يادى النعيم اللى انت فيه يا قلبى

[Salwa]

صباح سعيد جدا جدا ...

ايه يافيروز ؟؟؟

يعنى كان لازم تشوفى بنفسك وتعيشى الاحساس ده علشان تصدقينا ؟؟؟

بقالنا سنين بنقول ....اسكندرية ..اسكن....در....يا./ انسان /..

والدر يسكن الاصداف ....ونحن نسكن الدر .

خلاص...

تحجرنا على هذا .....وسعداء ..ولا نريد التغيير ...

امال احنا نعمل ايه ؟؟.......

اسكندرية ممكن تكون بديل عن العالم اجمع .......وكل العالم مش ممكن يكون بديل عن نسمة هواء واحدة من هواها ..

الشئ الغريب ان فيه اشاعة بتقول ان الاسكندرانى ..ممكن يوديك البحر ويجيبك عطشان ...

وده ظلم فعلا ....

مسألة تعميم رأى معين على الناس كلها ......منتهى الظلم ..

واصل الحكاية ان الاسكندرانى مشهور بالفهلوة ..مجرد شهرة ..

تعرفوا سر جمال اسكندرية ايه ؟؟

مش البحر ..ولا الشوارع ..ولا ولا ولا ...

اسكندرية زى برشلونة ..فى كل شئ ...برشلونة هى اسكندرية فى الستينات والسبعينات .

سر جمال المدن دى .......عشق سكانها لها ...عشق ما له حدود.

قرب الناس من البحر ..يجعلهم يتشكلوا تشكيلة معينة ...يكونوا دائما اكثر عمقا للنظر للأشياء ..

ليه؟؟

الاسكندرانى الأصيل ..اللى ميعرفش يفك الخط ...ممكن يكتب شعر فى اسكندرية ..

حد فيكم جرب ...يقضى ساعة عند بير مسعود ؟؟

حد فيكم جرب زى ماقال ...فالكون ايجبت ...يقف على رصيف البحر ويشوف المنظر ده ؟؟

حد فيكم جرب يشوف اسكندرية زى ..العقد...منور على جيد حسناء ...لا ترى منها سوى ..ما يزينه../ ده منظر اسكندرية من اعلى مكان فى ميامى ....

انا سبق لى وقلت لكم ../ استغفر الله العظيم /....

ان الله عند تصويره للجنة ......كنت اقرأ الكلمات المقدسة واتخيل سكندريتى .....لا اريد عنها بديل ......هى جنتى ..فى الدنيا والآخرة ان شاء ربى ..

وللحديث بقية ......

[SANAA]

بعد مشوار الاسكندريه وجمال الاسكندريه كان عندي مشوار في القاهره بعض الاصدقاء اقترح اني ااخد القطار ودي اول مره اركب قطار الاسكندريه- القاهره كنت متخوفه من ركوب القطار لعدم تجربتي له من قبل

ولكن لا تتخيلوا اد ايه سعدت بركوبه وكأني طفله صغيره كنت في غايه من السعاده لان القطار لا يقل عن اي قطار في اي بلد اوروبيه بل بالعكس كنت حسه ان يبدوا احسن وانضف

استمتعت بركوب القطار وكأني اكتشف مواصلات مصر لاول مره وجمال البلاد التي يمر بها القطار والخضره التي يمر بها القطار رحله في حد ذاتها متعه

وصل القطار الي محطة مصر وصحيت من الحلم علي ضوضاء محطة مصر

[mnman]

دارون كتب:

وسندويتشات عبده صواريخ في بحري

وخروب سامي في كامب شيزار

وهريسة العصافيري في محطة مصر

كفاية حرام.. دي بقت يادي الحرمان الي انت فية ياقلبي و العذاب...

وبناء علي رغبة الجماهير الفيروزية خدوا عندكم اول قصة :

كنت في تانية ثانوي في مدرسة جمال عبدالناصر.. كان المدير الله يمسية بالخير الاستاذ ابراهيم النجار.. المدرسة كانت زي الالف..المهم جتلة جلطة من الطلبة و دخل المستشفي..واصبحت المدرسة هي السيرك القومي..وكنا متعودين نزوغ من اخر حصتين قفزا من علي سور المدرسة الموازي لشريط الترام.. وطبعا كل واحد ينط يصرخ الشنطة احدف الشنطة... وفي يوم كل من ينط مالوش حس ولا خبر زي ماتقول كدة مش عايز شنطتة... كل واحد ينط نفس الحكاية... قلبي كلني.. طلعت انا و البقية المتبقية نشوف في اية...داداداااااااااااااااااااااااا... واتاري الناظر واقف مع ضابط و بوكس الشرطة علي مقربة كل من ينط يمسكوة وحط في البكس واهلك يستلموك من القسم...طبعا منمان خد بعضة وعلي الفصل جري... وحتي بعد الحصة الاخيرة كان عندي استعداد استني و ابات كمان .. ياروح ما بعدك روح.... وطبعا دي مكنتش النهاية..... نكمل بعدين......

مذكرات منمان كيدز...

[DARWEEN]

الله يجازيك يامنمان فكرتني بالذي مضى

المره الوحيده اللي زوغت فيها في حياتي ماكنتش لوحدي كان الفصل كله قامت في دماغنا نمشي ... فمشينا

أنا كنت في محرم بك الأعداديه أيامها وكان جنبنا سينما محرم بعد محطة ترام واحده والتذكره كانت بتلات قروش فدخلنا كلنا السينما بس أنا زهقت ورحت البيت بعد عشر دقايق .... وأنا مشيت من هنا والبوليس كبس على السينما من هنا me0: mob:) s-: ولم الكل وحياتك بس أخوك كان براءه ... :) :D clp::

أيه كانت أيام

ياحبيبتي يامصر ملعون أبو الغربه