إاخواني المسيحيين الشرفاء .. ما موقفكم من هذا العبث !! ؟؟

[hanzalah]

الاخوة الافاضل

هالني وانا اطالع جرايد اليوم

خبر في الصفحة الاولى بجريدة الوفد

يتحدث عن الف شخص مسيحي يرشقون مركز الشرطة في بني سويف (مركز سمسطا) بالحجارة

لماذا !!! ؟؟؟

لانهم يشكون ان شخص اشهر اسلامه والشرطة تخفيه بداخل المركز !!!

شيء غريب .. !!

وهل تنهد المسيحية لاسلام شاب !!

وهل ينمحي الاسلام بتنصر شاب !!

كيف يعقل هؤلاء !!

ومن يزيد هذا الاحتقان الواضح يوما بعد يوم

ومن ينفخ النار التي تحت الرماد

والاكثر غرابة في الخبر

ان اللواء مجدي كامل مساعد مدير الامن اصطحب القساوسة في جولة داخل المركز للتأكد ان الشاب لايختفي فيه

هل اصبح القساوسة مراكز قوى في مصر المحروسة

لماذا لم يخطب القاسوسة بكلمة تعقل في الحشود ويفرقوهم بالمعروف ؟!

وفي أي دولة لها قانون و سياده يتم الاستجابه لمطالب من يقفذون مراكز الشرطة بالحجارة واظهار اللين معهم !!

اليست هل نفس الدولة التي خرج فيها بالامس نائب برلماني همام يطالب باطلاق الرصاص على من يتظاهرون لاجل مطالب عادلة !!

لماذا هذا التراخي الرسمي امام استقواء الكنيسة المصرية و رموزها

الكثير من الاسئلة تدور في رأسيي ولا اجد لها من اجابة شافية

فهل اجد لديكم من يشرح لي او يطمأني على بلدنا

------------------------------------------------------------

تفاصيل الخبر كما بجريدة الوفد ..

فرضت أجهزة الأمن كردوناً أمنياً مشددا قامت 3 تشكيلات بتشديد الحراسة على مداخل ومخارج عزبة الصعايدة بمركز سمسطا ببني سويف.

تجمهر حوالي 1000 مواطن قبطي من قرى المركز أمام قسم شرطة سمسطا احتجاجاً على إشهار سامي عزيز فهمي 18 سنة اسلامه

اعتقد المتظاهرون اختفاءه داخل قسم الشرطة وقاموا برشقه بالطوب والحجارة، وأصيب النقي حسام محمود بجرح قطعي في العين

والملازم رامي حسن ضابط النوبتجيه بكدمات و جروح سطحية بالقدم والذراع

كما اصيب 4 جنود هم سامي صالح زايد وايهاب طه ومحمد عواد ومحمد عبدالكريم وتم نقلهم دميعاً الى مستشفى سمسطا المركزي

اتهم المتظاهرون عايد مبارك شعبان صديق الشاب بأنه ساعده على إشهار اسلامه وطالبوا بمعاقبته.

قام اللواء مجدي كامل مساعد مدير الامن باصطحاب القساوسة لبحث عن الشاب المسيحي داخل حجرات قسم الشرطة

للتأكد من عدم وجوده لمواجهة الشائعات التي أدت الى تجمهر الشباب المسيحي أمام القسم.

أكد شهود العيان ان الشاب المسيحي الذي أشهر اسلامه يحفظ القرآن منذ عام بمفرده وأراد اشهار اسلامه لرغبته في الزواج من فتاة مسلمة.

هدد بعض المتظاهرين بتصعيد الازمة للولايات المتحدة والاتحاد الاوربي.

وبدأت نيابة سمسطا تحقيقاتها بواسطة احمد سعيد مدير النيابة بسماع أقوال المصابين من أفراد الشرطة.

----------------------------------

لاأدري تفسيراً لهذه النبرة الغريبة في التهديد بالاستقواء بالغرب وامريكا !!

ولا أدري كيف ينقل البعض الصورة بشكل مغاير تماماً الى الشباب المسيحي .. فعلى سبيل المثال .. سنجد في منتديات متعددة

ومنها منتدى (الاهي) ان المشرف ينقل الخبر في صورة اعتداء الامن على متظاهرين أقباط !!

http://www.diomio.org/vb/showthread.php?t=15991

وبينما العدد في المنتدى السابق كان 500 فقد تحول الى 2000 متظاهر قبطي اعتدى عليهم الامن بالطوب في منتدى (الاب بلامون) !!

http://www.diomio.org/vb/showthread.php?t=15991

وجعلوه طفل قاصر و بالتالي فالصورة يتم نقلها انها جريمة اختطاف و تغيير عقيدة بالقوة !!

منتدى (الحوار الكنسي) ..

لم يكتف بالتأكيد ان الطفل قاصر .. بل زاد ن مصدر كنسي رفيع المستوى بمطرانية ببا أكد اعتداء الامن على المتظاهرين بالطوب والزلط !!

http://www.copticforum.net/zoizs-zbiadzju/5906.htm#post25853

في موقع (الاقباط متحدون) سنجد نفس التفاصيل تقريباً

http://www.copts-united.com/article.php?I=380&A=16776

وغيرها الكثير من المواقع التي تنقل الخبر بشكل معاكس وعلى النقيض ..

