مصر رايحة علي فين ؟؟؟!!!!

[hosambob]

كنت بتجول في صفحات الأنترنت زي كل يوم

و لقيت النهاردة أخبار بجد مش كويسة ( تخوف )

- اطلاق النار علي المتظاهرين

- كيلو اللحمة ممكن يوصل 200 جنية

- عقاب أمين معمل بمدرسة علشان غايب يوم عارضة

و لسة الأخبار تتوالي .. اية الحكاية .. مصر رايحة علي فين ؟؟ و هي دي مصر اللي انا سايبها بقالي سنتين ؟؟

السؤال دة طرأ في ذهنى .. انا كنت بفكر انزل اجازة و مرجعش تاني للغربة .. بس الحال كدة ميطمنش ؟

يا جماعة ادعو لمصر .. و لأهلها ..

مع خالص تحياتي

[herohero]

مصر مااتغيرتش قوي ففترة الانهايار السريع ده بدات تظهر بجد من سنة 2006 الغلاء والتوجهات غير المدرسوة اما من سنتين فحضرتك كنت حضرت معمعه مصر

فلاتقلق هتلاقيها زي ما سيبتها ف انهيار مستمر اللي يجننك ان احنا شعب خانع وساكت قووووووووووووووووووووي

صحيح دلوقتي احسن من قبل كده يعني زمان مستحيل كنت تلاقي حد يقتنع بكملامك ان البلد ماشية غلط لان الناس كانت ف مصر قافله ع نفسها ومعروفه الاسطوانه اياها

احنا حضارة 7000000000000000000000سنة ومحدش بيفهم الا احنا ودول الخليج مثلا دول مش فاهمين حاجه ودولهم صحراء جرداء وان الفلوس لامؤاخذه مع .....

وان الطفل المصري اذكى طفل ف العالم وشوية حاجات كده كانت مخليانه قافلين ع نفسنا ومقتنعين اننا صح وبصراحه من السبعينات واحنا مش صح من السبعينات واحنا بدانا مشوار الانهيار وماتراه ف الخليج او غيره هو موجود منزمان قوي وموجود ف اي بلد طبيعي مانراه ف مصرنا هو اللي مش طبيعي

لكن مصر رايحه ع فين اتمنى ان الالقي حد عنده رد

لاننا باختصار ليست لدينا اي خطط لا للتطور ولا للانهيار

احنا حضرتك عايشين ف مكان يدعى وطن وهو مصر للاسف لا يجد م يحكمه عصابه عمالة تنهب فيه ونهب غير منظم فوضوي

وبقينا زي اللي ف مدرسة الناظر ف الغيبوبة ومكبر دماغه قووووووووووووووووووي وقفاه بصراحه عليه حته قفا

والمدرسين وهم وزرائنا الاحباء شغالين مع نفسهم وكله مروق نفسه قوووووي

اما الطلبة فهم الشعب المسكين فاللي بينط ف مركب هجره غير شرعيه واللي يهاجر شرعي واللي يطلع ع الخليج من منطلق اخف الضررين واللي عايش وكانه مش عايش زي ما قال عمرو دياب انا عايش ومش عايش

واتحداك لو سالنا ريس الجمهورية حضرتك شايف كده خطتنا للانهيار ازاي والله ماهيعرف مش هقولك خطته ايه للبلد

سيدي انت ممشيها طبعا مش بالبركة لان اي برككة تحل وهم حرامية لكن انت سايبها كده

اتفرج ع اعلامك الرسمي وانت تعرف حاله تخبط عام ولا يوجد اي توجه واضح والضحايا هو انا وانت وغيرنا من التلاميذ الي بينطوا من الشبابيك ولا من ع السور

للاسف هتنزل ومش هتقدر تكمل وهترجع لاخف الضررين

[AhmedEmam]

مصر نازلة نزلة الدائري وانت رايح كورنيش المعادي..

