ستات بلطجيات للايجار

[joo]

كان امس على قناة المحور برنامج صبايا

يعرض موضوع مفجع وهو ايجار ستات بلطجية للخنائات

كان شكلهم يخوف جدا من كتر جرئتهم

وكانو بيقولو دا اكل عشنا منستغناش عنة ابدا

يعنى لو حد عاوز يئذى حد يدفعلها فلوس علشان تروح تعورة

ولو واحد حب يتجوز على مراتة تروح تسلط علية الستات دول علشان يبوظو الفرح ويضربو العروسة

وبيأجروهم فى الخنائات فى الشارع

كانت الموذيعة خايفة جدا جدا وهى بتعمل حوار معاهم

وهى قالت انهم هددوها ان لو اتقبض عليهم مش هيسبوها

وناشدت رجال الشرطة انهم ميتعرضلهم بعد البرنامج خوفا على ارواحها هى واولادها

مصر بخير

تم تعديل 29 أبريل 2010 بواسطة Mohammad
تعديل العنوان ليتناسب مع المضمون

[fatfouta]

سالنور عليك يا جو

هو انت ماشوفتش فيلم خالتى فرنسا ماهو كان بيتكلم عن دول برضو

وبعدين ريهام بتاعه صبايا دى انا بعد ماكنت بتفرج عليها بعدين حسيت انها استعراضية وبتمثل وبتحاول تعمل حركات عشان تجذب المشاهد

يعنى انت كنت مصدق انها خايفة منهم وهى بتصور؟؟ محسسانى ان مافيش كاست معاها ولا كاميرا مان وهى واقفة لوحدها وهيخطفوها يا عينى

إتفرج على الفيلم هتلاقيه مثال للناس دى بالضبط اللى هما مش (ستات للإيجار) لا....ستات بيتخانقوا الفلوس

اول مرة اعرف ان حسك مرهف كده يا جو....ده انا كنت فاكراك جرئ من ساعة البنات اللى عاكسوك :P ...فاكر؟؟

[sarmar]

يافتافيتو جو تخصص نساء خريجات سجون يعنى اللى بيعاكسوة بنات صيع من الشوارع وهو ايضا اهتم بانساء البطجية

طبعا اصل جو دة خبرة

ربنا يستر عليك ياجو خايف عليك ان واحدة منهم تصمم تخطفك :P

[joo]

يافتافيتو جو تخصص نساء خريجات سجون يعنى اللى بيعاكسوة بنات صيع من الشوارع وهو ايضا اهتم بانساء البطجية

طبعا اصل جو دة خبرة

ربنا يستر عليك ياجو خايف عليك ان واحدة منهم تصمم تخطفك :P

متشكر على زوقك وكلامك الراقى

[Damo]

هو يا جو فتحت الموضوع عشان تناقش ايه؟ يعني النساء دول ليه بلطجيات؟ ولا فكرة استضافتهم من الاول؟ ولا ان صبايا ده برنامج حلو ولا وحش؟

انا اصلي عايزة اشارك بس مشعرفه اشارك بايه بالظبط :P

[joo]

هو يا جو فتحت الموضوع عشان تناقش ايه؟ يعني النساء دول ليه بلطجيات؟ ولا فكرة استضافتهم من الاول؟ ولا ان صبايا ده برنامج حلو ولا وحش؟

انا اصلي عايزة اشارك بس مشعرفه اشارك بايه بالظبط :P

انا فاتح الموضوع لانى مستغرب ان كيف ان المرأة تتخلى عن انوثتها ورقتها وتقوم مثل هذة الاعمال

وللاسف كلهم كانو بيرددو كلمة مجننانى ( الرزق بأيد ربنا ) ( ربنا عاوزنى طة )

[Damo]

طب انا عندي سؤال....هما متجوزين؟

[joo]

طب انا عندي سؤال....هما متجوزين؟

متجوزين ومخلفين وبيعلمو زلادهم المهنة دى

[Damo]

طب انا عندي سؤال....هما متجوزين؟

متجوزين ومخلفين وبيعلمو زلادهم المهنة دى

طب ما يبقى يا جو زاي ما هما قالو كده...اكل عيش! انا مش مع ان اللي بيعملوه صح بس السبب واضح. ولادهم دول هيأكلوهم منين؟

[joo]

طب انا عندي سؤال....هما متجوزين؟

متجوزين ومخلفين وبيعلمو زلادهم المهنة دى

طب ما يبقى يا جو زاي ما هما قالو كده...اكل عيش! انا مش مع ان اللي بيعملوه صح بس السبب واضح. ولادهم دول هيأكلوهم منين؟

يعنى يا دامو دة مبرر للبلطجة

يعنى لو فى واحد او واحدة متدايقة منك وبعتتلك واحدة من دول علشان تضربك

هتبررى موقفها وهتقولى دة اكل عيشها

[Damo]

طب انا عندي سؤال....هما متجوزين؟

متجوزين ومخلفين وبيعلمو زلادهم المهنة دى

طب ما يبقى يا جو زاي ما هما قالو كده...اكل عيش! انا مش مع ان اللي بيعملوه صح بس السبب واضح. ولادهم دول هيأكلوهم منين؟

يعنى يا دامو دة مبرر للبلطجة

يعنى لو فى واحد او واحدة متدايقة منك وبعتتلك واحدة من دول علشان تضربك

هتبررى موقفها وهتقولى دة اكل عيشها

لا مش مبرر يا جو. عشان كده انا قولت:

طب ما يبقى يا جو زاي ما هما قالو كده...اكل عيش! انا مش مع ان اللي بيعملوه صح بس السبب واضح. ولادهم دول هيأكلوهم منين؟

[عبيد الله]

سلامُ الله عليكم ورحمته...

