انت/ى كنتوا الأوائل؟؟ قـــولوا الحقيـــقة

[سكر]

ماشاء الله كل المنتدى تقمص دور احمد زويل واصبح من الاوائل

طيب انا بقى اول من ايام الفراعنه

وجدى الفرعون الكبير كان اول فراعين مصر الى حصل على جائزة حورس فى التفوق

سؤال الى اوائل المنتدى

هل التفوق فى الدراسه كافى او شرط اساسى لنجاح الانسان فى الحياة العمليه

طبعا الاوائل ممكن يقولوا طبعا اوف كورس

لكن غير الاوائل هيقول فى الذكاء الاجتماعى والثقافى والواسطة والفهلوة

بصراحة بعد الاحتكاك بالكثير من الناس

اراى ان المتفوق فى الدراسه يمتلك قدر كبير من الارضيه الخصبه التى يمكن ان تاهله بسهوله للنجاح فى الحياة العمليه ولكن

فى العصر الحالى عصر الانترنت واجهره الكمبيوتر التى اصبح السعه التخزينه لا حدود لها

اصبحت القدرة على البحث والتعلم والاستباط وتغير الواقع الى احسن

هى مؤهلات النجاح فى الحياة العمليه اكثر من مجرد التفوق فى الدراسه فى نظام تعليم نعترف جميعا انه لا يغطى طموحاتنا

[hOuSsAm]

انا جبت ملحق فى اولى ثانوى (التربية القومية)

كنت مبسوط اوى وحاسس انى نزلت لطبقة عامة الشعب احساسك كدة وانت رايح تمتحن ملحق يعنى برستيج جامد

ويعينى عامة الشعب مش مصدقينى معقولة حسام بقى زينا وبيجيب ملاحق

ايه التواضع ده (وش عادل امام فى مسرحية الزعيم)

كنت تنك اوى وحاسس انى الاول عالدفعة مع انها كانت ماشية معايا بالبركة بس مش عارف كنت منفوخ ليه

كنت مقسم المواد نصين مواد بحبها وبذاكرها والتانية لاء

كنت بذاكر رياضة وفيزيا ومش بفتح اللغات والباقى نص نص

فى الرياضة والفيزيا جبت الدرجات النهائية والباقى .......... :happy: الحمد لله بقى على كل حاجة

فى الكلية بردوا عملت نفس الغلطة

كنت بذاكر رياضة واحصاء ومحاسبة

اما الادارة والاقتصاد فى الغالب كنت بدخل الامتحان من غير مفتحهم

بس اللى ملاحظه ان التفوق او عدم التفوق فى الدراسة ليس دليل على النجاح فى الحياة

[se_ Elsyed]

كنت في الامارات و رجعت على اولى ثانوي و اول مرة في حياتي اجيب ملحق

انا شجاعة اهو يا س س فين الحاجه الحلوة بتاعتي بقى؟؟؟؟؟؟؟؟؟؟؟؟؟؟؟؟؟؟؟

عاوزة شكولاتة جالكسي او ايس كريم بس يكون فانيليا بس الله يكرمك :happy:

عايس كرين وشاكولاته ؟؟؟؟

إذا كنت أنا عامل الفخ ده عشان أقعد أقول لك يا بليده يا ام ملحق

----------------

على فكره .. البراشيم دي عاوزه ذكاء غير عادي وتكتيك ومش اي عبيط بيبرشم والا هايتقفش من أول عملية

كان لي واحد زميلي في أول كليه ... طلعت أولى لقيته فيها وخلصت الكلية وتقريباً كان لسه فيها برضوا

واكتشفت أنه جاري كمان او محطتين أتوبيس يعني من بيتي ... ففي مره روحت أذاكر معاه ... والله العظيم صُعقت من الاأدوات اللي بيستخدمها في البرشمه وفي تلخيص المناهج وكنت كاني داخل معمل تزوير

عارفين يا جماعه اللي عنده موهبه يكتب على حبة أرز أو خارطه كنافه حتى

اهو ده كده

مره بيقول لي خد شوف القلم ده كده ؟

قلم فرنساوي أبيض عادي ..

فقلت له ده قلم عادي ايه الغريب فيه ...

قال لي طب بص كده

مسح بإيده على القلم إلا والاقي منهج ماده كاملة كاتبه على القلم بسن البرجل والكتابه ما بتبانش الا بالعرق لما يمسح عليها بإيده

ولأننا كنا فلي تجاره ... فطبعاً معظم امتحانتنا بناخد اله حاسبة معانا

دي بقى مصيبة ... وعنده استعداد يكتب عليها الفية أبن مالك بحالها

وغيره بقى من أساليب أخرى جهنميه وبيقعد يضيع السنة في التجهيز والتظبيط ...

فقلت له والله العظيم لو ضيعت ربع الوقت بتاع التخطيط ده في المذاكرة هاتعدي بمنتهى السهولة

لكن كان بالرغم من ده كله كان بيسقط بجدارة

-----------

العيال البنات بقى .. كانوا الأرهاب كله ... يخرب بيت كده

سوري يعني ... كانوا بيبرشموا على .. احم أحم .... رجلهم من فوق الركبة ... والواحده تقعد في اللجنه تروح رافه الجيبه شويه ... وغش يا معلم

مش عاوز همز ولمز ... أنا سمعت كده وأنا في الكلية وما شوفتش برشامة صداع حتى ...

