منع النقاب في الاماكن العامة

[myusername]

كانت احدي المصريات المهاجرات الي كيبيك قد رفضت الكشف عن وجهها اثناء درس للغة الفرنسية

فقامت ادارة المركز بتحذيرها اكثر من مرة وعندما تكرر رفضها قامت ادارة المركز بطردها

فما كان منها الا ان قامت برفع دعوي علي المقاطعة للمطالبة بحقها المشروع في ارتداء النقاب

فماذا كانت النتيجة ؟؟؟؟؟؟؟؟؟؟ في بلد تدعي الحرية واحترام حرية الاخر وعقيدة الاخر

حسبي الله ونعم الوكيل

تم تعديل 23 أبريل 2010 بواسطة myusername

[myusername]

لـــــــــــــــيــــــــــــــــــــــــه الســــــــــــــــــــــــلبـــــيه دي؟

محدش عنده رأي في الموضوع؟

وللا السكوت ده موافقه ضمنيه علي القرار المشيــــــــــــــــــــــن ؟

[MZohairy]

اقولك رأيي و امري لله الواحد الأحد

المنقبه في هذا العالم الغربي (حين تتفاعل مع الناس فقط ) هي رمز غير كونه غريب و غير مفهوم بالنسبة لهم ..فهو رمز يذكرهم بالإرهاب الذي التصق بالإسلام و المسلمين منذ حادثة سبتمبر

و برغم ذلك فهي حرة في ملابسها طالما لا تتعامل مع احد

و لكن حين يحدث التفاعل (في العمل او الدراسه) فهناك امور لها علاقه بذكريات غير محببه تمنع استمرار الحياه بصوره طبيعيه

الخلاصة انه نموذج مثير للقلق و الخوف بالنسبة لهم

و انا في رأيي ان هذا النموذج لو رغب في الهجره (من هنا و رايح) فليس امامه الا امرين لا ثالث لهما

إما ان يهاجر و لا ينوي العمل او الدراسه

او لا يهاجر و يبقى في بلده التي لا تعارض هذا الملبس

[اغابي]

هو انا لو اتدخلت فى الموضوع حابقى متطفلة - - واحسن لى الملم بعضي واخرج ولا اقول الكلمتين دول وخلاص

اقولكم انا حاقول الكلمتين دووولات وريزقتى على الله -

شوف يا يوزر يا اخويا

اولا : مش سلبية ولا حاجة باسرتنا الجميلة اللى فى المنتدي هنا - و انت علشان ما خرجتش بره مصر - وما تعرفش الجوا برا مصر ايه - وازاى القانون بيحترم فى اى دولة الا مصر - علشان كدا مشوش شويتين تلاتة اربعة خمسة - انا حارسيك - اصبر بس .. .

ثانيا : الموضوع داه قديم واتفتح قبل كداه وحكينا فيه واتقفل .

طبعا انت خلاص على ابواب السفر والهجرة لكندا انشالله - ربنا يوفقك - بس لازم تعرف اكبر مساحة من المعلومات عن الناس اللى انت ناوى تعيش مستقبلا وسطهم - والموضوع داه كان قبل كدا اتفتح فى باب كندا وكل الناس اتكلموا فيه لدرجة ان الموضوع اما اتحذف او اتقفل - انا مش فاكرة - من كثرة الردود والاراء وبعدين الموضوع تفاصيله غير اللى انت كاتبته داه خالص - فيه تفاصيل تانية - هى كدا خالفة القوانين وعرضوا عليها لان دي شروط امنية فى الكلاس وطلبوا منها انها تدي ضهرها للرجال وتكشف عن وشها هى رفضت الالتزام بقوانين المكان ادى كل الموضوع هما بالنسبالهم حتخالف القوانين دي مشكلة - القانون يحترم مش زى عندنا فى مصر - هما مالهمش علاقة غير بالامن والالتزام بالقانون - متدينة هى حرة لكن فى تطبيق قوانينهم هما احرار - اذا كان القانون لا يسمح انك تسوقى السيارة وانت منقبة - لانك ممكن تعملى حادث تؤذي بيه نفسك وغيرك - التزمى بالقانون يا ستى ايه المشكلة - قانون المعهد يلزم لدواعى امنية الالتزام بكشف الوجه التزمى بالقانون لانك كدا مجهولة بالنسبالهم - يا ستى يمكن داخلة تعملى حاجة - انت عارفة نفسك انك كويسة وملتزمة دينيا لكن هما ما يعرفوش - هما خايفين منك - لانك بالنسبالهم (؟؟) - وحيعتبروكى انك خطر عليهم فى المعهد - هى طبعا الست من جواها حاسة انها ما عملتش حاجة غلط - لكن هما مش حيفهمو كدا - هما عندهم قانون وانت لازم تلتزم بيه - المكان اللى محتاج تكشف فيه عن وشها مفيش مشكلة .