أولاً: أخي الكريم أرجو منك تغيير العنوان من "ستات للإيجار" إلى "ستات بلطجيات للإيجار" وفقاً للمضمون..

ذلك لأن العنوان هكذا مستفز جداً، ويعطي انطباع ليس طيباً... من أول وهلة من يقرأه سيظن أنك تحدث عن شبكة دعارة أو ما شابه..

ثانياً: بالنسبة للبطلجة من النساء.. فأنصحك بقراءة تاريخ الحقبة الليبرالية في مصر ما قبل الثورة، وستعرف أن هذه الفئة كانت مشهورة ومعروفة جداااااااا..

وكان السياسيون يستخدمونها للانتقام من خصومهم..

وبالطبع الآن تغيرت المسميات لكن بقيت الوظيفة بمعناها القديم..

[joo]

يا عزيزى اختيار اسم الموضوع دائما بنحطة للاثارة والتشويق فقط

وانا معتقدش ان ستات للايجار كلمة وحشة

لان كل واحة خيالة واسع بيفسرها على مزاجة

ثانيا انا عارف ان المواضيع دى من زمان اوى

بس اللى جذبنى للموضوع هو انتشارة الان فالكل اصبح يأخذ حقة بذراعة

ونسيو ان ربنا اقوى من الكل والناس اصبحت بتستسهل الازية

وشكرا على مرورك الكريم

[aimen]

طيب ماحدش جاب سيرة وهبة العملية ...

يعنى العلقة بكام وياترى لهم فرع هنا فى الرياض

ممكن نحتاج خدماتهم wst::

[raouf]

اولا مستجيل الجكومة تقبض عليهم لييييييييييه :

- دول اللى بيقفلوا الصناديق فى الانتخابات وهتشوفوهم فى الانتخابات الجاية

- لتاديب السيدات من المعارضة فى الوقفات الاحتجاجية والمظاهرات

- دول بيستحدموا ايضا لالصاق بعض تهم التحرش وغيره للرجالة المغضوب عليهم واكثر كمان

من الاخر دول زى ما الحكومة سايبة البلطجية فى الشارع سايبة دول معاهم

[عادل أبوزيد]

الأكثر إيلاما من الخبر نفسه أو البرنامج نفسه هو تقبل الأمر كشيء عادى و موجود و مما يزيد الأمر إيلاما أن رواد محاورات المصريين يقرأون الموضوع - و أنا منهم - ببساطة و بلا تجهم و كأننا نستغرب أن الفاضل جو لفت نظره هذا الموضوع.

ما سبق كان إستهلالا لابد منه

التبرير أو قل التفسير الوحيد لوجود هذا الوضع هو ضعف الدولة و ما يستتبعها من غيبة العدالة و تخاذل آليات الأمن و الضعف الشديد الذى يصل إلى العجز فى آليات القضاء هذا إذا إفترضنا أن من يلجأ إلى إستئجار "البلطجية" هو شخص مظلوم يبحث عن حقه ، و من جانب آخر "البلطجة" سلاح آخر من أسلحة الفساد.

من سنوات ربما قبل سنة 2003 و كان إبنى طالبا بكلية الهندسة جامعة عين شمس حكى لى عن معارك بين الطلبة و أن الطلبة يلجئون إلى إستئجار "بلطجية" !! و ألف علامة تعجب من عندى.

فى أحداث نجع حمادى أوردت وسائل الإعلام أن الكمونى هذا كان عبارة عن "بلطجى" بالإيجار و كانت هذه حقيقة معلنة يعرفها القاصى و الدانى و الدولة فى سبات عميق.

السؤال و هو سؤال نظرى بحت هل هناك قبول رسمى و إجتماعى لهذا الوضع ؟ أو قل كيف يمكن و لو نظريا كسر هذه الحلقة من الإجرام المنظم الذى هو أقرب إلى "النموذج البلدى من المافيا"

[joo]

استاذ ابو زيد انا بيذيد اعجابى بيك يوم عن يوم

كل اللى ردو عليا فى الموضوع حسسونى انة موضوع ليس ذوى قيمة

فالبعض تهكم والبعض عاوز يقنعنى انى مش عايش فى الدنيا والبعض بيقنعنى ان دة واقع ولازم اتقبلة

انا كنت حزين كدة من السلبية اللى وجدتها وكأننا لازم نردخ تحت قبضة البلطجية

سدئنى انا كنت حزين جدا جدا وانا بشوف البرنامج وعارف ان العالم كلة بيشوف مصر عاملة ازاى

هل دة هبل منى انى موضوع زى دة همنى اوى وزعلنى ولا علشان انا مبفهمش فى الكحرطة زى ما واحد صاحبنا بيقول

تحياتى واحترامى لك استاذ ابو زيد

[myusername]

سدئنى انا كنت حزين جدا جدا وانا بشوف البرنامج وعارف ان العالم كلة بيشوف مصر عاملة ازاى

هل دة هبل منى انى موضوع زى دة همنى اوى وزعلنى ولا علشان انا مبفهمش فى الكحرطة زى ما واحد صاحبنا بيقول

عالم كله ايه بس يا عم جو اللى بيتفرج عالبرنامج... صلى عالنبى فى قلبك wst:: هو انت فاكر ان فيه حد بيتفرج عالبرنامج ده غيرنا ;)

عموما يا جو انتا شكلك كده زعلان منى مش عارف ليه... :P يعنى مفيهاش حاجة لما تقول ان يوزر هو اللى اتكلم عن الكحرطة ;)

خد دى :D