منع النقاب في الاماكن العامة

[MZohairy]

يبقى مجرد رأي شخصي لحضرتك يا مادام ضحى و لا دليل ملموس و منطقي على اثبات وجود هذه المؤامره الا في أدمغة بعض المسلمين

و الدليل هو الاف المحجبات اللي عايشين في اوروبا و امريكا بمنتهى الحريه في كل جوانب حياتهن

فرق كبير جدا بين الحجاب و النقاب يا اخواني و تأثيره على الآخر هناك في الغرب الكافر

[جنه]

السلام عليكم اسمحولي اعرض وجهة نظرى الشخصيه في الموضوع ده ... انا لي كامل الحريه الشخصيه بارتداء النقاب في اي مكان في الدنيا و فى نفس الوقت الالتزام بقوانين المكان اللى انا فيه , بمعنى لو طلب مني كشف وجهي للتحقق من شخصيتى في اى مكان في كندا او اي بلد فى العالم ( في المطار .. في درس اللغه الانجليزيه مثلا .. في اي مكان يستدعي امنيا ذلك) افعل ذلك بثقه و بدون تردد .. لو القانون في كندا مثلا يمنع السواقه بالنقاب (مع ان الواحد بيشوف بعينيه مش بلانف والفم اللى بيبقوا متغطيين) لو القانون بيقول كده ايه المانع ان الواحده تنزل النقاب في عربيتها و تلبسه تاني لما توصل مشوارها؟

الفاضله اغابي حضرتك مقتنعه فعلا ان المنتقبات مش بيبقوا شايفين قدامهم و الكلام ده ؟! انا بقالي 10 سنين بسوق وانا لابسه النقاب ولله الحمد عمرى ما عملت حادث او تسببت في حادث (ربنا يستر :lol: ) انا باسوق في الامارات و نظام المرور هنا محترم جدا, حقيقي و من واقع تجربه و خبره النقاب لايمنع الرؤيه ولا التنفس اااااابااااااداااااان wst::

الاخ الفاضل زوهيري شكرا على نصيحتك اللى فيها (من هنا و رايح)دي ولو اني شفتك وانت بتجززززز على سنانك وانت بتقولها :lol:

و عايزه اعرف من حضرتك هو فيه فعلا قانون في كندا يمنع السواقه بالنقاب ؟ لاني بصراحه عملت search مش لاقيت حاجه زى كده.

و ارجوا يا سيدي ما تكونش متحامل قوى كده على المنتقبات(حتى لو كنت بتكرههم) لان المنتقبه دي انسانه زيها زيك ممكن تكون متعلمه ومثقفه ولها كيان يحترم , ولها الحق ان تحلم لابنائها بمستقبل فيه تعليم محترم مش بس حضرتك اللى ليك الحق ده ..

كون المنتقبه لبست النقاب بكامل ارادتها عن حب وافتخار ده لا يعني ان اي حد ليه الحق انه يسىء اليها بكلام زى تقعد في بيتها او في بلدها و متوريناش وشها .....

.. دمتم جميعا في رعايه الله...السلام عليكم و رحمة الله.

تم تعديل 27 أبريل 2010 بواسطة Salwa

[mekkawy]

يبقى مجرد رأي شخصي لحضرتك يا مادام ضحى و لا دليل ملموس و منطقي على اثبات وجود هذه المؤامره الا في أدمغة بعض المسلمين

و الدليل هو الاف المحجبات اللي عايشين في اوروبا و امريكا بمنتهى الحريه في كل جوانب حياتهن

فرق كبير جدا بين الحجاب و النقاب يا اخواني و تأثيره على الآخر هناك في الغرب الكافر

الفاضل زهيري

عجبتني لما قلت شيل ده من ده يرتاح ده عند و مش لازم نشم في راس القرد

لكن الصراحة أنا مستغرب جداً جداً من كلام حضرتك و الله المرة دي ... يعني كل اللي بيحصل ده من أيام النبي صلى الله عليه و سلم إلى يومنا هذا ... و هو هو المكر و هي هي الخطط و المكايد ... و الآخر تقول لا دليل إلا في أدمغة بعض المسلمين !!!!!

سبحان الله العظيم ... ايه مفيش في القرآن اثباتات كرههم و حقدهم .. خلاص آيات المكر في القرآن انتهت ... آيات التحذير من المشركين اتلغت ... سبحان الله ... يا أخي حاول تقرأ القرآن بتدبر أكتر كدة

(( إِنَّهُمْ يَكِيدُونَ كَيْداً (15) وَأَكِيدُ كَيْداً (16) فَمَهِّلْ الْكَافِرِينَ أَمْهِلْهُمْ رُوَيْداً (17))

((وَدُّوا لَوْ تَكْفُرُونَ كَمَا كَفَرُوا فَتَكُونُونَ سَوَاءً ))

(( إِنْ يَثْقَفُوكُمْ يَكُونُوا لَكُمْ أَعْدَاءً وَيَبْسُطُوا إِلَيْكُمْ أَيْدِيَهُمْ وَأَلْسِنَتَهُمْ بِالسُّوءِ وَوَدُّوا لَوْ تَكْفُرُونَ (2))

((الر تِلْكَ آيَاتُ الْكِتَابِ وَقُرْآنٍ مُبِينٍ (1) رُبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ (2))

(( يَا أَيُّهَا الَّذِينَ آمَنُوا لا تَتَّخِذُوا بِطَانَةً مِنْ دُونِكُمْ لا يَأْلُونَكُمْ خَبَالاً وَدُّوا مَا عَنِتُّمْ قَدْ بَدَتْ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمْ الآيَاتِ إِنْ كُنْتُمْ تَعْقِلُونَ (118))

((وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنْ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنْ الْعِلْمِ مَا لَكَ مِنْ اللَّهِ مِنْ وَلِيٍّ وَلا نَصِيرٍ (120))

(( يَا أَيُّهَا الَّذِينَ آمَنُوا إِنْ تُطِيعُوا فَرِيقاً مِنْ الَّذِينَ أُوتُوا الْكِتَابَ يَرُدُّوكُمْ بَعْدَ إِيمَانِكُمْ كَافِرِينَ (100))

و الأيات كثيرة و أكثر من أن تعد و أن تحصى و آيات محكمات و واضحة عياناً بياناً لقوم يعقلون ... فبعد كدة يجي حد يقول فين المؤامرة دي!!!

مش عارف الصراحة فين المؤامرة ... واضح إن القلة المسلمة المندسة هي اللي بتروج لنظرية المؤامرة الخبيثة دي ضد الغرب الكافر الطيب الغلبان الحبوب اللي بيوزع علينا بومبوني و شوكلاتة كل يوم الصبح

((أفلا يتدبرون القرآن))

مكاوى

[عاشق الترحال]

بصوا يا إخوانا بقى بعيد عن الدين هاقولكم على حاجه علشان العدل بجد وبلاش نضحك على بعض أصلنا مش جايين من أمريكا ولا كلنا إتربينا في باريس

لما أكون أنا ( عاشق الترحال ) راجل فلاتي وبحب أشوف الستات وهيا متبرجات ولابسه بكيني وآخر دلع وحركات طبعاَ دي حرية شخصيه أظن محدش عنده مانع فيها .

