التمثيل السياسى بجثث المصريين بالخارج

[لكلوك]

طب هنقول ان الولد اخطأ واجرم وهنفترض صدق الرواية وهي انه قتل 4 افراد مطلعش حكم عليه لسه الرواية اللي بتقول ان الشرطة خدته عشان يمثل الجريمة يعني الراجل لسه تحت التحقيق وحتى لو اعترف فين سيادة القانون واحترامه

بصراحه ماذكرته الصحف الاسرائيلية عن ارتباط هذا بالحكم ف قضية حزب الله اه صحيح يعني هل نرى هذا الحكم معزولا عن تاثيره ع اهالي لبنان من الشيعه والسنة ايضا

وطبعا هذا الحادث لا يبعد عن اهدار قيمة المصري باختصار مالوش حساب ولا ديه

ومش هنقدر نقوزل غير كده وعموما لمانشوف رد حكومتناالبهية اللي بندفع اخطائها السياسية وغبائها السياسي

يعني حادثة النفق ع الحدود هل يعني ده مالهاش تاثير ع نفسية الغزاويين للاسف حكومتنا بتشوه سمعتنا بره وبتخنقنا جوا

يعني هل حد من المقيمين خارج مصر مش حاسس بكده يعني ع الاقل الكل بينظر لنا بريبة او بعدم وضوح

يعني حكومتنا ده قرفتنا باسرائيل خدنا منها ايه

انا موافق كلنا هنحب اسرائيل وده بلد زي الفل بس اشوف ايه اللي باخده من الحب ده ماهو محدش يطلب مني احب دولة وابيع لها غازي وخيري برخص التراب وف الاخر اخد ع قفايا

اه ياحكومتنا بتاخدوا ع قفاكم وقفاه بصراحه يستاهل الغالي

واللي حصل ده والله جزء كبير منه ان شعوب عربية كتير بجد بتنظر لنا اننا زي اسرائيل واللي حصل ف الجزائر قبل كده برده لان صورتنا بره زفت

ياريت حكومتنا تعمل لنا اي قيمة احسن زهقنا

يا عم احنا شعب تعداده 80 مليون ومليا كفاءات وقدرات وطاقات وعلمائنا بره بسم الله ما شاء الله الباز زويل يعقوب وغيرهم كتير اوي ،بأه كل دي امكانيات ومش لاقيين احسن من مبارك ونظامه علشان يحكمنا والله دي مصيبه في حد ذاتها

[اغابي]

الزميل الفاضل / اشكرك

لاننى كنت انوى فتح موضوع لنفس الحادث - لكنك سبقتنى

شيء محزن وغير مقبول - بالمرة - اسلوب همجى - وكل يوم كرامة المصري تهدر اكثر من اى كرامة شخص جنسية غير مصرية

اذا كان اخطأ ياخذ جزاءه بالقانون ولكن بمثل هذه الطريقة الهمجية طبعا شيء مقزز - هذا الخبر اصاب نفسي بحزن شديد ورايت صورة العنف والجهل والتخلف والهمجية والتعصب ضد المصريين ..

لابد للسفارة المصرية اتخاذ اجراء - لانه لو كان حدث هذا مع كويتي او لبنانى او سعودى - رد الفعل كان سيختلف طبعا من قبل سفارتهم

لابد من بيان يصدر عن السفارة المصرية حماية لحقوق المصريين فى الخارج لان الوضع اصبح مزرى

- ونحن نعلم جميعا موقف سفارتنا فى الاحداث الاخيرة فى الكويت المصريين المرحلين

وفى السعودية من قبل الطبيبين الذين تم جلدهم قبل عام - ماذا فعلت السفارة لهم .

لا يوجد ما يسمى بكرامة المصرى الان ..

