منع النقاب في الاماكن العامة

[المهندس يحى]

عندى سؤال

مروه الشربينى اتقتلت ليه حد فاكر؟؟؟؟؟؟؟؟؟؟؟؟؟

[المهندس يحى]

رايحة لكندا تنقل لهم التخلف والصورة السيئة يا جماعة النقاب ليس فرض ليس فرض بل هو بدعة من بدع ال سعود "

مكملتش ليه المفروض تقول ان كل بدعه ضلاله وكل ضلاله فى النار

يانهاااااااار ميش فايت

المنقبه فى النار عشان بتحافظ على نفسها

انا لله وانا اليه راجعون

[اغابي]

ايه يا عم مكاوي

انت واخد الموضوع بحساسية اوي بصراحه

احنا قلنا ان الموضوع لا يخرج عن كونه انتهاك لقوانين بلد ليس اكثر وعايزك تاخد الامور بهدوء وفكر في الكلام ده هاتلاقيه كلام مقنع جدا

وكمان مداخلة زهيري وضحت الامور بشكل جميل اوي وده واحد عايش في البلد اللي احنا بنتكلم عنها انها بتمنع المنقبات من حضور الدراسه والراجل بيقول ان مافيش اي عنصريه للمسلمين ولا غير المسلمين واللي بيحس بان فيه حد بيعامله بعنصريه بيتصل بالبوليس يجيبلو حقه بالقانون

وبعد كل الكلام اللي قلناه انت بتصر علي ان هذا الاجراء وهو منع المنقبات من الدراسه بتصر علي انه نوع من انواع الحرب علي المسلمين

مش عارف اقولك ايه بصراحة يا مكاوي

احنا قلنا كل اللي عندنا وانت مش عايز تقتنع

انت حر

بس قبل مانهي مداخلاتي في هذا الموضوع احب اقولك كلمتين مهمين

النقاب المسلمين نفسهم مختلفين في حكمه بما فيهم الفقهاء الاربعة الكبار

ولما تكون من مصلحة الامن او القانون ان ماحدش يرتدي نقاب يبقي الاهم احترام القانون

والدليل ان الموضوع مش نقاب ولا حرب وانما هو تطبيق للقانون - فالقانون هناك يطبق على المنقبة والوزير اذ ان كلاهما خالف

القانون . . .

اليكم هذا الخبر .....

27/04/2010

حوادث >>

مخالفة وزير بريطاني لاستخدام الهاتف أثناء القيادة

لندن - يو بي آي -

فرضت الشرطة البريطانية غرامة مالية مقدارها 60 جنيهاً إسترلينيا (92.6 دولار) على إد بولز وزير الأطفال والمدارس في حكومة غوردون براون بسبب استخدام هاتفه الجوال أثناء قيادة سيارته.

وأبلغ بولز، المتزوج من وزيرة العمل والتقاعد إيفيت كوبر، صحيفة «ديلي ميرور» أمس أن الحادث حصل بينما كان يقود سيارته من مقاطعة يوركشاير باتجاه لندن، حيث أوقفته الشرطة لاستخدامه هاتفه الجوال.

وقال الوزير البريطاني إنه «فضّل عدم التحدث عبر مكبر الصوت كي لا يوقظ أطفاله»، مؤكداً أنه قبل دفع الغرامة وشطب ثلاث نقاط من رخصة القيادة.

تحياتى

اغابي

[hazemtara]

رايحة لكندا تنقل لهم التخلف والصورة السيئة يا جماعة النقاب ليس فرض ليس فرض بل هو بدعة من بدع ال سعود

يعنى النقاب لم يكن موجود على عهد النبى والخلافء الراشدين والخلافة الأموية والعباسية والدولة الأيوبية والفاطمية والمماليك والعثمانين وظهر فجأة فى عهد آل سعود؟؟؟؟؟؟؟؟؟؟!!!!!!!

ما أعرفة عن تاريخ النقاب أنة حتى موجود فى جزيرة العرب من قبل عهد النبى صلى الله علية وسلم.

يا أخى الفتوى فى الدين بغير علم شيئ عظيم.

