عيد ميلاد امى حبيبتى سلـــــــــــــوى

[Salwa]

كل سنة وحضرتك بالف خير يارب ..

طبعا مقدرش ادخل بايدي فاضية ابدا..ده عيد ميلاد ست الكل ياجدعان ...

بس اعمل ايه .. منه لله الحج جوجل بقاله من الصبح لغاية دلوقت معلق ..

كنت ناوية اجيب لك من هناك حزمه جرجير قصدي ملوخية اسكندراني وحياتك .. وانتي بقى تشوفي شغلك بالتحديقة والحاجات الي قلتي لنا عليها دي وجرت ريقنا بس ياخساره ... ملناش في الطيب نصيب ..

على العموم انا لي عند الحج عنبي قفص برتقال استلمه بعون الله آخر يناير الجاي .. ان شاء الله ومن غير مقاطعه كده لكي اثنين كيلو .. لاه ثلاثه .. ياااله ان شاله ماحد حوش ..

بس على الله مكنش جيت الحفلة متأخر ..

الا هو المطبخ منين ؟

عزيزتى الفاضلة الأخت / ضحى ..

كل عام وانتى فى افضل حال ويارب دايما بخير ..

يعنى كلامك خللانى اؤجل ردى لليوم التالى ...لأنك كدة جعلتينى اشعر بمدى الخسارة الجسيمة اللى ارتكبتها ف حق نفسى بابتعادى عن كل الأكل الجميل اللى ( كان ) موجود ف مصر ..

تصدقى وتآمنى بالله ؟؟

انهاردة بالذات فوجئت بنشرة (( اقصد ملحق للنشرة الموجودة ))...كنصائح لكل المسافرين الى مصر ....بلاش تاكلوا اى خضار طازج من مصر ف المطاعم ...ابتعدوا عن طلب السلطات الخضرا ..

بلاش تشربوا اى مياه غير معقمة او معبأة فى زجاجت (( مضمونة .. ))..

طبعاااااااا.........بعد قراءتى للعدد الكبير من ....البلاشات ...

ضحكت ...

افتكرت ان اليابانيين ...بيحذروا مواطنيهم من التعامل بالنقود بدون لبس قفاز ...ههههههه...آه والله.

بس مهما قالوا ومهما عملوا .......هو فيه احلى من الملوخية ؟؟

وياسلام على الا تنين كيلو برتقال اللى حضرتك محضراهم لى ...هما دول بقى بكل فيتامين سى اللى فيهم حايقضوا على باقى آثار الفسيخ اللى ان شاء الله حايكون معاهم ....معايا ؟؟ والا مش عايزة فسيخ ؟؟

ربنا يقرب العيد ..ونعيد بقى هناك ..

دمت بكل ود..

[Salwa]

الفاضل / الباشمهندس ياسر..

شكرا جزيلا للتهنئة الجميلة ويارب دايما تكون فى افضل حال واروق بال ..

كل عام وانت اسعد من عام قبله ... :happy:

[Salwa]

ياسوسو رانى ياحبيبة قلبى ..

ياسوسو اعقلى ...

اعقلى يابنتى ..

بقى فيه واحدة عاقلة ف الدنيا دى ...تتمنى تبقى زى سلوى ؟؟؟؟ po::

ده انا عندى كل الموجات منفدة على بعض ..!!..كل الخطوط متلخبطة ...!!!

يعنى عاوزة تبقى ف محاضرة وفجأة تحسى انك لازم تاخدى قهوتك...تقومى تسيبى كله وتمشى ؟؟ ده برضه كلام ... art:)

عايزة تبقى فوق الجبل وتغنى ولا اجدع سوبرانو ....يعنى هو ف الحقيقة فالسيتو .. :happy: ...زى واحدة صاحبتى متعرفيهاش ...متعرفيهاش خالص ..

على فكرة ياسوسو ...نتكلم شوية جد ..

انا كمان بحبك قوى ...قوى ...ووقت لما بشوف حروفك بضحك من قلبى ...