من حوالي 5 سنين..كانو فبرامج التليفزيون يقولك انا احنا داخلين علي حافة الهاوية

وانا بعتقد ان اننا دلوقتي قاعدين جوة الهاوية ومربعين

يكفي اني اقولك ان اعضاء الحزب الواطي المطاطي..طلبو من وزير الداخلية انة يضرب المتظاهرين بالرصاص الحي عشان دول خارجين عن القانون ولازم ردعهم

دا غير الناس المعوقين الي قاعدين بالعواكيز والكراسي قدام مجلش الشعب بقالهم حوالي شهر عشان بيطالبو انهم ياخدو حقوقهم لا أكثر...ولا حياة من اساسة

دا غير انهم في 2010 بيفكرو انهم يحطو حد ادني للرواتب..عمرو اديب في البرنامج بتاعة كان بيقولهم انا نفسي اشوفهم ازاي هيعرفو يعملو الموضوع دة...طب مثلا نقول حيطو 800 جنية كحد ادني للناس الخريجين الجداد...طب والناس الي شغالة بقالها 10سنين ب400 او 500جنية هتعمل فيهم اية...هترفع مرتباتهم لكام..نقول 2000 جنية لواحد خبرة10 سنين...طب منين بقي هتيجي الفلوس......؟؟؟؟؟؟؟؟؟؟

ياسيدي الفاضل الي يفكر يرجع مصر..كأنة بينتحر بالظبط

يعني لا اكل ولا شرب ولا هواء ولا مواصلات ولا أمان ولا تعليم ولا حرية ولا شوارع ولا معاملة عدلة ولا اي حاجة.....يأخي دول لو كفار مكانش البلد زمانها عاملة كدة

هقول اية ولا اية

يلا انت السبب وتستاهل انت الي سألت سؤال زي دة :happy:

تحياتي

:happy:

[مصرية اوى]

مصر رايحة للمجهول

طريقنا بقى مالوش ملامح الوقتى وكل يوم نتفاجىء بمصيبة جديدة تيئسنا من انه ييجى بكرة احسن

السبب فى دا ان حكومتنا الموقرة سايبة الحبل على الغارب للجشعيين وعديمى الضميريتحكموا فينا براحتهم

كل دا تحت شعارالسوق الحر

بفهومهم الخاص ان كل تاجر حر فى تعذيب المواطنين وماحدش يقدر يهوب ناحيته

بجحة ان غير كده نبقى اشتراكيين وندعو لفكر متخلف

يعنى المواطن هو ضحية الاقتصاد الحر

والمهم ان فكرة الاقتصاد الحر مش لايقة على بلدنا خالص

لكن تقول ايه فى التطور الشكلى اللى فارضاه الحكومة علينا فى بلدنا بجبروتها.

[lovelyramy]

خلاصه القول

مصر عامله زى الباص اللى السواق دايس فيه بنزين وماشي على اعلى سرعه وجات له غيبوبه سكر او نام ورجليه على البنزين

الباقي ...............................................

ربنا وحده اللى اعلم بيه

يااااا خساره والف خساره عليكي يامصر

تم تعديل 20 أبريل 2010 بواسطة lovelyramy

[romuy]

طيب وبعدين ياجماعه العمل ايه ؟؟؟؟؟؟؟؟؟؟؟؟؟؟؟؟؟؟؟؟

نقعد هنا تحت نظام ابو الهبل وابو جهل متعملش حاجه الا ما الكفيل يوافق تهرش لا ورقة من الكفيل اى حاجه ورقة من كفيل ....

ولا ننزل ونعيش فى المهزله الى بتحصل فى مصر من كل حاجه الناس بقت بتاكل فى بعضها هناك

انا ساعات كتير بتهم نفسى بالهروب من مصر واقول اول م البلد بقت فى ضيق جريت وسبتها واول ما هتحلو هرجع تانى واقولها بلاحضان يابلدنا ياحلوه بالاحضان

انا صح ولا غلط

وعلى راى الست ام مريم (شيرين يعنى ) مشربتش من ناااااالها ؟؟؟؟؟

[herohero]

طيب وبعدين ياجماعه العمل ايه ؟؟؟؟؟؟؟؟؟؟؟؟؟؟؟؟؟؟؟؟

نقعد هنا تحت نظام ابو الهبل وابو جهل متعملش حاجه الا ما الكفيل يوافق تهرش لا ورقة من الكفيل اى حاجه ورقة من كفيل ....

