الفاشل يرفع ايده !!!

[حشيش]

الفاشل يرفع ايده...هيه...ويغنى فى عيدنا وعيده...هيه...ويقول ويقول دايما...فاشلين على طول...دايما على طووووول...دايما دايما دايما... فشل العرب فى كل شئ...فشلنا فى السياسة والاقتصاد والوحدة...فشلت زيارة مبارك لواشنطن...فشلنا فى نصرة اخوتنا فى فلسطين والعراق...فشلنا فى الاطاحة بانظمة الحكم فى بلادنا...فشلنا فى زراعة القمح...فشلنا فى الصناعة (باستثناء الاستيكة)...فشلنا فى التعليم...الحكومات فاسدة والشعوب اكثر فسادا...كل شئ يبدو كئيب...اللهم ادركنا بنصرك الذى لا نستحقه !!!

[حشيش]

[مصر عشقى]

يا عم حشيش ابشر فعما قريب سوف يحكم العرب الارض

اتعرف متى ؟

بعد رحيل الغرب الى المريخ وعليك خير

[ragab2]

أتفق

معك فى كل كلمة وحرف كتبته

وهذا أقل مايتصف به حالنا المذرى والخيبة التى ألمت بنا

حتى صارت حياتنا جولات من الفشل والتخبط

تحياتى

[Cleo]

يا عم حشيش ابشر فعما قريب سوف يحكم العرب الارض

اتعرف متى ؟

بعد رحيل الغرب الى المريخ وعليك خير

المصيبة يا مصر عشقى إن حتى ساعتها......ز

الغرب هايفضل يحكمنا حتى من المريخ.....

مش لأنه أدمن استعبادنا.............

لكن.........

احنا اللى أدمنا المهانة

[حشيش]

نشجب ونندد وندين اغتيال الشهيد الرنتيسى كما فعلنا مثل ذلك عند اغتيال الشيخ ياسين وعندما دنس الصهاينة باحة المسجد الاقصى ووطؤوه باحذيتهم كما اننا ادنا بشدة ابقاء رئيس عربى هو ياسر عرفات رهن الحصار لمدة عامين وسوف ندين اى محاولة فى المستقبل اذا فكر الغرب ان يدنس جنوده المسجد الحرام بمكة المكرمة وسنظل نشجب وندين حتى يذهب الله بنا وياتى بقوم اخرين يحبهم ويحبونه اذلة على المؤمنين اعزة على الكافرين

القادة العرب

[Salwa]

حشيش......

من فضلك غير التوقيع.......

ده كدة ........توقيع..

برضه القادة العرب ....حايقولوا .نشجب..؟؟؟

سبق لنا وقلنا .....تعالوا يابتوع نشجب ....تعالوا قولوا حاجة ..

وخافوا !!!

محدش قال حاجة ..

اشجب انت ...قول اللى فى نفسك ....

على الأقل قلت ....

ووقع....

مواطن يصرخ....ماباليد حيلة ...

بعنا نفسنا ....اجزاء...اجزاء....اجزاء ياعرب اجزاء..

مواطن ...مكبل بهموم الوطن ...او ...ماكان وطن ..

حشيش.

[se_ Elsyed]

نشجب ونندد وندين اغتيال الشهيد الرنتيسى كما فعلنا مثل ذلك عند اغتيال الشيخ ياسين وعندما دنس الصهاينة باحة المسجد الاقصى ووطؤوه باحذيتهم كما اننا ادنا بشدة ابقاء رئيس عربى هو ياسر عرفات رهن الحصار لمدة عامين وسوف ندين اى محاولة فى المستقبل اذا فكر الغرب ان يدنس جنوده المسجد الحرام بمكة المكرمة وسنظل نشجب وندين حتى يذهب الله بنا وياتى بقوم اخرين يحبهم ويحبونه اذلة على المؤمنين اعزة على الكافرين

القادة العرب

أدي أخرة الشباب اللي مش أب تو ديت .. ولا يتابع مجلات ميكي ولا سوبر ميكي ..

يا حشيش يا حبيبي دول حتى الشجب والإدانة اللي كنا بنتفاخر بهم وبنغزو بهم العالم الذي قال عنا " إن العرب هم ظاهرة كلامية " فحتى دي بطلوها ولا بقوا يشجبوا ولا يدينوا ولا يهشوا ولا ينشوا ...

وكأننا نعيش في معهد الصم والبكم ..

طب هاتلي وصلة كده لشجب أو إدانة أي زعيم على ما يحدث في الفلوجة ، النجف ، القائم ، الرمادي ، غزه ، رام الله ... إلخ

ولا الهوا ... وده تنفيذاً للاوامر العليا الصادرة من زعيم الكرة الأرضية بوش الإبن .

[Hasaballa 17]

لحد كام سنة فاتت كانت امريكا و اسرائيل حتى بيعملوا حساب لشوية قرارات الشجب والتنديد

دلوقت كل ما العرب يقولوا نجتمع تلاقى اسرائيل تطل بعملية اغتيال و ابقوا ورونا حاتقولوا ايه.

اد كده حب الكرسى يجعلهم يتنازلوا عن اى شىء.

[se_ Elsyed]

اد كده حب الكرسى  يجعلهم يتنازلوا عن اى شىء.

قصدك إيه يا حسب الله .. وضح لو سمحت ومش عايزين تلقيح كلام من تحت لتحت .. لأنك شكلك كده بتقصد القذافي بتاع عروض الإستربتيز ؟... ولا مارينجوس الأول إمبراطور نفاقستان وفولتا العليا اللي بيلف العالم كله ويوطي على إيدهم يبوسها علشان يستثنوه وما يصلحهوش في هوجة الإصلاح اللي بتعملها أمريكا ؟ ولا قصدك رئيس دولة الخضر اللي ضرب كرسي في الكلوب عشان القمة مايقوملهاش قومه ؟ ولا مين بالظبط ؟

هؤلاء يا صديقي قراوا عنوان كتاب ميكافيلي " الأمير " ومبدأه الشهير ( الغاية تبرر الوسيلة )

وغايتهم هي الإحتفاظ بالكرسي لأطول فترة ممكنة ... 20 سنة وإنت طالع .

ووسيلتهم هي تقديم كافة وكل التنازلات المطلوبة منهم من امريكا حتى لو تطلب الأمر تفتيش غرف نومهم لا مؤخذه زي ما صدام عمل كده عشان يفتشوا عن أسلحة نووية يكون مخبيها هنا ولا هنا :P .

[ابو يوسف]

أعتقد اننا نظلم الحكام العرب كثيراً !!

انهم يقومون يوميا بمساعدة الاخوة فى فلسطين و العراق بارسال طائرات من طراز (تنديد باتشى) و (استنكار 22 ) و السلاح الفتاك الذى لا يقاوم (قنابل الشجب العنقودية)

الا أن بعض الحكام العرب يمتنع حتى عن ارسال هذه الاسلحة على اعتبار انها أسلحة محظورة !!

ثم أنهم معذورون لعدم امكانيتهم لفتح باب الجهاد ؟؟؟

فحسب آخر الانباء التى وصلتنا من عم قفل المتحدث الرسمى للبيت الاسود القابع فيه حكامنا أن المفتاح ضاع .. ومافيش نسخة تانية !! و جارى تطفيش الكالون !!

اما ضرب الطلبة المتظاهرين و الشعوب الثائرة .. فهو لتخليصهم من الطابور الخامس المندس بينهم ..

كفايا ظلم بقى و افتراء !!

وبعدين ما كفاية علينا التاريخ بتاعنا غرقان بالبطولات و العزة و الكرامة و الانتصارات ..

ما نجرب شوية هزائم و انكسارات و مهانة ..