اذهب إلى المحتوى
محاورات المصريين

رفع الكلفه بين الزملاء

فــيــروز
 مشاركة

Recommended Posts

فــيــروز عضو جديد

فــيــروز

بتاريخ:
بتاريخ:

العمل الذى اقوم به يتطلب الاتصال بالكثير من الزملاء فى الفروع المختلفه :)

ولهذا كثير ممن اتعامل معهم اعرفهم و يعرفونى صوتيا فقط

ممكن نلتقى بعد كده لو فيه تدريب على حاجه جديده مثلا او لو قام احدهم بزيارة الفرع الذى اعمل به stnd::

المهم ان العلاقه الصوتيه دى هايله و ممتازه لانها فى الغالب تكون رسميه 100% cl:

لكن لو حدث و احد الزملاء او الزميلات تعامل معى بصوره شخصيه تبدا المشكله :)

لان البعض يرى ان التعامل الشخصى يعطيه الحق فى رفع الكلفه !! كمثال على هذا احد الزملاء كان تعاملى معه عن طريق التليفون .. وبالطبع لانى لا اعرفه كان كلامى معه بطريقة "يا استاذ فلان" او "حضرتك" و "سيادتك" pmp::

المهم الاستاذ فلان و بعض زملائه كنا بندربهم على برنامج جديد و طبعا التقيت بهم

وكما توقعت كان راجل كبير .. يعنى انا لم اخطئ حين قلت له حضرتك و سيادتك :D

لقيته مره بعد كده وانا باكلمه و باقول له حضرتك بيقول لى : حضرتك ايه و استاذ مين قول لى يا فلان من غير القاب mf-:

انا تنحت الصراحه لان الموضوع صعب خالص .. ولا يليق ان ارفع الكلفه بينى وبينه بهذه الطريقه .. رغم انها لمصلحته هو يعنى هو من البدايه ينادينى باسمى مجردا بينما انا اصر على التعامل الرسمى .. يعنى هو مش خسران اى حاجه :D

فيا ترى ما هى القواعد التى ينبغى اتباعها فى مثل هذه الظروف؟ وهل يليق ان يرفع الجميع الكلفه بينهم وبين بعض !! fsh::

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Farida عضو جديد

Farida

بتاريخ:
بتاريخ: (معدل)

عزيزتى فيروز

ولو انى مش بادخل الباب ده كتير بس انتى دايما تجرى رجلى لأبواب جديده ...و كمان خرجتينى من حالة اكتئاب مزمن ......المهم روشته سريعه انا باعمل بيها دايما .....(لا تخضعى بالقول فيطمع الذى فى قلبه مرض)....هو ده خلاصه الكلام كما أمرنا الله عز و جل...ممكن تتكلمى فى اى موضوع طالما التزمتى بهذا الشرط .....وعلى فكره افتكرت و انا باكتب فيلم أفواه و أرانب ...كانت فاتن حمامه ركبت عربيه نقل علشان تهرب من بلدها و فى الطريق السواق بيقولها ما تقربى منى شويه قالت له بمنتهى لؤم الفلاحين ...سوق يا خويا سوق ربنا ينور لك طريقك و يرجعك لعيالك بالسلامه و قالت له على دعاء يقوله لما يخرج من بيته !!!!!!و خلص الموقف ...و فوقت الراجل بطريقه غير مباشرة

تم تعديل بواسطة Farida

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

كلام الأخت فريده صحيح 100% :) stnd:: mf-:

حدود العمل لايجب أن تتجاوز حدود الرسميات إلا لو كان هناك علاقة صداقة قامت خلال العمل وخرجت عن إطاره

حتى لو كان السن واحده أو متقاربه فيجب ألا تخرج حدود التعامل عن الشكل الرسمي طالما داخل نطاق العمل ولم تتعداه وخصوصا خصوصا إذا كانت بين جنسين مختلفين

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ:

يا شماتة تانت ظاظا فيا cbyb:

والله يا جماعه الموضوع لا فيه خضوع بالقول ولا بالفعل

بدليل ان باقى الناس اللى باتكلم معاهم بيتعاملوا معايا عادى خالص ومحدش فيهم طلب رفع الكلفه غير هذا الزميل

لكنى لم اتعرض لموقف مماثل من قبل .. يعنى التيم ليدر بتاعنا كل الناس تناديه باسمه مجردا وانا رغم مرور سنه لى معاه فى الشغل لا ازال اناديه بلقب يا باشمهندس فلان .. لكن قلت مفروض الواحد يعرف كيف يتصرف فى مثل هذه المواقف المحرجه بردو

