نواب يطالبون بأطلاق النار على المتظاهرين

[se_ Elsyed]

لا يكفيني أن أبصق على مثل هؤلاء أو أرضبهم بحذائي تعبيراً عن أشمئزازي وأزدرائي لهم ..

وخصوصاً هذا الثعبان المتلون المنافق المُسمى رجب حميده

"الشعب" يطالب نظيف بكشف أسماء النواب المعينين بالوزارات

حميدة والقصاص وراضي يدعون إلي إطلاق الرصاص علي المظاهرات!

كتب - محمود الشاذلي:

طلبت اللجنة التشريعية بمجلس الشعب من د. أحمد نظيف رئيس الوزراء تقديم بيان كامل عن أعضاء مجلسي الشعب والشوري المعينين بالوزارات وقطاع البنوك.

قدم د. جمال زهران طلب احاطة قال فيه ان 17 نائبا بمجلسي الشعب والشوري تم تعيينهم مطالبا بإقالتهم ورد جميع المبالغ التي تقاضوها وقال ان ما يقرب من نصف نواب الأغلبية تم تعيينهم في مجالس ادارات الشركات بالمخالفة للقانون.

وشهدت لجنة الدفاع والأمن القومي سابقة خطيرة حيث طالب عدد من النواب بإطلاق الرصاص علي المتظاهرين وانتقدوا وزارة الداخلية لاستخدامها خراطيم المياه في تفريق متظاهري 6 أبريل والتهاون معهم.

انتقد النواب رجب حميدة ونشأت القصاص وعبدالرحمن راضي وزارة الداخلية لعدم إطلاق الرصاص علي المتظاهرين وقالوا ان سقوط العشرات بالرصاص أفضل من حرق الوطن

ياريت اللي أنتخبوهم يقرأوا تلك الدرر.. عشان يعرفوا الحقيقية القذرة لهؤلاء الجراثيم

[عنبو]

يعنى منتظر ايه بس من واحد بتاع كبده زى رجب حميده ؟

[se_ Elsyed]

يعنى منتظر ايه بس من واحد بتاع كبده زى رجب حميده ؟

كبده ولا سجق مش عيب يا عنبي

بالعكس

ياما ناس بسطاء وفلاحين كانوا شرفاء ولهم مواقف محترمه عندما تولوا مناصب

لكن ان تصدر تلك القاذورات من ناس يُحسبوا على المعارضة وعاملين فيها وطنيين وفدائيين ...

فيبقى إيه هو بيع العِرض والشرف بدراهم معدودة إن ماكانش هو ده بعينه البيع عالمكشوف ؟

[jasmin hamed]

ما هو الواحد لازم يعذر الساده النواب برده

يعنى لما الرعاع بتوع المظاهرات الى بيركبوا الاتوبيسات دول يجرحولوا العربيه المرسيدس

و لا يجبوله صداع يضطر يروح بلد اورببيه يعالجه عشان الدواه المغشوش ا فى الاسواق

يا جماعه حرام عليكم الافترى ده

هو حضرتك شفت صور الناس الى كانوا بيقلعوهم هدومهم فى ميدان التحرير يوم 6 ابريل

بجد الظباط لازم يصعبوا عليك يعنى المواطنين لازم يساعدوهم فى التفتيش شويه مش كده

[عنبو]

يعنى منتظر ايه بس من واحد بتاع كبده زى رجب حميده ؟

كبده ولا سجق مش عيب يا عنبي

بالعكس

ياما ناس بسطاء وفلاحين كانوا شرفاء ولهم مواقف محترمه عندما تولوا مناصب

لا عيب يا عم سين سين

لان لما بتاع الكبده يبقى راجل سياسى ويتكلم فى مصير بلد ويأخذ رأيه فى القوانين يبقى احنا كده ان شاء الله عاملين زى لما نكون راكبين طياره والطيار راجل بتاع كبده

لما يبقى بتاع الكبده هو من يأخذ رأيه وحملة اعلى الشهادات خلف القضبان !!!!

