اذهب إلى المحتوى
محاورات المصريين

اللـــحمة بقت نــــــــار؟؟ للدرجة دى يا ناس؟!!!

fatfouta

بواسطة fatfouta
في محاربة الفساد

 مشاركة

Recommended Posts

fatfouta عضو جديد

fatfouta

بتاريخ:
بتاريخ:

أختى والحمد لله بتعمل هى ومجموعة من اصحابها اعمال خيرية مع الجمعيات المختلفة

بس الاساس ان هما بيعملوا الاعمال الخيرية من داخل مسجد هما مشتركين فيه وبيحفظوا فيه القرآن وبعدين يبتدوا يوزعوا على الجمعيات المحتاجة داخل القاهرة عامة

من كام يوم قرروا انهم يجيبوا خروف من صمن اعمالهم يعنى ويدبحوه ويوزعوه عالفقراء والناس المحتاجة لانهم لاحظوا ارتفاع الاسعار وقالوا لو لقينا التبرعات كتير نبقى نجيب حاجة اكبر ونذبحها

فجمعوا من بعض مبلغ 1300ج ومن ناس تانى وكل واحد على ما قدر دفع

ففوضوا اختى انها تتفق مع جزار وتشوف هيتكلف كام....وعليها راحت وقعدت تدور وكل ماتروح لجزار يقولها اللحمة فى العلالى يا مزمازيل استنى علينا كام اسبوع كده

واحنا بيت بابا فى شبرا يعنى مش منطقة عاليه اوى ذى مناطق تانية

البنت جالها يأس وقالت يعنى 1300ج مش هيجيبولنا خروف؟!! والله حرام

لما بتقولى اتخضيت والله وقعدت اقرأ فى احوال اللحوم لقيت كلام كتير مايسرش

وان الكيلو هيوصل على رمضان لـ مش عارفة كام وبالتالى طبعا مع استغلال التجار هيغلوا الفراخ والاسماك

طب الناس هتعمل ايه بس؟؟؟

رابط هذا التعليق
شارك
fatfouta عضو جديد

fatfouta

بتاريخ:
  • كاتب الموضوع
بتاريخ:

شفت خبر يعتبر وقفة احتجاجية شوية وحاجة مبشرة بعدم السلبيه وهو ان:

المطاعم هتقاطع اللحوم يوم الإثنين القادم

المطاعم تقاطع اللحوم الاثنين القادم .. والفنادق لن تشارك لالتزامها بمواعيد افراح

مصراوى - خاص - قال وسيم محيى الدين رئيس غرفة المنشآت الفندقية أن الفنادق لن تشترك في مقاطعة اللحوم المقررة الاثنين القادم مع المنشآت السياحية حيث إن لديها التزامات مع شركات سياحة مصرية وأجنبية، والتزامات مع الأفراح المقامة بها، وتمثل اللحوم عنصرا أساسيا فى قائمة طعامها.

وفى المقابل أكد محيى الدين تأثر الفنادق بالزيادة غير المبررة فى ارتفاع أسعار اللحوم بنسبة 50 %، " ولكن يبقى الالتزام بالعقود مع الجهات الأخرى فى المقام الأول".

ووصف رئيس غرفة المنشآت الفندقية ان قرار مقاطعة اللحوم بأنه صائب، وإذا حاولت الفنادق تطبيقه فلن يكون بطريقة عشوائية وسيتم التخطيط له قبلها بفترة طويلة، كما أن مدة عقود الفنادق سنوية.

من جانبه، أعلن وجدى الكردانى، رئيس غرفة المنشآت السياحية ان 1350 مطعما ومقهى سياحيا ،من أصل 6000 مطعم فى مصر، يمتنع عن تقديم اللحوم الحمراء لروادها الاثنين القادم ، وذلك تطبيقا للقرار الصادر عن مجلس إدارة غرفة المنشآت السياحية فى اجتماعها فى أول أبريل الماضى.

وقال رئيس غرفة المنشآت السياحية إن "القرار ليس فرقعة إعلامية، لكنه تعبير عن موقف، وإعلان عن حجم التضرر من ارتفاع أسعار اللحوم التى تحتاجها مطاعم الغرفة بنسبة 30 %، ولا نستطيع فعل شىء أو رفع الأسعار فى المقابل دون إذن من وزارة السياحة".

