انا بكره فرانكفورت و بحب اللوفتهانزا...ايييييييييه

[MZohairy]

اخواني و اخواتي

استبقيت جبرا في الاراضي الالمانية لخمسة ايام كاملة بسبب بركان ايسلاند

و استغرقت رحلتي من فرانكفورت لفانكوفر قرابة ال 120 ساعة كامله

رغم انها رحلة طيران !!!

سأقص عليكم ملاحظاتي حول اللوفتهانزا (الخطوط الالمانيه)

مطار فرانكفورت

جوازات فرانكفورت

القنصليه المصريه و دورها مع المسافرين المصريين المحتجزين في المطار

القنصليات الأخرى كالإيرانيه و الصينيه و دورها مع رعاياها المحتجزين في المطار

و شوية حاجات تانيه

ايشباخن فاخن موشت زيبن هاينز

[engmido]

تفضل يا فندم

وبصراحة الالمانى بتاعك بلهجة اسكندرانى

[مغتربة]

كفاره يا ريس

حمدالله على السلامه

[MZohairy]

الله يسلمكم و يكتر خيركم جميعا

كان هناك صنفين من الركاب في مطار فرانكفورت

صنف استطاع الدخول الى الاراضي الالمانيه بسبب جنسيته او بسبب سهولة حصوله على التأشيره

و صنف آخر لم يستطيع الحصول على التأشيره او لم يحاول رغبة منه في البقاء في المطار بجوار الحدث و ليتمكن من ركوب اول طائره مقلعه

قام مطار فرانكفورت بالتعاون مع اللوفتهانزا بتوفير كل شيئ تقريبا داخل المطار للركاب في منطقة الترانزيت و بكل سرعه و همه و نشاط المطار تحول لثكنات ايوائيه

سراير

مخدات

بطاطين

فرش و معجون اسنان

شرابات

بنطلونات بيجاما و اندر ويرز

صيدليه داخليه

سدادات اذن

واقي اعين للنوم في الظلام

زبدة كاكاو لترطيب الشفايف

قاعة سينما و افلام يوميه

اتوبيسات تاخد الناس تلف بيهم مطار فرانكفورت مع شرح سياحي

جرايد

اكل 24 ساعه للكبار شامل البيبسي و الميه و الشاي و الكاكاو و النيسكافيه و العصائر

اكل اطفال بكل انواعه

انترنت مجاني

الاتصال الهاتفي المجاني بكل بقاع الأرض

اعتقد اني ماذكرتش كل حاجه و ناسي شوية حاجات

لكن ما قام به مطار فرانكفورت هو شيئ مهول بكل المقاييس و طبعا ده بالتعاون مع اللوفتهانزا

خلونا نشوف بعد كده اللوفت هانزا عملت ايه مع الركاب اللي زي حالاتي و دخلوا للاراضي الالمانيه

[MZohairy]

كل اللي فوق ده مجاني طبعا

[MZohairy]

اه افتكرت حاجه

جابوا للعيال الصغيرين فنيين ماكياج يرسمولهم على وشهم وايديهم رسومات تذكاريه

و كام بنت ينفخوا بلالين و يعملولهم بيها اشكال

انا عن نفسي خدت اتنين

بالونتين مش بنتين عشان النوايا الخبيثه

[romuy]

يارتنى كنت معاك

[doha]

كل اللي فوق ده مجاني طبعا

يقولك ايه احلى م العسل ؟

قالك. . خل .. ان كان بلاش

كمل ياريس واحنا معاااك وعشان كده احنا اخترناك ..

[MZohairy]

نحمد الله على سلامة ابو علاء الأول

اديتلكم فكره عن الكرم الفرانكفورتي في المطار

نتكلم عن الكرم اللوفتهانزي في فرانكفورت

تفضلت اللوفتهانزا مشكوره بتسكين كل من استطاع الخروج خارج المطار في فنادق فخمه 4 نجوم غالبا

انا سكنوني في راديسون ساس بلوو

http://www.radissonblu.com/hotel-frankfurt

فطار و غدا و عشا على حسابهم يوميا

يعني فوول بورد

حتى التاكسي من المطار للفندق و من الفندق للمطار على حسابهم

ده غير ان اللوفتهانزا كانت على اتصال مع كل الاوتيلات اللي نازل فيها مسافرين لإعلامهم بالموعد المتوقع لبدء الرحلات

الاوتيل كان محترم بصراحه و المنظر منه كان جميل

عيبه الوحيد انه كان قريب من شارع اخلاقه مش ولابد

نكمل بقى لاحقا موضوع مهم جدا و هو ...... أداء القنصليه المصريه مقارنة بالقنصليات الأخرى

دانكشن

[doha]

نحمد الله على سلامة ابو علاء الأول

اديتلكم فكره عن الكرم الفرانكفورتي في المطار

نتكلم عن الكرم اللوفتهانزي في فرانكفورت

تفضلت اللوفتهانزا مشكوره بتسكين كل من استطاع الخروج خارج المطار في فنادق فخمه 4 نجوم غالبا

انا سكنوني في راديسون ساس بلوو

http://www.radissonblu.com/hotel-frankfurt

فطار و غدا و عشا على حسابهم يوميا

يعني فوول بورد

حتى التاكسي من المطار للفندق و من الفندق للمطار على حسابهم

ده غير ان اللوفتهانزا كانت على اتصال مع كل الاوتيلات اللي نازل فيها مسافرين لإعلامهم بالموعد المتوقع لبدء الرحلات

الاوتيل كان محترم بصراحه و المنظر منه كان جميل

عيبه الوحيد انه كان قريب من شارع اخلاقه مش ولابد

نكمل بقى لاحقا موضوع مهم جدا و هو ...... أداء القنصليه المصريه مقارنة بالقنصليات الأخرى

دانكشن

حظ عوالم ..

كمل

( وش قاسم السماوي )

[MZohairy]

اتعرفت على احد المصريين في المطار في اول يوم

راجل كبير عمره حوالي 55 سنه

و عرفت منه انه موظف في الخارجيه المصريه في مهنة سائق

و كان رايح على دبلن (عاصمة ايرلندا) ليتولى منصبه هناك كسائق للسفير المصري في دبلن

طبعا الراجل لا يجيد اي لغه غير المصري

و حظه السيئ خلاه ما يجيبش اي فلوس معاه على اعتبار ان رحلته من القاهره لدبلن مرورا بفرانكفورت لن تستغرق غير بضع ساعات ثم يصل للسفاره و ياخد دفعه مقدمه من الراتب

المهم الراجل بصفته من الخارجيه استلف من احد الأشخاص 2 يورو عشان يتصل بأي حد في قنصلية مصر بفرانكفورت

و بالفعل اتصل بالقنصليه و بلغهم انه في موقف حرج في المطار و المطار مقفول الى اجل غير مسمى و معاهوش فلوس و معندوش فيزا يدخل المانيا

الراجل قعد منتظر في المطار 48 ساعه كامله بدون اي رد فعل

مفيش حد عبره

بالرغم من كونه موظف في الخارجيه و مبتعث رسميا خارج مصر

يعني مصري و زميلهم بالخارجيه و في موقف صعب و استغاث بيهم

و جاء العون بعد 48 ساعه و ياريته ما جه

كان اول يوم ليا في المطار و اليوم التاني للحاج محمد بتاع الخارجيه

و لقيت واحد يبدو عليه الاحترام اسمه الاستاذ محمود اداري بسفارة مصر بفرانكفورت

عمل ايه بقى الاستاذ محمود؟

لقيته بيقولي بتعرف انجليزي؟

قلتله آه ليه؟

قالي عشان لو حبيت اكلم الظابط بتاع الجوازات عشان يخرج الحاج محمد

قلتله تحت امرك لو عايزني انا جاهز في اي وقت

المهم سابنا و غاب بتاع نص ساعه و رجع مبتسما و قال معلش استحمل شويه يا حاج محمد العمليه لسه زحمه و مش حينفع تخرج دلوقتي من المطار

بس عموما هم بيوزعوا اكل تحت و الامور متظبطه

و خد العشرين سنت دول لو عايز تكلمني على الموبايل بتاعي من المطار في اي وقت يكفوك تكلمني كتير زي مانت عايز(ملحوظه..... اليورو فيه 100 سنت و اليورو بيكفي اقل من دقيقه للاتصال من المطار)

و راح قايلنا اسيبكم انا بقى و خلونا على اتصال و سلام عليكم و مشي

[خالد شحاته]

اتعرفت على احد المصريين في المطار في اول يوم

راجل كبير عمره حوالي 55 سنه

و عرفت منه انه موظف في الخارجيه المصريه في مهنة سائق

و كان رايح على دبلن (عاصمة ايرلندا) ليتولى منصبه هناك كسائق للسفير المصري في دبلن

طبعا الراجل لا يجيد اي لغه غير المصري

و حظه السيئ خلاه ما يجيبش اي فلوس معاه على اعتبار ان رحلته من القاهره لدبلن مرورا بفرانكفورت لن تستغرق غير بضع ساعات ثم يصل للسفاره و ياخد دفعه مقدمه من الراتب

المهم الراجل بصفته من الخارجيه استلف من احد الأشخاص 2 يورو عشان يتصل بأي حد في قنصلية مصر بفرانكفورت

و بالفعل اتصل بالقنصليه و بلغهم انه في موقف حرج في المطار و المطار مقفول الى اجل غير مسمى و معاهوش فلوس و معندوش فيزا يدخل المانيا

الراجل قعد منتظر في المطار 48 ساعه كامله بدون اي رد فعل

مفيش حد عبره

بالرغم من كونه موظف في الخارجيه و مبتعث رسميا خارج مصر

يعني مصري و زميلهم بالخارجيه و في موقف صعب و استغاث بيهم

و جاء العون بعد 48 ساعه و ياريته ما جه

كان اول يوم ليا في المطار و اليوم التاني للحاج محمد بتاع الخارجيه

و لقيت واحد يبدو عليه الاحترام اسمه الاستاذ محمود اداري بسفارة مصر بفرانكفورت

عمل ايه بقى الاستاذ محمود؟

لقيته بيقولي بتعرف انجليزي؟

قلتله آه ليه؟

قالي عشان لو حبيت اكلم الظابط بتاع الجوازات عشان يخرج الحاج محمد

قلتله تحت امرك لو عايزني انا جاهز في اي وقت

المهم سابنا و غاب بتاع نص ساعه و رجع مبتسما و قال معلش استحمل شويه يا حاج محمد العمليه لسه زحمه و مش حينفع تخرج دلوقتي من المطار

بس عموما هم بيوزعوا اكل تحت و الامور متظبطه

و خد العشرين سنت دول لو عايز تكلمني على الموبايل بتاعي من المطار في اي وقت يكفوك تكلمني كتير زي مانت عايز(ملحوظه..... اليورو فيه 100 سنت و اليورو بيكفي اقل من دقيقه للاتصال من المطار)

و راح قايلنا اسيبكم انا بقى و خلونا على اتصال و سلام عليكم و مشي

مش جديده من اي مسئول في السفارات واو القنصليات المصريه ان يبع صديق او زميل او موظف في نفس المجال او تبع نفس الاداره

[سكر]

الاتصال الهاتفي المجاني بكل بقاع الأرض

مش فاهم ازى الاتصال مجانى وبيستلف عشان يكلم السفارة

السفارة مش تبع بقاع الارض

[MZohairy]

الاتصال الهاتفي المجاني بكل بقاع الأرض

مش فاهم ازى الاتصال مجانى وبيستلف عشان يكلم السفارة

السفارة مش تبع بقاع الارض

اولا الاتصال فتحوه للناس مجانا بعد حوالي 48 ساعه من بدء الازمه

ثانيا و ده الاهم ان الراجل مابيعرفش يتكلم ولا يفهم اي لغه اجنبيه

و بالتالي لما اعلنوا في الميكروفون عن امكانية الاتصال بالانجليزي و الالماني طبعا مافهمش

[Alrefaey]

كمل يازعيم

[MZohairy]

في نفس الوقت

كان مندوب القنصليه الايرانيه يجاهد بكل قوه مع ضباط الجوازات الالمانيه لمنح الايرانيين تأشيره لدخول المانيا

يجاهد بصبر و دبلوماسيه و قوه و صياح و هدوء

سمعته بيقول للضابط دول اهلي و انا بقبض مرتبي عشان اساعدهم في اي محنه و انا مش خارج من هنا الا و هم معايا

اما مندوب القنصليه الصينيه فكان كالمكوك رايح جاي رايح جاي

لف المطار بتاع خومسوميت مره بحثا عن اي صيني عشان ياخد جوازه و يدخل بيه لضابط الجوازات متجاوزا الطابور الطويل

و في خلال ساعتين نجح المندوب الايراني و الصيني في الحصول على تأشيرات دخول لرعاياهم

تحيه لكل الديبلوماسيين الشرفاء

[myusername]

في نفس الوقت

كان مندوب القنصليه الايرانيه يجاهد بكل قوه مع ضباط الجوازات الالمانيه لمنح الايرانيين تأشيره لدخول المانيا

يجاهد بصبر و دبلوماسيه و قوه و صياح و هدوء

سمعته بيقول للضابط دول اهلي و انا بقبض مرتبي عشان اساعدهم في اي محنه و انا مش خارج من هنا الا و هم معايا

اما مندوب القنصليه الصينيه فكان كالمكوك رايح جاي رايح جاي

لف المطار بتاع خومسوميت مره بحثا عن اي صيني عشان ياخد جوازه و يدخل بيه لضابط الجوازات متجاوزا الطابور الطويل

و في خلال ساعتين نجح المندوب الايراني و الصيني في الحصول على تأشيرات دخول لرعاياهم

تحيه لكل الديبلوماسيين الشرفاء

تحيا مصر! :blink:

[doha]

طبعا ومن قبل مااقرأ ماحدث وانا ( غاسلة ايدي ) من القنصلية المصرية وعارفه انهم مستحيل يكونوا عملوا حاجه تذكر .. بس بيني وبينكم استوقفني شيء في الموضوع ..

في البداية تعاطفت مع الراجل الخمسيني في الموقف الي انحط فيه .. وكنت اتوقع تصرف على المستوى الانساني حتى من ممثل القنصليه يساعد الراجل ده في مشكلته

بس تعرفوا لفت نظري شيء ..

راجل رايح يشتغل سائق لسفير دولة محترمه ازاي ميكونش بيعرف لغه ثانيه ولا حتى الانجليزية ؟؟؟

وكونه عدى الخمسين فمعنى كده ان الراجل ده يفترض وطالما وصل للعمل مع السفير مباشرة انه على الاقل يكون تدرج قبل كده في العمل ( الدبلوماسي ) كسائق لاي حد في السفارة ثم حد اعلى منه ثم اخيرا السفير بذات نفسه .. طيب خلال الفترة دي متعلمش ولاكلمه غير العربي ؟ نستنتج من كده ان الراجل غالبا ( ابيض ياورد ) وان دي اول مرة يطلع شغله زي دي ..

لو الاستنتاج ده صحيح يبقى الله يخرب بيت الواسطه الي جابت السائق ده للموقف ده وعليه فمش هنقدر ابدا نلوم الموظف الي معرفش يتصرف الي بعتته القنصليه لان مش بعيد تكون نفس الواسطه هي الي معيناه اصلا في موقعه ..

طول مااهل الثقة هم الي بيمسكوا المناصب والوظائف مش اهل الخبرة طول ماهيكون ده وضعنا في الخارج وطول ماهيبقى هو ده رد فعل ممثلينا هناك ..

[MZohairy]

طبعا ومن قبل مااقرأ ماحدث وانا ( غاسلة ايدي ) من القنصلية المصرية وعارفه انهم مستحيل يكونوا عملوا حاجه تذكر .. بس بيني وبينكم استوقفني شيء في الموضوع ..

في البداية تعاطفت مع الراجل الخمسيني في الموقف الي انحط فيه .. وكنت اتوقع تصرف على المستوى الانساني حتى من ممثل القنصليه يساعد الراجل ده في مشكلته

بس تعرفوا لفت نظري شيء ..

راجل رايح يشتغل سائق لسفير دولة محترمه ازاي ميكونش بيعرف لغه ثانيه ولا حتى الانجليزية ؟؟؟

وكونه عدى الخمسين فمعنى كده ان الراجل ده يفترض وطالما وصل للعمل مع السفير مباشرة انه على الاقل يكون تدرج قبل كده في العمل ( الدبلوماسي ) كسائق لاي حد في السفارة ثم حد اعلى منه ثم اخيرا السفير بذات نفسه .. طيب خلال الفترة دي متعلمش ولاكلمه غير العربي ؟ نستنتج من كده ان الراجل غالبا ( ابيض ياورد ) وان دي اول مرة يطلع شغله زي دي ..

لو الاستنتاج ده صحيح يبقى الله يخرب بيت الواسطه الي جابت السائق ده للموقف ده وعليه فمش هنقدر ابدا نلوم الموظف الي معرفش يتصرف الي بعتته القنصليه لان مش بعيد تكون نفس الواسطه هي الي معيناه اصلا في موقعه ..

طول مااهل الثقة هم الي بيمسكوا المناصب والوظائف مش اهل الخبرة طول ماهيكون ده وضعنا في الخارج وطول ماهيبقى هو ده رد فعل ممثلينا هناك ..

والله و حسب كلام الحاج محمد انه قضى 4 سنوات قبل كده سائق لسفير مصر في المجر

و غزه

و كام بلد كمان مش فاكرهم

طيب قولي ده سواق

طيب و الاداري المحترم ابو بدله اللي جه الأول من القنصليه المصريه و معملش حاجه و لا يجيد من الانجليزيه حرف واحد؟

ولا الالماني بالطبع

و اتضحلي انه لما غاب عننا نص ساعه كان بيدور على اي موظف في المطار او في اللوفتهانزا من اصل مصري او عربي عشان يفهم منهم اي معلومه

[aimen]

اهم شئ

الأخلاق وحب الوطن

استاذ محمد حمد الله على السلامه

وتعيش وتأخد غيرها