ولا ننزل ونعيش فى المهزله الى بتحصل فى مصر من كل حاجه الناس بقت بتاكل فى بعضها هناك

انا ساعات كتير بتهم نفسى بالهروب من مصر واقول اول م البلد بقت فى ضيق جريت وسبتها واول ما هتحلو هرجع تانى واقولها بلاحضان يابلدنا ياحلوه بالاحضان

انا صح ولا غلط

وعلى راى الست ام مريم (شيرين يعنى ) مشربتش من ناااااالها ؟؟؟؟؟

الست ام مريم اللي كانت عاوزة تخلفها ف امريكا

سيدي احنا بنختار اخف الضررين ، واه هربنا واي حد ينكر كده يبقى مش عادل احنا مش بس هربنا احنا طفشنا هربنا هروب غير منظم

لان باختصار البلد عاوزة الحرامية والنصابين واللي بفتحوا مخهم

عزيزي حفيدة الرئيس حريصين انها تاخد جنسية تانيه تفسر ده بايه

بلد عاوزة تضرب عيالها بالرصاص

بلد عيالها بتتبهدل بره وجوا

يبقى هنعمل ايه ، هنستحمل نظام الكفيل وغبائه مجبرا اخاك لا بطل

[M Mido]

من الاخر حتى لو مصر نازلة هي احسن من غيرها لان برضه الدول العربية كلها في النازل.

[herohero]

من الاخر حتى لو مصر نازلة هي احسن من غيرها لان برضه الدول العربية كلها في النازل.

بلدنا وبنحبها بس من واجبنا اننا نبقى مخلصين لها يعني حضرتك احسن من غيرها بامارلاة ايه

حضرتك فيه ارقام اظن حضرتك لو طالعت الصحف واي تقارير هتلاقي حاجات تفرح اخرها انها البلد العربي الوحيد اللي فيها نواب مجلس الشعب بيطلبوا ضرب ابنائها بالرصاص

حضرتك اتمنى ان حضرتك توضح احسن من ايه معنى كلامك ان الاوضاع عندنا تمام قوي والدليل اننا احسن من غيرنا اتمنى ذلك واشوف نظام التعليم الراقي اللي عندنا مستوى الثقافة المنعدم وبلاش اننا نقارن انا بتكلم عن بلدي واتمنى انها تكون احسن من غيرها

عارف لاسف حكومتنا نجحت ف انها تخلينا احسن من غيرها من الدول العربية بس ف ايه ؟؟؟؟

في تحسين معدل الانهيار وتحسين معدل اهانة الشعب

ياراجل فيه شيئ عندنا ما بقاش متازم

ازمة لحوم ، ولا عيش ولا غاز ولا مرور ولاتعليم ولا ميا ملوثه ولا محاصيل بميا صرف مجاري ولا ازمة جواز

بذمتك انت مش خايف يوم اننا ما نلاقيش ازمة تخيل تصحى ف يوم من غير ازمات والعياذ بالله نروح شغلنا مبسوطين وننتج

انا بجد خايف من اليوم ده ان المصري يعيش من غير ازمات ف حياته ياترى هتبقى حياة هنعرف نعيشها

تخي مصري بلا ازمات ؟؟؟؟؟؟ تبقى ده حياة

[أسد]

الأزمات اليومية الخانقة في مصر .. مثل ارتفاع الأسعار .. وأزمات السلع .. والمرور .. والنظافة .... الخ

كلها لها حل .. ومش بس كده ..

دي لها حل نموذجي كمان ..

بدليل إن تلك المشكلات والأزمات قد لا تجدها في مجتمعات ودول أخرى ..

قد يكونوا أعلى منا في المستوى الإقتصادي .. أو أقل أو مثلنا ...

