اذهب إلى المحتوى
محاورات المصريين

حد جاله الاحساس ده قبل كده

pocy

بواسطة pocy
في موضوعات شخصية

 مشاركة

Recommended Posts

pocy عضو جديد

pocy

بتاريخ:
بتاريخ:

يا جماعه حد جاله لاحساس ده قبل كده

احساس ان الدنيا بقت مفرغه من معانها

ان الواحد كل يوم بيجري بس حاسس انه بيجري فى مكانه

حاسه ان الواحد بينفخ فى اربه مخرومه

حاسه ان بيلف حولين نفسه من غير ما يلاقي اللو عايزه

عايزه اخد قرار ومش قادره لانه قرار صعب جدا

قرار عارفه النهايه المحتومه فيه بس ربنا ييسر اللى فيه الخير

مين بقي حس الاحساس ده

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
mekkawy عضو جديد

mekkawy

بتاريخ:
بتاريخ: (معدل)

السلام عليكم و رحمة الله و بركاته

الفاضلة أم عمر

أنا شايف كمية أحاسيس سلبية غير مسبوقة ... استهدي بالله و تعالى نقول قاعدة لم ولا و لن تتغير أبداً .... كل مشكلة و لها حل ... أنا شايف إن حضرتك بتتكلمي عن احساس مؤقت مش دائم .. إحساس مؤقت نظراً لظروف مؤقتة أيضاً .. و ده الجانب الإيجابي في الموضوع ... إنه مؤقت و هيعدي إن شاء الله و هتتغلبي عليه

ببساطة لأن كل شخص بيمر بالاحساس ده ... انا مريت بيه .. و أكيد كل الشباب هنا مروا بيه .. احساس مفترق الطرق .. احساس صعب أوى خاصة لو سبقه إعداد و جيت في مفترق الطرق لقيت الاعداد ده كان لم يكن و كأنك معملتوش ,... بس أول ما هتبدأ تتحرك ف طريق هتلاقي الاعداد ظهر و معاك و ساندك

زي بالظبط الطالب يفضل يدح طول السنة و ليلة الامتحان يحس انه ناسي كل شئ و ضايع لا محالة .. اول ما يستلم الورقة ... يأكلها و يطلب غيرها :ranting:

حضرتك في مشاركتك جمعتي احساسات كتير أوي .. أصعبها العجز ... اللي متجسد في الاربة المخرومة و اللف حولين النفس ... دول لو مكنتيهم من نفسك ... يلا السلامة ... لازم تقاومي و تجتهدي أكتر .. و تأكدي إن ربنا لا يضيع أجر من أحسن عملاً

وشوشى جانبية >>

تأني و اصبري في قراراتك

مكاوى

تم تعديل بواسطة mekkawy
رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

الله يكرمك يا اخى الفاضل على ردك

بس كتير جدا بيعلق اماله على حاجات صعب الحصول عليها

الا لو قدم تنازلات والتانازلات بتبقي اصعب على نفسه انه يقدمها بمعنى انا هتجنن انى اشتغل وبلاقي شغل وعادى كنت بشتغله قبل كده ومكنش فارق معاى بس اجي ابص لابنى وانى هاتحرم منه وشغلى هيبقي صبح وليل وحتى الفتره اللى فى النص مش هلحق اشوفه علشان اجهز اللى ورايا الاقي نفسي استحاله اعمل كده

عندك مثلا بفكر دايما بطريقه الفرخه ولا البيضه وبالتالى عمرى ما بوصل لنتيجه

وكل ما اجى اشوف طريقه اساعد نفسي بيها الاقيها بتجبلي وجع الدماغ وبدل ما اكون عايزاها علشان اريح نفسي بيها لا الاقيها عبء جديد