- لما ربنا يوفقك يا يوزر - وتروح الاراضي الكندية ابقي بالزمة ادخل اتكلم بصراحة وشفافية عن رايك الجديد فى تطبيق القانون هناك -

وياريت تعملنا موضوع هنا فى المحاورات وتسمية التزام كندا بتطبيق القانون واحترامه ؟

ووضحلنا فى الموضوع وجه نظرك - لو كل واحد مشي على هواه تحت اى مسمي - وما التزمش بتطبيق القانون ممكن يحصل ايه لكندا ؟

هل حتبقي فى يوم زى مصر فى عدم احترام القانون ولا ايه ؟؟

اخيرا يا يوز باكدلك اننا مش سلبيين فى المنتدي كل ما فى الامر ان الخبر قديم مش جديد وتمت مناقشته بالفعل من فترة فى المنتدي هنا يمكن قرابة الشهرين او اكثر ...

وتاكيدا لكلام زوهير واحترام القانون فى الغرب

عندك خبر اليوم من فرنسا - فى عدم الالتزام بقانون المرور .....

24/04/2010

تغريم امرأة في فرنسا تقود السيارة وهى ترتدي النقاب

باريس - د ب أ -

غرمت الشرطة الفرنسية امرأة لأنها كانت تقود سيارتها وهي مرتدية النقاب.

وأوقف رجل شرطة في مدينة نانت المرأة (31 عاما) وطلب مراجعة أوراقها.

وذكرت إذاعة «أوروبا - ا» أن المرأة كشفت عن وجهها أيضا لضابط الشرطة للتأكد من شخصيتها.

ولان النقاب يحجب الرؤية أثناء القيادة ومخالف لقوانين المرور - طلب رجل الشرطة من المرأة دفع غرامة قدرها 22 يورو (29 دولارا)

ووصفت المرأة وهي فرنسية ترتدي النقاب منذ تسعة أعوام ، هذا الأمر بأنه تفرقة عنصرية محضة ضدها وقالت إنها تعتزم رفع شكوى.

الى اللقاء بقى فى موضوع جديد - ومن هنا لغاية ما نفتح الموضوع القابل للاغلاق - اشوفكم على خير

ســـــــــــــــــــــــ :wub: ــــــــــــــــــــــــــلام

اغابــــــــي

تم تعديل 24 أبريل 2010 بواسطة اغابي

[mekkawy]

السلام عليكم

أحب أضيف تعليق و هو ....

إن موضوع النقاب مش موضوع كندا ولا غيرها ولا هأقصره و أصغره في كلام عن حريات و قوانين و هذه الأمور التي أرادوا لنا أن ننغمس فيها و ننسى الهدف الأصلى لهم ... الهدف الأصلى .. حرب ... نعم حرب ... حرب معلنة على كل ما هو إسلامى ... هي حرب على الدين الاسلامي ... ببساطة يا جماعة .. هم مش فارق معاهم اللي تلبس نقاب واللي يلتحي و اللي و اللي ولا الحجج و الأكاذيب اللي عاوزينها نصدقها من حريات و قوانين .. و باكرر كلامي للتأكيد ... هي مجرد حرب لطمس معالم الدين الاسلامي ... حد هيقولي يعني هو الدين بالنقاب و اللحية ؟؟؟

هأقوله لأ .... مش بس النقاب و اللحية ... بس النقاب و اللحية من الدين ولا تنكر .؟؟؟

طب ليه سايبهم يحاربوا حتة من الدين ... مهو النهاردة نقاب و لحية بكرة سنة الضهر و المغرب بعده الفجر مالوش لزمة و الصيام يبقي للي عاوز مهي حرية شخصية ... عارف دماغكم فيها ايه دلوقتي ... فيها ان ده مستحييييييل يحصل ... لأ هيحصل و الحرب هتزيد و هتزيد ... لكن منم قوة الاسلام إنهم ليهم سنين و سنين في النقاب و اللحية ... سنين مش قادرين يتجاوزوا النقاب و اللحية و اللي بيعتربهم البعض فضائل و البعض الآخر سنن و البعض الآخر فرائض على اختلاف الأدلة و ده مش موضوعنا دلوقتي.

فيا أحبتي الكرام ... هي حرب و لن تهدأ لكن العجيب أن هؤلاء السفهة مش فاهمين إن الإسلام ده دجين قوي و سلس في نفس الوقت و اسمحولي بالمثال ده ... جيب كورة مطاط و اضربها جامد أوي في الأرض ... هتعلا لفووووووووق ... طب اضربها أجمد و اشتمها كدة و انت بترميها... ها حصل ايه ؟!!! عليت أكتر طبعاً ... أكيد ... فالاسلام كلما ضرب و أقيمت عليه الحروب كلما علا و زادت قوته ... زا مور زا بيتر ... فاكرين أحداث النقاب الأخيرة في مصر ؟؟؟

كام ألف بنت ما كانتش منتقبة و انتقبت .. كام ألف ولد مكنش ملتحي و التحى ... عادي جداً ... الملتحين و المنتقبات عارفين انهم هيتبهدولوا و هيتعطلوا و حالهم هيقف في كل حتة ... يا مرحباااااً بوقف الحال في سبيل الله .... يا عم انت هتحسسنا انك صلاح الدين و رافع السيف ... لا و الله الموضوع مش كدة ... بس كل واحد فينا ربنا وضعه على ثغر في هذا الدين ... يا إما يسد الثغر ده و يكون راجل و قدها ... يا إما يسيب الحرب تدخل من ناحيته هو ...