عارفة ليه؟؟

اعترف لك ليه؟؟ وبلاش تضحكى ..؟؟

كل واحدة هنا لها طبع معين وبتعطينى احساس معين ....الاحاسيس كلها جميلة والحمدلله ..

والشئ الغريب ان كل احساس مختلف ....معرفش ليه وازاى ؟؟ ...والمغتربات بالذات بيفكرونى بنفسى ف اول اغترابى ...وكأنى عاوزة آخد من كل فيلم اغنية ..اقصد ..من كل تجربة لأى واحدة فيكم ...فيه اكيد لمحة من تجاربى الاولى هنا ..

انتى بقى ياد/سوسو ...!!

بتفكرينى بنفسى ف......الجرى ..

ياااه....لما بتحكى عن مشاويرك وعن بناتك وعن تعب البنت وعن تعبك ..والشراء ...والكافيه ..وتخليص الاوراق ..

وعشرين مشوار ف يوم واحد وتحضير اللى المفروض تعمليه تانى يوم ...وسؤالك عن كل شئ ...واعتمادك على نفسك ..

ولوحدك مع البنات ..

بحس انى انا اللى بتكلم ...وتصدقى ؟؟ بحس انى (( بجرى لسا وبنهج وراكى لما نشوف حانوصل لفين ؟؟؟ ))..

اجمل حاجة ف الدنيا اننا نوصل للى احنا عاوزينه بمجهودنا احنا ومن غير ما نعتمد على حد الا ربنا سبحانه وتعالى ...

وبما ان محبة الناس دى فعلا نعمة كبيرة ...

بس ممكن اقولك ..

ربنا يحبب فيكى خلقه ياسوسو ياحبيبتى ..

وجودك هنا انهاردة اسعدنى بجد .. :wub: wst::

[Salwa]

ماما سلوى... كل سنة و حضرتك طيبة..

حضرتك تستحقى عن جدارة لقب "ماما"... و على فكرة, حضرتك اول واحدة غير والدتى اقول لها يا ماما.

feliz cumpleaños a ti

ربنا يديكى الصحة و طولة العمر. :happy:

الابن الفاضل / myusername

وحضرتك طيب وبخير وسعادة دائمة ان شاء الله ..

ومليون مبروك عليك العروسة ويابختك بيها ....هى فعلا واضح انها ذكية ...كفاية انها اختارتك ..(( رغم انك فاكر اكيد انك انت اللى اخترتها ))

ده شرف عظيم ليا انك تختصنى بهذا اللقب المحبب الى نفسى فعلا ( ماما سلوى ) ...بعد الوالدة طبعااا...

ربنا يخليك ويخللى لك كل حبايبك ويسعدك وتفرح بولادك واحفادك ... :wub: wst::

[Salwa]

كل سنه وحضرتك طيبه وربنا يجعل ايامك كلها سعاده وفرح

اسف بقى معرفتش اجيب معى حاجه وانا جاى اصل مافيش محلات فاتحه دلوقتى خالص

بقى يعنى ده عذر ؟؟

ياسيد عنبى ...فيه محلات نوباتشيات .. :wub:

بس يعنى ...حضرتك قدمت احلى هدية ....وهى ...تشريفنا بحضورك ..

كل سنة وانت طيب ويارب دايما نتجمع كلنا فى الافراح ...

عاوزين نبارك ونهنى ونقول مبروك عليك كل الخير اللى جايلك ...

يارب قرب البعيد ...

دمت بكل خير.. :happy:

[Salwa]

كل سنة و حضرتك طيبة يا مدام سلوى. انا محصليش الشرف اني اتكلم مع حضرتك قبل كده بس بما ان حضرتك مامة فتفوتة يبقى اكيد اكيد فاتني كتيييييير.

مرة تانيه كل سنة و حضرتك طيبة و عقبال مليووووون سنة

وحضرتك يادامو بألف خير وسعادة ..

ف الحقيقة ربنا كرمنى بابناء من دمى و بأبناء كثيرون (( ليسوا من دمى )) لكنهم فعلا وكأنهم من دمى ..

