نكتة الاسد

[hOuSsAm]

منقول

جاتلى عالميل النهاردة وحبيت انقلها للفائدة

يقال ان احدى الحدائق السعودية أحضرت أسد من دولة أفريقية....

فرح الأسد وقال بس بنشبع من الكبسة والمندي والمضغوط

في اليوم الأول أحضر الحارس للأسد الطعام، فرمى له موز في القفص

في اليوم الثاني فعل نفس الشيء ورمى له موز على العشاء أيضا

إستغرب الأسد من ذلك التصرف

و في اليوم الثالث الأسد مسك الحارس

وقال له:أنا ايش ؟

رد الحارس : أسد

قال الأسد : طيب ايش الاسد بياكل ؟

رد الحارس: لحم

قال الأسد طيب وين اللحم ؟

رد الحارس: أنت جاي بتأشيرة قرد

مسكين الأسد ما سمع بالأنظمة اللي بالسعودية

أرجو ان نكون قد استفدنا من الدرس وحتى اذا فات الاوان بنا فمازال اخواتنا وابنائنا يتطلعون للسفر الى الخارج فوجب علينا النصيحة

والنصيحة مش للسعودية بس بل لكل دول العالم (عشان محدش يتصدم)

[ابوهنا]

والله جميله ياباشا

تسلم

[مغتربة]

فى الصميم

[لماضة مصرية جدا]

السلام عليكم و رحمة الله و بركاته

و انا بقرا قصة حضرتك افتكرت مشهدشفته من حوالي شهر

فيه هنا في امارة العين بالامارات حديقة حيوانات...و قعدوا يعلنوا فترة طويلة انهم جابوا حاجة كده اسمها الاسد الابيض.....و الحقيقة الصور بتاعت الاسد في الاعلانات كان منظرها تحفة...تقول دب قطبي ده و لا ايه

المهم عملنا زيارة للجونينة....طبعا لقينا الاسد....و لقيناه ابيض

بس هزيل لحد الشفقة.....و بعدين ده مش اسد.....قاعد كده و عنده حالة خمول غير عادية بالنسبة بقي للزئير و الحركات اللي احنا عارفينها

الهم مسكتش طبعا و روحت سالت الطبيب البيطري يمكن يكون الاسد تعبان.....قالي الاسد مش متكيف مع البيئة الجديدة تماما

و ساعتها برضه راح حكالي النكتة اللي حضرتك قولت عليها

=========================

اللي فهمته بقي.....فيه ناس عندها قدرة تتكيف...مع الظروف الجديدة...تتعايش معاها...تتفاعل.....تصنع شيئا جديدا أو تكتسب خبرة جديدة...و ده علي حسب طبيعة الشخص...و كمان المكان هل بيستنفر فيك قدراتك و لا لا

و فيه ناس.....معندهاش القدرة دي تماما......(انا لغاية دلوقتي ماشية علي توقيت القاهرة وده عملي تربنتينا في دماغي خلاص).......

كتير مننا بيفرح بالسفر.....بس لازم يسال نفسه أنا فعلا هقدر عليه و لا لا

الخليج...مش مرتب كبير...الخليج صناديق مكيفة....بدءا بالمباني....و انتهاء بكثير من الناس

إلا إذا انت بقيت كل يوم بتعمل تحدي جديد لنفسك انك تتعلم حاجة.....و إلا هتواجه شبح الصدأ كل يوم

الخليج فيه فروع كتير لجامعات اجنبية.....ليه المغتربين مش يفكروا انك تكمل دراستك.....أينعم طبيعة الشغل هنا طاحنة لكن انا بشوفها فرصة اكثر من جيدة.

و تحياتي علي الطرح المحرك للدماغ

[Mercedes]

السلام عليكم و رحمة اله و بركاته :lol:

أنا سمعت أن الموضوع ده حصل لما كانت جنينة الحيوانات عاوز قرد و مش لاقيه, فتعاقدت مع أسد عشان يشتغل قرد و ان الكفيل بتاعه ما أخدش باله ان مفيش شبه بين الأسد و القرد و ده طبيعى لأن الكفيل بتاعه كان الحمار الوحشى :lol: :lol: .