ولكن المسألة تكمن في إدارة البلاد .. وهيئة تلك الإدارة .. ومدى إخلاصهم ..

فعلاً المسألة في مصر سايبة جداً .. وليس بها ضابط أو رابط ...

يعني نقول إيه ..

أسعار اللحوم .. ليه تبقى في مصر غالية بالشكل ده .. ما المبرر في ان يكون سعر كيلو اللحم في مصر .. اغلى من السعودية .. أو أغلى من ألمانيا أو أسبانيا أو فرنسا ..

مسألة غريبة جداً .. وغير منطقية ..

جشع تجار .. إضافة إلى سوء إدارة من الدولة .. تسيب .. وسايبين الناس متسلطة على بعض .. اللي يقدر ياكل الثاني ياكله ..

مش ممكن .. كل الدول بها شركات خاصة أو حكومية تنظف الشوارع ... يعني ممكن إن الشوارع تكون نظيفة ..

كل دول العالم بها قوانين لحماية الناس وممتلكاتها .. وأمنها الإجتماعي .. وتطبق لهذا الغرض .. يعني ممكن يحصل ..

إذن مشكلات مصر كلها لها حل .. وهناك حلول مثالية ونموذجية .. ولكن ينقصنا أن تطبق ..

إذن الخطوة الأولى ..

التغيير ..

تغيير تلك الوجوه القبيحة .. وتلك الأفكار المتخلفة التي إبتلينا بها طوال سنوات طوال ...

التغيير ..

التغيير ..

[herohero]

الأزمات اليومية الخانقة في مصر .. مثل ارتفاع الأسعار .. وأزمات السلع .. والمرور .. والنظافة .... الخ

كلها لها حل .. ومش بس كده ..

دي لها حل نموذجي كمان ..

بدليل إن تلك المشكلات والأزمات قد لا تجدها في مجتمعات ودول أخرى ..

قد يكونوا أعلى منا في المستوى الإقتصادي .. أو أقل أو مثلنا ...

ولكن المسألة تكمن في إدارة البلاد .. وهيئة تلك الإدارة .. ومدى إخلاصهم ..

فعلاً المسألة في مصر سايبة جداً .. وليس بها ضابط أو رابط ...

يعني نقول إيه ..

أسعار اللحوم .. ليه تبقى في مصر غالية بالشكل ده .. ما المبرر في ان يكون سعر كيلو اللحم في مصر .. اغلى من السعودية .. أو أغلى من ألمانيا أو أسبانيا أو فرنسا ..

مسألة غريبة جداً .. وغير منطقية ..

جشع تجار .. إضافة إلى سوء إدارة من الدولة .. تسيب .. وسايبين الناس متسلطة على بعض .. اللي يقدر ياكل الثاني ياكله ..

مش ممكن .. كل الدول بها شركات خاصة أو حكومية تنظف الشوارع ... يعني ممكن إن الشوارع تكون نظيفة ..

كل دول العالم بها قوانين لحماية الناس وممتلكاتها .. وأمنها الإجتماعي .. وتطبق لهذا الغرض .. يعني ممكن يحصل ..

إذن مشكلات مصر كلها لها حل .. وهناك حلول مثالية ونموذجية .. ولكن ينقصنا أن تطبق ..

إذن الخطوة الأولى ..

التغيير ..

تغيير تلك الوجوه القبيحة .. وتلك الأفكار المتخلفة التي إبتلينا بها طوال سنوات طوال ...

التغيير ..

التغيير ..