المحبة لاتعرف حدود او فواصل ...

لاتطلب استئذان ...

ولهذا ارحب بك معنا على ضفاف نهر المحبة هنا..

ربنا يديم المحبة .. :happy: :wub:

[Salwa]

فاتيما يااحن ابنة واطيب ام ..واجمل وردة .

كل ورود الجناين الحلوة اقدمها لك مع ابتسامة وامنية ..

يارب يجعل ايامك كلها هنا وحب وود ..

ربنا يخليكى ويحميكى يافاتيما ..ويخللى لك كل حبايبك . :happy: :wub:

ربنا يسعدك ..

[لونا]

صباح الخير يا مدام سلوى

محرجة أوي إني أدخل التوبيك ده أقول لك كل سنة وانت طيبة

عشان انت ما تعرفنيش

بس أنا عارفاكي و أول ما ألاقي اسمك في موضوع أو مداخلة لازم ادخل بسرعة

باحس إن حد تاني من دنيا تانية بيكتب

مش عارفة أنا باحس انك بتكتبي من مكان فوق .. مش معانا على الأرض

يمكن عشان انت بتحبي تبصي للأشياء بنظرة شاملة و تبصي للأحداث من برة

مش عارفة بس هي دي الحكمة في نظري

كل سنة وحضرتك طيبة :)

[وليد صفوت]

كل سنة و انتى طيبة يا ماما سلوى و عقبال ما تفرحى بكل اولادك جميعاً... و عقبال 234534135 سنة كلهم حب و خير... :lol:

:) :lol: :lol:

[fatfouta]

فاتيما يااحن ابنة واطيب ام ..واجمل وردة .

كل ورود الجناين الحلوة اقدمها لك مع ابتسامة وامنية ..

يارب يجعل ايامك كلها هنا وحب وود ..

ربنا يخليكى ويحميكى يافاتيما ..ويخللى لك كل حبايبك . :) :lol: :lol:

ربنا يسعدك ..

ربنا مايحرمنى منك ولا من كلامك ولا دعواتك اللى بتخينى احس بالأمان

وماتخافيش الاحتفال لسه شغال

[se_ Elsyed]

ما تقعدي لك في حته يا فتفوته ؟

غريبة والله دي

كل ما أدخل اكتب كلمتين الاقيها سابت الصف ووقفت من أول وجديد عشان تاخد لها حته جاتوه تاني لحد ما خلصت عالعلبة كلها !!! :lol:

------------------

كل سنة وإنتي طيبة يا أغلى الناس

إحنا بقى محظوظين إن مدام سلوى معانا في فريق الإشراف وبنقعد كتير نحتسي الشاي الأنجليزي مع بعض .. قصدي الأسباني معاها ونتكلم في كل حاجه ... حتى في الكورة .. أصلها برساويه زيي ... وأنا اللي يشجع برشلونه أقول له يا عمي

[fatfouta]

ماتزعلش نفسك يا سى السيد وخد حته تورته ليك اهى

طبعا لازم اخلصها لوحدى مش انا اللى جايباها وكمان انا واقفة جمب التلاجة عشان ماحدش يقرب ايده :)

خدى يا ماما تورتاية حلوة اهى لحفيدك الصغنن الجميل

وكمان البيبسى عشان خاطر سى السيد سرقته من عيد الميلاد اللى جمبكوا بتاع الجنرال محمد

انا جيت فى اول الصف تانى اهو :lol: وبعدين دى امى بجد اسالها كده وقولها فاتيما دى بالنسبة لك ايه وهى هتقولك :lol:

تم تعديل 17 أبريل 2010 بواسطة fatfouta

[moheltohamy]

العزيزة جداً مدام سلوى

خالص تهانئي القلبية بعيد ميلادك ، وكنت أتمنى لو تشرفت بمعرفتك على المستوى الشخصي.

لكن الحمد لله أن جعل هذا المكان فرصة للقاء شخصية برقي إحساسك ونبل مشاعرك.