اليكم الخبر من صحف الكويت بالصور

http://www.alraimedia.com/Alrai/Article.as...p;date=30042010

اغابي

تم تعديل 30 أبريل 2010 بواسطة اغابي

[Simba]

الحدث كان في قرية وكحال كل القري علي صلة ومعرفة لبعضهم البعض عكس المدن

الثأر كان مروع جدا لكنه كان سيحدث لاي جنسية كانت الماني او أمريكي .. انهم لم ينقضوا علي رمز من رموز مصر .. بل قاتل.. في أعتقادهم يستحق السحل والقتل حتي لو كان من أبناء جلدتهم

هذا الحدث ببساطة يمكن حدوثه في مصر لو لم يكن هناك قبضة أمنية قوية والخطأ ليس علي الشعب اللبناني بل علي الشرطة ]

وكما ذكرت بعض الأخوة الافاضل مجرد حادث سيارة في قرية سيشعل اهلها غضبا ويفزعون للثأر والويل كل الويل لو طالوا المتسبب في الحادث

لا يجب ابدا خلط الأمور واعتبار ما حدث انتقام من مصر والمصريين

تم تعديل 30 أبريل 2010 بواسطة سمبا

[اغابي]

اخى الفاضل / سمبا

اختلف معك فى الراى

ما حدث قد حدث بغض النظر عن انهم قرية وثأر واى من هذه الامور ......

ولكن السؤال الان - ما موقف السفارة

- ان ضرورة ان يصدر بيان من السفارة ليس الا - صوت فقط - حتى يسمعه العالم حولنا . .

وخوفا من تكرار ذلك فى المستقبل - هذا ضدد الانسانية - هو نعم مجرم وقتل - بالقانون يقتل ولكن .....

يعذب ويمثل بجثته وهو يحمل جنسية مصرية . .

هل تصدقنى ان قلت لك انى قرات الخبر مرتين ومن مصادر مختلفة لاننى لم اصدق انه جنسية مصرية لقد ازهلنى المنظر - كيف مصري يفعلون به هكذا - لم اصدق للوهلة الاولى واعتبرت ان هناك خطأ مطبعى فانا اعتقدت

انه هندي او اسيوى او حتى لبنانى فهم احرار مع انفسهم ولكن مصري .

لا يوجد عذر ابدا لما حدث

اين السفارة المصرية فى لبنان ؟؟

حال بلادنا يزداد سوءا يوما بعد يوم

الله يسترها

اغابي

تم تعديل 30 أبريل 2010 بواسطة اغابي

[doha]

ياريت ياجماعه وانتم بتتداولوا الموضوع ملكمش دخل بالصور .. متنسوش ء انها لواحد ميت وبرغم كل شيء له حرمته ..

عن نفسي تعمدت عدم النظر للصور اثناء قراءة الخبر برغم طبعا ان اكيد لمحتها في البدايه بالصدفة وللاسف طبعا المنظر بشع وحسبنا الله ونعم الوكيل في الي عمل كده وفي القتيل نفسه ان كان فعلا قتل . .

اتمنى نخلي بالنا من الحكايه دي ولو انتشر فيديو او بلوتوث للحادث ده اننا منساهمش ابدا في نشره ..

[skyed]

الحادثة هذه سوف تشعل نار الفتنة بين المصريين و اللبنانين ...و زي ما حدث في موضوع الجزائر سوف يحدث في هذا الموضوع (شرخ وفرقة بين الشعبين لن تنسي )

سوف يتم سكب الوقود علي نار هذه الحادثة ,و التي اعتقد انها رد فعل طبيعي من قرويين جهلاء مثل احداث الثار عندنا في صعيد مصر مثل اخر حادث الذي حدث في قرية الجحيرات من ضرب بالرشاشات علي سرداق عزاء و قتل الكثير بسبب ثار قديم !

ولا تعبر عن شعب لبنان كاملة و انه يكرهانا و هذا الكلام ...هذا كلام فاشل و اساس له من الصحه ...لا يوجد شعب كامل يكره شعب غير الشعب المكروه الاسرايئلي !

