العفو يا فندم ده واجب عليــــــــــنا!!!!!!!!

[fatfouta]

ده واجب علي الشعب اللى طالع عينه طبعااااااا....انه يطمن عليك وانت فى محنتك الصحية ياريس

وكمان يتمنى لك الشفاء

الناس دى بتتكلم جد هما حاسين بإن الناس فعلا حباهم وخايفة عليهم ولا كلامهم ده عبارة عن ايه بالضبط؟؟

انا من كتر مابشوفهم مش واخدين فى بالهم اى حاجة بحس ان ماحدش بيوصلهم الناس عايشين اذاى او حاسين بإيه!!!!

اتفضلوا إقرأو كلام الأستا جمال

جمال مبارك: الرئيس يوجه رسالة شكر للشعب المصرى على مشاعره أثناء علاجه بألمانيا

مصراوى -خاص- أعلن جمال مبارك أن الرئيس حسنى مبارك سوف يوجه رسالة شكر وامتنان للشعب المصرى على مشاعره تجاهه خلال فترة علاجه فى المانيا وذلك فى كلمته المقرر أن يلقيها بمناسبة الاحتفال باعياد سيناء وتحرير التراب الوطنى.

وقال جمال مبارك، خلال المؤتمر الجماهيرى الحاشد بمحافظة الدقهلية الخميس، إن الرئيس قد أعطى توجيهاته للإعلام المصرى خلال فترة علاجه بتوفير كافة المعلومات الخاصة بحالته الصحية للمواطنين أولا بأول وهو حق المواطن فى معرفة الحالة الصحية للأطمئنان على رئيسه.

واضاف جمال انه فضل البقاء مع والده واسرته فى ألمانيا وحتى عودة الرئيس سالمًا الى أرض الوطن.

المصدر من هنا

[رضوي]

السلام عليكم ورحمة الله وبركاته

طيب تفتكروا المشكلة فين ؟؟

في الشعب نفسه ؟؟

ماعتقدش

الناس دي عارفة كويس الشعب بيفكر ازاي ............. وعارفة ان الناس مش طايقينهم

لكن مش معقول هيقولوها علني كدة ........... علي الملاْ يعني !!!!

لكننا شوفنا بنفسنا برقيات التمنيات بالشفاء العاجل وقلوبنا معاك ياريس

وربنا يرجعك لينا بالسلامة ................ برقيات كانت تنشر يوميا في الصحف اليومية ............. من اصحاب المصانع والشركات ورجال الاعمال الكبار في البلد ................ فمن الطبيعي والمنطقي ان الريس الهمام يرد عليهم ويطمنهم علي صحته وحياته الغالية اللي بتهم كل المواطنين

عادي يعني

وكل لبيب بالاشارة يفهم

[ذهبية]

اصلا يا فتفوتة المنصورة بقالها يومين كانها فى حصار لقدوم جمال

رجال البوليس منشرين فى كل مكان

ومكتبة مبارك اتقفلت و معدتش بتمارس نشاطها مع انى مش عارفة اية علاقة المكتبة بهذة الزيارة

رجال المرور بقى دوريات طول النهار

شارع الجلاء اللى هو اصلا شارع تجارى جداااا كان مليان حملات على محلات كتير

انا ماشية وحاسة انى فى ثكنة عسكرية

هو دة بقى الحب

[herohero]

ومين قال ان حبنا لهم مهم لا هم مش حاسيين بينا اصلا عاوز تصرف واحد يدل ان الحكومة بتحس بينا

يعني اظن كلنا بيشوف ازاي حكومات تانيه بتهتم بشعوبها وبتحبها فموضوع حب حكومتنا لنا ده شيئ مفروغ منه بل ومنسي

محدشيقولان حكومتنا بتخاف علينا وطبعا مظاهر ده واضحه فالمبيدات المسرطنة وبيع اراضي لمستثمرين اجانب برخص التراب وع فكرة التراب مش رخيص يعني احنا بيعناها باسعار ارخص منه

وبيع غاز طبيعي ببلاش تقريبا

يعني منين هنكون بنحبهم وانا نفسي اشوف لما يموت الريس ايه اللي هيحصل عارف انها مش هتفرق بس معقوله حد هيزعل عليه ولا هينزل دمعه عليه

بس والله كل شيئ جايز ما احنا شعب عاطفي فاكرين يوم وفاة حفيد الرئيس الناس كانت زعلانه ومتاثرة ماشي طفل ومات بس ياجماعه هو اللي ف مستشفي السرطان دول مش اطفال والحالات الانسانية اللي بنشوفها كتيييييييير دول مش اطفال ولا دول ولاد ......