طيب أيه المانع زي ما دي بتندرج تحت مسمى الحريه الشخصيه وأنا بحبها يبقى أسيب ( س ) من الرجال و ( ص ) من الستات أنها تمارس حريتها الشخصيه وتلبس حجابها ونقابها وفي نفس الوقت (س) من الرجال يلاقي شريكة حياته اللي شايف فيها نموذج للإلتزام والطاعه . زي ما أنا لقيت اللي بدور عليه !!!

في حين أن النموذج اللي ( عاشق الترحال البايظ ) بيحبه وبيستمخمخ منه بيضر بيه لأنه مش هيسلم من الزنا وإن مكنش هيزني بجسده كفايه أنه هيزني بعنيه وهيضر الست اللي بيشوفها بالصوره دي لأنها مش هتسلم من عيون الصيادين من الرجال ومضايقاتهم اللي مش هتنتهي وياريت نكون واقعيين ومنضحكش على بعض وفي نفس الوقت هتضر الشباب اللي بيحاول يلتزم ويمنع نفسه عن الحرام ناهيك عن أنها هتكون قدوه (ماعلينا ) لغيرها من البنات الصغيرات اللي ممكن هيعجبوا بها نظرا لتسليط الأضواء عليها كما هو الحال مع الفنانات والراقصات مثلاَ .

أما في نموذج الست المنقيه هنلاقي أنها ساتره جسدها ووجهها طب وأنا مالي ما هي حره دي واحده بتتكسف وعندها حياء ومتخلفه ( يخييييييييي ) طب أنا مالي ومالها ربنا يسهلها ,أسيبها في حالها تمارس حريتها وكمان الراجل اللي مش عاوز حد يشوف مراته ولا يبص لها حتى مش هو حر برضه ولا الحريه بتيجي لحد الناس دي وتوقف !!!!!

بالله عليكم يا من رضيتم وإرتضيتم بحرية ممارسة البهائيين والبوذيين وعبدة النار والفار لطقوسهم الدينيه ومعتقداتهم وشعائرهم لماذا لا ترضون لمن هو مسلم بممارسة حق من حقوقه يراها قربه لله ويراها من منظروه ستر وطاعه بالله عليكم هل هذا عدل ؟؟؟!

هتقولولي وده ماله ومال منع النقاب في كندا ( متستعجلش أقولك يا سيدي .. )

السائح الكندي لما بيجي عندنا مصر هل إحنا بنقوله متشربش خمر ؟؟ ولا فاتحينهالهم عالبحري !!!

السائح الكندي لما بيجي عندنا مصر هل إحنا بنقوله متلعبش قمار ؟؟ ولا فتحينهالهم عالبحري !!!!

السائح الكندي لما بيجي عندنا مصر هل إحنا بنقوله متلبسش قصير وعريان علشان عاداتنا وتقاليدنا ؟؟ ولا فاتحينهالهم عالبحري!!!

السائح الكندي لما بيجي عندنا مصر هل إحنا بنقوله ممنوع تنزل مع صديقتك اللي هيا مش مراتك في غرفه واحده علشان العيب والحرمانيه ؟ ولا مبندقش وفاتحينهالهم عالبحري !!!!

السائح الكندي أو الأمريكي أو الأوروبي لما بيجي عندنا مصر بيعمل اللي هو عاوزه وبنعمل له خدنا مداس

وهو ده مربط الفرس .

بنسترضيهم في كل شئ وبنيجي على أنفسنا في كل شئ حتى نكسب ودهم ورضاهم ومحبتهم وللأسف هم يزدادون علواَ وكبرياء وتعالي علينا

أما نحن فنزداد خضوع ومذله وطاعه عمياء لهم !!!!!!!!!

إتعملنا ناخد على أفانا ونسكت ونطاطي ونقول حاضر ونعم وتحت أمرك يا بيه !!!!!!!!

لدرجة أننا بقينا بنغضب ربنا علشان نرضيهم

طب ليه ؟

لو مش هنروح عندهم يبقوا هما كمان ميجوش عندنا ومتهيألي انهم مستفيدين اوي من ذهابنا عندهم زي ما إحنا كمان مستفيدين من ده وكمان هما مستفيدين من تجارتنا معاهم أوي ولعل أكبر شاهد على كلامي هو ماحدث من خسائر جراء مقاطعة بضائع الدنمارك وهولندا نتيجه للرسوم المسيئه للرسول .

الخلاصه اللي بيقول عاوزين الحريه والديمقراطيه علشان يبقى عنده مصداقيه يجب عليه أن يعدل وألا يكيل بمكيالين .

أرجوا أن وجهة نظري تكون واضحه للجميع

تحياتي

تم تعديل 25 أبريل 2010 بواسطة عاشق الترحال

[mekkawy]

ايه يا أبوعمر الكلام الكبير الجامد ده ... عندك حق فعلاً الكنديييين دول ميجوش غير بالكلام الجامد ده

تسلم و سلمت يمينك

مكاوى

[رضوي]

السلام عليكم ورحمة الله وبركاته

لم أجد ما اقوله بعد مداخلات اخواني الكرام

مكاوي

وعاشق الترحال

اعز الله الاسلام بكم

هي فعلاً حرب معلنة ضد الاسلام ............. خوفاً من انتشار الاسلام

النهاردة بيناصروا الحريات الشخصية

وبيقفوا امام حريات المسلمين

النهاردة بيمنعوا النقاب ويقولوا ضد القانون

غداً يقولوا الحجاب اصلاً ضد الحرية

صحيح انا مش منتقبة ................. لكن لو حد حاول يقرب ناحية حجابي ........... هحاربه

ولو اي مسلم سمح بالعداء الواضح امام النقاب واللحية

يبقي بيسمح بالعداء ضد الاسلام

بيحاولوا يصنفوا المسلمين

بين مسلم ملتحي ومسلم عادي

وانا اصلاً مش فاهمة السبب الا اذا كان للحرب ضد الدين

وبعدين كل المشكلة في الاعلام

وانا صغيرة كنت بشوف افلام تتعرض لقضية الارهاب ............ وبنشوف الارهابيين لابسين ابيض وعندهم لحية كبيرة

فترسخ عندنا ( كأطفال ) ان هو دة الشكل المعروف للارهابي

ولما بدأنا نفهم الصح فين والغلط فين

عرفنا ان الاعلام هو الغلط لانه شوه صروة المسلمين وبينهم كمجرمين يقتلون بلا رحمة ولا هوادة

ونسينا اليد الخفية وراء مايطلقون عليه الارهاب

يبقي لازم النهاردة عن طريق الاعلام برده نصلح المفاهيم المغلوطة دي ونوضح الفرق الكبير بين المسلمين والارهابيين

[mekkawy]

ما شاء الله لا قوة الا بالله

بالنظر في مشاركات بعض الأخوة و الأخوات جميعاً بدون خصوص أحد بالذكر ... لأنهم معلومون العقل و العدل و الإنصاف حتى و لو كانوا أو كن غير ملتحين أو منتقبات .. نجد أن الوعي الثقافي العقدي منتشر بفضل الله و عزه و حوله و قوته

