صيحات على الموضة من الامثال الشعبية

[joo]

من طلب العلا يتفضل فى كابينه رقم واحد

-اللى بيته من‏ إزاز ميغيرش هدومه فى الصالون

-فاقد الشىء يدور عليه

-اقلب القدره على فمها الفول يقع منها

-تأتى الرياح محمله بالأتربة

-ياخبرالنهارده بفلوس بكره ينزل عليه أوكازيون

-اللى معاه قرش محيره يجيب‏ حمام ويحمره

-جت الحزينه تفرح شغلت شريط حكيم وقعدت ترقص

-‏قال‏ يامحشحشين يكفيكوا شر الكمين

‏-اللى ياكل لوحده يشبع

-لابكاء على اللبن فى البسكوت

‏ -اقطع عرق و حته بتلو

-اطبخى ياجاريه الأنبوبه فاضيه يا سيدى‏

‏ -ان كان حبيبك عسل ما تحطلوش طحينة

-اللى‏ يتلسع من الشوربه يتصل بالمطافى

-وترجع ريما من عند خلتها فى‏ مارينا

-ياداخل بين البصله وقشرتها حط قطرة علشان هتدمع من‏ ريحتها

‏ -اصوم اصوم وافطر على المدفع

-القرش الأبيض بيعوم فى‏ البحر الأحمر

-ضربوا الأعور على عينه قالهم كسرتوا النضاره

-اللى ميشفش من الغربال يكشف على نظره

-المال السايب يعلم الطلبه

-نام وارتاح وكل عسل نحل التمساح

‏ -من خرج من داره مينساش يأخد المفتاح معاه

‏ -الباب اللى يجيجلك منه الريح شيله وركب قبنورى

-المضطر‏ يركب التاكسى

‏ -رب صدفة خير من ألف ليلة و ليلة

‏ -اللى يخاف من‏ العفريت يعمل عبيط

‏ -المركب اللى فيها ريسين يلعبوا طاولة

‏ -اللى خدته القرعه تاخده ام‏ الخلول

-أكل العيش يحب الطعميه

-قالوا للحرامى أحلف قالهم وحياة قلبى وأفراحه

***************

أمثال‏ عربيات النقل‏:

‏ -ربنا يحميكى من الميكانيكى

‏ -الحلوة أسمها‏ تفاحة للسفر والسياحة

-الحلوة من حلوان وصاحبها راجل‏ غلبان

‏ -الحلوة من دمياط وعليها أقساط

‏ -قصه كفاح مش جايه على‏ المرتاح

‏ -متزمروش يابهايم دا السواق نايم

‏ -اجرى جري الوحوش‏ اوتوبيس 710 ماتلحقوش

[مغتربة]

دول حبه نقلتهم مساهمه منى فى الموسوعه

متبصليش يا عبيط أنا جايبها بالتقسيط

العين صابتني و رب العرش نجاني

الحارس الله

عضة أسد ولا نظرة حسد

عايزينك يا بابا- , وائل و رشا

خدي بالك من الواد، انا نازل يا سعاد

إذا كان من الموت بد، فلتموت في سبيل من تحب

التدخين ممنوع

إذا كان من حقك أن تدخن فمن حقي أن أستنشق هواء نظيفا

مركز صيانه كريازى و كريازك و كريازنا كلنا

الأمورة هبه

الأمير تامر و البرنسيسة منار

الأجرة لو سمحت

سوق على مهلك يا بابا.

حمو لما يدلع يخلى الاسفلت يولع

متجريش ورايا اختك راكبه معايا

ياتهدى ياتعدى

أوعى تبصلي يا أبو عين وحشة،

ما تبصليش يا عبيط ده أنا جايبها بالتقسيط،

ما تبصليش بعين رضية بص في اللي اندفع فيّ،

الحلوة مش ورث دي جاية بطلوع الضرس،

خليها على الله،

الطمع له ناسه والحسد برضه له ناسه.

دي مش دبابه ..... دي رزق الغلابه

الحلوه خوخه ... جت بعد دوخه

الحلوه كايداهم... وإللى جايباهم وخداهم

أنا وأنت وهما ... ومحدش عارف حاجه

يا ناس ياشر كفاية أر

هذا من فضل ربى

في السودان بقى قرأيت دي مكتوبة على ركشة (يعني توك توك بالمصري):

انزف يا جرح ما دام العلاج ما في

في السودان كلاكيت تاني مرة:

لو نظرت نظرة حسد هشكيك للواحد الصمد

لما الناس تسيب الناس يبقى العشرة مافي

عين الحسود صابتني ورب العرش نجاني

ي التأني السلامة وفي العجلة الندامة

مفيش صاحب يتصاحب

لو فيه غراب أبيض يبقى فيه صاحب يتصاحب

على مسئولية اللي كاتبها على العربية:

إذا كان الشيطان أستاذ الرجل فهو تلميذ المرأة

للبيع بجد

اللي ينسي اصله وماضيه خسارة النصيحة فيه

لو ابوك صعيدى متخفش

لو باض الديك مش هعديك

حمادة زكي المفش,الشهير بعلاء السيد حمودة

الرجاله مواقف والنداله دروس

[اغابي]

ايه يا جوو

ايه يا مغتربة

ايه الحاجات دى- ارحمونى شوية بقي :ninja: :cry1:

- انا بقول ولسة بكرر ان تفنيشى من الشغل على ايد المحاورات انشالله - حيتخرب بيتى وانا عمالة اكركر من الضحك قدام العملا والناس - فضيحة

الله يسامحكم لمولى بقي اعانة من بعضكم فى حالة التفنيش المتوقع عن قريب clp::

- وحسنة قليلة حتمنع اغابي من بلاوى كتيرة

اغابي

[مغتربة]

ايه يا جوو

ايه يا مغتربة

ايه الحاجات دى- ارحمونى شوية بقي :ninja: :cry1:

- انا بقول ولسة بكرر ان تفنيشى من الشغل على ايد المحاورات انشالله - حيتخرب بيتى وانا عمالة اكركر من الضحك قدام العملا والناس - فضيحة

الله يسامحكم لمولى بقي اعانة من بعضكم فى حالة التفنيش المتوقع عن قريب clp::

- وحسنة قليلة حتمنع اغابي من بلاوى كتيرة

اغابي

و الله يا بنتى المحاورات دى شكلها هتفضل ورانا لغايه ما ترصصنا كلنا فى بيوتنا

و ساعتها بقى هنروح لاستاذ عادل نطالبه فيها باعانه بطاله جماعيه

clp:: clp:: clp::

[se_ Elsyed]

يا جماعة في أمثال من التراث ما ينفعش نلعب فيها

انا زعلت جداً من المثل اللي قاله جو ده

ضربوا الأعور على عينه قالهم كسرتوا النضاره

والمثل الصحيح هو

ضربوا الأعور على عينه قال دي السليمة يا بهايم ...

[محمد عبدالعزيز]

وفى كمان:

إن كان حبيبك عسل, هات رغيف وغمس.

اربط الحمار, مطرح ما يقول الحمار.

[رضوي]

ايون ايون

فيه بقي كمان

من سهر الليالي بات للعام التالي

نام وارتاح يأتيك النجاح

وخليك ورا الكداب لحد ماتتعلم منه

واه ياني ياني ياني ........ موش هعمل كدة تاني !!

ويابخت من بكاني وبكي الناس عليا ........ ولا خدعني وخلاني اقف في الطوابير ديا