اذهب إلى المحتوى
محاورات المصريين

فنـــون التعــامــل مــع الآخريـــن .. تجارب الأعضاء الفعلية

عماد حمدي

بواسطة عماد حمدي
في موضوعات جادة

 مشاركة

Recommended Posts

Alshiekh عضو جديد

Alshiekh

بتاريخ:
بتاريخ:

موضوع ذو صلة بشكل آخر

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
  • الردود 55
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

لماضة مصرية جدا عضو جديد

لماضة مصرية جدا

بتاريخ:
بتاريخ:
الصنف التاني المجادل : ياسيدي عليه عسل اوي ههههههههه عايز يجادل وخلاص وعلي غير علم

ودي بتبان اكتر مع الستات : عندهم قدرة ورغبة في الجدال ياسيدي ياسيدي المهم تجادل وخلاص

بس طبعا لازم نراعي غرور الانثي وتحسسها ان فعلا عندها وجهة نظر قابلة للتطبيق wst::

mfb: يا خراااااااااااااااابي هتقلبلنا الدنيا دلوقتي لو أي أنثي دخلت وشافت ردك دا ..

هيطلع عينك m8: هههههههههههه انته اللي اتسحبت من لسانك .. استلقي وعدك بقا من اللي هيجرالك منهم :lol:

انا بايت النهاردة هنا .. ومتابع ,,

السلام عليكم و رحمة الله و بركاته

ع فكرة انا اتنرفزت.....مش عشان انثي......لا خالص.....معندناش الكلام ده.......عشان يا جدعان مينفعشي التعميم بتاتا.....الانماط دي...كلها موجودة في البني آدمين....راجل كان....ست.....

ده انا متهيالي حتي لو فهمنا لغة الحيوانات.....

و قعدنا معاهم شوية كده ممكن نلاقيهم برضه فيهم القرد الحاقد..... السحلية الخبيثة بتاع المغارز......و التنين العصبي المستفز

اوديكي فين يا عافية........(وش عم ايوب..... :lol: )

كابتن جيرسي....اللي متنكر في شكل كيت كات.....سمعت ان فيه كيت كات بق بلاااااااااك يعني سودة سوااااااد مالوش حل

و كابتشن عماد..... اللي مشكورا لون الجملة الظريفة اللطيفة النضيفة باللون الدموي.....(احيات النبي مكنت شايفاها و انا بقرا...و اذ فجأتن وقعت ع راسي زي حتة الغسيل المبلولة)

صبااااحكم..... bsh:) bsh:) ....و دي لعماد.....اصله كانت طلعتله فأفوة في توبيك قبل كده

اما كابتن بيمبو......خد دي.... :) و اوعي تعمل زي توم لما هيرميه علي جيري لانها برضه هتفرقع في وشك.....ووشك هيبقي بلااااااااااك

=========================

بعد ما عملنا الاصطباحة

نقدر دلوقتي نمسك المكرفون و نقول....آلو

اللي بيتعبني في كل الانماط اللي فوق هو العصفورة......و سرحت اقارن بينه و بين الشحصية الرويترية اللي حكي عنها استاذنا سين سين في مداخلة استاذنا محمد

لقيت ان العصفورة عندها حتة سم زيادة لانها مش بس بتحكي اللي حصل..... يا ريته كان كده..... لا دي بتحكي اللي يعجبها و مبتحكيش اللي مش داخل مزاجها و عندها ذاكرة جبارة في رصد الاحداث اللي زي الزفت......

يعني ممكن الواحد يبقي عامل 70 حاجة و يجي يتكعبل في حاجة تلاقي خبر الكعبلة تصدر مانشيتات الصباح

اخونا عماد ان شاء الله لما هيغادر مصر هيلاقي جنسيات كتير اوي هنا بتعمل كده.....الموضوع ده مش مصر بس.....عشان برضه نبطل نعمل تعميمات

المشكلة اني ممكن ااقعد ااقولك في وصفات من هنا لغاية بكرة الصبح.....بس المشكلة انك في وقت الحدث بتلاقي انك دايما في حالة صدمة وناسي كل اللي حدفناه في التوبيك هنا.....و هتتصرف رد فعل غالبا بيكون غلط........يعني تيجي ترزع غطا الحلة تلاقيه لبس في وشك

انا متابعة الموضوع نشوف هنعمل ايه في الشخصية العصفورية دي..... مع اني مش عاجبني ان احنا نظلم العصافير معاها

و فيه شخصية تانية دي بقابلها كتير جدا في الحياة العادية

و انا آسفة اني هقول انها دايما بتيجي في الاولاد..... wst::

شخصية....أنا اللي بلعب مع الاسد و روحت رقعت له صداغه........ :lol:

يعني الواد اللي ليه في كله.....و عليه كمية كذب و فشر خلوا ابو لمعة يتقلب في تربته منه.....الله يرحمك يا ابو لمعة يا تري كان هيقول عليه ايه؟؟؟

فوتكم بعافية

رابط هذا التعليق
شارك
myusername عضو جديد

myusername

بتاريخ:
بتاريخ: (معدل)

فنون التعامل فى المصالح الحكومية... و تخليص الاوراق...

لما تروح تخلص ورق فى مصر, هيبقى قدامك حاجة من ال4...

لاما انتا اصلا معاك واسطة, او عارف حد فى المكان.. و بالتالى حاجتك هتخلص بسرعة...

لاما ربنا هيسهلها من عنده و امورك هتبقى سالكة (دى حاجة نادرة على فكرة)

لاما هتظبط الاداء... و تدفع اللى فيه النصيب.. فى الوقت الصح للراجل الصح... طبعا بتدخل على الساعى و تسأله مين اللى بيخلص هنا, و هو هيظبطك و يدلك..

لاما بقى آخر ما تزهق... هتسب و تلعن و تشتم, و فى الحالة دى ورقك هيخلص هوا :lol:

انا كنت فى المعهد من فترة, و كنت عايز اجيب ورقة ما... قالوا لى فى شئون الطلبة ان الورقة دى اصلا مينفعش تطلع :)

فضلت اكلم الراجل مدير شئون الطلبة بهدوء... و هو ولا هنا...

انا بقى مشكلتى ان فيا عيب, ان غصب عنى لما بتنرفز... مبعرفش انا بقول ايه... و مبتحكمش فى نفسى... قمت فتحت الجعورة :lol: و طبعا انا لما بزعق صوتى بيجيب آخر ميدان العتبة... الغريبة بقى انى لما شتمتهم قاموا خلصوا الورقة بسرعة فى لمح البصر... و كمان مدير شئون الطلبة هو اللى قام كتبها بنفسه... اه والله..

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
kitkat عضو جديد

kitkat

بتاريخ:
بتاريخ: (معدل)
تعاطفك لوحده مش كفاية يا باشمهندس ياسر اعمل اي حاجة :lol:

لسه جاي من عند الحلاق

:lol:

لييييييييييييك يوووووووووووووووم :lol:

الصنف التاني المجادل : ياسيدي عليه عسل اوي ههههههههه عايز يجادل وخلاص وعلي غير علم

ودي بتبان اكتر مع الستات : عندهم قدرة ورغبة في الجدال ياسيدي ياسيدي المهم تجادل وخلاص

ب :lol:

:lol: ي

ه

السلام عليكم و رحمة الله و بركاته

ع فكرة انا اتنرفزت.....مش عشان انثي......لا خالص.....معندناش الكلام ده.......عشان يا جدعان مينفعشي التعميم بتاتا.....الانماط دي...كلها موجودة في البني آدمين....راجل كان....ست.....