يا شباب الفتوى فى الدين أمر عظيم فلا تستهينوا بة ؟؟؟ كان كبار الصحابة على عهد النبى والخلفاء الراشدين يحاولون الهروب من الفتوى قدر المُستطاع ولا يتكلمون بشئ من هذا إلا أن يكونوا مُقينين بة تماماً وعندهم من الحجج القوية،،وذلك لعلمهم بأن أثر الفتوى ممتد إلى يوم الدين لأن كل من عمل بهذة الفتوى فأنت مسؤل عنة وستحاسب عنة إما بخير أو بشر؟؟؟؟

وهناك من أحاديث النبى الكثير الذى يُؤكد ذلك الكثير.

[MZohairy]

عندى سؤال

مروه الشربينى اتقتلت ليه حد فاكر؟؟؟؟؟؟؟؟؟؟؟؟؟

و السياح الالمان اتقتلوا ليه في مصر؟ حد فاكر؟

[doha]

عندى سؤال

مروه الشربينى اتقتلت ليه حد فاكر؟؟؟؟؟؟؟؟؟؟؟؟؟

للاسف سيدي الفاضل واضح ان محدش فاكر

بس العزاء الوحيد انها ربنا يتقبل منها ادت الي عليها وتركت الدنيا باذن الله شهيده ماتت لمجرد انها امنت بالدين الي تيقنت كونه الحق

ربنا يجمعنا بيها في الجنة ويهدي الضال مننا قبل فوات الاوان

[MZohairy]

لا للأسف هي ماتت بسبب ما تركه بعض الارهابيون المسلمون من انطباع لدى الغرب صور كل من يرتدي نقاب و يليه الحجاب (بصوره اقل كثيرا) انه ارهابي او مشروع له

مما أدى لقتلها على يد احمق متهور آمن بمبدأ الاستريو تايب

رحمة الله عليها

[doha]

لا للأسف هي ماتت بسبب ما تركه بعض الارهابيون المسلمون من انطباع لدى الغرب صور كل من يرتدي نقاب و يليه الحجاب (بصوره اقل كثيرا) انه ارهابي او مشروع له

مما أدى لقتلها على يد احمق متهور آمن بمبدأ الاستريو تايب

رحمة الله عليها

كلام حلو .. ولما ( البعض ) تصور غلط وقتلها بناء على هذا التصور ليه ( البعض ) الآخر متصرفش صح واعطى المجرم جزاؤه ؟؟

وليه زوجها تم اصابته ومن ظابط الشرطه الواقف في المحكمه والمفروض انه محايد جاي يحمي الضعيف مش يفتري عليه ؟؟

المسألة واضحه للي عاوز يشوفها صح اما الي عاوز يجد مبررات فمش هيعدم طريقة ..

[mekkawy]

السلام عليكم و رحمة الله و بركاته

يا مدام ضحى متتعبيش نفسك ... إن الله يهدي من يشاء .. فلا تذهب نفسك عليهم حسرات ... و زي ما الأستاذ مزهيري قال .. كل واحد بيقرأ اللي هو عاوز يقرأه ... و كل واحد شايف اللي هو عاوز يشوفه ... و هناك من يرى بهدي الله و هناك من يرى بهدي الشيطان و العالم كله لن يجتمع على شئ واحد ... بس كان نفسي المسلمين اللي هنا يجتمعوا على كلمة واحدة ... سبحان الله ... كل لما أدخل الموضوع ده دمي يتحرق حزناً و ألماً على المسلمين ...

العزيز زهيري ... عتاب ليك كبير أوي يا أخ زهيري ... يام خلاص من كرهك للمسلمين بتدافع و تحاجي عن السياح الألمان و مش مهتم ولا مكترث نهائي بالأخت اللي اتقتلت ؟؟؟ ايه يا أخي ... خلاص أوي كدة مش طايق الاسلام ولا المسلمين و كل لما حد يقولك بينة تجادل و تحاجي للكفار الحلوين ؟؟