فهل من تفسير !!

دمتم بخير

[ابوهنا]

نحن لسنا فى دوله

هل توجد فى اى دوله فى العالم يخطف مواطن والدوله تعلم بمكانه ولا تستطيع ولا تريد اطلاق صراحه؟

وفاء قسطنطين

[أحمد سيف]

أشعر دائما بالضيق من اسلوب تعامل الدولة مع هذه النوعية من المشكلات ... في أي دول حديثة السلطة الوحيدة هي سلطة الدولة المدنية ولا توجد سلطة موازية لرجال الدين ولا للقبائل ولا التهريج ده كله. دور الدولة هو حماية حرية العقيدة وغيرها من الحريات والتصدي بكل حزم لمن يريد أن يعتدي على الحريات ... لكن نقول ايه ... فاقد الشئ لا يعطيه.

[ابوهنا]

أشعر دائما بالضيق من اسلوب تعامل الدولة مع هذه النوعية من المشكلات ... في أي دول حديثة السلطة الوحيدة هي سلطة الدولة المدنية ولا توجد سلطة موازية لرجال الدين ولا للقبائل ولا التهريج ده كله. دور الدولة هو حماية حرية العقيدة وغيرها من الحريات والتصدي بكل حزم لمن يريد أن يعتدي على الحريات ... لكن نقول ايه ... فاقد الشئ لا يعطيه.

استاذ احمد ...اى دوله تقصدها؟

[joo]

انا مش فاهم اية اللى مزعلك فى الموضوع دا حق طبيعى انت لو عرفت ان ابنك القاصر زوى 18 سنة حب بنت مسيحية

وهيروح دينها علشان بيحبها وعرفت هو مستخبى فين ومين بيحمية

ماهو رد فعلك ؟ هل هتقول هو حر ؟ ولا هتروح تجيبة من شعرة؟

وهتجدب لو قلت هو حر

وكون ان اهل الطفل دة عملو مظاهرة علشان ابنهم معتقدش ان دة عيب ولا حرام

ثانيا القساوسة راحو علشان يتأكدو من الموضوع لان الطفل دة لو رايح يشهر اسلامة علشان يتجوزها فعلا يبأ معتقدش ان اسلامة صحيح

انما لو هو مقتنع بأسلامة هيسبوة هو حر هو مش هيفرق كتير عندنا ولا عندكم

بس منقدرش ننكر خوف اهلة علية ولا انت مستكتر خفهم على ابنهم

تمهل يا عزيزى قبل ان تتسرع فى الحكم

[ابوهنا]

انا مش فاهم اية اللى مزعلك فى الموضوع دا حق طبيعى انت لو عرفت ان ابنك القاصر زوى 18 سنة حب بنت مسيحية

وهيروح دينها علشان بيحبها وعرفت هو مستخبى فين ومين بيحمية

ماهو رد فعلك ؟ هل هتقول هو حر ؟ ولا هتروح تجيبة من شعرة؟

وهتجدب لو قلت هو حر

وكون ان اهل الطفل دة عملو مظاهرة علشان ابنهم معتقدش ان دة عيب ولا حرام

ثانيا القساوسة راحو علشان يتأكدو من الموضوع لان الطفل دة لو رايح يشهر اسلامة علشان يتجوزها فعلا يبأ معتقدش ان اسلامة صحيح

انما لو هو مقتنع بأسلامة هيسبوة هو حر هو مش هيفرق كتير عندنا ولا عندكم

بس منقدرش ننكر خوف اهلة علية ولا انت مستكتر خفهم على ابنهم

تمهل يا عزيزى قبل ان تتسرع فى الحكم

استاذ joo

ماتقوله هذا يحدث فى فبيله فى قلب افريقيا وليس فى دوله

فى وجود دوله يعنى مركز الشرطه هو منوط به حماية المواطنين فى هذه الدوله

ثم التظاهر لايكون باتلاف مركز الشرطه

ومن هم القساوسه حتى ياخدهم السيد مدير الامن لتفتيش المركز...ماهو وضعهم القانونى اذا كنا نتعامل مع دوله...هل هم محامون ام مارأيك ماهو توصيفهم

اذا كانوا مندوبين عن افراد من الدوله دون سند قانونى فنحن اما تنظيم فى داخل الدوله ليس له سند قانونى وهذا التنظيم لابد من محاكمته

كل ماسبق كان على افتراض اننا فى دوله

اما فى عدم وجود دوله فاكل مباح ولاعيب فما حدث

تقبل تحياتى

[عاشق الترحال]

انا مش فاهم اية اللى مزعلك فى الموضوع دا حق طبيعى انت لو عرفت ان ابنك القاصر زوى 18 سنة حب بنت مسيحية

حق طبيعي إزاي يعني مش فاهم ؟!! نروح نعمل لمه ونحدف الشرطه بالحجاره !!! أيه الطبيعي في كده

وهيروح دينها علشان بيحبها وعرفت هو مستخبى فين ومين بيحمية ماهو رد فعلك ؟ هل هتقول هو حر ؟ ولا هتروح تجيبة من شعرة؟ وهتجدب لو قلت هو حر