كابتن جيرسي....اللي متنكر في شكل كيت كات.....سمعت ان فيه كيت كات بق بلاااااااااك يعني سودة سوااااااد مالوش حل

و كابتشن عماد..... اللي مشكورا لون الجملة الظريفة اللطيفة النضيفة باللون الدموي.....(احيات النبي مكنت شايفاها و انا بقرا...و اذ فجأتن وقعت ع راسي زي حتة الغسيل المبلولة)

فوتكم بعافية

هههههههههههههههههههههههه

عليكم السلام ورحمة الله وبركاته

علشان مش باحب التعميم زي حالاتك قلت انها بتبان أكتر في الستات لكن طبعا موجودة في الملايكة قصدي الرجالة

انا كيت كات والله مش باحب جيرسي خاااااااالص :lol:

احلي استمرننج :) الشاب او الفتاة العصفورة ده (بتبان اكتر في الرجالة) اديله الطناش وحسسيه انه ولا حاجة

باقابله كتير اوي والنصيبة انه بيبقي شغال في وادي وانا ف وادي يعني ولا عمري هاخد مكانه ولا عمره هياخد مكاني بس هو حب الاذية كده زي ماتقولي هواية

طناش وتجاهل وحسسيه انه ولا حاجة الاسلوب ده بيحرق دم اي حد

انا راجعلك يا عمدتنا يالي بتهدي النفوس بلون الدم بشخصية جديدة وهي : الي مابيعجبوش العجب ودي بتبان اكتر في المديرين :lol:

تم تعديل بواسطة kitkat

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
من بعيد عضو جديد

من بعيد

بتاريخ:
بتاريخ:

فى الواقع يا اخى الكريم تصنيف رائجدير بالاهتمام ولكن ربما يكون قد سقط سهوا من هذا التصنيف الرائع نوع من الشخصيات المنتشره هذه الايام او ربما منذ فتره ليست بقصيره وهى الشخصيه المتعجرفه الصبيانيه الحشريه وعاده ما تكون سليطه اللسان ولديها رغبه عارمه فى الانتقام (غلاويه) باللهجه العاميه

لا ادرى هل من الممكن ايجاد تعريف لمثل هذه الشخصيه

ودمتم طيبين

من قال لا اعلم فقد افتى

رابط هذا التعليق
شارك
Damo عضو جديد

Damo

بتاريخ:
بتاريخ: (معدل)
فى الواقع يا اخى الكريم تصنيف رائجدير بالاهتمام ولكن ربما يكون قد سقط سهوا من هذا التصنيف الرائع نوع من الشخصيات المنتشره هذه الايام او ربما منذ فتره ليست بقصيره وهى الشخصيه المتعجرفه الصبيانيه الحشريه وعاده ما تكون سليطه اللسان ولديها رغبه عارمه فى الانتقام (غلاويه) باللهجه العاميه

لا ادرى هل من الممكن ايجاد تعريف لمثل هذه الشخصيه

ودمتم طيبين

انا قابلت ناس كده كتير اللي هي سليطة اللسان دي على الفاضي و المليان بلزمة و منغير لزمة. المعظم كنت بحسهم من جوا فاضيييين و ملهومش شخصية و فاكرين انهم بالكلام ده هيثبتوا نفسهم. لكن البعض منهم كانو كده بسبب التربية. كان عندي وحدة صاحبتي كده في الجامعة. مع انها مش شريرة ولا اي حاجة بس اتربت في بيئة كده. و مش ادركت الموضوع ده الا في الجامعة و ابتدت فعلا تحاول تصلح من نفسها و كل ما تنسى نفسها و كلمة تطلع ده ولا كده تعاقب نفسها انها تاكل قرن هلابينو حاف على كل كلمة

تم تعديل بواسطة Damo

" Feed Your Faith and your fears will starve to death "

Unkown~

رابط هذا التعليق
شارك
عماد حمدي عضو جديد

عماد حمدي

بتاريخ:
  • كاتب الموضوع
بتاريخ:

Mohammad

شكرا ً أخي الفاضل ع الإشارة .. وفعلاً تصنيفات كويسة .. بس دي بقا اللي كنت أقصد بيها الفلسفية :D بس طبعا ً مهمة اننا نعرف كل شخصية خصائها اية وكيفية التعامل معها .. نشكرك ونتمني منك المشاركة ..

myusername

هههههههههههه فنون التعامل مع المصالح الحكومية دا عايزة منتدي مش موضوع منتدي لواحده تقسم فية كل مصلحة وكيفية التعامل ..

وانا معاك أن الشدة والأسلوب الحاد هو الحل مع الناس اللي زي دي .. ودا يمكن وضحته في آخر مشاركة تقريبا ً او اللي قابلها .. مع الشخص العصفورة ( سيو سيو ) ذقذقة , بس الرفيعين اللي زي حالاتي مينفعش مهما كان اعمل كدة لحسن انا ديتي قلم واحد وتلاقيني طبيت ساكت :D بس عملتها قبل كدا ونفعت خدوهم بالصوت يغلبوكم ههههههههه

kitkat

ههههههههههه يابني انا بهدي النفوس بس :D واهي اديتنا الإصطباحه ع الله تكون عجبتك ..

بعدين فعلا ً شخصية اللي مبيعجبوش العجب دي في المديرين بالذات ياخي دا الواحد لو عملة قرد مش هيرضيه .. لنا الله ومنتظرينك

من بعيد

متقرب ياعم ولا خايف من اية ... متخفش تعالي هنا بس ههههههههه

الشخصية الغلاوية دي ( الشخص العبي واللي بيتشاكل مع دبّان وشه ) مجرد انك ذكرت كلمة غلاوية دلوقتي اتنرفزت :wub: تابعنا

حاجة لماضة

هههههههههههههههههههه حلو الإصطباحة دي .. دا جزاتي أني بنورك :D الحق عليا يكش يقولوا اللي يقولوه .. انا قولت اما اجرب امثل دور ( العصفورة ) هنا .. واشوف رد الفعل :D

بس كان قاسي بصراحه ههههههههههه وجعتيلي دماغي آه ياني آه :lol:

واد يا كيت كات خد راحتك يا ولا .. وقول كل اللي في نفسك :lol:

وعلي فكرة هيا إتغاظت بس مش مبينه هههههههههه

شخصية....أنا اللي بلعب مع الاسد و روحت رقعت له صداغه........

مهو هوه دا الشخص ( الرسّيـــــم )

بتاع انا طلعت القمر مرتين في الأجازة مع بابي ومامي .. والهليكوبتر راكنة علي سطخ الفيلا ..

والهامر اللي راكنة تحت البيت .. والبي ام دابليو اللي عند الميكانيكي لان عندها مغص في الكبالن :D

والنبي ياختي اسكتي ومتظلميش الولاد معاكي ..

الشخصية دي بالذات مع البنات ( ومش كلهم ) وعندي روايات وقصص ..

آل اية أنا جبت فستان دا ب 5000 جنية وتلاقيها لابسة........!! ولا بلاش

متابع ,,

رابط هذا التعليق
شارك
kitkat عضو جديد

kitkat

بتاريخ:
بتاريخ:
Mohammad

شكرا ً أخي الفاضل ع الإشارة .. وفعلاً تصنيفات كويسة .. بس دي بقا اللي كنت أقصد بيها الفلسفية :D بس طبعا ً مهمة اننا نعرف كل شخصية خصائها اية وكيفية التعامل معها .. نشكرك ونتمني منك المشاركة ..

kitkat

ههههههههههه يابني انا بهدي النفوس بس :D واهي اديتنا الإصطباحه ع الله تكون عجبتك ..

بعدين فعلا ً شخصية اللي مبيعجبوش العجب دي في المديرين بالذات ياخي دا الواحد لو عملة قرد مش هيرضيه .. لنا الله ومنتظرينك

آل اية أنا جبت فستان دا ب 5000 جنية وتلاقيها لابسة........!! ولا بلاش

متابع ,,

يا عمدتنا انا بصراحة اتخنقت يعني المفروض يمنعوا الاناث من دخول المنتدي الواحد مش عارف ياخد راحته يوتكلم ولا في البيت ولا عالنت ده ايه ده ؟؟؟؟؟

وبالنسبة للماضه هي هاتطق بدليل الاصطباحة الي صبحتني بيها دي :sad: يلا معلش تلاقيها فاكراني حد تاني wst::

-*/

ياي ده من JB اده رخيص خالص ب 850 جنيه بس والطرحة من مانجو ب 300 يابلاش ههههههههههههه

الله يجازيك يا اخي والله فكرتني بس فعلا لبس البنات والاطفال غالي جدا في مصر مش فاهم ليه !

