طب ارد اقول ايه ؟؟؟؟؟

[قلب ابيض]

عندما حملت بأبنى الاخير تمنيت من الله ان يكون بار بابويه وان يكون افضل من اخوته التزاما وخلقا ودعوت الله ان يعيننى على تربيته خاصه وان الفرق

الزمنى بينه وبين اخوته الاصغر منه مباشره تعدى الست السنوات ..ناهيكم عن الاكبر 0

ماسبق كان استهلالا لابد منه " تحياتى للاستاذ عادل " :P

جائنى نورالدين ذا السنوات السبع قائلا 000يا ماما القلب بيملاه ايه؟؟

انا : 0000000000000

هو : يملاه القرآن ولا الاغانى احسن؟؟

انا :!!!!!!!!!!!!!!!!!!!!!!!

ودار حوار اسوف فيه كلماتى حتى ازنها بميزان عادل لايشوبه شائبه لانى مدركه تماما ان كلامى له دستووووور ولا استطيع التراجع فيه اطلاقا

على هامش المؤتمر بقى ...بينى وبينكم كده هو مش سامع

انا بعشق الموسيقى 00وليس الغناء كله ربما بعضه من الفن الجميل كما نطلق عليه

وعشت دوامه الفصل بين ماهو حرام وحلال من الموسيقى او الطرب وسمعت فتاوى عديده واخر ما ثبت فى عقلى ووجدانى ما استفتييت به قلبى وعقلى

استمع الى الموسيقى واتذوقها بل واعزفها ايضا ولكنى لست متيمه بها 0

الحمد لله احفظ من القرأن بالتجويد ايضا 0000ولكنى اعترف لكم اعترافا اخر انى احب سماع الموسيقى الراقيه وهى لاتنسينى حلاوه القرأن بالطبع

باختصار اجاوب ابنى ازااااى؟

من غير ما اشوش تفكيره والرد مناسب لسنه والمرحله العمريه اللى بيمر بيها ؟

جزاكم الله خير الجزاء

تم تعديل 29 أبريل 2010 بواسطة قلب ابيض

[myusername]

اولا الف حمد الله علي السلامة يا ست الكل

يا قلب أبيض ذي الفل

أنا بقول ماما قلب مختفية بقالها كام يوم

أتاري كان عندها أجتماع مغلق مع الباشمهندس العازف الفنان نور :P

[اغابي]

صباح الخير

انا اتحطيت فى السؤال داه قبل كدا وابنى سالنى يا ماما مش الاغاني حراام - طب ليه بتسمعيها ؟؟

استاذتى الفاضلة / قلب ابيض

اولا : ما تتكلميش مع الولد عن كلمة طرب اصيل او تفاصيل عنها او اغاني ابدئي خفيف وتمهيد شوية شوية لغاية لما الفكرة تدخل دماغه وعذرك يبقي مقبول ..

اتكلمى فى كلمة الحان فقط - بمعنى تقوليله

احنا يا حبيبى مش لما بنقرا القران الكريم بننطق الايات بنوع من اللحن - واعملي له مثال - وقولى ايه قرائنية لكن مش عادى لاءه بالتجويد طبعا . .

وقوليله وفى كمان تواشيح دينية جميلة - صح - واذا كنت حافظة اى حاجة قوليها طبعا - يبقي اول حاجة يا حبيبي انا وانت متفقين عليها ان لالحان مش حرام .... .

بعد يوم او يومين : انت بنفسك افتحى معاه الموضوع مرة كمان - وقوليله -

بس طبعا يا حبيبي الناس بتختلف عن بعض وكل واحد ربنا اداله موهبة مميزة - ممكن تكون مش موجودة عند حد غيره

فمثلا انا مامتك لكن نختلف عن بعضنا - انا بحب شوية الموسيقى وجايز انت يا حبيبى ما تكونش بتحبها زى اوى

فانا اتميزت عن بعض الناس انى بحب اسمع بعض الالحان المعينة بتشدنى لكن مش معنى كدا انى بملا قلبي منها وابقى مجنونة بيها اطلاقا - بس اسمعها

