عاوز تلعب رياضة وتخس بقى وتعيييش .. اقولك انا ازاي

[ام نور محمود]

من الحجات الجامدة اوى واللى فرق معايا فى حياتى حجتين

1- نط الحبل (ونط الحبل ده بيظبطلك الجسم كله وبالذات الرجلين والضهر صدقونى جامد جدا بس متنطوش على ارض صلبة سيراميك ولا بلاط لانه ممكن يجيب خشونة رجلين نطوا فى جنينة او على ارض رملة)

2- الجرى

فعلا نط الحبل بينزل الوزن جامد لانه بيحتاج مجهود كبير وبالتالي بيحرق سعرات كتير ..

عيبه الوحيد اني قرأت قبل كده انه بيسبب للسيدات ( هبوط الرحم ) انا بصراحه مش عارفه ايه المقصود تحديدا بالمصطلح ده بس شكله كده حاجه مش كويسه ..

عن نفسي بخاف منه من بعد ماقريت المعلومه دي في كذا مكان .. ممكن تكون مش صحيحه بس المغامرة برضه مش مطلوبه في الامور الي زي دي ..

هو لو الكلام ده مضبوط يبقى انا كمان هابطل نط الحبل

هبوط الرحم ده حاجة وحشة جدا جدا جدا .............................................................جدا

بلاش منه الطيب احسن

[نورسين]

ازيك ياضحى

احييكى على الموضوع الجميل ده

وطبعا انتى فاكره السؤال اللى انا كنت عرضته فى توبيك نون النسوه وانتى جزاكى الله خيرا جاوبتى عليه

والنصائح اللى انتى قدمتيها ليا

عايزه اقولك انى عملت زى ما انتى قلتى مع تغيير بسيط هو

انك قلتى ميش اكل حاجه خالص بعد المغرب ....وانا طبعا كان صعب على فكنت باكل سلطه خضراء فقط

والحمد لله فى وقت قصير اهه انا خسيت 2كيلو

لكن بالنسبه للرياضه

مفيش عندى غير رياضه الجرى والنط طول النهار فى البيت ههههههه

[ترنيم]

الرياضة فعلا حاجة مهمة جدا ...بنا يبارك فيك يا ضحى ويجازيكى خير

فاكرين موضوع ام بلال ربنا يكرمها عن التخسيس والله كان جاب معايا نتسجة حلوة جدا

لو تسمحى يا ضحى نحط اللينك بتاع موضوعها عشان يكون موضوعك متكامل للى عايز يخس

http://www.egyptiantalks.org/invb/?showtopic=70541

لان فعلا زى ما صديقتك قالت الرياضة المفروض اننا نستخدمها عشان تكون اجسامنا صحية مش بس عشان نخس

لان اللى عايز يخس اول ما هيبطل رياضة هيرجع زى الاول

[عبير يونس]

الله يسعدك يا دودو يارب

انا الحقيقة كنت مش بيبان عليا قبل كده

و حتى مع تعدد الولادات ما كانش ليا بطن رغم اني مكنتش بألعب رياضة و لا بألبس حزام بطن و الحاجات دي

بس مع البنوتة الاخرانية و من أول الحمل

و انا جسمي بايظ

و مكنتش قادرة أعمل

حاجة اثناء الحمل

و دلوقتي فات 4 شهور ع الولادة

و صحيت من النوم كده لقتيني زايدة كتيييييييييييييير و مش حاسة

و بسبب ملابس كنت بأشتريها فوجئت اني ودعت المقاسات الصغيرة

و بقيت في مقاسات مستر بيج

:P

كنت بأشتري ع المقاسات القديمة و أروح أقيسها في البيت الاقيها مبتدخلش نهائي

( طبعا في السعودية مفيش قياس في المحل)

و اضطر اروح أبدله بمقاس أكبر

و لما جوزي كان بيقترح مقاس أكبر و احنا في المحل

كنت بأبقى حأكله

انه ازاي شايفني كده

:D

المهم الموضوع كان صدمة كبيرة

و تحطمت صورة الفراشة اللي طايرة

و ارتطمت على الأرض بعد أن تحولت إلى فيل

لازم ألحق نفسي

و بسرعة

:blink:

ريحتيني يا ضحى في حكاية بدائل الأجهزة دي

أصل أنا اشتريت أجهزة قبل كده و كان مصيرها قطعة ديكور في البيت

و كان نفسي في السير بتاع المشي ده

حأجرب حكاية الكرسي دي

و عجبتني حكاية زجاجة المياه المعدنية دي بدل الأثقال

تسلم لي نضافة مخك

الله يبارك لك و ييسر لك أمورك زي ما سهلتي عليا المواضيع

:lol:

[Alattar]

او كل راجل بعيد عن اسرته وقدامه مالايقل عن شهر لغايه مايشوفهم

بصراة يا أخت ضحي انتي جيتي علي الجرح..المدام لسه نازلة مصر..و أنا ان شاء الله قدامي حاجة و عشرين يوم

كده ان شاء الله علي ما أنزل..فرصة برضه.

و فيه حاجة كمان أنصح الناس بها..و فيه ناس كتير جربوها..و قالوا انها بتجيب نتائج هايلة..و برضه حاجة صحية جدا جدا

و هي الزنجبيل مع القرفة...فيه واحدة كده دكتورة تغذية اسمها "مش عارف ايه كده"... قالت انهم علي رأس القائمة الخاصة

بحرق الدهون..و ان كوب زنجبيل بالقرفة بعد كل وجبة..كفيل (معلش عذروني في الكلمة الأخيرة دي)..بإذن الله بإنه يحرق الدهون

المتراكمة في الجسم.