المدير السابق بتاعي مهما كان يعرف عن انجازاتك كان دائم التهديد والوعيد بالتصفية ليك في اقرب فرصة

ياعم انا شغال 20 ساعة ف اليوم وشايلك انت والشركة علي كتافي ابداااااااااا الا انتوا مالكوش لازمة كلكم انا هاصفيلكم

ههههههههههههه

ده بقا ماعرفتش بصراحة اتعامل معاه فاتبعت سياسة التحاشي عارفها؟ تحاشي مش محاشي هههههههه

يعني اشوفه ماشي في اتجاه اروح اتجاه تاني وانا كده كده مش شغال وماليش لازمة بس المهم ارضي ضميري وخلاص

فيه شخصية تانية انت بقا افتني فيها : الشخص الجلياط يعني لما اجي طالع بالعربية الاقيه جاي في الاتجاه المعاكس استناه لحد مايعدي وبيعدي كان لسان حاله بيقول : ده واجب عليك تستناني انا باشا ابن باشا هههههههههه

ولا بيرفع ايده ولا يقول شكرا ولا حتي ثانكيو

انا مش منتظر منه شكر بس فعلا ده دليل علي انعدام الذوقيات وفيه ناس بتزودها وممكن يوقفك شويه لحد مايرغي مع واحد صاحبه في موضوع تافه زيه

نعمل معاه ايه الحاج جليطة ده ؟ :roseop:

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
Damo عضو جديد

Damo

بتاريخ:
بتاريخ:
فيه شخصية تانية انت بقا افتني فيها : الشخص الجلياط يعني لما اجي طالع بالعربية الاقيه جاي في الاتجاه المعاكس استناه لحد مايعدي وبيعدي كان لسان حاله بيقول : ده واجب عليك تستناني انا باشا ابن باشا هههههههههه

ولا بيرفع ايده ولا يقول شكرا ولا حتي ثانكيو

تعرف حاجة يا كيت كات..انا ساعات بعمل كده غصب عني wst::

بتحصلي مواقف مشابهة بس مش في السواقة عشان انا مش بسوق. بس مثلا لما اجي اقف في صف او اقعد في كرسي في محاضرة ولا قطر ولا حاجة. اللي بيحصل اني ساعات بتبقى دماغي مشغولة او تفكيري في حاجة معينة و في نفس الوقت رايحة اقعد على الكرسي اللي صدفة حد غيري كان منشن عليه. و الحد ده يقرر يسبني انا اقعد عليه اقوم قعده منغير ولا كلمة. و بعدين لما اخود بالي من اللي انا عملتو و ان بجاحة قوي انو مقولتش شكرا ولا حاجة تكون عدت ييجي دقيقة ولا دقتين..اتكسف اروح اقولو شكرا!! زمانو نسي الموضوع اساسا. لحسن يفتكرني عايزة اتعرف ولا حاجة. شكرا دي كانت تتقال في ساعتها بس. لو كان وحدة بنت برضو هتبقى غريبة شوية لو قررت اقولها شكرا فجأة.

و الموضوع ده متكرر معايا.

شوفت يا كيت كات...في ناس بريئة بتنسى تقول شكرا بعدين تقعد تلوم نفسها اهو :roseop:

طب هقولك على حاجة تجربها. مثلا في موقف من المواقف دي ابتسم انت! بس ابتسامة بنية صاااااااافية. اظن صعب قوي انو ميبتسمش هو كمان و الموقف هيدوب علطول. و لو مبتسمش اكيد هيبقى عندو حتة تأنيب ولو صغنوووونة.

" Feed Your Faith and your fears will starve to death "

Unkown~

رابط هذا التعليق
شارك
kitkat عضو جديد

kitkat

بتاريخ:
بتاريخ:
فيه شخصية تانية انت بقا افتني فيها : الشخص الجلياط يعني لما اجي طالع بالعربية الاقيه جاي في الاتجاه المعاكس استناه لحد مايعدي وبيعدي كان لسان حاله بيقول : ده واجب عليك تستناني انا باشا ابن باشا هههههههههه

ولا بيرفع ايده ولا يقول شكرا ولا حتي ثانكيو

تعرف حاجة يا كيت كات..انا ساعات بعمل كده غصب عني :roseop:

يبتسمش هو كمان و الموقف هيدوب علطول. و لو مبتسمش اكيد هيبقى عندو حتة تأنيب ولو صغنوووونة.

شكرا علي ردك الجميل ده

بس صدقيني انا باكلمك عن ناس جيراني والموقف ده مش بيحصل منهم مرة ولا اتنين لا ده دايما وبعدين لما ننسي نشكر ده مش مشكلة الشكر لله ياستي لكن لما نغلط وننسي نعتذر ونعدي ونبص للي غلطنا في حقه وعطلناه بنظرة متعالية ومفيش حتي رفع اليد بالاعتذار نقول ايه؟ :sad:

شاطر شاطر wst::

اشكرك مرة تانية

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
mekkawy عضو جديد

mekkawy

بتاريخ:
بتاريخ: (معدل)

ااااه من التعامل مع البشر ... انا متابع و عمال اقرأ و مش قادر أكتب من الهم في الموضوع ده

و الله يا عم عمدة الموضوع ده حائك و شائك و مش مكارك كدة

بس الواحد شاف أصناف يعني مش ممكـــــــــن تواجدها في عصرنا الحالى ... و ليا فيها حكايات بجد مؤلمة ... و أنا بالنسبة ليا الأصناف اللي حضرتك قولتها دي ... ملاااااائكة ... ده الواحد خد مهاميز يا جدعان ... بالعبيط ... كل الأصناف اللي ذكرتها سالفاً دي مقدور عليهم على فكرة لأن اغلبيتهم تتسم بالفراغ الفكري و عدم القدرة على مجاراة العقل ... لكن المشكلة بتكون دايماً في الشخصية اللي مش واضحة ... يا ترى انت عدو ولاحبيب!!!!!

و الصراحة أنا حاسس إن الاستفاضة في الكلام هتاخدني للخوض في صفات ناس انا ما حبتهمش أبداً و أنا مش عاوز اخوض في حد ... لكن أنا ليا منهج في التعامل و مريحني مووووووووت و آخر لذاذة ... هو منهج اسلامي حياتي متكامل و متلخص في إني انا أجمع صفات معينة تكون فيا ... الصفات دي هتريحني جداً في التعامل مع الاخرين و هتريح الآخرين في التعامل معايا و هتحببهم فيا و هتخليني معاهم ...... بييييييييس

لما بأطبق المنهج ده بأة ... ما بيكونش في عندي أي مشكلة مع أي حد .... بالله ترنكزوووووا معايا كدة لأن المنهج ده منتاااااااز حقيقة و هأختصره ليكم في المشاركة الجاية

تاااااااابعونا

مكاوى ... اختصارات

تم تعديل بواسطة mekkawy
رابط هذا التعليق
شارك
لونا عضو جديد

لونا

بتاريخ:
بتاريخ:
كل الأصناف اللي ذكرتها سالفاً دي مقدور عليهم على فكرة لأن اغلبيتهم تتسم بالفراغ الفكري و عدم القدرة على مجاراة العقل ... لكن المشكلة بتكون دايماً في الشخصية اللي مش واضحة ... يا ترى انت عدو ولاحبيب!!!!!

مكاوى ... اختصارات

حضرتك جبت المفيد .. الشخص اللي قدرت تحدد شخصيته بيكون سهل التعامل معاه

يا إما تتعامل معاه بحذر .. يا إما تتجاهله .. و لو عيبه مش خطير و كان كويس ممكن تصاحبه

و الشخصيات اللي ذكرها عمدة على فكرة بيكون عند بعضها إحتياج .. للعطف ..للصداقة ..للإهتمام .. ممكن محتاج إن حد يكبره و يحترمه

و لكن الصعب فعلاً الشخص اللي مش عارف تصنفه ده كويس و لا وحش .. طيب و لا شرير.. دايماً الخطر بيكون من الشخص ده

لأن الكويس حتتعامل معاه عادي

الوحش حتحرص منه و تتعامل معاه و انت عارف مخاطره و فاهمه

اللي مش عارف تقراه ..ده مشكلة !!

عن نفسي قابلت الشخصية دي في محيط العيلة

و فعلاً عملت مشاكل كتير في العيلة

و فعلاً صعب التعامل معاهم

مستنيه مكاوي اختصارات عشان يقول لنا رأيه في التعامل مع الناس دى بدون اختصار :unsure:

عاجباني أوي توقيعاتك يا أ\مكاوي

ملحوظة : موضوع مميز يا أ\عمدة

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك
shiko عضو جديد

shiko

بتاريخ:
بتاريخ:
ااااه من التعامل مع البشر ... انا متابع و عمال اقرأ و مش قادر أكتب من الهم في الموضوع ده

و الله يا عم عمدة الموضوع ده حائك و شائك و مش مكارك كدة

بس الواحد شاف أصناف يعني مش ممكـــــــــن تواجدها في عصرنا الحالى ... و ليا فيها حكايات بجد مؤلمة ... و أنا بالنسبة ليا الأصناف اللي حضرتك قولتها دي ... ملاااااائكة ... ده الواحد خد مهاميز يا جدعان ... بالعبيط ... كل الأصناف اللي ذكرتها سالفاً دي مقدور عليهم على فكرة لأن اغلبيتهم تتسم بالفراغ الفكري و عدم القدرة على مجاراة العقل ... لكن المشكلة بتكون دايماً في الشخصية اللي مش واضحة ... يا ترى انت عدو ولاحبيب!!!!!