و نجد ان مل قلته و ضربت به المثال بأن الاسلام كلما ضرب بقوة ... علا و ارتفع بقوة أكبر .. و وجد من يزود عنه و يصد الهجمات الشرسة من اعداء الدين سواء كانوا مسلمين أو غير ذلك

سبحان الله ... سخر الله لهذا الدين أفواه و أقلام تذب و تدافع عنه (و الله متم نوره) بدون دفاعات و بدون أفواه أو أقلام و لكن الله استخدم عباده للنصرة على المشككين

الفاضلة رضوى .. تحية لكِ فقد أصبت وتر حساس و هو تأثير الإعلام في فترة معينة على فكرة الملتزمين و سلوكهم

أيضاً أثرت نقطة غاية في الأهمية و هي التفرقة بين المسلم الملتحي و الغير ملتحي مع إن الأصل في الفطرة اللحية ... أقصد من كلامي .. ان الكفار على عهد النبي كانوا يلتحون و كان عيباً شديداً فيما قبل الاسلام أم يحلق الرجل لحيته حتى لا يكون (أمرد) و بعضنا يعلم ما الأمرد .. و هو الرجل الذي لا تبدو عليه علامات الرجولة .... فاللحية فطرة في الانسان كشعر رأسه مثلاً ... فلماذا نجعل لها حزباً و نقول ملتحي أو غير ملتحي ... يا أخي كلنا مسلمون

دمتم بخير

مكاوى

[doha]

يبقى مجرد رأي شخصي لحضرتك يا مادام ضحى و لا دليل ملموس و منطقي على اثبات وجود هذه المؤامره الا في أدمغة بعض المسلمين

و الدليل هو الاف المحجبات اللي عايشين في اوروبا و امريكا بمنتهى الحريه في كل جوانب حياتهن

فرق كبير جدا بين الحجاب و النقاب يا اخواني و تأثيره على الآخر هناك في الغرب الكافر

سيدي اسمح لي اسألك .

بتؤمن انك على الدين الحق ؟

طيب بتؤمن ان ف حاجه اسمها ابليس ؟

طيب فاكر هو قاعد في الدنيا وحالف ميخرجش منها قبل مايعمل ايه ؟

ان كنت مؤمن بكل ماسبق وعارف ان ابليس طرد من رحمة ربنا بسببنا نحن بني آدم وانه اقسم على تحييدنا بالمقابل عن الطريق المستقيم .. فان كنت عارف ان دينك هو الدين الحق فكن على ثقة ان ابليس مش هيسمح ان الناس تفضل عليه ولا هيرضى او يهدأ له بال طول مالدين ده على الارض ..

هتريح دماغك وتقول مش صحيح يبقى انت صدقت كذبة ابليس لما اقنعك بكونه مش موجود او انه مثله مثل بعض المحسوبين على الاسلام لا يسعى لنصرة مايؤمن به ..

متجيش اننا نبقى مسلمين ومؤمنين ان دينا هو الدين الحق ونكفر باستهدافه من اتباع الشيطان ياسيدي الفاضل ..

[MZohairy]

الاخ الفاضل زوهيري شكرا على نصيحتك اللى فيها (من هنا و رايح)دي ولو اني شفتك وانت بتجززززز على سنانك وانت بتقولها :rolleyes:

و عايزه اعرف من حضرتك هو فيه فعلا قانون في كندا يمنع السواقه بالنقاب ؟

انا عن نفسي مش خبير في القوانين و حقيقة لا اعلم

و ارجوا يا سيدي ما تكونش متحامل قوى كده على المنتقبات(حتى لو كنت بتكرههم) لان المنتقبه دي انسانه زيها زيك ممكن تكون متعلمه ومثقفه ولها كيان يحترم , ولها الحق ان تحلم لابنائها بمستقبل فيه تعليم محترم مش بس حضرتك اللى ليك الحق ده ..

يا ستي انا خدام كل المنقبات و لا يوجد ما يدعوني لكراهيتهم ابدا

انا طول عمري اقول كل واحد حر طالما لم يضر

و النقاب حق لا جدال فيه لأي راغبه في ارتداؤه

أما اذا ذهبت الى بلاد المهجر لتتسبب في اثارة اي مشاكل بسبب نقابها و رغبتها في الانخراط بنقابها في المجتمع المتحسس لهذا النقاب ...فبهذا ستضر نفسها و بالتبعية المسلمين المهاجرين ايضا

فاذا كانت هناك اعتقاد عند الغرب ان المسلم ذو الجلباب القصير و الملتحي او المنقبة لديهم ميل للإرهاب فهذا الاعتقاد انا لست مسؤلا عنه و لا حضرتك ايضا كمنقبه

لكن احنا اللي في وش المدفع

و هو ده الواقع

الغرب لا يستسيغ منظر المنقبه و لما بيقلب قطعا مسلمين آخرين ممكن يروحوا في الرجلين

يبقى تخليها في بلدها افضل ؟ ولا تييجي تضر نفسها و تضر غيرها؟

كون المنتقبه لبست النقاب بكامل ارادتها عن حب وافتخار ده لا يعني ان اي حد ليه الحق انه يسىء اليها بكلام زى تقعد في بيتها او في بلدها و متوريناش وشها ..... او كلام على شاكلة :

يعني المنقبه ما تجيش غير جنب راس القرد و تشم ؟ ...... دمتم جميعا في رعايه الله...السلام عليكم و رحمة الله.

لا ضرر و لا ضرار يا سيدتي

[MZohairy]

الفاضل زهيري

عجبتني لما قلت شيل ده من ده يرتاح ده عند و مش لازم نشم في راس القرد

لكن الصراحة أنا مستغرب جداً جداً من كلام حضرتك و الله المرة دي ... يعني كل اللي بيحصل ده من أيام النبي صلى الله عليه و سلم إلى يومنا هذا ... و هو هو المكر و هي هي الخطط و المكايد ... و الآخر تقول لا دليل إلا في أدمغة بعض المسلمين !!!!!

سبحان الله العظيم ... ايه مفيش في القرآن اثباتات كرههم و حقدهم .. خلاص آيات المكر في القرآن انتهت ... آيات التحذير من المشركين اتلغت ... سبحان الله ... يا أخي حاول تقرأ القرآن بتدبر أكتر كدة

كل الايات الشريفه دي يا مكاوي استدلال في غير موضعه

انا حتكلم عن كندا بس يا مكاوي (برغم اني شفت في مطار فرانكفورت راجل مصري ملتحي حاصل على الجنسيه الالمانيه و السبحه في ايده و بيقوم يصلي في وقت الصلاه و المهم انه ماسك منصب جيد في المطار الالماني)

كندا طوال اكثر من عام لم اشاهد فيها اي تعدي او حتى اي ملمح للكراهيه ضد المسلمين

الجوامع موجوده و المصليين بيصلوا و المحجبات ماليين الدنيا و منهم اللي بيشتغلوا في وظائف حكوميه بالحجاب كمان

صدقوني ماشفتش اي عنصريه ضد الاسلام برغم كوني مسلم و اسمي محمد و بروح الجامع و بمارس عباداتي بمنتهى الحريه

حتى في العيد بيدونا ملعب كوره كبيير متغطي علشان نصلي فيه العيد

عايزني اصدق وهم في دماغكم و اكذب حقيقه شايفها بعيني كل يوم و كل ساعه؟؟؟!!!