عارف انا لا يهمنى مين اللى يحكم الفتره القادمه ولكن كل اللى يهمنى ان تحدد فترة حكم الرئيس وان يكون اختياره بالانتخاب

ثم بعد ذلك يأتى ما يأتى لانى اعلم تماماً ان الشعوب العربيه بشكل عام والشعب المصرى بشكل خاص لا يزال يفتقد النضج السياسى لاختيار الرئيس

لذا سوف يأخذ فتره من التجربه حتى يصل الى النضج السياسى المطلوب

تحياتى

عنبو

[se_ Elsyed]

كلب من الكلاب الوولف إسمه " نشأت القصاص " سمعته بيتكلم امبارح مع منى الشاذلي بيقول لها :

لما ناس زي دي يطالبوا بتعديل الدستور .. أومال إحنا في مجلس الشعب بنعمل إيه ؟

فقالت له : يعني إنت ممكن تطالب بتعديل الدستور ؟

قال لها : هو فعلاً محتاج تعديلات بسيطة ..

وبعدين يا مدام منى يرضيكي الشرطة تنضرب ؟ يرضيكي لو أخوكي ظابط شرطة يتهان في الشارع وتنجرح كرامته ؟.

-----------------

أنا بصراحة ما يرضينيش ... بصراحة شوفت منظر أيام ما سحلوا المتظاهرين المعترضين على تعديل الدستور في 2005 ... وجريدة الاخبار الغراء نشرة صورة لإيد واحد بتلبس فش وش ظابط شرطة وبتقول : احد المتظاهرين يسدد لكمه إلى ضابط شرطه .

صعب عليه ... وقلت فعلاً الناس دي بتقاسي ... ومستحملين قرفنا ....

ده كان ناقص يجيبوا صورة مواطن وهو بيسحل ظابط شرطة في الشارع زي ما اتعمل مع عم محمد أبو سويلم في فيلم الأرض ...

أو منظر الصحفيات اللي أنتهكوا عرضهم وخلعوا ملابسهم تماماً في وسط المظاهره : بس ساعتها كانوا هايقولوا : أحد المتظاهرات تقوم بعرض سترتيز لأغواء رجال الشرطة الشرفاء :blink:

[ذهبية]

طبعا لازم نضرب اى حد يفتح بقة بالجزمة و السلاح كمان لو تطاول دة رد بسيط جدا للجميل

دة احنا شعب مفترى قوى عايشين عيشة هنية و مرتاحين و مبسوطين و كمان مش عجبنا

طبعا معاهم حق ازاى شوية الهمج دول يتطاولوا على كبيرهم

هما مش شايفين بقية الشعب عايش ازاى هو اية مفيش حمد ابداااا

و بعدين الشعب دة معندوش دم بصراحة كل شوية عاملين لهم قلق

النا س بتتعب يا جدعان امال مين اللى بيسرق البلد هو دة مش شغل

مين اللى بياخد الرشاوى و بيدخل المخدرات و يقتل الناس بالعبارات هو دة مش شغل

مين اللى بيبع البلد حتة حتة و بااقل من سعرها و يشرد العمال ىف الشارع مش دة شغل برضة

مين اللى يمد ايدة كل يوم فى جيبك مش دة شغل برضة

مين اللى خربها و قاعد على تلها هو دة مش شغل

بصراحة المظاهرات دى عيب بصراحة عيب بجد

ما تسيبوا الناس تشتغل بزمة يا ناس

[الغريب]

كلب من الكلاب الوولف إسمه " نشأت القصاص " سمعته بيتكلم امبارح مع منى الشاذلي بيقول لها :

لما ناس زي دي يطالبوا بتعديل الدستور .. أومال إحنا في مجلس الشعب بنعمل إيه ؟

فقالت له : يعني إنت ممكن تطالب بتعديل الدستور ؟

قال لها : هو فعلاً محتاج تعديلات بسيطة ..

وبعدين يا مدام منى يرضيكي الشرطة تنضرب ؟ يرضيكي لو أخوكي ظابط شرطة يتهان في الشارع وتنجرح كرامته ؟.