بعون الله وبكل جدارة ... 4 سنين في المخروبة وانا في سكشن كلهم احمدات .... وحوالي لا يقل عن 5 لجان كاملة برضوا احمدات وما فيش معانا ضل واحده تطري القاعده لما أتعقدت وكنت باحقد على الحروف الأبجدية التانية وعمال اقول " ليه ياربي ما خلقتنيش تامر ولا هيثم ولا حتى وائل ما كنتش هاعترض "

في عيال صبيان تانيين كانوا بيبرشموا براشيم على ورق طويل ... ويربط الورقه بأستك .. ويربط الأستك بالتيكت بتاع القميص ... وبعدين في اللجنة يشد الورقه وياخد اللي عاوزه ويقوم سايب الأستك يروح راجع مكانه ولاسعه في قفاه

---------

انا عاوز أألف كتاب للاجيال الحالية والقادمة إسمه " المعجم السليم في أساليب البراشيم "

[se_ Elsyed]

بس اللى ملاحظه ان التفوق او عدم التفوق فى الدراسة ليس دليل على النجاح فى الحياة

هأ هأ

ده قصر ديل بس

مانا قدامك أهو ... طول بعرض بتفوق بسلطات ببابا غنوج ... اتكلم بقى ؟

[fatfouta]

مسح بإيده على القلم إلا والاقي منهج ماده كاملة كاتبه على القلم بسن البرجل والكتابه ما بتبانش الا بالعرق لما يمسح عليها بإيده

اه فعلا قلم ذى كده مثلا

[engmido]

مش عاوز همز ولمز ... أنا سمعت كده وأنا في الكلية وما شوفتش برشامة صداع حتى ...

:happy: :happy:

يابن الايه يا سين سين..........انت داخل تمتحن ولا داخل ت ب ص ب ص

بعون الله وبكل جدارة ... 4 سنين في المخروبة وانا في سكشن كلهم احمدات .... وحوالي لا يقل عن 5 لجان كاملة برضوا احمدات وما فيش معانا ضل واحده تطري القاعده لما أتعقدت وكنت باحقد على الحروف الأبجدية التانية وعمال اقول " ليه ياربي ما خلقتنيش تامر ولا هيثم ولا حتى وائل ما كنتش هاعترض "

حبيبى وابن حبيبى.....طبق الاصل ...قصدى الحال من بعضه

[Damo]

\

بعون الله وبكل جدارة ... 4 سنين في المخروبة وانا في سكشن كلهم احمدات .... وحوالي لا يقل عن 5 لجان كاملة برضوا احمدات وما فيش معانا ضل واحده تطري القاعده لما أتعقدت وكنت باحقد على الحروف الأبجدية التانية وعمال اقول " ليه ياربي ما خلقتنيش تامر ولا هيثم ولا حتى وائل ما كنتش هاعترض "

حبيبى وابن حبيبى.....طبق الاصل ...قصدى الحال من بعضه

صديق بابايا تقريبا كان عندو نفس الشكوة في الجامعة

بس الفرق ان اسمو بيبتدي ب 'عبد '

حطو قدامها اللي تحبوه و تخيلوا اللجنة بقى

مرة بيقول واحد من اللي بيراقبهم قعد يقول اده!!! انا ايه اللي دبسني في اللجنة دي...مفيش منة ولا مي ولا كاريمان :happy:

تم تعديل 27 أبريل 2010 بواسطة Damo

[okwaitme]

واضح إن النتيجة العامة لأعضاء المنتدي:

ابتدائي + متوسط + أول وثاني ثانوي = أول ، وفي بعض الأحيان تفوق

ثالثة ثانوي هي المشكلة (ظروف وحاجات من دي)

الجامعة (أي حاجة تتقال فيها مش غريبة)

[Damo]

واضح إن النتيجة العامة لأعضاء المنتدي:

ابتدائي + متوسط + أول وثاني ثانوي = أول ، وفي بعض الأحيان تفوق

ثالثة ثانوي هي المشكلة (ظروف وحاجات من دي)

الجامعة (أي حاجة تتقال فيها مش غريبة)

لالاااا نا مظلومة في التصنيف ده!! :ninja:

انا اعترفت ا اني عمري ما كنت من الاوائل الا في مادة واحدة

تم تعديل 27 أبريل 2010 بواسطة Damo

[لماضة مصرية جدا]

السلام عليكم و رحمة الله و بركاته

فتافيت السكر هاااااااااانم........... شلولخ

يعني يا ست انتي....ست.....سنين في الكلية... و كان فاضلك سنة و تبقي انتياااااااااز في كلية طب التكاليف

و بعدين ماسكة الواد حبيب قلبي "محمد" و قاعدة تقوليله ابصر ايه و ما ادرك ايه

طب عيني في عينك.....احيات النبي يا شيخة مصدقة نفسك و انتي بتقوليله....من طلب العلا سهر الليالي و الكلام ده

يعني احنا الجيل....المنصرم...(ايون يعني اخد بالصر كتير علي دماغه من كتر ما كان مصدق).....كنا يعني بنبص كده بنص عين و نقول في سرنا مش مصدقيين

عايزة بقي الجيل العفاريتي ده.....يبقي بالع ان كل الاوبهات و الاومهات...كانوا متفوقين...طب مين من الناس التانيين

فتافيتي...اني كتبتي شهادة خطية بكامل قواكي العقلية...هنمسكها عليكي....و اوعي تقوليلي انا عايزة محمد يبقي احسن مني.....

فينك يا عادل يا ادهم..."العلم في الراس مش في الكراس"....تقريبا فيلم "سيد قشطة".... لا سيد بيه قشطة :lol:

فوتك بعافية

صباااااااااااااااااااااااااااحك اعترافات نهارية......جدا