وكون ان اهل الطفل دة عملو مظاهرة علشان ابنهم معتقدش ان دة عيب ولا حرام

بالله عليك يا جو أنت مصدق نفسك أنه طفل عنده 18 سنه

ثانيا القساوسة راحو علشان يتأكدو من الموضوع لان الطفل دة لو رايح يشهر اسلامة علشان يتجوزها فعلا يبأ معتقدش ان اسلامة صحيح

انما لو هو مقتنع بأسلامة هيسبوة هو حر هو مش هيفرق كتير عندنا ولا عندكم بس منقدرش ننكر خوف اهلة علية ولا انت مستكتر خفهم على ابنهم

تمهل يا عزيزى قبل ان تتسرع فى الحكم

هو من إمتى ورجال الدين عموما أو أي شخص مدني عادي بيدخل يفتش أقسام الشرطه أمال دور النيابه فين ومفتشي وزارة الداخليه والهيئات المختصه دي وظيفتها أيه ؟؟؟؟ تمهل يا جو ولا تتسرع في الحكم وكن محايدا

اللي فهمته أن الراجل بيتكلم في الموضوع عن أن هناك فيه نظام للدوله وقانون بيحكم الجميع وإلا فما هو دور الشرطه طالما كل واحد هيقدر ياخد حقه بايده واللي هايقدر على حاجه يعملها داخل الدوله صدقني يا جو وقتها مش هتبقى دوله وبعدين من إمتى والفتن الطائفيه بتتطاول على الشرطه .

اللي عاوز أوصلهولك وده ( إحساس شخصي ووجهة نظر شخصيه بحته ) أن فيه أيادي خبيثه تقف دائما وراء الستار ولا تفوت الفرصه حتى تشعل فتيل الفتنه الطائفيه في مصر . وللأسف إستطاعوا تجنيد فئه ضاله داخل المجتمع حتى تنصاع ورائهم وتنفذ كل مخططاتهم الشيطانيه بكل حرفيه وإتقان .

أعد التفكير يا جو مجدداَ بكل حياديه وتعقل فلربما تجد للموضوع أبعاد أخرى

[hanzalah]

انا مش فاهم اية اللى مزعلك فى الموضوع دا حق طبيعى انت لو عرفت ان ابنك القاصر زوى 18 سنة حب بنت مسيحية

وهيروح دينها علشان بيحبها وعرفت هو مستخبى فين ومين بيحمية

ماهو رد فعلك ؟ هل هتقول هو حر ؟ ولا هتروح تجيبة من شعرة؟

وهتجدب لو قلت هو حر

وكون ان اهل الطفل دة عملو مظاهرة علشان ابنهم معتقدش ان دة عيب ولا حرام

ثانيا القساوسة راحو علشان يتأكدو من الموضوع لان الطفل دة لو رايح يشهر اسلامة علشان يتجوزها فعلا يبأ معتقدش ان اسلامة صحيح

انما لو هو مقتنع بأسلامة هيسبوة هو حر هو مش هيفرق كتير عندنا ولا عندكم

بس منقدرش ننكر خوف اهلة علية ولا انت مستكتر خفهم على ابنهم

تمهل يا عزيزى قبل ان تتسرع فى الحكم

الحقيقة يا استاذنا الفاضل " جو " لقد افزعتني مداخلتك أكثر من الخبر نفسه !!

يا استاذ جو وتسأل ايه اللي مزعلني ..

اللي مزعلني ان العقلاء من شركائي في الوطن من امثال حضرتك يفكرون بهذه العقلية في القرن الواحد والعشرين

عقلية تم توجيهها عبر عقود وعقود مع الاسف الشديد على التحزب عبر سيول منهمرة من خطب ومواعظ تحض على التحزب والتقوقع

بدلا من يكون لنا عبره في اوربا مثلا التي تناست خلافاتها وحروبها الطاحنة وانتجت اتحاد حقيقي وعمله موحدة وانفتاح على انسياب البضائع والناس والافكار

لازلنا نتخندق في خنادق من الدين والعنصر واللون !!

ياسيدي مداخلتك مليئة بالمغالطات الواضحة ..

أولاً : بنيت قناعات على غير هدى أو دليل .. فمن أكد لك انه قاصر !! ثم تؤكد عليها في سياق كلامك بانه طفل !! وهكذا اصبحت جريمة اختطاف طفل !!

انت تردد حرفياً ما تسوقه المواقع التي تحدثت عنها في مداخلتي !!

كنت اظن هذا صوت الشباب المتسرع الاهوج فقط .. ولكن ان يكون هو صوت (( العقلاء )) والمثقفين وأهل التنوير فتلك كارثة تحتاج الى وقفة وتدارس !!

ثم سألتني أن اضع نفسي مكان هؤلاء .. وقمت - متسرعاً - باصدار حُكم قاسي على شخصي المتواضع

هتجدب لو قلت هو حر ..

