افكار للفطار

[moheltohamy]

بصى يا ريمو انت تخطفى رجلك كده لأقرب سوبرماركت "الدانوب " اعتقد موجود فى الرياض..

تحتلاقى فى المخبز عندهم انجليش كيك هايل على شكل تورته مدور او مستطيل ..

1-اشترى وحده ,,

2-قطيعيها شرايح متوسطه

3- تصحى الصبح بدرى خمس دقائق

4-تفتحى درج المطبخ وتطلعى الأكياس النايلون اللى بتتقفل دى

5- تحطى فى الكيس قطعتين مثلا

6-تقفلى الكيس

7-جوزك وهو خارج تديلة الكيس دوت وتبوسيه من هنا ومن هنا ..

وأظن كده انتى مقصرتيش فى اى حاجه معاه اهو .. وصدقينى هياخد الكيك ويدعيلك :lol:

انا بعمل كده كل فترة ولو حبينا نغير جوزى بيعملنا سندوتشات قبل ما ننزل نروح الشغل :happy:

آآآخ ..

نسيت اقولك ممكن تغيرى نوع الكيك كل فتره .. عشان الزهق وكده :cry1:

والله ضحكتيني بجد يا لولا... بقالي كتير ما حسيتش بالروح دي من ييجي... أممم... بتاع سنتين كده

وبصراحة فطار مالوش حل... للي عاوز يعمل ريجيم محترم! wst::

وممكن أبقى أقترح على الشيفات اللي عندنا هنا ع البريمة الموضوع ده. ونلغي بقى الستيك والسوسيس والبيف بيكون والبرجر والكبدة ، والبيض الأومليت والمسلوق والشكشوكة والتونة والبلوبيف والفطير والفول والفاصوليا والجبنة البيضا والكيري والنستو والكورن فليكس والعسل والمربات والبانكيك والوافل والعصاير والبيبسي طبعاً... ونسيب الكيك بس!

ممكن رقم تليفونك عشان مدير شركة التغذية يتصل بيكي بنفسه ، يشكرك ويتفق معاكي على نسبة الكومّيشن بتاعتك في التوفير اللي هتوفريه عليهم؟ wst::

[طبيبة مصرية]

الأخت ريمو

أنا بعمل الفطائر دى بنفس العجينة اللى بعمل بيها البيتزا

وبتطلع حلوة وطرية

المقادير

3 كوب دقيق

خميرة فورية حوالى معلقتين شاى

معلقة سكر صغيرة

لبن دافى للخميرة وللعجن بعد ذلك

نص كوب زيت ذرة او عباد او زيت زيتون(حسب الرغبة)

ذرة ملح

كوب زبادى كبير 170 جرام

الطريقة

بجيب الخميرة وأحطها فى مج عميق حتى يسمح بارتفاعها وأحط السكر وقليل من اللبن الدافئ وأقلب شوية وأغطيها.........

وأسيبها حوالى 10 دقايق فى مكان دافى حتى ترتفع.........

فى نفس الوقت أحط الدقيق وعليه ذرة الملح والزبادى والزيت وأقلب كله جيدا

وأول ما ترتفع الخميرة أضيفها على العجينة وأكون مجهزة شوية لبن دافى تانى علشان أحصل على عجينة لينة ومتماسكة فى نفس الوقت

بعد ما أعجن كويس واحس إنها كلها إتلمت فى إيدى وأخدت شكل كرة

أغطيها بورق فويل وأسيبها فى مكان دافى حوالى ساعة أو ساعة ونص...........

فى الوقت ده أجهز الحشوة..........

بستعمل الجبنة الحلوم والجبنة العكاوى

أبشرهم وأحط كل نوع فى طبق

وممكن الزعتر وأخلطه بشوية زيت زيتون

وممكن نقانق مسلوقة ومقطعة دوائر مع شرائح الزيتون الاخضر

أو لحم مفروم متعصج

وأجهز طبق فيه بيضة لدهان وجه الفطائر

وطبق تانى فيه شوية سمسم وشوية حبة بركة

وأجهز الصينية اللى هخبز فيها وأبطنها بقليل من زيت عباد الشمس

بعد ما العجينة تخمر

أقطعها قطع متساوية على شكل كور صغيرة وأخليها فى الطبق متغطية علشان ما تنشفش منى

واخد واحدة واحدة افردها بايدى واحط الحشو اللى انا عايزاه فى النص وبعدين اقفلها كويس