و الله بأعاتبك عتاب الأخ المحب اللي خايف على أخوه .. هتقولي يا سيدي خليك في حالك و ملكش دعوة بيا .. هقولك أعمل ايه مش قادر أصلي بأحبك .. بأحبك حب الدين اللي مش ممكن هتلاقيه في أي حتة ... بأحبك عشان يا سيدي الاسلام اللي انت عمال تجادل فيه بشتى الطرق أمرني أحبلك اللي أحبه لنفسي... و أنا ما أحبش لنفسي أكون صداد عن الاسلام بالشكل ده ... يا أخي بالله عليك تراجع نفسك و معتقداتك .. و الله باكتبلك و أنا بأبكي .. يا أخي و الله بأبكي بحرقة على التغير اللي طالك للدرجة دي ... و الله العظيم لم أحزن في حياتي مثلما أنا اليوم ... بالله تراجع نفسك .. انت مهم أوي للإسلام و الله و ما أقدرش ولا غيري يقول يا عم في داهية اهو واحد و يجي غيره ألف ... لا لا ... إنت بألف ... بس إنت كدة بألف ضد الاسلام ... بس راجع نفسك بس و إديها فرصة ... بص يا سيدي على ربع الكباية المليان في الاسلام و المسلمين .. أنا مش متخيل و الله إنك بتحاجي بالقوة دي ضد الإسلام ... أنا خايف عليك و الله تشرب من كأس مر و ساعتها محدش هينفعك ... يا أخي و الله ما كنت هأكتب الكلام ده و كنت داخل أقول كلام تاني خالص بس ما قدرتش ... قلت أنصحه و أجري على الله و نصيحة أخيرة يا أخي ربك بيقول في القرآن (و من يتولهم فإنه منهم) احذر احذر احذر التحذير الرباني و اقعد مع نفسك شوية و فكر بقلبك المسلم المليان خير

و الله أنا خلاص ما عارف أقول إيه تاني ... بس كل ما أرجو من الله إنك تغير أفكارك ... و هأدعيلك كتير أوي أوي

أصلح الله لنا حالنا جميعاً

الأخ اسلام المصري ليا عودة معاك إن شاء الله

مكاوى

[Melhakim]

رايحة لكندا تنقل لهم التخلف والصورة السيئة يا جماعة النقاب ليس فرض ليس فرض بل هو بدعة من بدع ال سعود

عليك من الله ما تستحقه

[mekkawy]

رايحة لكندا تنقل لهم التخلف والصورة السيئة يا جماعة النقاب ليس فرض ليس فرض بل هو بدعة من بدع ال سعود

للأخ اللي بيصف النقاب أو المنتقبة بالتخلف

و سبحان الله اسمك على .. و كان سيدنا على رضى الله عنه من أغير الرجال ... سبحان الله الغيرة نعمة

اسمحلي ... حضرتك بالأسلوب ده ما أظنش ليك مكان هنا في المنتدى الجميل ده ... حتى و مع اختلافاتنا مع بعض و مع آرائنا المتضاربة لكن كل واحد عارف حدوده كويس و لم يصدر عن أي أخ أي تجاوز أو اعتداء لفظي أو معنوى على إخوانه ... معظم الأخوات هنا من المنتقبات حفظهم الله و إن لم يكن منتقبات فهن يقدرن هذا في أخواتهن و كلنا نقدره من أولنا لآخرنا ... فإن كنت ترى أن النقاب تخلف و بدعة فاسمحلي أنك تحتاج إلى كثير من الفقه و المراجعة .. و لن تجد هنا من يصفق لك أنك تسب معلم من معالم الدين بل ستجد كل المعارضة و الاستنكار و الكراهية .. فلا داعي لأن تشتري عداوة إخوانك .. و النقاب الذي تتحدث عنه لو أنه لديك قليل من العلم ستعلم أن أقل قول فيه هو سنيته ... و من العلماء من رفعه إلى درجة الفريضة على اختلاف آرائهم و فهمهم و ادلتهم حفظهم الله جميعاً ... و اسمحلي أوجهلك نصيحة كرجل مسلم ... و اذا كنت تظن إن محدش هيرد عليك تبا غلطان ... هتلاقي اللي يرد عليك .. ناس ربنا استخدمهم و هيردوا عليك بالحسنى مع الحزم .. مش مطلوب مننا كمسلمين ندلع اللي يسب الدين أو يسب أحد رموزه أو تعاليمه ... هنكلمك بالحسنى آه كما أمر النبي محمد صلى الله عليه و سلم ... لكن بشدة و معذرة فيها .. هي غيرة مننا على ديننا و خوفاً عليك .. فاستغفر الله أخي الحبيب و تب إليه و لا تعمد إلى العدوانية فلن تجلب عليك سوى الضرر

اه و بالمناسبة .. أنصحك تروح إنت كندا و تنقلهم الصورة الجميلة للإسلام .. بس بما يرضى الله و ليس بما يرضيهم و يرضى الشيطان

