت معاهد خاصة وكورسات .. ويالا يا عم الحج بقيت مهندس ولا محاسب ...

واهو شخص بينفع نفسه وبلده

ما بأقولش واحد معاه إعدادية يبقى طبيب او مهندس

لأ

لكن على الأقل سهل له حاجه إدارية يدرسها ويبقى محترم

أما نحن

فلا حول ولا قوة إلا بالله العلي العظيم

أعلن الدكتور هانى هلال وزير التعليم العالى والدولة للبحث العلمى أنه سيتم إلغاء نظام الانتساب والانتساب الموجه بالجامعات اعتبارا من العام القادم . مشيرا إلى أن الحوار مازال مفتوحا حول سياسة القبول بالجامعات مع تطوير نظام الثانوية العامة .

وكان وزير التعليم العالى يتحدث في لقاء مباشر أجراه اليوم مع زوار الموقع الاليكترونى للحزب الوطنى وأداره الدكتور على الدين هلال أمين الاعلام

وقال وزير التعليم العالى إن العمل الحزبى أو العمل السياسى لصالح فئة أو جماعة تستهدف تسيير المجتمع طبقا لتوجهاتها وبأجندتها الخاصة مرفوض داخل الجامعة . وشدد على أننا لا نريد طلابا بمثابة عرائس تتحرك باتصالات تليفونية داخل الجامعات .وأشار في الوقت نفسه إلى أن الطالب يتم تثقيفه سياسيا داخل الجامعة وأنه لا حظر على الحوار أو النقاش مع كافة المسئولين بالدولة فى كافة سياساتها الداخلية والخارجية وأن الطالب والاستاذ الجامعي لهما كل الحماية داخل أسوار الجامعة .

وأكد الدكتور هانى هلال عدم تعرض الحرس الجامعى بأى شكل للطلاب . وقال إن الأمن المدنى هو المنوط به التدخل لفض النزاعات بين الطلاب . ونفى قيام الجامعات بتزوير الانتخابات الطلابية ، موضحا أنه تم اصدار لائحة طلابية جديدة بناء على رغبة الطلاب . وقال إن العبرة ليست باللائحة ولكن بممارسة العمل الطلابى داخل

الجامعات.ونفى الدكتور هانى هلال نيته في ترشيح نفسه فى الانتخابات البرلمانية المقبلة سواء كانت انتخابات التجديد النصفى لمجلس الشورى أو انتخابات مجلس الشعب فى العام الحالى .

وأعلن وزير التعليم العالى أنه اعتبارا من العام القادم سيتم إلغاء نظام الانتساب والانتساب الموجه بالجامعات وسيتم توجيه الطلاب إلى أنماط أخرى من التعليم مثل التعليم التبادلى والتعليم المفتوح والذى يستوعب أعدادا كبيرة من الطلاب التى تعمل وتتعلم فى ذات الوقت .

ونفى الدكتور هانى هلال وجود أية طبقية أو تمييز بين طلاب الجامعات الخاصة وطلاب الجامعات الحكومية . مشيرا إلى أن الجامعات الحكومية فى مصر تضم مليونا و 600 ألف طالب وطالبة فى حين تضم الجامعات الخاصة 60 ألف طالب فقط .

وأشار إلى أنه سيتم إنشاء العديد من الجامعات الأهلية فى المرحلة القادمة وأن هذه الجامعات تختلف عن الجامعات الخاصة فى عدم استهداف الربحية .وأوضح أنه لا يوجد عدد كبير من الجامعات الأجنبية فى مصر ، إذ توجد الجامعة الأمريكية وجامعة سنجور والأكاديمية العربية للعلوم والتكنولوجيا وهذه الجامعات لديها اتفاقيات مع مصر وتخضع لرقابة وزارة التعليم العالى أما باقى الجامعات فهى مصرية مائة فى المائة وبرأسمال مصرى .وشدد الدكتور هانى هلال وزير التعليم العالى والدولة للبحث العلمى على عدم وجود أى نية لخصخصة الجامعات وأن النية تتجه إلى مزيد من استقلالية الجامعات خاصة فى ادارتها الأقتصادية . مشيرا إلى أن ميزانيات الجامعات تأتى مباشرة إليها من وزارة المالية دون المرور على الوزارة .

