الدايت و سنينه ......

[اغابي]

مش مشكلة الفراخ المشوى زى السوتيه بس طبعا لازم تاكله بدون الجلد ومع سلطات تكون بدون زيت

وابعد عن سلطة الطحينة اياك واياك سلطة الثوم والطحينة والكاتشب وكل العك داه انساه

يعنى خلى طبق السلطة عبارة عن ( فلفلة رومى + حبة خيارة + شبت وبقدونس + حبة طماطم كل يومين ) فقط

بس ليه تمشى على رجيم انا اعتقد ان وزنك مش زايد ولا حاجة

بلاش تعمل رجيم الا لما تكون محتاجله فعلا

انت طولك كام ؟؟ ووزنك كام يا مكاوى ؟؟

اغابي

:lol:

أنا لا أعتقد .. أنا لا أعتقد

طب بصي يا مس أغابي

أنا الغداء هيكون نص فرخة و بس .. مفيش سلطة عشان دي رفاهية غير متاحة ليا في الوقت الحالي لكن أقدر أجيب خيار مفيش مشكلة و أتبع جرعات الخيار في الفطارو الغداء و العشاء كل يوم و بين الوجبات مفيش مشاكل

كمان نقدر نجيب فاكهة و نخليها بين الوجبات بردو أو في العشاء بدل البيض المسلوق لأن دي رفاهية بردو مش متوفرة لكن الجبنة المثلثات متوفرة

محتاج رجيم باة أو مش محتاج الصراحة مش عارف

أنا 177 و وزني 95 .. هو أنا مش مربع يعني الحمد لله لكن هي منطقة البطن بس اللي شكلها مش لذيذ ... و الصراحة مكسوف من البنت .. اصل الأوسة لو جت و لقيتها كدة هتتشعلق فيها و هتقول مرجحني يا بابا :) و هيبا شكلي ووووحش

يا ترى كدة أنا محتاج رجيم مع الجيم ولا ايه ؟؟

مكاوى

لازم يا مكاوى الرجيم

من معلوماتى علشان مش بحب افتى اوى - لكن من سنين وانا عشرة مع الرجيم احب اقولك ان مطلوب تخس 15 كيلو مبدئيا

وبعدين يتبقى فى ذمتك للرجيم - 5 كيلو - ازاز فيهم براحتك - بعدين -

من الاخر لازم تخس 20 كيلوا - وانت سنك صغير ما تسكتش على نفسك فى موضوع الوزن الزايد داه

وخلى بالك من الرياضة ونظام الاكل وكمان النوم - النوم الكتير اخطر سلاح ضد الرجيم

بلاش تاكل وتنام مباشرة خلى فترة - ساعتين على الاقل

واشرب ميه قبل الاكل علشان تشبع بسرعة وبالتدريج ابتدى فى انك تقلل كمية الاكل شوية شوية

وما تاكلش مع مجموعة وحدد فى طبق قبل الاكل الكمية - علشان تعرف انت اكلت اد ايه ؟؟

كل كل حاجة لكن بنسب بسيطة بلاش (. :) .. ) كل بالعقل ;)

تمنياتى برجيم مريح وخفيف

اغابي

-_-

[اغابي]

مش بقولكم دول دكاترة مرتزقة وكل اللى بيعملوه أنهم بيدخلوا الجسم فى حالة جوع شديدة عن طريق الريجيم المنخفض السعرات والدليل ( أى برنامج ليهم مش هيعدى 800 سعر فى اليوم) وده بيخلى الجسم يطلع هرمون الكورتيزول ويكسر العضلات بنسبة كثيرة جدا عن تكسير الدهون لمواجهة المجاعة اللى حصلت له فالواحد بيخس بسرعة جدا لأن العضلات بتوزن أكثر بكثير من الدهون ونقول ده دكتور عبقرى خسسنا 22 كيلو

بس الشخص بيرجع بعد ذلك بالصفات الأتية ده لو حب يزود أكله ويعيش طبيعى تانى

وزنه أزيد من الأول

شحوب فى الوجه

معدل حرق جسمه قل بكثير لأنه فقد عضلاته وكل مايكرر العملية هتزيد صعوبة

سوء تغذية

الأنواع دى من الريجيم طبقا لوصف دكتور محمد أوز عامل زى الواحد لما يكتم أ نفاسه تحت الماء وكل واحد هيقدر يستحمل فترة تحت الماء بتختلف من واحد لأخر بس بيتفقوا فى الأخر على أنهم هيخدوا نفس عميق بعد مايطلعوا روؤسهم من تحت الماء