هههههههههههههههههههه

MERCEDES S430

[اغابي]

السلام عليكم و رحمة الله و بركاته

و انا بقرا قصة حضرتك افتكرت مشهدشفته من حوالي شهر

فيه هنا في امارة العين بالامارات حديقة حيوانات...و قعدوا يعلنوا فترة طويلة انهم جابوا حاجة كده اسمها الاسد الابيض.....و الحقيقة الصور بتاعت الاسد في الاعلانات كان منظرها تحفة...تقول دب قطبي ده و لا ايه

المهم عملنا زيارة للجونينة....طبعا لقينا الاسد....و لقيناه ابيض

بس هزيل لحد الشفقة.....و بعدين ده مش اسد.....قاعد كده و عنده حالة خمول غير عادية بالنسبة بقي للزئير و الحركات اللي احنا عارفينها

الهم مسكتش طبعا و روحت سالت الطبيب البيطري يمكن يكون الاسد تعبان.....قالي الاسد مش متكيف مع البيئة الجديدة تماما

و ساعتها برضه راح حكالي النكتة اللي حضرتك قولت عليها

=========================

اللي فهمته بقي.....فيه ناس عندها قدرة تتكيف...مع الظروف الجديدة...تتعايش معاها...تتفاعل.....تصنع شيئا جديدا أو تكتسب خبرة جديدة...و ده علي حسب طبيعة الشخص...و كمان المكان هل بيستنفر فيك قدراتك و لا لا

و فيه ناس.....معندهاش القدرة دي تماما......(انا لغاية دلوقتي ماشية علي توقيت القاهرة وده عملي تربنتينا في دماغي خلاص).......

كتير مننا بيفرح بالسفر.....بس لازم يسال نفسه أنا فعلا هقدر عليه و لا لا

الخليج...مش مرتب كبير...الخليج صناديق مكيفة....بدءا بالمباني....و انتهاء بكثير من الناس

إلا إذا انت بقيت كل يوم بتعمل تحدي جديد لنفسك انك تتعلم حاجة.....و إلا هتواجه شبح الصدأ كل يوم

الخليج فيه فروع كتير لجامعات اجنبية.....ليه المغتربين مش يفكروا انك تكمل دراستك.....أينعم طبيعة الشغل هنا طاحنة لكن انا بشوفها فرصة اكثر من جيدة.

و تحياتي علي الطرح المحرك للدماغ

بصراحة يا لماضة وصفك جه فى الصميم - مش حاعرف اوصف حالنا اكتر من اللى قولتيه

الواحد نفسه ينفد بجلده قبل فوات الاوان

داه امبارح الساعة 7 الصبح الجو فى الكويت كان بشع واد ايه صعبت عليا نفسي

الساعة 7.20 دقيقة الدنيا ضلمت وكل اللى فى الكويت عارفين كدا وممكن يقوللكم تراب بقى ايه وضمة جدا لدرجة تحس ان القيامة حتقوم - زعابيب وتراب وضمة جدا وفجأة مطر والدنيا اتطينت بستين طينة - معقول كل داه الساعة 7 صباحا -

معلش شوفو شوية الصور دوول الساعة 7.25 صباحا

تم تعديل 18 أبريل 2010 بواسطة اغابي

[justme]

ا

الخليج فيه فروع كتير لجامعات اجنبية.....ليه المغتربين مش يفكروا انك تكمل دراستك.....أينعم طبيعة الشغل هنا طاحنة لكن انا بشوفها فرصة اكثر من جيدة.