المهم روشته سريعه انا باعمل بيها دايما

طيب ما تعطينا مما اعطاك الله يا فريده و تقولى لى كان مفروض اقول ايه .. مانا مش هينفع اقول له سوق ياخويا سوق :)

حتى لو كان السن واحده أو متقاربه فيجب ألا تخرج حدود التعامل عن الشكل الرسمي طالما داخل نطاق العمل ولم تتعداه وخصوصا خصوصا إذا كانت بين جنسين مختلفين

والله يا استاذ داروين هذا هو الحادث فعلا .. لكن بعض الناس قد تحاول الخروج عن هذه القواعد و اكيد هناك سبل للتعامل معهم بدون احراجهم

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
White heart عضو جديد

White heart

بتاريخ:
بتاريخ:

فــيــروز كتبت:

يا شماتة تانت ظاظا فيا

ما عاش و لا كان اللى يشمت فى "فيروزة" المنتدى :)

شوفى يا ستى ...

أن يعجبنى كثيرا ما يطبقوة الفرنسيين فى مثل هذه الحالات ... فهم من البدايه تجدى أحدهم و قد "تشجع" و طرح على الأخر هذا السؤال:

Peut-on se tutoyer?

و هو ما يعنى استبدال ضمير Vous و هى التى تماثل "حضرتك" لدينا، بــ Tu و هى التى تماثل "انت" لدينا!!!

و بنائا على رد الطرف الأخر سيتم التعامل....

كدة دغرى و بدون لف و لا دوران، و الكل يبقى مرتاح...

انا لو مكانك و الأستاذ رفع الكلفه (((من نفسه))) مش هتأثر كتير، صحيح لو فيه حد من المحيطين "القدامى" ما يعرفهوش، و ممكن يفتكروا انه فى درجه أقرب لك لأنه رافع الكلفه، لكنى مش هايهمنى!! بس لو طلب هو منى انى أرفع الكلفه، هنا هاتبقى فرصتى، و هاقوله و بطريقه مهذبه و مباشرة:

لاحظ حضرتك انك رفعت الكلفه بينا من غير استئذانى، و انا ما أعترضتش على الرغم انى ما كنتش مرتاحه لده، فمعلهش سامحنى بعد اذنك، انا افضل أن ابقى على هذه الكلفه ...

و هو تنشئته بقى يا فيروز .... اعتذر و رجع الكلفه بينكم، يبقى انتى الكسبانه، "اتقمص" و خد على خاطرة .... تبقى برضه انتى اللى كسبانه!!!!

بس بينى و بينك من ناحيه تانيه، فيه مثلا رؤساء و مديرين كتير بيطلبوا من "بعض" مرؤسيهم انهم يرفعوا الكلفه معاه!!! ممكن بهذا التصرف يتسبب فى اثارة الغيرة و الأحقاد بينهم، و بين ف "البعض" الأخر اللى ما طلبش منهم دة، .. و دة من رأيي مش فى صالح العمل بالمرة!!!

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

والله يا استاذ داروين هذا هو الحادث فعلا .. لكن بعض الناس قد تحاول الخروج عن هذه القواعد و اكيد هناك سبل للتعامل معهم بدون احراجهم

طبعا في أكثر من سبيل ...

مثلا .. تستمري أنتي في الحفاظ على الشكل الرسمي في التعامل حتى لو تخلى الطرف الآخر عن هذا الشكل

ولو حدث بعد هذا أن إستمر الزميل في التعامل بنفس الأسلوب فلا مانع أبد من تجاهله حين يقوم برفع الكلفه

ولو أستمر الوضع بعد ذلك فلابد في هذه الحاله من لفت نظره بطريقه هادئه في البداية وحتى ولو على سبيل الضحك

وبعد كده مفيش حل تاني غير :) stnd:: mf-:

طيب تصدقي بالله ... أنا كثيرا ما أجد حرج في رفع الكلفة مع الأخوة الأعضاء هنا في المحاورات إلا من أعرف عنه صغر سنه أو من أعلم جيدا أنه سيتقبل ذلك مني بصدر رحب ... فما بالك بالتعامل مع الزملاء في حدود العمل

وعلى رأي المثل ... اللي بيحترم ... بيحترم نفسه

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ: (معدل)

انا فعلا طنشت خالص الموضوع

ولازلت اتعامل معه بطريقه رسميه بدون رفع التكليف

ولو اتكلم تانى فى الموضوع ده يبقى مفيش غير stnd:: mf-: :) وعلى نفسها جنت براقش

:D

طيب تصدقي بالله ... أنا كثيرا ما أجد حرج في رفع الكلفة مع الأخوة الأعضاء هنا في المحاورات إلا من أعرف عنه صغر سنه أو من أعلم جيدا أنه سيتقبل ذلك مني بصدر رحب

حضرتك معاك حق جدا فى هذه النقطه و انا ايضا احاول الالتزام بها قدر الامكان :)

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
ابو يوسف عضو جديد

ابو يوسف

بتاريخ:
بتاريخ:

والله يا أخت فيروز ..