ع راي الكوايته صح لسانك وفيت وكفيت

ماده اللي بنقوله احنا مش هنخترع العجلة ليه احنا عاملين نضحك ع الناس ونفهمهم ان مشاكلهم ده شيئ مالوش حل بالعكس اصلا احنا معندناش مشاكل معنديش عجز ف الطاقه اللي بنصدر الغاز الطبيعي ببلاش هل ده مشكلة جات لنا من السما ولا فساد حكومي

وارض وجيه سياج وغيره وغيره من الفساد اللي حصل ف بيع القطاع العام ياجماعه اذاكان المسول عنه راجل كان بيبقى سكران اقول ايه بس انا مش قادر انسى يوم تصريحه ف حادثة القطار وبيقولك هو كلوب كان ف القطار هو السبب ف الحريقة

ابقوا اسالوا الناس اللي ف المريديان ولا فندق الكونراد اجتمعات العبقري اللي كافئناه برئاسة المصرف العربي الدولي اللي بياخد ملاليم ايام الرخص كان بياخد نص مليون مرتب شهري

يبقى مصر رايحه لفين نكافئه بمنصب زي ده ولا وزير الاسكان اللهي ربنا يكرمه محمد ابراهيم سليمان سبحان الله الملاك البريئ طلع شيطان رجيم فجاة كده اكتشفنا حقيقته

وغيره وغيره

اللي بيقول مصراحسن من غيرها ارحمني وقولي ف ايه احسن انا من ساعتها قاعد هتجنن

عاوزك تقولي بجد احسن ف ايه ولا نزله ع 0900 كسؤال مصر تفوقت ع الدول المحيطة ف ايه

[the consultant]

و الله هو بالنسبة لاغنية شرين مشربتش من نيلها ( احتمال تتغير تبقى " مشربتش من نيلها.........يبقى مش حتشرب تاني )

سمعتو حوار التقسيم العادل لماء النيل و اثيوبيا بتصيع على مصر ......طيب اقرو ده http://www.masrawy.com/News/Egypt/Politics/2010/april/21/ethiopia.aspx

والله انا حاسس ان الدنيا حتولع بأة من كل نحية ماهو لو الناس كمان ملقيتش مياه يبقى كدة خلاص بأه !!!!

اما عن فكرة الهروب .....اه طبعا احنا هربانين و ده امر طبيعي لاننا متربيين على السلبية ( احنا جيل سلبييييييييييييي) من أول السكوت على استخدام الوسايط و الرشاوي في كل حاجة لحد تمنياتنا باعفاء من الجيش الى الاكتفاء بالشجب و تأليف الاغاني الخايبة و العويل و الصراخ على ما يحدث لاطفال فلسطين ...............................ربنا يستر علينا في الاخرة لاننا حنتحاسب على سلبيتنا الزبالة دي ........!!!!

لا حول ولا قوة الا بالله

[lovelyramy]

انا عن نفسي اتوقع مايلي فى ال 3 او ال 5 سنوات التاليه

1. وفاه الرئيس مبارك.

2. انفلات شديد فى البلاد وكثره وتضاعف الفساد والقتل والنهب.

3. انقسام وخلافات تكاد تكون حروب اهليه بين من يقال عنهم المسئولين الحاليين الطامعين بالكرسي تنتهى بتولى من يقدر على التخلص على الاخرين وينال رضى امريكا واسرائيل وهو واحد من 4 فى رأيي المتواضع (المشير طنطاوى - عمر سليمان - جمال مبارك - شخص سيصعد نجمه جدااا قريبا (لا أستطيع ذكر اسمه)).

4.بدايه الشد والجذب بين مصر واسرائيل وتنطلق الشراره من سيطره اسرائيل على دول افريقيا واللعب بموضوع مياه النيل.

5.حرب وشيكه جدا بين امريكا وايران.

6.لا لا لا تغيير فى سلوكيات السعب المصري بسبب القمع والفساد والسلبيه واخيرا الاستعداد لهزيمه كبيره مثل 1967

7. بدايه الصدمه المؤديه لافاقه الشعب والمسئوليه ولكن هذا لن يحدث فى خلال 5 سنوات ولكن فى خلا ال 10 او 15 سنه القادمه

يا اخوانى المستقبل معلوم بعض معالمه ويكرر نفسه مصر تعيش نفس فتره اللا استقرار والعشوائيه مع اختلاف الاسلوب والطريقه التى عاشتها قبل نكسه 1967 وكذلك الدول العربيه

تم تعديل 21 أبريل 2010 بواسطة lovelyramy

[hosambob]

تم تعديل 21 أبريل 2010 بواسطة hosambob

[مغتربة]

