عيد ميلاد اللماضة احلي عيد

[لماضة مصرية جدا]

كل سنة انتى طيبة

دى مصر كلها بتحتفل بيكى

مش التوبيك ده معمول عشان عيد العمال وخطبة حضرة سيادة الزعيم المبجل الريس:)

عارف بقي يا استاذ حسام زمان لما براكوتي...(ده اسم مبارك....بس هو معودني اناديه كده) كان دايما في الخطاب....يتنحنح كده...و يسكت شوية....قووووووووووم ايه احس انه بيبعتلي تهنئة ع الهوا.....بس كدا و كدا.....

و من موقعي هذا احب اطمنك..... التوبيك ده فعلافعلا....احتفالا بعمال الغزل و النسيج....بالمحلة الكبري (صور فانلات متطايرة في الهوا).....و عمال قصب السكر....(زعازيع قصب بقي)......و عمال المجاري.....(ايه الريحة دي.... )

كل سنة و العمال الشقيانين....و انا و انا....و الناس الحلوة....و اللي بيحبنا ميضربشي نااااااااااااار

و سمعنا اغنية.....

اجيال و را اجيال (قاعدين يدوخوا في بعض اتهدوا بقي... )

[لماضة مصرية جدا]

....بكتبلك باللون اللمونى ...يا اغــــــلى ..مــــــن نور عيونى ....

..طب بلاش اللمونى ....احسن قالولوى لامونى اللى غاروا منى ...

.

.بكل الوان الربيع ...

اقبلى على عامك الجديد ...افتحى رئتيكى لهواء جديد...

بجناحى طاقة ..رفرفى فى عنان السماء دون حدود...

ادفعى سواقى العشق ...لتجرى المياه فى مجاريها معاودة رى بساتينك..

فلتزهر اشجار عامك القادم ولتطرح لكى كل ما تتمنيه ...

ولتدنو ثمار المحبة من قلبك ..ولتقطفى منها ما تشائين ....

فراشتى الجميلة ...لفتكونى انتى كما تريدين

اعزفى بنايك للكون لحنك الجديد

تتبعى سواقى العشق ..افترشى العشب ليلا وتلحفى الفضاء

تحممى بعطر...النور وتنشفى بضوء الشموع

.......... ............... ..................... .................

http://www.youtube.com/watch?v=sxv2Kwa5SZk

يا شيكو القلب

اكتبي بأي لون تشاءين.....فأنتي قطعا تعلمين انكي لون خاص لدي..... لا يشبه أي لون آخر في علبة الالوان

انتي قطعا تعلمين.....ان بالامس وعدتكي ان بيننا حوار لا ينتهي.....و لكني حنثت الوعد

اتعلمين لما

لأني اراكي في السماء...الوان قوس قزح.......الوان تتداخل...تتناغم.....تتكامل

قرأت يوما....ان بنهاية كل قوس قزح هناك تكمن جرة من ذهب.....

سرت وراء الوانكي بحثا عن الذهب...

اتعلمين ماذا وجدت....

وجدتك انتي

و ليتكي تعلمين انكي عندي اثيرة للغاية......انتي لدي.....اغلي من الذهب

يا شيكو القريبة دوما من القلب....ع البعد

فراشتك......تحلق في سماء......بالوانكي انتي.......

فراشتك قد اكتملت......و تركت الشرنقة.....فشكرا ليدين علمتني كيف اطير الي سماء ملونة

كل عام و انتي جرتي الذهبية.......في سماء تلونينها بالوان قوس قزح

كل عام و انتي رفيقتي.........