لا حرية ولا قوانين ... هي حرب مستمرة و معلنة و البقاء فيها للأقوي ... و الاجابة واضحة طبعاً .. إحنا و هم قبلنا عارفين مين الأقوى ...

مكاوى

[herohero]

راي المتواضع انا روحت بلد التزم بقوانينها وطبيعتها ومن الاول انا اسال مكنتش مقتنع بنظامهم ولا بقوانينهم ماروحش هناك

شيئ بسيط جدا الامريكة والاوروبية ف السعوديه بتلبس عباية وهي طالعه سؤال بسيط ليه مش معترضة مع انها امريكية يعني بيني وبينكم حاليا الغلبه ليهم

لان بكل بساطة هي جاية وعارفه ان ده نظام البلد بتبقى واقفه ع شبك الجوازات ف مطار الملك خالد وهي لابسة العباية وعادي جدا وطبعا العباية عندها ده شيئ فظيع لا يمكن انها تتخيله لكنها تلتزم بقوانين بلد تذهب اليه فالقصة التزام بقوانين

وما يحدث ف فرنسا صح ف ظاهره التزام بالقوانين ولكنه حرب ضد فئة معينة

ف راي take it or leave it

مش عاجبنا نظامهم بلدهم وهم حرين فيها

[eslam elmasre]

هو في الحقيقه الموضوع بسيط للغايه

الموضوع ان ارتداءها للنقاب هو حريه شخصيه لها طالما كان في اطار القانون الذي يحكم البلاد ولو انها رأت ان هناك تعنت من الامن فعليها اللجوء الي القضاء واذا وجد القضاء انها ليس لها حق في ارتداء النقاب فعليها الالتزام بحكم القضاء واذا وجدت ان هناك ظلم واقع عليها فعليها مغادره هذه القرية الظالم اهلها والرجوع فورا الي بلادها الاصليه وهي الهند وهناك لن تجد هذا التعنت وسترتدي النقاب علي حريتها

لكن ان نفرض قوانيننا علي دوله نحن القادمون عليها فهذا اول مره اراه ان القادمين هم الذين يفرضوا شروطهم وقوانينهم

وبعدين هانروح بعيد ليه

السعوديه لها قوانين في دخول مكه والمدينه ان مايدخلهاش غير المسلمين وعمرنا ما شوفنا واحد امريكاني مسيحي ولا بوذي بيطالب حكومه المملكه انه يدخل مكه ويفرض قوانينه عليهم

يعني حلوه لينا ووحشه لغيرنا

[اغابي]

السلام عليكم

أحب أضيف تعليق و هو ....

إن موضوع النقاب مش موضوع كندا ولا غيرها ولا هأقصره و أصغره في كلام عن حريات و قوانين و هذه الأمور التي أرادوا لنا أن ننغمس فيها و ننسى الهدف الأصلى لهم ... الهدف الأصلى .. حرب ... نعم حرب ... حرب معلنة على كل ما هو إسلامى ... هي حرب على الدين الاسلامي ... ببساطة يا جماعة .. هم مش فارق معاهم اللي تلبس نقاب واللي يلتحي و اللي و اللي ولا الحجج و الأكاذيب اللي عاوزينها نصدقها من حريات و قوانين .. و باكرر كلامي للتأكيد ... هي مجرد حرب لطمس معالم الدين الاسلامي ... حد هيقولي يعني هو الدين بالنقاب و اللحية ؟؟؟

هأقوله لأ .... مش بس النقاب و اللحية ... بس النقاب و اللحية من الدين ولا تنكر .؟؟؟

طب ليه سايبهم يحاربوا حتة من الدين ... مهو النهاردة نقاب و لحية بكرة سنة الضهر و المغرب بعده الفجر مالوش لزمة و الصيام يبقي للي عاوز مهي حرية شخصية ... عارف دماغكم فيها ايه دلوقتي ... فيها ان ده مستحييييييل يحصل ... لأ هيحصل و الحرب هتزيد و هتزيد ... لكن منم قوة الاسلام إنهم ليهم سنين و سنين في النقاب و اللحية ... سنين مش قادرين يتجاوزوا النقاب و اللحية و اللي بيعتربهم البعض فضائل و البعض الآخر سنن و البعض الآخر فرائض على اختلاف الأدلة و ده مش موضوعنا دلوقتي.

