أزاى تعكنن على مراتك

[SANAA]

انا كل ماافتح الموضوع ده ملقيش فيه موضوع بس العنوان هما ستات المنتدي عملوا عمل للموضوع ده عشان محدش ينكد عليهم؟؟؟؟

[abofasad]

فال الله والا فالك

النكد بره وبعيد

ربنا يجعل كلامنا خفيف عليهم

دول نصنا .....

الحلو

[مصر عشقى]

[بصوا انا هدخل في الموضوع علطول ودى تانى محاولة

الاولى اختفت ازاى معرفش؟

لو كنت عاوز تعكنن علي وحدة ست اعمل الاتي .........

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبايات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبيتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

طبعا يا جماعة دة هزار محدش يبقى غلس اووووووووووى كدة برضة الستات طيبين

تم تعديل 16 أبريل 2004 بواسطة مصر عشقى

[Handicraft]

طيب بمناسبة الرسالة الموجةه للأزواج ممكن انا كمان أبعت رسالة لزوجتى من هذا المنبر الحر.

.

.

.

.

.

.

.

.

.

.

.

.

.

.

.

.

.

[Seafood]

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

بس كدة إنت بتعكنن على نفسك مش على مراتك ... :) :D

[MuslimaEgyptian]

يا سلام يا أخ هاندى، ربنا يكرمك، أهى دى الردود اللى هى..

مش عارفه ليه الموضوع ده بالذات من أكتر المواضيع اللى إتكررت بالمنتدى على مدار السنين :D

يا ساتر :)

تم تعديل 17 أبريل 2004 بواسطة MuslimaEgyptian

[MohamedAbdelrahim]

ههههههههههههه حلوة

[spain]

ازاي تبسط مراتك

تصبحا كل يوم بعلقة وتمسيها باختها

مفيش مانع من شخطتين تفاريح كده في اليوم

وتغنيلها علي المسا

منا عين يا نسيني تناديني وتجيني دنا لسا حبيبي بحبك

دي ليالي علي بالي وأنا حالي مش حالي متحنن بالهوى قلبك

منا عين يا نسيني تناديني وتجيني دنا لسا حبيبي بحبك

دي ليالي علي بالي وأنا حالي مش حالي متحنن بالهوى قلبك

مطمن قلبي حبيبي يكل ماليا

وألا أنت تعرف بس تعذب فيا

:closedeyes:

----------------

لو عايز تعكنن بأة انت عارف