كل عام و انا..........انتي

تم تعديل 30 أبريل 2010 بواسطة لماضة مصرية جدا

[لماضة مصرية جدا]

Uploaded with ImageShack.us

هاابييي بيرث داي تو يو

تشا تشا تشا

هابي بيرث داي تو يو

تشا تشا تشا

هابي بيييييرث داي .... هابي بييييرث داي

هابي بييييرث داي تو يوووووو

تشا تشا تشا

كل سنة و انتي طيبة يا احلى لموضة و ربنا يسعد ايامك و يخليكي لينا و المحاورات و لمصر كلها (امال منغيرك كنا هنعمل عيد العمال امتى)

اتفضلي دي ازازي فيها براحتك

Uploaded with ImageShack.us

و دي كمان متغلاش عليكي

Uploaded with ImageShack.us

اه و كنت هنسى اهم حاجة

Uploaded with ImageShack.us

دي بقى من شمشون

Uploaded with ImageShack.us

كل سنة و انتي طيبة يا جميل :)

ايه يا ديمو كل الحلويات الحلوة الجبارة دي.....(ليه حاسة انك ادتيهم رقم تلفوني و انا اللي هدفع الحساب..... :) )

بس احلي واحدة بجد بتاعت شمشون

بس يا دامو انا رجعته انبارح.....من بعد موضوع الاسهال (ايه السيرة المقرفة دي...معلشي يا جماعة.... :lol: ) خفت عليه يموت معايا........كان نفسي نطفي الشمع مع بعض السنادي......كان نفسي يبقي معايا الساعة 12.....بس مافيش ننصيب.....ايييييييييه

شوفلنا بقي حتة غامقة من بتوع تيمو.....نتشحتف عليها

لا و نتشحتف ليه انا بكره هزوروه...و آخدله معايا حتة من تورتة الايس كريم......بس تفتكري هتعجبه؟؟؟

كل سنة و انتي دايما دامو الجميلة جدا

كل سنة و انتي بفرحة لقا ارانيبك ربنا يجمعكم بارانيب تاني.....(بس امانة يا شيخة بلاش الاسماء الفقرية دي بتاعت سعدية و زكي....و شفاعة......ع جنب بقي الارانيب كانوا مكتشئبين بسبب الاسامي دي ع فكرة..... :lol: )

بس ايه رايك في دول

ع فكرة دول كابلز

اللي ع اليمين.....اسمه باني

و اللي ع الشمال اسمها......بينكي

انا عندي باني في مصر

احدفيلي بقي بينكي من عندك

كل سنة و انتي كل الخير

[ahmos1]

كل سنة و انت طيبة يالماضة هانم و ربنا يخققلك كل اللى تتمنية يااااااااااااااارب

مع تحيااااااااتى

[زهره]

كل سنه و انتى طيبه يا لماضه و عقبال 100 سنه و ان شاء الله تحقق كل احلامك

[fatfouta]

زعلانة منك يا دامو انتى ورضوى........ماحدش يبلغنى فيكن فى الخباثة كده كنت جيت من بدرى يعنى اجى كده واتفاجأ وقعدت ادور على حاجة اجيبها والمحلات قفلت

وانتى يا ست لمضمض مش كنتى قولتيلى فى مسج.....ماشى مردودالك اول يوم فى السنة ان شاء الله

بحبك يا لماضة يا ريرى يا جميلة وياااااااااارب افرح بيكى

وعقبال تورتة الفرح ياااااااااارب

افتحى العلبة الاولانية هتلاقى فيها فأر صغنن ابيض هينط فى وشك اخو اللى انتى اشتريتيه

والعلب اللى تحتها مش هقولك فيها ايه دورى انتى بقى

اتفضلى

يارب اشوفك عروسة

تم تعديل 30 أبريل 2010 بواسطة fatfouta

[SophiaAstrophy]

كل سنه وانتى افرح

كل سنه وانتى البدايه والجنون

كل سنه وانتى احلى الطموحات الخياليه

كل سنه وانت بخير ياجميله المنتدى

[عنبو]

ارسو على بر ده عيد ميلاد لماضه ولا عيد العمال

اقعدت افكر فى هديه قيمه اجيبها لكى وفى نفس الوقت

يكون ليها مغزى ومفيده برده

وفى الاخر هدانى تفكيرى الى هذا العملاق

وده الامريكى منه بس انا شايف ان المصرى لا يعلى عليه

[لماضة مصرية جدا]

كل سنة و انت طيبة يالماضة هانم و ربنا يخققلك كل اللى تتمنية يااااااااااااااارب

مع تحيااااااااتى

و حضرتك كل الخير يا رب

وجود حضرتك معانا بجد في الحفلة اسعدني كتير.......صبااااااحك نور من الجنة

[لماضة مصرية جدا]