فيا أحبتي الكرام ... هي حرب و لن تهدأ لكن العجيب أن هؤلاء السفهة مش فاهمين إن الإسلام ده دجين قوي و سلس في نفس الوقت و اسمحولي بالمثال ده ... جيب كورة مطاط و اضربها جامد أوي في الأرض ... هتعلا لفووووووووق ... طب اضربها أجمد و اشتمها كدة و انت بترميها... ها حصل ايه ؟!!! عليت أكتر طبعاً ... أكيد ... فالاسلام كلما ضرب و أقيمت عليه الحروب كلما علا و زادت قوته ... زا مور زا بيتر ... فاكرين أحداث النقاب الأخيرة في مصر ؟؟؟

كام ألف بنت ما كانتش منتقبة و انتقبت .. كام ألف ولد مكنش ملتحي و التحى ... عادي جداً ... الملتحين و المنتقبات عارفين انهم هيتبهدولوا و هيتعطلوا و حالهم هيقف في كل حتة ... يا مرحباااااً بوقف الحال في سبيل الله .... يا عم انت هتحسسنا انك صلاح الدين و رافع السيف ... لا و الله الموضوع مش كدة ... بس كل واحد فينا ربنا وضعه على ثغر في هذا الدين ... يا إما يسد الثغر ده و يكون راجل و قدها ... يا إما يسيب الحرب تدخل من ناحيته هو ...

لا حرية ولا قوانين ... هي حرب مستمرة و معلنة و البقاء فيها للأقوي ... و الاجابة واضحة طبعاً .. إحنا و هم قبلنا عارفين مين الأقوى ...

مكاوى

كداا يا مكاوى ترجعنى تانى بعد كل المشوار اللى خبطته لغاية موضوع انواع عقاب الاطفال

مين يدفعلى تمن التكاسي دى كلها - يعنى لازم كل شوية تاكسي رايح - و تاكسي جاى :lol:

حرب ايه يا مكاوى - حرب ايه

كل الموضوع احترام القونين لدواعى امنية - تبقي حرب ؟؟

مثلا فى الامطار والضباب والشبورة ازاى حتسوق ازاى اى منقبة وهى مغمية عيونها بطرحة خفيفة - او زاوية بسيطة للعين يدوب تشوف متر جنبها - حتشوف ازاى - بس حتشوف ازاى ..

ما فعلا ممكن تعمل حادث - دانا مش منقبة اهو :wub: لكن خلى يكون فى مطر شديد فى الطريق وانا وبسوق صدقنى ما بتبقاش فى رؤية وبافضل اسوق وانا مرعوبة جدا

انا مرة كان فيه مطر شديد وانا بسوق وطبعا امطار الكويت مش حتيجي حاجة جنب امطار اوربا وكندا وكنت مرعوبة - وجه فى بالى و افتكرت المنقبات وهما كدا بيعرضوا حياتهم للخطر وحياه اخرين .

اقـــــــــولك لو انت يا يــــوزر حاسس انها حرب وحاسس انك كمسلم هناك حيعذبوك ويضهدوك ومش حتاخد حقوقك ولا حريتك اللى طبعا كل الحاجات دى واخدها فى وطنك تمام ومتمع بمزاياها العديدة فى مصر - ابقي ما تساافرش خليك فى مصر - احسن - اهى مصر لا بتحترم قانون ولا بتطبق اى قانون وزى الفل وماشي حالها .... عيش فيها ...

ايه رايك فى الحل دااه -

وسيبكم بقى من عك الدول اللى بتحترم القانون وبتطبقه دي .. يار اجل بلا قانون بلا بتاع - خلينا فى مصر ..

باى -

حاوصل مشوار اشوف العيال اللى عمالة تتضرب وتتعذب . . دي

اغابي

[عاشق الترحال]

السلام عليكم

أحب أضيف تعليق و هو ....

الهدف الأصلى .. حرب ... نعم حرب ... حرب معلنة على كل ما هو إسلامى ... هي حرب على الدين الاسلامي

بالضبط كده هو ده اللي عاوز أقوله والسبب هاجس الخوف عندهم من إنتشار الإسلام في الغرب .

مره حرب ضد النقاب ومره ضد اللحيه وحتى مآذن المساجد شبهوها كأنها صواريخ موجهه ناحية السماء .

يبدو أن شعارات الحريه التي يتشدق بها الغرب لا يتمتع بها إلا من هم تحت مظلة السمع والطاعه لهم وكل من خالفهم في الرأي أو الإتجاه والتفكير فليصب عليه جام غضبهم على سبيل المثال لا الحصر

فرنسا ترفض منح الجنسيه لمغربي زوجته ترتدي حجاب

تغريم منتقبه فرنسيه تقود السياره

بلجيكا تحظر النقاب

ولكن كما قال الأخ الفاضل مكاوي كلما وجهوا ضرباتهم ضد الإسلام كلما دخل الناس في دين الله أفواجا وكلما عاد المسلمين لدينهم .