مكاوى

[mekkawy]

ايه يا عم مكاوي

انت واخد الموضوع بحساسية اوي بصراحه

احنا قلنا ان الموضوع لا يخرج عن كونه انتهاك لقوانين بلد ليس اكثر وعايزك تاخد الامور بهدوء وفكر في الكلام ده هاتلاقيه كلام مقنع جدا

وكمان مداخلة زهيري وضحت الامور بشكل جميل اوي وده واحد عايش في البلد اللي احنا بنتكلم عنها انها بتمنع المنقبات من حضور الدراسه والراجل بيقول ان مافيش اي عنصريه للمسلمين ولا غير المسلمين واللي بيحس بان فيه حد بيعامله بعنصريه بيتصل بالبوليس يجيبلو حقه بالقانون

وبعد كل الكلام اللي قلناه انت بتصر علي ان هذا الاجراء وهو منع المنقبات من الدراسه بتصر علي انه نوع من انواع الحرب علي المسلمين

مش عارف اقولك ايه بصراحة يا مكاوي

احنا قلنا كل اللي عندنا وانت مش عايز تقتنع

انت حر

بس قبل مانهي مداخلاتي في هذا الموضوع احب اقولك كلمتين مهمين

النقاب المسلمين نفسهم مختلفين في حكمه بما فيهم الفقهاء الاربعة الكبار

ولما تكون من مصلحة الامن او القانون ان ماحدش يرتدي نقاب يبقي الاهم احترام القانون

العزيز اسلام ... درع الاسلام

اتخضيت جداً من غلظة الكلام اللي باينة حتى في لون و حجم الخط

عارف ايه المشكلة .. المشكلة إنك عاوز تقنعني بحاجة و انا بأكلمك في حاجة تانية خالص .. يا سيدي دي قوانين البلد ؟؟ طيب هم حرررين .. أنا عن نفسي مش رايح هناك ولا بأنصح أي مسلم يروح أصلاً ... و مع ذلك ... من حق المسلم ممارسة شعائر دينه في كل بقاع الأرض ولا يحق لأي حد أي كان يمنعه .. و المنتقبة يا سيدي تحملت عبء النقاب و مشاقه و ربنا يجازيها على ده و هي عارفة انها هتقابل مشاكل .. فما تشغلش بالك بيها

موضوع إني أقتنع ده مستحيل قوللي ليه ... لأنك عاوز تقنعني أغير ديني و معتقداتي .. و أقصد بكلمة ديني هنا يعني منهجي و عبادتي مش ديانتي ... و ده غير قابل للتغيير ... أنا أدين إلى الله .. يعني بأعبد الله بإن النقاب فريضة .. آخر يتعبد الله بإن النقاب سنة .. هو حر ... و زي ما انت قلت إن الأئمة اختلفوا فيه .. بس أحب أقولك إن ثلاثة من الأئمة اتفقوا على فرضيته و واحد فقط قال بسنية النقاب !!!

نرجع للإقناع .. فأنا ممكن أقتنع بكلام زهيري مثلاً إن مفيش عنصرية و في رقم للبلاغات و كدة .. كلام جميل و هأرجعله إن شاء الله ... لكن أقتنع إن نلتزم بقوانين البلاد أصل النقاب مش مهم ... مستحيل ... على كدة أنا لو رحت بأة في زيارة عمل ولا عشت هناك هيقولولي احلق لحيتك ... و ده هيكون مستحيل بردو ... يا سيدي الفاضل العالم أصبح أكثر انفتاحية و تقبل للأمور دي ... الملتحي أصبح رجل أعمال و المنتبقة أصبحت سيدة مجتمع و ليهم نشاطاتهم و انتاجيتهم ... للأسف إحنا لسة محبوسين في ثقافة التسعينيات ثقافة الارهاب الاعمى من بعض المنتسبين للدين .. آن الأوان بأة نغيرها .. ولا انت إيه رأيك ... هتقعد بأة تتحجج للغرب إن الصورة السودا عن الاسلام و المسلمين و خاصة المنتقبات هي اللي بتخليهم يعملوا كدة و معلش أصلها قوانين !!! .. بص يا سيدي ... غحنا عاوزين نغير النظرة دي و الفكرة دي عن الاسلام و المسلمين بشتى أشكالهم ... ايه رأيك تشترك معانا؟؟؟؟

مكاوى ...