كل سنه و انتى طيبه يا لماضه و عقبال 100 سنه و ان شاء الله تحقق كل احلامك

و انتي زهرة ملونة بريحة مودة......شذاها يملا القلب

ميرسي آآآآآآآآآآآآآآآآآآآآآآدا البحر

ع فكرة انا مش عايزة 100 سنة.....انا عايزة بس 10 سنين ع الطاعة و بعد كده يبقي رضا اوي

[لماضة مصرية جدا]

زعلانة منك يا دامو انتى ورضوى........ماحدش يبلغنى فيكن فى الخباثة كده كنت جيت من بدرى يعنى اجى كده واتفاجأ وقعدت ادور على حاجة اجيبها والمحلات قفلت

وانتى يا ست لمضمض مش كنتى قولتيلى فى مسج.....ماشى مردودالك اول يوم فى السنة ان شاء الله

بحبك يا لماضة يا ريرى يا جميلة وياااااااااارب افرح بيكى

وعقبال تورتة الفرح ياااااااااارب

افتحى العلبة الاولانية هتلاقى فيها فأر صغنن ابيض هينط فى وشك اخو اللى انتى اشتريتيه

والعلب اللى تحتها مش هقولك فيها ايه دورى انتى بقى

اتفضلى

يارب اشوفك عروسة

فتافيت السكر.....حبيبتي

حلوة اوي ابعتلك مسج ااقولك...اوسكتي اوسكتي مش انا هتقندل احتفل بيا النهاردة.....بحبك يا ساتاموني ....

ميرسي ع التورتة أوي.....انا كده جالي انتفاخ يا جماعة من الصور

بالنسبة بقي للعلب

احب انا المفاجآت.....

اولا مش تسميه فار....اسمه شمشمون و ده اسمه هامستر مش فار خالص.....هو حاجة بين الفار و الارنب تقريبا

و بعدين شمشوني ولد....يبقي يا ريت العلبة يبقي فيها شمشوناية كده عشان يعني زي ما انتي عارفة..... smk:

العلبة التاية بقي اللي في النص...انا عارفة فيها ايه.....فيها طبق ملوخية.....م اللي انتي عارفة اني فاشلة في عميلها.....صح.....شامة الريحة انا....بس خوسارة العلبة الملوخية بهدلت الدنيا

العلبة التالتة.........إمممممممم

فيها محمد حبيبي.........احنا خلصنا الموضوع ده ع فكرة......و انا هرتب نفسي علي كده.....بس مش عارفة ليه سامعة حاجة بتخروش....

كل سنة و انتي فتافيت سكر....يمكن تبقي فتافيت...بس ليها طعم حلو منين ما تروح

يا خراااااااشي عليكي يا فوتي فوتي.....حطالي كوستبان...و ابر خياطة و بكر ملونة......ايه يا بنتي مبحبش اليلة دي......ابعتيلي حبة بلي....احلي

صباااااحك سكر

[لماضة مصرية جدا]

ارسو على بر ده عيد ميلاد لماضه ولا عيد العمال

اقعدت افكر فى هديه قيمه اجيبها لكى وفى نفس الوقت

يكون ليها مغزى ومفيده برده

وفى الاخر هدانى تفكيرى الى هذا العملاق

وده الامريكى منه بس انا شايف ان المصرى لا يعلى عليه

آآآآآآآآآآآآآآآآآآآآآآخ منك يا رفيق عنبوووووووووووووف...و دمااااااااااااااغك

بتفكرني باخويا عنده استعداد انه و انا نايمة يفس مسدس مية في ودني

عجبني انا اوي بقي التوك توك ده....مشروع مكسبه مضمون....بس يا عنبووووف انا كان امل حياتي اني اشتغل تباع علي عربية ميكروباص....مش عارفة التوك توك هينفع و لا ايه....طب انا التباع......و حموقة السواق.....طب الناس هتقعد فين

الامريكاني بقي...اوعي الفحت......بس هو الامريكاني عوج كده من يومه....