وأذكركم بقوله تعالى في سورة التوبه

({ يريدون أن يطفئوا نور الله بأفواههم ويأبى الله إلا أن يتم نوره ولو كره الكافرون (32) هو الذى أرسل رسوله بالهدى ودين الحق ليظهره على الدين كله ولو كره المشركون (33) }

وأذكركم بقوله تعالى في سورة الصف

({ يريدون ليطفئوا نور الله بأفواههم والله متم نوره ولو كره الكافرون (8) هو الذى أرسل رسوله بالهدى ودين الحق ليظهره على الدين كله ولو كره المشركون(9) }

وقول رسولنا صلى الله عليه ( لا يبقى على ظهر الأرض بيت مدر ولا وبر إلا أدخله الله كلمة الإسلام بعز عزيز أو ذل ذليل إما يعزهم الله عز وجل فيجعلهم من أهلها أو يذلهم فيدينون لها ) ( أحمد 22697)

وحسبنا الله ونعم الوكيل

[mekkawy]

الفاضلة أغابي

خلاص يا ستي ما تزعليش نفسك التكاسي عليا :wub: ... ولا أقولك ... هأوصلك بنفسي بس استحملي اللي هيحصلك بس من سواقتي

بالنسبة بأة للموضوع هو حرب ولا حرية ؟؟

فبأكد تاني ... أيوة يا فندم .. حرب ... و ما أقدرش أقصره أو أوافق على قصره في قصة الحرية .. لأن دي شعار زائف .. و العجيب أن أرى الكثير من الإخوة متحاملين على البنت و يقولك هي قوانين البلد كدة .. قوانين البلد تمشي فيما لا يخص الدين و الأكل و الشرب و اللبس و الأمور المتعارف عليها دولياً و دينياً و عرفياً .. يعني تقدر دولة تمنع رجال الدين المسيحي مثلاً من ارتداء الصلبان أو الرداء الأسود علناً ... أو تمنعهم من الالتحاء مع العلم إن منهم من هو ملتحي ؟؟؟

الاحابة طبعاً لأ .. طب ليه رجل الدين الاسلامي الملتحي مضطهد و رجل الدين المسيجي أو اليهودي الملتحي غير مضطهد؟؟

عرفتي إنها حرب على الاسلام و بس!!!

سؤال كمان ... لو كندا منعت أكل السمك البلطي (مثلاً) أو الشيبسي يا ستي عشان هما شيفينه مؤذي ... و ده قانون البلد ... الناس هتتقبله عادي ؟

خلينا محايدين و نرى الأمور في نصابها عشان نقدر نتعامل معاها صح .. و الله مش موضوع حرية أبداً ... و بعدين أنا معاكم جداً في نقطة هامة

إننا أصلاً ما نهاجرش لبلاد الكفر عشان ما يقرفوناش ... اذا كنا قرفانين في بلدنا ... مش هنتقرف هناك!!!

مكاوى

[mekkawy]

وأذكركم بقوله تعالى في سورة التوبه

({ يريدون أن يطفئوا نور الله بأفواههم ويأبى الله إلا أن يتم نوره ولو كره الكافرون (32) هو الذى أرسل رسوله بالهدى ودين الحق ليظهره على الدين كله ولو كره المشركون (33) }

وأذكركم بقوله تعالى في سورة الصف

({ يريدون ليطفئوا نور الله بأفواههم والله متم نوره ولو كره الكافرون (8) هو الذى أرسل رسوله بالهدى ودين الحق ليظهره على الدين كله ولو كره المشركون(9) }

وحسبنا الله ونعم الوكيل

تسلم الإيد اللي كتبت و نراها في الجنة يا رب

كفيت و وفيت و أتيت بقول الله الذي يعلم من خلق

مكاوى

تم تعديل 24 أبريل 2010 بواسطة mekkawy

[عاشق الترحال]

مثلا فى الامطار والضباب والشبورة ازاى حتسوق ازاى اى منقبة وهى مغمية عيونها بطرحة خفيفة - او زاوية بسيطة للعين يدوب تشوف متر جنبها - حتشوف ازاى - بس حتشوف ازاى ..

ما فعلا ممكن تعمل حادث - دانا مش منقبة اهو :lol: لكن خلى يكون فى مطر شديد فى الطريق وانا وبسوق صدقنى ما بتبقاش فى رؤية وبافضل اسوق وانا مرعوبة جدا

انا مرة كان فيه مطر شديد وانا بسوق وطبعا امطار الكويت مش حتيجي حاجة جنب امطار اوربا وكندا وكنت مرعوبة - وجه فى بالى و افتكرت المنقبات وهما كدا بيعرضوا حياتهم للخطر وحياه اخرين .

تسمحيلي يا أغابي عاوزك تقولي كده للأفاضل اللي بيقولوا ممكن ( قيادة المرأه للسياره في السعوديه ) طالما هيا لابسه نقاب ومحدش هيشوفها . :rolleyes:

ولا أحسن تقلع النقاب كمان وهيا بتسوق السياره ؟ wst::

صباحكم سكر وحمد الله عالسلامه يا عم زهيري

[لونا]

مثلا فى الامطار والضباب والشبورة ازاى حتسوق ازاى اى منقبة وهى مغمية عيونها بطرحة خفيفة - او زاوية بسيطة للعين يدوب تشوف متر جنبها - حتشوف ازاى - بس حتشوف ازاى ..

