علمتنى الحياه

[لماضة مصرية جدا]

السلام عليكم و رحمة الله و بركاته

علمتني الحياة

الصمت أجدي في حضرة العلماء

ولا حل سواه في حضرة من يظنون انهم كائنات خارقة للعقل البشري......هم فقط يعاندون الغباء

[مغتربة]

ان التغابى فى بعض المواقف و الظروف

يكون هو قمه الذكاء

[hanzalah]

بصراحه

دي تحفه بجد

ان كتب الكتاب يكون يوم الفرح مش قبل كده و لا بيوم و لا نص يوم حتى

تسلم ايدك يا ريمو ع النصيحة المتأخرة دي

:blink:

انا علمتني الحياة

اني لسه لم اتعلم

فيه حاجات كتير جدا

لسه هاتعلمها

و لازم اتعلمها

[ابو محمد بن مصطفي]

العلم هو الحياة

[shawshank]

مثلما إن مجموع واحد وواحد هو اثنان ، سواءً كنت واقفًا أو جالسًا أو نائمًا ، فقد علمتني الحياة أن طاعة الله مفتاح كل سعادة ، ومعصية الله مفتاح كل شقاء . وسيبقى هذا صحيحًا سواءً كنت في مصر أو الصين أو أمريكا .

[shiko]

علمتنى الحياة ...

ان لا اعلق قلبى بأى شىء قط ...

فقط تذهب الحياة بما فيها ويبقى قلبى غير معلق ينبض دون اسف او ندم

علمتنى تلك المدرسة .. ان اتناسى دائما ً.

فكل بنو بشر ..اكثر ما يؤلمهم ...هى الذكريات ...

[pink rose]

علمتني الحياة

ان المثل القائل "تعرف فولان اه اعرفه عاشرته لا يبقى ما تعرفوش" صحيح 1.000.000%

[مغتربة]

علمتنى الحياه

ان يغار منك الاخرون افضل الف مره من ان يشفقوا عليك

[shiko]

....علمتنى الحياة ...

الاحلام ...فى اوقات يضيق بك الواقع ....

الالهام ....وان لا اضع روحى بقوالب الجمود ....

الامانى ...فهى مصدر الطاقة على الارض

[لماضة مصرية جدا]

السلام عليكم و رحمة الله و بركاته

علمتني الحياة

ان لحظة الغضب...يتدفق الدم....في اتجاهات مبعثرة

و في لحظة الصلح.....يتدفق في اتجاه واحد فقط.....نحو القلب....حيث يستقر في هدوء

علمتني الحياة

أن صباح اليوم.....لا يشبه سابقه.....حتي و ان بدا كذلك....هناك حتما....فارق متناهي في الصغر....و العين المعلقة بالله لن تخطئه

علمتني الحياة

حين نظن أننا علمنا....فاننا حقا لم نعلم

و حين نظن أننا انتهينا.....فقد تكون تلك البداية

و حين نظن أننا وصلنا بغيتنا.....قد تكون تلك بداية التيه في عالم جديد

علمتني الحياة.....

هناك منطق معاكس دوما.......معاكس جدا

علمتني الحياة

أن عقلي صندوق.....ما زال صندوق....مهما تراءي لي انه اتسع

و لا زال هناك عالم يدعو للدهشة خارجه

علمتني الحياة

ألا اخاصم احدا يوم الجمعة

و لا يوم الاحد

و لا اي من ايام الاسبوع

يوم سأراه

و اليوم الذي يليه

قد يكون غادرني....لعالم آخر.....لم يأن أن الحق به بعد

علمتني الحياة

و لا تزال

[ذهبية]

علمنتى الحياة ان اعيش الحظة لانها لن تعود مرة اخرى

علمتنى الحياة ان القلوب قلابة كل يوم بحال

علتنى الحياة ان اليوم الللى ابطل فية احلم فى بكرة هو يوم موتى

علمتنى الحياة ان اعيشها بدل ما اتفرج عليها

[عنبو]

علمتنى الحياه

ان الصديق الحق يلتمس لك الاعذار حينما تخطأ

علمتنى الحياه

ان من لا له وطن هو اتعس انسان فى الكون

علمتنى الحياه

ان لا اشكو الا الى الله فهو قادر على كل شىء

علمتنى الحياه

ان اخذ بكل الاسباب الممكنه ثم ارضى بقضاء الله

ومازالت الحياه تعلمنى

عنبو

تم تعديل 27 أكتوبر 2010 بواسطة عنبو

[شريف مان]

تعلمت أننا في المدرسة وفي الجامعة نتعلم الدروس ثم نواجه الامتحانات . أما في الحياة فإننا نواجه الامتحانات وبعدها نتعلم الدروس.

