متى تعطي صوتك في الانتخابات للحزبوطني؟

[Sherief AbdelWahab]

الحزبوطني..

اللي احنا عارفينه..

وعارفين تفكيره..

وعارفين إعلامه..

في أي حالة ممكن تصوت لمرشحيه في الانتخابات؟

خلص الكلام

[أحمد سيف]

عندما يلج الجمل في سم الخياط.

[Sherief AbdelWahab]

الانتخابات عملية اختيار من متعدد..

وممكن تختار دة أو دة أو دة..

إيه الضمانات اللي لو قدمها الحزبوطني تصوت له في الانتخابات؟

خلص الكلام

[mamdowh]

لما يموتوا ابقى أصوت عليهم , غير كده لا

[ابوهنا]

عندما يكون المنافس ليه واحد من الاخوان المسلمين

[se_ Elsyed]

اعطيهم صوتي لما أنحرف وأفكر اتاجر في المخدرات أو على الأقل اخطط إني أخد قرض من البنك وأفك على بره

[عماد حمدي]

لما يموتوا ابقى أصوت عليهم , غير كده لا

والله كنت داخل اقول كدا بالظبط

[doha]

عن نفسي مستحيل تحت اي ظرف من الظروف اصوت للوطني ..

لكن اعرف حالات صوتوا فيها ناس ومن الشرفاء كمان لمجرد ان المرشح .. وطني ..

في قصة بتروى على لسان اشخاص حضروا الانتخابات في احد القرى الي كان مرشح الوطني ( المشهور ) ساقط فيها بالثلث .. وقيل وقتها ان اهل القرية قالوا طبعا مش منتخبيه تاني احنا يعني كنا شفنا منه ايه .. وقيل ان العمده وقتها نصحهم بان تنتخبوا الوطني و( الاسفلت ) يدخل القرية والصرف الصحي ينتظم فيها وعيالكم تلاقي الي يسال فيها لما يدورا على وظايف ولا تسيبوا المنافس ليه يفوز وابقوا قابلوني لو الحكومه ( عبرتكم ) بعدها ؟

ولما تعالت اصوات البعض المستنكر رد عليهم بتاكيد ..

الحزب الوطني واخذ الاغلبية في المقاعد وناجح ناجح . . بمرشحنا ولا من غيره له الاغلبية .. تخلوها بقى ( بجميلة ) ومن قدم السبت يلقى الحد ولا يبقى مانابنا في الموضوع ان بلدنا ( قريتنا ) تبقى هي الي طلعت من الولد بلا حمص ؟

ويقال بان الكلام ده جاب نتيجه لان الراجل فضل يكسب وقاعد في المجلس ( ومن اعلامه كمان ) لغايه عهد قريب ..

دائما لما بشوف جلسات ( تمرير ) القوانين الجديدة في مجلس الشعب وازاي النواب الموقرين دول بيصوتوا بالموافقة لحاجات تضيع مقدرات مش بس جيل وانما اجيال .. بافتكر الحكاية دي واستغرب على الناس الي باعت اخرتها على دنيتها مقابل .. مترين اسفلت ..

[محمد عبدالعزيز]

فى المشمش طبعاً

يعنى يبقى الحزب الوطنى له يد فى كل مصيبة بتحصل لنا من 30 سنة, وننتخبه بإرادتنا كمان؟!!!

ده احنا نبقى شعب لا مؤاخذة يعنى.

[سهران]

لما يموتوا ابقى أصوت عليهم , غير كده لا

والله كنت داخل اقول كدا بالظبط

حتى في دي ...... مش هاصوت :wub: .

[crossfield]

الانتخابات عملية اختيار من متعدد..

وممكن تختار دة أو دة أو دة..

إيه الضمانات اللي لو قدمها الحزبوطني تصوت له في الانتخابات؟

خلص الكلام

فى حال وجودالحزب الوطنى مفيش اختيار من متعدد و لا حاجة يبقى يا تختار الحزب الوطنى يا الحزب الوطنى

و بالنسبة للضمانات

لا يلدغ المؤمن من جحر مرتين و احنا بنتلدغ بقى لنا تلاتين سنة

كفاااااااااااااااااااااااااااااااية

حرااااااااااااااااااااااااااااااااااام