للطنطاوية - فتح الله وقع يا رجاله

[aimen]

تمكنت مباحث التموين بالغربية من ضبط كمية كبيرة من اللحوم والدواجن الفاسدة داخل احد الأسواق الشهيرة بطنطا "أسواق فتح الله" وتبين أنها غير صالحة للاستخدام الادمى وتبين أنها لحوم مستوردة وتباع على كونها لحوم بلدية مستفيدين من فارق السعر كما تم ضبط كمية من الدواجن الفاسدة والغير صالحة للاستخدام الادمى

كانت معلومات قد وردت للعقيد احمد الخواجة رئيس مباحث التموين بالغربية عن قيام المسئولين عن إدارة فرع اللحوم البلدية بأسواق فتح الله بطنطا بجمع كمية كبيرة من اللحوم المستوردة الغير صالحة للاستخدام الادمى وطرحها للبيع للجمهور بالمحل على كونها لحوم بلدية مستفيدين من فارق السعر بين المنتجين والذي يتجاوز 30 جنية فى الكيلو الواحد وانه يقومون بتخزين كميات كبيرة من تلك اللحوم بمخزن غير مرخص كائن بطريق الكورنيش بقسم ثان طنطا خلف موقف المرشحة وانهم يقومون بنقل تلك الكميات من اللحوم اولا باول الى المحل لبيعها للجمهور رغم علمهم بفسادها

وبعرض المعلومات على اللواء رمزى تعلب مدير امن الغربية قرر تشكيل فريق بحث قادة اللواء السيد جاد الحق مدير المباحث الجنائية بالتعاون مع مباحث التموين قادة وبتفتيش فرع اللحوم بأسواق فتح الله والمخزن اسفرت عن ضبط كميات كبيرة من اللحوم المستوردة الفاسدة تباع على انها لحوم بلدية كما تم ضبط كمية كبيرة من الدواجن المخلية مجهولة المصدر وتظهر عليها علامات الفساد وغير مصحوبة بالمستندات الدالة على خلوها من الاصابة بمرض انفلوانزا الطيور بتفتيش المخزن تم ضبط 3 ثلاجات مملؤة باللحوم الفاسدة منها كمية من اللحوم المستوردة وغير صالحة للاستخدام الادمى وكمية اخرى من اللحوم البلدية المذبوحة خارج المجزر والخاصة بماشية مريضة وبتوقيع الكشف الطبى على اللحوم بمعرفة الدكتور سعيد الرجباوى مفتش اول المجازر والتفتيش على اللحوم قدم تقرير تفيد ان اللحوم والدواجن المضبوطة جميعها غير صالحة للاستهلاك الادمى لوجود تغير فى الخواص الطبيعية وانبعاث رائحة كريهه منها وتغير اللون والقوام الامر الذي يجعلها ضارة بالصحة العامة للمواطنين

تم التحفظ على المضبوطات وبسؤال مدير الفرع اسماعيل فكرى الزغبى مستاجر فرع اسواق فتح الله اعترف بحيازتة للمضبوطات التى بلغت 190 كيلو لحوم و30 كيلو دواجن بقصد البيع

تحرر المحضر رقم 8149 جنح قسم ثان طنطا واخطرت النيابة العامة التى تولت التحقيق

لمن لا يعرف فتح الله هو العثيم بتاع طنطا

حاجه كده على قدنا

يعنى ركن العثيم كده

[محمد عبدالعزيز]

هل أسواق فتح الله اللى فى طنطا لها علاقة بفتح الله جملة ماركت اللى فى اسكندرية؟

[joo]

ايوة فتح اللة اللى فى طنطا هو اللى فى اسكندرية

[doha]

هو انا من زمااان بطلت اشتري منه لحمه بعد مالاحظت ان طعمها بيكون غريب فيها ( زفارة ) غريبة كده

ومع ذلك عندي تحفظ على الخبر

ببساطه لان فتح الله صاحبه ( مش شويه ) ومعروف هو مين في طنطا زي ماهو معروف هو مين في الاسكندرية