الموضوع ده فيه ناس جربوه و قالوا انه بيجيب نتايج جامدة جدا..

أنا شخصيا لما بشرب زنجبيل بحس ان جسمي مولع من جوه..بيسخن الجسم جدا.

وبالتوفيق ان شاء الله

مهو انا ما اعرفش اعمل الحاجات دي غير من 6-7 صباحاً غير كدة مفيش

ياسيدي..ايه الحلاوة دي..

ما تيجي تقعد معايا بأه أحسن..أنا برضه كده...ما بعملش الحاجت العجيبة دي الا بعد صلاة الفجر..

المشكلة ان الفجر دلوقتي في الرياض بيأذن الساعه 3:35

فالواحد بيرجع من صلاة الفجر بيحس اننا لسه نص الليل.

[mekkawy]

ياااااااااااارب أتحرك بأة

يا رب

[فوس فوس]

السلام عليكم

موضوع جميل ومفيد من الاخت ضحى

من الحاجات الهامة التي انصح بها هي شراء سير كهربائي (treadmill) وهو يغني عن المشي في الخارج إذا كان ليس لدينا الوقت الكافي، بعمل بنامج مشي أو جري (هرولة) لمدة ساعة يومياً. في باديء الامر يكون مملاً، لكن مع التعود (يمكن بدء البرناج مع ظبطه على برنامج تلفزيوني يومي حتى لا نشعر بالملل) يصير يسيرا وممتعا

دة مش اعلان تجاري، دة عن تجربة شخصية لزوجتي

تم تعديل 29 يونيو 2010 بواسطة فوس فوس

[مسافر زاده الخيال]

يعني لازم تمارين واكل صحي قليل!!!!!!!!!!!!!!!

طب ما في حل تاني ولو ياخد وقت اطول؟؟؟؟؟؟؟؟؟؟؟؟؟ :lol:

[عبير يونس]

يعني لازم تمارين واكل صحي قليل!!!!!!!!!!!!!!!

طب ما في حل تاني ولو ياخد وقت اطول؟؟؟؟؟؟؟؟؟؟؟؟؟ :ninja:

أخي الفاضل

روح بسرررعة ع الموضوع ده

هنا

يارب ينفعك بيه

و احنا معاك

:)

آمين

[اغابي]

ايهههه الموضوع الجامد داه . . . . . انا ما اخدتش باله منى ازاى ؟؟ :blink:

شوفى يا ضحى .. انا حاتكلم فى نقطة مهمة جدا . .

الرياضة مهمة حتى لو الجسم مش تخين - لو انا مش تخينة لكن برضوه محتاجة ممارسة رياضة اى رياضة بصورة يومية منتظمة

مش معنى انى وزنى مش زايد - يبقى بلاش رياضة . . طيب

ومشكلة الناس اللى فى الخليج انهم معتمدين على العربيات وانا منهم - اقل مشوار بالعربية رايح وجاى . .

طب ايه الحل . . . مفيش مشى زى مشاوير مصر البسيطة و الجامدة دى . . زى السوق والبقال او تزورى اختك او قريبتك . .

كل مشاوير مصر حركة مستمرة طول اليوم

لكن فى الخليج . . الاعتماد كله بيبقى على الالات الرياضية الجاهزة فى ممارسة الرياضة . .

ودى برضوه مشكلة - لانك محبوس فى مكان مغلق زى - اوضتك - وحاسس ان جهاز التمارين داه - علقة سخنة . .

حاجة كدا معنويا زى كورس يومى وبتحس بيه وبتزهق مع الوقت منه حتى لو مشغل تلفزيون او كاست - بعكش المشي فى الشوارع او نوادى مصر

للناس اللى مشتركة فى نادى او الخروج كل يوم فى العصرية تتمشي . .

طيب اعتقد دى المشكلة الوحيد واغلبنا فى الخليج - نعمل ايه والرياضة عاوزة مجهود وارادة ونفس طويل . . وانطلاق وشوارع وجناين

فى الكويت حتى لو نزلتى ممشي بتتعرضي لمعاكسات وقلة ادب . . فوق الوصف وممكن للخطف كمان . .

انا عندى جهاز لشد عضلات البطن وعندى جهاز مشي كالمعتاد زى كل اللى فى الخليج . .

اكيد انا وجوزى زهقنا من الاتنين . . دي حقيقة مؤكدا . . وباعتمد على السباحة فى البحر . . او حمامات السباحة مع ان الجو حاليا فى الكويت صعب جدا . .

روحت الاسبوع اللى فات البحر . . وكان الجو نااااااااااار والميه سخنة ومقرفة ورحتها وحشة . . بس نعمل ايه تعويض للرياضة . .

بس برضوه مش مرة كل اسبوعين نروح البحر هى الحل . . حد عنده حل عملى او اقتراح يا جماعة ينقذنا . .

بس بلاش اقتراح تمشية فى الشوارع لان الجو نار فى الكويت اليومين دول . . mfb:

عاوزة اقتراحات او حلول . .

اغابي

:sad:

[om marawan]

انا قريت الموضوع من يومين ومارضيتش اكتب رد غير لما أبدا فعلا

والحمد لله تم بحمد لله اول يوم والله اعلم بقا هيبقاله ايام تانية يونسوه ولا لأ :sad:)

بس بجد موضوع رائع فعلا تسلم ايدك ياضحى وهتشجعى الواحد يحاول حتى لو نص ساعة كل يوم الصبح

ملحوظة على جنب

بلاش بحر يا اغابى يعنى ايه رأيك جربى تشتركى فى حمام سباحة وتلتزمى بالايام بتاعتك فيه يعنى فرض كده زى الشغل