أولوياتي.. أولوياتك..أولوياته..أولوياتها..أولوياتهم..أولوياتنا

[Sherief AbdelWahab]

استحملوني شوية:

1-ليه قامت الدنيا وما قعدتش على نائب الرصاص وما قامتش خالص على نواب العلاج على نفقة الدولة رغم إن جريمتهم أفدح؟

2-ليه كان تصريح لنائب عن المتظاهرين "أولى" عند كل الناس مش النخبة بس من فضائح نواب العلاج والتأشيرات؟

3-ليه ما شكلتش حوادث الطرق "أولوية" عند كل الناس مش بس النخبة وما كانش فيه مطالبة بقانون يحد منها..وأول ما اتعمل قانون الكل اعترض؟

4-ليه موضوع تولي المرأة القضاء في مجلس الدولة بان "أول"ى من تدني مشاركة المرأة في المجتمع على كل الأصعدة؟

5-ليه "علي" الإصلاح السياسي "على" إصلاحات تانية كتير مطلوبة في مصر علشان الإصلاح السياسي يجيب همه؟

6-ليه حتى عليت المطالبة بألف وميتين جنيه كحد أدنى للرواتب "على حساب" إجراءات تانية كفيلة بتحويل مصر إلى جحيم لو وصل الحد الأدنى للمرتبات للمبلغ دة؟

مين اللي بيحدد لي أولوياتي ، ويحدد لك أولوياتك ، ويحدد له أولوياته ، ويحدد ليكي أولوياتك ، ويحدد لينا أولوياتنا ، ويحدد للناس أولوياتهم.. اللي هية بعيدة كل البعد عن الأولويات الحقيقية؟

خلص الكلام

[رضوي]

السلام عليكم ورحمة الله وبركاته

سؤالك في غاية الاهمية

اللي بيحدد اولويتنا

الاحتياج

كل واحد بيحدد اولوياته احتياجاته .........

كلنا يفكر في النفع الذي سيعود عليه فقط من جراء اي قرار

كلنا ينظر تحت قدميه

قلما تجد من يفكر في المصلحة العامة

أكبر دليل علي كلامي

الحد الادني للاجور

لما يبقي حد ادني 1200 جنيه ........ ونفقد الدعم الحكومي

يبقي شكراً

الدنيا انتهت

وماحدش هيلاقي ياكل

تحياتي

[ذهبية]

انت سالت 6 اسئلة بتبدا بلية ؟؟

هارد عليك بكلمة واحدة علشان انت فى مصر

علشان انت فى مصر هتشوف العجب

هتشوف كل التناقضات جنب بعض

هات ليا اى بلد فى العالم فيها كمية التناقضات الى فى مصر بجد عمرك ما هتلاقى