-----------------

أنا بصراحة ما يرضينيش ... بصراحة شوفت منظر أيام ما سحلوا المتظاهرين المعترضين على تعديل الدستور في 2005 ... وجريدة الاخبار الغراء نشرة صورة لإيد واحد بتلبس فش وش ظابط شرطة وبتقول : احد المتظاهرين يسدد لكمه إلى ضابط شرطه .

صعب عليه ... وقلت فعلاً الناس دي بتقاسي ... ومستحملين قرفنا ....

ده كان ناقص يجيبوا صورة مواطن وهو بيسحل ظابط شرطة في الشارع زي ما اتعمل مع عم محمد أبو سويلم في فيلم الأرض ...

أو منظر الصحفيات اللي أنتهكوا عرضهم وخلعوا ملابسهم تماماً في وسط المظاهره : بس ساعتها كانوا هايقولوا : أحد المتظاهرات تقوم بعرض سترتيز لأغواء رجال الشرطة الشرفاء :blink:

في مجموعة كدة بتعلي الضغط لما يذكر أسمائها زي القصاص والغول و و و

فياريت منتعبش ونوجع دمغنا معاهم لأن دوول أصلا الشعب خاتم عليهم بالعشرة

هنقوول أيه بقى الله يسامح الأموات اللي طلعوا من قبورهم أنتخبوهم ونزلوا تاني

[kitkat]

ياريت اللي أنتخبوهم يقرأوا تلك الدرر.. عشان يعرفوا الحقيقية القذرة لهؤلاء الجراثيم

هما مين الي انتخبوهم ولا مؤاخذة :blink:

[aimen]

زمان كانوا بيقولوا فى الأمثال : ان طلع العيب من اهل العيب ما يبقاش عيب "

وسلامتكم

[ssmaly]

يا جماعة احنا شعب عايز ضرب النار واولهم كبيرنا لأنه ابونا اللى معرفش يربينا :blink: :lol: :lol:

يعنى اسرائيل والله ناس طيبين بضربوا المتظاهرين الفلسطنين برصاص مطاطى

ودى شوية صور للمتظاهرين الكلاب الى مش عارفين ينضربوا بهدوء

المفروض ضربهم بالنار بطلقات الرحمة

مش عيب ان القوات المصرية تحارب بالعصى فقط لازم مدفعية وصواريخ كمان

تعاون قوى الشعب من شرطة وشرطة سرية بلباس مدنى لحماية الوطن من الكلاب الذين ينشدون الحرية

تم تعديل 19 أبريل 2010 بواسطة ssmaly

[hebapharm]

ياجماعه عاوزه اسألكم سؤال

انا لما شفت منظر الشباب والفتيات اللي انضربوا واتهانوا واتبهدلوا وشاهدت برنامج الحقيقه امبارح وسمعت كلام بنت عن اللي جرالها في جراج سحبت اليه مع شباب اخرين واتبهدلوا طبعا وانتهك عرضهم ....

بصراحه حسيت بخجل شديد واستصغرت نفسي ..الناس دي اتهانت واتبهدلت علشانا كلنا واحنا في البيت في التكييف بنوصي اقاربنا مينزلوش وسط البلد اليوم ده عشان المظاهرات ..انا كنت في وسط البلد يومها فعلا عشان مشوار ضروري وشاهدت كمية الحشد الأمني الرهيب والتكتلات الأمنيه ورجال الأمن في لبس مدني ....طبعا بااااااااين جدا انهم امن ولو في لبس مدني....والله تطلع الواحد فيهم من وسط الف ....سبحان الله ..جيش فرعون

سؤالي هو انا لما سمعت كلام واحده من البنات اللي اتبهدلت ...حسيت اني على الرغم من ما في قلبي تجاه الظلم اللي البلد فيه ..للأسف صعب اني مثلا اتعرض لهذا الهول ..الموت احسن...هل كده انا منافقه ...وهل كده هم نجحوا في الترهيب والقمع؟....