وردا على سؤال حول خطة وزارة التعليم العالى لسنة الفراغ فى الجامعات والمقرر أن تكون العام القادم ، وصف الدكتور هانى هلال هذه السنة بأنها "سنة البركة" لأن عدد الطلاب الذين سيلتحقون بالجامعات لن يزيد على 15 بالمائة ممن يقبلون كل عام إلى جانب ما يقرب من 15 بالمائة من الطلاب الراسبيين ما سيمكن الجامعات من تنفيذ اصلاحات داخلية في هذه السنة .

[ابوهنا]

طبعا خطوه عظيمه احييه عليها

الانتساب ده احنا بنضحك على نفسنا

طالب فشل فى الثانويه العامه نيجى نعمله نظام يخليه ينام فى البيت وفى اخر السنه يقرا كلمتين وياخد شهاده

يا استاذ س س انظر الى خريجى الانتظام ...حاجه تحزن ...مابالك بالانتساب

[se_ Elsyed]

طبعا خطوه عظيمه احييه عليها

الانتساب ده احنا بنضحك على نفسنا

طالب فشل فى الثانويه العامه نيجى نعمله نظام يخليه ينام فى البيت وفى اخر السنه يقرا كلمتين وياخد شهاده

يا استاذ س س انظر الى خريجى الانتظام ...حاجه تحزن ...مابالك بالانتساب

مش احسن ما يضرب بانجو يابو هنا ؟؟؟

وإذا كان ده بيحصل يبقى العيب في النظام

النظام :lol:

لكن لو هو فاشل ... فكونه يُقدم على خطوة زي دي .. فده شيء ممتاز

والله أعرف زملاء لي .. ظروفهم أضطريتهم يلتحقوا بدبلوم صنايع او تجارة ... وبالعزيمة كملوا وحصلوا على شهادات جامعية ..

يبقى تحرمهم من ده ليه ؟

خد الزبدة بقى يابو هنا

الهدف من هذا يا صديقي إنه يُنعش تجارة الجامعات الخاصة ....

مش عشان جودة التعليم ولا دياوله

----------

ما رضيتش أنزل لكم بكل أخبار هاني بيه هلال اللي بقى له 5 سنين نايم وبعدين أفتكر إنه وزير تعليم عالي

خدوا دي ...

من العام القادم البيه هايلغي الكتاب الجامعي .. وكله هايبقى توماتيكي توماتيكي وبي دي أف مع حفظ حقوق الأساتذه المؤلفين .. وممكن يعمل طبعاً باسورد ولا حاجه عشان الكوبي والبيست والمالتي يوزر

طب بالله عليك ..

أهالينا وأخواتنا في الأرياف مثلاً ... يعمل إيه وهو عُمره ما شاف جهاز كمبيوتر أو ظروفه ما تسمحش له ؟

وبعدين مش تعلم الناس الاول مباديء كمبيوتر وبعدين تطلب منهم إن كل واحد يبقى معاه لاب توب ورايح جاي به في الجامعه ؟

شيء غريب والله وكإن الناس دي من عالم تاني

[اغابي]

طيب مش الاول يتطوير التعليم فى الابتدائي والاعدادى والثانوي وخاصة التطوير فى الثانوى

وعلى هذا الاساس يبدأ العمل بقوانين جديدة للجامعات والمعاهد تناسب مع هذا التغيير والتطوير فى مراحل التعليم