على شكل البوريك او شكل القطايف الكبيرة

وأرصها فى الصينية وادهن وشها بيض وارش رشة سمسم او حبة بركة للتفرقة بين انواع الحشو

واخبزها فى حرارة هادية مش مرتفعة اوى علشان ما تنشفش منى

وأول ما لاقيها لونت من تحت ومن الجوانب

أفتح الشواية تاخد لون خفيف من فوق وأقفل على طول

يعنى بتقعد فى الفرن حوالى ربع ساعة فقط

لو سيبتيها كتير تنشف فى الفرن

ممكن بقى تحطيها فى اطباق فايبر وتغلفيها وتشيليها فى الفريزر

والصبح تطلعيها من بدرى وبعدين تحطيها فى الميكروويف وتلفيها لفة حلوة

وتبقى وجبة فطار حلوة

وبالهنا والشفا

[pink rose]

الأخت ريمو

أنا بعمل الفطائر دى بنفس العجينة اللى بعمل بيها البيتزا

وبتطلع حلوة وطرية

المقادير

3 كوب دقيق

خميرة فورية حوالى معلقتين شاى

معلقة سكر صغيرة

لبن دافى للخميرة وللعجن بعد ذلك

نص كوب زيت ذرة او عباد او زيت زيتون(حسب الرغبة)

ذرة ملح

كوب زبادى كبير 170 جرام

الطريقة

بجيب الخميرة وأحطها فى مج عميق حتى يسمح بارتفاعها وأحط السكر وقليل من اللبن الدافئ وأقلب شوية وأغطيها.........

وأسيبها حوالى 10 دقايق فى مكان دافى حتى ترتفع.........

فى نفس الوقت أحط الدقيق وعليه ذرة الملح والزبادى والزيت وأقلب كله جيدا

وأول ما ترتفع الخميرة أضيفها على العجينة وأكون مجهزة شوية لبن دافى تانى علشان أحصل على عجينة لينة ومتماسكة فى نفس الوقت

بعد ما أعجن كويس واحس إنها كلها إتلمت فى إيدى وأخدت شكل كرة

أغطيها بورق فويل وأسيبها فى مكان دافى حوالى ساعة أو ساعة ونص...........

فى الوقت ده أجهز الحشوة..........

بستعمل الجبنة الحلوم والجبنة العكاوى

أبشرهم وأحط كل نوع فى طبق

وممكن الزعتر وأخلطه بشوية زيت زيتون

وممكن نقانق مسلوقة ومقطعة دوائر مع شرائح الزيتون الاخضر

أو لحم مفروم متعصج

وأجهز طبق فيه بيضة لدهان وجه الفطائر

وطبق تانى فيه شوية سمسم وشوية حبة بركة

وأجهز الصينية اللى هخبز فيها وأبطنها بقليل من زيت عباد الشمس

بعد ما العجينة تخمر

أقطعها قطع متساوية على شكل كور صغيرة وأخليها فى الطبق متغطية علشان ما تنشفش منى

واخد واحدة واحدة افردها بايدى واحط الحشو اللى انا عايزاه فى النص وبعدين اقفلها كويس

على شكل البوريك او شكل القطايف الكبيرة

وأرصها فى الصينية وادهن وشها بيض وارش رشة سمسم او حبة بركة للتفرقة بين انواع الحشو

واخبزها فى حرارة هادية مش مرتفعة اوى علشان ما تنشفش منى

وأول ما لاقيها لونت من تحت ومن الجوانب

أفتح الشواية تاخد لون خفيف من فوق وأقفل على طول

يعنى بتقعد فى الفرن حوالى ربع ساعة فقط

لو سيبتيها كتير تنشف فى الفرن

ممكن بقى تحطيها فى اطباق فايبر وتغلفيها وتشيليها فى الفريزر

والصبح تطلعيها من بدرى وبعدين تحطيها فى الميكروويف وتلفيها لفة حلوة

وتبقى وجبة فطار حلوة

وبالهنا والشفا

تسلم الايادي و الافكار يا دوك :flr1:

و منورة التوبيك يا شيخة حبيتك لله في لله من ساعه من اتكلمتي على المخ و الممبار :blink:

انا مستنية لولا بس تفتح توبيك جديد و اقولك الطريقه اللي باعملهم بيها

على فكرة نفس العجينة دي بالظبط باعمل بيها البيتزا او العيش باللحمة بس انا بازود في المقادير بيضة

و اسيبها تخمر و بعدين اقطع منها قطع متساوية واعملها على شكل اقراص و اخرمها بالشوكة

و بعدين احط الكاتشب و اساوية بمعلقة و بعد كده احط بقى حشوة البيتزا اللي بكون عاملاها

و هي لحمة مفرومة معصجة متقطع فيها طماطم قطع صغيرة فلفل اخضر و اصفر و زيتون شرائح و مشروم و كمان ممكن احط بيضة

على الليلة دي كلها و افضل اقلب لحد البيضة ما تستوي

و بعد كده انقط عليها كاتشب تاني بس بسيط و بعدين الجبنة الموتزارلا في الاخر

و ادخلها الفرن بس على الشواية الاول عشان الجبنة تسيح و بعدين اشغل الفرن من تحت لحد ما تحمر و اطلعها اغطيها او احطها في كيس عشان ما تنشفش

مريم بنتي اللي بتفرح اوي بيوم البيتزا دا

تم تعديل 13 مايو 2010 بواسطة remo

[طبيبة مصرية]

ميرسى يا ريمو

احبك الذى احببتنى فيه :flr1:

بس انا يا ريمو ما باكلش الحاجات دى

انا عايزة اتعلمها علشان سى السيد عندى بيحبها

بس ما تغيريش رايك بقى

هنفضل حبايب ان شاء الله

حلوة اوى طريقة المينى بيتزا بتاعتك دى

وطبعا اكيد هتعجب الاطفال اوى

انا بعمل البيتزا العادية فى صينية كبيرة

وطريقتى فى الذواق غير لان الحجم الكبير ده ما ينفعش معاه الكاتشاب

بصى يا ستى

بجيب 3 طماطمات طراى شوية واسيبهم خمس دقايق فى مية بتغلى

وبعدين ارمى المية واستنى الطماطم تبرد

وانزع قشرتها

هتطلع بمنتهى السهولة وعلى الخلاط عدل

وبعدين فى طاسة على النار

احط شوية زيت و نص معلقة شاى ثوم مفروم

واول ما يصفر الثوم

اضيف عصير الطماطم واسيبه يغلى شوية

وبعدين اضيف شوية روز مارى وزعتر اوريجانو وملح وفلفل ومعلقتين صلصة علشان اللون يبقى احمر واضيف فلفل اخضر مقطع شرايح رفيعة

واسيبهم يغلوا شوية واطفى النار

اخد بقى الخليط واصبه على وش البيتزا اللى فردتها فى الصينية

وبعدين بقى حسب الرغية

يا اما اضيف نقانق مسلوقة ومتقطعة دواير

او بسطرمة متشوحة الاول فى شوية زيت

او لحم مفروم معصج

او تونة متصفية كويس اوى ومعصور عليها ليمونة ويفضل التونة المنقوعة فى ماء فقط من غير زيت علشان ما تكونش زفرة

او قطع من صدور فراخ متقطعة مكعبات صغيرة اكون متبلاها بملح وفلفل وعصير ليمون وبهارات دجاج ومشوحاها فى شوية زيت

وبعيد اضيف الزيتون الاخضر او الاسود شرايح

وفى الاخر الموتزاريلا

وفى الفرن على نار متوسطة لحد ما تستوى

وبرضه ما بتاخدش اكتر من ربع ساعة

وعلى فكرة عجينة البيتزا باعجنها بالمية الدافية بس

انما الفطاير هى اللى بعجنها باللبن الدافى

تم تعديل 14 مايو 2010 بواسطة طبيبة مصرية

[Simba]

صحن الفول المتييييييين

قرصين طعمية

شوية بليلة من اللى قلبك يحبها

هو ده الفطار والا فلا

وانا مقدرش اغير ابدا الفطار ده بس من غير بليلة للاسف

[اغابي]

توست واحد اى نــوع

وجبنة مثلثات اى نوع

ومــــــج نســـــــكافيه

صباحكم - خفيف خفيف

اغابي

[ترنيم]