مش هطول عليك اتمنى ان يكون وضع مؤقت لانى تعبت من التفكير البيضه الاول ولا الفرخه

سؤال صحيح قال كتر التفكير بيغير كيما المخ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
lovelyramy عضو جديد

lovelyramy

بتاريخ:
بتاريخ:
يا جماعه حد جاله لاحساس ده قبل كده

احساس ان الدنيا بقت مفرغه من معانها

ان الواحد كل يوم بيجري بس حاسس انه بيجري فى مكانه

حاسه ان الواحد بينفخ فى اربه مخرومه

حاسه ان بيلف حولين نفسه من غير ما يلاقي اللو عايزه

عايزه اخد قرار ومش قادره لانه قرار صعب جدا

قرار عارفه النهايه المحتومه فيه بس ربنا ييسر اللى فيه الخير

مين بقي حس الاحساس ده

انا انا انا انا انا انا باحس بكده

لا كمان حاسس انى باجرى ورا سراب

لا واكتر مش هاطول حاجه فى الاخر لانى هاسيب الدنيا كلها حتى هدومى اللى لابسها مش هاخذها معايا وانا ماشي

رابط هذا التعليق
شارك
mekkawy عضو جديد

mekkawy

بتاريخ:
بتاريخ: (معدل)

الفاضلة أم عمر

طبعاً طبعاً كتر التفكير بيشقلب كيان المخ ... بيخليكي تفكري و انتي نايمة

أنا كدة ... بأفكر و أنا نايم ... مش بأحلم .. لأ .. بأفكر و بأكمل تفكير حتى بعد النوم ... دي نتيجة كتر التفكير

مكاوى

تم تعديل بواسطة mekkawy
رابط هذا التعليق
شارك
رضوي عضو جديد

رضوي

بتاريخ:
بتاريخ:

السلام عليكم ورحمة الله وبركاته

حبيبتي بوسي

كلنا بنحس بالاعراض دي ............ بس الحمد لله ان الحاجات دي عارضة .......... يعني بنحس بيها في اوقات ضيق او اكتئاب عارضة وبعدين بفضل الله بتزول

لكن احنا لازم نكافح المشاعر دي شوية

اولاً بشكر الله

ثانياً

اننا نبص لنص الكوب المليان

ونشوف النعم اللي عندنا ونحمد ربنا عليها ونعمل علي الحفاظ عليها

القرارات كمان لابد من التأني فيها ونفكر كويس ونستخير ربنا ونستشير الناس القريبيين اللي بنثق فيهم

عارفة يا ام عموري لما تحسي بدة تعملي ايه

بعد صلاه ركعتين طبعاً تقومي تحضني عموري وتشكري ربنا علي نعمه وتدعي ربنا انه يحفظه من شر كل سوء

صدقيني ياحبيبتي

الموضوع كله ما هو الا فترة عارضة من الضيق ......... وان مافيش حاجة سعيدة جديدة في حياتك اليومين دول

وربنا يفرج ضيقك ان شاء الله

نصيحة ع الماشي

انجزي اي حاجة تفرحي بيها ( يارب حتي تعملي تورتاية جميلة ,, أو بلوفر لعموري )

قراراتك الصعبة اشركي حبايبك فيها .......... بعد استخارة ربنا

وربنا يقدم اللي فيه الخير :rolleyes: :rolleyes:

اللهم إرزقني بفرحة ... تجعلني أسجد لك باكية .

رابط هذا التعليق
شارك
Damo عضو جديد

Damo

بتاريخ:
بتاريخ:

كلنا جالنا الاحساس ده قبل كده يا بوسي طبيعي انو يجيلك اكتر من مرة طول حياتك. ما الدنيا كلها عبارة عن قرارات منها السهل و منها الصعب. و اللي مبيتخذش اي قرارات صعبة عمره ما بيعمل انجازات في حياتو. كل قرار صعب قدامه انجاز اكبر.