لانك كنت فاتح الموضوع مرتين و يمكن لان الجهاز عندك هنك و انتى بتحط الموضوع فنزل مرتين

فحذفوا واحد و سابوا التانى علشان تتجمع الردود كلها على موضوع واحد بدل تشتيتها على اتنين

يعنى عمليه تنظيميه لا اكثر

[doha]

من قال هلك الناس فقد اهلكهم .. عارفين ليه ؟ لان افضل طريقة تضمن بيها البقاء محلك سر انك تكتفي بلعن الظلام حولك وجلدك لنفسك عشان مش قادر او لنقل مش عاوز توقد فيه شمعه . .

ايوه الوضع في مصر اصبح ( ازفت من الزفت ) وايوه كل الحلول والبدائل المطروحه اعلاميا غير مجديه ولاتبشر بالخير سواء على مستوى الاشخاص الي يفترض انهم يتحملوا المسؤوليه فيي الفترة القادمه او الحلول الي مفروض تحل ازمات حاليه او الارهاصات للازمات المستقبليه الي شكلها هتبقى مايعلم بيها الا ربنا..

خلاص الوضع الحالي مش محتاج حد يوصفه ولا اظنها من الحكمه اسقراء المستقبل الآن ..

الحكمه الحقيقية بتقول لو نظف كل منا امام بيته لاصبح الشارع نظيفا ..

الي نفسي ننشغل بيه اكتر من انشغالنا بوصف حال البلد اننا نصلح نفسنا .. نصلحها بجد مش بشعارات او مسميات .. ولا اقصد هنا اننا نروح نصوت في الانتخابات او نقف مع ناس ضد ناس .. ده مجرد موقف سياسي ربما يكون في اتخاذه اصلاح لكن بالتاكيد مش هو ابدا الاصلاح ..

اننا نبقى ( بني آدمين بجد ) هو ده الي هيخلي بلدنا ( وطن بجد ) ..

على كل حال ياجماعه وبدون اطالة .. الي في ايده شيء يعمله مهما كان صغير او تافه او بسيط هو في النهاية احسن من لاشيء .. حتى الي عاوز يسيب البلد عشان مش عارف يعيش فيها خليه يسيبها .. بس الله يخليكم بلاش جلد الذات ده الي مش هيزيدنا الا تأخر . . لو كل واحد في بلدنا قادر يعمل حاجه عملها والي مش قادر سابها هيبقى كل الي في البلد كويسين يعني هتبقى البلد كويسه .. صدقوني هتبقى كده ..

[engmido]

ارجوكم

انا نفسيتى تعبانة جداااا من هذا الموضوع لانى احب هذا البلد كثيرااا

ولكن ما يحدث فيها يتعب جدااااااااااا+ الاعلام الفاااااااااااااشل الذى لا يقدم ولا يؤخر وعايش بس على فضايح وكذب

[romuy]

ياجماعه احنا ليه معلقين على كلمة عضو او اعضاء فى مجلس الاونس (الشعب يعنى ) بيطلب من الداخليه ضرب المعارضين بالنار اهوه واحد قال كلمه وخلاص احنا لاقينا الدخليه عماله تضرب الناس بالنار ماهو الاخ احمد عز طلع مره وقال ان الشعب مورفه والحياه زى السكينه فى الحلاوه كلام من شخص عايش فى كوكب تانى

ثانيا لو البرامج التوك شو زى القاهرة اليوم والعاشرة مساء و90 دقيقه والبرامج دى قالت ان البلد زى الفل مش هيتشغلوا ولاحد هيبص ليهم فلازم شوية توابل كده علشان الاكل يحلوا ويعملوا شغل وضجه اعلاميه وانا عن نفسى مش بتفرج عليهم

وانا عن نفسى لو لقيت خرم ابره انى اخرج من عند البدو دول وانزل بلدى هنزل والله والى بيمشى على جيلى يمشى عليا انا كمان مش دلوقتى البلد ولعه وانا اجرى واول ما هتبق فله اجرى عليها