المشكله انك بتتعامل مع نظام يفعل اي شئ وكل شئ ولا دين ولا اخلاق له ولا حقوق انسان ولا حيوان حتى ..اي شئ ليموت الشعب ويحيا فرعون

ايه الحل ؟كيف تعبر عن اعتراضك وكرهك بلا اهانات قاتله؟؟؟

[Alshiekh]

نواب يطالبون بأطلاق النار على المتظاهرين

هؤلاء ليسوا نوابا ، بل نوايب من نوايب الزمن الردئ الذى تعيشه مصر .

من يومين شاهدت ذلك الشيئ المسمى نبيل لوقا بباوى والذى كان يردد " ان شاء الله اعدم عيالى " ودفاعه المستميت عن اجرام الامن فى حق المصريين واتهامهم المتظاهرين بتكسير خوذات افراد الامن ( الصلب ) المصممة اساسا لتكون ضد طلقات الرصاص وشظايا القنابل.

تعجبت كثيرا ان يكون مثل هذا الشيئ عضوا ومتحدثا باسم الداخلية .

[se_ Elsyed]

ياجماعه عاوزه اسألكم سؤال

انا لما شفت منظر الشباب والفتيات اللي انضربوا واتهانوا واتبهدلوا وشاهدت برنامج الحقيقه امبارح وسمعت كلام بنت عن اللي جرالها في جراج سحبت اليه مع شباب اخرين واتبهدلوا طبعا وانتهك عرضهم ....

بصراحه حسيت بخجل شديد واستصغرت نفسي ..الناس دي اتهانت واتبهدلت علشانا كلنا واحنا في البيت في التكييف بنوصي اقاربنا مينزلوش وسط البلد اليوم ده عشان المظاهرات ..انا كنت في وسط البلد يومها فعلا عشان مشوار ضروري وشاهدت كمية الحشد الأمني الرهيب والتكتلات الأمنيه ورجال الأمن في لبس مدني ....طبعا بااااااااين جدا انهم امن ولو في لبس مدني....والله تطلع الواحد فيهم من وسط الف ....سبحان الله ..جيش فرعون

سؤالي هو انا لما سمعت كلام واحده من البنات اللي اتبهدلت ...حسيت اني على الرغم من ما في قلبي تجاه الظلم اللي البلد فيه ..للأسف صعب اني مثلا اتعرض لهذا الهول ..الموت احسن...هل كده انا منافقه ...وهل كده هم نجحوا في الترهيب والقمع؟....

المشكله انك بتتعامل مع نظام يفعل اي شئ وكل شئ ولا دين ولا اخلاق له ولا حقوق انسان ولا حيوان حتى ..اي شئ ليموت الشعب ويحيا فرعون

ايه الحل ؟كيف تعبر عن اعتراضك وكرهك بلا اهانات قاتله؟؟؟

للأسف جميعنا سيهرب من هذا السؤال

لان أصغر واحد فيهم .... أشجع مننا جميعاً

انا بأخجل من نفسي جداً لما بأشوفهم وهما بيدافعوا عننا .. وإحنا بنشرب كابتشينو وبنمشي جنب الحيط وبنجاهد خلف الكيبوردات

[لولا]

ياجماعه عاوزه اسألكم سؤال

انا لما شفت منظر الشباب والفتيات اللي انضربوا واتهانوا واتبهدلوا وشاهدت برنامج الحقيقه امبارح وسمعت كلام بنت عن اللي جرالها في جراج سحبت اليه مع شباب اخرين واتبهدلوا طبعا وانتهك عرضهم ....

بصراحه حسيت بخجل شديد واستصغرت نفسي ..الناس دي اتهانت واتبهدلت علشانا كلنا واحنا في البيت في التكييف بنوصي اقاربنا مينزلوش وسط البلد اليوم ده عشان المظاهرات ..انا كنت في وسط البلد يومها فعلا عشان مشوار ضروري وشاهدت كمية الحشد الأمني الرهيب والتكتلات الأمنيه ورجال الأمن في لبس مدني ....طبعا بااااااااين جدا انهم امن ولو في لبس مدني....والله تطلع الواحد فيهم من وسط الف ....سبحان الله ..جيش فرعون

سؤالي هو انا لما سمعت كلام واحده من البنات اللي اتبهدلت ...حسيت اني على الرغم من ما في قلبي تجاه الظلم اللي البلد فيه ..للأسف صعب اني مثلا اتعرض لهذا الهول ..الموت احسن...هل كده انا منافقه ...وهل كده هم نجحوا في الترهيب والقمع؟....