بستغرب ان واحد بالحجم ده يقع في ايد التموين بالسهولة دي

مستحيل اصلا ميكونش مظبط نفسه معاهم والا مكانش بقى ( فتح الله ) الي واكل سوق السوبرماركت في طنطا

اتوقع والله اعلم ان الحكايه دي لها علاقه باشاعه افتتاح كرفور الجديد في الداون تاون

احتمال يكون كرفور هيفتح فعلا في طنطا قريب

هنيالك يابو الكرافير

[Diab]

داون تاون ايه بس يا ضحي هههههههههه

طنطا انا رحتها زمان من يجي 6 سنين بزور واحد صاحبي

هي عند السيد البدوي وشارع الصاغة وكام حتة صغيرة ودمتم

حلوة قوي داون تاون دي

اقولك موقف طريف

انا اول سنة ليا في هندسة شبين الكوم كان عندي 17 سنة واول يوم ليا في سكن الطلبة قولت اما اروح اشتري جبنة رومي

سألت البقال عاوز تمن كيلو جبنة رومي وربع كيلو دوبل كريم

قالي مفيش دوبل كريمه ده تاخد جبنة قديمة  :lol:

قلتله هه :rolleyes:

رحت لفيت سبته وروحت وانا مش طايقه :unsure:

[doha]

داون تاون ايه بس يا ضحي هههههههههه

طنطا انا رحتها زمان من يجي 6 سنين بزور واحد صاحبي

هي عند السيد البدوي وشارع الصاغة وكام حتة صغيرة ودمتم

حلوة قوي داون تاون دي

اقولك موقف طريف

انا اول سنة ليا في هندسة شبين الكوم كان عندي 17 سنة واول يوم ليا في سكن الطلبة قولت اما اروح اشتري جبنة رومي

سألت البقال عاوز تمن كيلو جبنة رومي وربع كيلو دوبل كريم

قالي مفيش دوبل كريمه ده تاخد جبنة قديمة :lol:

قلتله هه :rolleyes:

رحت لفيت سبته وروحت وانا مش طايقه :unsure:

معليش عشان حضرتك مش من طنطا فمش واخد بالك

الداون تاون دي مش مصطلح زي وسط البلد مثلا وانما مشروع جديد او كمباوند على مدخل طنطا اسمه الداون تاون يعني زي عمارات العبور كده ماهي مشروع على بعضه فبرضه الداون تاون في طنطا ده مجموعه مباني اسمها كده

هو مشروع لسه في مرحلة البناء وسمعت ان كرفور هيفتح فيه بس مش عارفه هي اشاعه ولا حقيقة

بس بما ان حضرتك مزرتش طنطا من ست سنين فياريت تشوفها تاني وتغير فكرتك عنها لانها تغيرت كتير اوي .. وبرضه منطقة السيد البدوي شعبية الى حد كبير صعب انك تلاقي فيها البقالة الي نفسك فيها كلها لكن عندك شارع سعيد والحلو والبحر فيهم كل حاجه دلوقت تقريبا .

[Amr Radwan]

:rolleyes:

تعقيب صغير .. لو حد فكر .. بس فكر .. انه يشتري شقة في حي متوسط في طنطا ممكن يشتري بثمنها شقتين في حي محترم في القاهرة ..

[arora]

من يوم ما فتح فتح الله فى طنطا وهو بيجيب زبالة البضاعة لاهل طنطا

ودلوقتى بعد ما كترت السوبر ماركت الكبيرة

زى ابوذكرى والمنشاوى ومالك فعلا اتاثرت مبيعاته جدا وبقى بينش

بس هل معنى الخبر ده انه قفل فعلا؟؟

انا بطلت اتعامل معاه من زمان

ونقلت العطا على مالك ومؤخراعلى المنشاوى لانه اقرب وكمان بتعرف تركن جنبه

[okwaitme]

إن ما كانش من فتح الله ...... يفتح الله

[الفارس]

يارب السادة اللواءات والعقداء والعمداء وأصحاب النسور والدبابير اللي وارد إسمهم في الخبر يكونوا مصحصحين كده على طول ..

ومدد يا سيد يا بدوي ..