مثل الجزائر ....نحن وجهنا سباب لهم عبر كل القنوات الاعلامية والتي تجعلني اتعجب كيف سوف ترجع علاقاتنا بشعب شقيق لنا مره اخري كما من قبل !!وهم الاخلاين اخذو في السباب ...! و اصبحنا كلنا مجرد عرائس تتحكم فينا قوة مجهولة للفتنة و الفرقة !

لا اقبل ان يمس مصري في الخارج ...و ايضا في داخل مصر !!

فيجب ان تفور دمائنا هكذا ايضا لكل حوادث القتل و الاغتصاب و الحرق و تقطيع البشر و الفساد و الظلم في مصر ...

علي اي حال اعتقد انه هناك شيء يتم في الظلام للمنطقة كلها

شيء يجب قبل حدوثة ان يفقد العرب جميعا تعاطفهم لبعض ...ليسهل اكل الخراف الشاردة خروف خروف

شيء يجب معه ان يتمني المصري قصف لبنان بالقنابل مثل الان ...و يتمني معه الجزائري ان تسحل اسرائيل مصر عقابا لها لما فعلته معاها باطنا و ظاهرا لغزة .[/size]

[اغابي]

اخى الفاضل / Skyed

فعلا - تصدق اول رد فعل كان جوايا نهاردة - انا كنت متفقة انا وجوزى حنروح فى شهر 7 الجاى اسبوعين نغير جو اسبوع نقضيه فى تركيا واسبوع نقضيه فى لبنان منها سياحة ومنها شغل الاتنين ..

- انا نهاردة فعلا جانى احساس مش حابة اروح لبنان - لكن هو علشان شغله - مضطر يروح يعنى الموضوع بقى شغل مش بس فسحة لكن تركيا فسحة بعيد عن انها مهمة شغل ..

بس الموضوع نفسيا اثر جامد جوايا واتأزمت منه

- مش حابة نهائي اروح لبنان - رغم لو كنت شفتنى من يومين اد ايه انا كنت متحمسة للموضوع خاصة انى اول مرة ازور لبنان -

انا لسة ما اتكلمتش مع زمايلي فى الشغل اللبنانيين اعرف وجه نظرهم فى الموضوع وحابقى ابلغكم بكره بالحديث اللى حيدور بينا لكن انا متأكدة من رد فعل الفلسطينيين والسوريين فى الموضوع وحافظة كويس كل كلمة ممكن يقولوها ايه . .

تحياتى

اغابي

تم تعديل 30 أبريل 2010 بواسطة اغابي

[myusername]

انا مش عارف أكون رأي

أنا متعاطف جدا مع قرايب الضحايا وخاصة ان بينهم طفلتين في عمر الزهور لا حول لهم ولا قوة وأتقتلوا بطريقة وحشية

فالصغيرة - سبعة اعوام - تلقت المسكينة 23 طعنة سكين

يعني القاتل نُزعت من قلبه كل معاني الرحمة ولم يتبقي لديه ذرةيعني جثة لا تملك حتي مجرد الصراخ تعبيرا عن الالم لزومه أيه تتبهدل

وقد أصبحت الروح بين يدي خالقها

ضمير - شيطان - في صورة أدمي

وفي نفس الوقت مش قادر أتقبل فكرة التمثيل بجثة بني أدم بالطريقة الهمجية الوحشية دي

فعلا منظر بشع سيؤثر قطعا لفترة طويلة علي شعوري بالسلم النفسي والطمئنينة

ولا ادري لماذا لم أنظر للأمر كنظرة معظمكم _مصري ولبناني ولو كان أمريكي و أو أسرائيلي وكرامة مصر _ لا لم أري الكابوس من تلك

الزاوية ابدا

بل رأيت كابوس وسواد وأكتئاب

ما رأيته سيلازمني فترة طويلة

ظلم وعنف لا هو ليس كذلك

ما رأيته لا اجد له مسمي

سيلاحقني كشبح مرعب

بقية حياتي

تم تعديل 30 أبريل 2010 بواسطة myusername

[Ahmed Anwer]

قريت في بعض المواقع

إن الشاب القتيل من أب لبناني و أم مصرية

و إنه عايش طول عمره في لبنان

[أسد]

الموضوع ده مقرف جداً ..