عاوزين الحق احنا كشعب مصري المفروض نكون مانبقاش كده هنعيط ع ايه ولا ايه انا حاسس من كتر اللي بنشوفه ما بقيتش تفرق معانا

ابص ع 90 دقيقه حالات انسانية القاهرة اليوم ، مصر النهارده ، بلدنا، مانشيت ، وغيره وغيره

عارفين بحس بايه هي البلد ايه بقت مريضه كلها

الله يخرب بيتك يا اخي

وف الاخر بوجه كل باقات الورود بمناسبة شفاء الغالي والمبارك وعقبال الشاذلي

بس ياجماعه ياريت وانت بتحمدوا ربنا ع نعمة الشفا افتكروا ان فيه يوم ربنا هيحاسب فيه وان فيه ناس اتظلمت وساعتها لا فيه برلمان ولا حزن وطني هينفعكم

ودمتم بالف صحه وواجب علينا فعلا

[Mr MAGED]

قالوا يا فرعون ايه فرعنك .... قال ملقتش حد يلمني

وسكتناله دخل ...................

هو كدب الكدبه .... وصدقها ... وعجبته اللعبة

ضحكوا عليه وقالوله ان الشعب قلقان وحيران ومبينمش الليل في انتظار رجعه الميمون

فواجب عليه طبعا يشكرهم .... ناس بتعرف في الواجب صحيح

وربنا يخليك لينا يا ريس

[عاشق الترحال]

اصلا يا فتفوتة المنصورة بقالها يومين كانها فى حصار لقدوم جمال

رجال البوليس منشرين فى كل مكان

ومكتبة مبارك اتقفلت و معدتش بتمارس نشاطها مع انى مش عارفة اية علاقة المكتبة بهذة الزيارة

رجال المرور بقى دوريات طول النهار

شارع الجلاء اللى هو اصلا شارع تجارى جداااا كان مليان حملات على محلات كتير

انا ماشية وحاسة انى فى ثكنة عسكرية

هو دة بقى الحب

فعلا إنه الحب في زمن الكوليرا

الراجل كتر خيره عاوز يتشكر لكم على سؤالكم عنه كده برضه يبقى جزاته كده

يخـــــــــــــــــــــــــــــي عليكم

شكرا يا أبو علاء ومعلش إعذرهم فهم غير مدركون لمدى حبك العميق لنا وللأجيال القادمه :lol:

[sarmar]

انتم ياحبايبنا بتتكلموا فى اية ؟؟؟ عواطف اية وعفاف اية الموضوع عند الكبار مابيتحسبش كدة الموضوع عند اسيادنا الكبار لة حسابات اخرى لاتعرف ولاتفهم لاعواطف ولا بخاطرها

الموضوع حاليا قايم على حسابات شخصية وعلى مستوى رفيع جدا ومحسوب كل خطوة تحدث حاليا محسوبة بدقة متناهية حتى والريس بيتاعلج فى المانيا محسوب الاحتمالات الممكن حدوثها من بعض الفئات هنا ولا هناك وحتى عندما يقضى الله امرا كان مفعولا سوف تسير القافلة كما هو مخطط لها رضينا ام رضينا

اما الابواق والنعير الحادث هذة الايام وعلى كل المستويات واى توك شو اعلامى فهو جزء هزلى تم السماح بعرضة وهويعرض بين حين واخر على الغلابة اللى عندهم امل فى بكرة

بكرة ياترى امتى ييجى وازاى هييجى خللينا قاعدين مستنيين متحسرين على الراح مننا واللى جاى

بكرة دة هيكون بتاعنا احنا دة لو اردنا واردنا دى عايزة ارادة والارادة لاتنتج عندنا ناقصة فى السوق شاحة الكل بيتمنى شوية ارادة مابيلاقيش الا عندما ينام ويرتاح ويبقى الحلم هو الوحيد اللى ممكن يكون فية ارادة