موضوع النقاب بقى مختلف حبتين

النقاب بالنسبالهم او لجزء منهم رمز للتطرف

و التطرف هو مقدمة الارهاب و سكة القتل و العنف

و بالتالي موقفهم منه مختلف تماما و فاهمين انه مش من صميم الدين بدليل وجود مسلمات محجبات فقط و مسلمات غير محجبات اصلا

و وصلوا لقناعه ان المنقبه هي ارهابية محتمله

بالطبع محدش يقدر يكلمها او يضايقها لو ماشيه في حالها

لكن عند التفاعل في عمل او دراسه ...المخاوف بتصحى و التوتر بيبتدي

هي دي وجهة نظرهم و هم حرين فيها و اللي عايز يقبلها يقبلها و اللي مش عايز يقبلها يستحمل قرفها لغاية ما الفكره دي تتشال من دماغهم

او لغاية ما ينتصر المسلمون و يقومون بفتح و تحرير الغرب الكافر و فرض النقاب على الجميع

بسيطه يا جماعه و الله

[MZohairy]

يبقى مجرد رأي شخصي لحضرتك يا مادام ضحى و لا دليل ملموس و منطقي على اثبات وجود هذه المؤامره الا في أدمغة بعض المسلمين

و الدليل هو الاف المحجبات اللي عايشين في اوروبا و امريكا بمنتهى الحريه في كل جوانب حياتهن

فرق كبير جدا بين الحجاب و النقاب يا اخواني و تأثيره على الآخر هناك في الغرب الكافر

سيدي اسمح لي اسألك .

بتؤمن انك على الدين الحق ؟

الحمد لله

طيب بتؤمن ان ف حاجه اسمها ابليس ؟

أكيد

طيب فاكر هو قاعد في الدنيا وحالف ميخرجش منها قبل مايعمل ايه ؟

ان كنت مؤمن بكل ماسبق وعارف ان ابليس طرد من رحمة ربنا بسببنا نحن بني آدم وانه اقسم على تحييدنا بالمقابل عن الطريق المستقيم .. فان كنت عارف ان دينك هو الدين الحق فكن على ثقة ان ابليس مش هيسمح ان الناس تفضل عليه ولا هيرضى او يهدأ له بال طول مالدين ده على الارض ..

طيب ده ايه علاقته بكندا يا ضحى؟

هتريح دماغك وتقول مش صحيح يبقى انت صدقت كذبة ابليس لما اقنعك بكونه مش موجود او انه مثله مثل بعض المحسوبين على الاسلام لا يسعى لنصرة مايؤمن به ..

اولا النقاب زي مانتي قولتي مش فرض ...دي حريه شخصيه...و استزاده في الستره و صالح العمل

اذا المنقبه اللي نفسها تروح كندا تعمل ايه؟

يا إما تروح و تخليها بعيد عن التفاعلات الاجتماعيه منعا لإثارة المشاكل..و حتعيش في امان تام اكثر مما تعيشه في بلدها

يا إما تروح و تتفاعل و تستحمل المضايقات و اللي لا يمكن تصل الى ما يمكن ان تراه في بلادها

يا ما تروحش خالص و تخليها في بلدها

في حلول تانيه؟

متجيش اننا نبقى مسلمين ومؤمنين ان دينا هو الدين الحق ونكفر باستهدافه من اتباع الشيطان ياسيدي الفاضل ..

نقول مش عارف ايه يقول احلبوه

يا ستي مفيش استهداف و رب الكعبه

فيه عناصر يعتقد الغرب بأنها تحمل نسبه اكبر لأن تكون ارهابيه و المنقبة منهم

اشكرك

[الدكتورة أم أحمد]

طبعا انت خلاص على ابواب السفر والهجرة لكندا انشالله - ربنا يوفقك - بس لازم تعرف اكبر مساحة من المعلومات عن الناس اللى انت ناوى تعيش مستقبلا وسطهم - والموضوع داه كان قبل كدا اتفتح فى باب كندا وكل الناس اتكلموا فيه لدرجة ان الموضوع اما اتحذف او اتقفل - انا مش فاكرة - من كثرة الردود والاراء وبعدين الموضوع تفاصيله غير اللى انت كاتبته داه خالص - فيه تفاصيل تانية - هى كدا خالفة القوانين وعرضوا عليها لان دي شروط امنية فى الكلاس وطلبوا منها انها تدي ضهرها للرجال وتكشف عن وشها هى رفضت الالتزام بقوانين المكان ادى كل الموضوع هما بالنسبالهم حتخالف القوانين دي مشكلة - القانون يحترم مش زى عندنا فى مصر - هما مالهمش علاقة غير بالامن والالتزام بالقانون - متدينة هى حرة لكن فى تطبيق قوانينهم هما احرار - اذا كان القانون لا يسمح انك تسوقى السيارة وانت منقبة - لانك ممكن تعملى حادث تؤذي بيه نفسك وغيرك - التزمى بالقانون يا ستى ايه المشكلة - قانون المعهد يلزم لدواعى امنية الالتزام بكشف الوجه التزمى بالقانون لانك كدا مجهولة بالنسبالهم - يا ستى يمكن داخلة تعملى حاجة - انت عارفة نفسك انك كويسة وملتزمة دينيا لكن هما ما يعرفوش - هما خايفين منك - لانك بالنسبالهم (؟؟) - وحيعتبروكى انك خطر عليهم فى المعهد - هى طبعا الست من جواها حاسة انها ما عملتش حاجة غلط - لكن هما مش حيفهمو كدا - هما عندهم قانون وانت لازم تلتزم بيه - المكان اللى محتاج تكشف فيه عن وشها مفيش مشكلة .

- ما ربنا يوفقك يا يوزر - وتروح الاراضي الكندية ابقي بالزمة ادخل اتكلم بصراحة وشفافية عن رايك الجديد فى تطبيق القانون هناك -

وياريت تعملنا موضوع هنا فى المحاورات وتسمية التزام كندا بتطبيق القانون واحترامه ؟

ووضحلنا فى الموضوع وجه نظرك - لو كل واحد مشي على هواه تحت اى مسمي - وما التزمش بتطبيق القانون ممكن يحصل ايه لكندا ؟

هل حتبقي فى يوم زى مصر فى عدم احترام القانون ولا ايه ؟؟

وتاكيدا لكلام زوهير واحترام القانون فى الغرب

المؤكد أن النقاب لم يظهر فجأة في أروبا وأمريكا ولكنه موجود ولم يكن هناك مشكلة

ولكن لأنه آخذ في الانتشار السريع حدث للقوم القلق وبدأت الحرب العالمية ضد النقاب ( فلننظر إلى عدد الدول المشتركة في ذلك) والتي شاركت فيها دول إسلامية كمصر وتونس

والحقيقة أتعجب من أمر هؤلاء القوم الذين يقدسون الحرية الشخصية بدرجة الكبيرة ولكنهم ينقلبون عليها عندما تتعلق بمظهر إسلامي