عناصره مجرم ..

وجهل وتخلف وانتقام ..

وتسيب .. وعدم إحترام للقانون ... وضعف هيبة الدولة

هنا .. وهناك

الله يعيينا على التغطيات في الفضائيات ...

حاجة تقرف

[Alshiekh]

أرجو من الأخوة الافاضل الا يعطوا للموضوع أكثر مما يستحق.

سواء كان الرجل مجرم ومدان او غير مدان ، فالحادث يعتر فردى ويحدث مثله كثيرا عندنا فى مصر.

على الطريق الزراعى مصر اسكندرية وعلى طريق الصعيد لو تصادف وصدم سائق شخص يعبر الطريق او حتى جاموسة ، يتجمع الاهالى وكان يصل الامر احيانا الى اصابات خطيرة ينتج عنها عجز .

حدث امامى حادث مشابه فى المسافة بين سمنود وطنطا عام 1973 قبيل الحرب حيث كنا متوجهين لمستودعات القوات المسلحة لاستلام معدات ، وقام السائق بصدم مؤخرة جاموسة كان يسحبها عيل ويعبر بها الطريق ، وعلى الرغم من ان الجاموسة لم تمت ، ولكن لانهم ذبحوها لكسر رجليها الخلفيتين الا انهم تقريبا حطموا عربة القوات المسلحة واعتدوا على السائق بالعصى رغم محاولاتنا تهدئة الموقف وعرضنا ان نقوم بتعويضهم وطبعا لم يستطع السائق استكمال الرحلة واضطررنا لنقله لوحدة صحية قريبة .

ولذلك انا لم استغرب الحادث رغم بشاعته ، خاصة عندما يكون المجنى عليه معترف بقتل رجل وامرأة فى السبعينيات وطفلتين والجميع لاحول لهم ولاقوة .

ولايجب ان ننسى ان كرامة المصرى لايمكن ان يكون رمزها المجرمين .

وليضع كل منا نفسه مكان اهل القرية واهل القتلى ويتخيل كيف سيكون الوضع .

[لماضة مصرية جدا]

السلام عليكم و رحمة الله و بركاته

قرأت الخبر...و شاهدت المقطع ع اليوتيوب.....و كتير من الصحف هتبتدي التسخين و عندي الملاحظات التالية:

1- هل القضية مكتملة العناصر يعني ما لا يدع مجالا للشك انه القاتل؟

2- لاننا في عصر انفتاح الاعلام فططبيعي جدا ان احنا كل لحظاتنا بقت بتتصور ع الهوا....بس المقطع فعلا شيء يثير الغثيان؟؟؟....لانه ببساطة لا هو شرع و لا هو دين...

القاتل يقتل....لكن يسحل و تمثل بجثته......ده قانون موازي يعني و لا ايه.

3- مش مع استاذ محمد ان طالما ده بيحصل عندنا في الصعيد يبقي ده عادي.....لا الصعيد صح و لا غيرنا صح.....البني آدم يحترم مهما كان

4- مش مع النعرة الكدابة اللي هتبتدي بقي تجيب في تاريخ مصر و يمكن هنسمع فيها افضال مصر ع لبنان......امتي هنتعلم ان مصر مش شخص....و يعني بنتحمق عليها ليه لما تحصل مصيبة.....لا حول و لا قوة الا بالله

5- الخبر اعلاميا.....منقوص للغاية.......بس فرصة الشعب برضه يفضي الكبت اللي عنده و ينقل تفكيره لمعركة تانية بعيدة عن الواقع.....اصل الكورة خلصت خلاص

تقبلوا مروري

تحياتي

[ssmaly]

يا حبيبى الموضوع مش حكاية مصريين الحكاية حكاية قتل عارف يعنى اية قتل دى مش حاجة هينة

يعنى لو حصل دة مصر وقتل واحد لبنانى اربعة مصريين فى قرية وقامو علية قطعوة هل سا عتها هتقول ازاى يعملو كدة فى اللبنانى