المشكله انك بتتعامل مع نظام يفعل اي شئ وكل شئ ولا دين ولا اخلاق له ولا حقوق انسان ولا حيوان حتى ..اي شئ ليموت الشعب ويحيا فرعون

ايه الحل ؟كيف تعبر عن اعتراضك وكرهك بلا اهانات قاتله؟؟؟

للأسف جميعنا سيهرب من هذا السؤال

لان أصغر واحد فيهم .... أشجع مننا جميعاً

انا بأخجل من نفسي جداً لما بأشوفهم وهما بيدافعوا عننا .. وإحنا بنشرب كابتشينو وبنمشي جنب الحيط وبنجاهد خلف الكيبوردات

طبعا عندك حق .. دى الحقيقه المره للأسف .. كنت سرحانة قوى فى سؤال هبة ومش عارفه فعلا الإجابة خصوصا لما تكون مغترب بتابع من بعيد

كل شخص اتهان واتضرب واتعامل المعاملة الحقيرة دى كان بيقدم نفسه عشان صوتنا احنا يوصل ..

احنا اللى فعلا قاعدين فى التكييف وبنمشي جنب الحيط .

[Sherief AbdelWahab]

فيه مسرحية لكاتب تركي اسمه "عزيز نسين" اسمها "وحش طوروس" اتحولت لفيلم مصري اسمه "أقوى الرجال"..

وفكرة المسرحية مسخرة.. شخص مستضعف جداً تتقلب حياته لما بيكتشف شبهه بمجرم اسمه "وحش طوروس" لغاية ما بيدفعه اللي حواليه لتصديق إنه "وحش طوروس" وبيرتكب نفس جرائمه وبيقتله في الآخر علشان يعلن نفسه "وحش طوروس" الجديد..

الأشكال الموجودة في البرلمان والصحف الحزبوطنية عايزة تحول 6 أبريل إلى وحش طوروس جديد.. رغم إن الحركة دي لا تقل ضعفاً عن "زكي الطيب"- اسم بطل المسرحية في الفيلم المصري.. وما بتشكلش التهديد الرهيب بمظاهراتها وحركاتها وحبشتكاناتها..

هي مجرد حركة بتعاني من تشوش في الاتجاهات والتفكير ومالهاش تصورات واضحة وبعضهم ثوار بلا قضية .. لكن مش لمجرد إن شخص زي الموجودين في المجلس يخلوا منهم وحش ويطالبوا بمعاملتهم كالوحوش..

خلص الكلام

[أحمد سيف]

ياجماعه عاوزه اسألكم سؤال

انا لما شفت منظر الشباب والفتيات اللي انضربوا واتهانوا واتبهدلوا وشاهدت برنامج الحقيقه امبارح وسمعت كلام بنت عن اللي جرالها في جراج سحبت اليه مع شباب اخرين واتبهدلوا طبعا وانتهك عرضهم ....

بصراحه حسيت بخجل شديد واستصغرت نفسي ..الناس دي اتهانت واتبهدلت علشانا كلنا واحنا في البيت في التكييف بنوصي اقاربنا مينزلوش وسط البلد اليوم ده عشان المظاهرات ..انا كنت في وسط البلد يومها فعلا عشان مشوار ضروري وشاهدت كمية الحشد الأمني الرهيب والتكتلات الأمنيه ورجال الأمن في لبس مدني ....طبعا بااااااااين جدا انهم امن ولو في لبس مدني....والله تطلع الواحد فيهم من وسط الف ....سبحان الله ..جيش فرعون

سؤالي هو انا لما سمعت كلام واحده من البنات اللي اتبهدلت ...حسيت اني على الرغم من ما في قلبي تجاه الظلم اللي البلد فيه ..للأسف صعب اني مثلا اتعرض لهذا الهول ..الموت احسن...هل كده انا منافقه ...وهل كده هم نجحوا في الترهيب والقمع؟....