يا أخي الكريم .. مفيش داعي تجرح الناس وانت بتعرض وجهة نظرك

هذا من الابجديات التي يتعلمها كل منتسب لمنتدى المحاورات

وكيف تسمح لشخصك الكريم ان توجه سؤال وتجيب عليه بنفسك .. هل يصح ان تكون قاضي وجلاد في وقت واحد

ثم نقول حوار

أي حوار ياعزيزي يبدأ هذه البداية الغير مشجعة بالمرة

دمت بخير

تم تعديل 20 أبريل 2010 بواسطة hanzalah

[joo]

انا متكلمتش عن موضوع النظام والامن دة خالص انكل اللى قلتة انى رديت على نرفزة اللى فاتح الموضوع

لانة مستكتر غيرة اهل الولد على ابنهم

ثانيا ملوش لازمة فتح مواضيع حساسة زى دى احنا نتابع ونشوف الموضوع هيرسى على اية

وانا معنديش كلام تانى اقولة

تحياتى للجميع

[اغابي]

اولا صباح الخير

انا مش فاهمة - انا قريت الخبر نهارده على جريدة الراى الكويتية بس مختلف شوية - الاحداث اختلفت

فهل نصدق صحف مصر ولا صحف الكويت اللى نقلت الخبر عن طريق مراسلين لها

الخبر بيقول

إصابة 6 رجال شرطة

بأحداث طائفية في بني سويف

القاهرة - لجريدة الراى

أصيب ضابطان واربعة رجال شرطة، مساء الاحد، عندما هاجم اقباط مركزا للشرطة في احدى بلدات محافظة بني سويف (جنوب) احتجاجا على محاولة مزارع مسلم اقناع جاره المسيحي باعتناق الاسلام.

وقال مصدر أمني، امس، ان نحو 400 قبطي من بلدة سمطا في محافظة بني سويف، تظاهروا مساء الاحد امام مركز الشرطة واخذوا في قذفه بالحجارة ظنا منهم ان رجال الشرطة يخبئون ويوفرون الحماية للمزارع المسلم عياد شعبان الذي يتهمونه بمحاولة اقناع جاره المسيحي سامي عزيز باعتناق الاسلام .

وأدت الصدامات الى اصابة ضابطين و4 من الشرطة، غير ان الهدوء عاد بعد بضع ساعات عندما نجح رجال الامن في اقناع المتظاهرين بانهم لا يخبئون المزارع المسلم لديهم.

---------------------------------------------------------------------------------------------

وبما انى من المسيحيين الشرفاء

انا بعد ما قريت الخبر - حللت شوية وصلت لنقطيتين بعد تفكير عميق طبعا - احتمالين بس ياريت كلكم تقولولى الاحتمالات دي صح ولا انا غلطانة

النقطة الاولى : اما المسيحين - متأثرين وما زالو فى حالة الغضب بسبب اخر الاحدث سواء فى حادث نجع حمادى ومقتل 6 ليلة عيد الميلاد او احداث مرسي مطروح واصابة 30 شخص مسيحي فجاء دور الحكومة فى استغلال هذه النقطة بالاضافة الى اللامبالاه من قبل الدولة والشرطة - والدولة بالطبع هى المحرض الاول والمستفيد الاكبر من الفتن الطائفية وهذا اذا لم يكن من الاساس الا اذ كان مدبراً بمعرفة الشرطة ومباركة الحكومة ..

النقطة الثانية : ان كل ما يكتب هذا ( كذب × كذب × افتراء ) وتلفيق من اجل انعاش الفتن الطائفية مجدداً ومن حين لاخر وخاصة ان الحكومة محتاجة الان اكثر من اى وقت سابق الى انعاش الفتن الطائفية لتشتيت انتباه وتركيز الشعب والدخول فى تفاصيل اخرى من شانها ابعاد الانظار عن ما يحدث حقيقيا على الساحة السياسية فى مصر .

واخيراً ونتيجة استنتاجاتى ارى ان فى الحالتين الحكومة لها المصلحة الاكبر من الفتن الطائفية لانه بالطبع سوف تنساق الطبيعة البشرية وغيرة كل شخص على مذهبة او دينه وتبدأ اثارة الافكار والشكوك والتى من شانها تحويل المناقشات بين الجميع الى ساحة حرب - وتحويل الشارع المصري بمساعدة الاعلام والصحف الفاشلة المصرية تحويله و اغراقه فى دوامة كبيرة هى من تخطيط الحكومة فقط وهو ما تريده بالطبع ونحن قدمنا لحكوماتنا فى موضوع كهذا - كل ما تريده على طبق من فضة .

اعتقد ان الايام القادمة ستشهد احداث اصعب من هذه بكثير على مستوي تعاملات الشرطة مع الشعب وعلى مستوى تعامل المواطنين ( مسلمين ومسيحين ) مع بعضهم البعض والتحريضات من قبل ايادي خفية لا يعلم بها احد الا الله وحده - اعتقد ان لا مسلمين ولا مسيحين لهما اى تدخل هما فقط اداه او وسيلة ضغط والشعب الان اصبح فى حالة صحوه غير مسبوقة بالامور التى تحدث فى مصر لهذا بدأت حكومتنا الغالية فى تغيير خططها .

الايام القادمة - اصعب فترة بالنسبة للشعب المصري

الله يسترها علينا

هذا هو تحليل لكل ما يحدث يا اخى حاول انك تركز اكتر من كدا شوية .

واسفة اذا كنت طولت

اغابي

تم تعديل 20 أبريل 2010 بواسطة اغابي

[لونا]

أغابي أحييك على نظرتك العقلانية للأمور

فعلاً المستفيد الوحيد من أي مشكلة تحدث في مصر الآن هو الحكومة

و الهدف هو تشتيت الشعب المصري عن الحركة الحاصلة الآن.. و المطالبة بالتغيير

و خاصة أن المطالبات بالتغيير نحولت إلى أرض الواقع بشكل لم يحدث من قبل

صحيح ليس بدرجة كافية .. و لكن بشكل يخيف الحكام .. و خاصة في هذا الوقت الحرج

و المتوقع أن السلطة الآن يتم الترتيب لنقلها سواء لجمال أو غيره كمرحلة إنتقالية

-------------------------------------------------------------------------------------------

و جزئية إن أهل الشاب يبحثون عنه و يريدونه أن يرجع للمسيحية ..