والححج التي تقال لا تقنع طفل

أتعجب أنهم يذقون الآن الويلات من جراء العرى والفجور ولا يستمعون للعقلاء منهم وبدلا من الاستجابة لهؤلاء العقلاء يريدون أن يجرونا معهم في هذا الوحل

هم تركوا هذه الفضيلة من دينهم ولم يلتزموا بها هل يريدون أن نكون معهم في الضلالة سواء

تركناهم وشأنهم فليتركونا وشئنا

سبحان القائل في كتابه العزيز :

{أَلَمْ تَرَ إِلَى الَّذِينَ أُوتُوا نَصِيبًا مِنَ الْكِتَابِ يَشْتَرُونَ الضَّلَالَةَ وَيُرِيدُونَ أَنْ تَضِلُّوا السَّبِيلَ (44) وَاللَّهُ أَعْلَمُ بِأَعْدَائِكُمْ وَكَفَى بِاللَّهِ وَلِيًّا وَكَفَى بِاللَّهِ نَصِيرًا (45)

والحمد لله أن هذه الأفعال تبعث على الغيرة على الدين في نفوس المسلمين ولذلك تجد الزيادة الرهيبة كلما زادت هذه الضربات

فهي بمثابة ضربات لإيقاظ النائم

ولعل الجميع يلحظ أنه بعد فعلة شيخ الأزهر السابق ( عفا الله عنا وعنه )مع فتاة الأزهر وماتلى ذلك كيف زاد ارتداء النقاب في مصر حتى أن هناك إحصائية تقول أنهن بلغن 17 مليون منتقبة ، وما ذلك إلا أنه أصبح هناك وعي بضرورة الإيجابية في الرد على مثل ذلك والكف عن الكلام والدفاع وذلك بارتداء الحجاب بنوعية غيظا لأعداءنا وبهذا الوعي الجديد ارتدت الكثيرات النقاب وأعلن في تحدي

http://www.egyptiantalks.org/invb/?showtopic=87550

عندك خبر اليوم من فرنسا - فى عدم الالتزام بقانون المرور .....

تغريم امرأة في فرنسا تقود السيارة وهى ترتدي النقاب

غرمت الشرطة الفرنسية امرأة لأنها كانت تقود سيارتها وهي مرتدية النقاب.

وأوقف رجل شرطة في مدينة نانت المرأة (31 عاما) وطلب مراجعة أوراقها.

وذكرت إذاعة «أوروبا - ا» أن المرأة كشفت عن وجهها أيضا لضابط الشرطة للتأكد من شخصيتها.

ولان النقاب يحجب الرؤية أثناء القيادة ومخالف لقوانين المرور - طلب رجل الشرطة من المرأة دفع غرامة قدرها 22 يورو (29 دولارا)

ووصفت المرأة وهي فرنسية ترتدي النقاب منذ تسعة أعوام ، هذا الأمر بأنه تفرقة عنصرية محضة ضدها وقالت إنها تعتزم رفع شكوى.

هل توجد إحصائية عندهم أو في أي مكان تقول أن المنتقبات يقعون في حوادث الطرق أو أكثر مخالفة لقواعد المرور من النساء المتبرجات أو حتى الرجال فستندوا على هذه الإحصائية في ذلك

المرأة منتقبة منذ تسع سنوات ولم يحدث منها حادثة طريق فعلى أي أساس أخذت غرامة!!!؟؟

أعلم أن وجود امرأة عارية تماما يحدثث أزمات مرورية فهل يجرمون من تفعل ذلك وهو يحدث عندهم كثيرا

تعرض النساء عاريات عندهم في البترينات كما الأحذية والملابس ليمر عليها الرجال يمعنون النظر لينتقون منهن ويطلبون ما يشاءون منهن للمتعة ولا يرون في ذلك بأسا

عجبا لهم ثم عجبا أليس منهم رجل رشيد ؟؟؟

[الدكتورة أم أحمد]

']

يبقى مجرد رأي شخصي لحضرتك يا مادام ضحى و لا دليل ملموس و منطقي على اثبات وجود هذه المؤامره الا في أدمغة بعض المسلمين

الدليل هو الاف المحجبات اللي عايشين في اوروبا و امريكا بمنتهى الحريه في كل جوانب حياتهن

فرق كبير جدا بين الحجاب و النقاب يا اخواني و تأثيره على الآخر هناك في الغرب الكافر

عداك الصواب في ذلك يازوهيري

فلي ثلاثة بنات لأخي تعرضن لمضيقات كثيرة بسبب الحجاب في أمريكا وليس النقاب ويلبسن الإيشارب الطويل والعباءة

حتى أن واحدة منهن تخلت عن حلمها في أن تكون صيدلانية لأنها بعد سنوات التمهيدي لابد لها من التدريب في صيدلية فتعرضت لمضايقات بسبب الحجاب وليس النقاب حتى تركت فكرة الالتحاق بالصيدلة وهي الآن مدرسة في مدرسة إسلامية

وهي كندية لأم كندية والأب مصري

يبقى مفيش فرق بين الحجاب والنقاب ياإخوني لكنها محطات أو مرحلة تتلوها مرحلة أخرى

الله المستعان

[mekkawy]

كل الايات الشريفه دي يا مكاوي استدلال في غير موضعه

متشكر جداً ع الافادة يا باشا ... لكن الايات استدلال في موضعه ... انما حضرتك شايفها كدة لأن الوهم الحضاري اللي عايش فيه معظم من سافر إلى الغرب أعمى عيونهم عن أصولهم الشريفة و القوية ذات الجدور التي لن تنقطع مهما حاولوا قطعها و التشبث بفروع حضارة لن تلبث ان تزول مهما طالت.

انا حتكلم عن كندا بس يا مكاوي (برغم اني شفت في مطار فرانكفورت راجل مصري ملتحي حاصل على الجنسيه الالمانيه و السبحه في ايده و بيقوم يصلي في وقت الصلاه و المهم انه ماسك منصب جيد في المطار الالماني)

واضح إن المنتدى أصبح فيه فوبيا كندا ... لدرجة إن بعض الإخوة لا يقبلوا المساس بالحبيبة المحبوبة كندا ... بالرغم من انهم يشاهدون كل يوم المساس برموز الدين هذا إن لم يشاركوا في هذه الحرب ... أيوووووووون حرب

كندا طوال اكثر من عام لم اشاهد فيها اي تعدي او حتى اي ملمح للكراهيه ضد المسلمين

الجوامع موجوده و المصليين بيصلوا و المحجبات ماليين الدنيا و منهم اللي بيشتغلوا في وظائف حكوميه بالحجاب كمان

صدقوني ماشفتش اي عنصريه ضد الاسلام برغم كوني مسلم و اسمي محمد و بروح الجامع و بمارس عباداتي بمنتهى الحريه

حتى في العيد بيدونا ملعب كوره كبيير متغطي علشان نصلي فيه العيد

و الله كتر خيرهم بجد انهم رفعوا من علينا الجزية .... للأسف الهرم عن حضرتك مقلوب يا زهيري باشا

عايزني اصدق وهم في دماغكم و اكذب حقيقه شايفها بعيني كل يوم و كل ساعه؟؟؟!!!