ما فعلا ممكن تعمل حادث - دانا مش منقبة اهو لكن خلى يكون فى مطر شديد فى الطريق وانا وبسوق صدقنى ما بتبقاش فى رؤية وبافضل اسوق وانا مرعوبة جدا

انا مرة كان فيه مطر شديد وانا بسوق وطبعا امطار الكويت مش حتيجي حاجة جنب امطار اوربا وكندا وكنت مرعوبة - وجه فى بالى و افتكرت المنقبات وهما كدا بيعرضوا حياتهم للخطر وحياه اخرين .

عزيزتي أغابي :

جانبك الصواب في هذا التعليق

في مصر الكثير من المنقبات يقدن السيارة

و لم نسمع عن أنهن الأكثر نسبة في حوادث السيارات

طبعاً نسمع من معظم الرجال أن النساء عموماً قيادتهم سيئة ... و ده مش صحيح

و صدقيني لو إمرأة شعرت - مجرد شعور - أنها لن تستطيع الرؤية و هي تقود .. فلن تفعل !

و طبعاً لا أعتقد أن التي تقود سيارة تقودها و هي ترتدي طرحة خفيفة فوق النقاب .. و لكن ترتدي النقاب العادي الذي يظهر العينين

و أنا جربت إرتداؤه - كما سيأتي - و كنت الحمد لله أرى جيداً و لا يعوقني عن الرؤية و عن السير في كل مكان

أما عن الموضوع الأصلي و هو منع النقاب في الأماكن العامة في كندا

هم أحرار بالطبع و يجب على من ارتضى أن يعيش بينهم أن يلتزم بقوانينهم

بالضبط مثل من تعيش في السعودية .. تضطر أن ترتدي العباءة سوداء .. و نقاب في بعض الأماكن

لأنه سلو البلد هنا كذلك أو قانون لا أعلم

بالرغم من أني في بلدي أرتدي عباءة و لكن بكل الألوان و ليس الأسود

و أرتدي حجاب ساتر و ليس نقاب ..و لكن إحتراماً لعادة أهل البلد التي أعيش فيها .. أرتدي مثل غالب أهل البلد

الموضوع هكذا بكل بساطة

تحياتي :rolleyes:

[اغابي]

الفاضلة أغابي

إننا أصلاً ما نهاجرش لبلاد الكفر عشان ما يقرفوناش ... اذا كنا قرفانين في بلدنا ... مش هنتقرف هناك!!!

مكاوى

يااااه - يا مكاوى - تانى ارجع المشوار - وحسبي الله ونعم الوكيل فيك

عموما انا رجعت علشان اقولك -الله على الكلمتين دووول يا مكااوى - تصدق بايه ظبطونى اكتر من فنجان القهوة :lol:

الجملة دى عجبتنى اوى ويارت تتنفذ .

يارب تنفذوها - wst:: وبلاش تروحوا كندا بلاد الكفار - سيبوا الكفار يروحو بلاد الكفار ههههههههههههههههه

محدش يروح بلاد الكفار - وانصحهم الله يخليك لان باب كندا الناس حتتجنن وتهاجر - والموضوع زحم اوى - وانت من ناحيتك حاول تفتح موضوع هناك يهدي الناس فى باب كندا يا مكااوى و تنبههم الى انهم لا يذهبون الى هناك لان الحرب تنتظرهم - الحرب قادمة .. الحرب قادمة .. .

اما بالنسبالى للامانة وبما انى احب الكفار جدا :lol: - فانا رايحة كندا - يعنى رايحة - لو على جثتى - بس ادعولى اخلص لحسن المواضيع بتعكعك معايا ..

والسلام عليكم ورحمة الله وبركاته

كفار ايه بس يا مكاوى - استنى رسالة منى على الخاص علشان اخد راحتى وانا بتكلم معاك بلاش تبقي على الهواء مباشرة يا مكاوى

بقي كفاااااار - طب اصبر على - انت وقعت ولا حدش سمى عليك

اختكم اغابي

:rolleyes:

[eslam elmasre]

وليه تسمي هذه المظاهر من فروض الاسلام لكن الحقيقه هناك خلاف بين المسلمين وبعضهم علي شرعية النقاب واللحيه

وبعدين انت شايف ان فيه اضطهاد لشيوخ المسلمين وجمعت بينهم لكن الامر في الحقيقه ان ما فيش اي اضطهاد لشيوخ الازهر والذين يمثلون الاسلام المعتدل فنراهم يقيمون شعائرهم ودروسهم بكل حريه في المراكز الاسلاميه المنتشرة في جميع انحاء العالم

لكن قد يكون هناك اضطهاد لبعض المتشددين- وهم محقون في ذلك - الذين يعيشون علي ارضهم ويأكلون خيراتهم لكن يكنون لهم البغض والكراهيه تحت بند الولاء والبراء ولم اعد اتخيل هذا الوضع المهين لهم لانهم يبغضونهم لكن لا يمنع ذلك من ان يتمرغون في خيرهم وينهبون ما تطول ايديهم