طبعاً من حقهم

و إن كان ليس من حقهم غصبه .. و لكن من حقهم محاولة التأثير عليه

و ما معنى تجمهر 400 مسيحي .. من الذي جمعهم ؟

و من هو الآن الذي يمثل السلطة ؟ و الذي من حقه أن يفتش و يحقق ؟

--------------------------------------------------------------------------------

اخي جو

أتوقع أن تكون عصبي الآن

و لكني أذكرك بموضوع كتبته بنفسك عن فتنة سابقة .. أرادوا بها أن يفرقوا بيننا

الرابط

------------------------------------------------------------------------------

أعيد الجملة التي كتبتها العزيزة أغابي

الايام القادمة - اصعب فترة بالنسبة للشعب المصري

الله يسترها علينا

يجب أن نقف جميعاً مسلمين و مسيحيين ضدهم

الحقيقة أننا في خندق واحد الآن..

[ssmaly]

اولا صباح الخير

انا مش فاهمة - انا قريت الخبر نهارده على جريدة الراى الكويتية بس مختلف شوية - الاحداث اختلفت

فهل نصدق صحف مصر ولا صحف الكويت اللى نقلت الخبر عن طريق مراسلين لها

الخبر بيقول

إصابة 6 رجال شرطة

بأحداث طائفية في بني سويف

القاهرة - لجريدة الراى

أصيب ضابطان واربعة رجال شرطة، مساء الاحد، عندما هاجم اقباط مركزا للشرطة في احدى بلدات محافظة بني سويف (جنوب) احتجاجا على محاولة مزارع مسلم اقناع جاره المسيحي باعتناق الاسلام.

وقال مصدر أمني، امس، ان نحو 400 قبطي من بلدة سمطا في محافظة بني سويف، تظاهروا مساء الاحد امام مركز الشرطة واخذوا في قذفه بالحجارة ظنا منهم ان رجال الشرطة يخبئون ويوفرون الحماية للمزارع المسلم عياد شعبان الذي يتهمونه بمحاولة اقناع جاره المسيحي سامي عزيز باعتناق الاسلام .

وأدت الصدامات الى اصابة ضابطين و4 من الشرطة، غير ان الهدوء عاد بعد بضع ساعات عندما نجح رجال الامن في اقناع المتظاهرين بانهم لا يخبئون المزارع المسلم لديهم.

---------------------------------------------------------------------------------------------

وبما انى من المسيحيين الشرفاء

انا بعد ما قريت الخبر - حللت شوية وصلت لنقطيتين بعد تفكير عميق طبعا - احتمالين بس ياريت كلكم تقولولى الاحتمالات دي صح ولا انا غلطانة

النقطة الاولى : اما المسيحين - متأثرين وما زالو فى حالة الغضب بسبب اخر الاحدث سواء فى حادث نجع حمادى ومقتل 6 ليلة عيد الميلاد او احداث مرسي مطروح واصابة 30 شخص مسيحي فجاء دور الحكومة فى استغلال هذه النقطة بالاضافة الى اللامبالاه من قبل الدولة والشرطة - والدولة بالطبع هى المحرض الاول والمستفيد الاكبر من الفتن الطائفية وهذا اذا لم يكن من الاساس الا اذ كان مدبراً بمعرفة الشرطة ومباركة الحكومة ..

النقطة الثانية : ان كل ما يكتب هذا ( كذب × كذب × افتراء ) وتلفيق من اجل انعاش الفتن الطائفية مجدداً ومن حين لاخر وخاصة ان الحكومة محتاجة الان اكثر من اى وقت سابق الى انعاش الفتن الطائفية لتشتيت انتباه وتركيز الشعب والدخول فى تفاصيل اخرى من شانها ابعاد الانظار عن ما يحدث حقيقيا على الساحة السياسية فى مصر .

واخيراً ونتيجة استنتاجاتى ارى ان فى الحالتين الحكومة لها المصلحة الاكبر من الفتن الطائفية لانه بالطبع سوف تنساق الطبيعة البشرية وغيرة كل شخص على مذهبة او دينه وتبدأ اثارة الافكار والشكوك والتى من شانها تحويل المناقشات بين الجميع الى ساحة حرب - وتحويل الشارع المصري بمساعدة الاعلام والصحف الفاشلة المصرية تحويله و اغراقه فى دوامة كبيرة هى من تخطيط الحكومة فقط وهو ما تريده بالطبع ونحن قدمنا لحكوماتنا فى موضوع كهذا - كل ما تريده على طبق من فضة .

اعتقد ان الايام القادمة ستشهد احداث اصعب من هذه بكثير على مستوي تعاملات الشرطة مع الشعب وعلى مستوى تعامل المواطنين ( مسلمين ومسيحين ) مع بعضهم البعض والتحريضات من قبل ايادي خفية لا يعلم بها احد الا الله وحده - اعتقد ان لا مسلمين ولا مسيحين لهما اى تدخل هما فقط اداه او وسيلة ضغط والشعب الان اصبح فى حالة صحوه غير مسبوقة بالامور التى تحدث فى مصر لهذا بدأت حكومتنا الغالية فى تغيير خططها .