والله يا ريمو انا بفضل الحجات الجاهزة عشان اشترى دماغى

ما شاء الله عليكم

يلا شدوا حيلكم وعرفونا النتايج

انزليلنا بطريقة الدونات يا زهرة (على فكرة ....أنا اكلت الدونات اللى بتعملها وكانت هايلة bv:- bv:- )

[pink rose]

هالو هالو هالو

ازيكم ازيكم ياللي احنا جينا عندكم

جربت عجينة العشر دقايق اللي قالت عليها زهرة و ضحى

بجد بجد روعة

و الاسبوع اللي فات عجنتها الساعه 6 الصبح و كانت على 7 جاهزة للاكل

و عجبت سي الافندي بتاعي اوي و طبعا عجبت مريومة هانم بس زعلت جدا اني عملتها و هي نايمة كان نفسها تشارك في العجن لانه هوايتها المفضلة :happy: :blink:

جربوها بجد و هاتعجبكم ان شاء الله

شوية كده و هانزلكم بطريقه عمل الكوكيز

سهلة جداا و اهي كلها افكار للفطار :happy:

[doha]

انزليلنا بطريقة الدونات يا زهرة (على فكرة ....أنا اكلت الدونات اللى بتعملها وكانت هايلة bravo.gif bravo.gif hypocrite.gif)

ايوه الله يكرمك هموووت واعمل الدوناتس بس تطلع حلوة زي بتاعت بيت الدونتس كده مش مكتومه او معجنة او ناشفة حجر زي الي بتتباع في السوبر ماركت او الاماكن العاديه

عاوزه الدونات الطرية الي ريحتها تغذي القلب قبل ماطعمها يدفي المعده .. ياسلام لو زدت خمسة كيلو من ( تخيل ) هتبقوا انتم السبب عشان فكرتوني بيها .

في انتظار الطريقة ..

[pink rose]

عملت قبل كده الدوناتس و كانت جميلة نافشة كده في نفسها و مش مكتومة و طعمها كان حلو بس للاسف الطريقه مكتوبة عندي في مصر :happy:

و طبعا بما ان زهرة عملتها و ترنيم داقتها و عجبتها كمان يبقى اشمعنى هي بقى؟؟؟؟؟؟؟؟؟؟؟

يالا يا زهورتي انزلي بالمقادير و الطريقة

طريقة عمل الكوكيز برقائق الشكولاتة

المقادير :

كوبين و ربع دقيق

1 ملعقـه صغيره بيكربونات الصوديوم

نص ملعقة صغيرة ملح

كوب زبدة ( 2 اصبع )

ثلاثة أرباع كوب سكر أبيض

ثلاثة أرباع كوب سكر بني

1 ملعقة صغيرة فانيليا سائلة

بيضتان

كوبان قطع الشوكولاته Chocolate chip

كوب عين جمل مبشور (حسب الرغبة)

الطريقة:

اول حاجه نسخن الفرن على درجة حرارة متوسطة 180 درجة

نخلط الدقيق و البيكربونات و الملح الاول سوا كويس

في وعاء المضرب الكهربا تضربي الزبدة + السكر الأبيض و البني+ الفانيليا لحد ما لونهم يبيض و يبقى هش

بعد كده تضيفي البيض و تضربي كويس

ثم تضيفي خليط الدقيق و تضربيهم كويس جدا لحد ما الكل يتجانس مع بعضه

تنزلي بعد كده برقائق الشكولاتة و تقلبي

تجيبي بقى الصينية يا تكوني حاطه فيها ورق زبدة او دهناها سمنة و رشاها بدقيق

و بالمعلقة بقى تاخدي معلقة من الخليط و تنزليها من فوق شوية و تساويها يعني ما تبقاش مبعككة و تخلي بين كل واحدة و التانية مسافة

تحطيها في الفرن لمدة ما بين 8 دقايق ل 12 دقيقة حسب يعني انتي عاوزاه طري شوية و لا بيقرمش

هاتلاقوا الطريقة بالتفصيل و الفيديو في الرابط دا

اتفضلي هنا

انا لسا ما جربتوش بصراحة لاني مش عارفه اجيب السكر البني دا منين فا اللي تعرف تقولي الله يكرمكم :happy:

تم تعديل 31 مايو 2010 بواسطة remo

[ساره احمد]

موضوع حلو اوى اوى بمعنى اصح لذيذ اوى كلها افكار جميلة للفطار بس انا خيبة شوية في موضوع المعجنات دة بعمل الكيك بالعافية ومرة يتاكل ومرة يترمى من الشباك طبعا من ورا ظهرى

ياريت حد ينزلنا طريقة الدوناتس لانى عملتها كذا مرة وكل مرة تطلع عجينة او بمعنى اصح حاجة كدة شبة الجلد يتخبط في الحيط يلبس في وشك علي طول ty:) :closedeyes: مسائكم ورد

[زهره]

السلام عليكم ازيك يا ترنيم عامله ايه

مقادير دونت اللى عجبتك و هى منقوله من منتدى تانى

و ان شاء تعجب ريمو و ضحى

الحمد لله ان العجينه عجبتك يا ريمو

المقادير

ملعقة كبيرة خميرة فورية

ربع كوب ماء دافيء 110

كوب ونصف الكوب حليب دافئ ( نفس درجة حرارة الماء )

نصف كوب سكر ابيض ناعم

ملعقة صغيرة ملح

بيضتين

1/3 كوب دهن نباتي )

خمس اكواب دقيق

الطريقة

.. ذوبي الخميرة الفورية في الماء الدافيء في وعاء الخلط حتى ترتفع رغوة

.. اضيفي الحليب والملح والبيض والسكر والدهن وكوبين من الدقيق ..

اخلطي الخليط على سرعة خفيفة لمدة نصف دقيقة .. ارفعي السرعة على المتوسط لمدة دقيقتين .. اضيفي بقية الدقيق تدريجيا حتى تحصلين على عجينة طرية ..

( ملاحظة .. قد تحتاجين لزيادة بعض الحليب الدافئ خاصة في فصل الصيف نتيجة جفاف الدقيق .. إن لم تكفي الكمية المقترحة اضيفي قليل من الحليب بالملعقة الصغيرة حتى تحصلي على عجينة طرية ) .

. غطي العجينة واتركيها تتخمر في مكان دافئ نسبيا حتى يتضاعف حجم العجينة..

ضعي العجينة على سطح مغبر بالدقيق ..

غبَري العجينة بقليل من الدقيق ثم افرديها ليصبح سمكها 1 سم .

. قطعي العجينة بقطاعة الدونت ( لا تنسي ان تغبري قطاعة الدونت بالدقيق لكي لا يلتصق العجين بالقطاعة ) ..

اتركي قطع الدونت ليتخمروا مرة اخرى مغطين بقطعة بلاستيك حتى تتضاعف احجامهم ..

سخني زيت القلي حتى يصل إلى درجة حرارة 350 فهرنهايت ..

ارفعي قطع الدونت بملعقة كبيرة وانزليها في الزيت الحار واقليها حتى يصبح لونها ذهبي مع الوجهين .. دقيقتين تقريبا ..

استخدمي ثرمامتر للتعرف على درجة حرارة الزيت .. لا يجب ان ترتفع او تنخفض درجة حرارة الزيت كثير ..

بعد ان تنضج قطع الدونت ارفعي القطع من الزيت ..

ثم اغمسينها في الكريمة

.. ثم رشي عليها صلصة شوكولاته لما تبرد

[pink rose]

السلام عليكم ازيك يا ترنيم عامله ايه

مقادير دونت اللى عجبتك و هى منقوله من منتدى تانى

و ان شاء تعجب ريمو و ضحى

الحمد لله ان العجينه عجبتك يا ريمو

المقادير

ملعقة كبيرة خميرة فورية

ربع كوب ماء دافيء 110

كوب ونصف الكوب حليب دافئ ( نفس درجة حرارة الماء )

نصف كوب سكر ابيض ناعم

ملعقة صغيرة ملح

بيضتين

1/3 كوب دهن نباتي )

خمس اكواب دقيق

الطريقة

.. ذوبي الخميرة الفورية في الماء الدافيء في وعاء الخلط حتى ترتفع رغوة

.. اضيفي الحليب والملح والبيض والسكر والدهن وكوبين من الدقيق ..