واقفلى المناقشة - ولو ليه سؤال جاوبيه عليه -

تعالى كمان يوم او يومين - وافتحى معاه الموضوع :

شوف يا حبيبى انا كنت حكيتلك قبل كدا ان ربنا ادانى موهبة حب الموسيقى مع ان كان معايا واحدة صاحبتى زمان بتحب الرسم اوى لكن انا بحب الموسيقى فدا هوايات - طب انت بتحب ايه - ؟

التكملة وعلشان انا بحب الموسيقى زى ما فهمتك بحب اسمع شوية اغاني وطرب من بنوع زمان شوية لكن مش علشان الاغاني نفسها لاءه - اصل كل ما اسمع حتة موسيقي معينة تشدنى اوى لانى هوايتى الموسيقي والالحان واحنا اتفقنا انها مش حرام - بس داااه طبعا لا يقارن ابدا بالتواشيح الدينية ..

وداه رد بسيط يا سيدتى واعتبريه اقتراح

تحياتى

اغابي

:P

تم تعديل 29 أبريل 2010 بواسطة اغابي

[عنبو]

الاستغراق فى الحلال حرام بمعنى الاكل حلال بس لو الواحد عاش حياته كلها ميعملش حاجه غير انه ياكل يبقى حرام عليه

كان فيه واحد سأل شيخ بيقوله انه سمع ان الموسيقى الهاديه حلال وانه بحب يسمعها

فكان رد الشيخ عليه لما تلاقى عندك وقت بعد لما تأدى فروض ربنا وتخلص شغلك وتعمل واجبك تجاه بيتك واهلك وصلة رحمك

وتسمع قرأن ثم بعد ذلك لو فيه وقت ابقى اسمع فيه الموسيقى الهاديه اللى بتقول عليها

[doha]

صباح الخير

انا اتحطيت فى السؤال داه قبل كدا وابنى سالنى يا ماما مش الاغاني حراام - طب ليه بتسمعيها ؟؟

استاذتى الفاضلة / قلب ابيض

اولا : ما تتكلميش مع الولد عن كلمة طرب اصيل او تفاصيل عنها او اغاني ابدئي خفيف وتمهيد شوية شوية لغاية لما الفكرة تدخل دماغه وعذرك يبقي مقبول ..

اتكلمى فى كلمة الحان فقط - بمعنى تقوليله

احنا يا حبيبى مش لما بنقرا القران الكريم بننطق الايات بنوع من اللحن - واعملي له مثال - وقولى ايه قرائنية لكن مش عادى لاءه بالتجويد طبعا . .

وقوليله وفى كمان تواشيح دينية جميلة - صح - واذا كنت حافظة اى حاجة قوليها طبعا - يبقي اول حاجة يا حبيبي انا وانت متفقين عليها ان لالحان مش حرام .... .

بعد يوم او يومين : انت بنفسك افتحى معاه الموضوع مرة كمان - وقوليله -

بس طبعا يا حبيبي الناس بتختلف عن بعض وكل واحد ربنا اداله موهبة مميزة - ممكن تكون مش موجودة عند حد غيره

فمثلا انا مامتك لكن نختلف عن بعضنا - انا بحب شوية الموسيقى وجايز انت يا حبيبى ما تكونش بتحبها زى اوى

فانا اتميزت عن بعض الناس انى بحب اسمع بعض الالحان المعينة بتشدنى لكن مش معنى كدا انى بملا قلبي منها وابقى مجنونة بيها اطلاقا - بس اسمعها

واقفلى المناقشة - ولو ليه سؤال جاوبيه عليه -

تعالى كمان يوم او يومين - وافتحى معاه الموضوع :

شوف يا حبيبى انا كنت حكيتلك قبل كدا ان ربنا ادانى موهبة حب الموسيقى مع ان كان معايا واحدة صاحبتى زمان بتحب الرسم اوى لكن انا بحب الموسيقى فدا هوايات - طب انت بتحب ايه - ؟

التكملة وعلشان انا بحب الموسيقى زى ما فهمتك بحب اسمع شوية اغاني وطرب من بنوع زمان شوية لكن مش علشان الاغاني نفسها لاءه - اصل كل ما اسمع حتة موسيقي معينة تشدنى اوى لانى هوايتى الموسيقي والالحان واحنا اتفقنا انها مش حرام - بس داااه طبعا لا يقارن ابدا بالتواشيح الدينية ..