حضرتك و كتييييييير من المهاجرين المنعمين في نعيم الهجرة الكاذب شايفين اللي محطوط لكم تشوفوه و متعمين و متغمين عن اللي مش مطلوب ولا مفضل إنكم تشوفوه ... و مش فاهم حقيقة ايه اللي شايفها جنب الآيات الملئ بها كتابنا ... كتاب المسلمين ... القرآن !!!

حضرتك بكلامك ده محتاج مراجعة شديدة جداً لثوابتك و معتقداتك لأنك كدة على شفا فهم خاطئ و مش هأقول نفي .. لأ هأقول فهم خاطئ لآيات هي أوضح من ان نفهمها بشكل خاطئ ... الوهم اللي حضرتك بتقول عليه ده تفسير قرآن كريم من رب العالمين قام بيه قبل الجميع النبي محمد صلى الله عليه و سلم و قام بيه علماء أكابر في علم التفسير ... علماء قدامي عشان ما نختلفش في علماء الفضائيات و علماء الأزهر ... و في كل خير ...

الوهم اللي حضرتك بتقول عليه ده .. هيطولك هيطولك ... و هيطول غيرك كتير أوي و ساعتها هتصدقه لأنه حضرتك مش وهم أبداً ... ده حقيقة ... إنما اللي حضرتك شايفه هو اللي وهم

يعني يا أخي ربنا يقولك (و يمكرون و يمكر الله) و انت تقول وهم ؟؟

يعني يا أخي ربك يقولك (ودوا لو تكفرون ) و انت تقول وهم؟؟

يعني يا أخي ربك يقولك (فلا تتخذوا منهم أولياء) و انت تقول وهم؟؟

يعنى يا أخي ربك يقولك (... حسداً من عند أنفسهم ...) و انت تقول وهم؟؟

معلش أنا هأصدق ربنا و مش هأصدقك انت الصراحة ... و انت كمان خوفاً على دينك لازم تصدق ربنا و تكدب فهمك ... و تكدب الوهم اللي انت شايفه بعينك .. لأن عين حضرتك و عيون مسلمين كتيييييير و يمكن أنا منهم محتاجة نقاهة شويةمن الغشاوة اللي مغطياها

موضوع النقاب بقى مختلف حبتين

النقاب بالنسبالهم او لجزء منهم رمز للتطرف

و بالنسبة لينا دين و عبادة ... أنا مش عارف ليه حضرتك واخد جنبهم أوي كدة و بتبرر ليهم أفعال يرفضها الشرع .. هو حضرتك مع الشرع و الدين ولا ليك رأي تاني ؟

و التطرف هو مقدمة الارهاب و سكة القتل و العنف

و بالتالي موقفهم منه مختلف تماما و فاهمين انه مش من صميم الدين بدليل وجود مسلمات محجبات فقط و مسلمات غير محجبات اصلا

حضرتك و احنا هناخد ديننا منهم أو هنوظف الدين و نشكله على هواهم و على حسب فهمهم علشان نكون متحضرين و كويسين و متعايشين ؟؟ هو إحنا بناخد ديننا من الله ولا بناخده من البلد اللي إحنا عايشين فيها ؟

و وصلوا لقناعه ان المنقبه هي ارهابية محتمله

يا ريت حضرتك تلاحظ بأة كلمة حرب هنا معناها ايه ... هم عاوزين يخسفوا بأي مظهر ديني الأرض و يلغوا من الوجود .. بس يا خسارة .. هيهات ... مش هينفع للأسف عشان هذا الدين متين

بالطبع محدش يقدر يكلمها او يضايقها لو ماشيه في حالها

لكن عند التفاعل في عمل او دراسه ...المخاوف بتصحى و التوتر بيبتدي

هي دي وجهة نظرهم و هم حرين فيها و اللي عايز يقبلها يقبلها و اللي مش عايز يقبلها يستحمل قرفها لغاية ما الفكره دي تتشال من دماغهم

او لغاية ما ينتصر المسلمون و يقومون بفتح و تحرير الغرب الكافر و فرض النقاب على الجميع

سخرية مرفوضة على فكرة جداً في أسلوب حضرتك و يا ريت يا سيدي كل النساء تنتقب يا رب افتح لدينك مد البصر اللهم آمين ... اه و على فكرة .. يا ريت تقرأ في أحداث النهاية .. هتلاقي فيها فتح الغرب الكافر ان شاء الله و ده كلام النبي محمد صلى الله عليه و سلم مش كلامي ... يعني هيتفتح إن شاء الله .. و ساعتها مفيش لا كندا و غيرها

بسيطه يا جماعه و الله

مكاوى

[MZohairy]

كل الايات الشريفه دي يا مكاوي استدلال في غير موضعه

متشكر جداً ع الافادة يا باشا ... لكن الايات استدلال في موضعه ... انما حضرتك شايفها كدة لأن الوهم الحضاري اللي عايش فيه معظم من سافر إلى الغرب أعمى عيونهم عن أصولهم الشريفة و القوية ذات الجدور التي لن تنقطع مهما حاولوا قطعها و التشبث بفروع حضارة لن تلبث ان تزول مهما طالت.

انا حتكلم عن كندا بس يا مكاوي (برغم اني شفت في مطار فرانكفورت راجل مصري ملتحي حاصل على الجنسيه الالمانيه و السبحه في ايده و بيقوم يصلي في وقت الصلاه و المهم انه ماسك منصب جيد في المطار الالماني)

واضح إن المنتدى أصبح فيه فوبيا كندا ... لدرجة إن بعض الإخوة لا يقبلوا المساس بالحبيبة المحبوبة كندا ... بالرغم من انهم يشاهدون كل يوم المساس برموز الدين هذا إن لم يشاركوا في هذه الحرب ... أيوووووووون حرب

كندا طوال اكثر من عام لم اشاهد فيها اي تعدي او حتى اي ملمح للكراهيه ضد المسلمين

الجوامع موجوده و المصليين بيصلوا و المحجبات ماليين الدنيا و منهم اللي بيشتغلوا في وظائف حكوميه بالحجاب كمان

صدقوني ماشفتش اي عنصريه ضد الاسلام برغم كوني مسلم و اسمي محمد و بروح الجامع و بمارس عباداتي بمنتهى الحريه

حتى في العيد بيدونا ملعب كوره كبيير متغطي علشان نصلي فيه العيد

و الله كتر خيرهم بجد انهم رفعوا من علينا الجزية .... للأسف الهرم عن حضرتك مقلوب يا زهيري باشا

عايزني اصدق وهم في دماغكم و اكذب حقيقه شايفها بعيني كل يوم و كل ساعه؟؟؟!!!

حضرتك و كتييييييير من المهاجرين المنعمين في نعيم الهجرة الكاذب شايفين اللي محطوط لكم تشوفوه و متعمين و متغمين عن اللي مش مطلوب ولا مفضل إنكم تشوفوه ... و مش فاهم حقيقة ايه اللي شايفها جنب الآيات الملئ بها كتابنا ... كتاب المسلمين ... القرآن !!!