المشكله انك بتتعامل مع نظام يفعل اي شئ وكل شئ ولا دين ولا اخلاق له ولا حقوق انسان ولا حيوان حتى ..اي شئ ليموت الشعب ويحيا فرعون

ايه الحل ؟كيف تعبر عن اعتراضك وكرهك بلا اهانات قاتله؟؟؟

للأسف جميعنا سيهرب من هذا السؤال

لان أصغر واحد فيهم .... أشجع مننا جميعاً

انا بأخجل من نفسي جداً لما بأشوفهم وهما بيدافعوا عننا .. وإحنا بنشرب كابتشينو وبنمشي جنب الحيط وبنجاهد خلف الكيبوردات

شاهدت على شاشات التلفزيون مرة منظرا ألهمني كثيرا ... شاب روسي يقف أمام أول دبابة نزلت شوارع موسكو لقمع الاحتجاجات التي تلت المحاولة الانقلابية الفاشلة في أواخر أيام الاتحاد السوفيتي ويجبرها على التوقف. ليسقط بعدها الحكم الشيوعي الاستبدادي.

حلمت كثيرا في بدايات شبابي بأنني سأكون من سيفعل الشئ ذاته في شوارع القاهرة ويدق المسمار الأخير في نعش الاستبداد ... ولكن بعد أن كبرت قليلا أعدت التفكير في هذا الحلم وأقتنعت أنني لكي أفعل ذلك فلابد أن يكون لتضحيتي معنى وأنها لن تذهب هباء ... على الأقل أن أضمن أنني لو سقطت تحت جنزير الدبابة فإن الشخص الذي يقف خلفي لن يولي الأدبار .. ولن ينتظر أحدهم أن تخرج عظامي المهشمة من تحت الدبابة ليبيعها لأصحاب الكلاب.

[se_ Elsyed]

ياجماعه عاوزه اسألكم سؤال

انا لما شفت منظر الشباب والفتيات اللي انضربوا واتهانوا واتبهدلوا وشاهدت برنامج الحقيقه امبارح وسمعت كلام بنت عن اللي جرالها في جراج سحبت اليه مع شباب اخرين واتبهدلوا طبعا وانتهك عرضهم ....

بصراحه حسيت بخجل شديد واستصغرت نفسي ..الناس دي اتهانت واتبهدلت علشانا كلنا واحنا في البيت في التكييف بنوصي اقاربنا مينزلوش وسط البلد اليوم ده عشان المظاهرات ..انا كنت في وسط البلد يومها فعلا عشان مشوار ضروري وشاهدت كمية الحشد الأمني الرهيب والتكتلات الأمنيه ورجال الأمن في لبس مدني ....طبعا بااااااااين جدا انهم امن ولو في لبس مدني....والله تطلع الواحد فيهم من وسط الف ....سبحان الله ..جيش فرعون

سؤالي هو انا لما سمعت كلام واحده من البنات اللي اتبهدلت ...حسيت اني على الرغم من ما في قلبي تجاه الظلم اللي البلد فيه ..للأسف صعب اني مثلا اتعرض لهذا الهول ..الموت احسن...هل كده انا منافقه ...وهل كده هم نجحوا في الترهيب والقمع؟....

المشكله انك بتتعامل مع نظام يفعل اي شئ وكل شئ ولا دين ولا اخلاق له ولا حقوق انسان ولا حيوان حتى ..اي شئ ليموت الشعب ويحيا فرعون

ايه الحل ؟كيف تعبر عن اعتراضك وكرهك بلا اهانات قاتله؟؟؟

للأسف جميعنا سيهرب من هذا السؤال

لان أصغر واحد فيهم .... أشجع مننا جميعاً

انا بأخجل من نفسي جداً لما بأشوفهم وهما بيدافعوا عننا .. وإحنا بنشرب كابتشينو وبنمشي جنب الحيط وبنجاهد خلف الكيبوردات

شاهدت على شاشات التلفزيون مرة منظرا ألهمني كثيرا ... شاب روسي يقف أمام أول دبابة نزلت شوارع موسكو لقمع الاحتجاجات التي تلت المحاولة الانقلابية الفاشلة في أواخر أيام الاتحاد السوفيتي ويجبرها على التوقف. ليسقط بعدها الحكم الشيوعي الاستبدادي.