[mekkawy]

يوجد في كندا تليفون او بالأصح رقم تليفون مجاني تتصل عليه في حالة تعرضك لأي ديسكريمنيشن او ريسيزم ...عنصريه يعني سواء كانت بسبب الدين او الجنسيه او اللون او العرق اووووووو

و برغم اني محصليش حاجه من دي ابدا رغم اني مربي دقني و بروح الجامع احيانا سواء في التراويح و التهجد في رمضان او في صلاة الجمعه و اسمي محمد...

و الله يا باشا إنت خسارة في كندا .. و الله بتكلم جد و متخليش الشيطان يدخل بيننا :lol: بأحبك في الله

المهم واحد قال لواحد مسلم في سوق من الأسواق يا مسلم يا تيروريست قدام الناس في مطعم

فما كان من هذا المسلم الا انه قام و اتصل بهذا الهاتف للبوليس

في خلال 3 دقائق ان لم يكن اقل كان البوليس موجود و مسك الشاتم و المشتوم و سأل الشهود في المطعم و تأكد من الواقعه

(على فكره الشاتم كندي و المشتوم مهاجر مصري)

نموذج ممتاز و بجد شعب يحترم لو كان التطبيق زي ما حضرتك تفضلت و وضحت

خدوا الشاتم على القسم و اتعمله قضيه و اتحكم عليه بغرامه ماليه كبيره تخليه يحرم يشتم حد او يتعنصر ضد حد بسبب دينه او لونه او اي شيئ آخر

يستاهل العنصرى ده

دي الحياه هنا يا جماعه

و انا لما بكلمكم عارف انكم بعيد و مش ممكن تتخيلوها الا من خلال الاعلام و الصحف

و ده قد يكون مضلل بشده

للأسف يا زهيري زي ما الاعلام بيضلل الحقايق عندك الاعلام بيضلل الحقايق عن الاسلام و المسلمين بردو ... و الله يا أخي الاسلام بخير بس ننظر له بعين القلب لا بعين الاعلام

الدين الاسلامي (و كل الاديان الأخرى هنا مصانه و محترمه جدا)

الحمد لله ... لكن أنا مش حابب نجمع الدين الاسلامي مع أي شئ آخر لأن مفيش حاجة اسمها أديان تانية دلوقتي .. و بقول دلوقتي ... إن الدين عند الله الاسلام .. و بعدين هم غصب عنهم الاسلام محفوظ و مصان من فوق سبع سماوات .. و عشان الالتباس .. بقول مفيش أديان اخرى دلوقتي .. لكن قبل الاسلام كان فيه و نسخت ببعثة النبي و ظهور الاسلام.

و لكن اي شيئ قد يضر الآخر و يمكن التوجس منه يعامل بحسم فورا

ليس لأنه اسلامي او بوذي او مسيحي

و لكن لأنه قد يكون مكمن للضرر

حسبنا الله و نعم الوكيل في الاعلام الأسود اللي صور الاسلام على إنه مصدر رعب و خوف و ارهاب ... لكن احنا هنغير الصورة دي إن شاء الله

دي رؤية واحد عايش هنا و لا يوجد ما يدعوني للكذب طبعا

محدش يا باشا افترض فيك أي كذب .. صدقك معلوم و مؤكد :lol:

و للمره العاشرة حاولوا تعرفوا و تفهموا ان الغرب اذا كان بيخشى شيئ ما تجاه المسلمين فهو لا يخشى اسلامهم ابدا

بل يخشى احتمال ارهابية بعضهم

لا اسمحلي هنا أخالفك ... الغرب يخشى اسلامنا و أنا سوقت ليك الأدلة كتير أوي و مش هأكررها .. يا أخي اقرأ بس القرآن و اقرأ منه ايتين رغبة الكفار في انهم يكونوا مسلمين و حسدهم لينا على اسلامنا

فالاسلام لديهم دين زي الربعوميت دين التانيين الا انه يختلف عن الآخرين بظهور معتنقين له مثل بن لادن و المتفجرين المنتحرين

مش مهم الاسلام لديهم ايه ... الاسلام لدينا احنا ايه ؟؟؟ و هل حضرتك متخذ و مقتنع بمبدأهم ده بتاع الروبعميت دين اللي زي بعض ؟؟ مصيبة لو اه .. إن الدين عند الله الاسلام يا محمد