و الصراحة أنا حاسس إن الاستفاضة في الكلام هتاخدني للخوض في صفات ناس انا ما حبتهمش أبداً و أنا مش عاوز اخوض في حد ... لكن أنا ليا منهج في التعامل و مريحني مووووووووت و آخر لذاذة ... هو منهج اسلامي حياتي متكامل و متلخص في إني انا أجمع صفات معينة تكون فيا ... الصفات دي هتريحني جداً في التعامل مع الاخرين و هتريح الآخرين في التعامل معايا و هتحببهم فيا و هتخليني معاهم ...... بييييييييس

لما بأطبق المنهج ده بأة ... ما بيكونش في عندي أي مشكلة مع أي حد .... بالله ترنكزوووووا معايا كدة لأن المنهج ده منتاااااااز حقيقة و هأختصره ليكم في المشاركة الجاية

تاااااااابعونا

مكاوى ... اختصارات

طب ممكن كده اشوف الموقف ورد الفعل المناسب للموقف ...

يعنى الفعل ورد الفعل ...

18344710.jpg

رابط هذا التعليق
شارك
عماد حمدي عضو جديد

عماد حمدي

بتاريخ:
  • كاتب الموضوع
بتاريخ: (معدل)

السلام عليكم ورحمه الله وبركاته ..

أولا ً شكرا لكل من إهتم وشارك في الموضوع دا .. كان عندي إحساس انه هيكون مش هادف خاصة انه منتشر ع النت في كل المنتديات لكن حاولت بقدر الغمكان اننا نناقشة هنا بوجهة نظر أخري وبإختلاف تام . وذلك عن طريق ذكر تجارب حقيقة وكذلك ردود الفعل .. وشكرا ً لاختنا لونا وجزاكي الله كل خير

ثانيا ً بشكر أخونا مكاوي الراجل الخبرة الراجل اللي دايما ً في مشاركاته بيدخل الدين بطريقة ظيفة وسلسلة تصل لقلب وعقل القاري ء بكل سهولة وأحيانا ً رأية بيكون صائب ..

ثالثا ً مشاركتي النهارده قصتي المريرة في التعامل مع ( كل الصفات ) ..

انا تقابلت مع شخص 40 عام وانا فرفور خالص 24 عام فرق بالظبط 16 عام ..

هذا الشخص كان معي في العمل وكذلك في المنزل !! به كل الصفات التي ذكرتها .. تكاد الناس الآن تنظر بإستغراب !! أهناك شخص واحد به كل هذه الصفات ... أينعم كل الصفات دي .. حتي أنني بحثت حتي أجد صفة حميدة به .. للأسف مش موجود .. قد تكون موجودة لكن لا يتعامل بها مع من هم في محيط عملة أو المجتمع الخارجي ويحتفظ بها ضمن أولادة وزوجتة وهي الحب ووو

بدون إطالة .. قصتي المريرة كالتالي ..

كان شخص في البداية ولا أروع .. اول ما جيت السعودية هوه اللي استضفني وعمل معايا إللي لو أخويا مش هيعملة قولت يا سبحان الله امال بيخوفونا منهم ليه قبل ما نسافر .. لدرجة أنه جالي اصحابي يزروني ويطمنوا عليا قام بنفسة عملنا كلنا الشاي وجاب فاكهة وقدمها لينا وطلع برا الأوضة خالص علشان نكون ع راحتنا وكل شوية يخش يشقر محتاجين حاجة محتاجين شيء ومعاملة اية سبحان الله واحنا نقول ميرسي ربنا يكرمك يا زوق .. اول لما جيت إداني 100 ريال قالي خاليها معاك إحتياطي لحد ما تقبض رديتها له لانه كان معايا بس عجبني اوي فكرة انه أنسان حساس ومقدّر .. إداني تليفونه قالي لازم تكلم أهلك تطمنهم عليك .. قولت اية الراجل دا مستحيل دا أكيد نازلي من السما .. كان هوه اللي بيطبخ ليا لما كنت بحتاج حاجة من برة ياخدني بسيارتة يوديني أي حتة انا محتاجها . نصائح كتير كان بيدهاني لو حكيتها لحد هيقول ان دا انسان بيحبك فعلاً وبيخاف عليك .. وانا كنت مبسوط جدا ً انه بيعاملني بكل الإحترام والود وقلت هما كدة المصريين أجدع ناس .. وفضل موقف ورا موقف ويوم ورا يوم يحسسني ان مفيش في السعودية كلها غيره .. جت مؤسستي كانوا بيفكروا انهم يفتحوا فرع جديد خاص بصيانة الكمبيوتر وكدا قالهم مفيش غير عماد هوه الأمين هوه الكويس هوه الطيب هوه هوه ... الخ قولت في عقل بالي الراجل دا إنسان فعلاًَ الحمد لله الحمد لله .. استلمت طبعا ً عملي كمحاسب وكدهوت وخلال 3 شهور بقيت بريمو وجوكر ياعني أقدر اعمل أي حاجة في المؤسسة وأسد مكان أي حد لقيت الإهتمام زاد جدا ً من مديري وصاحب العمل وبدأوا يقدروا دا وبقيت بالبلدي كدة ( ع الحجر ) .. لقيت معاملة الشخص دا أتغيرت تجاهل وحسيت بخبث في المعاملة ومكر ودهاء شديد .. قعدت أفتش في نفسي واراجعها واقول يمكن أنا عملت حاجة غصب عني كدة ولا كدة .. ملقيتش بالعكس دا انا كنت بتمني ليه الرضي يرضا .. لقيتة بدأ يذقذق عليا الباشا عمل اية ...؟؟؟

خلانا قاعدين سوا وبنتكلم وقام فاتح التليفون وبدأ بتسجيل الحوار الداير بينا .. وسمعه لصاحب العمل ..

بدأ يألف قصص وأفلام ويوديها لصاحب العمل

بدأ يضرّني في شغلي ومديري بدا يضايق مني

بدأ يسرق فواتير من مكتبي ويخفيها ويطلع عيني عليها .. مستحيل اني اقفل المكتب لان الفواتير كتير جدا جدا جدا وكذا شركة وكذا مورد

بدأ ينقل كل كبيرة وصغيرة عليا للمدير وصاحب العمل

بدأ يخض يفتش في مكتبي ويقلب في الورق طول ما هوه واقف ولما اسالة ياعم بلاش كدة احترم الخصوصية قالي دي مؤسستنا كلنا وعندك صاحب العمل جوة أهو ..

بدأ يفتح دولابي من ورايا معرفش إزاي والاقي اوراق متاخده منه وخصوصياتي

دا حتي الغسلة الوحيده بتاعت السكن انا وهوه كان بيغسل هدومة وبعد كدا يسب قطعة واحده بس في الغسالة مركونة علشان انا مغسلش هدومي آل اية الغسالة مشغولة !!! وكنت بستحمل واخد أغسل برة

بدات أجيب أكلي وحاجتي واطبخ لواحدي لقيت حاجاتي بتتسرق .. طيب أعين الرز والمكرونة والسمنة والزيت وكل دا فين في الدولاب !!!

يخليني نايم يقوم مشغل النور ومشغل التليفزيون ع قناه ( بتاعت البنات اللي بيرقصوا دول ) ومعلي ع الآخر ومعنتش بعرف انام ولا اخد راحتي

يجيب أصحاب ليه شكلهم مجرمين والله وأسلوبهم وبيئتهم غريبة أوي وكلام قبيح بيطلع وانا قاعد يارب أروح فين أطلع من هدومي

دي حتي سرق هدومي ..

كان بيروح لصاحب العمل يقولة نقص راتبة هوه بيعمل اية انا ممكن اقعد أعمل كل اللي هوه بيعملة .. ياعم انتة دبلوم صنايع وانا بكالوريس تجارة ودا تخصصي قالي تخصص اية وبطيخ اية اجري اجري انا لو جبت عيل هيعمل اللي انته بتعملة دا !!

وصاحب العمل جاهل أصلا ً وكان بيصدق ؟؟ اقولة يا سيدي " قل يا أيها الذين آمنوا إذ جائكم فاسق بنبأ فتبينوا عسي أن تصيبوا قوما ً بجهالة فتصبحوا ع ما فعلتم نادمين " يقولي متدخلش الدين في الشغل .. مهو سيدنا آدم لولا أكل من التفاحة في الجنة كان زمانا دلوقت ولا فيه مدير ولا محاسب ولا مؤسسة .. قولتله ربنا لا تؤخذنا بما فعل السفهاء منا " يقولي ياعني اان سفيه اقولة معلش لتنزل نار من السما تاخدنا ابقي حيمت نفسي ..