داه فكرونى بموقف بجد مش هزار

المنطقة بتاعتنا سفلتوا الشوارع كلها تمام

استعدو للمفاجأه

بعدها بشهر بالظبط

بدأ حفر جميع الشوارع ( وانا كان صعبان على اوى الاسفلت الجديد اللى لونه كان اسود وملحقناش نفرح بيه )

المهم بدأ الحفر فى الشوارع من جديد لتركيب انابيب وبايبات الصرف الصحى

ولما ناس فى العمارة اتكلموا مع المجموعة اللى جايين عمال ومهندسين من مجلس المدينة على اساس انهم بكدا بهدلو الاسفلت الجديد والناس ما لحقوش يفرحو بيه

تخيلوا الكلام اللى اتقال ايه

ياعم الناس الكبيرة عاوزة تسترزق برضوه -

يعنى المجموعة اللى واخدين العهدة المالية لسفلتتة الشوارع استعجلوا لان طبعا التكلفة الحقيقية اقل بكتير من التكلفة اللى بيطلبوها من صندوق الميزانية اللى مخصصة لرصف وسفلتتة الطرق .

وبكدا حيستفيدو مرتين يرصفوا - الشوارع - مره قبل انابيب وبايبات الصرف الصحى ومرة بعدها واهو كله يسترزق من المال السايب .

فـمـوضــوع الوزيــر الهــباب فكرنـــى بنفــس القصـــة

زيادة عن كدا بيقفلوا كل الابواب قدام الشباب اللى على درجة او اتنين نقصهم فى ثانوي ينتسب للجامعة ويبقي عنده حلم اتحقق

:lol:

[اغابي]

طبعا خطوه عظيمه احييه عليها

الانتساب ده احنا بنضحك على نفسنا

طالب فشل فى الثانويه العامه نيجى نعمله نظام يخليه ينام فى البيت وفى اخر السنه يقرا كلمتين وياخد شهاده

يا استاذ س س انظر الى خريجى الانتظام ...حاجه تحزن ...مابالك بالانتساب

لا ...... يا ابو الهنا .......هنا ...... لنا وقفة ........ انا اعترض

فيه طلبة كتيررر اوى فى ثانوى ممتازين بس الحظ بيخونهم على كام درجة - وطلبه فاشلين وبيظهر فشلهم اكتر فى الجامعة

بعدين وداه بس كان ليهم حظ فى النتيجة .

بالعكس اللى فى انتساب كانو بيذاكرو احسن مننا احنا اللى فى انتظام وكمان كانو بيدفعوا مبلغ كبير ومالهمش سكن فى المدينة الجامعية مع انهم كانو افضل بكتير من استهتار اللى فى انتظام .

:lol:

[عنبو]

هو ليه عاوز يلغى الانتساب

لو علشان يقلل عدد الطلبه هنقوله الطلبه الانتساب بيكونوا لوحدهم

لو علشان يوفر فى الميزانيه هنقوله اساساً الانتساب بيكون فى الكليات النظريه يعنى كل الموضوع مدرج اللى اساسا موجود بالفعل والاستاذ اللى هيشرح الماده برده موجود بالفعل اما بالنسبه للكتب فالكل بيدفع تمنها والدكتاره بيعملوا اعلى سبوبه من الكتب فى الكليات النظريه

لو علشان المجموع هنقوله مهو هيروح يقدم فى جامعه خاصه وهيحصل على بكالوريوس وهتعترف به يبقى ازاى رفضت الاعتراف به ورجعت اعترفت به فى الاخر

لو علشان يساعد الجامعات الخاصه هنقوله توكل على الله والخيره فيما اختارها الله

احسن حاجه فى دولتنا انها بتلغى حاجه وخلاص بدون البحث عن بديل

طيب فيه ناس كتير قووى ظروفها لا تسمح انها تدخل اولادها جامعه خاصه اذا كان اساسا بيدخلوا انتساب بالعافيه

دول يعملوا ايه يعنى ؟ معرفش

[joo]

