علمتنى الحياه

[لماضة مصرية جدا]

علمتني "الغربة"....ان الوطن مش علم و نشيد و ذكريات عن مساحة جغرافية اتولدت فيها

انا اتولدت في بلد و عشت في بلد تانية و بشتغل في بلد تالتة و بحلم اعيش في بلد رابعة

و مع كل ده....مش لاقية "الوطن"

علمتني الغربة

ان ال"وطن" احساس بالامان....هتجرب تحسه مع الجغرافيا لما اقداري كتبتلي اني اعيض من بلد لبلد...و هتجرب تعيشه مع اشخاص اللي هما فارقوك و برضه كان قدر....و هتجرب تعيشه مع حاجات و تفاصيل كتير...لكن هيفضل زي الضي يلمع حبة و يغيب كتير

و لما تقعد...تمشي....لوحدك في الملكوت و تنادي ربنا و تقوله طب و بعدين.....تحس...انك اصلا كنت فاهم غلط

احساس الامان مش بكل الليلة دي

احساس الامان انك تلاقي نفسك زي ما ربنا عايزك....مش زي ما انت عايز من ربنا

احساس الامان انك تفضل تنشال و تنحط و تاخدك الدنيا من تحت لفوق و من فوق لتحت بس متطمن ان فيه حكمة....بس انت مش عارفاها دلوقتي...بس متطمن

احساس الامان....انك لما برضه الدنيا تقسي عليك اوي.....تهرب ليه اكتر....و تستغفره اكتر انك كنت بعيد....مع ان ربنا كان ااقرب مما نتخيل

علمتني الغربة.....ان ال "وطن".....هو المعية مع الله

غير كده

مافيش

بس كان لازم اخد اللفة الطويلة دي و الاسية الجامدة دي......عشان اوصل للمداخلة دي باحساسها ده

بس برضه......ليها حكمة....و ربي لك الحمدالذي هدانا لهذا و ما كنا لنهتدي لولا أن هدانا الله

[لماضة مصرية جدا]

علمتني الغربة...تاني

ان مش كل حد هيضحك في وشك يبقي بيحبك....و لا قصده يضحك...

و قبل ما عقلك ينط و يقولك ها ده عايز منك مصلحة.....و خصوصا في الغربة

علمتني الدنيا اني اقف عند اللحظة دي....

و اخطف الضحكة دي....

و اسرق الفرحة دي....

محدش عارف يمكن اطلع غلط....

و يمكن تطلع الضحكة اللي من وش الغريب في الغربة....

مكنتشي مخبية وراها.....زي ما في يوم ظنيت....

مش عشان هو او هي كويسين لانهم لسه غريبين عليا

....عشان ابتديت اربي نفسي علي اني اثق و احسن الظن بالله.....

و انسي خالص اللي قدامي بيضحك ليه و علي ايه

و لا عايز ايه اصلا

[لماضة مصرية جدا]

ايه ده....دهدي....انا قاعدة في التوبيك هنا لوحدي

هو مافيش غيري الدنيا معلمة فيه و لا ايه؟؟؟

طب ازق عجلي انا بقي

مساكم........حياة.....في كل خطوة بنتعلم منها.....بس علي نار هادية

[عبير يونس]

علمتني الغربة...تاني

ان مش كل حد هيضحك في وشك يبقي بيحبك....و لا قصده يضحك...

و قبل ما عقلك ينط و يقولك ها ده عايز منك مصلحة.....و خصوصا في الغربة

علمتني الدنيا اني اقف عند اللحظة دي....

و اخطف الضحكة دي....

و اسرق الفرحة دي....

محدش عارف يمكن اطلع غلط....

و يمكن تطلع الضحكة اللي من وش الغريب في الغربة....

مكنتشي مخبية وراها.....زي ما في يوم ظنيت....

مش عشان هو او هي كويسين لانهم لسه غريبين عليا

....عشان ابتديت اربي نفسي علي اني اثق و احسن الظن بالله.....

