ميكانيزم اتخاذ القرار لديك

[عنبو]

السلام عليكم ورحمة الله وبركاته

تحيه طيبه وبعد

ما هى الخطوات التى تتبعها عند اتخاذ القرار ؟

وهل هى خطوات ثابته ام تتغير على حسب مدى اهمية القرار ؟

تحياتى

عنبو

[mekkawy]

عنبو الجامد ... السلام عليكم

موضوع القرارت ده باة عندي ينقسم لقسمين

1 - قرارت هوجاء متسرعة و دي نسبتها في حياتي 60% ... بس ربك بيسرتها و بتطلع سليمة

2 - قرارت مدروسة و هااادية و دي نسبتها في حياتي 40% ... و ربك بيسترها بردو و بتطلع سليمة

نيجي للميكانيزم بأة ... هأتكلم عنها في خطوات و لاحقاً هأذكر أمثلة و تجارب فعلية:

1 - الدراسة ثم الدراسة ثم الدراسة ... لو قرار شراء مثلاً ... فالمطلوب لفلفة ع المحلات و المولات و المعارض الخاصة بالسلعة المعينة دي .. و قياس أمور كتيرة أوي ... فروق الأسعار ... الجودة ... رأي اليوزرز في السلعة .. في النهاية ... بأخد أحسن فايدة بأقل سعر ... ده فحالة انه قرار شرائي

2 - الاستخاااااارة ... خاصة في الأمور الكبيرة ... زي الزواج ... نقل الشغل ... السفر للخارج ... شراء سيارة ... كل دي أمور تحتاج استخارة مكثفة

3 - الاستشارة ... بأستشير من هم أكبر مني أو لديهم خبرات معينة في الأمر ده ... أو مروا بنفس التجربة قبل كدة

4 - التوكل على الله بعد الأخذ بالأسباب ... خلاص لو لفيت و سألت و رحت و جيت و استخرت و استشرت ... بأقدم على الأمر بقلب مطمئن و نفس هادية ... بس لسة جزء مهم أوي في الخطوة الجاية.

5 - تحمل مسؤلية و تبعات القرار ... أنا في الاخر بأكون عارف إني أخدت القرار ده لوحدي فلازم أتحمل عواقبه حلوة و مرة ... وما أحملش أي حد شار عليا أو إداني نصيحة المسؤلية لو حصلت حاجة وحشة ... لأن في النهاية القرار قراري

نهاية بأة و قبل ما ندخل ع الأمثلة ... أنا غاااااااالباً و بنسبة 99% باكون واخد القرار و عارف هأعمل ايه تمام .... لكن بأستشير بردو و أخد رأيي الناس و ده بيزعلهم مني ... لدرجة إن والدتي لما كنت أقولها ألبس ده ولا ده ... كانت تقولي ده ... لو طلع اللي في دماغي بألبسه لو طلع التاني بأعمل مش سامع :blink: ... نفس الكلام كان مع إخواتي و أصبح مع زوجتي ... لحد ما فهموني و بطلوا يقولوا رأيهم لأنهم عارفين إني بردو هأعمل اللي في دماغي :lol:

خمسة كدة و هأنزلكم بالأمثلة

مكاوى ... سيد قراره

تم تعديل 19 أبريل 2010 بواسطة mekkawy

[shiko]

...اتخاذ القرار ...ده كورس لوحده ...

بس ...بطريقة علمية بجد ...القرار هايكون ...سهل جداَ

1- حدد اولوياتك ..بالورقة والقلم

2-رتبهم ...

3-حدد الهاير امباكت ...على كل نقطة

4- اعيد ترتيبهم تانى على حسب درجة التأثير

5-كل القرارت تنحصر بين لا ...ونعم ...

6-امشى ورا لا ...اشوفها هاتتعارض ولاا تتوافق بنسبة اد ايه من الاولويات السابقة

7- امشى ورا نعم ....وبرضه شوفها هاتحدد نسبة كام من اولوياتك ....

8- بالقياس ...والمقارنة هاقدر اخد القرار ...

[اغابي]

...اتخاذ القرار ...ده كورس لوحده ...

بس ...بطريقة علمية بجد ...القرار هايكون ...سهل جداَ

1- حدد اولوياتك ..بالورقة والقلم

2-رتبهم ...

3-حدد الهاير امباكت ...على كل نقطة

4- اعيد ترتيبهم تانى على حسب درجة التأثير

5-كل القرارت تنحصر بين لا ...ونعم ...

6-امشى ورا لا ...اشوفها هاتتعارض ولاا تتوافق بنسبة اد ايه من الاولويات السابقة

7- امشى ورا نعم ....وبرضه شوفها هاتحدد نسبة كام من اولوياتك ....

8- بالقياس ...والمقارنة هاقدر اخد القرار ...

انا معاكى يا شيكو ان اتخاذ القرار داه كورس فعــــــلا

لكن التردد بيكون مشكلة - على فكرة انا احيانا مجنونة فى قراراتي واحيانا متانية جدا

الله يسترها - لانى بدرس فى قرار وحاخد فيه بث اخير ونهائي خلال شهر

ادعولى بالخير

:blink:

[ذهبية]

اتخاذ القرار بالنسبة ليا

مووضع سلبيات و ايجابيات

بمعنى باجيب ورقة و قلم و قسم الورقة بالنص بين سلبيات و ايجابيات

وامسك نقطة نقطة من وجهة نظرى و اشوف درجة سلبيتها و ايجابيتها

و طبعا دة بعد ما اكون اخدت راى اكتر من ناس و جمعت معلومات كتيرة جدااا من كل الاماكن المتاحة

من الاصدقاء النت و الكتب كمان وذوى الخبرة حتى تضحك عليا حتى ولادى اللى مش فاهمين حاجة لسة ساعات و الله بيطلعوا

منهم كلام او لفتة و او تعليق يلفت انتباهى لشىء مش واخدة بالى منة خالص

بعد دة بقى ارتب سلبيات و ايجابياتى و على اساس ترجيح كفة على كفة باخد القرار بعد صلاة الاستخارة

و ربنا يقدم لك كل الخير لنا و ليك يارب

[joo]

انا معاكو يا جماعة بس فى موضوعات لازم يكون فيها القرار سريع ومحسوم مينفعش فية التئجيل

وفى قرار لا زم ناخد فية سنين

يعنى مش كل الامور زى بعضها

وفى مواضيع لو اتسرعت فى قرارك تندم علية العمر كلة

انا دائما قبل اى قرار اتخذة يجب انى اشور ربنا الاول واقولة اعملى الصالح انا طالب مشورتك

وسدئونى رئى ربنا دائما هو اللى بينفع حتى لو ضد اللى انا عاوزة

ربنا مع الجميع