أنا خايف من الريجيمات اللى بتكتوبها هتبوظ جسمكم أكثر لو حد عايز يعرف جسمه شغال أزاى ويضحك عليه ويخسسه بطريقة علمية ممكن يشوف نصايح كثيرة على الموقع ده

http://www.realage.com/shape-up-slim-down/

الاخ الفاضل الزعيم

تصدق انها فعلا زاد وزنها لكن مش 22 طبعا - بس زاد 8 كيلو لانها ما التزمتش فى نظام الاكل وممارسة الرياضة زى ما كتبلها الدكتور فى الجدول

( حسب ما بتحكى )

وهى حاليا بتجاهد فى الرياضة من جديد وخلى بالك فى ناس خست 29 كيلو برضوه مع نفس الدكتور بس استخدام الابر الصينية داه مش خطر برضوه

ولا ايه

وبمناسبة رجيم السعرات الحرارية انا اللى اعرفه ان اقل من 1000 سعر حرارى فى اليوم حيفشل الرجيم - يعنى

لو انا عملت رجيم السعرات الحرارية 750 سعر حراراى فى اليوم ويكونو مقسمين فقط ( فطار + غدا ) بدون تناول وجبه عشاء - اعتقد ان مش حاخس بصورة سريعة زى ما حضرتك قولت - بالعكس الالتزام ب 1000 سعر حراراى بيخسس افضل من 750 او 800 سعر حراراى

لكن فى حالة الدكتور داه هو كان متبع رجيم كيميائي - وداه برضوه خطر فى ان الرجيم لما بتاقلم عليه مش بيقبل يخس تانى او يخس بصورة بطيئة جدا

ويمكن احنا كمان يا مسيو زعيم - فى مصر عندنا عقدة الخواجا -

بمعنى الدكتور داه معلق يافطة على العيادة انه خريج جامعة فرنسا ودراسة ايه ومش عارفة منين

دى طبعا مخليه دورك فى الحجز قبلها بشهر عنده

تحياتى استاذى ولو عند حضرتك معلومات ضيفهالنا فى التوبيك حتى تعم الفائدة

ميرسي كتير

اغابي

[hOuSsAm]

هو العسل الابيض يتعارض مع الرجيم؟

ولو ميتعارضش ايه الوقت المناسب ليه؟

اصلى بحب اكله اوى وبالاضافة انه مفيد جدا

[hOuSsAm]

مس جاسمين

فينك من زمان

يارب يكون المانع خير

وفين بقيت انظمة الدايت

انا عايز اعرف ايه نظام دايت القهوة لانى مدمن قهوة وكافين وحجات من دى

تحياتى للجميع

[ساره احمد]

مس جاسمين

فينك من زمان

يارب يكون المانع خير

وفين بقيت انظمة الدايت

انا عايز اعرف ايه نظام دايت القهوة لانى مدمن قهوة وكافين وحجات من دى

تحياتى للجميع :blush2:

استاذ حسام انا برضو مدمنة قهوة وكنت افتكر انها بتنزل الوزن لحاد مااكتشفت من فترة قريبة انها للاسف بتنزل الوزن للناس اللي مش بيشربو قهوة اول مايتشبع جسمهم بالكافيين خلاص مش بتنزل الوزن لانها في الفترة الاولي بتسرع عملية الايض بس بعد كدة خلاص يعتبر مش بيبقي ليها اي تاثير في تنزيل الوزن انا دلوقتى بشرب فنجانين قهوة بس وقدام كل فنجان لازم كوب مياه بالاضافة لل 6 اكواب يوميا

ابدا باستبدال الجبن الكاملة الدسم بالمنخفضة ثم القليلة والمكرونات بالنودلز المصنوعة من البيض فهى مفيدة جدا ومش بتتخن والارز الابيض بالارز الاسمر اما الخبز استبدلة بكامل الحبوب مع اكل سلطة كل ماتحس بالجوع او خضار وبالنسبة للفاكهة حبة فاكهة واحدة بين الوجباتبس ماتحرمش نفسك من الاكل نهائي لانى قعدت شهر مش باكل غير سلطة وماخستش ولما رحت لدكتور قال طبيعي مش بتخسي لانك محتاجة سعرات حرارية علشان تحرق الدهون وتنزل الوزن مع مشي ساعة يوميا

تحياتى للجميع ويارب اكون افادتك