ديوانيه سيناء

[مغتربة]

النهارده هكون المرشده السياحيه الخصوصى ليكم كلكم

و هاخدكم كلكم معايا فى جوله حره فى مدينه العريش علشان نتعرف عليها على الطبيعه

اول حاجه هتقابلنا بعد مشوار السفر الطويل و المرهق الى قطعناه هيكون البوابه دى

بعده على طول هتلاقى قريه سما العريش و جنبيها جامعه سينا الدوليه ( جامعه خاصه ) على ايدكم الشمال

و على ايدكم اليمين دا حى المساعيد

العريش مدينه صغيره نسبيا و على خط البحر الى احنا مشين فيه دلوقتى بتتمركز الفنادق و الشاليهات و الكافتريات عند البحر و كمان عملين كورنيش جميل على البحر

و المبنى الى هناك دا نادى القوات المسلحه

و الجهه المقابله شاطىء نخيل جميل جدا زى ما احنا شايفين

بعد ما خلصنا خط البحر وصلنا لنهايه طريق متفرع لفرعين

الفرع اليمين هينزلنا على وسط البلد و الاحياء القديمه من البلد و هناك كمان الشارع الرئيسى الى بيتمركز فيه المحلات و الحركه التجاريه للبلد

لكن لو اخدنا الفرع الشمال هيوصلنا لحى الضاحيه و هو حى احدث لكن برضه بيتمركز فيه السكن

بيوت العريش القديمه كانت نموذك منم البيوت العربيه التقليديه

البناء من اللبن و من دور واحد بشكل حجرات متجاوره على خط واحد تطل كلها على مساحه فضاء كبيره ( كل هذا داخل سور البيت ) عاده ما كانت تزرع هذه المساحه باشجار الزيتون و اللوز و التفاح و التين

و ذه البيوت كانت مازالت منتشره حتى التسعينيات

اما الان فهذه البيوت تكاد تكون اندثرت و كل البيوت الان تبنى بالشكل السائد فى باقى الجمهوريه

كل الاراضى و البيوت فى العريش غير مسجله فى الشهر العقارى و عمليات البيع و الشراء عليها تتم بدون تسجيل لان الناس هناك توارثت هذه الاراضىعن جدود الجدود بشكل شفهى و الحكومه المصونه بالطبع لم تقم بعمل اى شيىء لتعديل الوضع حتى الان

كذلك و نتيجه للاهمال الفظيع الذى عانت منه العريش فترات طويله

فالعريش ليس بها شبكه صرف صحى و كل البيوت تعتمد على ما يسمى بحفر ابار تصريف

طبعا ملاحظين انتشار البضائع الاسرائيليه فى كتير من المحلات

الصابون و الشامبو بضائع كتير بتيجى من اسرائيل نظرا للتجاور الى حاصل

حتى سيارات الاجره فى العريش كلها من موديل مرسيدس قديم بيجى بس من اسرائيل

اللهجه الى انتم سمعينها دى اللهجه العرايشيه و هى قريبه جدا من اللهجه الفلسطينيه

كتير من الفلسطينين عايشين فى العريش و بيزيد العدد كل ما تجهت شمالا حتى الحدود فى رفح

و حالات التزاواج المتبادله كتيره هناك

احنا كده خلصنا جولتنا ( ما انا قولتلكم ان العريش صغيره )

ارجو انى كونت مرشده مريحه معاكم

و ان شاء الله نلتقى فى خاطره تانيه

[joo]

رائعة جدا انا نفسى اروحها من زمان

[مغتربة]

رائعة جدا انا نفسى اروحها من زمان

تنورنا هناك يا جو

بس قولنا قبلها علشان نعرف نعمل معاك احلى واجب

:P :o

[joo]

انتى طول عمرك كلك زوق وواجب

متحرمش

[shiko]

...تسلم ايديكى يا جايد ...

لا كانت تور روعة ...وموضوع بيوت العريش القديمة دى ...

نموذج مثالى للمنزل العصرى ...

ياريت يبقى مشروع معمارى يحتذى به ...

ليكى يا مغتربة ...على الديوانية الجميلة فى حب سيناء ...

اروع

[okwaitme]

هتكملي لحد رفح؟؟

ولا هتلفي وترجعي ثاني؟؟

[النسر المصري]

بوه يوه يوه

ايش الحلاوة هادي كولها يامغتربة

ما احلى توبيكاك

اشو اللي عاملاه هادا كله ياختي

والله انت طلعتي ماشالله عكروتة عكروتة

ألايجهالي ياشيخة

الله ينيم ريحي

ام جورص اتطسني ف حبة عيني

ده هادا اني طلعت طهبوج وهامل هامل يعني

بجالي تسع سنين في المحاورات ولا مرة عرفت اكتب هادا كله

تجوليش ماشالله عليكي كانك متحف العريش الاثري التاريخي المتحرك

روحي ياشيخه ...الهي ينفوخ ف صورتك ويسلم جالوغك

بعد المداخلة العرايشية المتعكرمة دي احب اقدملك نفسي

النسر المصري

عرايشي من عائلة تنحدر من محمود علي اغا بوشناق

زوجتي عرايشيه بردو من نفس الانحدار ولكن عائلة اخرى

والدتي بردو عرايشيه من نفس عائلة زوجتي

المفاجاة العظمى بقى

اننا كلنا مغتربون من تلاتين سنة

اية رايك في التقارب ده كله

اخاف بعد كده تطلعي بنت خالتي مثلا ولا بنت عمتي

ومما لاشك فيه هتطلعي احدى قريباتي او نسايبي

بجد بجد بجد

فخور بيكي جدا جدا جدا

وتعظيم سلام لاجدع وافهم عرايشيات العريش

كان مهكم

النسر المصري

نواكشووط

:)

تم تعديل 7 أغسطس 2010 بواسطة النسر المصري