وبعدين موضوع الزام النساء في السعوديه بارتداء الحجاب سواء كانوا مسلمين او غير مسلمين ده يدخل تحت بند الشريعه ام تحت بند قوانين الدوله

هم ينظروا لها علي انها قوانين دوله لذلك هم يحترمونها ولا يجدوا في ذلك حرب علي المسيحيه او علي البوذيه

لكن اذا تم معنا ذلك نقول انها حرب علي الاسلام

[mekkawy]

الفاضلة أغابي

بأكد تاني لحضرتك ... أيوة ... حرب ... و اذا كان ليكي رأي مخالف فلا أرى مدعاة للسخرية من رأيي

دمتي بود .. و منتظر رسالتك

مكاوى

[mekkawy]

لكن قد يكون هناك اضطهاد لبعض المتشددين- وهم محقون في ذلك - الذين يعيشون علي ارضهم ويأكلون خيراتهم لكن يكنون لهم البغض والكراهيه تحت

الفاضل اسلام

حضرتك شايفني متشدد ؟؟

لو ما تعرفنيش أوي تابع كتاباتي هنا في المنتدى و المواضيع اللي بأشارك فيها

أحب أقول لحضرتك إني اتبهدلت كتير أوي بسبب الاضطهاد اللي حضرتك بتنكر وجوده و إنه خاص بالمتشددين ما عدا شيوخ الأزهر .. انا الحمد لله مش متشدد و عادي جداً و مع ذلك لكجرد إني ملتحي كنت محط الأنظار في بلدي مصر .. تلبس نضيف .. تتشيك .. تتروشن .. تسافر .. تروح تيجي .. و الله لو عملت ايه ... لاااااازم تدخل .. و حضرتك تقدر تميز باة تدخل فين ... و لما تدخل انت و نصيبك ... استجواب شفهي .. عملي .. تحقيق يمين شمال .. انت و رزقك .. الحمد لله كان بالنسبة لي شفهي بس .. لكن طلعوا عيني علما خلصت تصريح السفر .. ليه يا ولاااد ... عشان أنا ابن لذينة متشدد و ملتحي .. بجد بجد

حسبنا الله و نعم الوكيل

بس على فكرة .. الملتحين هيزيدوا و هينجحوا و بينجحوا .. و لو تشوف دلوقتي هم أنجح ناس في وظايفهم و للمثال لا للمفاخرة

هاتلي حضرتك مدير مبيعات بلدين عنده 25 سنة .. لو لقيته يا ريت تعرفني بيه

يا ريت نغير فكرنا بأة و نتعايش ... الكلام اللي حضراتكم بتقولوه ده كان في التسعينيات أيام افلام عادل امام منه لله و موجة الارهاب اللي كلنا كرهناها .. لكن دلوقتي الوضع اختلف

مكاوى .. المتشدد

[shiko]

السلام عليكم

طب ليه سايبهم يحاربوا حتة من الدين ... مهو النهاردة نقاب و لحية بكرة سنة الضهر و المغرب بعده الفجر مالوش لزمة و الصيام يبقي للي عاوز مهي حرية شخصية ... عارف دماغكم فيها ايه دلوقتي ... فيها ان ده مستحييييييل يحصل ... لأ هيحصل و الحرب هتزيد و هتزيد ... لكن منم قوة الاسلام إنهم ليهم سنين و سنين في النقاب و اللحية ... سنين مش قادرين يتجاوزوا النقاب و اللحية و اللي بيعتربهم البعض فضائل و البعض الآخر سنن و البعض الآخر فرائض على اختلاف الأدلة و ده مش موضوعنا دلوقتي.

لا حرية ولا قوانين ... هي حرب مستمرة و معلنة و البقاء فيها للأقوي ... و الاجابة واضحة طبعاً .. إحنا و هم قبلنا عارفين مين الأقوى ...

...اخيرا كلام مظبوط ..

اخيرا اتظبط الكلام وبانت النية ..

السلام عليكم

أحب أضيف تعليق و هو ....

الهدف الأصلى .. حرب ... نعم حرب ... حرب معلنة على كل ما هو إسلامى ... هي حرب على الدين الاسلامي

بالضبط كده هو ده اللي عاوز أقوله والسبب هاجس الخوف عندهم من إنتشار الإسلام في الغرب .

مره حرب ضد النقاب ومره ضد اللحيه وحتى مآذن المساجد شبهوها كأنها صواريخ موجهه ناحية السماء .

يبدو أن شعارات الحريه التي يتشدق بها الغرب لا يتمتع بها إلا من هم تحت مظلة السمع والطاعه لهم وكل من خالفهم في الرأي أو الإتجاه والتفكير فليصب عليه جام غضبهم على سبيل المثال لا الحصر

فرنسا ترفض منح الجنسيه لمغربي زوجته ترتدي حجاب

تغريم منتقبه فرنسيه تقود السياره

بلجيكا تحظر النقاب

ولكن كما قال الأخ الفاضل مكاوي كلما وجهوا ضرباتهم ضد الإسلام كلما دخل الناس في دين الله أفواجا وكلما عاد المسلمين لدينهم .