زاي ما رضوى قالت فكري كويس و صلي استخارة و توكلي على الله و ربنا معاكي :rolleyes:

" Feed Your Faith and your fears will starve to death "

Unkown~

رابط هذا التعليق
شارك
اغابي عضو جديد

اغابي

بتاريخ:
بتاريخ:

طبعا يا بوسي

الاحساس داه بيجينى على فترات - مختلفة احيانا بتبقي مرتبطة بسبب مثلا مشكله فى الشغل - او - مشكلة فى البيت

واحيانا يجي من غير اى سبب

واحيانا زى ما جه زى ما يروح

واحيانا اخرج منه واساعد نفسي بنفسي

واحيانا احتاج حد معايا يشدنى ويساعدنى

اسكتى يا بوسي الله يخليك

لحسن بدأ الاحساس دا يرجعلى

اغابي

:rolleyes:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

ايه ده هو يعنى انا طبيعيه وكتر التفكير اللى بينتهى بدون طائل موجود عندكم كمان

يعنى الحمد لله انا طبيعيه الحمد لله

اصلي سمعت امبارح من واحده ان قريبتها بتتعالج فى المستشفي نفس بسبب تغير كميا المخ وده من كتر التفكير و ضغط الحياه لدرجه انها بتأذي اولادها وتقطعلهم الكتب و.................. كفايه كده لحسن لما بفتكر بعيط

وربنا يرحمنا يارب

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
fatfouta عضو جديد

fatfouta

بتاريخ:
بتاريخ:
عدلي سؤالك يابوسي

قصدك مين فينا محسش الاحساس ده

صح كلامك يا ضحى والله

يا بوسبوس انتى طبيعيه جدااااااا كووووووولنا عندنا الاحساس ده

انتى مش ملاحظة ان احنا مابقاش عندنا غير كلام وبس

نقعد نفكر ونفكر وفى الاخر برضوا نتكلم ومش بنعمل حاجة غير الكلام

الاحساس ده بقى معايا انا شخصيا علطول

رابط هذا التعليق
شارك
بركة عضو جديد

بركة

بتاريخ:
بتاريخ:

كلامك جه على الجرح يابوسي والله

دا انا امبارح بالليل كنت قاعده انط من كتر التفكير في الموضوع ده بالذات لما كان هيجرالي حاجة

طاقة معطلة + طموح شديد+ مخ عاوز يشتغل بدون مايلاقي متنفس = الحالة اللي احنا فيها دي :rolleyes:

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك
fatfouta عضو جديد

fatfouta

بتاريخ:
بتاريخ:
طاقة معطلة + طموح شديد+ مخ عاوز يشتغل بدون مايلاقي متنفس = الحالة اللي احنا فيها دي :rolleyes:

الكلمة دى بقى يا بركة هى اللى جت عالجرح

فعلا بحس اننا طاقة معطله

ماما سلوى حبيبتى مرة قلتلى كلمة اثرت فيا قوى....قلتلى ساعات يابنتى الغربة للست بتبقى مش كويسة او ظلم

طب هنعمل ايه والله الواحد تعب

فاكرة موضوعك بتاع المرأة المغتربة كائن منتج ولا مستهلك؟؟ من كتر مااتثر فيا وضايقنى لانى حسيت انى عاجزة لكن مع ذلك ماقدرتش اقول اللى انا عاوزاه فيه

بس مع مرور الوقت على فكرة الاحاسيس دى بتبقى حاجة مش كويسة وبتسبب الاكتئاب يا بوسى وهو ده يمكن اللى مخليكى اليومين دول بتقولى انك مكتئبة

ربنا معاكى ومعانا كلنا يا حبيبتى

رابط هذا التعليق
شارك
kitkat عضو جديد

kitkat

بتاريخ:
بتاريخ:

فيه سيدات كتير في المنتدي حاولي تتكلمي معاهم فون او عالتشات وربنا يعينك علي حل مشاكلك

اتمني يكون الي فهمته غلط وماتكنش حاجة متعلقة ببيت الزوجية

:rolleyes:

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
الدكتورة أم أحمد عضو جديد

الدكتورة أم أحمد

بتاريخ:
بتاريخ:

يا جماعه حد جاله لاحساس ده قبل كده

احساس ان الدنيا بقت مفرغه من معانها

ان الواحد كل يوم بيجري بس حاسس انه بيجري فى مكانه

حاسه ان الواحد بينفخ فى اربه مخرومه

حاسه ان بيلف حولين نفسه من غير ما يلاقي اللو عايزه

عايزه اخد قرار ومش قادره لانه قرار صعب جدا

قرار عارفه النهايه المحتومه فيه بس ربنا ييسر اللى فيه الخير

مين بقي حس الاحساس ده

العزيزة : بوسي

من منا لم يصبه الإحساس بالعجز في مواقف ما مرت عليه وصعب عليه اتخاذ القرار

هذا ما أراه لك مع الدعاء لك بالتوفيق والسداد

بعد صلاة ركعتين والدعاء إلى الله بالعون والسداد

اجلسي بالورقة والقلم واكتبي المنافع والأضرار الناتجة عن القرارات المتاحة لك وبنا على ذلك اتخذي قرارك وتذكري قول الحبيب :صلى الله عليه وسلم :

احرص على ما ينفعك، واستعن بالله ولا تَعْجَز .. وإن أصابك شيء فلا تقل: لو أني فعلت كذا، كان كذا وكذا، ولكن قل: قدَّر الله، وما شاء فعل، فإن لَوْ تفتح عمل الشيطان" رواه مسلم.

ولاتنسي صلاة الاستخارة

وفقك الله وسددك لما فيه خيري الدنيا والآخرة

ودمتي في حفظ الرحمن

هل ضاعت الفرصة لنحيا كراما في دولة محترمة وشعب مصون؟؟؟

انتبه مصر تعود إلى الخلف

رابط هذا التعليق
شارك
رضوي عضو جديد

رضوي

بتاريخ:
بتاريخ:

يا جماعه حد جاله لاحساس ده قبل كده

احساس ان الدنيا بقت مفرغه من معانها

ان الواحد كل يوم بيجري بس حاسس انه بيجري فى مكانه

حاسه ان الواحد بينفخ فى اربه مخرومه

حاسه ان بيلف حولين نفسه من غير ما يلاقي اللو عايزه

عايزه اخد قرار ومش قادره لانه قرار صعب جدا

قرار عارفه النهايه المحتومه فيه بس ربنا ييسر اللى فيه الخير

مين بقي حس الاحساس ده

العزيزة : بوسي

من منا لم يصبه الإحساس بالعجز في مواقف ما مرت عليه وصعب عليه اتخاذ القرار

هذا ما أراه لك مع الدعاء لك بالتوفيق والسداد

بعد صلاة ركعتين والدعاء إلى الله بالعون والسداد

اجلسي بالورقة والقلم واكتبي المنافع والأضرار الناتجة عن القرارات المتاحة لك وبنا على ذلك اتخذي قرارك وتذكري قول الحبيب :صلى الله عليه وسلم :

احرص على ما ينفعك، واستعن بالله ولا تَعْجَز .. وإن أصابك شيء فلا تقل: لو أني فعلت كذا، كان كذا وكذا، ولكن قل: قدَّر الله، وما شاء فعل، فإن لَوْ تفتح عمل الشيطان" رواه مسلم.

ولاتنسي صلاة الاستخارة

وفقك الله وسددك لما فيه خيري الدنيا والآخرة

ودمتي في حفظ الرحمن

فعلاً من أفضل ماأقرأ في المحاورات هي مداخلات الدكتورة ام احمد

سيدتي الفاضلة

جزاكي الله خيراً ...........

اللهم إرزقني بفرحة ... تجعلني أسجد لك باكية .