و انسي خالص اللي قدامي بيضحك ليه و علي ايه

و لا عايز ايه اصلا

تعرفي يا لماضة

كل ما كنت أقول اني خلاص بقيت ناصحة

و بأقدر أعرف الناس

كل ما كنت أندب على بوزي

و اطلع مبفهمش حاجة

كنت غاوية تحليل اوي

و بحث و تحري عن الناس

مش خصوصياتهم طبعا

لكن كنت غاوية أعرف ايه نظامهم

من الناس اللي اتعاملوا معاهم

و اكتشفت حاجات أعجب من العجب

في ناس خدموني بجدعنة ملهاش آخر

و بدون أي مصلحة

ولا أي خدمة في المقابل

و نفس الناس دول

في ناس تانية بيعيطوا منهم بالدموع!!!!

يا خبر

معقول

مابقاش مصدقة طبعا

بس الطرفين عارفاهم كويس

و الاتنين مبيكدبوش

طب ايه بقى؟؟؟

لحد ما اكتشفت حاجة حلوة اوي

ملكيش دعوة بشخصية الناس

ما تحاوليش تحلليلهم خالص

كل بني آدم عالم لوحده

و جواه الدنيا بحالها

جواه الخير

و جواه الشر

ما تسأليش على حد

صدقيني

اتعاملي معاه و خللي ربنا بينك و بينه

وقتها بس

ربنا سبحانه و تعالى حيرزقك بخير الانسان ده

و يكفيكي شره

و غيرك ممكن يشوفوا خيره برضه

و غيرهم ممكن ما يشوفش إلا شره بس

عارفة حب الناس في الواسطة

اللي بتسهل لهم أمورهم؟؟

خللي ربنا واسطتك دايما مع الناس

و في كل أمورك

حترتاحي اوي اوي اوي

و دماغك حترتاح

لأنك حترمي حمولك كلها عليه سبحانه

[مودة]

علمتنى الحياه

لكل شئ فى الحياة وقته وغاية المستعجلين فوته

[مودة]

علمتني الغربة...تاني

ان مش كل حد هيضحك في وشك يبقي بيحبك....و لا قصده يضحك...

و قبل ما عقلك ينط و يقولك ها ده عايز منك مصلحة.....و خصوصا في الغربة

علمتني الدنيا اني اقف عند اللحظة دي....

و اخطف الضحكة دي....

و اسرق الفرحة دي....

محدش عارف يمكن اطلع غلط....

و يمكن تطلع الضحكة اللي من وش الغريب في الغربة....

مكنتشي مخبية وراها.....زي ما في يوم ظنيت....

مش عشان هو او هي كويسين لانهم لسه غريبين عليا

....عشان ابتديت اربي نفسي علي اني اثق و احسن الظن بالله.....

و انسي خالص اللي قدامي بيضحك ليه و علي ايه

و لا عايز ايه اصلا

تعرفي يا لماضة

كل ما كنت أقول اني خلاص بقيت ناصحة

و بأقدر أعرف الناس

كل ما كنت أندب على بوزي

و اطلع مبفهمش حاجة

كنت غاوية تحليل اوي

و بحث و تحري عن الناس

مش خصوصياتهم طبعا

لكن كنت غاوية أعرف ايه نظامهم

من الناس اللي اتعاملوا معاهم

و اكتشفت حاجات أعجب من العجب

في ناس خدموني بجدعنة ملهاش آخر

و بدون أي مصلحة

ولا أي خدمة في المقابل

و نفس الناس دول

في ناس تانية بيعيطوا منهم بالدموع!!!!