وأذكركم بقوله تعالى في سورة التوبه

({ يريدون أن يطفئوا نور الله بأفواههم ويأبى الله إلا أن يتم نوره ولو كره الكافرون (32) هو الذى أرسل رسوله بالهدى ودين الحق ليظهره على الدين كله ولو كره المشركون (33) }

وأذكركم بقوله تعالى في سورة الصف

({ يريدون ليطفئوا نور الله بأفواههم والله متم نوره ولو كره الكافرون (8) هو الذى أرسل رسوله بالهدى ودين الحق ليظهره على الدين كله ولو كره المشركون(9) }

وقول رسولنا صلى الله عليه ( لا يبقى على ظهر الأرض بيت مدر ولا وبر إلا أدخله الله كلمة الإسلام بعز عزيز أو ذل ذليل إما يعزهم الله عز وجل فيجعلهم من أهلها أو يذلهم فيدينون لها ) ( أحمد 22697)

وحسبنا الله ونعم الوكيل

اخى فى الله عاشق ..

جزاك الله خير الجزاء على ما اوفيت به من الحديث

تم تعديل 24 أبريل 2010 بواسطة shiko

[أحمد سيف]

والله الخبر ده أسعدني جدا ... على الأقل الواحد أتطمن أن كندا - وطنه المستقبلي إن شاء الله - عمرها ما هتبقى كنداستان في يوم من الأيام.

وباحييك يا أخ مكاوي على النصيحة القيّمة لمن يرغب في الهجرة لبلاد الحرية الزائفة ... اللي مش هيقدر يتأقلم مع الحرية الزائفة دي يا جماعه يخليه هنا - في مصر والخليج - حيث الحرية الحقيقة.

[eslam elmasre]

لكن قد يكون هناك اضطهاد لبعض المتشددين- وهم محقون في ذلك - الذين يعيشون علي ارضهم ويأكلون خيراتهم لكن يكنون لهم البغض والكراهيه تحت

الفاضل اسلام

حضرتك شايفني متشدد ؟؟

لو ما تعرفنيش أوي تابع كتاباتي هنا في المنتدى و المواضيع اللي بأشارك فيها

أحب أقول لحضرتك إني اتبهدلت كتير أوي بسبب الاضطهاد اللي حضرتك بتنكر وجوده و إنه خاص بالمتشددين ما عدا شيوخ الأزهر .. انا الحمد لله مش متشدد و عادي جداً و مع ذلك لكجرد إني ملتحي كنت محط الأنظار في بلدي مصر .. تلبس نضيف .. تتشيك .. تتروشن .. تسافر .. تروح تيجي .. و الله لو عملت ايه ... لاااااازم تدخل .. و حضرتك تقدر تميز باة تدخل فين ... و لما تدخل انت و نصيبك ... استجواب شفهي .. عملي .. تحقيق يمين شمال .. انت و رزقك .. الحمد لله كان بالنسبة لي شفهي بس .. لكن طلعوا عيني علما خلصت تصريح السفر .. ليه يا ولاااد ... عشان أنا ابن لذينة متشدد و ملتحي .. بجد بجد

حسبنا الله و نعم الوكيل

بس على فكرة .. الملتحين هيزيدوا و هينجحوا و بينجحوا .. و لو تشوف دلوقتي هم أنجح ناس في وظايفهم و للمثال لا للمفاخرة

هاتلي حضرتك مدير مبيعات بلدين عنده 25 سنة .. لو لقيته يا ريت تعرفني بيه

يا ريت نغير فكرنا بأة و نتعايش ... الكلام اللي حضراتكم بتقولوه ده كان في التسعينيات أيام افلام عادل امام منه لله و موجة الارهاب اللي كلنا كرهناها .. لكن دلوقتي الوضع اختلف

مكاوى .. المتشدد

بالطبع انا لا اقصدك يا مكاوي اطلاقا وانت علي ما يبدوا ايضا لا تعرفني جيدا فانا والحمد لله واضح وصريح ولا اخشي في الله لومة لائم ولو كنت اقصدك بهذا الكلام لواجهتك به مباشرا دون لف او دوران وكتاباتي تشهد بذلك

وقد اكون مررت مرور الكرام علي بعض ردودك وعرفت انك غير متشدد بالفعل

لكنني لا اتكلم من فراغ فهذه الفئة موجوده بالفعل في اوربا وهم يتحايلون علي الحكومات الاوربيه ويحصلون علي اعانة البطالة وهم ماكثون في مساجدهم ويظنون انهم بذلك يجاهدون الكفار الملاعين وهم ينهبون خيراتهم ويظنون بذلك انهم يحسنون صنعا وهم في حقيقة الامر مثال سيء للمسلم ونموذج يعر المسلمين

اري وانت تري ومجموعة كبيره من المتداخلين يتفقون معنا في ان من يجد ان هناك ضرر علي دينه في بلاد ما فعليه بتركها والنزوح عنها لا ان يعيش فيها ويفرض شروطه عليهم ويقول بعد ذلك انه مضطهد في دينه ورزقه