حريق هائل يُدمر مصنع ألبان جُهينة بالكامل

[se_ Elsyed]

لا حول ولا قوة إلا بالله العلي العظيم

والله تألمت وحزنت كثيراً على الناس اللي بيوتها هاتتقفل دي سواء بشكل مباشر كالعمال والموظفين أو بشكل غير مباشر كالموردين

أتحدى وانا لسه ما أعرفش التفاصيل

أتحدي يكون مسئولو الأمن الصناعي قد زاروا المصنع للتأكد من فعالية إجراءات الأطفاء وما إلى ذلك يمكن من سنة او اكثر

كان ليه موضوع زمان إسمه " إجراءات الامن والسلامه .. بالسلامه يا حبيبي بالسلامه "

وبالامس كانت مخازن مصنع الشرقية للدخان في 6 اكتوبر برضوا ده بالصدفة يعني

حريق هائل يدمر مصنع جهينة بـ6 أكتوبر دون اصابات.. والخسائر المبدئية 300 مليون جنيه

4/22/2010 12:12:00 PM

مصراوي - خاص- أدى حريق هائل شب في مصنع جهينة بمدينة 6 أكتوبر فجر الخميس إلى تدمير المصنع بالكامل.

وكان حريقا هائلا قد شب في الرابعة فجرا بمصنع "إيجي فود" المتخصص في صناعة "زبادي جهينة" ومشروب "زبادو" والتابع لمجموعة "جهينة" بمدينة 6 أكتوبر، حيث توجهت ما يقرب من 35 سيارة إطفاء إلى مكان الحريق.

وانتقل المستشار فهمي راسخ رئيس نيابة 6 أكتوبر وأسامة الشيمي و عبدالرحمن ثابت ومحمد صقر وكلاء النيابة لمباشرة التحقيق.

وأفاد شهود عيان لمصراوي أن الحريق دمر المصنع بالكامل، دون وقع إصابات أو خسائر في الأوراح، نظرا لأن الحريق قد شب وقت الوردية الثالثة التي تضم عددا قليلا مقارنة بالورديتين السابقتين.

ورجحت المعاينة الأولية أن يكون الماس الكهربائي وراء الحريق، وأن الخسائر المبدئية تقدر بـ 300 مليون جنيه.

[عماد حمدي]

لا حول ولا قوه إلا بالله

ربنا يصبّر العمال والموظفين اللي فعلا ً هيتأثروا جامد من الموضوع دا

بس مش غريبة شويتين ان الشرقية للدخان وجهينة والأتنين في 6 أكتوبر والإتنين ورا بعض مباشرة !!

أكيد فيه سر غامض في الموضوع دا ...

بجد الواحد مش عارف يقول اية ..

[engmido]

ان لم يخب ظنى

فهذه لهوة جديدة الحكومة عايزة تلهى فيها الناس

او كما فعلوا مع بعض الكيانان الاقتصادية مع الريان وغيره

[رضوي]

لا حول ولا قوة الا بالله العلي العظيم

الحمد لله ان مافيش خساير في الارواح

وربنا يستر ويقدروا يخرجوا من الموضوع علي خير

وياريت باقي المصانع تاخد احتياطاتها وتطبق برنامج الأمن الصناعي

[lovelyramy]

وليه مانقولش ان دى لعبه من العاب الحصول على التأمين ؟؟؟

والله اعلم

[عماد حمدي]

وليه مانقولش ان دى لعبه من العاب الحصول على التأمين ؟؟؟

والله اعلم

الإحتمال دا صعب شويتين لأن الحريقين ورا بعض ع طول مافيش فاصل !!!

ممكن دي تكون لعبة من الحكومة فعلا ً زي ما قال engmido

بس هتستفاد اية .. موضوع ان الناس تتلهي .. إحتمال صعب لان الناس هتقول انها حادثة من ضمن الحوادث وعادي خاصة انه مفيش خسائر في الأرواح في الشركتين .. " الحمد لله "

الأمر فيه إنّه اية هيا .. مش عارفين ؟؟

تحياتي

عماد

تم تعديل 22 أبريل 2010 بواسطة omda2006

[doha]

بصراحه خبر يوجع القلب ..