يا خبر

معقول

مابقاش مصدقة طبعا

بس الطرفين عارفاهم كويس

و الاتنين مبيكدبوش

طب ايه بقى؟؟؟

لحد ما اكتشفت حاجة حلوة اوي

ملكيش دعوة بشخصية الناس

ما تحاوليش تحلليلهم خالص

كل بني آدم عالم لوحده

و جواه الدنيا بحالها

جواه الخير

و جواه الشر

ما تسأليش على حد

صدقيني

اتعاملي معاه و خللي ربنا بينك و بينه

وقتها بس

ربنا سبحانه و تعالى حيرزقك بخير الانسان ده

و يكفيكي شره

و غيرك ممكن يشوفوا خيره برضه

و غيرهم ممكن ما يشوفش إلا شره بس

عارفة حب الناس في الواسطة

اللي بتسهل لهم أمورهم؟؟

خللي ربنا واسطتك دايما مع الناس

و في كل أمورك

حترتاحي اوي اوي اوي

و دماغك حترتاح

لأنك حترمي حمولك كلها عليه سبحانه

عندك حق فى كل ما قلتيه وانا كمان يحدث معايا ذلك تماما ودايما قولى اللهم ارزقنى من خير خلقك وخير ما عندهم و أعوذ بك من شر خلقك و شر ما عندهم اللهم اكفينهم بما شئت و كما شئت و لا حول ولا قوة الا بك .

[نوران]

علمتني الحياه

اني اعمل اللي شايفاه صح وأقول الحق من غير زيف ومجاملات بس من غير ما أجرح حد ولما أعمل كده ما أشيلش هم اللي هيترتب علي كلامي أو فعلي

وما أخافش من الناس ولكن أخاف من رب الناس وهو خير حافظا

وإني لما أحب ما احبش قوي علشان ما اتعشمش قوي ويمكن أتصدم بعد كده قوي

وبرضو لما اكره ما اكرهش قوي لان ممكن اللي كنت فاكراه وحش ما يكونش وحش قوي

وعموما هي الدنيا كده بنيت علي نقص ما فيهاش اي حاجه حلوة قوى

أحلي ما فيها اني اسلم امري لربي وأطمع في كرمه قوي قوي.

[كلمات]

أولاً مشكور على هذا الموضوع الجميل فهو يعطينا فرصة للتفكير ماذا تعلمنا من الحياة

فقد نعيش سنيناً لانحاول أن نعرف هل تعلمنا شيئاً أم أنها أيام وتمضي......

علمتني الحياة أن الصدق منجاة

علمتني الحياة أن الحب هو الحياة

علمتني الحياة أن الصداقة الحقيقية مهما مر عليها من زمن تظل أصولها ثابته

علمتني الحياة أن من صعب أن تجد السعادة إلا لو اقتنعت أن سعادتك بيدك أنت ولا أحد سواك

علمتني الحياة أننا بدون الأمل نموت والقلب ما زال به نبض

علمتني الحياة أن أحب كل شيء وكل الناس فلعلهم في يوم ما يصلهم هذا الحب ويبدالوني شعوري

علمتني الحياة أن أشكر كل من قدم لي معروف مهما صغر حجمه

علمتني الحياة أن الإبتسامة كنز لاتفرط به مهما كان السبب

علمتني الحياة أن أستغل كل الناس في التعلم الصغير قبل الكبير فعند كل شخص شيء نتعلمه

علمتني الحياة أنني طالما يوجد في قلبي نبض وهناك روح بجسدي أني سأظل أتعلم حتى يتوقف هذا النبض وتفارق الروح الجسد

هنا فقط سأتوقف عن التعلم فقد توقفت عن التنفس......

تم تعديل 25 يونيو 2011 بواسطة كلمات

[لماضة مصرية جدا]

السلام عليكم و رحمة الله و بركاته

علمتني الحياة ان أكثر الأشياء التي ننوي الهروب منها هي أكثر الأشياء التصاقا بنا

--------------------

علمتني الحياة...انك تظل دوما داخلك مساحة بيضاء

لم تتلوث بعد...لم تتلون بعد...

لم تزيف بعد...