ولا سا عتها هتقول يستاهل انهم يولعو فية كمان 0يا عزيزى متدحكش على نفسك احنا دائما بنستخبى ورا قناع المصريين كل البلاد حطنهم فى دماغهم

سلام علشان مسافر

عزيزى جو

كلام عاقل ورزين احيك عليه

بس ماذا كان يكون ردك اذا كان الشخص ده مسيحيا والناس اللى سحلوه وسط الشرطة مسلمين؟

دى كده ملحوظة سريعة ارجوا ان تتقبلها من اخ لك

بالنسبة للموضوع ده

انا شايف ان الراجل ده (الله يرحمه) كان متهم بالقتل وليس مذنب حتى هذا الوقت وكان فى قبضة رجال الشرطة

وتم الاعتداء عليه ونقل الى المستشفى وتم الاعتداء عليه مرة اخرى واخذه من المستشفى

ثم تم سحله (ودى طريقة لبنانية شهيرة كانوا بيماسوها مع اعدائهم من الحزاب والطوائف الأخرى فى الحرب الاهلية)

ثم تم شنقه

وتم تعليقه على عمود النور

اولا اعتقد ان ماكنش المقصود به المصريين ولكن اعتقد ان الحملة الموجه ضد مصر والمصريين منذ فترة من قبل الفلسطنين واللبنانين حزب الله خاصة بعد الحرب الاسرائلية الاخيرة وخلية خزب الله حديثا كان له دخل كبير فى هذا الفعل الشئن من قبل اهل القرية

ولكن فين الشرطة اللبنانية؟

فين عندما اعتدى عليه اول مرة؟

فين عندما اعتدوا عليه بالمستشفى؟كانوا يستطيعون ان يحموه هناك داخل المستشفى اسهل من داخل شارع القرية

فين لما سحلوه؟

فين لما شنقوه؟

فين لما علقوه؟

بغض النظر هما عملوا كدة علشان انه مصرى ولا لأ فين الشرطة ؟

وطبعا فين السفارة المصرية والحكومة المصرية التى تدافع عن رعاياها؟

هو كان متهم والمتهم برىء حتى تثبت جريمته

ودى وحشية بغض النظر على ان مصرى او لبنانى

والمطلوب من الحكومة اللبنانية ان تحاكم كل من شارك فى هذه الفعلة الشائنة

[أسد]

الحكومة اللبنانية والشرطة وكل الأجهزة الأمنية ..

ضعيفة جداً في مواجهة حزب الله

وليس لهم تواجد يذكر في مناطق نفوذه

وتلك القرية إحدى مناطق نفوذ حزب الله ..

دولة حزب الله .. هي دولة داخل الدولة اللبنانية

[الحر الأشقر]

هذه القرية الهمجية هي قرية شيعية تحت نفوذ حزب الشيطان كما قال الأخ أسد إذا لاغرابة أن نجد هذا الإنتقام الوحشي الحقير الجبان .

حسبنا الله و نعم الوكيل على كل مسئول أضاع كرامة مصر

×××××

و لماذا لا نربطها بمحاكمة خلية حزب الشيطان قبل يومين في مصر .

×××××

أكرر : حسبنا الله و نعم الوكيل على كل مسئول أضاع كرامة مصر

[joo]

أرجو من الأخوة الافاضل الا يعطوا للموضوع أكثر مما يستحق.

سواء كان الرجل مجرم ومدان او غير مدان ، فالحادث يعتر فردى ويحدث مثله كثيرا عندنا فى مصر.

على الطريق الزراعى مصر اسكندرية وعلى طريق الصعيد لو تصادف وصدم سائق شخص يعبر الطريق او حتى جاموسة ، يتجمع الاهالى وكان يصل الامر احيانا الى اصابات خطيرة ينتج عنها عجز .