اخلطي الخليط على سرعة خفيفة لمدة نصف دقيقة .. ارفعي السرعة على المتوسط لمدة دقيقتين .. اضيفي بقية الدقيق تدريجيا حتى تحصلين على عجينة طرية ..

( ملاحظة .. قد تحتاجين لزيادة بعض الحليب الدافئ خاصة في فصل الصيف نتيجة جفاف الدقيق .. إن لم تكفي الكمية المقترحة اضيفي قليل من الحليب بالملعقة الصغيرة حتى تحصلي على عجينة طرية ) .

. غطي العجينة واتركيها تتخمر في مكان دافئ نسبيا حتى يتضاعف حجم العجينة..

ضعي العجينة على سطح مغبر بالدقيق ..

غبَري العجينة بقليل من الدقيق ثم افرديها ليصبح سمكها 1 سم .

. قطعي العجينة بقطاعة الدونت ( لا تنسي ان تغبري قطاعة الدونت بالدقيق لكي لا يلتصق العجين بالقطاعة ) ..

اتركي قطع الدونت ليتخمروا مرة اخرى مغطين بقطعة بلاستيك حتى تتضاعف احجامهم ..

سخني زيت القلي حتى يصل إلى درجة حرارة 350 فهرنهايت ..

ارفعي قطع الدونت بملعقة كبيرة وانزليها في الزيت الحار واقليها حتى يصبح لونها ذهبي مع الوجهين .. دقيقتين تقريبا ..

استخدمي ثرمامتر للتعرف على درجة حرارة الزيت .. لا يجب ان ترتفع او تنخفض درجة حرارة الزيت كثير ..

بعد ان تنضج قطع الدونت ارفعي القطع من الزيت ..

ثم اغمسينها في الكريمة

.. ثم رشي عليها صلصة شوكولاته لما تبرد

ميرسي يا زهورتي و تسلم ايدك يا قمراية

ان شاء الله هاجربه و اقولك الاخبار

[لونا]

اسمحي لي يا ريمو بم إنك لم تجربي طريقة الكوكيز

أنا حاقول على طريقة مجربة و ناجحة و الحمد لله

كوكيز الشوفان

المقادير :

3 كوب شوفان

1 كوب سكر

1 كوب زيت

2 بيضة

4 ملعقة كبيرة شيكولاتة chocolate chips

4 ملعقة كبيرة حليب بودرة

فانيليا -ذرة ملح

2 ملعقة صغيرة بيكنج بودر

دي المقادير الأصلية .. و لكن أنا عدلت شوية ..

يعني باعمل خليط من الزيت و الزبدة ( الزبدة بتدي نكهة جميلة جداً ) ..

و قللت الكمية ..يعني كفاية 3\4 كوب .. بدل كوب كامل دهون

كمان زودت قطع الشيكولاتة .. على حسب الرغبة ..

و في المقابل قللت السكر .. عشان الشيكولاتة فيها سكر

الطريقة :

1) نولع الفرن على درجة 170 .

2) نخلط المكونات الجافة أولاً .. ثم نضيف السوائل و نخلط .

3) يفضل إستخدام صواني خبز البسكوت ذات الجوانب المنخفضة .. و ممكن إستخدام الرف الصاج بتاع الفرن

و نضع في الصواني ورق زبدة

4) توضع الوحدات بالملعقة و ممكن تشكيلها باليد بشكل بسيط ..

نترك بينها مسافات لأنها بتفرش جامد ..

5) توضع بالرف العلوي أو الأوسط حسب حرارة الفرن .

يا دوب تتحمر من تحت .. و تترك لتبرد ... بتكون طرية شوية و هي ساخنة

لكن لما تبرد بتكون هشة و مقرمشة و لذيذة جداً

على فكرة ممكن نعمل نصف الكمية للتجربة

و طبعاً معروف قد إيه الشوفان مفيد

يا رب تعجبكم :closedeyes:

تم تعديل 2 يونيو 2010 بواسطة لونا

[doha]

الف شكر يالونا على الطريقة باذن الله اجربها بس بعد اذنك سؤال

هل الشوفان المذكور في الوصفه هو نفسه بتاع الشوربة كويكر يعني ؟

وبنحطه كده زي ماهو ولا بنطحنه الاول مثلا ؟

[لولا]

انتو بجد بجد .. بجد يعنى بتعملو الحاجات دى للفطار mfb:

امال الغدا بتبذلو فيه مجهود شكله ايه :sad:

خليكو كده .. افضلو دلعوا فيهم .. دلعوا فيهم .. دلعوا فيهم .. وخليهم يبوظو ..