وأضاف الكردانى ان الغرفة تحاول إقناع المطاعم، التى تتبع إشراف المحليات، بالتضامن مع مطاعمها فى مقاطعة اللحوم، مشيرا إلى أن قيام بعض المطاعم الأخرى باستغلال هذا القرار لصالحها وقيامها بإدخال اللحوم ضمن قائمتها يوم المقاطعة ، ليس مهم.

وقال الكردانى " انه سيتم معاودة تطبيق المقاطعة لمدة اسبوع اذا لم تسفر مقاطعة الاثنين عن المرجو منها "

يذكر أنه في الآونة الأخيرة تفاقمت أزمة ارتفاع أسعار اللحوم في مصر مما اجبر الحكومة على استيراد لحوم من الخارج في محاولة للسيطرة على السوق المحلى، في الوقت الذي ظهرت توصيات بدعم تربية الماعز والأغنام وصرف حصص من الأعلاف لمربيها حتى يتم سد العجز في الإنتاج المحلي، والعمل على دعم مشروعات التسمين التابعة للمحافظات لتوفير اللحوم الحمراء.

وفى نفس السياق دعت حركة مواطنون ضد الغلاء إلى حملة مقاطعه للحوم الحمراء بعد ارتفاع أسعارها الجنوني تحت شعار "المصري إللى على حق .. يقول لجشع الجزارين لأ".

المصدر

رابط هذا التعليق
شارك
kitkat عضو جديد

kitkat

بتاريخ:
بتاريخ:

وزير الزراعة يقول أن سعر اللحمة قد يصل إلى 200 جنيه بسبب مسخرة مافيا اللحوم

في محاولة لمحاصرة أزمة اللحوم المتفاقمة قرر أمين أباظة وزير الزراعة أمس زيادة قروض مشروع البتلو إلي‏2000‏ جنيه بدلا من‏1500‏ للرأس الواحدة حتي وزن‏250‏ كجم .

وكذلك زيادة قروض التربية إلي‏3‏ آلاف جنيه بدلا من‏2500‏ لأكثر من‏250‏ كجم.‏ ورفع الحد الأقصي للإقراض بالنسبة للأفراد إلي‏300‏ ألف جنيه بدلا من‏250‏ ألفا‏.‏يأتي ذلك في إطار سعي الحكومة لمواجهة الارتفاع غير المبرر في أسعار اللحوم في الآونة الأخيرة‏.‏

ووصف أباظة ما يحدث حاليا بين شركات استيراد اللحوم من إطلاق شائعات للإضرار ببعضها والاستحواذ علي السوق‏,‏ بأنه مسخرة حقيقية‏,‏ ولا ينم عن إحساس بالمسئولية‏,‏ مؤكدا أنه لا يعفي مافيا اللحوم البلدية لكونها المستفيد الأوحد من هذه الحرب المفتعلة‏,‏ التي يتم شنها مع كل سفينة لحوم يتم استيرادها من الخارج‏,‏ حيث إن نقص المعروض من اللحوم يرفع سعر الكيلو من اللحوم البلدية‏,‏ بصورة مذهلة‏,‏ وقد يصل إلي‏200‏ جنيه‏,‏ مطالبا بعدم الاستجابة لهذه الشائعات التي أدت إلي تخوف المستوردين‏,‏ مشددا علي أن اللحوم المستوردة سليمة بنسبة‏100%‏ وأنه لا يجرؤ مستورد واحد علي إدخال لحوم غير مطابقة للاشتراطات المصرية‏.‏

من جهته‏,‏ أكد الدكتور مسعد الحياني رئيس رابطة منتجي الجاموس أن‏75%‏ من أسباب ارتفاع أسعار اللحوم تعود إلي جشع الجزارين‏,‏ مشيرا إلي أن الرابطة ستتقدم بمذكرة عاجلة للدكتور أحمد نظيف رئيس مجلس الوزراء‏,‏ لفرض ضوابط صارمة علي تسويق اللحوم‏,‏ ومراقبة أسعارها بعد ارتفاعها غير المبرر والتدخل الفوري للأجهزة الرقابية‏,‏ وعدم ترك السوق لآليات العرض والطلب‏.‏

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
Simba عضو جديد

Simba

بتاريخ:
بتاريخ:

[font=arial]في تونس الفترة الاخيرة دي قريت ان فقراء تونس اتجهوا للحم الحمير

اي والله لحم الحمير

ربنا يستر ومحدش في الخباثة كده يعمم التجربة التونسية من غير ما حد يحس واهي الناس مش عارفة بتاكل ايه اهي لحمة وخلاص

انا فيه حاجة بجد محيراني اوي

فيه لحمة هندي هنا في الكويت مجمدة بتتباع في الجمعيات ب 750 فلس يعني ب 15 جنيه او اقل وانا قعد 4 سنين اكل فيها هتتك بتتك بتتك هتتك وعادي خالص والحياة وردي وكنت اعملها كباب حلة تتطلع زي الفل

ازاي اللحمة المستوردة في الخليج تكون ارخص من مصر !!!

كلام حسام

follow me

رابط هذا التعليق
شارك
justme عضو جديد

justme

بتاريخ:
بتاريخ:

المشكلة مافيا الاعلاف

انا واحد صاحبي قالي السنة اللي فاتت على اللي هيحصل وقاللي بالحرف انها هتبقى ب 100 جنيه

هو دكتور بيطري وقالي ان فيه واحد نسيت اسمه هو اللي ماسك الذرة في مصر ومحتكرها وغلى سعر الطن بين يوم وليلة مبلغ كبير مش فاكر بس يمكن تقريبا الضعف

المهم قالي كل التجار بيدبحوا العشر (الحوامل)

ده السنة اللي فاتت علشان كده هو ساب موضوع الادوية والبيع وراح يشوف شغل في حتة تانية

وعلى فكرة مش بس موضوع العلف

الادوية حكالي عليها بلاوي

احنا بنتسرق على كل المستويات ولذلك مشاريعنا في التربية مع توافر الامكانات كلها فاشلة لأن السرقة بتتم في كل المراحل وتتراكم لتصل الى ارقام مخيفة هي دي حقيقة المشكلة

طول ما احنا كده هتبقى ب الف جنيه كمان

الغريبة ان في ناس عارفة اللي بقوله وساكته

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
herohero عضو جديد

herohero

بتاريخ:
بتاريخ:
[font=arial]في تونس الفترة الاخيرة دي قريت ان فقراء تونس اتجهوا للحم الحمير

اي والله لحم الحمير

ربنا يستر ومحدش في الخباثة كده يعمم التجربة التونسية من غير ما حد يحس واهي الناس مش عارفة بتاكل ايه اهي لحمة وخلاص

انا فيه حاجة بجد محيراني اوي

فيه لحمة هندي هنا في الكويت مجمدة بتتباع في الجمعيات ب 750 فلس يعني ب 15 جنيه او اقل وانا قعد 4 سنين اكل فيها هتتك بتتك بتتك هتتك وعادي خالص والحياة وردي وكنت اعملها كباب حلة تتطلع زي الفل

ازاي اللحمة المستوردة في الخليج تكون ارخص من مصر !!!

يعني هي اللحمة بس مثلا ف السعودية لتر حليب المراعي ب4 ريال هل ف مصر نفس الجودة بالسعر ده

اللحمة والسمك ف مصر بقت اغلى واحنا اصلا ليه نستورد لحمة على راي ابراهم عيسى معقولة جه اليوم اللي مش عارفين في مصر نربي بهايم

ياه للدرجه ده

وغيره وغيره يعني بصراحه عندنا شوية حرامية مهما مانقول هي ده الحقيقه حراميييييييييييييية ومش بيشبعوا ولا عندهم نية انهم يشبعوا

وانا مش بنظر بنظرة سوداوية انا بتكلم عن واقع انا لسه جاي من مصر وسايب اللحمة ف المناطق الشعبيه ب48 انا بتكلم ع جزارين عاديين جدا جدا الكلام ده من شهر تقريبا واكيد استمرت ف الزياده انا حضرتها اول الاجازة ب40 ف خلال شهرين وصلت 48

وحضرت ازمة انبيب البوتوجاز وكان واحد يقول لزميلة والنبيث وانت جاي شوفلي حد يجيب لي انبوبة تتخيلوا يا افاضل وصت 30 جنيه وكانها مخدرات وبقدرة قادر وبتوجيهات السيد الرئيس اتحلت

واللحمة كمان بتوجيهاته هتتحل

وازمة العيش برده بتوجيهاته اتحلت

هو احنا عايشين فين بالظبط ايه ده 80 مليون امورهم ماشية بامر شخص واحد لك الله يامصر

ومحدش يقولي اصل انت نشاتك ف بلاد الواء واء ونظرتك وحشة تجاه ماهو مصري انا بقول حقائق دون زيف الشعارات

وع فكرة اللحمه غليت والناس ولا حاجه ابسط شيئ تقاطعها لا مش عاوزين قمة السلبية

رابط هذا التعليق
شارك
fatfouta عضو جديد

fatfouta

بتاريخ:
  • كاتب الموضوع
بتاريخ:

ايوه صح لازم الناس تقاطع ذى ما المطاعم هتعمل كده

طب مالناس تجرب اسبوع تقاطع اللحمة هتلاقى التجار اتأدبوا والجزارين قفلوا

وبعدين ممكن الحال يتعدل

بس عجبنى جدااااا موقف المطاعم والله....عقبال الناس كلها يارب

واهو مشاكلنا نحلها بنفسنا طالما حكومتنا مش عاوزة تحل حاجة

رابط هذا التعليق
شارك
doha عضو جديد

doha

بتاريخ:
بتاريخ:

معليش تعليق جانبي على الموضوع بغض النظر عن مسالة ارتفاع اسعار اللحوم

هو في قاعده ان الخروف بالذات بيكون من اغلى انواع اللحوم وبالتالي صعب اوي انك تلاقي خروف بـ 1300 جنيه اذا كان وقبل الغلاء كان السعر ده ممكن متلاقيش بيه خروف كويس فبالتاكيد حاليا بقت المسالة اصعب

الصحيح انها تشتري ( جدي ) او ( معزة ) دي هتديلها نفس عدد الكيلوات بس بسعر اقل كتير يعني ممكن تلاقي بالسعر الي جمعته .. ده من جهة

ومن جهة ثانيه على فكره في ناس شديده الفقر لدرجه ان التفكير في اهدائها لحم حتى لو مش هيدفعوا ثمنه من اقصى انواع الرفاهية

اعتقد توزيع المبلغ على المحتاجين هينفعهم اكتر بكتير من اعطائهم لحوم لان اكيد عندهم اولويات تانيه واعتقد الفلوس نقدا انفع لهم من اللحوم في الحالة دي ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

المقاطعة ليس حلاً ... لإن الناس مقاطعه خلقه

كمان المقاطعة بتؤدي إلى عواقب وخيمه تخلي الناس تقول : حرمت يا بيه

وأهم تلك العواقب

أرتفاع أسعار الدجاج والسمك

الدجاج .. كده كده هايوصل أرقام فلكيه - أفتكروا الكلام ده كويس - والواحد بعد كده ياخد ميعاد من الفرخه عشان يتصور معاها بس .. لأن الحكومة قررت نقل مزارع الفراخ إلى الصحراء ... وكل سنة وإنتو طيبين ..

فمُربي الدواجن اللي كان عامل مزرعة جنب بيته أو في حته جنب الغيط بتاعه ... أتفرض عليه إنه يتنفي في الصحرا . وخد عندك بقى التكلفة اللي هاتزيد ..

كمان من أول شهر 6 الحكومة منعت بيع الفراخ الحية أو نقلها بين المحافظات ... وعيش يا معلم

فإذا كان دلوقت من غير ده كله وكيلو الفرخه بريشها بعضمها بالقوانص وصل 20 ج .... يبقى بعد كده هايوصل إيه 50 ؟

السمك ... لا تعليق فهو أكل الأرستقراط من زمان

-----------------

في تونس الفترة الاخيرة دي قريت ان فقراء تونس اتجهوا للحم الحمير

اي والله لحم الحمير

ربنا يستر ومحدش في الخباثة كده يعمم التجربة التونسية من غير ما حد يحس واهي الناس مش عارفة بتاكل ايه اهي لحمة وخلاص

يابني إحنا رواد في كل حاجه وتونس بتقلدنا ..

امبارح في برج العرب وفي أحد الخرابات ... وجدوا 15 راس حمار مدبوح ... و10 كلاب ... لوووووووووووووول

طبعاً معروف

الحمير .. بتلو

والكلاب ... ضاني

أكلتونا كلاب يا ولاد البولوبيف ؟

-----------

إشمعنى في دي الدولة مش هاتفشل ؟

حتى لما بتستورد لحمه من اثيوبيا أو الهند أو السودان ... برضوا الناس لا تستسيغ إلا أكل البلدي

------------

الصحيح انها تشتري ( جدي ) او ( معزة ) دي هتديلها نفس عدد الكيلوات بس بسعر اقل كتير يعني ممكن تلاقي بالسعر الي جمعته

إزاي بس يا ضحى ؟؟؟؟ ما كانش حد غُلب

عاوزه تقارني حجم المعزة مهما كانت بالخروف .... مستحيل طبعاً ...

----------------

في بعض المحافظات الأن وزراة الزراعة خصصت ثلاجات متنقلة كبيرة لبيع اللحوم الأثيوبية الطازجه ... تحت حراسة الشرطة

يبقى عندنا دلوقت

... الجيش بيعمل عجين الفلاحه ويبيع عيش

والشرطة بتبيع لحمه

أنا رأيي الجهازين يندمجوا مع بعض ونسميها " قوات الحواوشي "

عيش باللحمه يعني ... طب والله افيد للشعب

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

والله راجل .. والشخصية المحترمة لا تتجزأ ..

فالشخص ذو المواقف الساسية المحترمة ... لا يثمكن إلا أن يكون محترم في كل شيء

يارب أرزقنا بواحد يكون اردوجان .. مش إرد بس زي اللي عندنا ...

أردوجان يأمر وزراءه بـ«حل أزمة اللحوم» ويمهلهم يومين لـ«إعادة الأسعار لما كانت عليه»

كتب أنقرة ــ «أ.ش.أ» ٢٦/ ٤/ ٢٠١٠

أردوجان

أمر رئيس الوزراء التركى رجب طيب أردوجان، أمس، الوزراء المعنيين فى حكومته، بإيجاد حل عاجل لمشكلة ارتفاع أسعار اللحوم، وأمر بإعادة أسعار اللحوم إلى ما كانت عليه قبل زيادة أسعارها بأكثر من ٥٠٪ فى يناير الماضى، وبالتصدى لمحاولات الاحتكار التى يقوم بها بعض تجار الماشية والجزارين. وأعطى رئيس الوزراء التركى مهلة لوزرائه يومين على الأكثر لإعادة أسعار اللحوم إلى ما كانت عليه قبل الزيادات التى حدثت فى يناير الماضى.

وشهدت أسعار اللحوم ومنتجات الألبان والخضروات والفواكه، زيادات غير مسبوقة فى تركيا منذ بداية شهر يناير الماضى، وأثر ارتفاع أسعار اللحوم ومنتجات الألبان بشكل كبير على قطاع الفنادق والسياحة فى تركيا، بالإضافة إلى عجز غالبية المواطنين عن تحمل الزيادات الجديدة فى الأسعار، خاصة أسعار اللحوم الحمراء.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
pocy عضو جديد

pocy

بتاريخ:
بتاريخ:

معلش انا مش عايزه اغير فكره الموضوع بتاعكم بس

انا لما نزلت مصر السنه اللى قبل اللى فاتت وكان مفروض هنعمل عقيقه لابنى عمر وسبحان الله نزلت وشوفت الخرفان مضعضعه والله

لدرجه انى بقولهم حرام تدبحوها دى هتموت دلوقتى تقريبا من كتر ما هى رفيعه جدا وخلتهم يرجعوها ويجبولنا اتنين تانين

بس بصراحه شكلهم كان صعب قوى وربنا يعين

ملحوظه على جنب كان اول أمس كان فى سوق اتفتح جديد وجايبين تلات جمال دبحوهم قبل الافتتحاح بدقائق وكان اللى عايز لحمه يجي والله لو اقولكم ان اللحمه كانت بتترمى فى الارض والناس تقرف وتمشي والبنغال والهنود ايه اتلموا عليها بعد كده زى الوحوش ناس مش لاقيه وناس لاقيها مرميه فى الارض

انا مش شوفت بس ده الى تحاكالى والله حاجه تحزن وربنا يسترها

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
justme عضو جديد

justme

بتاريخ:
بتاريخ:

انا اللي مستغربله لما 1300 جنيه في مصر مش جايبه خروف امال الخرفان اللي باقل من كده في الخليج وزيالفل بيجيبوها منين بيرسموها على ورق كرتون حاجة غريبة

من لايملك قوته لايملك قراره

سنظل هكذا طالما نحن نعتمد على غيرنا ليطعمنا

لماذا كلما زاد تقدم العالم زادت مشاكلنا وزاد تخلفنا

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
انا اللي مستغربله لما 1300 جنيه في مصر مش جايبه خروف امال الخرفان اللي باقل من كده في الخليج وزيالفل بيجيبوها منين بيرسموها على ورق كرتون حاجة غريبة

من لايملك قوته لايملك قراره

سنظل هكذا طالما نحن نعتمد على غيرنا ليطعمنا

لماذا كلما زاد تقدم العالم زادت مشاكلنا وزاد تخلفنا

في فرق بين الخروف البلدي ( هنا في السعودي إسمه نعيمي ) وده اغلى الأنواع وسعره عالي c6f71408.jpg

وبين الخروف الصومالي أو الأفريقي أو السواكني وده سعره منخفض جداً مقارنة بالبلدي

801.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Simba عضو جديد

Simba

بتاريخ:
بتاريخ:
ذعر فى الإسكندرية بعد العثور على ١٥ رأس حمار و١٠ كلاب مذبوحة

كتب رجب رمضان ٢٦/ ٤/ ٢٠١٠

تصوير ـ طارق الفرماوى

رؤوس وأحشاء الحمير فى مكان الواقعة

سادت حالة من الذعر بين أهالى الإسكندرية، أمس، بعد العثور على ١٥ رأس حمار و١٠ كلاب مذبوحة بجوار استاد برج العرب الجديد غرب المدينة، الأمر الذى يشير إلى احتمال قيام بعض الأشخاص بذبحها وإخراج أحشائها لبيعها لحوماً بلدية للمستهلكين.

كشف د.محمود عمارة ـ أحد شهود العيان ـ أنه حينما اشتبه فى الأحشاء والعظام والرؤوس قام بتصويرها وإبلاغ المهندس سعيد الألفى، رئيس جهاز حماية المستهلك، بالواقعة، فرد عليه قائلاً: «إن هذا الأمر من اختصاص الطب البيطرى».

وقال عمارة إنه بعد إبلاغ الألفى أجرى اتصالاً بالعديد من المسؤولين فى الإسكندرية، لكن أحداً لم يجبه.

من جانبه، استنكر المهندس جمال زقزوق، رئيس جمعية حماية المستهلك فى الإسكندرية، ارتكاب بعض الجزارين ممن وصفهم بـ«معدومى الضمير» مثل هذه التصرفات غير المسؤولة، مطالباً باستمرار حملة مقاطعة اللحوم فى الأسواق خاصة الجزارين مجهولى الهوية، وأضاف زقزوق: «سيتم نشر توعية على موقع الجمعية بعدم شراء اللحوم من الجزارين غير المعروفين».

كانت ظاهرة ذبح الحمير والكلاب والخيول والقطط النافقة انتشرت فى العامين الأخيرين بالتزامن مع ارتفاع اللحوم، وكان أبرز الوقائع فى هذا الصدد ضبط مجموعة من الجزارين فى كرداسة وبولاق الدكرور، يسلخون هذه الحيوانات النافقة ويبيعونها لصاحب محل لحوم مستوردة، مقابل ٥ جنيهات للكيلو، ويتولى الأخير «فرم» اللحوم وإضافة بطاطس عليها وبيعها للمطاعم فى مناطق متفرقة بالجيزة.

كما ألقت أجهزة الأمن بالقاهرة قبل نحو أسبوع القبض على سائق سيارة بالوراق ينقل جاموسة نافقة واعترف بأنه سيقوم بتوصيلها إلى أحد الجزارين، وتم العثور على جاموستين نافقتين أخريين داخل محل الجزار كان يستعد لتقطيعهما استعداداً لبيعهما، واعترف بأنه يقوم بجمع الماشية النافقة التى ماتت منذ ساعات لدى أصحاب المزارع والفلاحين ثم يذبحها داخل محله ويبيعها للمواطنين بأسعار مخفضة.

كلام حسام

follow me

رابط هذا التعليق
شارك
justme عضو جديد

justme

بتاريخ:
بتاريخ: (معدل)
في فرق بين الخروف البلدي ( هنا في السعودي إسمه نعيمي ) وده اغلى الأنواع وسعره عالي

وبين الخروف الصومالي أو الأفريقي وده عسره منخفض جداً

هي الناس حتى لاقية الخروف الكاوتش في مصر يا حج س س

انا عارف ان السعر منخفض بس

لكن الغلبان اللي مرتبه 200 جنيه ولا حتى 500 جنيه يعمل ايه هو لاقي حتى لحمة حمير

ربنا كريم

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
fatfouta عضو جديد

fatfouta

بتاريخ:
  • كاتب الموضوع
بتاريخ: (معدل)

طب وبعدين ؟؟؟

يعنى لو مش هنقاطع هتفضل غاليه ولو قاطعنا هتغلى الاسماك والدجاج؟؟

يعنى بكده ممكن الفرخة الواحدة على رمضان توصل لـ 50 او 60 جنيه

طب الناس تعمل ايه؟ هتقاطع ايه ولا ايه

ده خبر فى المصرى اليوم

وأضاف الحيانى، فى تصريحات صحفية أمس، أن هناك أسبابا أخرى وراء الأزمة، منها أن مصر فقدت أكثر من ١٥% من رؤوس الجاموس والأبقار البالغة ٦ ملايين رأس، أى ما يصل إلى ٩٠٠ ألف رأس عام ٢٠٠٦، بسبب استيراد حيوانات حية من إثيوبيا، مصابة بمرض الحمى القلاعية.

هو احنا ناقصين نفقد يا ناس احنا عاوزين نزود

سؤال بقى صغير كده..........هو فين رئيس وزائنا طب معلش هو فين رئيسنا؟؟؟؟؟؟؟؟؟

اسيبكم مع تفاصيل الخبر

تم تعديل بواسطة fatfouta
رابط هذا التعليق
شارك
fatfouta عضو جديد

fatfouta

بتاريخ:
  • كاتب الموضوع
بتاريخ:
انا اللي مستغربله لما 1300 جنيه في مصر مش جايبه خروف امال الخرفان اللي باقل من كده في الخليج وزيالفل بيجيبوها منين بيرسموها على ورق كرتون حاجة غريبة

من لايملك قوته لايملك قراره

سنظل هكذا طالما نحن نعتمد على غيرنا ليطعمنا

لماذا كلما زاد تقدم العالم زادت مشاكلنا وزاد تخلفنا

في فرق بين الخروف البلدي ( هنا في السعودي إسمه نعيمي ) وده اغلى الأنواع وسعره عالي c6f71408.jpg

وبين الخروف الصومالي أو الأفريقي أو السواكني وده سعره منخفض جداً مقارنة بالبلدي

801.jpg

انت عارف يا سى السيد والله قعدت اضحك على منظر الخروف الصومالى

الصومالى صومالى برضو.....وبرضو اخنا مش طايلينه فى مصر :roseop:

الله المستعان

رابط هذا التعليق
شارك
fatfouta عضو جديد

fatfouta

بتاريخ:
  • كاتب الموضوع
بتاريخ:
المهم قالي كل التجار بيدبحوا العشر (الحوامل)

طب مش ده حرام شرعا؟؟

مافيش تخطيط فى اى حاجة فيه جشع من الحكومة ويليها التجار هو ده اللى موجود

اومال فين الذبح الشرعى والحلال

طب حد قرأ الخبر بتاع الاختام المسممة للحوم واللحوم اللى مليانة ديدان اللى جاية من الهند؟؟

حالة من الفوضى والله... وحسبى الله نعم الوكيل

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
سؤال بقى صغير كده..........هو فين رئيس وزائنا طب معلش هو فين رئيسنا؟؟؟؟؟؟؟؟؟

حضرتك الرئيس في شرم الشيخ بياكل سيمون فيميه وكافيار _16563_caviar-22-7-2003.jpg

رئيس الوزرا لسه عريس جديد وكدهوت ومش داري بحاجه وأساساً العريس الجديد مش بياكل لحمه .. لكن بياكل mk17809_alorainy%20(4).jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
المهم قالي كل التجار بيدبحوا العشر (الحوامل)

طب مش ده حرام شرعا؟؟

مافيش تخطيط فى اى حاجة فيه جشع من الحكومة ويليها التجار هو ده اللى موجود

اومال فين الذبح الشرعى والحلال

طب حد قرأ الخبر بتاع الاختام المسممة للحوم واللحوم اللى مليانة ديدان اللى جاية من الهند؟؟

حالة من الفوضى والله... وحسبى الله نعم الوكيل

حرام شرعاً ؟

وهو اللي بيبيع الحمير المدبوحه أو الفراخ اللي لو فطست ببيدبحها وتبقى زي الفل ..

كل دول بيعرفوا شرعي ولا عُرفي حتى ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Howayda Ismail
      0
      هى بقت سايبة للدرجة دى
      http://www.youtube.com/watch?v=YwWWowWXd1Q انا اعرف ان المدارس تفتح للانتخابات او الانشطة الصيفية للطلاب او كنادى صيفى لابناء الحى انما تتحول لصالة افراح بما فيها من تجاوزات خصوصا الافراح الشعبية التى نادرا ماتخلوا من المخدرات او الخمور او .....او ...... اى اهانة تحدث الان ومن المسئول عن تأجير او السماح باقامة الفرح داخل المدرسة واين وزير التعليم او حتى وكلاء المنطقة التعليمية التابع لها المدرسة مما يحدث وبعد كده عاوزين الطلاب يحترموا المدرسة والمدرسين

      بواسطة Howayda Ismail
      كُتب

    • raouf
      25
      للدرجة دى وصل الحال بمصر
      قرات هذا المقال فى جريدة الدستور امس ولا اخفى مدى حزنى وتفريبا كانت ستفر الدمعة من عينى وانا اقراه هل هذا حزاء من يضحى بحياته ونفسه وعائلته من اجل الوطن ؟ ده لو كان جاسوس وافرجوا عنه كان زمانه عايش عيشه افضل من هذه شوفوا ايه اللى بيحصل للبطل جمعه الشوان جمعة الشوان للدستور الأصلي: ألوم الموساد لأنه لم يقتلني ويريحني مما يحدث لي في مصر

      بواسطة raouf
      كُتب

    • se_ Elsyed
      16
      بوسه لكل مواطن !!!! هي وصلت للدرجة دي يا حكومة ؟
      أقسم بالله ما صدقت نفسي وأنا أقرا الخبر .... هي وصلت للدرجة دي يا حكومة الفساد ؟؟؟؟؟؟؟؟ جريدة المساء الحكومية .. واخدين بالكو .. يعني لا صحافة صفر ولا صحافة تهييجية أنا ساكن حالياً بيني وبين نادي الشمس حوالي محطتين اتوبيس ... أتاريني كل ما أتصل على أخواتي من كام يوم مش لاقي حد في البيت وماما كل شوية تقولي دول راحوا يرتاحوا ويشتروا ريحة اللهي يريح قلوبهم والله هم يبكي وهم يضحك عيد الحب ده باين يوم 13 فبراير ؟ دي هاتبقى معجنه في نادي الشمس والشركة بتاعت الريحة ممكن تستعين بقوات إضافي

      بواسطة se_ Elsyed
      كُتب

    • هادي
      4
      وصلت للدرجة دي !!!!!!!
      الاخوة الكرام لم أتخيل أن اشاهد هذا الكم من (السماجة) وهذا الكم من (القرع) في .. ورقة امتحان !!! أي والله ورقة امتحان امتحان (رسم) تربية فنية ولننظر بأنفسنا .. ونقرأ بهدوء لنعرف الى أين وصلنا في المحروسة حتى الاطفال سنرضعهم نفاق و دجل !! الى أين نذهب .. أفيدونا يا أهل الـ (تربية) و الـ (تعليم)

      بواسطة هادي
      كُتب

×
×
  • أضف...