الدايت و سنينه ......

[jasmin hamed]

color="#008080"] السلام عليكم

الحمد لله من يوم ما ولدت السيد بطوط المبجل و فيه 15 كيلو مضيقنى ( للامانه بطوط ليه فيهم 10 بس ) مش عارفه اتخلص منهم و على مدار سنه و شويه جربت كل الريجيمات و بعض انواع الادويه كمان

اشى

3 hours diet

Atkins

South beach

Zero calorie

Ice cream diet

Apple diet

Pine apple

دكتور نيوتشرن

ريجيم الكرنب

دكتور عبد العال

اه والله كل ده تصوروا امى بتقولى انتى مهوسه بجد عنداها حق

لما زهقت و كل مره هما 3 كيلو ينزلو و يرجعوا

لغايت ما قررت انى اعمل جاسمين دايت بمعنى اخد من كل واحد من الريجيمات ديه اهم مافيه و اعمل الى يناسبنى انا و الحمدلله بقالى شهرين نزلت 9 كيلو و الباقى 6 و ربنا يقوينا دعواتكم

عموما بعد تجربه هلخص لكم كل دايت من دول المميزات و العيوب ايه الى ممكن نستفيدو منه

و كل واحد فبكم ممكن يعمل الدايت الى على مزاجه يعنى ممكن يعمل لسته بتلاتين نوع فطار مختلف و يشكل و هكذ الغدا و العشا الريجيم الشخصى ده فيه ميزه انك حتى لو رحت مطعم او فود كورت هتلاقى حاجات كتير تكلها

خلاص هبتدى بس عايزه تشجيع

اه على فكره كان فى موضوع لاخت فاضله اسمها ام بلال حوالى 20 صفحه فيه بالتفصيل كل المعلومات عن ريجيم التالت ساعات

هلخصه بردو بس لو حد عايزه بالتفصيل الرابط اهوه http://www.egyptiantalks.org/invb/?showtopic=70541

الله يباركلك يام بلال

[pink rose]

و الله يا جاسي

انا قررت اعمل ريجيم نفسي ارجع ل58 كيلو

فا قولت يا بت يا ريمو افطري اي حاجه بس المهم العيش يكون بر

و الغداء طبق سلطة محترم فيه كل حاجه و جنبه قطعة فراخ او لحمة

و العشا زبادي فقط لا غير

لسا ما اقدمتش على الخطوة دي لاني لسا في اسكندرية و مش معقول هاحكم على ماما تعمل اكل معين

فا اول ما ارجع الرياض ان شاء الله هاعمل العملية دي و ياااااااارب تنفع

بس هاتابع معاكي يمكن الاقي حاجه اقدر اعملها و انا هنا

تم تعديل 18 أبريل 2010 بواسطة remo

[se_ Elsyed]

اول ما ارجع الرياض ان شاء الله هاعمل العملية دي و ياااااااارب تنفع

إبقي قابليني ...!!! اللي ذاكر ذاكر من زمان

سؤال يطرح نفسه بدون الخروج عن فكرة الموضوع .... هو أنهو اسهل ... الخسسان ولا الزيدان ؟

مع ذكر سبب أختيارك فيما لا يقل عن 4 صفحات فولوسكاب ..

لا بجد ...

كنت طول عُمري أتمنى أزيد لي بتاع 10 ك ... وبهدلت الدكاترة أصدقائي اللي أعرفهم لدرجة إن بعضهم كان بيحقد عليه لأنه مش عارف يخس وأهو دكتور باطنه وله في الحاجات دي .

دلوقت بقى لما ضربت وزدت بتاع 15 ك .. من الرحرحه والرمرمه والآنتخه ... عمال اقول .. ألا ليت الرشاقة تعود يوماً لأخبرها بما فعلت الدهونو

..