انا اتخنقت من كل عمايلة دي وللأسف معرفتش أدير الموقف بدبلوماسية .. وكنت بتعصب أوي أوي انه إزاي عمل معايا كدة انا عملت لية أية .. أخد رقم أصحابي في وسط ما كنا ع خلاف مع بعض وراح ليهم وصحابي كانوا عارفين كل حاجة قالهم انا بعمل كدا مع عماد علشان أشد عضمة ويتعلم قالولوا ياعم عماد مشكلتة اية ؟؟؟ قاعد يلف عليهم ويدور .. المهم صحابي كلموني قالولي فلان جالنا وكدة وبصراحة كلامة زي السكر وفعلاً بيخاف عليك وانا ألطم ع وشي بيخاف عليا إزاي ؟؟ وسجل ليا وادي صاحب العمل التسجيل بيخاف عليا إزاي وبينقل الكلام بيخاف عليا إزاي ووووو الخ

تاني يوم من بعد ما كان عند أصحابي كتب فيا مذكرة واتهمني فيها بالإهمال انه مش جيت السكن بتاعنا يوم الجمعة اللي هوه الأجازة علشان أصرف الدفاتر للسائقين وكدة .. ( كلمت أصحابي قولتلهم شوفتوا اللي بتقولوا عليه محترم )

انا بقا إتخنقت وإتعصبت ع المدير وصاحب العمل والفلان دا .. قولت يوم الجمعة أجازة للي عاجبة عاجبة مش عاجبة مكتب العمل هنا ادوني نهائي وريحوني .. ودا كان بعد تراكم مشاكل كتير بتحصل معرفش كان سببها اية غير لما عرفت ان الفلان دا هوه اتبع اسلوب ياخدني ويهشتكني ويحسسني انه هوه الواد الاخلاق الطيب المحترم واصاحبة لان مفيش الا هوه وبعد كدا يديني القاضية ..

مديري وصاحب العمل كل يوم تجيلهم أخبار عني زور ومحصلتش وهما يصدقوا يوم ورا يوم لقيت الهجوم تراكم وجه مرة واحده من التلاتة دول مكنتش عارف أصد مين ولا أدافع إزاي وانا لواحدي .. كانوا من النوع اللي يخزّن ومرة واحده يجيب الشريط كلة

زي ما اكون في حرب وقدامي دبابات ومدافع ورشاشات وانا واقف في النص لواحدي عازل من السلاح !!!

مديري كان مصري برده واكبر منه 58 سنة راجل كبرة ومحترم الله وكيل .. دخلت اشتكيت لية اللي بيحصل وغصب عني بكيت وصعب أوي أني أبكي بس غصب عني قالي ( فلان ) بيقول عليك كذا كذا كذا كذا قولتله انته مصدق ؟؟ قالي لا بس لية بيقول كدا انا كنت هتجنن قومت خبط دماغي في الباب كذا مرة من الغضب وكنت منهار ..

مديري طلب مني أراجع الحسابات بتاع الشركات القديمة وكده .. راجعتها طلع ( فلان ) أكبر حرامي ع وجه الأرض !! قولت في نفسي لو وريتهم الورق دا ممكن ( فلان ) يفشكلني تاني وانا مش مستحمل وقعدت أناقش نفسي قولت دي أمانة وهقولها واللي يحصل يحصل عملت التقرير بالفعل وإتهمت فيه ( فلان ) انه حرامي وكلة بالأدلة ..

بدأت العصفورة تزيد من زقزقاتها وانا مازلت لوحدي .. قولت الحل ان اروح اشتغل بعد دوامي في اي حتة لان مش هستحمل كل دا هنا وفي البيت كمان بدات ادور ع دوام تاني لقيت بس فين !!!!

قدام المؤسسة عندنا بالظبط ( الحرامي لما يحب يسرق يستخبي في القسم ) المهم مر 3 شهور وانا زي الباشا برنس البرنس باخد راتبين من هنا ومن هنا والحياه فل اوي وارتحت ع الأقل من وجع الدماغ والعصبية اللي بتجيلي من السكن وهوه معايا ..

استفاجأ انه قاعدين سوا كلنا انا والادارة لقيتة دخل .. قعدنا نتكلم عادي لقيته بيقول ما بلاش انته احنا مخبيين عليك قولتله مخبي اية انته هتخلي الناس تشك فيا لو عندك حاجة قولها .. قام مطلّع من جيبة رقم صاحب العمل اللي بشتغل معاه بعد دوامي .. جابة منين !!!! هقولكم البيه شافني بكلمة قبل كدا بس طبعا ً بألغاز بس اسمة باين ع تليفوني انه سعودي وكدة ... خلاتني نايم وقام سارق تليفوني ومطلع من عليه الرقم واحتفظ بيه .. المهم انا اتأكدت إزاي .. لما هوه طلع ليهم الرقم مكنش يعرف بالظبط انا مكاني فين قولتله خدهم من ايديهم ووريهم مكاني ياعم لو انتة فعلا ً صادق .. قعد يزعق وكان صوتة عالي جدا ً ومستفّز .. مرت الأيام والليالي والبية يألف ليهم في أفلام وقصص .. مديري قالة تعالي عايزك جالة .. قالة انا عملت مع عماد كذا وكذا كذا هوه انسان مش عارف اية واية واية وقعدت يجيب كل الصفات اللي فيه هوه مش فيا انا .. وانا باجي ادافع أحس من نظرات عنيه وتبريئة ليا انه هيكولني وصوتة عالي جدا ً وبحس انه لو عايز يقول لو جدع اتكلم وقاوح معايا وانا شوف هعملك اية .. جسمانيا هوه كان زي الباب طويل وعريض جدا ً وانا كتكوت صغير وزني في الخمسينات ريشة ياعني ..

بدأ يتحكم ويزعق ويتلكك وصاحب العمل اقولة دا حرامي وادي التقرير قالي ياعماد ادي العيش لخبازة ولو كا نصة فيما معناه هوه مبيعات بيكسبني 100 الف مثلا اية المانع انه ياخد 20 الف ..

في اللحظة دي عرفت هوه مستمد قوتة منين ؟؟ قولت طيب برده دا سببة اية ... وعمل كدا لية .. اسيب دا لتوقعاتكم انتم

ولو تريدوا ان اكمل مع حدث .. انا تحت أمركم ..

وأعذروني ع الإطالة ,, وإذا كانت قصة سخيفة

وأيضا ً إذا كان هناك أخطاء إملائية .. فانا لم أستطع أنا أراجعها مرة أخري ..

شكرا ً

تم تعديل بواسطة omda2006
رابط هذا التعليق
شارك
mekkawy عضو جديد

mekkawy

بتاريخ:
بتاريخ:

كمل يا ابني المأساة دي ... و يا رب تكون النهاية سعيدة ... لا مأساة بجد ... ده عاوزني ده يا برنس ... أصل أخوك تخصص في التعامل مع الشخصيات المقطقطة دي ببرودي المعهود و استفزازي الجبار ... كمل يا عمدة معاك و منتظرينك

مكاوى ... ثلااااجة

رابط هذا التعليق
شارك
Damo عضو جديد

Damo

بتاريخ:
بتاريخ:

كمل يا مستر عماد. كلنا متابعين.

انا بصراحة لسه مش متخيلة ان ممكن يكون في حد كده في الدنيا! مكونتش اعرف ان الكلام ده مش في الافلام بس.