حدث امامى حادث مشابه فى المسافة بين سمنود وطنطا عام 1973 قبيل الحرب حيث كنا متوجهين لمستودعات القوات المسلحة لاستلام معدات ، وقام السائق بصدم مؤخرة جاموسة كان يسحبها عيل ويعبر بها الطريق ، وعلى الرغم من ان الجاموسة لم تمت ، ولكن لانهم ذبحوها لكسر رجليها الخلفيتين الا انهم تقريبا حطموا عربة القوات المسلحة واعتدوا على السائق بالعصى رغم محاولاتنا تهدئة الموقف وعرضنا ان نقوم بتعويضهم وطبعا لم يستطع السائق استكمال الرحلة واضطررنا لنقله لوحدة صحية قريبة .

ولذلك انا لم استغرب الحادث رغم بشاعته ، خاصة عندما يكون المجنى عليه معترف بقتل رجل وامرأة فى السبعينيات وطفلتين والجميع لاحول لهم ولاقوة .

ولايجب ان ننسى ان كرامة المصرى لايمكن ان يكون رمزها المجرمين .

وليضع كل منا نفسه مكان اهل القرية واهل القتلى ويتخيل كيف سيكون الوضع .

هو دة اللى انا عاوز اوصلة لهم بالضبط

[lovelyramy]

هذه القرية الهمجية هي قرية شيعية تحت نفوذ حزب الشيطان كما قال الأخ أسد إذا لاغرابة أن نجد هذا الإنتقام الوحشي الحقير الجبان .

حسبنا الله و نعم الوكيل على كل مسئول أضاع كرامة مصر

×××××

و لماذا لا نربطها بمحاكمة خلية حزب الشيطان قبل يومين في مصر .

×××××

أكرر : حسبنا الله و نعم الوكيل على كل مسئول أضاع كرامة مصر

كلامك مظبوط جدا جدا

وكأن الاحداث هى التى تقول لمبارك ودعا لعصرك وليس المصريين

انتهى عصر التضليل الاعلامى المصري وكذب المسئولين فى مثل هذه الاحداث

ووضح بشده ضعف السياسه المصريه والاستهانه بكرامه مصر وعدم احترامها

هل احد ياساده يستطيع ان يقول لى ماذا كان سيحدث اذا كان هذا الشاب امريكي ؟؟ او حتى اسرائيلي؟؟

بالطبع لن يفكر هؤلاء الهمج مجرد تفكير فى لمس شعره واحده منه

حتى وان فكروا وفعلوها لاصبحت لبنان تحت طبقات الارض السفلى واصبحت هذه القريه مباده عن بكره ابيها

لا تنسوا اخوانى ان هدم البيت الحرام اهون عند الله من سفك دم عبد مسلم ( مهما مهما اختلفنا عليه وهل هو مجرم ام لا ولكن ان يقتل بمثل هذه الطريقه فلا والف مليون لاااااااااااااااااا

تم تعديل 1 مايو 2010 بواسطة lovelyramy

[joo]

عزيزى سمايلى اولا انا مش بحب ادخل الدين والتعصب فى القضايا العامة

بس لو اللى عمل العملة دى مسيحى يبأ يستاهل قطع رقبتة بردو

لانى اتخيل ان الاطفال اللى قتلو دول اولادى يبأ مفيش تفرقة

(من أخذ يؤخذ ولو بعد حين)

[lovelyramy]

رحم الله السادات وعبد الناصر

عندما كان يقال للامريكان وغيرهم اذا تعدو الخطوط الحمراء فى حق المصريين تعالو اضربكم بالحزاء

تم تعديل 1 مايو 2010 بواسطة lovelyramy

[lovelyramy]

يا حبيبى الموضوع مش حكاية مصريين الحكاية حكاية قتل عارف يعنى اية قتل دى مش حاجة هينة

يعنى لو حصل دة مصر وقتل واحد لبنانى اربعة مصريين فى قرية وقامو علية قطعوة هل سا عتها هتقول ازاى يعملو كدة فى اللبنانى

ولا سا عتها هتقول يستاهل انهم يولعو فية كمان 0يا عزيزى متدحكش على نفسك احنا دائما بنستخبى ورا قناع المصريين كل البلاد حطنهم فى دماغهم