من الاخر يانعيش عيشه فل يانموت احنا الكل

تم تعديل 21 أبريل 2010 بواسطة romuy

[herohero]

ياجماعه احنا ليه معلقين على كلمة عضو او اعضاء فى مجلس الاونس (الشعب يعنى ) بيطلب من الداخليه ضرب المعارضين بالنار اهوه واحد قال كلمه وخلاص احنا لاقينا الدخليه عماله تضرب الناس بالنار ماهو الاخ احمد عز طلع مره وقال ان الشعب مورفه والحياه زى السكينه فى الحلاوه كلام من شخص عايش فى كوكب تانى

ثانيا لو البرامج التوك شو زى القاهرة اليوم والعاشرة مساء و90 دقيقه والبرامج دى قالت ان البلد زى الفل مش هيتشغلوا ولاحد هيبص ليهم فلازم شوية توابل كده علشان الاكل يحلوا ويعملوا شغل وضجه اعلاميه وانا عن نفسى مش بتفرج عليهم

وانا عن نفسى لو لقيت خرم ابره انى اخرج من عند البدو دول وانزل بلدى هنزل والله والى بيمشى على جيلى يمشى عليا انا كمان مش دلوقتى البلد ولعه وانا اجرى واول ما هتبق فله اجرى عليها

من الاخر يانعيش عيشه فل يانموت احنا الكل

هم بدو وبيحكمهم بدو ومريحين عيالهم وبصراحه يعني برده احنا ياللي غرباء عنهم غالبيتنا وخد حقه اللي للاسف الشديد ضاع ف بلدنا غير ان بيني وبينك البدو دول ماجوش خطفونا من مصر مع كامل احترامي احنا اللي جينا وناس بصراحه جريت وراهم وحفيت عشان تيجي

فده نقطة مناقشتها مش منطقيه لازم نبقى صرحاء مع نفسنا

وعن النزول للبلد فحضرتك مصر فاتحه ذراعتها لكل ابناها يعني حضرتك ممكن ماتحرمش نفسك من المتعه اللي عايش فيها جيلنا انزل حضرتك وشوف الازمات اللي جيلنا مالوش ذنب فيها اللي حرامية بلادنا اللي مش بدو اللي لابسين بدل ومتعلمين بس متعلمين فنون النهب والنصب والسرقه

انزل حضرتك وياريت تبقى تشوف ازاي هتمشي بعربيتك ولا تركب مواصله عامه ولا تحضر البنزين والسولار اللي سعره هيرتفع قريب يعني بجد الواحد نفسه ياشارك جيله هذه اللحظات السعيده وانا كنت حاضر فرحه ازمة انابيب البوتوجاز وازمة السولار ياه بجد لحظات روعه لاتنسى

وبرامج التوك شو مش معقوله والله عشان تسود الدنيا لان هي اصلا كده يعني هل هم بيجيوا حاجات مش ف الواقع

ياريت حضرتك تنزل مصر وتلحق تحضر جزء من اللحظات السعيده المفرحه مع بقيه الجيل وتستمتع بحياة الازمات

[romuy]

فى ايه يااخ هيرو انت واخدالموضوع عل صدرك ليه كده ياراجل فيه دحنا بندردش

صلى على النبى كده

وثانيا ياعم نزلنى انت بس من هنا وانا مستعد اشترك فى كل الازمات ولو خلصت الازمات اخلق انا زمه هناك بس كده

بس اقولك على حاجه بينى وبينك ومتقولش لحد متشدش اوى فى الكلام على موضوع الغربه علشان ممكن يكون غيرك بيحصل ليه هنا اكتر مليون مره من الى بيحصل فى مصر فمبتصش ان كل الى متغربين حلوين ولا ينقصهم الا روجع للوطن لا فى ناس هنا الله اعلم بظروفهم فانت لما تجى تقولهم الحال فى مصر ازمت سولار ولحمه والحاجات دى فبيقول اهون من الى انا فيه

دى نصيحه اخوك

وبجد انا بستمتع بحوار معاك