نفس الامر يحدث معى !!!

فعملى يتطلب أن نتحدث مع زملاء لنا فى شركة أخرى أكثر من مرة يومياً

الغريب أن هناك علاقات اجتماعية نشأت عن طريق التليفون ..

واصبحت بعض العلاقات ببعض الاشخاص حميمة جدا

مثلاً ..

نسأل عن أحوال بعضنا البعض ..

ونعرف ان فلانة اتجوزت ..

وفلان ابنه تعبان ..

وعلان عنده مشكلة اسرية ..

وعندما سنحت الفرصة - بعد عام تقريباً - بأن نلتقى ببعضهم ..

كانت المفاجأة !!

من نحسبه صغيراً ونرفع الكلفة معه .(يا باشا و يا جميل و يا عسل ).

نجده قد والدنا !! :)

و من نحترمه جدا (حضرتك و سعادتك و يا افندم )

نجده قد ولادنا !! stnd::

و بصراحة كان التعارف دمه تقيل جدا جدا .. لان الواحد ما كانش عارف يتصرف ازاى ؟؟

و يقول ايه ؟

بس !!!

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ:

نفس الموقف حصل معانا من فتره قريبه جدا :)

كان فيه تدريب لعدد كبير من الناس من فروع مختلفه

وناس كتير منهم بيتعاملوا مع زملائى بالتليفون mf-:

اما حصلت المقابله وبعد ما الناس مشيوا زملائى بقوا يضربوا كف على كف :D من اختلاف الصوره اللى كل واحد كان راسمها فى خياله لشخص من الاشخاص اللى قابلهم من لحظات stnd::

عشان كده التعامل الرسمى بشكل عام احسن و بيريح النفوخ :)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

الواحد منا هو من يقوم برسم هذه العلاقة او تحديدها وبصراحة مافيش إحراج في حاجات زي دي .. واظن إحنا اتكلمنا في موضوع زي ده أثارته الدكتورة شعنونة ...

خاصة بقى لو تعامل بين جنسين مختلفين وفيه كلفه ودانتيلا ...

وضعنا في مصر مختلف ..

أول ما جيت هنا كنت عامل فيها عبدو المؤدب وكل اللي أكبر مني أقول له حضرتك ويا مستر ويا مدام .. بس بعد كده عرفت إن الجو عامل بالظبط زي الغرب يعني المسألة عادية جداً .. يعني على سبيل المثال لو باتعامل مع واحد عربي واكبر مني مرتين بأقوله يابو فلان .. وهما بيفرحوا بكده جداً جداً ..

والاجانب .. يا فلان على طول .. حتى لو هو مين ..

مصر بقى ماقدرش أقول لمديري يابو أبراهيم او لو كانت ست يبقى يا أم علي .. :D دي فيها رفد على طول ..

بس مين يا فيروز " اليتيم ليدر " انا ماكنتش لسه شربت قهوة المساء فقرأتها كده .. فلو سمحتي اعمل حساب الخوداع البصري :P

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
ragab2 عضو جديد

ragab2

بتاريخ:
بتاريخ:

كونه

راجل كبير فى السن ويطلب رفع الكلفة من موظفة فى عمر ابنته مثلا فيها شك فى غرضه

ويبدو أنه متصابى

وهذا يكفى

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ:
بس مين يا فيروز " اليتيم ليدر " 

ده يا سيدى يبقى قريب السيد "يتيم شوكى" ابن عمة "يتيم برشومى" والاتنين من ابناء عائلات ابو قفص و ابو سنجه بمصر و الدول العربيه :P

الحقيقه يا دكتور رجب لو كان من سن زملائى هنا مثلا كان بقى امر وارد يعنى انما هو فعلا راجل كبير ولا يليق ان اناديه باسمه مجردا كده .. هى هيصه !! :D

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ: (معدل)

غلطه سخيفه جدا جدا :P

انا رديت على كلام للاستاذ وايت هارت فى الموضوع على انه كلام للاستاذ داروين cr((:

انا آسفه جدا والله ماختش بالى لان الاتنين بيكتبوا بالازرق mf(

انا آسفه جدا والله لحضرتك معذره انا اما رديت على مداخلة الاستاذ داروين تخيلت ان المداخلتين اللى بالازرق له هو ولم اقصد خالص انى لا اعلق على مداخلة حضرتك cbyb:

ارجو تقبل اعتذارى الشديد rs: rs:

وانا باقول بردو الاستاذ داروين بيتكلم فرنساوى ليه  :D  taz::

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Farida عضو جديد

Farida

بتاريخ:
بتاريخ:

انا مش قصدى اللى فهمتيه انا قصدى تلبسى الوش لما يكلمك أخينا ده و تعملى نفسك مش واخده بالك و قصدى بحكايه فاتن حمامه دى ان الواحد لو حس ان الكلام مش جايب نتيجه اعملى فيها الحاجه زهرة

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ:

مانا عارفه يا فرافيرو انا قلت اعاكسك بس عشان موضوع الاكتئاب المزمن ده :P

على العموم لا خاب من استشار بردو و ادينا خدنا نصايح مفيده من تحت راس الموضوع cr((:

ابقى ابعتى لى رساله خاصه تقول لى فيها مين الحاجه زهره دى  :D

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
ابقى ابعتى لى رساله خاصه تقول لى فيها مين الحاجه زهره دى  :P

لأ بلاش كده .. الرسايل اللي تحت الماء والحاجات دي ..

بعد إذنك يا فريده .. سيبي لي الطلعة دي ...

تعالي يا فيروز يابنتي ( دي كلفه .. خلي بالك .. في عندي دانتيلا وترتر كمان )

الحاجة زُهره دي شومه و تبقى أخت عنكب وده شاكوش خشب كبير الخبطه منه بتسفر وان واي والأتنين طلعوا في فيلم سي عمر ، وكان عبد الفتاح القصري بيستخدمهم في محاربة أعداء الوطن ( شوفتي حتى أسامي الأفلام بتاعت زمان كانت محترمه وفيها كُلفة .. سي عمر .. سي السيد .. الأستاذه فاطمة ... رد قلبي وكده يعني )

س س ترزي بلدي

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ:

يا سلام يا حاج س.س. rs:

الله يعمر بيتك rs:

اهو كده انت رفّيت لي فهمى للموضوع mf(

تخيل ان اول لقاء ليا مع عنكب ده كان فى ورشة الكليه cr((: .. مش ده اللى هو يبقى المرزبه اسم الله على مقامك :D على العموم تسلم ايدك :P

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
afiona عضو جديد

afiona

بتاريخ:
بتاريخ:
تخيل ان اول لقاء ليا مع عنكب ده كان فى ورشة الكليه  .. مش ده اللى هو يبقى المرزبه اسم الله على مقامك

دى بركات عمو قاسم أمين ودخول البنات كلية هندسة ....

ولو إن قسم كهرباء مش هندسة قوى....نص نص....

دى إستهلالة لابد منها....

موضوع الألقاب يمشى حسب الجو العام فى الشغل...

قبل سفرى عملت فى شركة بها أجانب ومصريين وكان العادى إنى أنادى الرؤساء و المديرين بالأسم الأول......هنا كمان كله ماشى بالنظام ده...

ولو إنى أفضل النظام الformal زى النظام الألمانى...

يا لجنة الحكام ... الاهلى بيدفع كام ? ...(من اقوال جماهير الدراويش الماثورة)

7_15_5v.gif

رابط هذا التعليق
شارك
فــيــروز عضو جديد

فــيــروز

بتاريخ:
  • كاتب الموضوع
بتاريخ: (معدل)
دى بركات عمو قاسم أمين ودخول البنات كلية هندسة ....

ولو إن قسم كهرباء مش هندسة قوى....نص نص..

ليه بث كده يا افيونه :P

مانا باقول من الاول يا شماتة تانت طاظه فيا ;)

يا عم ما فى اعدادى هندسه كله بيدخل الورش rs:

هو انا كرهت الرسم الهندسى من شويه cr((:

الله لا يعيدها ايام mfb:

كان فيه مره زميل معانا فى الدفعه مش طايقنى

وكان عندنا مره معمل high voltage وعاوزين ننقل حاجه تقيله مش فاكره هى ايه rs:

ورغم ان المجموعه فيها مثلا ست اولاد و بنتين انا من ضمنهم الاقى الزميل الفاضل بيقول لى شيلي !! flx: قام الدكتور "كنت باحبه جدا والله من قبل الموقف ده" قال له يا محترم رفقا بالقوارير

اهى دى الناس اللى بتفهم .. ربنا يمسيه بالخير الدكتور ده cl:

المهم بقى رجوعا للموضوع

الحمد لله الزميل الفاضل اتثبت فى مكانه ولم يضطرنى اوري له العين الحمرا mf( .. كتر خيره بردو كنت هيبقى موقفى مش ظريف وانا باحرجه :D

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:

أنا بأة وضعى مختلف.... (أشول يعنى.... :P )

يعنى إحنا بنقضى فى العمل وقت أطول بكثير من الوقت الذى نقضيه فى البيت ... يعنى لو العيشة بقت كلها حضرتك و سيادتك و فى الواقع و إذا تكرمت تبقى العيشة مملة جدا و تدعو للاكتئاب العام...