الايام القادمة - اصعب فترة بالنسبة للشعب المصري

الله يسترها علينا

هذا هو تحليل لكل ما يحدث يا اخى حاول انك تركز اكتر من كدا شوية .

واسفة اذا كنت طولت

اغابي

انا معك على طول الخط واحييكى على تحليلك

فى اى جريمة تحدث لابد من ان يكون الجانى الحقيقى هو المستفيد الاكبر من الجريمة

موضوع الفتنة الطائفية هو عصا موسى التى تيلع كل شىء

تبلع الحراك السياسى وحركة التغير اللى عاملة دوشة للنظام وتفسد عليه خطط التوريث والسيطرة على ثروات الوطن لحساب حفنة من الاشخاص المستفيدين

تبلع اى تقدم لدولة حضارتها سبعة الاف سنه وحتى الان لم تستطيع حل مشكلة القمامة وتصادم القطارات و تاخرنا الكبير فى كل مجال مقارنة بدول العالم الثالث وليس العالم الاول

انا اعتقد ان النظام هو من وراء كل احداث الفتنة الطائفية واعتقد ان نائب الحزب الوطنى (الغول) وما عرضه لنا عزيزى( جو) وما عرض على برامج كثيرة اكدت لنا جميعا انه كان وراء احداث نجع حمادى وطبعا هذا النائب من الموالين للنظام و30 سنه واكثر نائب وخادم امين لهذا النظام

وكذلك اعتقد ان النظام متعاون بصورة مباشرة او غير مباشرة مع قوى خارجية يهمها تخلف مصر وضعفها

اذا قام شخص بقتل شخص اخر بدون فائدة حقيقة تعود على القاتل لابد ان نسأل انفسنا من دفعه الى ارتكاب الجريمة ومن هو المحرض على القتل اى القاتل الحقيقى وليس الأحمق الذى كان يمسك سلاح الجريمة!!!!!!!!!!

ارجو من كل الشعب المصرى ان لاينساق بعواطفه لما يقال من ان واحد مسيحى هو السبب فى قتل مسلمين او واحد مسلم هو السبب فى قتل مسيحيين

ويبدأ كل واحد منا ينساق بعواطف الى كره الطرف الاخر الذى يريد ان يقتل جماعته او مذهبه الدينى كل هذه الاحداث هى جرائم سياسية يلبسوها لباس طائفى

[أسد]

المفترض في دولة مثل مصر .. يعيش بها مسلمون ومسيحيون ..

ينبغي أن يكون هناك قانوناً صارماً .. وفي منتهى التشدد .. يطبق بكل حزم على مثيري الشغب .. تحت مظلة دينية .. أو الإعتداء على الآخرين بحكم ديانتهم ..

يجب أن يشرع مثل هذا القانون ..

ويجب أن يطبق ..

لو حدث هذا في مصر .. لإنتهت مثل تلك الأزمات .. ولسارت في مسارها الطبيعي ..

إن ما يحدث ليس له أي مبرر ..

وأتمنى من إخواني هنا .. أن تهدأ لغة التخاطب والكتابة هنا .. فلن يفيدنا أبداً تسخين الموضوع .. ووضع بعض التوابل والبهارات عليه بإضافة بعض العبارات اللاذعة ..

[doha]

هو الواحد مش عارف يعلق على الخبر ببساطه لاننا مش امام خبر واحد وانما ثلاث اخبار مختلفة ..

ان كان الخبر كما ذكر في البدايه من انه واحد مسيحي اسلم والمسيحيين يطالبون بتسليمه فاعتقد ان ده من حقهم الى حد ما بس بالتاكيد من حق الشخص ده انه ( يحتمي ) بجهة سيادية زي قسم الشرطه واعتقد من حقنا جميعا كمصريين ـ مسلمين ومسيحيين على السواء ـ ان الجهة دي توفر له الحماية اللازمه بما يعني انها هتحمينا احنا بكمان بدورنا فيما لو اي منا احتاج حماية لاي سبب .. وبطبيعه الحال وطالما ان القسم تم رشقه بالحجارة وطالما ان محدش اتحرك لما ده حصل بل على العكس تم تفتيش القسم كمان ومن اشخاص مدنيين فاعتقد ان مانخلص اليه من الخبر ده ـ بفرض صحته ـ ان القسم الي بيمثل سياده الدولة على ارضها معادش له هيبه واعتقد مفهوم تماما مايعنيه الوصول لهذه المرحلة ..

طيب ولو مش ده الخبر الصح والتاني الي اورده الفاضل جو هو الصحيح من ان ( الولد ) اعلن اسلامه لمجرد انه بيحب بنت مسلمه .. اعتقد في حاله زي دي طبيعي جدا ان يسلم الولد لاهله مفيهاش حاجه بس الي مش طبيعي ابدا ان الاهل يلجأوا للمظاهرات ورشق القسم بالحجارة في سبيل استعاده ابنهم ..

لو فرضنا ان الولد ده مسلم فعلا وان اهله استلموه حتى عشان ( يقنعوه ) يرجع عن الي هو فيه فاحنا امام امرين ..