وداه رد بسيط يا سيدتى واعتبريه اقتراح

تحياتى

اغابي

:P

ضحكتيني يااغابي

يعني على كده لما ابنك يسالك ماما هو لو بست وحده صاحبتي حرام هتقولي له مين قال ياحبيبي ؟ هو انت مش بتبوس ماما ؟ مش بتبوس بابا ؟ وطبعا هتركزي على كلمه بوس على اساس توصلي له المقصود ..

على كل حال لو عاوزه ( تقنعي) ابنك ان البوس قصدي الموسيقى حلال مش لازم اللفه الطويلة دي والحان وتواشيح .. اصلا من موقعك كأم مجرد ماتقولي له على حاجه حلال خلاص هتبقى حلال مش محتاج بقى تبريرات وخطط حربية وتكتيكيه طالما انك شايفه الحاجه صح قولي له عليها صح لكن تلفي وتدوري وتخترعي فاعتقد الحكايه مش هتنفع خاصه ياسيدتي الفاضله ان حالة قلب ابيض مختلفة شويه عن حالتك حيث ان التواشيح مش ركن اساسي عندنا والاهم ان الي بيحرم الموسيقى بيحرمها هي كمان ..

قلب ابيض ..

عن نفسي لو اتحطيت في مكانك مش هقول لبنتي ان الموسيقى حلال بس برضه مش هقولها انها حرام .. ببساطه لاني مش مقتنعه بحرمتها بس في نفس الوقت ونظرا للتدني الغير مسبوق في مستوى الموسيقى والاغاني عامه فهبقى مرتاحه ان بنتي تبعد عنها وانها متكونش من اهتماماتها في الفترة الحالية

المشكلة ان الاطفال مش زينا وبياخذوا الامور كمسلمات .. يعني لو قلتي لها الكذب حرام هترجع تسالك ولما هو كده بتكذبي علي ليه وموديتينيش الملاهي زي ماوعدتيني .. او لما هو كده بتقولي انك عاوزه تنامي ليه واديكي لسه صاحيه اهوه .. هم عندهم ياابيض يااسود وصعب اوي يفهموا الفروق الدقيقة مابين الاثنين .. عشان كده من مصلحتك انك متزرعيش في ابنك دلوقت غير الثوابت الي فعلا مستحيل تتغير .. عن نفسي شايفه ان مش وقته ابدا نتكلم في حل او حرمة الموسيقى بس طالما الولد سال فاحسن حاجه وعشان متخسريهوش استاذه الي بيعلمه انك تقولي له انها حرام لو معاها عري مثلا حرام لو بتشغلك عن حاجه مفيده زي المذاكرة .. حرام لو هندفع في السيديهات بتاعتها فلوس كنا نديها لواحد غلبان احسن .. هو مش هيسالك كتير لكن هيطمئن ان الي قاله له الاستاذ صح وفي نفس الوقت انك انتي كمان صح

خايفه بقى ( يظبطك ) وانتي بتسمعيها

بسيطه .. متسمعيش قدامه

ومااكثر الحاجات ( الحلال ) الي بنتعمد نخفيها عن اطفالنا ومنعملهاش قدامهم ولاسباب كتير مجاتش يعني على الاغاني ووقفت ..

[اغابي]

ضحكتيني يااغابي

يعني على كده لما ابنك يسالك ماما هو لو بست وحده صاحبتي حرام هتقولي له مين قال ياحبيبي ؟ هو انت مش بتبوس ماما ؟ مش بتبوس بابا ؟ وطبعا هتركزي على كلمه بوس على اساس توصلي له المقصود ..