اشكركم

مسامحة يا باشا (العفو بس بالبحريني يعني)

مكاوى

[MZohairy]

السلام عليكم و رحمة الله و بركاته

يا مدام ضحى متتعبيش نفسك ... إن الله يهدي من يشاء .. فلا تذهب نفسك عليهم حسرات ... و زي ما الأستاذ مزهيري قال .. كل واحد بيقرأ اللي هو عاوز يقرأه ... و كل واحد شايف اللي هو عاوز يشوفه ... و هناك من يرى بهدي الله و هناك من يرى بهدي الشيطان و العالم كله لن يجتمع على شئ واحد ... بس كان نفسي المسلمين اللي هنا يجتمعوا على كلمة واحدة ... سبحان الله ... كل لما أدخل الموضوع ده دمي يتحرق حزناً و ألماً على المسلمين ...

العزيز زهيري ... عتاب ليك كبير أوي يا أخ زهيري ... يام خلاص من كرهك للمسلمين بتدافع و تحاجي عن السياح الألمان و مش مهتم ولا مكترث نهائي بالأخت اللي اتقتلت ؟؟؟ ايه يا أخي ... خلاص أوي كدة مش طايق الاسلام ولا المسلمين و كل لما حد يقولك بينة تجادل و تحاجي للكفار الحلوين ؟؟

و الله بأعاتبك عتاب الأخ المحب اللي خايف على أخوه .. هتقولي يا سيدي خليك في حالك و ملكش دعوة بيا .. هقولك أعمل ايه مش قادر أصلي بأحبك .. بأحبك حب الدين اللي مش ممكن هتلاقيه في أي حتة ... بأحبك عشان يا سيدي الاسلام اللي انت عمال تجادل فيه بشتى الطرق أمرني أحبلك اللي أحبه لنفسي... و أنا ما أحبش لنفسي أكون صداد عن الاسلام بالشكل ده ... يا أخي بالله عليك تراجع نفسك و معتقداتك .. و الله باكتبلك و أنا بأبكي .. يا أخي و الله بأبكي بحرقة على التغير اللي طالك للدرجة دي ... و الله العظيم لم أحزن في حياتي مثلما أنا اليوم ... بالله تراجع نفسك .. انت مهم أوي للإسلام و الله و ما أقدرش ولا غيري يقول يا عم في داهية اهو واحد و يجي غيره ألف ... لا لا ... إنت بألف ... بس إنت كدة بألف ضد الاسلام ... بس راجع نفسك بس و إديها فرصة ... بص يا سيدي على ربع الكباية المليان في الاسلام و المسلمين .. أنا مش متخيل و الله إنك بتحاجي بالقوة دي ضد الإسلام ... أنا خايف عليك و الله تشرب من كأس مر و ساعتها محدش هينفعك ... يا أخي و الله ما كنت هأكتب الكلام ده و كنت داخل أقول كلام تاني خالص بس ما قدرتش ... قلت أنصحه و أجري على الله و نصيحة أخيرة يا أخي ربك بيقول في القرآن (و من يتولهم فإنه منهم) احذر احذر احذر التحذير الرباني و اقعد مع نفسك شوية و فكر بقلبك المسلم المليان خير

و الله أنا خلاص ما عارف أقول إيه تاني ... بس كل ما أرجو من الله إنك تغير أفكارك ... و هأدعيلك كتير أوي أوي

أصلح الله لنا حالنا جميعاً

الأخ اسلام المصري ليا عودة معاك إن شاء الله

مكاوى

يا اخي الكريم

نادرا ما يتكلم من ينتمون للتيار السلفي بسعة صدر و حب للمختلف معهم

و انت من هذا النادر

على عكس من سبقوك بمداخلات

لذا سأقوم بتأجيل ردي لبعد المغرب عندنا عشان ارد عليك بصدق و اختار الفاظ ماتزعلكش مني

اشكرك أخي

[MZohairy]

انا مانسيتكش يا مكاوي بس مشغول اليومين دول جامد

اوعدك لو لينا عمر ارد عليك يوم الأحد باذن الله

سلام يا صديقي

[رضوي]

لا حول ولا قوة الا بالله العلي العظيم

[shiko]

لا حول ولا قوة الا بالله العلي العظيم

ونعم بالله يارضوى ...

