ممكن مساعده لاخوك المصرى

[romuy]

السلام عليكم ورحمة الله وبركاته

اولا اعرفكم بنفسى

اخوك رامى عادل من المنصورة

محاسب

وكنت محتاج مساعدة من اخوانى فى الرياض لو ممكن حد يسعدنى فى شغل اضافى لانى جاى على عقد وراتب مش كويس وانا بقالى سنه هنا ولاقيت نفسى معملتش اى حاجه خالص تستاهل انى اتغرب عشانها فقولت اشوف اخوانى فى الرياض لو ممكن حد يقدر يدلنى على حاجه ممكن تساعدنى فى الغربه

مع العلم انى دوامى فى المستوصف الذى اعمل به ينتهى الساعه 5 يعنى بعد الساعه 5 انا فاضى

وانا خبراتى الحمد لله كويس فى الكمبيوتر والحمد لله فى المحاسبه وشويه لغة صغيرين كده يمشوا يعنى

وملحوظه اخيره واسف على الاطاله مش شرط اشتغل محاسب اى حاجه ان شاء الله اقدر افيد فيها واسد فيها بعون الله

وجزاكم الله كل خير

اخوكم رامى

[عماد حمدي]

هههههههههههههههههههه

فكرتني بنفسي ..

أوعي يا بني تفكر انك تشتغل برة .. كفيلك لو عرف هيأذيك جامد بلااااااااااااااااش

وخدها من مجرب

[se_ Elsyed]

ربنا يصلح لك الأحوال

لكن لا داعي لوضع الموضوع أكثر من مره بالمنتدى

[romuy]

اولا شكرا على ردك يااخى الفاضل وبالنسبه انى وضعت الموضوع اكثر من مره دى غصب عنى دى من النت وانا مكنش قصدى انى اكرره

ثانيا انا بشكرك على النصحيه بس للعلم انا ولا شوفت الكفيل ولا الكفيل يعرفنى وكمان الكفيل بتاعى كبير ومشاريعه كتير وانا شغال فى مستوصف حجه صغيره من ضمن مشاريعه الكتير فهو اصلا ميعرفش مين الى جه ومين الى راح هو بيوقع وبس

وثالثا وهو ده المهم ضربوا الاعور على عينه قالك خسرانه خسرانه

[msayed]

تابع جريدة الوسيلة وموقعها على الإنترنيت أحياناً بيبقى فيه إعلانات بدوام جزئى، وربنا يوفقك إن شاء الله لكل خير.

[romuy]

والله يااخى متابع كل الجرائد والاعلانات بس انا لحظت ان الى طالبين شغل اكتر ما الى عارض شغل

ياراجل انا بشوف ارقام غريبه لسنوات خبره 7 سنين و10 والله 17 سنه خبره بيدور على دوام جزئى فقول لنفسى انا هروح فين وسط الارقام دى غير بقه الخبرات

فقول لنفسى روح العب بعيد ياحماده

[مصطفى بيبو]

والله يااخى متابع كل الجرائد والاعلانات بس انا لحظت ان الى طالبين شغل اكتر ما الى عارض شغل

ياراجل انا بشوف ارقام غريبه لسنوات خبره 7 سنين و10 والله 17 سنه خبره بيدور على دوام جزئى فقول لنفسى انا هروح فين وسط الارقام دى غير بقه الخبرات

فقول لنفسى روح العب بعيد ياحماده

لا يا حمادة متلعبش بعيد وخليك مع الجرائد والإعلانات وان شاء الله تلاقي حاجة كويسة، وممكن تدخل موقع صندوق رعاية المصريين الموقع دة كويس ومقره الرياض في قسم للتوظيف للي عندو شغل واللي عايز يشتغل أدخل شوف وربنا يسهلك الأمور.

[romuy]

ياسلام عليك يابيبو كتر خيرك ياغالى

بس على فكره انا مسميش حماده

[mohamedS]

اخي الفاضل

ممكن تعمل اشياء كتير جداً

بس لابد ان يكون معك سيارة

حتي تسهل التحرك بالنسبة لك

ممكن تتابع اطفال في ابتدائي او متوسط

وذلك عن طريق عمل اعلان في الوسيلة بان ترسل رسالة اس ا م اس او

تستغل سيارتك لو حالتها كويسة بان تقوم بعمل بعض توصيلات في الصباح قبل دوامك

وانا اعرف ان جريدة الوسيلة والمبوبة والجزيرة بيحتاجوا مندوبين يوصلوا الجرايد للعملاء المشتركين

وان شاء الله ربنا يفتح عليك ويرزقنا جميعا

[tarek nokia]

انا عندي ليك شغل انشاء الله من 2000 ريال الى 2500 الدوام من 5 الى 10 او من 6.5 الى 11.5 ايه رئيك بس عندك عربية

تم تعديل 22 أبريل 2010 بواسطة tarek nokia

[romuy]

اهلا يااستاذ طارق اولا شكرا عل الاهتمام وعلى الرد

ثانيا لو ممكن تبعتلى رقم جوالك اتصل بيك وافهم من حضرتك الموضوع

وربنا يجعلك سبب رزق ليا

شكرا ليك

[romuy]

يااهل الله يالى هنا

ايه مافيش جديد