على كل حال لو عاوزه ( تقنعي) ابنك ان البوس قصدي الموسيقى حلال مش لازم اللفه الطويلة دي والحان وتواشيح .. اصلا من موقعك كأم مجرد ماتقولي له على حاجه حلال خلاص هتبقى حلال مش محتاج بقى تبريرات وخطط حربية وتكتيكيه طالما انك شايفه الحاجه صح قولي له عليها صح لكن تلفي وتدوري وتخترعي فاعتقد الحكايه مش هتنفع خاصه ياسيدتي الفاضله ان حالة قلب ابيض مختلفة شويه عن حالتك حيث ان التواشيح مش ركن اساسي عندنا والاهم ان الي بيحرم الموسيقى بيحرمها هي كمان ..

ميرسي ضحى على المعلومة

بصراحة انا عاوزة اقولك انا بتحط فى الاحراجات دى كتير بسبب اسئلة من النوع داه . .

وفعلا بلف وادور - لان جربت حكاية اقوله على حاجة واقوله انا مامتك ولما ماما تقول حاجة تبقي هى اللى صح - لكن الولد ما بيقتنعش بالكلام داه وبرضوه ليه وعشان ايه؟

واسلوب اللف معاه فى الحوار هو داه اللى يقنعه اكتر بمعنى ازاى مقدمة فى انى امهدله باستهلالة لابد منها على راى استاذ عادل ابو زيد -

ومن الاستهلالة دى ابدأ احكى واقنع ابنى - خاصة ان ابنى مخه كبير ومش اى حوار او مناقشة عادية بتتفتع معاه - عنيد ومتعب واسئلته كتير وصعبة جدا

خالص الود

اغابي

تم تعديل 29 أبريل 2010 بواسطة اغابي

[engmido]

والله يا مدام سؤالك حساس وشائك

فالموضوع فيه اراء واغلب الاراء تشير الى حرمانيتها

فانا لا استطيع ان احل حراما ...من باب من ترك شيئا لله ابله الله خيرا منه

ويمكن الاستعاضة عنها باناشيد اسلامية جميلة ....واناشيد اطفال جميلة ...على سبيل المثال قناة طيور الجنة فى منتهى الجمال

انا نفسى باسمعها..... :P

[joo]

يا جماعة الاغانى مش حرام خالص لانها بتعبر عن مشاعر داخل الانسان

لكن اللى حرام هو ان الواحد يقعد يسمع اغانى سفيهة وهابطة ويضيع وقت قدامها

كدة يبأ الاغنية مش حرام لكن الوقت اللى ضيعناة دة حرام

ودة اللى بقولة لاولادى

[doha]

يا جماعة الاغانى مش حرام خالص لانها بتعبر عن مشاعر داخل الانسان

لكن اللى حرام هو ان الواحد يقعد يسمع اغانى سفيهة وهابطة ويضيع وقت قدامها

كدة يبأ الاغنية مش حرام لكن الوقت اللى ضيعناة دة حرام

ودة اللى بقولة لاولادى

هو انتم عندكم ياجو في ناس برضه بتحرم الاغاني ؟

[اغابي]

لاءه - انا مفهمة اولادى ان الاغاني حراااااااااام طبعا

بس انا بسمع فى الخباثة :D

اصل ابنى جاى محمل على موبايله اغنية تامر حسنى - وانا مش بحب تامر حسنى smk:

قولتله ايه داه - انت عمال تردد زى الببغان مش تفهم بيقول ايه

وبعدين الاغاني حرااااااااااام :D

- راح قالى طب ليه يا ماما انت بتسمعيها

( طبعا باسمع كاظم الساهر ( احبينى بلا عقد ) و ام كلثوم ( وصفولى الصبر ) mfb: )

فكانت لينا حدوتة طويلة ومجادلات طويلة :o

وانتهت بالفوز عليا - وبرضوه حمل اغنية جديدة لتامر حسنى :lol: :lol:

اغابي

:P

[okwaitme]

في حديث عن رسول الله صلى الله عليه وسلم، حيث قال: "الحلال بيِّن والحرام بيِّن وبينهما أمور مشتبهات" (رواه الإمام البخاري في ‏صحيحه)، ما المعني بالأمور المشتبهات؟ وهل يمكن أن تكون السيجارة من الأمور المشتبهات؟

[okwaitme]

المفروض أنا حذفت الجزء بتاع التدخين،،،، وبما أنه قد حدث ولم أحذفه،،،

فإليكم الإجابة على السؤال ....