...وله فى ذلك شأن...

فى استفسار ممكن تساعدينى فيه ...

هل اعتقادات بعض المسلمين عن السلفيين صحيحة؟؟

وبالادق ...يعنى اعتقاد المسلمين عن النقاب محتاج تصحيح معتقد فى الاول

...ومن ثم ننتقل لغير المسلمين...على الصعيدين ..الغربى والشرقى

ولا ايه رأيك؟؟

[رضوي]

لا حول ولا قوة الا بالله العلي العظيم

ونعم بالله يارضوى ...

...وله فى ذلك شأن...

فى استفسار ممكن تساعدينى فيه ...

هل اعتقادات بعض المسلمين عن السلفيين صحيحة؟؟

وبالادق ...يعنى اعتقاد المسلمين عن النقاب محتاج تصحيح معتقد فى الاول

...ومن ثم ننتقل لغير المسلمين...على الصعيدين ..الغربى والشرقى

ولا ايه رأيك؟؟

شيكو حياتي

لا ياحبيبتي الموضوع ماوصلش للدرجة دي

اقولك علي سر

زماااااااااااااااان كنت بقول ان النقاب مش ضروري ........ وان الحجاب كفاية ......... وطالما انا ملتزمة بحجابي فلا داعي للنقاب

وكان فيه اخوات بيجادولني في الموضوع دة

بس للاسف

كلامهم معايا كان للجدال

حسيت انهم حافظين موش فاهمين ........... علشان كدة ناقشتهم في كلامهم ......... وغلبتهم بحجتي

ماقدروش يردوا عليا ......... اثبت صحة كلامي بأيات من القرآن الكريم

دللوا علي كلامهم بآيات اخري

اتيت بحديث شريف

ادعوا ضعف الحديث

بحثت في الموضوع ......... وغلبتهم بحجتي

انتصرت زي مابيقولوا عليهن .......... يكفي الحجاب

لو كانوا فاهمين كلامهم

لو كان نفسهم طويل معايا

كنت اقتنعت وقتها

لكن للاسف ......... نفسهم كان قصير اوي ....... ودة اللي اثبتلي صحة رؤيتي حينها ......... لو كانوا علي علم أكبر كانوا قدروا يوصولوا لدماغي

أنا لما بناقش حد في موضوع بناقش بغرض واحد بس

اني استفيد من رأي الطرف التاني .......... أو أفيده برأيي

احيانا كتير جدا بغير رأيي لمجرد ان الطرف التاني أقنعني........... لأني لسة ماوصلتش للكمال اللي يخليني اعلم اهل الارض ...... انا طول عمري هعيش اتعلم

انا بقول الكلام الكتير دة كله ليه

لاني بعد مرور سنتين من الموضوع دة

ودلوقتي بس

نفسي البس النقاب

ويارب يكتبهالي

وماحدش اقنعني علي فكرة

الموضوع نابع من جوايا انا بس

وتقريباً ماقولتش لحد علي الموضوع دة غيرك انتي وواحدة صاحبتي اوي ودلوقتي في المحاورات

المشكلة فين

المشكلة جوانا

لما بنبقي مقتنعين اوي برأينا

ومابنسمعش حد تاني الا علشان نجادله ونثبت صحة رأينا

بناخدها كمعركة .......... منتصر ومهزوم

مع انها علي العكس من كدة ........ دي اتفاقية

لازم حد يفيد التاني ......... احنا بنتناقش علشان نفيد ونستفيد من بعض ........ مش علشان ندخل حرب ونخسر بعض

عايزين نبقي فاهمين مش حافظين

عايزة هدفي لما اناقش حد اني استفيد منه ومن رأيه ......... مش اثبت صحة رأيي

أكيد انتي فهماني طبعاً

[shiko]

لا حول ولا قوة الا بالله العلي العظيم

ونعم بالله يارضوى ...

...وله فى ذلك شأن...

فى استفسار ممكن تساعدينى فيه ...