دى مصيبة كبيرة ازاى يطلع قرار زى دة اتجنن ولا اية امال الشباب هيعملو اية دى كارثة كبيرة

اكيد طبعا هو واخد مبلغ وقدرة من الجامعات المفتوحة علشان اللى ميتقبلش فى الجامعات الحكومية

يدفع دم قلبة فى الجامعة المفتوحة

وا حصرتاة عليكى يا مصر ولادك بيمرمطو فيكى

استغفر اللة العظيم المواضيع دى بتحرق دمى

[Tafshan]

الحزب الوطنى بدأ الشغل : بيشغل الناس و يعد كده يطلع قرار رئيس الجمهوريه ليرفع الغمه و عشان كده احنا اخترناه ..

الفيلم ده شفتوه قبل كده ..

[engmido]

حسبى الله ونعم الوكيل فى كل من اراد بمصر وبهذا الشعب سوءا

سواء بالقراارات الخاطئة العشوائية

او حتى لو شوية هيصة للابعاد والتعتيم على مصيبة اكبر او المصيبة الكبيرة

[Diab]

سوء النية واضح جدا لانعاش الجامعات الخاصة

لكن ده مش دليل خطأ ان يبقي في حاجة اصلا اسمها انتساب

ممكن يكون البديل في العالم كله هو distance learning

مع الفارق

برضه حكاية التعليم الجامعي اساسا المفروض ان مفيهوش كتب لانه بيعتمد علي تسجيل الطالب لمحاضرات المادة من وجهة نظرة مش من كتاب الوزارة

مش فاهم ايه المشكلة في كدة

[أسد]

الحقيقة أنا مش قادر أقول رأيي بوضوح في هذا الموضوع ...

ولكنه من حيث المبدأ .. يروق لي ..

والسؤال هنا ..

ماهو الأكثر أهمية بالنسبة لنا ..

الكم .. أم الكيف ...

بمعنى .. كم خريج يمكننا أن نخرجه من الجامعة .. وكأننا في سباق لتخريج أكبر عدد من حملة البكالوريوس والليسانس .. بغض النظر عن مستواهم التعليمي والمهني .. وقدرتهم على الإضافة في المجتمع ..

أم هل نخرج عدداً أقل بجودة أعلى .. ونستفيد من باقي العدد الذي لم يكن التعليم والإرتقاء بالمستوى التعليمي على رأس أولوياته فخرج من السباق بمجموع قليل لم يؤهله باللحاق بالجامعة ... ونعيد تأهيل هؤلاء للإستفادة منهم في وظائف ومهن وحرف أخرى ..

والذي يجعل البعض في وجهة نظري غير متفقين مع قرار الوزير .. فقط أنه صادر عن وزير في حكومة .. في عصر الرئيس حسني مبارك ..

الثقة مفقودة وغائبة تماماً ..

والسؤال الآخر ..

هل كل مايصدر عن الحكومة المصرية هو رجس من عمل الشيطان .. أم أنهم قد يقولون أمراً مفيداً ؟؟؟؟

[elmohager]

الحقيقة أنا مش قادر أقول رأيي بوضوح في هذا الموضوع ...

ولكنه من حيث المبدأ .. يروق لي ..

والسؤال هنا ..

ماهو الأكثر أهمية بالنسبة لنا ..

الكم .. أم الكيف ...

بمعنى .. كم خريج يمكننا أن نخرجه من الجامعة .. وكأننا في سباق لتخريج أكبر عدد من حملة البكالوريوس والليسانس .. بغض النظر عن مستواهم التعليمي والمهني .. وقدرتهم على الإضافة في المجتمع ..

أم هل نخرج عدداً أقل بجودة أعلى .. ونستفيد من باقي العدد الذي لم يكن التعليم والإرتقاء بالمستوى التعليمي على رأس أولوياته فخرج من السباق بمجموع قليل لم يؤهله باللحاق بالجامعة ... ونعيد تأهيل هؤلاء للإستفادة منهم في وظائف ومهن وحرف أخرى ..

والسؤال الآخر ..

هل كل مايصدر عن الحكومة المصرية هو رجس من عمل الشيطان .. أم أنهم قد يقولون أمراً مفيداً ؟؟؟؟

:unsure: :happy: :ninja: :blink:

معاك في كلامك

والذي يجعل البعض في وجهة نظري غير متفقين مع قرار الوزير .. فقط أنه صادر عن وزير في حكومة .. في عصر الرئيس حسني مبارك ..

الثقة مفقودة وغائبة تماماً ..

؟

:lol: wst:: wst:: wst:: wst::

مش احنا السبب في كده يا جميل

[ذهبية]

كل حاجة بقت ببتباع حتى التعليم كل حاجة بقت خاصة حتى العلم

الفكرة مش اان الفكرة فينا بعد

يعنى هيكون الجامعات الخاصة هى القاعدة و الحكومة هى الشواذ

يعنى هيتحكم ىف التعليم برضة رجال الاعمال و مش هيكون العلم رسالة سامية لكن بيزنس بالمكسب و الخسارة

مش هيكون للفقير اى حق فى الاعتلاء و نقلة من مستوى طبقى ادنى الى اعلى

هيكون للمال هو اللغة الاولى و الاخيرة

عندك فلوس تتعلم معندكش لازم و لابد تكمل جهل اهلك و تطلع زيهم

رجوع طبقة البشاوات اللى بتعلم ولادها بفلوسها لا برة لا جوة و الفقراء اللى بيخدموا فى جنينة الباشا وسايس الجراج

يعنى عملتوا حاجة حلوة جدااااا

مسكتوا من اول الرادق من ثانوية عامة بدل ما تحلوا مشاكلها لا عملتوا لها فلترة علشان محدش يعرف يدخل جامعة

واللى يقع منها ولاد الغنى بس اللى يشترى لابنة جامعة خاصة على مزاجة و الفقير يروح ينام فى بيتة

[وليد صفوت]

التعليم حق لكل البشر...

و خطوة إلغاء الانتساب للجامعات لابد ان توافقها خطوة إلغاء نظام التنسيق؛ لأن التنسيق هو المتهم الاول فى تكديس الطلاب فى كليات هم لا يرغبون فيها بينما النظام لابد ان يكون مبنى على إرادة الطالب لدراسة التخصص او المجال الذى يرغب هو فيه... نظام القوة العاملة انتهى منذ زمن إلا من نظام التنسيق هذا... و إلغاء الانتساب معناه ان يتم توزيع الطلاب على معاهد الخدمة الاجتماعية و اللاسلكى و بالتالى لا يخدم الكيف مقابل الكم كما قال استاذ أسد، بل يخدم نظام الرقّ الذى هو فى طريق العودة الأن.

تحياتى

[Sherief AbdelWahab]

لازم نفرق بين حاجتين..

الانتساب الموجه اللي بيبقى بمصاريف .. طالب ما نجحش قال يدخل بمصاريف..

والانتساب اللي بينتج عن نجاح واحد في دبلوم فني بيأهله لدخول كلية في النظام الجامعي..

أنا مع النوع التاني .. ومع إلغاء الأولاني..

ومتفق مع كل حرف قاله العائد العزيز وليد صفوت..

ولكن..

ولكن في المقابل حنكتشف إن الناس كلها عايزة تدخل كلية واحدة أو مجموعة كليات ..

وحتكتشف كمان إن مفيش اتجاه واضح ولا محدد لسوق العمل عليه طلب إيه.. ممكن يبان لي ولك ولينا إن طلب سوق العمل كبير قوي قوي قوي قوي قوي على تخصص ما في سنة ، ويقل قوي قوي قوي قوي قوي قوي قوي قوي قوي في السنة اللي بعدها .. زي ما حصل مع السياحة والفنادق في التسعينات.. ودة شيء غريب ومش صحي.. لا الناس ولا الحكومة ولا حد عارف سوق العمل عايز إيه..

ودة أدعى إن نلاقي عندنا ناس عندها خيال في دوائر صنع القرار تبتكر لنا نظام يربط التعليم بسوق العمل ، ويخلصنا من التنسيق اللي أعتقد إنه حان وقت ضربه رصاصتين..

خلص الكلام

[مصرية اوى]

الغاء الانتساب مش هيعود بالسلب على الطلبة

بالعكس دا فى صالحهم

لانه كده كده كانوا بيحضروا غالبا مع بعض مع الانتظام فى المحاضرات

لكن السكاشن لا

انما لو كانوا جميعا انتظام هيستفيد اكتر وبطريقة شرعية مسموح بيها له

وطبيعى الجامعة المفتوحة والجامعة العمالية مستمرين فى اداء رسالتهم اللى اشبه برسالة الانتساب

بالعكس داكده طريق لأصلاح خطأ كان موجود

ونمنى تستمر الاصلاحات فى التعليم ككل ...

[justme]

باختصار العملية دي سمك لبن تمر هندي

يعني اي قرار بس المهم البيزنس

الموضوع ليس كم ولا كيف

الموضوع سبوبة

يا جماعة انا اتحدى اي طالب في اي جامعة واتخرج ولقى اللي بيدرسه هو نفسه مش متأخر كام سنة على الاقل عن الموجود ما عدا بعض الاقسام في الكليات العملية

يعني المهندس ولا الدكتور ولا ولا

نيجي بقى للنظري

حدث ولا حرج

الخلاصة التطوير يبدأ بانشاء نظام عادل مفيهوش محسوبية يكون هدفه انه يخرج ناس فاهمة مش زيح واقلب الدفعة اللي بعدها

انا فاكر في جامعتي لما طلعوا قرار ان كل الطلبة تدرس حاسب آلي

المادة كان كتابها بتاع دكتور من تجارة و معاه نائب رئيس الجامعة وكام واحد مشتركين

ومحسوبين بيدرسوها كلهم

شوفوا بقى كام طالب في الكليات كلها واضربوهم في 5 جنيه مثلا ان مكانش اكتر

والاسم تطوير المنظومة

دلوقتي ال icdl

مفروضة على الكل

بس فيها فلوس لووووووز

ما علينا

كان نفسي اسمع انهم عملوا جامعات صيفي علشان اللي زينا

ولا طوروا البحث العلمي في الجامعات

ربنا يهدي

[أسد]

التعديلات والتغييرات التي تحدث في منظومة التعليم بناء على قرارات الوزير المختص ..

هي بكل وضوح .. ومما لا يدع مجال للشك ... هي أمر فاشل ..

وخطأ فادح ..

لأن العملية التعليمية تبدأ منذ مرحلة ماقبل المدرسة .. أي في سن الرابعة من عمر الإنسان .. إلى مرحلة التخرج من الجامعة .. للحاصلون على البكالوريوس ...

وبالتالي .. أي قرار يصدر عن وزير .. فهو سيختص بمرحلة معينة .. أو بفئة محددة .. وهذه عملية ترقيع ..

المنظومة كلها تعمل مع بعض .. بشكل متناغم ومتكامل ..

التغيير والتعديل .. يجب أن يكون مبني على إستراتيجية واضحة .. محددة المعالم ... والأهداف .. وواضحة الخطى .. ولها مجموعة من الخطط .. والتعديلات مرتبطة بجدول زمني محدد ومعلوم ..

ما سوى ذلك .. مهما كان إيجابي وجيد .. لن يتعدى كونه قرار عشوائي ... للترقيع .. يحدث صدى ولا يحدث تأثير ..

ولن يفيد ...