و تحياتي علي الطرح المحرك للدماغ

السلام عليكم

انا هعلق على موضوع الدراسة في الجامعات الاجنبية

اولا القطاع الحكومي غير الخاص

دوام فترة غير اتنين

كمان المصاريف مين يقدر عليها

الماجستير هنا بيكلف تقريبا 35 الف ريال في جامعة حكومة

الخاصة بقى موضوع تاني

الانجليزي عائق كبير لناس كتير انا اعرف ناس دخلوا التوفل 3 مرات ومجابوش 500

كمان معادلة الشهادة في مصر قصة سودة

اه ومش هنسى اهم حاجة التقدير بتاع التخرج

قصة طويلة اختصارها ان الموضوع ده مينفعش ناس كتير علشان كده مفيش اقبال

انا نفسي يكون الحل في مصر ان يبقى عندنا جامعات خاصة او حكومة فيها برامج صيفية

[kitkat]

درس روعة والله :blink:

خصوصا ان فيه ناس عايزة تسافر والسلام ومن غير دراية

[hOuSsAm]

الجزء التانى من نكتة الاسد

يقال ان احدى الحدائق السعودية أحضرت أسد من دولة أفريقية....

فرح الأسد وقال اخيرا هكون ملك الغابة فى السعودية

في اليوم الأول أدخل (بضم الهمزة) الاسد القفص ليجد اسد اخر من نفس جنسيته هينام معاه وهياكل معاه

ووضع لهم الحارس قطعة لحم للاسدين معا فى طبق واحد ولكنها لا تكفى شبل صغير

إستغرب الأسد من ذلك التصرف

و مسك الحارس

وقال له:أنا ايش ؟

رد الحارس : أسد

قال الأسد : طيب وانت ماتعرف ان اسد واحد فقط بيكون ملك الغابة؟

رد الحارس: اشوف مين الاقوى ويستطيع ان يكسر الاخر

وهو سيكون ملك الغابة وبدل قطعة لحم ستكون قطعتين

مسكين الأسد ما سمع ببعض الانظمة الادارية اللي بالسعودية

_____________

فعلا يا جماعة من شهر تصادف انى اقابل واحد مصرى سايب شغله فى شركة مالتى ناشونال عشان جاى يشتغل مدير مالى هنا

ودخل الشركة وفؤجى بوجود مدير مالى ويقوم بمهامه عادى (وكان التيم بتاعه بيحبوه وشغالين معاه كويس) وبيستقبل المدير المالى الجديد على انه محاسب عادى

الجديد سال صاحب الشركة انت جايبنى ليه طالما عندك مديرمالى ممشيلك الشغل

قاله انا عايز امشيه بس انا مش هقوله دلوقتى الا لما تقعدوا مع بعض 6 شهور وتفهم السيستم كله منه وبعد كدة انا هرفده

صاحبنا ده قاله يعنى هوميعرفش كمان انك هتمشيه!!!!!

وكمان ميعرفش انى مدير مالى!!!!!!

للاسف انا مش هقدر اقبل الوضع ده انا مش جاى هنا عشان احارب الناس فى ارزاقها وطلب منه خروج نهائى وحالا

ولما رفض اشتكاه

والحمد لله رجع مصر لشركته سالما بعد اسبوعين فقط واهو كسب العمرة

[kitkat]

السلام عليكم و رحمة الله و بركاته

الخليج فيه فروع كتير لجامعات اجنبية.....ليه المغتربين مش يفكروا انك تكمل دراستك.....أينعم طبيعة الشغل هنا طاحنة لكن انا بشوفها فرصة اكثر من جيدة.

وعليكم السلام ورحمة الله وبركاته

MBA Tuition: 3,250 UAE Dirhams (Dhs) per credit hour

3250 * 60 credit hours = 195,000 uae = 282,000 l.e.

:(

http://www.aus.edu/admissions/aye_2008-200...raduateFees.php

الجزء التانى من نكتة الاسد

للاسف انا مش هقدر اقبل الوضع ده انا مش جاى هنا عشان احارب الناس فى ارزاقها وطلب منه خروج نهائى وحالا

ولما رفض اشتكاه

والحمد لله رجع مصر لشركته سالما بعد اسبوعين فقط واهو كسب العمرة

والله ده راجل محترم ندُر ان تجده هذه الايام!

[شيدوان]

رغم الفلسفه اللاذعه فى النكت والتى تجعل ضحكنا عليها كالبكاء ، الا اننا نكف عن الضحك والبكاء ونتساءل ما الذى نفعله اذن مع نكت تصور حال الذين يحاولون الهجره ويغرقون فى البحر ومعهم احلامهم واحلام من حولهم .....