الأمور المشتبهات المطلوب اجتنابها هي التي اختلف فيها أهل العلم هل هي حلال أم حرام نظراً لاختلاف الأدلة فيها، ولم يترجح فيها قول على قول، فتركها من باب الاحتياط أسلم لدين المرء وعرضه، وأما السيجارة "الدخان" فهي حرام بلا شك، وذلك لضرر الدخان البالغ، وليس فيه شيء من المنافع، ولا حجة مع من يرى عدم تحريمه حتى يُقال: إنه من المختلف فيه، بل الحجة الواضحة مع من يرى تحريمه فليس هو من المشتبهات وإنما هو من المحرمات فيجب على المسلم تركه، وليس كل خلاف ينظر إليه، وإنما ينظر إلى الخلاف الذي له وجه في الشرع‏.

[قلب ابيض]

اولا الف حمد الله علي السلامة يا ست الكل

يا قلب أبيض ذي الفل

أنا بقول ماما قلب مختفية بقالها كام يوم

أتاري كان عندها أجتماع مغلق مع الباشمهندس العازف الفنان نور :lol:

تسلم لى يارب يا يوزر باشا يارافع معنوياتى 000وبمناسبه العزف اخبار دروس الجيتار ايه؟؟؟

شكرا لسؤالك الغالى gra:-

الاستغراق فى الحلال حرام بمعنى الاكل حلال بس لو الواحد عاش حياته كلها ميعملش حاجه غير انه ياكل يبقى حرام عليه

كان فيه واحد سأل شيخ بيقوله انه سمع ان الموسيقى الهاديه حلال وانه بحب يسمعها

فكان رد الشيخ عليه لما تلاقى عندك وقت بعد لما تأدى فروض ربنا وتخلص شغلك وتعمل واجبك تجاه بيتك واهلك وصلة رحمك

وتسمع قرأن ثم بعد ذلك لو فيه وقت ابقى اسمع فيه الموسيقى الهاديه اللى بتقول عليها

اتذكر قول للشيخ الشعراوى رحمه الله عليه فى سؤال عن مشاهده التلفاز وتقريبا الموضوع ممكن يتحسب كده برده

قال رحمه الله التلفزيون زى السكينه ممكن نقطع بيها تفاحه وتبقى حلال ... وممكن نققتل بيها واحد ويبقى حرام

يعنى على حسب الاستخدام " والمعنى واضح طبعا "

مشكور ياعنوب على ابداء الرأى :lol:

[قلب ابيض]

وداه رد بسيط يا سيدتى واعتبريه اقتراح

تحياتى

اغابي

gra:-

خاصه ياسيدتي الفاضله ان حالة قلب ابيض مختلفة شويه عن حالتك حيث ان التواشيح مش ركن اساسي عندنا والاهم ان الي بيحرم الموسيقى بيحرمها هي كمان ..

قلب ابيض ..

عن نفسي لو اتحطيت في مكانك مش هقول لبنتي ان الموسيقى حلال بس برضه مش هقولها انها حرام .. ببساطه لاني مش مقتنعه بحرمتها بس في نفس الوقت ونظرا للتدني الغير مسبوق في مستوى الموسيقى والاغاني عامه فهبقى مرتاحه ان بنتي تبعد عنها وانها متكونش من اهتماماتها في الفترة الحالية

ومااكثر الحاجات ( الحلال ) الي بنتعمد نخفيها عن اطفالنا ومنعملهاش قدامهم ولاسباب كتير مجاتش يعني على الاغاني ووقفت ..

حبيباتى اغابى وضحا استمتعت جدا بردكم الغالى ..واكثر ما اعجبنى واقنعنى به ان كل منكما تتحدث بمنتهى الوضوح والحب على اعتبار ان الحل هو ماتراه او تقترحه كما قالت الغاليه اغابى ...

مع كامل احترامى لشخصك الجميل وردك الاجمل يا اغابى ...انا لو رديت على ابنى زى ما كتبتى انتى كده هابقى زودت الطين بله ...بمعنى ان اللحن فى القرآن حرااااام

يبقى هاصلح حاجه وابوظ الاحسن منها

طبعا انا لا اعيب عليك اطلاقا والله اعلم فقط اردت ان اوضح نقطه بسيطه ان المغالاه فى التنغم او التحسين فى القراءه بمعنى اللحن كما هو مكتوب فى كتب التجويد فهى حرام ...اذن فالغناء شىء وتلاوه وتجويد القرأن شىء اخر.