احتفظ فيها بضحكات صادقة عفوية جمعتك مع من تحب حين كنت لا تتوقع حبا

احتفظ فيه بمشاغبات طفولية توقظ احساس انك لا زلت طفلا يحمل دهشة في هينيه

تبت اوي علي دعوة ام كانت خايفة عليك و مالهاش هم في الدنيا غير همك

شيل فيها كل دمعوك اللي بكتها في يوم علي ذنب و عدت و استغفرت ربنا في جوف الليل..انت و ربك و دعاء ذليل لا ينقطع بالمغفرة

مساحتك دي

اهرب ليها

و اهرب بيها

و كل ما تشد الدنيا عليك و تقسي

خليك فاكر

راح تتغير

للاوحش...للاحسن مش مهم

بس المهم قدرت تحافظ ع الحتة البيضا النضيفة جواك و لا لا؟؟؟

--------------------

علمتني الحياةان "الاب" احساس غريب

يمكن تكون في اوقات كتير زعلان منه او غضبان او ناقم او فاكر انه تخلي عنك بشكل او باخر

الاب...هو المساحة المتصارعة جواك بين مشاعر كتير يمكن تكون زعلان منه اوي بس علشان بتحبه اوي ووحشك اوي

و يمكن يكون هو كمان كان بيحبك اوي بس بطريقته هو...مش بطريقتك انت

----------------

علمتني الحياة

انك اوقات كتير بتتعب نفسك في اكتشاف ناس غريبة عنك....مع ان اقرب الناس ليك لسه انت متعرفشي عنهم حاجات كتير...مع انك اتهيالك انك طول العمر دوت عارفهم كويس اوي

------------------

علمتني الحياة انك بلاش تسافر لوحدك....عشان عبورك من بوابة المطار كفيل جدا انه يصحي فيك كل احلام عمرك المؤجلة و يخليك تقف مع نفسك وسط زحمة ناس و تسال نفسك...انا رايح فين و ساعتها يا هتوه من نفسك اكتر يا هتلاقيها اكتر...سافر دايما و جوه منك حلم صغير...انت بس اللي بتعرف مفرداته و عارف ملامحه

--------------------

علمتني الحياة انك ممكن تقابل ناس في محطات الحياة...الغريب انهم ممكن جدا يكونوا بيشبهوا ناس وجعوك قبل كده او سابوا جوه منك مساحة فرح ما في لحظة ما....و علمتني الحياة انك لما تقابل الناس اللي شبه الناس دي....بلاش تركز في ملامحهم اوي...و بلاش تقلب في صفحة اللي فات......مش علشان فيه حاجة جواك ماتت....علشان اللي انت متعرفهوش عن نفسك.....انك انت نفسك اتغيرت كتير و مبقتشي لساك واقف علي صفحة من زمن فات

-------------

علمني عمو صلاح النهاردة اني ابطل استخدم كلمة انا خايفة

كنت فاكرة نفسي سبع رجالة في بعض و لقيته بيقولي

ريهام

انتي قولتي دلوقتي 3 افكار و كل فكرة منهم بتبتدي بأنا خايفة

علمني عمو صلاح

ان الخوف...ممكن يقتل كل فكرة حلوة لسه بتنبت جواك

و علمني اكتر ان احيانا بنقول خوفنا في كلامنا من غير ما نحس...مع ان لو حد سالني كنت هقول...لا مش خايفة

بس في الحقيقة انا...خايفة جدا...بس بعاند...يمكن عشان متأكدة ان ربنا كريم فمش عايزة ابين دوت لبني آدم زيي يعني هنقعد بقي نعمل ايه نخاف و ندفي بعض بخوفنا؟؟؟؟؟؟؟؟؟

تصبحوا علي قلب..... بيحاول يتعلم

[عبير يونس]

علمتني الحياة

أن الدعم الذي نحتاجه من البشر

حتى و إن منحونا إياه

لا ينفع و لا يفيد

و أن ما ينفعنا حقا هو الدعم الذي نحصل عليه من داخلنا

من القوى الداخلية التي وضعها فينا رب العالمين

من حبنا للحياة

و من رغبتنا في البقاء

[Alshiekh]