على كل حال هو باقي شهر على الميزانية النصف سنوية

وبرضه في خبر النهرده في الاخبار عن ( القبض على شبكة لغسيل الاموال ) مدارة من قبل الاخوان المسلمين ..

ومش عارفه بصراحه المقصود بغسيل الاموال وهل تعني اموال جايه من حرام يعني ومستثمره في جهات حلال ولا الفكرة انها اموال جايه من برا مش مهم بقى حلال ولا حرام بس المهم ان الناس دي ميكونش معاها فلوس نقدر نقول عليها ( راس مال ) ..

على كل حال هي رؤوس الاموال في مصر عماله تتصفى واحد ورا الثاني مش عارفه ان كان الحريق ده حلقة من المسلسل البايخ الي زهقنا منه ولا في جديد

ربنا يستر

[عماد حمدي]

وبرضه في خبر النهرده في الاخبار عن ( القبض على شبكة لغسيل الاموال ) مدارة من قبل الاخوان المسلمين ..

مدام ضحي

حضرتك متأكدة من الخبر دا والمعلومة دي ولا مجرد تخمين ؟؟

وبرجاء ذكر المصدّر ...

متابع ,,

[doha]

وبرضه في خبر النهرده في الاخبار عن ( القبض على شبكة لغسيل الاموال ) مدارة من قبل الاخوان المسلمين ..

مدام ضحي

حضرتك متأكدة من الخبر دا والمعلومة دي ولا مجرد تخمين ؟؟

وبرجاء ذكر المصدّر ...

متابع ,,

الخبر شفته امبارح في الاخبار اعتقد قناة العربية

قالوا بانهم متهمين الشيخ عائض القرني والشيخ وجدي غنيم بتمويل القصة دي وكان في لقاء مع عائض القرني الي نفى الحكاية تماما وقال بانه هيرفع قضية بالاستعانة بمحامي مصري .... الخ

على كل حال عملت بحث سريع في جوجل وطلع معايا ده

[fatfouta]

والله حاجة تحزن جداااااااا

المصنع ده انا اشتغلت فيه شهرين مع الدكتور فياض وبعدين سيبته لانه كان فى اكتوبر وانا كنت تعبت من طريق اكتوبر والمحور وحوادث الطريق اللى كنت بشوفها كل يوم على مدى شغلى فى اكتوبر 6 سنين

بصراحة صرح وضخم وجميل من جوا واجهزة على اعلى مستوى

كاااااااااان بقى....خلاص

الواحد زعل بجد......يا تري مين ورا كل ده وليه كل حاجة ممكن تكون حلوة بتخرب او بيخربوها فى البلد؟؟؟؟؟؟؟؟

حسبى الله ونعم الوكيل

[miramikhail]

ياه زعلت بجد ده أنا ما بشتريش ألا جهينه و لو مافيش يبقي أى حاجه تانيه من نفس المستوى وبعدين ده مصنع ضخم جدا أنا عارفه كويس ده قدام المصنع بناع شركتنا و مصنع كونكريت

وبعدين مين له مصلحه في كده ولا هم لاقوا الآزمه الماليه مأثرتش أوى قالوا يولعوها

[عماد حمدي]

وبعدين مين له مصلحه في كده ولا هم لاقوا الآزمه الماليه مأثرتش أوى قالوا يولعوها

هههههههههههه تصدقي ممكن .. جدعة والله تحليل تمام :rolleyes:

مدام ضحي :

بصي الإخوان المسلمين ولا محتاجين فلوس من برة ولا غسيل أموال ولا الكلام دا .. الحكومة بقدر الإمكان عايز تشوه صورتهم وتبين للناس قد اية هما حرامية ووووو علشان انتي عارفة انتخابات الرياسة كلها كام شهر ...