حضرتك بكلامك ده محتاج مراجعة شديدة جداً لثوابتك و معتقداتك لأنك كدة على شفا فهم خاطئ و مش هأقول نفي .. لأ هأقول فهم خاطئ لآيات هي أوضح من ان نفهمها بشكل خاطئ ... الوهم اللي حضرتك بتقول عليه ده تفسير قرآن كريم من رب العالمين قام بيه قبل الجميع النبي محمد صلى الله عليه و سلم و قام بيه علماء أكابر في علم التفسير ... علماء قدامي عشان ما نختلفش في علماء الفضائيات و علماء الأزهر ... و في كل خير ...

الوهم اللي حضرتك بتقول عليه ده .. هيطولك هيطولك ... و هيطول غيرك كتير أوي و ساعتها هتصدقه لأنه حضرتك مش وهم أبداً ... ده حقيقة ... إنما اللي حضرتك شايفه هو اللي وهم

يعني يا أخي ربنا يقولك (و يمكرون و يمكر الله) و انت تقول وهم ؟؟

يعني يا أخي ربك يقولك (ودوا لو تكفرون ) و انت تقول وهم؟؟

يعني يا أخي ربك يقولك (فلا تتخذوا منهم أولياء) و انت تقول وهم؟؟

يعنى يا أخي ربك يقولك (... حسداً من عند أنفسهم ...) و انت تقول وهم؟؟

معلش أنا هأصدق ربنا و مش هأصدقك انت الصراحة ... و انت كمان خوفاً على دينك لازم تصدق ربنا و تكدب فهمك ... و تكدب الوهم اللي انت شايفه بعينك .. لأن عين حضرتك و عيون مسلمين كتيييييير و يمكن أنا منهم محتاجة نقاهة شويةمن الغشاوة اللي مغطياها

موضوع النقاب بقى مختلف حبتين

النقاب بالنسبالهم او لجزء منهم رمز للتطرف

و بالنسبة لينا دين و عبادة ... أنا مش عارف ليه حضرتك واخد جنبهم أوي كدة و بتبرر ليهم أفعال يرفضها الشرع .. هو حضرتك مع الشرع و الدين ولا ليك رأي تاني ؟

و التطرف هو مقدمة الارهاب و سكة القتل و العنف

و بالتالي موقفهم منه مختلف تماما و فاهمين انه مش من صميم الدين بدليل وجود مسلمات محجبات فقط و مسلمات غير محجبات اصلا

حضرتك و احنا هناخد ديننا منهم أو هنوظف الدين و نشكله على هواهم و على حسب فهمهم علشان نكون متحضرين و كويسين و متعايشين ؟؟ هو إحنا بناخد ديننا من الله ولا بناخده من البلد اللي إحنا عايشين فيها ؟

و وصلوا لقناعه ان المنقبه هي ارهابية محتمله

يا ريت حضرتك تلاحظ بأة كلمة حرب هنا معناها ايه ... هم عاوزين يخسفوا بأي مظهر ديني الأرض و يلغوا من الوجود .. بس يا خسارة .. هيهات ... مش هينفع للأسف عشان هذا الدين متين

بالطبع محدش يقدر يكلمها او يضايقها لو ماشيه في حالها

لكن عند التفاعل في عمل او دراسه ...المخاوف بتصحى و التوتر بيبتدي

هي دي وجهة نظرهم و هم حرين فيها و اللي عايز يقبلها يقبلها و اللي مش عايز يقبلها يستحمل قرفها لغاية ما الفكره دي تتشال من دماغهم

او لغاية ما ينتصر المسلمون و يقومون بفتح و تحرير الغرب الكافر و فرض النقاب على الجميع

سخرية مرفوضة على فكرة جداً في أسلوب حضرتك و يا ريت يا سيدي كل النساء تنتقب يا رب افتح لدينك مد البصر اللهم آمين ... اه و على فكرة .. يا ريت تقرأ في أحداث النهاية .. هتلاقي فيها فتح الغرب الكافر ان شاء الله و ده كلام النبي محمد صلى الله عليه و سلم مش كلامي ... يعني هيتفتح إن شاء الله .. و ساعتها مفيش لا كندا و غيرها

بسيطه يا جماعه و الله

مكاوى

للأسف لن استطيع ان اكمل معك الحوار

طول ما انت معتقد انك الوحيد اللي فاهم في الدين و اي حد بيفكر بطريقه مختلفه عنك ما بيفهمش يبقى الحوار ليس له مكان

عموما تقدم الأمة الاسلامية واضح و مبهر للجميع بسببكم فهنيئا لك به

تحياتي

[zika]

مساء الخير عليكم اولا

في البداية كدة انا متفق مع كل الاخوة اللى زعلهم الخبر ده , اللى هو منع النقاب في كيبك او غيرها من الاماكن

بس لازم في الاول نفرق بين الاماكن اللى فيها كدة و الاماكن اللى مش فيها كدة و منخدش ده بذنب ده لانى بشوف بعض الاخوة بيربطو مثلا حظر بناء المآذن بسويسرا بحظر النقاب في كيبك بحاجة تالتة يمكن تحصل في حتة تانية و يقولو الغرب عمل كذا و كذا

مع ان ده بيخالف مبدأ اساسي للعدل ده غير انو كمان مبدأ إسلامى و هو " لا تزر وازرة وزر أخرى"

خصوصا و ان اغلب المجتمعات الغربية مش فيها النوع ده من الحظر

نيجى لنقطة تانية و دى برضو اثارها بعض الاخوة و هى انو دي صورة من صور الحرب على الاسلام

بس هو لو كان كدة طاب ليه مثلا بيسمح للدعوة للاسلام في الغرب و باقامة المساجد و بغيره من الشعائر الاسلامية ؟

فما بالنا و ان النقاب بالذات بيجدو الكثير من المسلمين بيقولو انو مش من الاسلام

(انا عارف طبعا ان ده مش راي كل المسلمين بس الراى ده منتشر جدا هناك)

لكن القصد ان افتراض محاربة الاسلام عشان منع النقاب اكيد مش افتراض قوى بما فيه الكفاية

نيجى بقى لآخر نقطة و معلش طولت عليكو بس دي بالذات أهم نقطة

و هى ان المشكلة في الخبر ده هو قضية التعدي على الحرية الشخصية

و ده بالمناسبة موقف كتير من المؤسسات الغربية برضو اللى شافت ان ده تعدي على الحرية

لكن السؤال الى يهمنا فعلا يا إخوانى

هل المعنى ده مترسخ عندنا فعلا ؟؟

هل احنا بنهتم لمسالة الحرية الشخصية ؟؟

و هل ينفع نطالب غيرنا بحاجة احنا مش بنعترف بيها ؟؟

و هو ده بالمناسبة الخلاف الاساسي بين ثقافتنا و ثقافة الغرب هي قضية الحرية

يعنى الحكاية مش مسالة اختلاف اديان انما الاختلاف في نظرتنا للحرية

هم و للاسف الشديد ارتبط عندهم الاسلام بالتعدي على الحرية الشخصية

و عشان كدة بئو بيشوفوه خطر على ثقافتهم

ده حتى في نقاشتهم حولين حظر النقاب ,اللى كانو بيؤيدو الحظر قالو عن النقاب انو رمز للاستبداد (ده طبعا من وجهة نظرهم هم)

يعنى هى دى القضية , مش مسالة حرب على الاسلام او حاجة

و في النهاية تحياتى للجميع

و يا رب اكون وضحت فكرتى من غير ما اتفهم غلط

[MZohairy]