هل اعتقادات بعض المسلمين عن السلفيين صحيحة؟؟

وبالادق ...يعنى اعتقاد المسلمين عن النقاب محتاج تصحيح معتقد فى الاول

...ومن ثم ننتقل لغير المسلمين...على الصعيدين ..الغربى والشرقى

ولا ايه رأيك؟؟

شيكو حياتي

لا ياحبيبتي الموضوع ماوصلش للدرجة دي

اقولك علي سر

زماااااااااااااااان كنت بقول ان النقاب مش ضروري ........ وان الحجاب كفاية ......... وطالما انا ملتزمة بحجابي فلا داعي للنقاب

وكان فيه اخوات بيجادولني في الموضوع دة

بس للاسف

كلامهم معايا كان للجدال

حسيت انهم حافظين موش فاهمين ........... علشان كدة ناقشتهم في كلامهم ......... وغلبتهم بحجتي

ماقدروش يردوا عليا ......... اثبت صحة كلامي بأيات من القرآن الكريم

دللوا علي كلامهم بآيات اخري

اتيت بحديث شريف

ادعوا ضعف الحديث

بحثت في الموضوع ......... وغلبتهم بحجتي

انتصرت زي مابيقولوا عليهن .......... يكفي الحجاب

لو كانوا فاهمين كلامهم

لو كان نفسهم طويل معايا

كنت اقتنعت وقتها

لكن للاسف ......... نفسهم كان قصير اوي ....... ودة اللي اثبتلي صحة رؤيتي حينها ......... لو كانوا علي علم أكبر كانوا قدروا يوصولوا لدماغي

أنا لما بناقش حد في موضوع بناقش بغرض واحد بس

اني استفيد من رأي الطرف التاني .......... أو أفيده برأيي

احيانا كتير جدا بغير رأيي لمجرد ان الطرف التاني أقنعني........... لأني لسة ماوصلتش للكمال اللي يخليني اعلم اهل الارض ...... انا طول عمري هعيش اتعلم

انا بقول الكلام الكتير دة كله ليه

لاني بعد مرور سنتين من الموضوع دة

ودلوقتي بس

نفسي البس النقاب

ويارب يكتبهالي

وماحدش اقنعني علي فكرة

الموضوع نابع من جوايا انا بس

وتقريباً ماقولتش لحد علي الموضوع دة غيرك انتي وواحدة صاحبتي اوي ودلوقتي في المحاورات

المشكلة فين

المشكلة جوانا

لما بنبقي مقتنعين اوي برأينا

ومابنسمعش حد تاني الا علشان نجادله ونثبت صحة رأينا

بناخدها كمعركة .......... منتصر ومهزوم

مع انها علي العكس من كدة ........ دي اتفاقية

لازم حد يفيد التاني ......... احنا بنتناقش علشان نفيد ونستفيد من بعض ........ مش علشان ندخل حرب ونخسر بعض

عايزين نبقي فاهمين مش حافظين

عايزة هدفي لما اناقش حد اني استفيد منه ومن رأيه ......... مش اثبت صحة رأيي

أكيد انتي فهماني طبعاً

...ايوة ايوة ...

بس هو فى عندنا لبس ما بين النقاش والجدال ..

وسماع الطرف الاخر...فى عندنا شىء من الاختلاط ...

[Abu Reem]

ولو أن الموضوع تقريباً ، رجع للنقاش حول الحجاب والنقاب مرة اخرى ، ولكن هذه المرة،، تم الربط بينه وبين احترام القوانين في الدول التي ترفضه في الأمكان العامة او لاسباب أمنية

إلا أني فقط حبيت أن ...اشارك....لأحيي الأخ الكريم ( مكاوي ) على صبره ,, وعلى اسلوبه ...وعلى علمه gra:- ...وياريت الجميع...ينهج نهجه...حتى...لا يدخل اي حوار كالعادة ...في مسألة العناد والمعركة التي لابد فيها من هازم ومهزوم كما قالت الاخت رضوى

وانا ايضا منتظر رد اخي زوهيري...الذي وعد به...والذي اوضح انه سيرد على مداخاته بصدق....!!!! ولو اني مش عارف ....ليه هنا وضع كلمة ( صدق ) فهل كانت بعض ردود السابقة في المواضيع المختلفة فيها ردود غير صادقة....!!!

بصراحة شدني تعبيرك هذا وقلت اشارك.......في هذه القضية التي تكرر النقاش فيها..وقلت خليني ....اشوف ....م زوهيري ...طالما هيتكلم بصدق...بس ربنا يستر.....من اللي هتقوله.......... :lol: