انت/ى كنتوا الأوائل؟؟ قـــولوا الحقيـــقة

[fatfouta]

طول عمري الأول

زوهيرى حمد لله عالسلامة الأول

عارفين طبعا انت الأول مافيش كلام....باين عليك عارف ليه؟؟؟ عشان علطول بتقوم بالبحث:blink:

انت متخفى ليه صحيح؟؟ انا مش شايفاك :sad:

تم تعديل 27 أبريل 2010 بواسطة fatfouta

[fatfouta]

بس بقولها بثقة مطلعتش الاولى ومش هنصب على بنتي وافهمها العكس

قصدك ايه يا ضحى انا نصابة يعنى :)

ماكانش العشم :lol:

لا والله يافتفوته العفو

بس وانا بكتب كان في ذهني يحيى الفخراني في محاكمه علي بابا لما قال لابنه انه الاول على مدرسة التوفيقية وازاي كلنا اكتشفنا بعد كده ان اهالينا كلهم متخرجين من التوفيقيه !!

انا متخرجتش منها وعلى هذا مش هنصب على بنتي زي الفخراني ماعمل مع ابنه

معليش جات فيكي يافتفوته ومش انتي المقصوده

التوفيقية دى يا ضحى مدرسة ثانوى بنين عريييييييقة جدا والله مابتريق فى شبرا

بنين هه يعنى ماينفعش تتخرجى انتى منها طبعا :sad:

انا عارفة يا حبيبتى ولا يهمك :blink:

[kitkat]

أه والله يا اوخشي

هاحكيلك حدوتة

مرة واحد اخد جايزة تفوق كان المفروض انا الي اخدها اصل مامته كانت مدرسة في المدرسة ههههههههههههههههه

بس الواد ده كان جدع اوي والله يااااااااااااااااه احلي ايام فكرتيني بالذي مضي

طبعا مقتبسة من

تم تعديل 27 أبريل 2010 بواسطة kitkat

[fatfouta]

فى الابتدائى عمرى ماذكرت ولا حد ذاكرلى

وطلعت الاول على المدرسه اذاى ما اعرفش

فى الاعدادى الاول ايضا طول الثلاث سنوات وبردة بدون مذاكرة

فى الثانوى بدأت اذاكر واخد دروس طلعت الاول طوال الثلاث سنوات وفى الثانوية العامه لم احضر يوما واحد فى المدرسة وكلة مذاكرة فى البيت والدروس

وجبت مجموع يدخلنى جميع كليات القمة ولكنى للأسف صممت على صيدله

فى الجامعة

تقدير عام امتياز وثالث الدفعة .

خمسة وخميسة اوعى حد يحسد :sad:

طفل معجزة

لا بيذاكر ولا حد بيذاكرله وبينجح بتفوق

ومش عاوزنا نقر؟؟؟ :blink:

[عاشق الترحال]

في إبتدائي كنت متفوق ومن الاوائل

في إعدادي كنت متفوق بس مش من الأوائل

في ثانوي مكنتش متفوق ومكنتش من الأوائل

في الجامعه بقى بلاش فضاااااايح :blink:

صباحكم تفوق وجوايز للشطار :sad:

[se_ Elsyed]

والله العظيم والله العظيم آه كُنت من الأوائل

لكن أنا طلعت قريب الرفاعي ونفس الدماغ الكبيرة ...

من إبتدائي لحد 3 ثانوي ما كنتش بأذاكرش ... ولا ليه خُلق أذاكر والحمد لله ولا باخد دروس ولا كلام من ده ومقضيها كورة وسنيما وسرمحه عالأخر ... ولحد دلوقت وحياتكو حتى في الماجستير .. ما بأفتحش كتاب لكن بأفهم من المحاضرات أو الملخصات .. بالعربي ومن الأخر حليت أسئلة أمتحانات الدُفعات اللي إتخرجت قبل كده ودخلت الأمتحان بصدري و شوطت فيهم وهانجح إن شاء الله

والدي ووالدتي أخر ما يئسوا مني عشان ما بأذاكرش ... سابوني لضميري .. لكن كنت بأشرفهم وشهادات التقدير تشهد على كده ...

ده لحد ثانوي

جبت مجموع كبير في الثانوية لكن أخترت تجارة بمزاجي وعشان باحبها وكان نفسي في ألسن لكن فرقت درجة ونص ... ومارضيتش بأي حاجه تانية أثار ولا أعلام ولا الحاجات دي ...

في الجامعة كبرت دماغي وقلت مش هاذاكر لكن هامشي بمستوى ثابت وأجيب جيد كل سنة لأن أنا أخر واحد ممكن يتخيل نفسه معيد في جامعه أو مُدرس أساساً ..عشان كده كنت باحضر في كافيتريا كلية التجارة وتحديداً عند بتاع الكبده

والحمد لله قد كان

----------

من شابه أباه فما ظلم

عُمر طالع نسخه مني ... وبأراقبه من بعيد .. نفس السلوك المنحرف بتاعي وأنا صغير .. ما شاء الله بيطلع الأول على فصلة ... لكن لما بيقعد يذاكر كإنه قاعد على نار .... وممكن يبقى بيذاكر قدام التليفزيون ومشغل الكارتون أو المصارعة - سيم سيم صديج أنا -

[اغابي]

فى الحضانة - كنت شاطرة جدا وكل الاناشيد حفظاها . . ( ولغاية دلوقتى اهلى عايشين على الذكريااات الجميلة دي :lol: )

فى ابتدائـــــي كنت هــــادية وشاطــــــــرة وامــــورة . .

فى اعدادى كنت صعبة ومتمردة وفاشلة ومش بذاكر

فى ثانوي كنت مشتتة ومش واثقة فى مستوايا لكن جبت مجمــــــوع كبير ادبــــى

فى الجامعة كنت متفــوقة جدا جدا - رغم كان لى اهتمامات تانية كتيررررر :lol: ررررر رررررررر :P

فى الوظيفة نجحت جدا فى الاول smk:

وبعدين اهملتها mfb: وحاليا انا نسيتها اصلا

فى النهاية ما تفكرونيش بالحاجات دى - بليززززززززززززز md2: زززززززززززززز -

لان انا حاليا حاسة انى فاشلة فى كل يوم بيمر عليـــــا يتجدد احساس . . . الفشل .... فشل ... B)

اغابي

[عنبو]

انا ولله الحمد فى كل مرحله عندى ما يثبت بالاوراق الرسميه انى كنت الاول لانى عامل حساب اليوم ده

لان وانا صغير كان عقلى هيفرقع وأتسأل هو كل الابهات كلهم كانوا بيطلعوا الاول امال مين اللى كان بيطلع التانى !!!!!

و كان ايضاً اللى شاغل تفكيرى ازاى اجمع بين الصياعه والشطاره ودى كانت معادله صعبه ؟؟

لانى كنت حابب اكون صايع وفى نفس الوقت اكون شاطر لان كان اغلب العيال الشاطرين عيال غلابه كده وملهمش فى حاجه الا المذاكره

[مغتربة]

ليه بس تفكرينا بالذى مظى يا فتفوته

طبعا ابتدائى و اعدادى و اولى و تانيه ثانوى من الاوئل

و كمان فى الخدعه الى اسمها فصول المتفوقات دى

لكن انا عندى مشكله اساسيه ان انا مش بحب المذاكره بوتاتا

و دا دايما سبب الخلاف بينى و بين امى الله يرحمها

كانت دايما تقولى ماو لو انتى بتذاكرى لكن دى قدراتك مكنتش قلت حاجه

لكن المصيبه ان دماغك نضيفه قوى بس بينك و بين المذاكره عداء رسمى

:lol: :lol:

لما وصلت بقى لتالته سنوى اضفت لعدم المذاكره حاجه احلى منها

ان انا قعدت طول السنه افكر انا عايزه ادخل كليه ايه

اه و الله

كانى كده خلاص نجحت و جبت 100% و بيقولولى اتفضلى يا سمو الاميره مغتربه نقى الكليه الى انتى عيزاها

و النتيجه طبعا معروفه نجحت بمجموع عالى لكن ميحصلش طب و لا صيدله

قالولى طب بيطرى

قولتلهم لا يومكن ( مع كامل الاحترام للاطباء البيطريين ) استحاله اطلع دكتوره حمير

طيب علوم

قلت برضه استحاله

كفايه خبطه واحده فى العيله ( اختى الكبيره )

المهم رسيت على اداب

قلت كويس ادخل قسم لغه فرنسيه لانى كنت فى الايام دى ( قبل ما انساها حاليا ) شاطره فيها جدا و نقصت فيها بس نص درجه فى الثانويه العامه

قالولى لا لازم تكون لغتك الاول

طيب يا جماعه ادخل عبرى او اسبانى

الكل قالى هتشتغلى بيهم فين

لقيت مفيش منها بد

حولت من سكات على حبيبه الشعب تجاره

و فى اول سنه كنت بصرف حاجه اسمها منحه تفوق

و كل سنه معرفش باب المدرج منين اساسا لكن اشترى الكتب و اذاكر اخر شهر و انجح بجيد و عدت على خير mfb: smk:

بس يا ستى و ادى الحكايه من طقطق ل

سلامو عليكو

[عاشق الترحال]

و كان ايضاً اللى شاغل تفكيرى ازاى اجمع بين الصياعه والشطاره ودى كانت معادله صعبه ؟؟

لانى كنت حابب اكون صايع وفى نفس الوقت اكون شاطر لان كان اغلب العيال الشاطرين عيال غلابه كده وملهمش فى حاجه الا المذاكره

حقيقي يا عنبو يا خويا الحال من بعضه

إنما أنا بقى تفرغت للصياعه

[ابوهنا]

انا كنت الاول على المدرسه من اولى ابيتدائى الى تانيه ثانوى

فى تالته ثانوى حبيبت (يخرب بيت الحب وسنينه) جبت 80% ودخلت كلية تربيه

استمريت فى كلية تربية وامتحنت الترم الاول

البنت اللى كنت باحبها اتجوزت

فى الترم التانى كنت احضر فى كلية التربيه واذاكر الثانويه العامه

جبت 90% ودخلت كلية الطب

فى اولى طب جبت جيدجدا وكنت السادس على الدفعه

فى سنه تانيه جبت امتياز وكنت السادس على الدفعه

فى سنه تاليته حبيت تانى (يخرب بيت الحب وسنينه) طبعا جبت جيد وكان ترتيبى الخمسين على الدفعه

فى سنه رابعه البنت اللى كنت باحبها اتجوزت

فى سنه رابعه وخامسه وسادسه جبت جيدجدا وكان ترتيبى النهائى التاسع على الدفعه

اتعينت فى الجامعه فى اول سنتين فى النيابه فى الجامعه كنت ممتاز وجبت امتياز فى الجزء الاول فى الماجيستير

فى اخر سنه فى النيابه اتجوزت (يخرب بيت الجوتز وسنينه) طبعا فشلت وانهيت الماجيستير بجيد

المثل يقول (وراء كل رجل عظيم امرأه عظيمه)

بالنسبه لى المثل يقول (وراء فشل كل رجل عظيم امرأه عظيمه)

[لماضة مصرية جدا]

انا كنت الاول على المدرسه من اولى ابيتدائى الى تانيه ثانوى

فى تالته ثانوى حبيبت (يخرب بيت الحب وسنينه) جبت 80% ودخلت كلية تربيه

استمريت فى كلية تربية وامتحنت الترم الاول

البنت اللى كنت باحبها اتجوزت

فى الترم التانى كنت احضر فى كلية التربيه واذاكر الثانويه العامه

جبت 90% ودخلت كلية الطب

فى اولى طب جبت جيدجدا وكنت السادس على الدفعه

فى سنه تانيه جبت امتياز وكنت السادس على الدفعه

فى سنه تاليته حبيت تانى (يخرب بيت الحب وسنينه) طبعا جبت جيد وكان ترتيبى الخمسين على الدفعه

فى سنه رابعه البنت اللى كنت باحبها اتجوزت

فى سنه رابعه وخامسه وسادسه جبت جيدجدا وكان ترتيبى النهائى التاسع على الدفعه

اتعينت فى الجامعه فى اول سنتين فى النيابه فى الجامعه كنت ممتاز وجبت امتياز فى الجزء الاول فى الماجيستير

فى اخر سنه فى النيابه اتجوزت (يخرب بيت الجوتز وسنينه) طبعا فشلت وانهيت الماجيستير بجيد

المثل يقول (وراء كل رجل عظيم امرأه عظيمه)

بالنسبه لى المثل يقول (وراء فشل كل رجل عظيم امرأه عظيمه)

السلام عليكم و رحمة الله و بركاته

ايه ده يا دااااااااااكتور......انا حسيت ان ده فصل من كتاب "يخربيت النجاح و سنينه"....

ممكن طلب ضعنتوت آآآآد النملة...ممكن نستعي بقصة حضرتك كنموذج لولادنا يعني...عشان نقولهم اتفضل قوم ذاكر و بص في الكتاب يا ابني بدل ما انت قاعد علي اغنية عبحليم....

حضرتك بتاكدلي نظريتي ان اي ارتباط في فترة الدراسة بيبقي في معظم الاحوال....ينتشر و يتوغل و يقتل (زي فليت بتاع الصراصير....ايه الرومانسية دي... :lol: )

==================================

التوبيك ده

فكرني باخويا الاكبر مني.....دماغه حلو جدا ما شاء الله بس مبيحبش المذاكرة....المهم بابا كان هارينا موعظة من بتوع ونيس و حديث الثلاثاء...و ازاي انه كان من الوائل و الليلة دي

المهم الواد العفريت قوم عمل ايه.....مرة وقعت في ايده الشهادة الاعدادية بتاعت بابا....و في يوم من ديك الايام

لقينا الواد اتشعبط فوق كنبة الصالون و راسه و مليون شبشب انه يعلق حاجة ع الحيطة....اتاريه يا ولاد

عتر في شهادة بابا الاعدادية (مش عايزة ااقول بقي ع الدرجات....فضيحة)....و حوش من جيبه و عملها برواز

عارفين بقي.....ان بابا يسكت....ابدا بدأ الحوار عن الكفاح و إزاي كان بيذاكر علي لمبة الجاز.....

احنا مش معترضين و الله....بس انا بابا في الخر مش كلية قمة....و احنا مدخلناش لا قمة و لا قاع....

يبقي ايه لزمة البستفة كانت

=======================

انا شخصيا كنت بطلع الاولي....طلعت مرة الثامنة علي المدرسة....تانية اعدادي...مش عايزة ااقولكم كمية الاكتشئاب اللي عيشت فيها اخويا (اه ما هو انا كده ازعل انكد عليه هو).

و لما جيت ثانوية عامة...جبت مجموع فخم بس كان من السعودية....و لما نزلت مصر ...مش عارفة ايه اللي حصله...لقيته كش....و دخلت كلية موفتخرة........موووووووت... :lol:

طلعت فيها الاولي......الحمد لله رب العالمين....

و اخدت اكبر شاااالوت في حياتي....اني آمنت ان اللي يطلع الاول هيتعين

و عشان كده

انا ولادي.....عمري ما هقولهم كده...و لو باباهام حب يصيع عليهم....برضه هاخده علي جنب و افهمه غلطه

بابا و ماما لما كانوا فاكرين ان الدنيا....هما بابا و ماما و اخواتي....و قفلوا علينا....متهيالي كان مش صح....

الولاد من حقهم انهم يحسوا ان الدنيا مفتوحة و كبيرة اوي....مش لازم نتوحد مع تاريخ و حاضر و مستقبل الوالدين

مهم يبقي عندي دماغ....

مهم ان الواحد يدور جوه نفسه و يلاقي نقطة نور بتميزه عن غيره و اكيد هيلاقي.