خالص تحياتي واحترامي سيدتي الفاضلة ، وتمنياتي بيوم سعيد دافئ في حضن أسرة محبة دوماً.

[SoSo R]

ياسوسو رانى ياحبيبة قلبى ..

ياسوسو اعقلى ...

اعقلى يابنتى ..

بقى فيه واحدة عاقلة ف الدنيا دى ...تتمنى تبقى زى سلوى ؟؟؟؟ :D

ده انا عندى كل الموجات منفدة على بعض ..!!..كل الخطوط متلخبطة ...!!!

يعنى عاوزة تبقى ف محاضرة وفجأة تحسى انك لازم تاخدى قهوتك...تقومى تسيبى كله وتمشى ؟؟ ده برضه كلام ...

عايزة تبقى فوق الجبل وتغنى ولا اجدع سوبرانو ....يعنى هو ف الحقيقة فالسيتو .. ...زى واحدة صاحبتى متعرفيهاش ...متعرفيهاش خالص ..

على فكرة ياسوسو ...نتكلم شوية جد ..

انا كمان بحبك قوى ...قوى ...ووقت لما بشوف حروفك بضحك من قلبى ...

عارفة ليه؟؟

اعترف لك ليه؟؟ وبلاش تضحكى ..؟؟

كل واحدة هنا لها طبع معين وبتعطينى احساس معين ....الاحاسيس كلها جميلة والحمدلله ..

والشئ الغريب ان كل احساس مختلف ....معرفش ليه وازاى ؟؟ ...والمغتربات بالذات بيفكرونى بنفسى ف اول اغترابى ...وكأنى عاوزة آخد من كل فيلم اغنية ..اقصد ..من كل تجربة لأى واحدة فيكم ...فيه اكيد لمحة من تجاربى الاولى هنا ..

انتى بقى ياد/سوسو ...!!

بتفكرينى بنفسى ف......الجرى .. :lol:

ياااه....لما بتحكى عن مشاويرك وعن بناتك وعن تعب البنت وعن تعبك ..والشراء ...والكافيه ..وتخليص الاوراق ..

وعشرين مشوار ف يوم واحد وتحضير اللى المفروض تعمليه تانى يوم ...وسؤالك عن كل شئ ...واعتمادك على نفسك ..

ولوحدك مع البنات ..

بحس انى انا اللى بتكلم ...وتصدقى ؟؟ بحس انى (( بجرى لسا وبنهج وراكى لما نشوف حانوصل لفين ؟؟؟ ))..

اجمل حاجة ف الدنيا اننا نوصل للى احنا عاوزينه بمجهودنا احنا ومن غير ما نعتمد على حد الا ربنا سبحانه وتعالى ...

وبما ان محبة الناس دى فعلا نعمة كبيرة ...

بس ممكن اقولك ..

ربنا يحبب فيكى خلقه ياسوسو ياحبيبتى ..

وجودك هنا انهاردة اسعدنى بجد .. :D

لأ مش هعقل يا سلوتى و أنتى عارفة إن إحنا شبه بعض :lol:

وبعدين حب القهوة بيجرى فى دمى إنتى عارفة اللى فيها يا سلوتى :D

المهم أنا مبسوطة قوى من الأعترافات بتاعة الفجر دى :wub:

يعنى بجد الواحد يستفرد بيكى و أنتى مبسوطة و ياخد إعترافات زى ما هو عايز

أنا فعلا طول الوقت بجرى و دماغى شغالة صبح و ليل حتى و أنا نايمة تلاقينى بفكر...أنا خايفة على الفيوزات اللى فاضلة لحسن تضرب :D

المهم يا مامتى...