بس اسلوبك مرن ومتدرج بحيث يمكن اقناع الطفل به ...تحياتى لردك الغالى :lol:

ضحا

انا معاك او انت معايا تماما انى بجد من جوايا كنت فرحانه انه ممكن يبعد عن الاغانى فى المرحله دى لاسباب كتيره نعلمها

ومااكثر الحاجات ( الحلال ) الي بنتعمد نخفيها عن اطفالنا ومنعملهاش قدامهم ولاسباب كتير مجاتش يعني على الاغاني ووقفت

عجبتنى اوى الجمله دى ...صحيح يعنى جت على دى ؟؟؟؟ smk:

اللى حصل بقى انى قلت له ان الموسيقى نسمعها من غير مايكون معاها كليب مش حلو او عرى او كلام مش مؤدب

نسمع موسيقى بس واحنا بنلعب رياضه او عالبحر او حتى لو كنا فى العربيه بس وقت الصلاه او الادان بنوقف كل ده ونصلى " وده بالفعل متبع معانا "

والقرأن اولى من الموسيقى بس ممكن نسمع موسيقى وفى نفس الوقت نحفظ قران ونفهم معناه ....واعتقد انه مع الوقت الافضل سيحل محل الادنى

الموضوع مش سهل يا جماعه 0000انا مش عاوزه يتقلب لموضوع نقاش دينى قدر ماهو تربوى

تحياتى :lol:

[قلب ابيض]

يا جماعة الاغانى مش حرام خالص لانها بتعبر عن مشاعر داخل الانسان

لكن اللى حرام هو ان الواحد يقعد يسمع اغانى سفيهة وهابطة ويضيع وقت قدامها

كدة يبأ الاغنية مش حرام لكن الوقت اللى ضيعناة دة حرام

ودة اللى بقولة لاولادى

استفتى قلبك ...... ياجو

في حديث عن رسول الله صلى الله عليه وسلم، حيث قال: "الحلال بيِّن والحرام بيِّن وبينهما أمور مشتبهات" (رواه الإمام البخاري في ‏صحيحه)، ما المعني بالأمور المشتبهات؟ وهل يمكن أن تكون السيجارة من الأمور المشتبهات؟

طبعا انا مش عارفه ايه الدخان الللى دخل علينا التوبيك ده؟؟؟

اهلا بيك okwaitme'

موضوع الامور المتشابهات هنا انا رأيى ان من حام حول الحمى اوشك ان يقع فيه ...طب ما احنا من الاول كده ناخد بالنا نتوخى الحرص وبلاها تدخين من اساسه

حاجه تانيه افتكرتها الان ....ان نبى الله داود كان معروف عنه انه كان يترنم بأدعية وأناشيد يمجد ويسبح فيها الخالق سبحانه وتعالى000ويترنم يعنى المعنى واضح فيه لحن

وترنيم ولكن الامر واااضح جدا ان المرفوض هنا الخلاعه فى الموسيقى او المعنى المصاحب لها 000يعنى الايقاع الدف اى اله موسيقيه طالما انها لا تؤذى السامع بصخب او ماشبه فهى جائزه...

والله اعلم

[الباشمهندس ياسر]

انا ممن يسمعون الغناء

العربي منه و الافرنجي

الحديث منه و القديم

ولا اقول هذا مجاهرة بالذنب .. حاشا و كلا

انما

كلنا ذي ذنب

و لكن يبقي شرع الله واضحا مشرقا لا خلل فيه ولا لبس

الغناء ما هو الا لهو واضح و له في القلب اثار قاتلة

تاب الله علي و علي الناس جميعا .. امين

[بركة]

انا ممن يسمعون الغناء

العربي منه و الافرنجي

الحديث منه و القديم

ولا اقول هذا مجاهرة بالذنب .. حاشا و كلا

انما

كلنا ذي ذنب

و لكن يبقي شرع الله واضحا مشرقا لا خلل فيه ولا لبس

الغناء ما هو الا لهو واضح و له في القلب اثار قاتلة

تاب الله علي و علي الناس جميعا .. امين

كل شئ زاد عن حده اتقلب ضده

عزيزتي قلب ابيض

اكرر لك كل شئ زاد عن حده اتقلب ضده

لي صديقة اولادها الان وصلو لسن بيقلدو فيه اصحابهم وكل كلامها بقا في خبر كان ......