يــــــــــــــــــــــاه

الحياة مدرسة ، بل كلية

كلا إنها جامعة تجد فيها كل ماسمعته من أمثال وقد تحققت على أرض الواقع

تعلمت أن ليس بالضرورة أن كل مايلمع ذهبا

وليس كل مايبدو على وجوه الناس بالضرورة يعبر عن مكنون صدورهم

تعلمت أن من يعيش ياما يشوف ولكن من يمشي في الأرضي يرى أكثر وأكثر

تعلمت ان لاأخذ معلوماتي عن الشعوب من أفلام السينيما والقصص والحواديت وأن معاشرة الناس هي هي المصدر الحقيقي الوحيد للحصول على معلومات حقيقية.

تعلمت أننا لسنا الوحيدين في هذا الكون الذين لدينا قيما إنسانية ، وتعلمت أنه لايزال هناك ناس يعيشون بمعزل عن العالم ولديهم قيما إنسانية غاية في الرقي ، يعيشون بلا ملابس ولايتحرش أحدهم بالآخر.

تعلمت أنه لايزال هناك من القبائل من يتعدد فيه الأزواج على الزوجة الواحدة ، خمسة أزواج وزوجة واحدة وستة من الأبناء ولايشغل بالهم اختلاط الأنساب ويعيشون معا ويعملون معا ولاينغص حياتهم إلا تطفل الإنسان المتحضر الذي يدعي المدنية عندما يقتحم حياتهم الهادئة.

تعلمت أن هناك من يتبرك بأكل قطعة من الجبن سبقه الفأر إلى الأكل منها لترى السعادة والرضا والسلام النفسي باديا على وجهه ويذهب بعدها إلى منزله لينام قرير العين مرتاح البال متيقنا بأن الإله راض عنه.

رأيت من يغسل يديه ووجهه ورجليه قبل أن يدخل معبدا للفئران أو للبقرة أو للقرد ويسير خاشعا حافيا تقديرا لقداسة المعبد ، وعندما تسأله ماذا تعمل ، يرد ببساطة " أستاذ جراحة الفم وأسنان بجامعة كذا " أو مهندس كذا أو كذا.

رأيت الإنتخابات تحدث ويكسب من يكسب ويخسر من يخسر ولايتنابز ايا من مشجعي الفائزين أو الخاسرين ، بل يهنئ الخاسر الفائز ويرد الفائز " أتمنى لك حظا أفضل في المرة القادمة "

تعلمت عندما أتحدث عن أمور ديني ألا أسبب الأسباب ، بل أختصر كل الأسباب في رد واحد " إن إيماني يجعلني أتقبل ذلك بدون نقاش " أو " هذا أمر ايماني بحت " ( It is a religious matter ) وألا أفتح المجال لنقاشات عقيمة نمارسها فيما بيننا أصحاب المذهب الواحد.

تعلمت أن أتقبل الآخر كما هو وألا أحاول أن أفرض عليه رؤيتي أو فكري لأنني لن أسمح له أن يفرض علي رؤيته أو فكره، تعلمت أن أعامل الناس بما أحب أن يعاملونني به.

تعلمت أن أقول رأيي مرة وأوضحه مرة أو مرتين بعدها أميل إلى التوقف عن الحوار.

تعلمت أن أتعلم شيئا جديدا أو ربما عدة أشياء جديدة كل يوم.

تعلمت ألا أحزن على مالا ضاع وألا أجعل المال مبتغى همي ، وأن أجعل المال تحت حذائي ، فأنا الذي أصنعه وسأصنع غيره طالما أمد الله في عمري ووهبني الصحة لأعمل.

وتعلمت أن هناك من القبائل البدائية من يرقصون رقصات دينية طلبا للمطر تماما كما يفعل المسلمون بأدائهم لصلاة الإستسقاء ، وينهمر المطر ليروي عطش الجميع ، مسلمين وغير مسلمين ، لانهم طلبوا الماء من الروح القدس ولكن كل بطريقته.