حلمت كثيرا في بدايات شبابي بأنني سأكون من سيفعل الشئ ذاته في شوارع القاهرة ويدق المسمار الأخير في نعش الاستبداد ... ولكن بعد أن كبرت قليلا أعدت التفكير في هذا الحلم وأقتنعت أنني لكي أفعل ذلك فلابد أن يكون لتضحيتي معنى وأنها لن تذهب هباء ... على الأقل أن أضمن أنني لو سقطت تحت جنزير الدبابة فإن الشخص الذي يقف خلفي لن يولي الأدبار .. ولن ينتظر أحدهم أن تخرج عظامي المهشمة من تحت الدبابة ليبيعها لأصحاب الكلاب.

تفتكر الشاب الروسي فكر في كده برضوا يا أحمد ؟

أشك

وتفتكر لما مانديلا أتسجن حوالي 27 سنه فكر في إن اللي وراه ممكن يعمل حاجه

وتفتكر إسراء عبد الفتاح اللي هي بنت بس تساوي الف راجل .. فكرت في كده ؟

[محمد عبدالعزيز]

ياجماعه عاوزه اسألكم سؤال

انا لما شفت منظر الشباب والفتيات اللي انضربوا واتهانوا واتبهدلوا وشاهدت برنامج الحقيقه امبارح وسمعت كلام بنت عن اللي جرالها في جراج سحبت اليه مع شباب اخرين واتبهدلوا طبعا وانتهك عرضهم ....

بصراحه حسيت بخجل شديد واستصغرت نفسي ..الناس دي اتهانت واتبهدلت علشانا كلنا واحنا في البيت في التكييف بنوصي اقاربنا مينزلوش وسط البلد اليوم ده عشان المظاهرات ..انا كنت في وسط البلد يومها فعلا عشان مشوار ضروري وشاهدت كمية الحشد الأمني الرهيب والتكتلات الأمنيه ورجال الأمن في لبس مدني ....طبعا بااااااااين جدا انهم امن ولو في لبس مدني....والله تطلع الواحد فيهم من وسط الف ....سبحان الله ..جيش فرعون

سؤالي هو انا لما سمعت كلام واحده من البنات اللي اتبهدلت ...حسيت اني على الرغم من ما في قلبي تجاه الظلم اللي البلد فيه ..للأسف صعب اني مثلا اتعرض لهذا الهول ..الموت احسن...هل كده انا منافقه ...وهل كده هم نجحوا في الترهيب والقمع؟....

المشكله انك بتتعامل مع نظام يفعل اي شئ وكل شئ ولا دين ولا اخلاق له ولا حقوق انسان ولا حيوان حتى ..اي شئ ليموت الشعب ويحيا فرعون

ايه الحل ؟كيف تعبر عن اعتراضك وكرهك بلا اهانات قاتله؟؟؟

حسيت قوى بالمعنى ده لما سمعت الزكيبة اللى اسمها نشأت القصاص فى العاشرة مساءً بيقول بقى 50 واحد هما اللى بيعبروا عن مطالب ال 80 مليون.

وقلت عنده حق ماحنا اللى سبناهم ولغاية دلوقتى سايبنهم يبرطعوا براحتهم.

بصراحة أنا ماكنتش كده, أنا كنت بعمل اللى أقدر عليه من مشاركة فى مظاهرات ووقفات وانتخابات و فيما يخص نقابة المهندسين كمان.