" Feed Your Faith and your fears will starve to death "

Unkown~

رابط هذا التعليق
شارك
من بعيد عضو جديد

من بعيد

بتاريخ:
بتاريخ:
فى الواقع يا اخى الكريم تصنيف رائجدير بالاهتمام ولكن ربما يكون قد سقط سهوا من هذا التصنيف الرائع نوع من الشخصيات المنتشره هذه الايام او ربما منذ فتره ليست بقصيره وهى الشخصيه المتعجرفه الصبيانيه الحشريه وعاده ما تكون سليطه اللسان ولديها رغبه عارمه فى الانتقام (غلاويه) باللهجه العاميه

لا ادرى هل من الممكن ايجاد تعريف لمثل هذه الشخصيه

ودمتم طيبين

انا قابلت ناس كده كتير اللي هي سليطة اللسان دي على الفاضي و المليان بلزمة و منغير لزمة. المعظم كنت بحسهم من جوا فاضيييين و ملهومش شخصية و فاكرين انهم بالكلام ده هيثبتوا نفسهم. لكن البعض منهم كانو كده بسبب التربية. كان عندي وحدة صاحبتي كده في الجامعة. مع انها مش شريرة ولا اي حاجة بس اتربت في بيئة كده. و مش ادركت الموضوع ده الا في الجامعة و ابتدت فعلا تحاول تصلح من نفسها و كل ما تنسى نفسها و كلمة تطلع ده ولا كده تعاقب نفسها انها تاكل قرن هلابينو حاف على كل كلمة

والله ياعمده هو حل مش بطال ولو انى مش عارف ايه هو قىن الهلابينو ده فى اعتقادى انه ممكن يكون شطه بس ده ولو انه عقاب مناسب بس قاسى شويتين

ليس لدينا مانعله الا الدعاء بأن ربنا يكفينا شر هؤلاء قولوا امين

من قال لا اعلم فقد افتى

رابط هذا التعليق
شارك
عماد حمدي عضو جديد

عماد حمدي

بتاريخ:
  • كاتب الموضوع
بتاريخ:

اكملكم

قعد يقرف فيا وزهقني في عيشتي وبجد من كتر ما كنت بكتم في نفسي ,اني مش لاقي حد يقف جنبي حتي صاحب العمل مكنش يقدر يعمل معاه حاجة لانه مبيعات والمبيعات هيا اللي بتجيب الفلوس .. فضلت أكتم في نفسي يوم بعد يوم لحد ما حسيت أني تعبت وجسمي نزل وخسيت أكتر ما انا خاسس وصحتي واعصابي إتدمرت .. بقيت لما كون نايم بعيط غصب عني لاني نفسيتي صعبت عليا لان عمري ما ضريت حد ولا عمري اذيت حد ودايما الناس واخده فكرة عني اني خدوم وبخدم وبساعد لوحه الله .. قولت دا اكيد إبتلاء من الله علشان يشوفني اذا كنت هصبر ولا لا والمؤمن مصاب .. صحيت في يوم والله دراعي اليمين مقدرتش أحركة واعصابي باظت ..

كان بالليل زي ما قولتلكم بيشغل التليفزيون ع قنوات ( استغفر الله ) ويعليه ع الأخر ويخلي النور شغال كل دا وانا نايم ..

بالليل انا كنت بقوم أصلي قيام ليل وكدا ... الاقيه يتريأ عليا ويقولي آل دي برده صلاه التائب ولا صلاه اية انته صليت يمكن 10 ركعات .. ويقعد يتفز فيا وأنا بستغفر ربنا .. لدرجة انه لما كنت بصلي بالليل كان بيفتح الأسبيكر وبيكلم واحده من اياهم ( وانتم عارفين الباقي ) مكنتش عارف اركز في الصلاه ولا اسمع المسخرة اللي كان بيعملها .. قولتله ع فكرة دا أكبر حرام اللي انته بتعملة دا مش كفاية انك مش بتصلي وقعدت أنصحة .. لقيته هب وذعق فيا أنته مالك انته خليك في نفسك ياعم الشيخ دي ( مراتي ) !!!!

مراتك وبتعمل معاها كدا وانا معاك وفاتح الإسبيكر دا انته اية دا شيطان شيطان شيطان !! كل دة في عقل بالي لان لو قولت كدة هيضربني

المهم في مرة من المرات لقيته قرب ليا ورجع قعد يصالحني وكدة وكنت عايز أعرف منه السبب لاكنة كان بيراوغ .. وقالي انا كنت بعاملك كدة علشان تنشف شوية وتتعلم .. واان اقولة خلاص ياعم صافية لبن محصلش حاجة .. انا مجبر اني لازم اكون معاه كويس لانة معايا في كل حتة بيت وشغل .. وهوه فرخة بكشك عن السعودي

قالي مش عيب تقول لصاحب العمل اني حرامي .. قولتلة دا شغلي وانا بعمل اللي ربنا هيحاسبني عليه يوم القيامة قالي بس خليك قدها بقا يا حلو .. انا خوفت مش علشان انا بعمل حاجة غلط بس علشان اان عارف انه ممكن يأذيني باي طريقة تانية ..

المدير المصري 58 سنة دا كان بيعتبرني فعلاً اني زي ابنة والله بجد دا كان راجل فوق الوصف وكان بيقف في صفي كتير جدا ً جدا ً المهم جمعنا كلنا انا والفلان التاني وهوه وقفل علينا الاوضة وقالنا مش عيب اننا مصريين ونعمل كدا في بعض مش عيب اللي بيخصل دا عماد اعتبرة ابنك او اخوك الصغير عيب كدا .. لقيت التاني بنفس أسلوبة المستفز الصوت العالي وذكر صفات مش موجوده فيا بل بالعكس موجوده عنده هوه .. وكان بيذكر للمدير المصري دا انه بيشيل صحابي شيل وانه مش مخليني محتاج حاجة بيذكر كل المحاسن اللي عملها معايا في الأول .. مع ان صحابي اقسم بالله مفيش الا هيا مرة واحده بس اللي جم ليا في الأول .. دا بقا مسكها في كل قاعدة انا بعمل كذا لية وهوه مش عارف اية واية واية ..

المهم خلصنا الحوار وصافية لبن وكله تمام قدام المصري دا .. يدوب نطلع من عنده الاقيه برده يقرف فيا .. يبقي كدا ذكي جدا جدا جدا

انه وصل للمدير المصري انه هوه جدع معايا اهوه بس من وراه بيديني كل قلم والتاني ..

لو حصل بقا اي مشكلة يبقي ابان انا اني السبب فيها دي الخطة اللي كان بيلعب عليها .. قولت للمدير المصري دا انته من جواك شاكك فيا ومصدقة بس اقسملك بالله اني هيجي اليوم وتعرف الحقيقة .. والحمد لله صدقني وبقا بيخاف من الراجل دا وقال عليه انه مش سهل وكدا .. وبدا المدير دا يقرب ليا تاني ويحبني زي الأول وكدة .. الفلان دا معجبوش الوضع لقيتة سحب معايا ناعم وقالي هقولك ع سر بس اوعي تقولوا لحد قولتله قول .. قالي عارف مين اللي كان قايلي اسجلك ؟؟ قولتله مين

قالي المدير المصري !!!!!!! يا نهار ابيض ؟؟ طيب لية وعلشان اية دا انا من دور اولادة وطبعا ً طلع كداب وكان عايز يوقع بيني وبينه وكل دا وصاحب العمل قاعد حاطط رجل ع رجل وكان كل ما يشوفنا اتصالحنا يقوم بدورة هوه كمان ويفقع اسفين في دا وفي دا علشان كل واحد عارف حاجة عن التاني يقولها وهوه الكسبان في الأخر ..

صاحب العمل فتح مكتب تاني وقالي هتخلص شغلك هنا وتروح هناك وهنصرف ليك اوفر تايم مبلغ قد كذا .. قولت والله كويس اهو كدا الشغل واسيبني من الشغل برة وارجع هنا في مؤسستي اينعم المبلغ بسيط بس أهو أفضل ..

روحت للشغل التاني أعتذرت ليهم اني مش هقدر أكمل .. تفاجأت بصاحب العمل بيقولي انا عايزك ان شالله تجيلي يوم واحد في الأسبوع وهديك نفس الراتب !! قولت يا بركة دعا الوالدين الحمد لله واشكرك ع تقدريك ليا

قولت سبحان الله اهو دا سعودي ودا سعودي والفرق !!! المهم فلان عرف اني همسك المكتب التاني واتابع هناك مع العملا وهاخد مبلغ ق كذا كل شهر بالإضافة الي راتبي ومديري المصري كتب فيا تقرير محترم جزاه الله كل خير ..

التاني عمل اية بقا دمه اتحرق طبعا ً قال لصاحب العمل وفّر اللي هتديهوله وانا هعملك شغلك هناك ولو قصرت فية اخصم من راتبي كل اللي انته كنت هتدهوني !!! ياعني هيضحي براتبة مقابل اني مستفدتش باي حاجة

صاحب العمل قال فكرة ممتازة أهو هوفر ولو هوه معملش المطلوب منه هخصم منه .. يبقي اية اللي يخليني ادي لعماد كل شهر قد كذا

تفاجئت بصاحب العمل بعدها بانه بيقول خاص نلغي الفكرة والمدير المصري بيقولوا لية عماد جاهز وانا قايلة ع الخطة اللي هنمشي عليها قاله فلان هوه اللي هيعملها .. قولت يا خبر أبيض دا انتة راتبك أضعاف راتبي تستخسر فيا قرشين زيادة هخدهم مقابل تعبي

المهم فعلاً كان بيعمل الفواتير بيجمعها وبيجيلي المكتب يرميها ع المكتب عندي ويقولي دول يخلصم دلوقتي حالا ً اقولة انا ادري باية اللي بخلص دلوقتي واللي مش يخلص وعندك مديري روح قولة الكلام دا !!! المهم كان بيروح لمديري دا وكان دايما ً بيكسفة ..