كملو عشان تفيدوا أخواننا التوخان

[jasmin hamed]

و الله يا جاسي

انا قررت اعمل ريجيم نفسي ارجع ل58 كيلو

فا قولت يا بت يا ريمو افطري اي حاجه بس المهم العيش يكون بر

و الغداء طبق سطلة محترم فيه كل حاجه و جنبه قطعة فراخ او لحمة

و العشا زبادي فقط لا غير

لسا ما اقدمتش على الخطوة دي لاني لسا في اسكندرية و مش معقول هاحكم على ماما تعمل اكل معين

فا اول ما ارجع الرياض ان شاء الله هاعمل العملية دي و ياااااااارب تنفع

بس هاتابع معاكي يمكن الاقي حاجه اقدر اعملها و انا هنا

اه يا بنتى ماتفكرنيش بايام ال الخمسينات ديه الواحد كان فراشه

ايه يالاه

فى حاجات ممكن تعمليها تخلى جسمك يحرق اكتر 100 سعر مثلا او مايمتصش كل الدهون الى فى الاكل فيه كمان حاجات طبيعيه لكبت الشهيه

اصبرى عليا دا نا هدلعكم

معلومه كده على الماشى كل عشره كيلو ذياده فى الجسم بيزود عمر الجسم تقريبا ما بين4 او 5 سنين

يعنى لو عملتى تحليل نسيج لجسمك و انتى 26 سنه و عندك 10 كيلو ذيلده تلاقي عمر جسمك 31 سنه

المعلومه ديه قالهالى دكتور فى مركز نيوترشن

[jasmin hamed]

اول ما ارجع الرياض ان شاء الله هاعمل العملية دي و ياااااااارب تنفع

إبقي قابليني ...!!! اللي ذاكر ذاكر من زمان

سؤال يطرح نفسه بدون الخروج عن فكرة الموضوع .... هو أنهو اسهل ... الخسسان ولا الزيدان ؟

مع ذكر سبب أختيارك فيما لا يقل عن 4 صفحات فولوسكاب ..

لا بجد ...

كنت طول عُمري أتمنى أزيد لي بتاع 10 ك ... وبهدلت الدكاترة أصدقائي اللي أعرفهم لدرجة إن بعضهم كان بيحقد عليه لأنه مش عارف يخس وأهو دكتور باطنه وله في الحاجات دي .

دلوقت بقى لما ضربت وزدت بتاع 15 ك .. من الرحرحه والرمرمه والآنتخه ... عمال اقول .. ألا ليت الرشاقة تعود يوماً لأخبرها بما فعلت الدهونو

..

كملو عشان تفيدوا أخواننا التوخان

بص ي ا استاذ س س كان ليا واحده صاحبتى 170 و حوالى 42 كيلو ابوها كان بقولها كل كيلو بالف جنيه بجد البنيه بجنبها مابتبانش

و بتاكل اكل قد عشره و مافيش فايده

بتهيئلى النحافه صعب التغلب عليها لكن اكيد احسن من الزياده

تم تعديل 18 أبريل 2010 بواسطة jasmin hamed

[se_ Elsyed]

170 في العرف النسائي تعتبر طويلة ... وطويلة جداً كمان .. معليش إحنا بنتكلم وبأعتذر لأخواتنا اللي تحت ومش عارفين فوق بيحصل في إيه

لكن 42 ك وزن .. دي فعلاً شبح ولازم لها حُقن محشي مكثفة لمدة 3 سنين

ابوها كان بقولها كل كيلو بالف جنيه

قولي والله العظيم ؟

طب ما تعرفيني عليه يا جاسي ينوبك ثواب .. ده مشروع هايل

والله عندي أستعداد أزيد له 20 ك لو شجعني وأداني باكو على كل كيلو ... مشفي كمان من غير عضم

بتهيئلى النحافه صعب التغلب عليها لكن اكيد احسن من الزياده

بيتهيأ لك ..