الانتكاسة اللى حصلت لى دى حصلت من يوم التعديلات الدستورية , كنت يومها مهيئ نفسى ومتوقع حركة عصيان مدنى واسعة فى كل أنحاء مصر, وحتى يمكن كتبت هنا وطالبت إن ما حدش يرجع بيته اليوم ده إلا لما نوقف المهزلة بتاعة تعديل الدستور دى, ووصيت زوجتى وعرفتها كل حاجة عن موقفى المالى وقتها عشان تعرف تتصرف لو جرالى حاجة, الظاهر إن كنت ساذج جداً أو كنت متفائل زيادة عن اللازم.

لكن اللى حصل فى اليوم ده أصابنى بإحباط شديد, المعارضة يومها اتفرقت فى ردود أفعالها, وأقصاها كان بتوع كفاية هما اللى كانوا ظاهرين فى الشوارع, وبقى شكل المعترضين اللى فى الشوارع يدعو للشفقة, مجموعة لا تزيد عن ال 100 فرد واقفين أمام محكمة المنشية وأكتر من 500 واحد واقفين على الرصيف المقابل ماسكين الموبايلات وعمالين يصوروا, ولا كأن اللى بيحصل ده يخصهم, أو زى ما يكونوا واقفين قدام جبلاية القرود, وطبعاً الأمن كان واقف فى النص فرحان بالمشهد ده, وسايب اللى يهتف يهتف مفيش مشكلة, مادام مفيش حد بينتقل من رصيف أصحاب الموبايل أبو كاميرا إلى رصيف المعارضين.

إحساس محبط جداً لما تلاقى كل اللامبالاة دى من شعب أغلبه بيعانى ومش بيفتح بقه, عشان كده أنا بقول إن الشباب اللى اتبهدلوا يوم 6 أبريل أبطال بجد, وادعو ربنا إنه يثبتهم ويحفظهم لأنهم هما واللى زيهم هما الأمل الحقيقي بجد, اللى يعانى كل المعاناة دى ويكمل مسيرته يبقى بطل بجد.

تم تعديل 19 أبريل 2010 بواسطة محمد عبدالعزيز

[Amr Radwan]

الاسبوع القادم ستقوم الاعلامية "منى الشاذلي" بعمل حلقة خاصة عن تعريف "مثيري الشغب" و الذين يرى نواب الحزن الوطني انهم يستحقون الضرب بالرصاص !!!

فعلا .. سؤال محوري و مهم .. من هم مثيري الشغب بالنسبة للحكومة و الامن المصري ؟؟.. هل هم المعارضة ؟ هل هم الفئة "المندثة" داخل المظاهرات ؟ و كيف يمكن التفريق بين المتظاهرين المعارضين من ناحية و بين الفئة المندثة اثناء المظارهارت من ناحية اخري و التي علي اثرها يستطيع الامن المصري ضرب هؤلاء بالرصاص الحي و الاخرين بالعصي و الخيرزان و السحل فقط ..

و طبعا ..

لا اعرف كيف يفكر هؤلاء و لكن من الواضح انهم يعتبرون كل المعارضة (حتي لو كان الشعب كله معارض) هم فئة مندثة و يجب الضرب عليها بيد من حديد و هو الرصاص الحي اثناء المظاهرات ..

و ما جعلني في حالة بين الضحك و الحزن العميق ان النائب المحترم يدعي ان الدستور و القانون المصري يعطي الامن المصري الحق في ضرب المتظاهرين بالرصاص الحي اثناء المظاهرات استنادا علي قوانين سنة 1914 و 1923 و التي قد اقرها الانجليز لقمع المظاهرات المصرية في ذلك الوقت ..

انا مواطن مصري و لا انتمي لاي حزب سياسي او اي حركة معارضة و بقول .. انا محتاج فكر جديد للحكومة و سئمت من الصمت و التصامت و ارفض الوضع الحالي للحزب الوطني و ارفض الوضع الذي وصلنا اليه .. خارجيا او داخليا ..

كل ما يهم الحكومة الان هو كيفية المحافظة علي الحكم و ليس مصلحة الشعب و المواطن ..

يا ريت كلامي يوصل لهم ..