فكان بيعمل اية .. المفروض اني اعمل مثا ً مستخلص يوم 1 يناير مثلا ً والمفروض يكون فية فواتير الشهر دا كلة .. كان بيديني نصها ويركن النص التاني .. يجي صاحب العمل يقولي معملتش المستخلص ليه أقولة الفواتير ناقصة يقولي ناقصة لية اقولة فلان مش جابها .. يقوم خاصم مني فلوس من مرتبي ويقولي تبقي تكتب مذكرة بعد كدا وترفعها لمديرك ..

يجي الشهر اللي بعده يكرر نفس اللي عملة أقوم كاتب مذكرة .. يقوم داخل مكتبي من ورايا ودافس الفواتير الناقصة من عندي في درج مكتبي .. ويقول لصاحب العمل انا مديلة الفواتير بايدي دا بيتبلا عليا وتعالي معايا اوريهوملك علشان تصدقني .. يجي صاحب العمل يدخل مكتب يلاقي فعلاً الفواتير !!!! وانا هتجن جات منين الفواتير دي دخلت المكتب إزاي .. وعقلي هيشط

بقا أي حاجة بعد كدا يقولها لصاحب العمل كان بيصدقها .. لانه اثبتلة انه طيوب وامور ومظلوم .. والله الوحيد الأعلم والمطلع ..

لقيت صاحب العمل بقا بيتربصلي وبقا منظري زفت تاني قدام مديري المصري وقدام صاحب العمل واولادة ..

وكنت بدعي ربنا سبحانه وتعالي انه يخرجني برة المؤسسة دي بأي طريقة ..

يوم الخميس كان عندي شغل في المؤسسة التنية بعد دوامي لقيتة اتصل بأخو كفيلي وقالة عماد طلع بيشتغل مع الناس اللي قدامنا ولقيته جاي واتقفشت .. اصابتني الرهبة من الموقف بالرغم اني بتمني اني أمشي لكن الموقف كان غريب عليا .. جم اتلموا صاحب المؤسةة واخواته والفلان دا والمدير المصري .. وانا تعاملت مع الموقف بكل بروووود وقعدت حطيت رجل ع رجل المهم قالوا اني هسلم شغلي لواحد هيجي واخد خروج نهائي ..طبعا ً كان عندهم إعتقاد أني بايع دهب أمي وبعت حته الأرض اللي عندنا وتكبت كل هذه المصاريف علشان اروح الجنة ( السعودية ) وكانوا معتقدين ان كدة هيمشوني بقا بمزاجهم .. قلتهم اوي اوي مفيش مشاكل خروج نهائي خروج نهائي ولا هتفرق معايا دا انتوا كدا رحمتوني ...

المهم لما لقوني فعلاً مستبيع القضية وفعلاً نويت .ز صاحب العمل كلمني كذا مرة ومديري واخوات صاحب العمل وانا مازلت عند موقفي هاخد نهائي ياعني هاخد نهائي .. صاحب المؤسسة جالي وقال ياعماد انا مستعد الغي القرار دا بس تعمل الأتي :-

مرتبك زي ما هوه مفيش زيادات خالص

هتخلص شغلك الساعة 5 السيارة هتيجي تخدك وتوديك البيت لو اتصلت وعرفت انك مش موجود في البيت سيخصم 3 ايام ولو اتكررت تاني هيخصم اسبوع الي ان يصل الخصم لشهر .. مفيش حاجة اسمها اصل انا راح عند صحابي ولا رايح عند قرايب ولا عايز تخرج قولتة طيب يوم الجمعة قالي ولا يوم الجمعة تقعد وتتابع شغلك وان اثبت كفائتك هزودك 200 ريال في اول شهر مارس الجاي .. قولتله كل دا علي اية ياعني وبناء ً علي اية سيادتك حاسس اني هقبل الوضع دا .. قالي انتة عارف انته هتبقي خسران قد اية هتبقي خسران ما لا يقل عن 20 الف ريال قولتلة (( خسارة قريبة افضل من مكسب بعيد )) في الجزمة !! انا اللي بجيب الفلوس مش هيا اللي بتجيبني وبعدين انا لسة صغير في السن ومش ورايا اي التزاات وحر نفسي مش مشكلة المهم لما لقي ان مفيش فايده بعتلي اخوه وابنة كلموني وكل واحد جايبلي عرض شك مقابل اني أستمر وانا اقولهم لأ .. كل واحد اصدر قرار يبقي قد كلمتة وإلا مكنش أصدره !!!

نرفزتهم جدا جدا النقطة دي .. قالوا بقا مفيش غير حل واحد هنضغط عليه إزاي .. الفلان لعب دورة بقا قالهم مشوه وانا هجيبلكم محاسب براقبته وهنديلة مرتب اقل من اللي كان بياخده عماد بس لازم نعلمة الأدب علشان ميكررهاش تاني وانا واقف ورا الباب سامع كل دا .. قالوا اية بقا ........ يخصم من السيد عماد الأتي :-

عدوا بقا ..

أولا ً كان فية راتب شهرين مش اخدتهم متأخرين .يخصمم

ثانيا ً تخصم ثمن الإقامة 750 ريال

ثالثاً يخصم تمن التأمين الطبي 845 ريال

رابعا ً تخصم 250 ريال ثمن الكروت الشخصية اللي المؤسسة عملتها

خامسا ً هيعملوا اعلان في الجرنال انه االمؤسسة هتديني نهائي واي حد ليه مستحقات او مطالبات ع المذكور سرعة التوجه للمؤسسة في خلا اسبوع ولاخلاء المسؤلية جري النشر .. يخصم ثمن الإعلان 250 ريال

سادسا ً المذكور يسافر ع حسابة الخاص

سابعا ً توقيع جزاء 5000 ريال تخصم من المذكور لإرتكابة مخالفة العمل لدي الغير بعد الدوام

بعد ما عملوا القرار دا .. توقعوا 100 % اني خلاص هقبل بالوضع .. قالولي لو كملت معانا وتمشي بشروطنا ونبيك مثل الريموت كنترول مش هنخصم عليك شيء .. قولتلهم مش هكمل وفلوسكم هتكون جاهزة في خلال أسبوع .. اتجننوا وفلان دا اتهبل المهم مديري المصري يجبني يمين يجبني شمال قولتله والله ما اقعد فيها تاني ع اية خسرت صحتي وأعصابي وفلوسي ومش مستفاد أي حاجة ع اية دا كلة في الجزمة ولازم يعرف اني مش من النوع اللي بريال تجيبني يمين وبريال تجيبني شمال ... بس شرط هعمل اللي انتم عايزينة بس إخلاء طرف من المؤسسة ليا .. فلان سمع الحوار دا .. طار ع الكفيل قالة متدوش إخلاء طرف ..!!!

المهم ربك مش بينسي حد .. نموذج المخالصة النهائية وقع في ايدي الحمد لله واخدتة بطريقة غير مشروعة .. + الاعلان اللي نشروه والفكرة اللي جتلهم دي فدي تعتبر إخلاء طرف من المؤسسة و 23 مليون سعودي في المملكة .. فقولت سبحان الله شوف ربنا هداهم لفكرة اية علشان يضروني واهي جت في مصلحتي ..

رميتلهم الفلوس .. وهنا جاء دور الفلان .. قالي عايزك في كلمتين قولتله نعم .. قالي استهدي بالله وقولي انته عايز اية وتكمل معانا !!!!!!1 ومن جوايا بقول يا نهار مهبب بقا انته السبب في دا كلة وفي الأخر تقولي تأمرنا باية .. كل دا علشان صورتة مع مديري المصري تكون كويسة وزي الفل ..

المهم قولتلة انا خلاص أخدت قرار يقولي انته كدة خسران قولتلة بس كسبان نفسي .ز انا متعودتش اني اهدر كرامتي قصاد الفلوس .. اسيب الموضوع دا لناس تانية ..

