التونة بالفرن

[بندق أفندى]

سمك تونا طازج .. يتبل بعصير الليمون والملح والفلفل الأسود

يوضع فى صينية فرن ومعه بصل أخضر مقطع وشبت أخضر مفروم مع زيت زيتون

ويوضع فى الفرن على درجة حوالى 200 لمدة ساعة وربع تقريبا

وفى الأخير عليها شوية جبنة بارميزان مبشورة

نفس الطريقة يمكن شي سمك التونة بها .. وهيكون رائع ايضا

الغريب انه أرخص سمكة فى سوق السمك

هو زى التونة اللى بنشتريها بالظبط .. يفرق انه طازة وطعمه احسن

وكله أوميجا 3

بس التونا دسم جدا

عينى طلعت على ما خليت السمكة وفيها قطع لونها زى الكبدة ما استريحتش لها ورميتها

'

[ام نور محمود]

انا بحب التونة اوي

بس انا في الرياض .. اجيبها منين ياترى

لو لقيتها هاجرب اكيد

تحياتي

[doha]

حرام عليك الشكل مشهي بدرجه لا توصف ..

تسلم ايدك بجد ..

بالنسبة لسمك التونه اذكر عملتها مرة وحده بس في حياتي ومعجبتنيش خالص .. كانت كبيرة جدا وشكلها ( يفرح ) وسعرها كان زهيد اوي ( الكيلو اربعه جنيه ) بس معجبنيش الطعم في النهايه ..

خالتي عملتها من فترة وارسلت لي منها عشان اذوقها . . بصراحة كانت شهية جدا كانها شيء مابين التونه والماكريل . .

طريقة خالتي تشبه الى حد كبير طريقة الاستاذ بندق بس مفيهاش فرن ومفيهاش برمزان ..

وفيها اهم مكون بشوفه دائما في وصفات التونه وهو الخل ..

ان شاء الله في يوم ما لو جربت الوصفة دي هقولكم النتيجة .

[بندق أفندى]

صحيح فيها خل عشان هى دسمة جدا

نسيت احط الخل القاسم المشترك فى وصفاتى

[لونا]

شكلها جميل جداً يا بندق أفندي

و الأسرة الكريمة عندنا كلها بتحب التونة المعلبة

و سمك التونة الطازج موجود في ركن الأسماك في المولات يا أم نور

بيبقى نفسي أجربه و لكن لم أكن أعرف طريقته

بندق أفندي .. حضرتك بتقول عيني طلعت لغاية ما خليتها

ما ينفعش نعملها بالشوك و الجلد عادي؟

شكراً مقدماً :lol:

[بندق أفندى]

شكلها جميل جداً يا بندق أفندي

و الأسرة الكريمة عندنا كلها بتحب التونة المعلبة

و سمك التونة الطازج موجود في ركن الأسماك في المولات يا أم نور

بيبقى نفسي أجربه و لكن لم أكن أعرف طريقته

بندق أفندي .. حضرتك بتقول عيني طلعت لغاية ما خليتها

ما ينفعش نعملها بالشوك و الجلد عادي؟

شكراً مقدماً :unsure:

حسب تجربى ما ينفعش .. لأنه فيها قطع من اللحم لونها بنى جامد جدا اعتقد طعمها مش حلو .. اليوم لو هأخليها تانى هأقطع قطع طولى فى الجانب يفصل بين الجزئين اللى يتاكلو فى السمكة وهو الظهر والذيل مع اللحم على البطن بينهم اللحم الشديد البنية اللى قلت عليه بالاضافة اللى انه مدهن جدا فشكله عامل زى الصلصال لا مؤاخذة هههههههه

[لونا]

شكراً يا بندق أفندي

هو أنا ما فهمتش أوي الوصف بس عرفت إن لازم نخلي السمك من كل الأشواك و من الجلد

و يفضل نخليها بالطول

شكراً :unsure:

[hOuSsAm]

اهلا بندق افندى

مش تقول يا راجل كنت اتغدى عندك :rolleyes:

عالعموم ملحوقة

بمناسبة التونة انا كنت من فترة افتكست طبخة كدة

وهى مكرونة بالتونة :yahoo:

بتسلق المكرونة عادى خالص

وطبعا بتجهز الصلصة

وانت بتجهز الصلصة تحط التونة وتقلبها معاها بس ابقى قلقل الملح لان التونة فيها ملح صلا

وبعد كدة حط المكرونة مع التقليب بشويش

وبالهنا والشفا يا معلم :D

[joo]

اهلا بندق افندى

مش تقول يا راجل كنت اتغدى عندك :blink:

عالعموم ملحوقة

بمناسبة التونة انا كنت من فترة افتكست طبخة كدة

وهى مكرونة بالتونة :lol:

بتسلق المكرونة عادى خالص

وطبعا بتجهز الصلصة

وانت بتجهز الصلصة تحط التونة وتقلبها معاها بس ابقى قلقل الملح لان التونة فيها ملح صلا

وبعد كدة حط المكرونة مع التقليب بشويش

وبالهنا والشفا يا معلم :lol:

لالا جرب التونة وحط معاها فلفل اخضر وبصل ومشرم من غير صلصة خالص وحط كل دول على المكرونة المسلوقة مع التقليب

بزيت التونة الموجود فى علبة التونة

ودوق وادعيلى يا معلم

[hOuSsAm]

اهلا بندق افندى

مش تقول يا راجل كنت اتغدى عندك :)

عالعموم ملحوقة

بمناسبة التونة انا كنت من فترة افتكست طبخة كدة

وهى مكرونة بالتونة wst::

بتسلق المكرونة عادى خالص

وطبعا بتجهز الصلصة

وانت بتجهز الصلصة تحط التونة وتقلبها معاها بس ابقى قلقل الملح لان التونة فيها ملح صلا

وبعد كدة حط المكرونة مع التقليب بشويش

وبالهنا والشفا يا معلم

لالا جرب التونة وحط معاها فلفل اخضر وبصل ومشرم من غير صلصة خالص وحط كل دول على المكرونة المسلوقة مع التقليب

بزيت التونة الموجود فى علبة التونة

ودوق وادعيلى يا معلم

يا جامد يا جو

الحمد لله مطلعتش لواحدى اللى بخترع وبلبخ فى الاكل wst::

بس للاسف انا خلاص قفلت المطبخ اللى عندى لانه كان مشروع فاشل

ومعتمد دلوقتى عالمطاعم :sad:

عالعموم لما انزل اجازة باذن الله هادى الوالدة اجازة يوم من المطبخ واعملهم الاكلة دى

وطبعا هيموتوا فيها من حلاوتها

متشكر ليك اوى يا جو

[Salwa]

صباح الخير..

شوف يااستذ / بندق افندى ..

سمكة التونة لو حاتتعمل بطريقة معينة ف الفرن تطلع مش ناشفة ولحمها مش ناشف .. :) ...قطع بصل ترنشات كتير وضعه فوقها ...يعنى مهم جدا جدااا ان البصل الشرائح يغطيها ...طبعااا ممكن تضع كل اللى تحبه يعنى طماطم وفلفل اخضر وثوم وكل حاجة بس بشرط البصل يكون فوق التونة .

ممكن برضه لو عاوز تعملها ف وقت اقل ....تغطى الصينية بورق الومنيوم لمدة ربع ساعة وبعد كدة ممكن تشيل الورقة وتتركها تتحمر ...هو البصل بس اللى حايتحمر شوية والتونة حاتبقى تحفة ..

دى طريقة اكيدة ...سر يعنى ...وكل الناس اللى غاويين التونة الصابحة عارفين الكلام ده ان لازم تتغطى تماما بالبصل ...

فيه سمكة بتشبه لسمكة التونة كتيررر ...وبياعين كتير بيبيعوها على انها تونة ..ورخيصة جدا جدااا ..(( هى سمكة الكبريت ))..

والناس اللى غاويين اسماك وبيفهموا كل الانواع عارفين ان الكبريت لازم (( يتدبح )) ...ودى كلمة بلغة اهل اسكندرية يعنى ...يعنى لابد تغز السمكة بالسكينة ف عدة اماكن علشان ينزل كل الدم اللى فيها ..كدة مش حاتلاقى اى حتت بنى .. :roseop: .

.وبرضه تقطع نرتشات ...

وطبعااااااا ...الاسكندرانية الأصليين بيفرقوا بسهولة بين انواع الاسماك ..

عموما ولو جربت طريقة التونة بوضع البصل مغطيها كلها حاتلاقيها تطلع تحفة ..

بس حبيت اشارك ..

والصراحة شكل السمكة جميل ...بس برضه جرب البصل ..

تحياتى ..

[بندق أفندى]

شكرا يا مدام سلوى ..

السكة ما كانتش ناشفة بمعنى انها ما تتاكلش كان بس مفيش فيها عصائر متخلفة منها كتير

ثانيا اللى أعرفه التونة سمكة غالية السعر لذا استغربت من هذه السمكة .. (قبل فترة قرأت عن يابانة اشترى سمكة تونة وردية اللون ب 216 الف دولار مانت تزل 170 كيلو تقريبا)

عموما هى مش سهلة فى التعامل معاها .. ولو كررت التجربة هتكون مختلفة وأسهل ..

[بندق أفندى]

الفكرة الألأساسية كانت انه أشويها

بس طلعت كمية السمكة كبيرة وكانت هتبقى عجة جامدة

[مصرية اوى]

امممم

شكلها شهى اوى

هأجربها

تسلم ايدك .

تم تعديل 19 أبريل 2010 بواسطة مصرية اوى