تعلمت أيضا أن حديثي العهد بالإيمان يشعرون بالتعالي على من سواهم حتى ولو كانوا يفوقونهم علما وتقوى وورعا ولكنهم لايظهرونه ليتباهوا به على الآخرين.

رأيت ذلك بين كل الأجناس التي خالطتها واعرفت على عاداتها وأفكارها، ولم أصادف أسوء من المؤمنين الجدد.

[rewsha]

علمتني الحياه ان احذر عدوي مره

واحذر صديقي ....الف مره

المثل اللي بيقول كده صح مليون في الميه

[rewsha]

علمتني الحياه

انك بالابتسامه ...تقدر تاخد حاجات كتير مش هاتعرف تاخدها بالانفعال :)

فكُن دائما ....مبتسم

[rewsha]

علمتني الحياه

ان الانسان مابيعرفش قيمة الشيء الا لما بيفقده

والاكتر بقى

انه لما بيفقده لفتره

والشيء ده يرجع تاني

الانسان بطبعه نسًاي (من النسيان) بينسى كان عامل ازاي لما فقد الشيء ده في يوم من الايام

باختصار علمتني الحياة ان الانسان نساي بطبعه ;)

[لماضة مصرية جدا]

السلام عليكم و رحمة الله و بركاته

علمتني الدنيا

هناك دائما في صفحات كتاب العمر صفحة لا تزال بيضاء

متستعجلشي تملاها

متستغربشي هي فضلت فاضية ليه

خليها زي ما هي

يا فضلت بيضا....علشان تفكرنا كل شوية ان ممكن جدا نبتدي من اول و جديد...و تكون الصفحة البيضا هي بداية كتاب "عمر جديد"

او لقت ابجدية خاصة بيها...بس ساعتها ابجديتها هتكون استوت علي نار هادية....و برضه هتبقي بداية ل "عمر جديد"

في حياتك

خلي دايما فيه صفحة بيضا

و نقطة و من اول العمر

[لماضة مصرية جدا]

السلام عليكم و رحمة الله و بركاته

فيه ناس بتعيش الحياة بكل جنونها وفرحها ووجعها

و فيه ناس بتبص عليها من ورا قزاز و بتفتكر انها كده عايشاهاو انها كده بتحمي نفسها

علمتني الحياة

ان مافيش حد صح

و ما فيش قاعدة صح

و ان في وقت ممكن اكسر قالب القزاز....و ارمي نفسي في اول مركبة

و في وقت تاني ممكن جدا اقعد ورا الشيش....استني الموجة اللي راح تستفزني تاني

و برضه دي وهة نظر

اني اعيش بره القزاز في وقت

و اعيش ورا القزاز في وقت تاني لغاية ما اخد وقتي اني ارجع ارمي نفسي جوه الحياة مرةتانية

المهم اني اخد وقتي

اخد نفسي

اخد قراري

امتي هكون بره القزاز و امتي هعيش وراه

و دي وجهة نظر

[لماضة مصرية جدا]

السلام عليكم و رحمة الله و بركاته

الحقيقة العبارة الجاية دي انا لاطشاها من ع الفيس

بس حبيت اهديها للاجيال و كدهوت

الرجولة مش مجرد هرمون

و لا خط فودافون

و لا مذيع بميكروفون و اكيد مش شباب مسقط البنطلون .......ايييييييييييييييييه

حقيقي الرجولة موقف...مش هز أكتاف

[الدكتور ياسر]

[نوران]

[rewsha]

علمتني الحياه

ان لا تركض خلف المظاهر فقد تخدعـك .. ولا تركض وراء الثـروة فقد تتلاشى بسرعـة

ولكن أركض خلف من يعطيـك الأبتسامـة .. فإنـه سيقلب حزنـك إلى سعادة دون مقابـل