انا عشت طول عمري بحلم اني اكون دكتورة.....و عشت ضغوط رهيبة عشان احقق حلم....اكتشفت بعد 20 سنة انه مش بتاعي...بتاع بابا

و الاهم اكتشفت اني مبحبش ريحة المستشفيات و لا البنج....طب ضيعت من عمري الوقت ده كله ليه؟؟؟

بس خلاص

فوتكم بعافية

يا رب عصااااااااااري بمزاج الانتخة......بلا مذاكرة بلا وجع قلب

[عنبو]

و كان ايضاً اللى شاغل تفكيرى ازاى اجمع بين الصياعه والشطاره ودى كانت معادله صعبه ؟؟

لانى كنت حابب اكون صايع وفى نفس الوقت اكون شاطر لان كان اغلب العيال الشاطرين عيال غلابه كده وملهمش فى حاجه الا المذاكره

حقيقي يا عنبو يا خويا الحال من بعضه

إنما أنا بقى تفرغت للصياعه

عادى مش مشكله انا كان عندى كامل الاستعداد انى اضحى بتفوقى ولا انى اضحى بصياعتى

[fatfouta]

- سيم سيم صديج أنا -

أهو انا كل خوفى ان ولادى يطلعوا سيم سيم صديج انا

عاوزاهم يطلعوا سيم سيم مدير بابا

[se_ Elsyed]

نفسي حد شجاع يدخل يكتب ويقول إنه كان فاشل وفي مره جاب ملحق أو طلع بمادتين وجاب تقدير ض ج

هل من مبارز ؟

ما تتكلم يا زُهيري

[pink rose]

انا لحد اعدادي من الاوائل

ندخل بقى على الوكسة الكبيرة ثانوي

كنت في الامارات و رجعت على اولى ثانوي و اول مرة في حياتي اجيب ملحق و في ايه الرياضيات اللي في اعدادية جايبة فيها الدرجة النهائية

بس و الله كان استقصاد من مدرس الفصل عشان اخد عنده درس

بس اخدت درس عنده و عديت اولى ثانوي

و خلاص عدت ثانوية عامة و دخلت الكلية

و الله ينور عينكم ما تشوف الا النور يا ولاد

مواد امتياز و جيد جدا و مواد بالصلاة على النبي ض ج

بس في الاخر تقدير عام جيد و الحمدلله

انا شجاعة اهو يا س س فين الحاجه الحلوة بتاعتي بقى؟؟؟؟؟؟؟؟؟؟؟؟؟؟؟؟؟؟؟

عاوزة شكولاتة جالكسي او ايس كريم بس يكون فانيليا بس الله يكرمك

تم تعديل 27 أبريل 2010 بواسطة remo

[fatfouta]

لأ ما هو انا لسه ماقلتش عالخيبة التقيلة اللى فى الكلية بقى

فى سنة أولى تخيلوا جبت جيد و إذاى معرفش يمكن لانى كنت حابة المواد ومقبلة عالحياة

وبعدين جيت فى سنة تانية فى الترم الأول بابا كان تعبان جدااااا واخواتى الكبار كانوا بيشتغلوا وانا اللى كنت معاه علطول فى المستشفى والكلام ده كان قبل الترم الاول ب15 يوم مثلا

اقول لماما اقدم اعتذار......تقولى لا السنة تروح عليكى :happy:

وقلت فى سرى استحملوا بقى اللى هيجرالكم والسنة كده كده رايحة

وبابا مات قبل الامتحانات باربع ايام ودخلت الامتحانات وانا شايفة الدنيا سودااااااااء وادخل اللجنة اقعد اعيط ويطبطبوا عليا ولا اعرف احل حاجة

وعدى الترم الاول وجه الترم التانى والسنة خصلصت والنتيجة طلعت بقى ايييييييييييه؟؟؟ 6 مواد بحالهم

وبعدها فى سنة تالتة عادى عديت ومعايا مادة التكاليف اللى كنت بكرهها عماااااااااااااا لانى كرهت الكلية عشان صحابى خلاص مابقوش معايا