مفهوم الدين في الغرب مش متعمق زي الشرق ابدا

مابيفكروش فيه كتير زينا

و مش شاغلين نفسهم بيه

و كتير منهم ملحدين

اللي عايز يعيش بقى قصه وهميه من وجود اعداء همهم الأوحد هو الاسلام فليعش هذه القصه و يسعد بها

و ربنا معاه و معانا

[mekkawy]

للأسف لن استطيع ان اكمل معك الحوار

طول ما انت معتقد انك الوحيد اللي فاهم في الدين و اي حد بيفكر بطريقه مختلفه عنك ما بيفهمش يبقى الحوار ليس له مكان

عموما تقدم الأمة الاسلامية واضح و مبهر للجميع بسببكم فهنيئا لك به

تحياتي

الفاضل mzohairy

الحمد لله لم أفترض أبداً علمي و جهل غيري و على كل سعيد بإنهاء الحوار معك عند هذه المرحلة

و مرة أخرى لا داعي للسخرية في أسلوبك الحواري و لا داعي للتحزيب و التفرقة ... دمت بخير

مكاوى

[MZohairy]

للأسف لن استطيع ان اكمل معك الحوار

طول ما انت معتقد انك الوحيد اللي فاهم في الدين و اي حد بيفكر بطريقه مختلفه عنك ما بيفهمش يبقى الحوار ليس له مكان

عموما تقدم الأمة الاسلامية واضح و مبهر للجميع بسببكم فهنيئا لك به

تحياتي

الفاضل mzohairy

الحمد لله لم أفترض أبداً علمي و جهل غيري و على كل سعيد بإنهاء الحوار معك عند هذه المرحلة

و مرة أخرى لا داعي للسخرية في أسلوبك الحواري و لا داعي للتحزيب و التفرقة ... دمت بخير

مكاوى

يمكنك يا سيدي التقدم بشكوى ضدي للإدارة اذا ارتأيت خروجا عن الآداب او التقليل من شأن اي محاور في كلامي ببساطه

عوده لموضوعنا

هناك موضوع آخر مفتوح يتناقش في ترتيب الأمه الاسلاميه حاليا بين الأمم ( اذا كانت مازالت موجودة)

و توصل معظم المشاركين حتى الآن بأن هذه الأمه ليس لها ترتيب بين الأمم حاليا

فالفقر و الجهل و المرض ينتشرون فيها انتشارا ليس بالبسيط

هذا بالاضافة الى مرض هام جدا ينتشر فيها بشراهة و هو الكراهية

كراهية السني للشيعي و العكس

و كراهية الوهابيين للأزهريين و العكس

و كراهية كل من يختلف معه المسلم في الرأي بشكل عام

نستخلص من هذا ان الأمة الاسلامية لو كان لها وجود حاليا فهي في مؤخرة الأمم (بصرف النظر عن اسباب التقهقر)

و السؤال الأهم و المحير

لماذ يمكن ان يخشى الغرب الكافر هذه الأمة المتقهقرة المتراجعة الغير متقدمة حاليا في اي شيئ؟

اليس من المفروض ان يخشى المتقدم من يصارعه على المركز الأول؟

او حتى واحد من الثلاثة الاوائل؟

شفتوا مره صاحب المركز الأول يرتجف و يفكر و يخشى من صاحب المركز الأخير؟

ارجوكم فوقوا كمسلمين و اعرفوا حقيقة وضعنا الحالي بين الأمم بدلا من التباهي الخادع

و اعرفوا اسباب تقهقركم و صلحوها

حتى و لو كانت هذه الأسباب هي بعدكم عن الله

اقتربوا منه

لكن لا تعيشوا في الوهم بالله عليكم

لا تعتقدوا انكم في صراع معهم او انهم يخشونكم او يفكرون فيكم

كل ده بيشغلكم عن علاج نقاط الضعف الموجوده فيكم و الانشغال عنها بأحاسيس وهميه تصور لكم امور لا و لن تحدث

عندما يكون لأمتكم الاسلاميه قيمه بين الدول و تستطيع التأثير فيها بقوة الصناعه او الاقتصاد او الزراعه او الطب او اي علم من العلوم

اعرفوا وقتها انهم من الممكن ان يخشونكم

اما حاليا فالوضع شبيه بالقطه التي تنونو على طائره في السماء و تعتقد ان الطائرة تفر منها خوفا و فزعا

آسف لو زعلت حد و اشكركم

[أحمد سيف]

وآدي تكملة قصة المنقبة اللي خذت مخالفة المرور في فرنسا لارتداءها النقاب

تبيّن أنها الزوجة الرابعة له بالمخالفة للقانون

غرامة سير لمنقبة فرنسية تهدّد زوجها الجزائري بالترحيل

وزير الداخلية طالب بتجريد الزوج من هويته الفرنسية

دبي - العربية.نت

كشفت غرامة سير ضد منقبة في أحد شوارع مدينة "نانت" الفرنسية عن مخالفة زوجها الجزائري لقانون يمنع تعدد الزوجات بزواجه من أربعة، كانت هي آخرهن، ما قد يعرضه للترحيل.

وكان رجلا شرطة غرّما امرأة منقبة فرنسية (31 عاما) 22 يورو بسبب ارتدائها النقاب أثناء قيادة السيارة ما يقلص نطاق رؤيتها ويعرض حياتها وحياة الآخرين للخطر، واستندا في ذلك إلى بنود قانون السير الفرنسي الذي يقول إن السائق ينبغي أن يحظى بقدرة كاملة على الحركة والرؤية أثناء القيادة.

وقالت جريدة "الحياة" اللندنية في صدر صفحتها الأولى الأحد 25 ابريل (نيسان) إن السيدة احتجت على ذلك وطلبت في رسالة وجهتها إلى دائرة الشرطة إنصافها، وإعفاءها من الغرامة باعتبار أن الشرطيين تعدّيا على حريتها الفردية وعلى خيارها اعتناق الإسلام وارتداء النقاب.

وبعد التحقيق في شكواها تبيّن أنها متزوجة من رجل جزائري الأصل، اكتسب الجنسية الفرنسية بزواجه منها عام 1999، وتبين أيضاً أنها ليست الزوجة الوحيدة، وإنما الزوجة الرابعة للرجل المتزوج من ثلاث أخريات، وله منهن 12 ولداً، تتقاضى كل منهن إعانة اجتماعية بحجة أنهن يربين أولادهن بلا أب، كما تم الكشف عنه أنه ينتمي لجماعة "التبليغ" المحظورة قانوناً في فرنسا.

ونتيجة لهذه المعلومات، وجّه وزير الداخلية الفرنسي بريس هورتفو رسالة إلى وزير الهجرة والاندماج والهوية الوطنية "تريك بيسون" مطالباً إياه بتجريد الزوج من هويته الفرنسية وهو ما يعرضه للترحيل.

واستقل مؤيدو الحظر الكلي للنقاب، للتأكيد بأنهم كانوا على حق في مواقفهم حول خطورته.

عمر ما المشكلة ما كانت في النقاب ... المشكلة هي في النمط الفكري الذي يرمز له.