معروف ان المصريين فى البلاد العربيه يلقون معامله سيئه من اهل هذه البلاد .... ليس الآن فقط انما منذ كانت هجرتهم الى هناك لجمع الريالات والدينارات مقابل اى شئ دون تحفظ او تمييز ... واذكر مصريا كان فى الكويت ايام عبد الناصر ، وكان زملاؤه يقولون له صراحه.... بلد الفول والطعميه .. عبد الناصر مقصقص ريشكم

عموما الكثير من الذين يتركون البلد ويسافرون الى بلاد اخرى طمعا فى تحسين احوال معيشتهم ، لا يستحقون منا اللوم ، انما نقول فيهم حكمتنا القديمه الجديده

ايش رماك على المر قال الامر منه

شكرى وتحياتى

[الفارس]

والله يا جماعة اللي يزور منكم حديقة الحيوان بالرياض يلاقي الحيوانات مش زي اللي احنا عارفينها وكنا بنشوفها في حديقة الحيوان اللي في الجيزة .. حتى القرود "مكتئبة" ومش مبسوطة ولا بتعمل أي حركات .. !!

الأخ حسام عبدالفتاح ..

أرسل تحية من القلب للأخ الذي قصصت حكايته .. وعودا حميدا كريما عزيزا للوطن .. أرفع له القبعة زي ما بيقولوا لأنه نموذج نادر للمصريين الجدعان اللي لم يبقى منهم إلا القليل وخاصة في بلاد الغربة ..

[عاشق الترحال]

ايش رماك على المر قال الامر منه

بالظبط كده

هو ده :)

[Diab]

والله يا جماعة اللي يزور منكم حديقة الحيوان بالرياض يلاقي الحيوانات مش زي اللي احنا عارفينها وكنا بنشوفها في حديقة الحيوان اللي في الجيزة .. حتى القرود "مكتئبة" ومش مبسوطة ولا بتعمل أي حركات .. !!

هتلاقي القرد عنده مشكلة مع كفيله او مع مكتب العمل :)

[hOuSsAm]

معروف ان المصريين فى البلاد العربيه يلقون معامله سيئه من اهل هذه البلاد .... ليس الآن فقط انما منذ كانت هجرتهم الى هناك لجمع الريالات والدينارات مقابل اى شئ دون تحفظ او تمييز ... واذكر مصريا كان فى الكويت ايام عبد الناصر ، وكان زملاؤه يقولون له صراحه.... بلد الفول والطعميه .. عبد الناصر مقصقص ريشكم

عزيزى شيدوان

اختلف معاك فى تعميم المعاملة السيئة للمصريين لان بصراحة فيه ناس هنا مبسوطة جدا ومش موضوع مبسوطة ماديا بس بل انها بتعتبر الخليج هى بلادها وبيلاقوا احلى معاملة من اهل البلاد هنا وواخدين وضعهم كويس جدا هنا

والوضع دلوقتى بجد اختلف عن زمان كتير وده بسبب اختلاف طبيعة البيزنس شوية وان الناس بقت فايقة لحالها كتير اكتر من زمان

فعلا فيه ناس هنا مبسوطين اوى ومستريحين كمان

والله يا جماعة اللي يزور منكم حديقة الحيوان بالرياض يلاقي الحيوانات مش زي اللي احنا عارفينها وكنا بنشوفها في حديقة الحيوان اللي في الجيزة .. حتى القرود "مكتئبة" ومش مبسوطة ولا بتعمل أي حركات .. !!

الأخ حسام عبدالفتاح ..

أرسل تحية من القلب للأخ الذي قصصت حكايته .. وعودا حميدا كريما عزيزا للوطن .. أرفع له القبعة زي ما بيقولوا لأنه نموذج نادر للمصريين الجدعان اللي لم يبقى منهم إلا القليل وخاصة في بلاد الغربة ..

بصراحة الاخ ده جلست معه مرة واحدة ليلة سفره وبصراحة كان باين عليه الرجولة والشهامة لكن انطباعى عن اخلاقه ممكن اخدها من صاحبى حيث انه صديق لصاحبى وصاحبى ده الحمد لله قمة فى الاخلاق