والحمد لله طالع نضيف ولا سرقت ولا نصبت ولا إختلست ولا اي شيء ... بعد ما دفعت الفلوس فضلوا ركنني شهر كامل موقوف عن العمل ومش راضين يخلصولي إجراءات الخروج النهائي .. وكل يوم يتحايلوا عليا .. وانا مازلت عند موقفي

بالمناسبة بعد ما مسكوني وانا شغال عند صاحب عمل تاني بعد دوامي .. قعدوا يصدروا قرارات ولقيت الملف بتاعي اتحشي قراترات اول مرة اشوفها والله العظيم وجزاءات ووو صفوووووووني وصفوا دمي ..

المهم ابن صاحب المؤسسة جه تاني يوم وشتمني !! وسب والدي .. ساعتها كل اللي خزنتة الفترة اللي فاتت دي طلعته عليه رديت ليه الشتمية أضعاف الأضعاف لقيت خلع العقال وكان عايز يضربني بية أخدته منه وفقعته علقة وأقسم بالله العلي العظيم انا مكنتش عارف القوه دي جتلي منين وانا نفسي استغربت هريت جسمة ضرب وشتيمة ومسحت بكرامة أهلة الأرض وطلعت جريت وراه والعمارة كلها اتلمت علينا قولت ضربوا الأعور علي عينه قال خربانة خربانه .. جه فولان وقال لابد ان نشتكيه في مكتب العمل .. قولتله يا اخي اتقي الله بقي اتقي الله خاف ربنا الدنيا مش مستاهلة ان الناس تقطع في بعض ربك شاهد ومطلع اتقي الله والله كل اللي انته بتعملة دا هيقعدلك في ولادك وهيديك العمر وتشوفهم قدام عنيك .. قالي مكلش دعوه انا كدة حر واللي انته عارف تعملة اعملة وقعد ينرفز فيا ويستفزني ... وجالي ساعتها انهيار عصبي ووقعت في الأرض ..

مفوقتش غير وانا ع السرير وجنبي المدير المصري بيطمّن عليا .. وقالي بنفسة سافر ياابني وربنا يصلح حالك واهو درس وانتة اتعلمت منه

وانا اتفطرت من البكاء وقعدت أبكي لله سبحانه وتعالي واقولة اديني الصبر يارب الحمد لله ع كل شيء كل دا وانا برده أحسن من غيري يارب قويني وابكي لربنا والحمد لله أخدت خروج نهائي ورجعت أرض الوطن مصر الحبيبة بين أهلي وأصحابي ..

المهم قبل ما اسافر بكام يوم .. كفيلي كان راح تركيا للمسخرة وقلة الأدب كالعاده .. وكان سايب سيارتة هنا مع واحد هندي المهم الواحد الهندي دا أخدها وخرج بيها ورجعت السيارة مثل البيبسي الكانز متعرفش فين وشها من ضهرها العربية اتفشكلت والواد طالع صاغ سليم وقلت اللهم لا شماته وقعدت أقول حسبي الله ونعم الوكيل ..

جه الكفيل قولتله دا ذنبي علشان انته ظلمتني واديت ودنك لواحد لا يخاف الله .. وادي جزاتك واستعد للباقي انه المنتقم الجبّار ..

المهم سافرت وكلة تمام ورجعت بلدي تاني وبعد الأزمة دي استعدت قواي تاني بعد فترة نقاهه شهرين بفضل من الله وتوكلت عليه وفوضته انه كان شاهد ومطلع وهياخدلي حقي من الناس دي لانهم ظالمني طبعا ً كل أفراد اسرتي في كل صلاه يقولوا حسبي الله ونعم الوكيل ..

المهم بعد فترة من تواجدي هنا قولت اتصل بصديق ليا هناك اطمن عليه وكدا وتفاجئت ان المؤسسة بتصفي ,, العملاء مش بيسدوا والمؤسسة ماضية شيكات للمودرين ومش منتظمين في الدفع وواخدين قروووض ووو ... وصاحب المؤسسة بدا يصفي وقام ببيع 5 سيارات ليقدر ع السداد .. حينها قولت الحمد لله ربنا أخد حقي ولسة الباقي أشد واعظم ,,

الفلان المصري دا .. أخدت حقي منه تالت ومتلت هنا في مصر .. ودي قصة تانية خالص بس فعلاً ناري بردت من اللي حصلة هنا ..

ودي كانت قصتي مع شخص من نفس دولتي ومن نفس المحافظة

عذرا ً ع الإطالة .. أو وجود أخطاء إملائي

ما موقفك ورد فعلك بقا إذا تقابلت مع هذا الشخص ..

..

رابط هذا التعليق
شارك
mekkawy عضو جديد

mekkawy

بتاريخ:
بتاريخ: (معدل)

ايه يا ابني التزبيل ده ... تزبيل .. ده أقل لفظ أوصف بيه اللي حصل معاك ... أنا مفترض فيك طبعاً حسن النية و صحة رؤيتك للأمور و أكتر حاجة كيفتني إنك ضرب الواد السعودي :rolleyes: و الله براوة عليك يا عمدة ... انا شايف إن إنت كسبت كتير أوي أوي ...

أولاً و فوق كل شئ ... كسبت الله سبحانه و تعالى و تأكد إن الظلم اللي حصل معاك هيقعدلك هيقعدلك و هتشوفه في حياتك نعمة كبيرة أوي ربنا هيفتح عليك بيها

ثانياً .... كسبت احترامك لنفسك و كنت خير مثال لشباب بلدك المحترمين اللي ما بيتباعوش بالفلوس ... و دي لوحدها كبيرة أوي عند ربنا و عندنا كلنا ... هنعملك تمثال يا ولة في العليا هنا :D

ثالثاً ..... كسبت درس قاسي جداً و شديد و فعلاً فعلاً هينشف عضمك كتيييييييييييير و لو ربنا قدرلك و جيت هنا تاني هتيجي صح الصح و هتكون ناااااب كبير و أزرق كمان.

رابعاً .... كسبت خبرات كتيرة في التعامل مع أقذر أصناف البشر و فعلاً اللي إنت حكيته ده بيقول إن الشخص ده جمع في نفسه كل الأصناف اللي انت ذكرتها في أول الموضوع و أكتر شوية كمان ... ده فعلاً أشبه بالشيطااااااااااان

بعد ده كله بأة ... أحب أقولك إنك أخطأت بردو في حاجات كتير ... أولها موضوع الحاجات اللي كانت بتتاخد منك سواء في الشغل أو في السكن .. و كمان الحاجات اللي كانت بتتحطلك في مكتبك و دولابك و أدراجك في الشغل .. كان لازم تكون أوعى من كدة ... و كان لازم تكون أحوط من كدة ... مفيش حاجة اسمها مؤسسة واحدة (عند أمه يا أدهم الكلام ده) بس عذرك فيها طبعاً سنك الصغير و قلة الخبرة و الشيطان ده.

كان لازم يا باشا تغزه كل غزة و التانية أعمق من اللي قبلها عشان يعرف إنك مش سهل و إنك فعلاً قدها ... تغزه بأة في السكن تغزه في الشغل ... بس بما يرضي اللهمش مهاميز مزورة

لما مسكت عليه السرقة و صاحب العمل وش كدة قالك عارف و مش عارف ايه ... كان لازم ساعتها تعرف إن دي مؤسسة مش محترمة و مش هيكونلك فيها مكان لأنك محترم و ابن ناس كويسة ... إنما أنا أبا صاحب مال عارف إني بتسرق و ساكت عشان كلاب السرقة بيكسبوني لا و كمان بأظلم .... يا أخي ده ايه ده

لما كسبت المدير المصري كان لازم تعمل معاه جبهة كويسة ع الاقل جبهة دفاعية يا سيدي و ما تبدأش بالهجوم ...

كان لازم الشخصية المؤذية دي تكون معاه أشد من كدة مش تتعب و تتعصب و تخرج عن شعورك ... لأ لأ لأ ... كنت توريله إنك صغير اه بس كرباااااااااااج

و بعدين يا عمدة في الاخر ... الرزق بتاع ربنا و الله يا ابني أنا فخور إني عارفك ... لأنك إنسان جدع و محترم و اللي إنت عملته و استحملته ده مش أي حد يعمله ولا يستحمله خاااالص ... و بردو في الاخر بأقولك إنت الكسبان

بس بالله يا شيخ بالله ... تحكيلنا أخدت حقك إزاي من الراجل المؤذى ده عشان نارنا إحنا كمان تبرد لأني و الله شايط منه و لو قابلت واحد زي ده بتهيألي هأحط عليه لحد ما يبانله صحاب و هأعوره بجد

مكاوى .... كلك حركات

تم تعديل بواسطة mekkawy
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...