رابط هذا التعليق
شارك
fatfouta عضو جديد

fatfouta

بتاريخ:
بتاريخ:

ربنا يكرمك يا دكتورة ام احمد فعلا مافيش احسن من ان الواحد لما يضايق يصلى ركعتين ويشتكى لله

كلامك صح ربنا يجازيكى خير

فاكرين الموضوع ده؟؟

ادخلو هنا

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

بوسى مفيش حد على وجة الارض محس احساسك دة

بس اسمحيلى انا هاقسو عليكى شوية بس ما تزعلى منى لان دة ناتج من حبى ليكى

لية يا بوسى مش بتستمتعى باللحظة اللى انتى عايشاها

لية ما انتى عارفة ان اللحظة دى مش هترجع تانى بحلوها و مرها

لية مش بتفرحى مع عمورة باحلى سن لة لان هيكبر ومش هتشوفية بيقول ماما بطريقة تموت من الضحك

لية مش بتستمعى انتى و عمورة بس قبل ما البيت يتملى عليك عيال و تصدعى من الشقاوة و اللعب طول النهار

لية مش بتستعمى بشبابك اللى عمالاة تحرقية بكل لحظة تفكير فى حاجات انتى مستعجلة عليها

لية مش عارفة انها مسالة وقت بس لحدما عمورة طبيعى هيروح المدرسة لوحدة و الدنيا هتفضى عليك و هتنطلقى تانى زى ما انتى عايزة

يا حبيبتى اتمتعى باحلى لحظات عمرك لانها مش هترجع تانى

كل يوم بيعدى علينا مش هنرعف نرجعة تانى

اتمتعى يا بوسى بشبابك و جوزك و ابنك ربنا يبارك لكى فيهم لية مش حاسة بالنعم دى و بتضيعها فى تفكير سلبى

بوسى انا بحبك فى الله و صعبان عليا الايام الى بتعدى من ايامك هدر فى طاقة سلبية بتهدمى نفسك بيها و انتى مش حاسة

و هى فعلا احلى ايام فى عمرك

وبجد مش هتعرفى قيمة الايام دى الا لما عمورى يكبر ومش هيحتاج رعايتك ساعتها بجد هتتمنى يرجع ضغير تانى

وتتمنى الايام دى ترجع تانى

هاتى اى حد فينا اسالية سؤال واحد بذمتك مش نفسك زمان يجى تانى شوفى بقى ساعتها الرد هيكون اية

اسفة للاطالة

لكن مش هاقولك الا كلمة واحدة اتمتعى بالنهاردة لان بكرة محدش عارف فية اية

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
لونا عضو جديد

لونا

بتاريخ:
بتاريخ:

عجبني أوي كلامك يا ذهبية :roseop:

إقرأيه تاني كدة يا بوسي و فكري فيه كويس

عجبني يمكن لأنه مناسب ليه أنا كمان

عارفة يا بوسبوس أنا لما قريت الموضوع ده

حسيت إنك بتقولي اللي جواية .. و استنيت حد يرد علينا إحنا الإتنين

كل الكلام اللي اتقال جميل

بس رد ذهبية .. فعلاً دخل قلبي على طول ..

إحنا ليه بندور على اللي مش في إيدينا ؟

ليه مش بنفرح باللي معانا .. مع إنه كتييير جداً

أكيد مش بطر بنعمة ربنا علينا .. لا أكيد بنشكر ربنا و نحمده في كل وقت .. على نعمه التي لا تعد و لا تحصى

من أول بق الميه اللي بنشربه .. لغاية نعمة الإسلام .. و كفى بها نعمة

و لكن بنفضل عايزين أكتر ..

و شايفين إننا نستحق أكتر من كدة

أو إننا المفروض كنا نعمل غير كدة ..

مع إن ربنا دايماً بيكتب لنا كل خير

و يمكن اللي بنتمناه ده .. يؤذينا أو يفسد علينا حياتنا

أو يفسد علينا آخرتنا .. حتى لو ما كانش حرام

يبقى ليه ما نرضاش بما قسمه الله؟

مع إننا في نعم نتقلب فيها بالليل و النهار

يمكن غيرنا لا يملك نصفها أو لا يملكها أصلاً

يبقى نفرح .. و لا نقعد نفكر طو ل الوقت ؟؟؟؟

يبقى نفرح :roseop:

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • عبير يونس
      23
      الاحساس المتدفق و الأنوثة القوية "أصالة "
      أصالة نصري من المطربات القلائل اللاتي يحرصن على الكلمة و اللحن مع حلاوة الأداء في رأيي هي رمز الأنثى القوية بحنان أو الحنونة بقوة غنت أجمل قصائد الشعراء و غنت الأغنية الخفيفة أيضا متجددة دوما و لا تكرر نفسها نبذة عنها من الويكيبيديا أصالة مصطفى حاتم نصري (15 مايو 1969) مطربة وفنانة سورية لقبت بخليفه ام كلثوم و سيده الغناء العربي و ايضا لها جماهيرية كبيرة و تحديدا في الخليج حيث هي و الفنانه الراحله ذكرى هم الفنانتان الاكثر الشعبيه في الخليج من الفنانات الغير خليجيات و لكن منحت السيد

      بواسطة عبير يونس
      كُتب

    • عبير يونس
      22
      الصوت الحنون و الاحساس الدافئ " نجاة الصغيرة"
      نجاة الصغيرة شكلت أحاسيسي منذ الطفولة تلك النبرة الحنونة و المميزة جدا في صوتها تأخذ الوجدان و تبهج القلب هنا نحلق مع أغنيات نجاة في لحظات من السمو والرقي

      بواسطة عبير يونس
      كُتب

    • AlaaLasheen
      13
      اهالي بورسعيد ... الاحساس نعمة
      احيلت امس تحقيقات النيابة في مذبحة استاذ بورسعيد الى القضاء ... وضمت اوراق الاتهام ما يزيد عن خمس وسبعون متهماً ... واستشعر الشعب المصري الذي فقد الكثير من الامل في الفترة الماضية بعض الامل في عودة حقوق بعض الشهداء حتى ينطفأ النار الذي يشعر به اهالي شهداء المذبحة النكراء وان تعود هيبة الدولة ويصبح الجاني عبرة لمن لا يعتبر ... حتى يعود الامن والطمأنينة للشعب المصري الذي عانى من فقدانها بفضل نظامة الفاسد. واذا كان هذا هو الجانب الجنائي في القضية والتي تتولى المحكمة منذ احالة اوراق القضيها اليها ا

      بواسطة AlaaLasheen
      كُتب

    • kaza
      10
      ممكن سؤال ؟ هل مريتوا بنفس الاحساس ؟
      الى الاخوة اللي قدموا للهجرة .. و الى الناس اللي جالها الفايل نمبر و الى الناس اللي بتلم حجتها وشنطها ومسافرة هل جالك الاحساس ده من قبل ؟ خووووووف قلق حاسس بخنقة ... بتفكر كتييييير بس تفكيرك مشتت ؟ دايما سرحان ؟ حاسس انك ضايع ؟ حاسس انك متردد وبتقول ايه اللي انا عملتوا مانا عايش كويس بالمكان اللي انا فيه ؟ مستقبل ؟ هو حد ضامن يعيش بكرة ؟ هل في لخبطة برغباتك ؟ ****** عملت ايه لما حسيت بكل ده ؟ وايه هي احسن حاجة تعملها في الحالة دي ؟

      بواسطة kaza
      كُتب

    • احمد مطر
      2
      الاحساس بالعجز والقهر
      مااصعب الاحساس بأنك لاتستطيع ان تفعل اى شىء انت عاوز تعمله وانك تعمل دايما حاجات ضد الى انت عاوزه او نفسك تحقق ياترى هل حد جاله الاحساس دا قبل كده هنا فى قضايا خاصه بيه او حتى فى قضايا عامه انا شخصيا حاسس ان كل حياتى ماشيه فى عكس الاتجاه الى انا عاوزه بحاول انى ارجع الدفه مره تانى للطريق لكن شايف ان دا صعب وبواجه متاعب كتير عشان كده تعتقدوا لو الانسان مشى وخد طريق عكس الى هو عاوزه هتكون ايه النتيجه لانى شايف ان دا سبب من اسباب ضياع المجتمع نفسه وايه الحل عشان الانسان لو ماشى فى غير طريقه ميصاب

      بواسطة احمد مطر
      كُتب

×
×
  • أضف...