حسبي الله ونعم الوكيل فيك يا حسني انتة والحاشية بتاعتك ...

البلد كل يوم نلاقي مصيبة لا حريقة لا حادثة لا أزمة .. أستغفر الله واتوب إليه

لنا الله يا إخوه ..

[se_ Elsyed]

مال الموضوع ده بموضوع غسيل الاموال وشبكة الأخوان المتلفقة من الحكومة ؟؟؟؟

-------------

هاضحككم بقى ..

عشان في ناس بتتهمني إني مجنون لما بأقول " نحن دوله بدون رئيس ؟

تخيلوا بعد السنين دي كلها .. يكتشفوا إن مصنع جهينه شغال تحت بير السلم من غير ترخيص

حد ينزل الوش اللي بيزغرط وبعدها نزلوا لي اغنية أخترناك

أو أخترنا لك

-----------

شيء مهم للمهتمين بشرب الحليب

واحد قريبي عنده مزرعة أبقار كبيرة ويعمل في توريد الحليب لمصعنين فقط هما :

1- جُهينه

2- فرج الله

والله يا جماعة تشوفوا النظام في المرزعة .. تتمنوا تاخدوا كرت توصية من أي بقرة لو عندك مصلحة ولا حاجه بتخلصها ..

وده لأن المصنعين هما اللي فارضين النظام والنضافة والدقة في العمل على المرزعة وبيراقبوها وعاملين كنترول مالوش حل عليها

لنا الله

[Salwa]

المصنع بداية كان مأمن على ممتلكات واجهزة ومبانى يعنى ب 96 مليون جنيه ..

دلوقت مأمن بالكامل وبيقول ان التكلفة 360 مليون والخسائر 300 مليون ...

بس خلاص..

مفيش ترخيص ؟؟؟؟؟؟؟؟

طيب ازاى تم التأمين؟؟؟؟؟؟؟؟؟؟؟

المفروض ان وقت عمل التأمين بيتم كتابة كل بيانات المنشأةوبتتم مراجعة على كل اللى حايتأمن ....طيب .

مفروض يكون فيه اجهزة اطفاء وغيره يعنى يكون فيه امن صناعى ..

ازاى بس تم التأمين على مصنع غير مرخص ؟؟؟؟؟؟؟؟؟؟؟؟؟

ازاى ؟؟؟

هى حاجة من اتنين .....لابد تحصل الآن ..

اما ان شركة التأمين تطعن .....او.....(( وهو الأرجح))...فيه اتفاق و..ابجنى تجدنى ...وكله مناصفة .

يعنى كله بعلم شركة التأمين وآهى الدنيا مصالح ياسى صالح شوف مصلحتك ...

او ..

يكون قضاء وقدر والله يعوض عليكم ..

ويبقى تساؤل ..؟؟؟

ايه اخبار النساجون ؟؟؟

لاتقولوا اخوان ولا تقولوا دخان ...ولا غيره ..

الفوضى خلاص عمت كل شئ للأسف ..

سؤال ساذج؟؟....

الا صحيح ؟؟ هى المصانع برضه بتدفع ضريبة عقارية ؟؟ طيب العقارات اللى بدون تراخيص بتدفع برضه؟؟

حد فاهم حاجة ؟؟

ا

دى حتى العبارة ( قصدى العبارات )...اللى غرقت بركابها ...كان متأمن عليها ( رغم انها كان مفروض تتكهن )...طيب...شركات التأمين دى امنت عليها ازاى ؟؟

يعنى بعد كل المصايب دى ...والمالك حاياخد برضه...مبلغ التأمين ..

قطار الموت اكيد مكانش متأمن عليه ...علشان ده مش بتاع رجال اعمال...ده تبع الحكومة ..