[Sherief AbdelWahab]

بالمناسبة..

هل ألح أحد على ضرورة أن يكون وزير التعليم ضمن مجموعة عمل وزارية تتعهد ملف التعليم .. مكونة من وزير تعليم ، وزير تعليم عالي ، وزير قوى عاملة مثقف سوي نفسياً (مش متوافر دلوقت) ومن يمكنه داخل مجلس الوزراء تكملة عمل هؤلاء؟

هل ألح أحد على ضرورة أن يكون ملف التعليم مسئولية حكومة كاملة لا مسئولية شخص واحد؟

هوة احنا مستنيين الناس تعمل كل حاجة من نفسها؟

خلص الكلام

[عادل أبوزيد]

قرار إلغاء الإنتساب يعود إلى عام 2008 ليبدأ تطبيقه من عام 2010 و المسمى عام الفراغ و سيتم تطبيقه على المقبولين الجدد فى الجامعة إضغط هنا لقراء مقال عن إلغاء الإنتساب بدءا من عام 2010 و المقال منشور سنة 2008 و هو خطوة إصلاحية فى طريق تحسين منظومة التعليم.

ما سبق كان إستهلالا لابد منه

فى كتاب "ساعة عدل واحدة .. تعدل سبعين سنة من الصلاة المقبولة" الصادر عن دار الهلال فى فبراير سنة 2009 هذا الكتاب مؤلفه أستاذ طب إنجليزى كان يعمل بالقصر العينى فى الفترة من 1937 و 1943 و يعرف الكتاب بالكتاب الأسود عن أحوال المستشفيات فى مصر إضغط لتصفح مقالات بلال فضل عن هذا الكتاب (ثلاث مقالات)

و حتى لا أستطرد و أخرج عن الموضوع فى هذا الكتاب موقف معين من التعليم الجامعى - الطب بالذات - حيث قرر النحاس باشا مضاعفة عدد المقبولين بكلية طب القصر العينى بحجة أن البلاد فى حاجة لمزيد من الأطباء و عارض الأستاذ الإنجليزة القرار بحجة أن هذه الزيادة ستكون على حساب جودة التعليم أو بمعنى أصح صحة أبناء الوطن و كانت معركة حامية إنتهت بمضاعفة عدد المقبولين فى كلية الطب من 100 طالب إلى مائتى طالب فما كان من الأستاذ الإنجليزى إلا أن ألف هذا و قام بتوزيعه على مسئولى الرأى فى مصر على طريقة توزيع المنشورات السرية.

بالمناسبة أدعوكم لقراءة هذا الكتاب فستجدون أن مشاكل التعليم الطبى فى سنة 1937 هى نفس مشاكل التعليم الطبى سنة 2010.

و حتى لا أستطرد أو يفقد قارئي سياق الحوار أقول أن المشكلة دائما بين الكم و الكيف من الناحية السياسية نحن فى حاجة لمزيد من الأطباء .... الحل زيادة طلبة الطب .. و ماذا عن الجودة و مصداقية التعليم ؟

فى عام 1957 حدثت أزمة برلمانية بين كمال الدين حسين وزير التربية و التعليم آنذاك و بين البرلمان (مجلس الأمة آنذاك) حيث طالب البرلمان بزيادة الطلاب المقبولين فى الجامعات و أصر كمال الدين حسين على الرفض و قدم إستقالته - موقف شجاع - و لكن تم بعدها أن عدل عن إستقالته بالوصول إلى حل وسط لا أذكر تفاصيله.

الأصل فى التعليم أن يكون تعليم و ليس شهادة أتفق مع كل الدعوات التى تدعو إلى إتاحة التعليم للجميع هذا أمر ليس عليه غبار و لكن أن تخرب التعليم الجامعى و ننحدر به لحساب زيادة الحاصلين على شهادات فهذا مالا يصح و هذا ما نعانى منه.

و للحديث بقية ...