يعنى أنا و زمايلى مثلا ننادى بعذ بالأسامى عادى جدا و بشىء من التحفظ لو العلاقة سطحية جدا و المسافة بعيدة.. أما لو زملاء فى نفس الإدارة مثلا.. عادى نهزر مع بعض طالما هزار عفيف ولا يخرج عن حدود الأدب و أحيانا ننادى بعض ب Nick Names بتكون زى اسم شهرة لكل واحد فينا داخل الإدارة أو حتى الشركة ككل..

المهم حدود الأدب و ألا ندخل فى حيز الابتذال..

فرق كبير بين رفع التكليف و انعدام الاحترام..

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • محمود تركى
      1
      البوليس و المتهم.. فى المجتمعات المتقدمة. الزملاء الأعزاء فى المجتمعات الديمقراطية, يحترم المواطن رجال البوليس, ليس خوفا أو رهبة منهم, و إنما إدراكا
      البوليس و المتهم.. فى المجتمعات المتقدمة. الزملاء الأعزاء فى المجتمعات الديمقراطية, يحترم المواطن رجال البوليس, ليس خوفا أو رهبة منهم, و إنما إدراكا لما يقومون به لحمايته و حماية المجتمع كله. و يلاحظ فى هذه المجتمعات, ندرة تواجد رجال البوليس فى الشوارع بأعداد غفيرة, بل أن عملهم يتم فى شكل دوريات( بدون لوريات, أو كمائن) من عربات البوليس التى لا يزيد عدد راكبيها عن إثنين. و يمنح القانون فى هذه المجتمعات أو الدول, حقوق للمواطن, ثؤكد احترام الدولة له, و فى مقابل هذه الحقوق, فإن المواطن يلتزم باح

      بواسطة محمود تركى
      كُتب

    • se_ Elsyed
      11
      اعتذار واجب للأخوة والاخوات الزملاء
      احببت ان اتقدم باعتذار واجب لكل الاخوة والاخوات الذين ارسلوا لي رسائل لاي استشارات او اخذ رأي في مشاكل تخصهم بالغربة وبجد وقتي صعب وربنا يعلم .. لأن مصر محتاجة اليوم يبقى دوبل لدرجة اني بافكر في تعيين حد بمرتب مجزي عشان يهرش لي بس .. لأني مش فاضي اهرش حتى لكن انا محتفظ بكل الرسائل وهرد عليها كلها خلال ايام قليلة بمشئية الله اقعدوا بالعافية

      بواسطة se_ Elsyed
      كُتب

    • ahmedooooool
      1
      برجاء المساعدة من الزملاء ذوى الخبرة فى السعودية
      بسم الله الرحمن الرحيم انا شاب مصرى انوى ادخال تجارة الى السعودية واريد ان اعرف هل هناك فيزا حرة اشتريها وادخل المنتجات الى السعودية (هى كتب) وهل الفيزا الحرة حقيقة ام وهم وهل بعد ان اشترى الفيزا الحرة تكون هناك عوائق تمنعنى من العمل فى توزيع المنتجات فى السعودية برجاء المساعدة والسرعة فى الرد

      بواسطة ahmedooooool
      كُتب

    • achnaton
      8
      الزملاء الأفاضل فى السعودية .. شاركونى من فضلكم
      الزملاء الأفاضل فى السعودية .. او من يستطيع !! زميل مغترب معنا .. شقيقته عندها مشكلة .. تتلخص أن زوجها - المشلول حاليا - أودع معظم أمواله فى الثمانيات لدى احد شركات الأموال .. الذى هرب صاحبها الى السعودية بعد أن حول أمانات الناس عنده الى حساب خاص فى السعودية .. ثم لحق بها واستثمرها فى عدة مشاريع شخصية هناك .. وفشل النائب العام فى استعادته لمصر او على الأقل ما سرقه من اموال .. الدكتور الذى اصابه الشلل لضياع اموالة .. وبعد طول فترة علاج فى حاجة لاستراد امواله من هذا الثرى ( ظلما باموال الناس )

      بواسطة achnaton
      كُتب

×
×
  • أضف...