يعني واحده زي أم 42 دي .. لو جالها شوبة أنفلونزا . .. ممكن نلاقي منها رسالة بتقول " سوزي كانت هنا وتبخرت "

أعتقد الوسط حلو مع ترك Buffer لزوم الطواريء

يعني لو واحد طوله 180 .. يبقى وزنه لو 75 إلى 80 يبقى ممتاز .. يزيد 10 .. يخس عشره يبقى كويس .. مع إن الإنسان لما يتقدم في العُمر بتبقى أحتمالات الزيادة اكبر

والستات بقى دول لوحدهم على جنب لإن ربنا يعينهم في الحمل والرضاعه وقعدت البيت قدام المدفئة وشغل التريكو

[pink rose]

ايه يا عم انت الاحباط دا

الحكاية كلها زيادة 10 كيلو بس منهم 4 في الحمل الاخير دا

يعني مش دارفيل هايعمل ريجيم

اه عشان ما حدش يفهم غلط

[hebapharm]

انا بحجز كرسي اهه في اول الصف...معاكي قلبا وقالبا وهشارك بتجاربي مع الدايت اللي ملازمني من زمن

منتظرينك يا جميل

[jasmin hamed]

حبايبى الحلوين الى قاعدين مستنين

بكره الصبح السابعه بتوقيت القاهره هنبتدى المشوار

و لغايت ماجى بكره نصيحة انهارده كل ا تفاحه صغيره قبل اكلك ب 15 دقيقه و هقولكم بكره ليه

يالاه عايزه ناس تدخل تشجع

[mekkawy]

في انتظار الوصفة السحرية و الخلطة السرية و العجينة المستخبية للأوزان المثالية

مكاوى .. على طوووووووووول

[mekkawy]

عدد القراء الحاليين لهذا الموضوع (0 الزوار 0 المتخفين)

4 الأعضاء: mekkawy, jasmin hamed, the consultant, remo

كله يا عيني بيجري ورا الدايتس و حلم الخسسان و القوام المنشوق ... ده لو حضرتك الناس دي ما خستش و انا أولهم ... متهيألي في حد هيتعدم على باب المحاورات ...

مكاوى

[the consultant]

الرياضة هي الحل انا بكره الرجيم .

الشعار الصح هو " كل بعباطة بس العب رياضة "

[the consultant]

في انتظار الوصفة السحرية و الخلطة السرية و العجينة المستخبية للأوزان المثالية

مكاوى .. على طوووووووووول

ايه يا ريس الصور الجديدة دي , تخليت عن اللحية ولا ايه ولا ده تأثير الأقامة.

[pink rose]

و اللي مش بيحب التفاح يعمل ايه في نفسه؟؟؟؟؟؟؟؟؟؟؟؟

[mekkawy]

ايه يا ريس الصور الجديدة دي , تخليت عن اللحية ولا ايه ولا ده تأثير الأقامة. :blink:

ههههههههه

هههههههههههه

ههههههههههههههههه

ههههههههههههههههههههه

طبعاً الناس هتقول مكاوي اتجنن ... بس أصل هي حاجة تجنن و الله ... يلا مش مهم التفسير ... خلوها كدة ... المعنى في بطن الزير ... فصدي المعنى في بطن الشاعر ... و المصحف مقتول ضحك (يجوز الحلف بالمصحف لأنه كلام الله و الكلام صفة من صفات الله إذ يجوز الحلف بصفات الله)

مكاوى ... أمير الشعراء

[Diab]

:blink: كل التفسير ده يا مكاوي عشان تحلف طب مصدقينك

ا

لرياضة هي الحل انا بكره الرجيم .

الشعار الصح هو " كل بعباطة بس العب رياضة

"

كلام سليم جدا بس كل باعتدال احسن لا تحرم نفسك بس ضاعف مجهودك

تم تعديل 18 أبريل 2010 بواسطة Diab

[جيمي]

اول ما ارجع الرياض ان شاء الله هاعمل العملية دي و ياااااااارب تنفع

إبقي قابليني ...!!! اللي ذاكر ذاكر من زمان

سؤال يطرح نفسه بدون الخروج عن فكرة الموضوع .... هو أنهو اسهل ... الخسسان ولا الزيدان ؟

مع ذكر سبب أختيارك فيما لا يقل عن 4 صفحات فولوسكاب ..

لا بجد ...

كنت طول عُمري أتمنى أزيد لي بتاع 10 ك ... وبهدلت الدكاترة أصدقائي اللي أعرفهم لدرجة إن بعضهم كان بيحقد عليه لأنه مش عارف يخس وأهو دكتور باطنه وله في الحاجات دي .