إدعيلى كدة علطول عشان ربنا يسهلى أمورى ويحبب فيا خلقه ...بصراحة أحلى دعوة

خدى دى منى...عشان يفكرك بشط إسكندرية :D

[Damo]

هاااااه حاجة كده على ما اوسوم wst::

[قلب ابيض]

ماااااااااااااشى يا بشر

كلكم متجمعين هنا لا كانى جنبكم؟؟

طب حد يعدى على ياخدنى معاه وهو جاى :wub:

ولا عشان يعنى اتلخمت فى امتحانات نور الدين محدش يبلغنى ؟؟؟ماااااااااشى

ماما سلوى القمرايه ست الكل

سنه حلوه ياجميل ..سنه ورد وفل ونور ..

سنه حلوه يا جميل ..سنه فرح وهنا وسرور..

كل سنه وانتى احلى واحن من اللى قبلها

انا لاقيت الحفله سوكيتى والناس عماله تاكل وتشرب بس

قلت فين الخلفيه الموسيقيه بتاعت الحفله شغلوا دى

اغاني اغاني اعياد الميلاد الليلة ليلته

ودى حاجه بسيطه كده افتحيها على جنب " اطلبى واتمنى بس .. واتخيلى انها جوه العلبه دى ...واى خدمه مايهمكيش التكاليف انت تؤمرى بس " flrt:

[Salwa]

عزيزتى لونا ..

كل سنة وانتى بكل الخير والسعادة والهنا ..

شكرا جزيلا على تشريفك ليا هنا ...وبصراحة انا اللى فعلا محرجة جدا جداا من كل الاهتمام ده ..

لكنى ف نفس الوقت مبسوطة لانى عرفت ان اغلبية اللى هنا بيحبونى زى مانا بحبهم ..

ربنا يخليكم كلكم ليا ولحبايبكم ... :wub:

[Salwa]

كل سنة و انتى طيبة يا ماما سلوى و عقبال ما تفرحى بكل اولادك جميعاً... و عقبال 234534135 سنة كلهم حب و خير... :old:

:wub: flrt:

معقول ؟؟ الابن الغالى جدا جدااا وليد صفوت ؟؟ هنا ؟؟

وانت طيب ياوليد ويارب اسمع عنك كل خير دايما ..ويارب يجعل كل الحاجات الحلوة اللى ف الدنيا وبتتمناها من نصيبك ..واكتر منها بكتير ..

ربنا يفرح قلبك ياوليد ويسعدك .. clp:: clp::

[Salwa]

فاتيما ياست الستات ..

انا عاملة رجيم قاسى .

اصل بقى الواحدة فينا ...لما يعنى يعنى يعنى ...تقفل سنة ...لازم تعمل رجيم clp::

وانسى بقى جيلاتى وتورتات...وكله بالعقل ..

ربنا يروق بالك ويجعل ايامك كلها افراح .. :wub: flrt:

[Salwa]

ما تقعدي لك في حته يا فتفوته ؟

غريبة والله دي

كل ما أدخل اكتب كلمتين الاقيها سابت الصف ووقفت من أول وجديد عشان تاخد لها حته جاتوه تاني لحد ما خلصت عالعلبة كلها !!! clp::

------------------

كل سنة وإنتي طيبة يا أغلى الناس

إحنا بقى محظوظين إن مدام سلوى معانا في فريق الإشراف وبنقعد كتير نحتسي الشاي الأنجليزي مع بعض .. قصدي الأسباني معاها ونتكلم في كل حاجه ... حتى في الكورة .. أصلها برساويه زيي ... وأنا اللي يشجع برشلونه أقول له يا عمي

وانت طيب ياانجب الابناء ...ربنا يخليك ويخللى لك كل احبابك ..

وان شاء الله ناجح ... :wub: flrt:

انا بقى تعمدت انى اضع الاقتباس كله على بعضه ...بس علشان اشوف الصورة الهدية الجميلة ياسى السيد ..

هو فيه حد يقدر يقول على الحلو وحش ؟؟ معقول ؟؟

دول الملوك ياصديق ...صح؟؟

وسوف يكون لنا عدة لقاءات قادمة ان شاء الله ننشد معا انشودة النصر ..

بس انت ادعى ...دعوة كدة جنب الدعوات بالنجاح ...ادعى لفريق الطرب الاصيل ..

دمت بكل خير ..