اما انه هيتظاهر بالاقتناع ويرجع للمسيحيه وقلبه مطمئن للاسلام ففي الحاله دي الولد مسلم وربنا مش هيحاسبه على التظاهر بالعكس طالما انه مكره .. يعني الولد مش خسران .. اما في حاله انه رفض واصر على اسلامه ولو حتى انقتل فيها فاعتقد كده الولد شهيد كسب آخرته .. واخيرا لو لاقدر الله طلع الولد بيستهبل وعامل كل ده عشان يتجوز البنت فاعتقد انه يرجع مسيحي افيد له فمن كانت هجرته لدنيا يصيبها او امرأة ينكحها فهجرته الى ماهاجر اليه .. اذا ولو فرضنا صحة الخبر من الناحية دي وانه ولد صغير واهله عاوزينه عشان يقنعوه لانه ( انضحك عليه ) ففي كل الاحوال هو مش خسران فيما لو اهله تسلموه .. وكان يفترض ان ميكونش في تعصب بالشكل ده في محاولة استرداده ولا انها توصل للتظاهر او العنف ..

طيب لو مكانش الخبر لا الاول ولا الثاني هو الصح وهو الخبر كما تفضلت اغابي بذكره نقلا عن صحف الكويت انه مزارع ( بيحاول يقنع ) واحد بالاسلام وانه التجأ للشرطه للحماية من اهل الواحد ده ..

بصراحه ده الخبر الي مش فهماه .. يعني فين الجريمه في الموضع ؟ واحد بيعرض فكره معينة على واحد تاني .. اقتنع التاني بيها او مقتنعش دي مشكلة الي اقتنع .. انما يتم التحزب ضد شخص بما يضطره للجوء للشرطه الي هي نفسها مقدرتش ـ وفقا للخبر ـ انها توفر له الحمايه فبجد دي مش فهماها خاصه لو مكانش للجهة المتحزبه سلطة ولاحتى معنوية عليه .. يعني لو القساوسه بيبحثوا عن شخص مسيحي نقول ايوه حقه انه يظهر نفسه لهم ويتفاهم معاهم لان مهما كان دول لهم سلطه عليه بالظبط زي الاب كده مابيكون له سلطه على واحد من ابناءه .. لكن يجي نفس الاب ويجري ورى واحد صاحب ابنه عشان (يضربه ) اصله بيعلم ابنه حاجه غلط من وجهة نظر الاب فاعتقد مش من حق الاب ده يعمل كده ابدا ولو فرضنا صاحب الابن غلطان فله اب يترد عليه ..

على كل حال من كل ماسبق اخلص لنقطتين ..

اولا ونظرا لتضارب الاخبار وكلها عكس بعضها تقريبا ففي هنا احتمال كبير يكون الموضوع برمته يحتمل التشكيك فيه او في احد اركانه وعليه فمعتقدش ممكن الواحد يجزم برأي فيه .. ممكن جدا يكون الموضوع اصلا ابسط مما تم تصويره ..

ثانيا بتحفظ على عنوان الموضوع من ناحية طلب راي المسيحيين فيما يحدث فزي مادائما بقول .. كل واحد معلق من عرقوبه .. ولو ان الموضوع معكوس ـ زي ماحصل في احداث نجع حمادي الاخيرة ـ وكان المعتدى مسلم اعتقد اننا كمسلمين كنا هنبقى متضايقين ومش راضيين عن الي بيحصل وبرضه لو قلنا كده وقتها مكانش هيبقى كلامنا مقبول من وجهة النظر المسيحيه اوي لان لما بيكون الجو محتقن للاسف النوايا السيئة هي الي بتبقى اقرب للاخذ بها .

رايي ان المسيحيين اجمالا ملهمش دخل بالي بيحصل والمسؤول عنه هو كل شخص شال حجر وراح رمى القسم النهرده هو ده بس الي نقدر نلومه أونقوله عملت كده ليه .. اما اي شخص تاني ( ملوش لا في الطور ولا في الطحين ) منقدرش ابدا نقوله رايك ايه او ليه عملوا كده حتى لو كان مشترك مع الي عمل في ذات الدين ..

واقولها تاني للمرة الالف .. كل احداث الفتن الطائفيه ايا كان الجاني فيها او المجني عليه .. هي مصيبة .. وبتحط علينا كلنا ..

[joo]

يا لونا يا عزيزتى مين قالك انى متدايق انا مش فى دماغى خالص

الدين للة والوطن للجميع

انا مكنتش هرد خالص على المواضيع دى ابدا بس اللى دايقنى

احساسى ان اللى بيفتح موضوع زى دة بيبأ عاوز يولعها نار وخلاص

[eslam elmasre]

انا ايضا لم يعجبني رد جو لاننا كما نشجب افعال القلة القليلة من مثيري الفتنة الطائفيه من المسلمين نستنكر وندين نفس الافعال من القلة القليلة من المسيحيين

هذه دولة لها قوانينها واحكامها وكل ما يحدث فيها يجب تغليب القانون علي تلك الاحداث

