الدراسة في كندا

[Gimie]

السلام عليكم يا جماعة

أنا كنت بافكر اسافر اخد كورس لمدة 5 شهور في كندا و في نفس الوقت أدور على شغل هناك ... في فانكوفر ... أنا كنت عايز اعرف كام نقطة:

1) أنا لو رحت على فيزا (طالب) هل هيبقى صعب اطلع تصريح شغل؟ و بياخد وقت قد ايه؟

2) هل الاحسن اني ابدأ ابعت السي في من دلوقتي و ادور على شغل و لا الاحسن لما اروح هناك ؟

شكرا

[myusername]

و عليكم السلام و رحمة الله و بركاته,

فى الحقيقة... انتا لو رحت بفيزا طالب, هيبقى اسهل انك تطلع تصريح عمل.. و ليس العكس!

المشكلة بقى... انك طالما هتدرس لمدة اقل من 6 شهور, يبقى انتا كده صعب انك تطلع تأشيرة دراسة, الا لو قدمت لهم الاثبات انك معاك مصاريف سنة دراسية كاملة... و اللى بيساوى حوالى 10 الاف دولار كندى.

النقطة التانية... مش هينفع تشتغل فى شركة اطلاقا على تأشيرة سياحة... و علشان اوضح, طالما انك رايح تدرس لمدة اقل من 6 شهور, يبقى انتا هتروح بتأشيرة سياحة.

لو قدرت تروح بتأشيرة دراسة, يبقى هتاخد تصريح دراسة... و بناءا عليه هتقدر تقدم على تصريح عمل لما توصل كندا... و بالتالى هتقدر تشتغل.. بس فقط فى حالة لو قدمت على سنة دراسية كاملة.

بالتوفيق باذن الله.

تم تعديل 16 أبريل 2010 بواسطة myusername

[Gimie]

شكرا ليك جدا

طيب ممكن أعرف مصاريف اقامة شهر لواحد طالب بدون مرافقين ممكن توصل لكام من غير قيمة الايجار؟

[myusername]

بغض النظر اذا كنت طالب او لا... الاقامة نفسها بتختلف...

هل تقدر تعيش مع شباب و بنات فى نفس الشقة؟ بس ليك اوضة مستقلة؟ ولا انتا عايز شقة لوحدك؟

هتعيش فى مكان بعيد ولا قريب؟ هتعيش فى انهى مدينة؟ هتركب تاكسى ولا مواصلات و هتجيب عربية؟ هتاكل فى مطعم ولا هتعمل اكل لنفسك؟ اعتبارات كتيرة..

بس لو هنتكلم انك تعيش عالقد... و هتأجر اوضة مع شباب و بنات... ممكن فى حدود 700 دولار شهريا.

[body]

لو سمحت انا بفكر اسافر ادرس 3 او 6 اشهر لغة منها اني اعد نفسي ل IELTS وكمان اعد نفسي لدراسة الماجستير لان ناوي ان شاء الله ادرس ماجستير اول ما اوصل

ومن هناك هل يمكني ان اقدم ورق الهجرة؟

لاني بصراحة عايش في السعودية ومفيش حد كويس في الاتس هنا والموضوع صعب شوية ومكلف جدا وعلوة علي ذلك الوقت يمر والسنين بتعدي من عمرنا واحنا وقفين وفي البلد دي ليس فيها اي خبرة فقط بتعد ايام

ارجوا الافادة والتوجية الي الصح لاني محتار اسافر ادرس واقدم من هناك ولا استني الي ان ييسر الله لي الالتس؟

وجزاكم الله خير

[Nour moaty]

بالنسبة للبحث عن عمل يفيزا سياحه ....هل افرصه منعدمه خاااالص ان حد يشغلني ,مع العلم اني بشتغل فى البترول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[helisinki]

بالنسبة للبحث عن عمل يفيزا سياحه ....هل افرصه منعدمه خاااالص ان حد يشغلني ,مع العلم اني بشتغل فى البترول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاتة

مش هتلاقى فرصة فى مجالك الا لما يكون معاك ورق قانونى غير كدة هتشتغل من تحت التربيزة wst::

[Nour moaty]

طيب يا جماعه انا فى كالجاري من اسبوع مشفتش واحد مصري ممكن يعرفني البلد دي ماشيه زاي او ابتدي ازاي ,كل الي شفتهم هنود و فلبينين و صينين قليل قوي من العرب

هو فين ممكن اللقي المصرين هنا ؟

رقمي 4037148406