وتقوللى ...انتخابات ..؟؟

انتخابات ايه؟؟

هى لسا فيها انتخابات ؟؟

وغسبل اموال ؟؟

مطلوب غسيل ضمائر...ان كانت موجودة ..

نقطة مهمة جداااااااا......................................الحريق كان مفاتش عليه اربعة وعشرين ساعة ...ولما سألوا المسئول قال احنا خلاص اتفقنا مع مصانع صغيرة وحانحاول نقلل من الخسائر وحايتم التصنيع عن طريق مصانع اخرى ..

ايه النشاط ده؟؟ بجد يعنى عبقرية التصرف ف الأزمات شئ لايصدقه عقل ...!!!!!!!

يعنى الدنيا ولعت...بعدها بساعة تمت الاتفاقات ....بعدها يساعتين كله تمام ؟؟؟؟؟؟؟؟؟؟؟

لاحول ولاقوة الا بالله العلى العظيم ..

حمدلله على سلامة العمال ...

والحمدلله ان مفيش خسائر ف الارواح..

[myusername]

المصنع مأمن على ممتلكات واجهزة ومبانى يعنى ب 96 مليون جنيه ..

بس خلاص..

مفيش ترخيص ؟؟؟؟؟؟؟؟

طيب ازاى تم التأمين؟؟؟؟؟؟؟؟؟؟؟

المفروض ان وقت عمل التأمين بيتم كتابة كل بيانات المنشأةوبتتم مراجعة على كل اللى حايتأمن ....طيب .

ازاى بس تم التأمين على مصنع غير مرخص ؟؟؟؟؟؟؟؟؟؟؟؟؟

ازاى ؟؟؟

لما قريت الخبر النهاردة فى جرنان الاهرام... و قريت انه مش مترخص... هو ده اول سؤال جه فى بالى... و السؤال اللى وراه على طول... ازاى شركة ضخمة زى جهينة مش عاملة ترخيص؟!! بصراحة مش فاهم

يعنى على سبيل المثال... اذا كانت شرطة المصنفات بتجرى ورا بتوع وصلة الدش, و العيال اللى بتنسخ سيديهات و تبيعها فى الشارع... و اهو اسمهم بيشتغلوا فى المتدارى... امال ازاى بقى مصنع ضخم و كبير و بالحجم ده... و شغال من غير ترخيص؟ هى البلد سايبة للدرجة دى؟

تم تعديل 23 أبريل 2010 بواسطة myusername

[shiko]

....لا حول ولا قوة الا بالله

لنا الله ...لنا الله

....

بس يبقى واحد غلبان يسوق تاكسى من غير رخصة ...

ويبقى غلط غلطة عمره .......

موش مصنع ...وملايين الارواح بتستهلك ...وارواح بتشتغل ...

والاخر من غير ترخيص!!!

[ذهبية]

لا اعتقد ان الامر مجدر صدفة او لبس كهربائى

اعتقد انة تصفية حسابات بس مع مين و لية الله اعلم

او يمكن اضرب المربوط يخاف السايب

البلد على شفا حفرة نار قلق و مصايب كل يوم

بس اللعب على كبير قوىىىى

[miramikhail]

أنا قريت أن شركة الـتأمين هى شركة المهندس للتأمين

سؤال يعنى نقابة المهندسين حتدفع ماهى صاحبة الشركة

[kitkat]

المصنع مأمن على ممتلكات واجهزة ومبانى يعنى ب 96

ازاى بس تم التأمين على مصنع غير مرخص ؟؟؟؟؟؟؟؟؟؟؟؟؟

ازاى ؟؟؟

طول... ازاى شركة ضخمة زى جهينة مش عاملة ترخيص؟!!

أخي الفاضل ممكن نتعرف ؟ عرفني بنفسك كده !