سلام علشان مسافر

عزيزى جو

كلام عاقل ورزين احيك عليه

بس ماذا كان يكون ردك اذا كان الشخص ده مسيحيا والناس اللى سحلوه وسط الشرطة مسلمين؟

دى كده ملحوظة سريعة ارجوا ان تتقبلها من اخ لك

بالنسبة للموضوع ده

انا شايف ان الراجل ده (الله يرحمه) كان متهم بالقتل وليس مذنب حتى هذا الوقت وكان فى قبضة رجال الشرطة

وتم الاعتداء عليه ونقل الى المستشفى وتم الاعتداء عليه مرة اخرى واخذه من المستشفى

ثم تم سحله (ودى طريقة لبنانية شهيرة كانوا بيماسوها مع اعدائهم من الحزاب والطوائف الأخرى فى الحرب الاهلية)

ثم تم شنقه

وتم تعليقه على عمود النور

اولا اعتقد ان ماكنش المقصود به المصريين ولكن اعتقد ان الحملة الموجه ضد مصر والمصريين منذ فترة من قبل الفلسطنين واللبنانين حزب الله خاصة بعد الحرب الاسرائلية الاخيرة وخلية خزب الله حديثا كان له دخل كبير فى هذا الفعل الشئن من قبل اهل القرية

ولكن فين الشرطة اللبنانية؟

فين عندما اعتدى عليه اول مرة؟

فين عندما اعتدوا عليه بالمستشفى؟كانوا يستطيعون ان يحموه هناك داخل المستشفى اسهل من داخل شارع القرية

فين لما سحلوه؟

فين لما شنقوه؟

فين لما علقوه؟

بغض النظر هما عملوا كدة علشان انه مصرى ولا لأ فين الشرطة ؟

وطبعا فين السفارة المصرية والحكومة المصرية التى تدافع عن رعاياها؟

هو كان متهم والمتهم برىء حتى تثبت جريمته

ودى وحشية بغض النظر على ان مصرى او لبنانى

والمطلوب من الحكومة اللبنانية ان تحاكم كل من شارك فى هذه الفعلة الشائنة

اتفق معك اخى فى كل هذه التساؤلات جدااااااااا

هل لم تستطيع القوه المرافقه له طلب العون من الاداره المركزيه او حتى الجيش عندما وجدوا هذا التدافع من قبل البربر ؟؟

ام ان هذه القوه موجهه ؟؟ وما حدث كان بفعل فاعل؟؟؟

حتى اذا افترضنا انه خطأ بشري فى تقدير الامور فلابد ان يحاكم كل من شارك ولو بالمشاهده فى هذه الاهانه البالغه لكل ماهو انسان قبل ان يكون لمصر

اااااااااااااااااااااااااااااه يا كرامه مصر ااااااااااااااااااااااااااااااااااااه ياعرب

كلمه واحده وشعار لابد ان تقال لكل الاخوه العرب لانهم سيتذكرونها جيدااااااااااا وقريباااااااااااااا جدااااااااااااااااا

هانت عليكم مصر وكرامه ابنائها فاصبحتم عراه حفاه بلا أخ كبير يدافع عنكم وهنتم على اعدائكم فسفكوا دمائكم واغتصبوا نسائكم وبددوا اموالكم واهانوكم

والله العلى العظيم اننى اكاد اقرأ هذه العباره فى المستقبل القريب

لقد نسي العرب ان قوه مصر هى قوه لهم وان ضعف مصر والاستهزاء بها هو استهزاء بهم

ان غدا لناظره قريب وسأقولها لكل من هو عربي (خاصه فلسطيني ولبنانى وقطرى ضحك عليه الشيطان واليهود ولعبوا بافكاره وجعلوه يستحل اهانه وظلم وقتل اخيه العربي المسلم المصري) بملىء فمى وليلومنى من يلومنى ولكن للصبر حدود

تم تعديل 1 مايو 2010 بواسطة lovelyramy