يعني الاول كل الاغاني لأ .......فعملو العكس طبعا

وبعدين سابتهم فبقى شئ لا يطاق .....وهكذا

ورايي ان الوسط كويس يعني نرفه عن نفسنا شوية ونسمع حاجة بس تكون كلامها هادف

اللي قدرت استخلصه من تجربتها ان احسن حاجة نبتدي

احنا من الاول للي هي وصلتله دلوقتي " نسمع الاغاني بس اللي كلامها خير وبيخلينا في حال افضل مع ربنا او مع الناس " بمعنى الاغاني اللي كلها

حبيتني وحبيتها واتبهدلت وعملت وسوت ......بلاش لانها بتخلي القلب يتعب وربنا مش عايز قلبنا يتعب من حاجة ..ربنا عايزنا دايما فرحانين

وبنحب الناس و الحمد لله دلوقتي الخيارات كتير ولما يقولك على اغنية معينة اسمعوها سوا ولو لقيتها مش كويسة قوليله دي بتقول كذا والكلام ده

مش حلو وقارني بينها وبين حاجة تانية انت شايفاها افضل وهكذا

حبيبتي احنا ما ينفعش نربي ولادنا بنفس الطريقة اللي اتربينا بيها لانهم مش هيعيشو في زماننا احنا

ولو احنا ما اتغيرناش ولادنا هيربيهم حاجات غيرنا حواليهم كتير

واختم كلامي بمقولة الامام علي كرم الله وجهه "لا تؤدبوا أولادكم بأخلاقكم ..... لأنهم خلقوا لزمان غير زمانكم " .

[MZohairy]

الاستماع الى الموسيقى الراقية و الغناء الراقي نوع من العبادة و التقرب الى الله في رأيي

فأنا مثلا عندما استمع الى موتزارت او شوبا او أم كلثوم او عبد الوهاب اشعر بالنقاء و الرقي و السمو الروحاني

و ارى اعجاز الله في خلقه لتلك المواهب

ازداد هدوءا و قدره على التفكير

اشعر بالسلام و نبذ العنف

و كل ذلك يصب في ما يحبه الله لعباده

[الباشمهندس ياسر]

الاستماع الى الموسيقى الراقية و الغناء الراقي نوع من العبادة و التقرب الى الله في رأيي

نفس المعني تماما سمعته من احد متعاطي المحرمات

قال باللفظ

انا بحس اني احسن جدا لما بشرب

صدقني ده حصل

[ذهبية]

بصى يا قلب معروف ان الغناء لا يحرم و لا يكرة الا اذا كان صاحبة من اسباب الكرة او التحريم

يعنى زى اى حاجة فى الدنيا حسب الاستخدام

الانسان بطبيعتة انسان لة مشاعر طبيعى جدا يتاثر باى نغم حلو او كلمة طيبة

مش من المفروض اننا نجمد مشاعرنا

هاقول لابنى

بعد ما اكون سالتة انة عمل واجباتة من صلاة و صوم و عبادة و فروض

الانسان ما معدتة بتجوع و تعوز اكل زى ما جسمك بيتعب و يعوز راحة مشاعرنا كمان بتحتاج فى بعض الاوقات الى راحة

الى بعض الموسيقى اللى تريحها وقت ما تكون تعبانة

طو ل ما هى موسيقى مفيش فيها انحلال او كلمة خارجة او تحريض على شهوة يبقى مش عيب انى اشبع الاحساس

ببعض النغم اللى ممكن يرهف الاحساس و يبعث الى نفسى بعض من الراحة او تجدد القلب بمشاعر فقدها

لك تحياتى و تقديرى

ذهبية