يعني يا جو يطالبوا بابنهم في اطار الشرعيه لكن رشق قسم من اقسام الشرطة يعد اهانه لدوله كاملة لا شك في ذلك ووعلي الرغم من تعامل قيادات الشرطة بحكمه في هذا الموضوع وتجاوزهم بتمكين رجال الكهنوت المسيحي من التفتيش عليهم الا ان هذا تم تفسيره بضعف من ادارة الشرطة في حسم الموضوع وان هذا حق من حقوق اهل الولد

لا يا جو نحن تحكمنا قوانين وتشريعات يجب ان تحترم

يحترمها كل من يعيش علي ارضها سواء مسلم او مسيحي او حتي بهائي

[ssmaly]

انا شايف ان تدخل القساوسة كان لتهدئة المتجمهرين وكان تصرف جيد منهم ومن الشرطة واذا اتعكس الوضع وكان المتجمهرين مسلمين وكان هناك شيخ له تاثير قوى على الجماهير وتدخل وسمحوا له بالدخول للتهدئة كنا لم نوجه اى لوم للشرطة طالما كان فى الصالح العام

[abaomar]

السلام عليكم

الاخوه الكرام جزاكم الله خيرا

.

منذ دقائق و على 90 دقيقه فى قناه المحور كان هناك تناول للموضوع و تسجيل من داخل قريه سمسطا التى شهدت الاحداث المذكوره

و جاء فيها على لسان احد اهالى القريه ان الشاب المعنى اشهر إسلامه فى الازهر و جاء الى بلده و تم عقد إجتماع معه كالمعتاد للتراجع و لكنه أصر على إسلامه مما كان السبب فى التوتر الذى حدث و لم يذكر احد قصه حب لفتاه و الزواج منها و تلك الافتراءات .

. ليس كل من يشهر إسلامه بسبب الحب او العلاقات العاطفيه كما يقال دائما حتى فى موضوع وفاء قسطنطين .

و التعامل مع هذه الحالات بذلك البطش و التواطؤ بين الدوله و الكنيسه لن تكون نتيجته الا النار التى يخشاها joo

خصوصا انه يجئ دائما على حساب الطرف الضعيف فى البلد و هم المواطنين المسلمين العاديين من امثالى

و صدق معتز الدمرداش فى قوله لا يجب التعامل مع تلك الحوادث بمنطق النعامه .

الانكى من هذا تلك التبريرات الغريبه مثل ما ذكرته اغابى من ان المسيحيين مازالوا متأثرين من حادثه نجع حمادى

و كأننا نعيش فى غابه و ليس فى دوله لها قانون ..على هذا ننتظر الكثير من التجاوزات بذريعه التأثر بحادثه نجع حمادى . :happy:

..القاء التبعه على الحكومه و انها صاحبه التلفيق فى هذا الموضوع لصرف الانظار عن ما يحدث فى الساحه السياسيه ...

و كأن ما حدث ما تجمهر و الاعتداء على جنود و ضباط الشرطه تمثيليه حكوميه ....اى منطق هذا .

.

الزميل أسد

ينبغي أن يكون هناك قانوناً صارماً .. وفي منتهى التشدد .. يطبق بكل حزم على مثيري الشغب .. تحت مظلة دينية .. أو الإعتداء على الآخرين بحكم ديانتهم ..

هناك حاله طوارئ يتم تطبيقها و بقسوه و عنف على مثيرى القلاقل من المسلمين (كما تدعى الحكومه ) مثلا

فلماذا لم نسمع همسا او إعتقال لمثيرى الشغب ..........و لا هو خيار و فاقوس ....غالبا فاقوس ...

تم تعديل 20 أبريل 2010 بواسطة abaomar

[abaomar]

فى العاشره مساء الان

أكدت منى الشاذلى الحادثه من خلال روايه الامن و الاهالى و التى تؤكد إسلام الشاب و عمره 18 سنه و قام بإشهار إسلامه فى الازهر بعد إحضار بطاقته للتأكد من السن و بحضور 2 شهود بالإضافه انه غير إسمه ايضا و الشاب و أسرته تحت حمايه الامن فى القاهره فى مكان سرى و اكدت ان الإجراءات قانونيه .

و مازال التوتر محيط بالبلد و الامن يفرض كردون امنى .

تم تعديل 20 أبريل 2010 بواسطة abaomar

[أحمد سيف]

انا شايف ان تدخل القساوسة كان لتهدئة المتجمهرين وكان تصرف جيد منهم ومن الشرطة واذا اتعكس الوضع وكان المتجمهرين مسلمين وكان هناك شيخ له تاثير قوى على الجماهير وتدخل وسمحوا له بالدخول للتهدئة كنا لم نوجه اى لوم للشرطة طالما كان فى الصالح العام

مسألة تدخّل رجل الدين - مسيحي أو مسلم - كوسيط بين المواطن والدولة هو شئ مرفوض وممارسة عفا عليها الزمن تكرّس مبدأ تابعية المواطن للمؤسسة الدينية وليس للدولة المدنية. من قاموا بهذا الشغب هم مواطنون مصريون تنطبق عليهم القوانين مثل غيرهم ويتحملون مسؤولية أعمالهم بصورة فردية ... والكنيسة ينبغي أن تعلن بصراحة أن لا شأن لها بما يقومون به حتى لا تضع نفسها في موضع الاتهام. الدولة لديها القدرة على التعامل معهم بالقانون والقوة إذا استلزم الأمر وليست في حاجة لوساطة من أحد.