دلوقت بقى لما ضربت وزدت بتاع 15 ك .. من الرحرحه والرمرمه والآنتخه ... عمال اقول .. ألا ليت الرشاقة تعود يوماً لأخبرها بما فعلت الدهونو

..

كملو عشان تفيدوا أخواننا التوخان

اوكي سي السيد

لعلاج النحافه عليك بزيادة الكربوهيدرات فى جميع وجباتك او بينها او عن طريق الادويه زي عقار جروث فورميولا

الكلام اللى بقوله على افتراض ان النحافه عاديه غير ناتجه عن نقص فى هرمون النمو او امراض اخري زي السكر وخلافه

خد الكام وصفه الشعبيين دول من عند دكتور متخصص ماتخافش مش من عند ام سحلول wst::

1_ معلقة خميره بودر تدوب فى كوب ماء مع 6 الى 9 ملاعق سكر تشرب مباشرة .. تكرر مره او مرتين فى اليوم فقط

على فكره ليها فوائد تانيه زي تحسين الهضم بس اوعي حد يغلط ويحطها فى التلاجه .. كده تبقي بوظه

2_ عسل اسمر مضافا اليه تمر ويستخدم كطبق رئيسي فى وجبة الافطار

3_ رقم تلاته مش فاكرها اوي بس فاكر ان الطبق كان من مكوناته سمن بلدي يتسيح فيه عجوه ويخلط بالرده او حاجه تانيه بودر مش فاكرها وتتعمل كصوابع الكفته وياكل منها مع كل وجبه

الحاجات دي ممكن تجيب نتيجه بسرعه اذا ماكنتش النحافه سببها جيني وراثي اما اذا كانت العكس فالمفروض يستخدمها فتره اطول

مع اني شايف ان النحيف فرصته افضل فى تكويين عضلات متناسقه وجسم رشيق باقل قدر من الرياضه

زيي كده :blink:

[jasmin hamed]

صباح الخير اخواتى الحلوين

الى ان شاء الله على يوم كله خير مقدمين

بدايه كده احب اوضح ان كل دايت من اللسته الى كنبنها بيعتمد على فكره ثوريه

و لكن متطرفه ممكن من كل دايت مانفذوش كله بحذافيره لكن نطلع بمعلومه تفيدنا عشان نغير طريقتنا فى التعامل مع الاكل

عشان نخش فى الموضوع على طول هشرح لكم اايه هو

fat burning diet / negative calorie diet / zero calorie diet

كل الاسماء ديه بتتكلم عن نوع واحد معين من الريجيمات المسمى الريجيمات المعتمده على ماكولات حارقه للدهون

اولا لازم نفهم ان مافيش اكل مافيهوش سعرات ابدا او هو بذاته هينزل يسيح دهون الجسم

انما الحكايه ان فى بعض الماكولات الجسم بيستهلك فى هضمها اكتر من السعرات الى بيخدها منها

يعنى مثلا 100 جرام الخيار فيهم 18 سعر

يعنى الجسم بيحتاج سعرات اكتر عشان يهضم الخيار من الى بياخدها منه

يعنى مثلا الداخل 18 كالورى و المحتاج للهضم 35 يبقى النتيجه -17

الريجيم ده الزيرز كالورى بيديك لسته ماكولات معينه تاكل منها الى انت عايزه فى خمس وجبات

و اضافة ليهم ثلات حصص بروتين على مدار اليوم يعنى مثلا الفطار بيضه مسلوقه + اى من الماكولات الزيرو كالورى و الغدا

صدر فرخه + اى من الماكولات الزيرو كالورى و العشا مثلا ذبادى و اى من الماكولات

الزيرو كالورى ذود عليهم كمان اتنين سناكس و بكده فعليا انت بتحصل على مايوازى 500 او 700 كالورى فقط