هو مين صاحب المصنع ده يا باشا ممكن تقلي وانا اعرفك ازاي شغال من غير ترخيص ؟

فيه ضحكة مايصحش ابدا نضحكها في المنتدي ولا حتي بره المنتدي حد فاهم حاجة؟ نيموا عيالكوا بقا علشان مايقروش الكلام ده :sad:

[أسد]

الحقيقة لم أقرأ ولم أسمع أن المصنع يعمل بدون ترخيص

!!!!!!

هذا أمر عجيب .. وأعتقد أنه مستحيل ..

الشركة تنتج وتصدر منذ سنوات طويلة .. منذ أكثر من عشرون عاماً ..

حكاية أنه يعمل بدون ترخيص دي .. امر مستحيل ..

ثانياً ..

حكاية إنه عايز يحصل على تعويض من التأمين .. في العامين الأخيرين حدث نشاط في سوق الألبان في مصر بشكل كبير .. وغير عادي .. وجاءت شركات أجنبية للعمل في مصر .. سواء بإنشاء تحالفات مع شركات مصرية مثل شركة لاكتاليز الفرنسية والتي هي من أكبر الشركات هناك ..

أو مثل شركة المراعي السعودية .. والتي تعتبر أكبر الشركات العاملة في هذا المجال في المنطقة .. وقامت بشراء شركات مصرية والاستحواذ عليها مثل شركة لبنيتا .. وذلك بهدف زيادة حصتها في السوق في المنطقة ..

وشركة جهينة رفضت عروض مغرية جداً للاستحواذ عليها رغبة من الشركة في الإستمرار في السوق ..

هذا بالإضافة إلى أن سوق منتجات الألبان في مصر سواق واعد جداً .. ولا زال في بدايته .. والمستقبل كبير جداً في هذا المجال .. تصنيع منتجات الألبان ..

أما عن مسلسل الحرائق في المصانع المصرية أو قل الحرائق بشكل عام فهي كارثة حقيقية .. فكما نرى .. لا حرائق تطفأ في مصر .. وإذا نشب حريق في مكان أكله كله وقضى عليه عن آخره ..

واضح أننا متخلفون - أيضاً - في هذا المجال ...

كما أننا في ذيل القائمة في إتباع أي من قواعد السلامة والأمان المتبعة في كل دول العالم ..

الأمن والسلامة والأمن الصناعي هي رفاهية لا تشغل أي من العاملين في مجال الصناعة .. او حتى المؤسسات الحكومية .. يعتبرون أن العمل في هذا المجال وبذل الجهد رفاهية وتضييع وقت .. وأن الحادث أو الحريق يحدث نادراً ... ويرد عليك أحدهم .. ربك هو الستار ...

صحيح أن الله هو الستار .. ولكن الأخذ بالأسباب أمر واجب وضروري ..

الأهمال والاستهتار في مصر تجاوز وفاق كل الحدود ..

إلى أن يظهر ان هناك مؤامرة .. أو أن هناك من فعل تلك الحريق ولاذي قبله والذي قبله ... والحرائق التي ستليه ... أعتقد أننا لا يجب أن نخمن بأن هناك من هو وراء هذا ..

فمن يقف وراء تلك الحرائق هو الإهمال .. والإهمال فقط ...

أود أن أذكر .. على سيرة الحرائق .. بعد حريق المسرح القومي .. قررت محافظة القاهرة إغلاق مسرح جلال الشرقاوي المقام بجوار معهد الموسيقى العربية ..

ثم قام جلال الشرقاوي بإعادة تهيئته بمعدات للسلامة والإطفاء .. ورفع دعوى قضائية .. وحصل على حكم بإعادة تشغيله ..

مش فاهم إزاي يحصل على حكم مثل هذا .. في حين أنه إذا حدث حريق هناك .. سيكون أمراً صعب جداً أن تصل إلى هناك سيارات الإطفاء .. وأيضاً سيكون من الصعب جداً إجلاء الموجودين في المكان ..

طيب .. ما الدنيا واسعة .. ليه نضيقها على نفسنا ونصمم ان المسرح يكون في وسط الزحمة ...

مش فاهم ..