وبعدها فى سنة رابعة بقى جت ماما تعبت فى الترم التانى وماتت قبل الامتحان بـ 15 يوم (كانوا مظبطين معايا بصراحة)

المهم طلعت فى سنة رابعة باربع مواد منهم مادة التكاليف اللى ملازمانى من سنة تالتة وبعدها عيدت رابعة ونجحت فى كل المواد

الاااااااااااااااااا التكاليف :happy: :happy:

ودخلت الدور التانى عشان امتحن الزفته التكاليف واخيييييييرا خرجت من الكلية بعد 6 سنين شقاااااااااء

بصراحة كرهت المذاكرة اكتر وخلااااااااااااص عمرى مذاكر تانى

تم تعديل 27 أبريل 2010 بواسطة fatfouta

[رضوي]

السلام عليكم ورحمة الله وبركاته

ليه بس بتفكرونا

طول عمري اتفوق في النقل ........... ااجي في الشهادة ......... اضييييييع

دة بجد

يعني في ابتدائي كنت بتنافس علي المرتبة الأولي .......... لو نزلت التانية تبقي كارثة

احترام وحب من اساتذتي كبير جداً

لكن في سنة خامسة ......الترتيب ........ عادي

وكذلك الحال في اعدادي ........... الغريبة اني الحمد لله حتي اليوم بحظي باحترام وحب شديد جداً من اساتذتي ...... معرفش ليه ؟؟؟

لدرجة ان كان مدرسين اللغة العربية ( علي الرغم من كرهي للنحو آنذاك ) كانو معجبين جداً بأسلوبي

اه والله

ثانوي بقي

المصيبة الكبيرة

اولي ثانوي

الاولي وباكتساح

ثانية وثالتة ( بلاش تقلبوا علينا المواجع )

لكن في المرحلة الجامعية

قررت الاتي

انا الاولي دايما وفي اي مكان

ومن يومها والحمد لله

تقديري التراكمي جيد جداً مع مرتبة الشرف ............. ترتيبي الاولي علي الدفعة

بس تعملوا ايه بقي في الواسطة ؟؟؟

عمري ولله الحمد ماقليت في مادة عن جيد ......... وبتخانق مع الدكتور اللي يديني جيد كمان

في سنة تانية معيد السيكشن قدرني بجيد ........... رحت اشتكيت للعميد ( مع انها مش مادة مجموع ....بس مادة ممتدة )

في سنة تالتة

التيرم الاول تقديري كان جيد مرتفع ( كل المواد بين جيد جدا وجيد ) اتجننت وعييت بجد وجالي اكتئاب واتخانقت مع الدكاترة

في التيرم التاني .............. امتياز في كل المواد

الحمد لله

المنافسين كانوا هيتجننوا

والسنة الأخيرة

الاولي علي الدفعة

حفل تكريم

واعتذار حار ........... لكل الاوائل الذين لم يتم تعيينهم

وتأكيد اننا هنشرف مصر بالعمل ان شاء الله

( كله ضحك علي الفاضي )

يأس

تحطيم

اكتئاااااااااااااااااااااااااب

ماعلينا

في الماجستير بقي

برده الاولي علي الدفعة في التمهيدي

الناس اللي اخدوا مكاني واتعينوا في هيئة التدريس

حولوا اقسام تانية .........

وربنا يستر واكمل الرسالة علي خير

[shiko]

لأ ما هو انا لسه ماقلتش عالخيبة التقيلة اللى فى الكلية بقى

فى سنة أولى تخيلوا جبت جيد و إذاى معرفش يمكن لانى كنت حابة المواد ومقبلة عالحياة

وبعدين جيت فى سنة تانية فى الترم الأول بابا كان تعبان جدااااا واخواتى الكبار كانوا بيشتغلوا وانا اللى كنت معاه علطول فى المستشفى والكلام ده كان قبل الترم الاول ب15 يوم مثلا

اقول لماما اقدم اعتذار......تقولى لا السنة تروح عليكى :happy:

وقلت فى سرى استحملوا بقى اللى هيجرالكم والسنة كده كده رايحة

وبابا مات قبل الامتحانات باربع ايام ودخلت الامتحانات وانا شايفة الدنيا سودااااااااء وادخل اللجنة اقعد اعيط ويطبطبوا عليا ولا اعرف احل حاجة

وعدى الترم الاول وجه الترم التانى والسنة خصلصت والنتيجة طلعت بقى ايييييييييييه؟؟؟ 6 مواد بحالهم

وبعدها فى سنة تالتة عادى عديت ومعايا مادة التكاليف اللى كنت بكرهها عماااااااااااااا لانى كرهت الكلية عشان صحابى خلاص مابقوش معايا

وبعدها فى سنة رابعة بقى جت ماما تعبت فى الترم التانى وماتت قبل الامتحان بـ 15 يوم (كانوا مظبطين معايا بصراحة)

المهم طلعت فى سنة رابعة باربع مواد منهم مادة التكاليف اللى ملازمانى من سنة تالتة وبعدها عيدت رابعة ونجحت فى كل المواد

الاااااااااااااااااا التكاليف :happy: :happy:

ودخلت الدور التانى عشان امتحن الزفته التكاليف واخيييييييرا خرجت من الكلية بعد 6 سنين شقاااااااااء

بصراحة كرهت المذاكرة اكتر وخلااااااااااااص عمرى مذاكر تانى

دى جامعة ايه يا فتافيت السكر؟؟؟ :lol:

شكلك قاهرة ...

وبلبع وحركات...؟؟

[fatfouta]

لأ ما هو انا لسه ماقلتش عالخيبة التقيلة اللى فى الكلية بقى

فى سنة أولى تخيلوا جبت جيد و إذاى معرفش يمكن لانى كنت حابة المواد ومقبلة عالحياة

وبعدين جيت فى سنة تانية فى الترم الأول بابا كان تعبان جدااااا واخواتى الكبار كانوا بيشتغلوا وانا اللى كنت معاه علطول فى المستشفى والكلام ده كان قبل الترم الاول ب15 يوم مثلا

اقول لماما اقدم اعتذار......تقولى لا السنة تروح عليكى :happy:

وقلت فى سرى استحملوا بقى اللى هيجرالكم والسنة كده كده رايحة

وبابا مات قبل الامتحانات باربع ايام ودخلت الامتحانات وانا شايفة الدنيا سودااااااااء وادخل اللجنة اقعد اعيط ويطبطبوا عليا ولا اعرف احل حاجة

وعدى الترم الاول وجه الترم التانى والسنة خصلصت والنتيجة طلعت بقى ايييييييييييه؟؟؟ 6 مواد بحالهم

وبعدها فى سنة تالتة عادى عديت ومعايا مادة التكاليف اللى كنت بكرهها عماااااااااااااا لانى كرهت الكلية عشان صحابى خلاص مابقوش معايا

وبعدها فى سنة رابعة بقى جت ماما تعبت فى الترم التانى وماتت قبل الامتحان بـ 15 يوم (كانوا مظبطين معايا بصراحة)

المهم طلعت فى سنة رابعة باربع مواد منهم مادة التكاليف اللى ملازمانى من سنة تالتة وبعدها عيدت رابعة ونجحت فى كل المواد

الاااااااااااااااااا التكاليف :happy: :lol:

ودخلت الدور التانى عشان امتحن الزفته التكاليف واخيييييييرا خرجت من الكلية بعد 6 سنين شقاااااااااء

بصراحة كرهت المذاكرة اكتر وخلااااااااااااص عمرى مذاكر تانى

دى جامعة ايه يا فتافيت السكر؟؟؟ :lol:

شكلك قاهرة ...

وبلبع وحركات...؟؟

قولنا عين شمس

بس عارفة يا شيكو عمرى ما استخدمت البتاع ده :happy:

حد فيكم استخدموا ؟؟؟؟ قولوا الحقيقة برضو wst::

تم تعديل 27 أبريل 2010 بواسطة fatfouta