و اى كان مستوى النشاط هتخس يعنى هتخس

نيجى بقى للسته الماكولات الزيرو كالورى

الخضار

كل الخضروات الورقيه خس , بقدونس جرجير الخ

البروكلى

الجزر

الكوسه

القرنبيط

الفلفل الحامى

الكرفس

الفجل

البصل

السبانخ

الخيار

التوم

الفاكهه - مش عصير

التفاح

الفراوله

الكنتالوب

اللمون

البرتقال

الاناناس

اليوسفى

الشمام

الخوخ

الجريب فروت

بالمره و انا بشرح الدايت هشرح كمان دايت الاناناس والكرنب لانهم معتمدين على نفس الفكره او الماكولات الى سعرات الى بتستهلك فى هضمها اكتر من الى بتاخده منها

ريجيم الكرنب

شوربة الكرنب الرهيبه مكونتها بتختلف من وصفه للتانيه و طعمها مش وحش على فكره اذا كنت من هواه الكرنب اصلا بس لو لحظتو ا ان المكونات كلها من لستة الزيرو كالورى

عباره عن بصل توم فلفل اخضر كرنب كرفس بقدونس ملح فلفل

بيختلف دكتور من دكتور فى وصف الريجيم الكرنب و لكن الاساس فيه

الفطار عصير برتقال او فراوله من غير سكر

الغدا شوربه الكرنب و انواع محدده من الفاكهة او مايوازى ربع كيلو لحمه او فراخ او نص سمك و العشا ذيه

كمان ممكن شرب الشوربه فى وقت مابين الوجبات عند الشعور بالجوع

ريجيم الاناناس

نفس االكرنب بس بدل شوربه الكرنب اناناس و ذياده فى اخر الاسبوع يومين بالكامل اناناس

عيوب الريجيم بعد تجربه شخصيه

1- حاله هبوط شديد و عدم قدره على التركيز و اجهاد مستمر و رغبه فى النوم مستمره

2- حاله تشنجات فى القدم عند الصلاه مثلا

3- فى حاله الريجيمات مثل الاناناس و الكرنب مستحيل الاستمرار اكتر من اسبوع و عليه لا يصلح الا للعايز ينزل من وزنه 4 كيلو قبل فرح و لا حاجه و هيرجعهم تانى

4 – فى ريجيم الانانس بع] يومين كان في التهاب فى اللسه وبالنسبه للكرنب مالوكوش على القولون

الاستفاده

طلعنا بلسته ماكولات نقدر نعتبرها

BONUS FOOD

او بمعنى اصح مابحسبهاش و انا بفكر فى عدد الكالوريز يعنى مثلا ممكن تضيف

لاى وجبة غذاء او فطار حباية تفاح او مايعادل كوب اناناس مقطع و شوربه بصل او كرفس كانى ماكلتهمش

فى اخر التعريفات هبقى اقولكم على مجموعة وصفات من الشوربات

و اطباق جانبيه بسيطه الى ممكن تستخدمه فيها اللسته و تزودو بيها على اكلكم اليومى

يتبع

[the consultant]

لا لا لا انا منسحب تماما من الشغل ده "كرنب لا" متشوفيلنا حاجة كدة باللحوم مثلا " انا مستعد ابطل رز و مكرونة و بيبسي يالا مش مهم " لكن كرنب و خيار و شغل سلاحف مقدرش عليه و أخري حستمر لمدة ساعتين, انا بسجل احتجاجي الرسمي على الكلام ده

[jasmin hamed]

لا لا لا انا منسحب تماما من الشغل ده "كرنب لا" متشوفيلنا حاجة كدة باللحوم مثلا " انا مستعد ابطل رز و مكرونة و بيبسي يالا مش مهم " لكن كرنب و خيار و شغل سلاحف مقدرش عليه و أخري حستمر لمدة ساعتين, انا بسجل احتجاجي الرسمي على الكلام ده

يا عمى اصبر على رزقك دلوقت ندخل على الحاج اتكنز و تهيص لحمه و فراخ و بط كمان

انا بقولك ديه حبشتكنات جنب الاكل مش الاكل نفسه

تم تعديل 19 أبريل 2010 بواسطة jasmin hamed