التالتة بقي....الهي يا شيخ اشوفك امين شرطة في اشارة مرور

ايه ده هتلبسني قضية آثار

بس عجبتني انا السكسوكة.....افتكاسة

كل سنة و انت اخويا......المحاوراتي في العالم الافتراضي..... لغاية ما اعرفك علي رفيقك في العالم الحقيقي ان شاء الله

صباحك بلالين ملونة.........خايفة تفس......ازعل اوي

[مغتربة]

لموضه حبيبتى

كل سنه وانتى طيبه يا جميل

و ان شاء الله السنه الى جايه تكونى محققه كل احلامك و امنياتك يا قمر

انا لقيت كل الى قبلى جاب التورت و الحلويات

قلت يبقى عليا انا المشاريب

احلى hot chocolate لتشوكليت المنتدى كله

[engmido]

وحدوووووووووووووووووووووه

قصدى كل سنة وانت طيبة smk:

[Alshiekh]

كل سنة وانتى طيبة يالماضة وان شاء الله السنة الجاية تكون كل امنياتى قد تحققت .

معلش متاخر شوية ، لكن جايب لك حاجة حلوة يارب تحبيها .

[لونا]

كل سنة و انت طيبة يا لماضة يا حبيبتي

و ربنا يحقق لك كل أمنياتك

أنا لقيت الكل داخل بالجاتوهات و المخللات و المشروبات

قلت مش ناقص غير البالونات

[لماضة مصرية جدا]

لموضه حبيبتى

كل سنه وانتى طيبه يا جميل

و ان شاء الله السنه الى جايه تكونى محققه كل احلامك و امنياتك يا قمر

انا لقيت كل الى قبلى جاب التورت و الحلويات

قلت يبقى عليا انا المشاريب

احلى hot chocolate لتشوكليت المنتدى كله

و.....ح.......ش......ت.....ي......ن........ي

ربنا يسعدك و يخليكي ليا يا رب

بس الرغوة بتاعت الهوت تشيكولت دي....بتفكرني بحاجة

برغوة تاااااااااااااااااااااااااااايد

و حاسة لانه تايد في الغسيل ما فيش مستحيل......يبقي السنة دي ان شاء الله هتبقي غير

كل سنة و انتي....كل الخير

[لولا]

كريستالة .. بس بلون الفراشات

بشوفك كده.

ربنا يحققلك كل الى تتمنيه ويسعدك آمين .

عيد ميلاد سعيد

كل سنة وانت طيبة يااجمل لماضة .

لولا

[لماضة مصرية جدا]

كل سنة وانتى طيبة يالماضة وان شاء الله السنة الجاية تكون كل امنياتى قد تحققت .

معلش متاخر شوية ، لكن جايب لك حاجة حلوة يارب تحبيها .

كل سنة و حضرتك بخير و صحة....و معايدة حضرتك كتير عليا......و ع فكرة هو 1- 5......و ملناش دعوة بقي بالباقي.... :D

يعني حضرتك جاااااااااي مظبوط.....

ميرسي كتير ع الباااااااااااااااند......احب انا كده جدا

مساااااااااااااااااا حضرتك رضا

[لماضة مصرية جدا]

كل سنة و انت طيبة يا لماضة يا حبيبتي

و ربنا يحقق لك كل أمنياتك

أنا لقيت الكل داخل بالجاتوهات و المخللات و المشروبات

قلت مش ناقص غير البالونات

يا جميل انت يا راااااااااااااااااايق يا بتاع البلالين

اتصدقي انا محرصة عليهم من ساعة ما جبتهم......بحب افرقعهم آآآآآآآخر اليوم.....علي حساب توقيت استاد الكلية الحربية فاضل حوالي 25 دقيقة و يخلص اليوم ده و عشان كده هنفرقعهم بقي بعد شوية....اللي بيتخض و لا بيركب الهوا خليه بعيد

كل سنة و انتي بجمال و فرحة انك تشوفي بلالين ملونة و طايرة في الهوا.....و تفضل تعلي و تعلي