بالراحه يا جماعه .. بالراحه شويه انا كده كرهت الفطار ..

ماله يعنى الكيك بتاع الدنواب :closedeyes:

لولا :blink:

تم تعديل 2 يونيو 2010 بواسطة لولا

[عبير يونس]

حبيباتي الغاليات اللي مستنيين عجينة الدوناتس

إليكم هذه المداخلة اللي كنت شاركت بيها من سنة تقريبا في أحد مواضيع الأستاذ بندق أفندي

و الحقيقة محدش عبرني و رد عليها أساسا

و مع ذلك لا زلت إيجابية

و بأعرضها لكم تاني

و كلي تفاؤل

:sad:

يللا يا بنات

خدوا عجينة كل شيء

و الدوناتس بيطلع بيها تووووووووووحفة

جربوا و ادعوا لي

استعنا ع الشقا بالله

ty:)

أنا بقى حأقولكم على مقادير عجينة لكل شيء

آي و الله لكل شيء

يعني تنفع دوناتس ( بالقلي طبعا)

و للخبز في الفرن تنفع بيتزا

و تنفع تتحشي عجوة أو جبنة أو لحمة مفرومة أو خضار أو سبانخ أو كريمة ( كاسترد)

المهم خدوها بالمقادير دي بالضبط

chf::

5 أكواب دقيق

11 ملعقة لبن بودرة كبيرة

13 غطاء زيت ( غطاء ازازة الزيت)

3 ملاعق صغيرة سكر

3 ملاعق كبيرة خميرة فورية

2 كوب ماء مغلي و ساخن يهدى شوية ( بس لازم حتتشوشوا شوية و انتوا بتعجنوا) مفيش حلاوة من غير نار

wst:: :sad:

اخلطوا المقادير الجافة مع بعض

و بعدين ضيفوا الزيت و اعجنوا بإيديكم لحد ما يختفي أثره و بعدين اعجنوا بالمية حبة حبة و كل ما تحسوا بسخونتها و ادييكوا تتشوشو كل ما ده دل على نجاح العجينة wst::

بجد و الله حكاية المية السخنة دي :wub:

المهم سيبوها ساعة ع الأقل في الوعاء اللي اتعجنت فيه و غطوها باحكام بشنطة بلاستيك و غطاء محكم

بعد كده العجينة دي تعملوه بيها اللي انتوا عايزينه و بالهنا و الشفا

:FN: :110:

[doha]

مصرية متغربة

اعتقد والله اعلم ان عجينتك هي نفسها عجينة العشر دقائق تقريبا نفس المقادير

[لونا]

الف شكر يالونا على الطريقة باذن الله اجربها بس بعد اذنك سؤال

هل الشوفان المذكور في الوصفه هو نفسه بتاع الشوربة كويكر يعني ؟

وبنحطه كده زي ماهو ولا بنطحنه الاول مثلا ؟

هو شوفان كويكر أو أي ماركة تانية تحبيها... و بيتحط زي ما هو من العلبة على طول من غير طحن

و على فكرة الكوكيز سهلة جداً .. بتقلبي المكونات على بعض و خلاص jmb-)

اللي بياخد وقت هو الخبز في الفرن .. لو عاملة كمية كبيرة يعني

تم تعديل 3 يونيو 2010 بواسطة لونا

[doha]

الف شكر يالونا على الطريقة باذن الله اجربها بس بعد اذنك سؤال

هل الشوفان المذكور في الوصفه هو نفسه بتاع الشوربة كويكر يعني ؟

وبنحطه كده زي ماهو ولا بنطحنه الاول مثلا ؟

هو شوفان كويكر أو أي ماركة تانية تحبيها... و بيتحط زي ما هو من العلبة على طول من غير طحن

و على فكرة الكوكيز سهلة جداً .. بتقلبي المكونات على بعض و خلاص jmb-)

اللي بياخد وقت هو الخبز في الفرن

شكرا جزيلا على التوضيح

باذن الله لما اجربه هديلك خبر بالنتيجه ..