أيامنا الحلوة

[لماضة مصرية جدا]

السلام عليكم و رحمة الله و بركاته

حبايبي المحاورتيين و المحاورتيات.....

الصاحين و النائمات.....

اللي داخلين ع النت......او اللي مش داخلات.....

صباحكم حتت شيكولاتات

كنت كل ما اقرا خبر تهنئة في باب الاجتماعيات......بفرح اوي بولادة بيبي جديد...او بخبر سعيد.....و بحس ان المحاروات بجد بتخلينا نقرب من بعض أوي

من فترة كنت اقترحت ان احنا نعمل البوم صور نسجل فيه كل لحظاتنا الحلوة اللي بنعيشها مع بعض ع المنتدي.....

او لحظات حلوة في حياتنا و حابين نشاركها مع بعض.

انا هقترح عليكو اقتراح و قولولي رايكم بصراحة......(مافيناش من ضرب...... :rolleyes: )

التوبيك ده هيكون ألبوم صور لكل لحظاتنا الحلوة......

مش لازم تبقي حاجة شخصية أوي......

بس ممكن نتعرف علي كل البناويت و الكتاكيت اللي اتولدوا معانا في المنتدي

ممكن عيال بنحبهم أوي في حياتنا......

ممكن نحط صورة اول مرة ركبت فيها عجلة......

او و انت متصور و فاتح بوقك ع الاخر و مش باين غير سنة واحدة أيام ما كنا لسه بنبدل سنانا

او صورنا و احنا صغيرين.....(أيون كلنا هتطلع عينينا ملونين و شعرنا أصفر وواقع علي عينينا.... :lol: )

او ممكن نحط صور أحفادنا

او صورة أول قطة انت ربتها و بعدين اختفت في ظروف غامضة.....تتزامن مع اختفاء القط ميكي بتاع الجيران..... wst::

ده اقتراح مني

لو عجبتكم الفكرة...نبتدي

لو مش عجبتكم......مافيش مشكلة......

بس ابقي طبق ايدك في حتة ب خمسة و سيبهالي ع باب التوبيك.... :lol:

مستنية أسمع رايكم

يا عيلة المحاورات............الدافية جدا

يا رب يخلي دايما أيامكم حلوة

فوتكم بعافية

[بركة]

انت جميلة وقلبك اجمل

فكرة جميلة زيك يا ريري

باي دلوقتي وراجعة بإذن الله wst::