[عنبو]

علمتنى الحياه

الا احاسب الناس على ما قد يفوق طاقتهم فان هذا يعتبر ظلم لهم

[لونا]

علمتني الحياة

أن لا تخرج الكلمة من فمي .. قبل أن أزنها على ميزان الحلال و الحرام .. لأعرف هل تزيد في حسناتي أو تثقل سيئاتي

علمتني الحياة

ألا أتوقع الكثير من الآخرين ..

و لا أطلب إلا من الله .. ثم أعتمد على نفسي

و إذا احتجت من البشر شيئاً.. فلابد و أن أرد لهم ما قدموه لي بأي صورة

علمتني الحياة

أن أتعلم من الناس جيداً .. فآخذ من كل شخصية ما يميزها .. و أحاول أن أضيفه إلى شخصيتي

و أعرف ما يعيب كل شخصية لأبتعد عنه

[Simba]

حاسس اني جيت الدنيا وخارج منها

من غير ما اتعلم حاجة

اشرب محاورات واتكلم طبيعي :closedeyes:

[اغابي]

علمتنى الحياه - التسامح

تم تعديل 1 نوفمبر 2010 بواسطة اغابي

[لماضة مصرية جدا]

السلام عليكم و رحمة الله و بركاته

علمتني الحياة....طازة و من علي وش القفص

كل ما يزيد تعلقك ببني آدم انه ممكن يكون في ايده حل مشكلتك....كل ما البني آدم ده يخذلك

و بعد ما بتاخد وقتك انك تغضب و تزعق و تقول العبارات الخالدة من نوعية....اييييييييييه هي الناس جرالها ايه

تكتشف ان الغلط كان فيك

الحياة...مينفعشي ناخدها علاقات...بينية....يعني بين البني آدمين و بعضها....هيخذلوك...هيخذلوك...اذا ما كنشي بشكل مباشر...يبقي انهم دايما بيكونا اقل من توقعاتك منهم

لكن تقدر تاخدها علاقة فوقية...بينك و بين رب العباد كلهم....اللي عمره ما راح يخذلك..و لا يتخلي عنك

مش عشان انت كويس و تستاهل

ابدا...

عشان ربنا كريم اوي....و عطاؤه فوق ما تتصور

طب ليه تتشعلق في حبال دايبة مع البني آدمين و تسيب حبل الرجاء الذي لا ينقطع من رب البني أدمين دول كلهم

اتعلق بقي بحبل الرجاء...مع ربنا و بس

=========

صباحكم......خوف.... ورجاء....و اقتراب...و دعاء بمعية الله

[لماضة مصرية جدا]

حاسس اني جيت الدنيا وخارج منها

من غير ما اتعلم حاجة

اشرب محاورات واتكلم طبيعي :closedeyes:

استاذي الجميل روحا و قلبا سمبا

طب كون اصلا انك وصلت للخلاصة ان الحياة مش هي اللي راح نركن فيها و نتعلم منها و نوصل لليقين....مش ده تعلم في حد ذاته

و لا تقصد ايه انك جيت و مشيت و متعلمتش

مش جميل الواحد يكون في حالة دهشة مستمرة!!

دكتور مصطفي محمود قال جملة حبيتها اوي

الايمان ان تكون دوما في حالة دهشة طفولية

تفتكر انك في حالة دهشة؟؟

و لا في حالة تعلم؟؟؟

صباح حضرتك.......رضا يا رب...(تششششوب.....ده صوتي و انا بسمع كلامك و بآخد شفطة وبشرب محاورات:)

[لماضة مصرية جدا]

السلام عليكم و رحمة الله و بركاته

علمتني الحياة

ان فيه حاجة كده اسمها "قلب الام"....اللي هو يحسك لو علي الخلق داريت...شو يوشفك رغم البين و البعد..(دي اغنية انغام ع فكرة)

كنت مبسوطة اوي بعقلي و دراستي و كمية المنطق اللي بحاول امشي بيها حياتي لغاية ما عجزت فعلا قدام "قلب الام"

ده كيميا

و لا معجزة ربانية

طب بيبتدي امتي

طب بيتكون ازاي

طب بتحس بينا ازاي

مش عارفة

علمتني الدنيا....ان "رضا" قلب الام......هو مخدتي اللي برتاح عليها لما الدنيا تقسي اوي