التمثيل السياسى بجثث المصريين بالخارج

[ssmaly]

يا اخت ضحى احنابنتلكم شوفي اهتمام امراة تحكم بلد عدد سكانه ليس بالقليل وفقير لكنها تولي كل الرعايه لهم رغم اخطاء من تدافع عنهم ولا يوجد مبرر لكنهم ابناء وطنها

كنت بتناقش مع صديق لي فلبيني قالي ان بلدهم بتعتبرهم مصدر دخل وطني وهذا اقل واجبان ترعاهم شوفوا سفارتهم بتعمل لهم ايه

وانا كنت حاضر موقف مع زميلي ده موقف غلط خالص يخلي السفارة تخجل تتحشر فيه لكن ف الاول وف الاخر هي بترعى مصالح مواطنه فلبينية مخطاة وفين في ممكلة الانسانية ورغم كده اتبعت حد من السفارة ووقف معاها لحد ماوصلوا لحل لصالحها طبعا

هذا مانقصده ليس موقف المصري ف لبنان ولكنه صورة عامه ان حكوتنا بتساعد الغير انه يدينا ع قفانا

يعني الطبيعي ان حكومتنا لا تبعت محامي مع اي متهم عن طريق سفارتنا وعادي دكاترة تتجلد ف السعوديه عادي ناس تترحل ف الكويت عادي قنصل او سفير يتقتل ف العراق عادي

اي مواطن مصري يتعرض لموقف صعب عادي لاننا واثقين ف الطرف الاخر انه بيطبق العدل

وكمان ف بلدنا كمان لو واحد مش مصري اعتدى على مصري نسيبه عادي زي الاخت زوجه الامير ترك وفضايحها ومشاكل كلابها وهي ف مصر وزوجها مطرود من بلده عشان يعربد ف بلدنا وحكومتنا تنسى رعاياها ونكون اخر رعايا ولا احد ينظر لنا من غزو عراقي للكويت او احتلال امريكي للعراق او معتقلين ف جوانتانامو

ولما سفينة كورية تغرق وعندنا 1300 ماتوا وهناك مش قادرين يتكلموا المسئولين من البكاء واحنا كبيرنا الغاليه بتقبلها فرحا بالنصر ف بطولة امم افريقيا وغيرنا بتاكله امواج البحر

كل ده وعادي جدا وحكومتنا والله ماقصرت وعديها العيب وقزح اظاهر الواحد هو اللي مش بيفهم تتعرض ان شاء الله ف الاجيال القادمة ويارب دايما ويرزق اي انسان ف العالم بحكومة سنية وبهية زي اللي عندنا والى الامام دائما ف رعاية كرامتنا

انا معك فى كل كلمة

فيه ناس ملكين اكتر من الملك

يعنى لو جبنا واحد من الحكومة المصرية حكومة رجال الاعمال ولا من نواب القمار والمخدرات والاراضى ماكنوش عرفوا يقولوا مثل جبهة جلد الشعب المصرى وتحميله كل الاخطاء

[herohero]

ما كنت انتظره انا وغيري من المصريين هو توضيح ليس اكثر ان نشعر بان حكومتنا حريصه علينا تاتي وتقول لنا هذا قاتل وسيتحاكم طبقا للقانون اللبناني

ليس اكثر ، لكن يبدوا اننا كمصريين ننسى او نتناسى نسينا حادثة طائرة مصر الطيران وكيف ادرناالموقف وانتهت القصه وطويت ف طي النسيان

فلا اتعجب من تمثيل بجثة مصري ف لبنان وغدا ف الكويت وجلد ف السعوديه وامتهان وضرب ف مباراة ف السودان واساءة ادب من جمهور جزائري ف بلدنا وتكسير لشركتنا ف الجزائر وتحطيم مهو يرتبط بمصر وف الختام نحن اخوة عرب

لماذا لم نسمع من جانبهم انهم اخوة لنا ام ان الاخوه من طرف واحد

ياجماعه الاحترام يجب ان يكون متبادلا لا نطلب الكثير حبه كرامة لينا واحترام ماهي خطيئتنا اننا ولدنا واتحكمنا ف ظل هذه الزمرة الفاسده

اعترف بننا قصرنا بسكوتنا عليهم فتمادوا ف الطغيان لكن الرحمه حلوة ياحكومة

[Amr Radwan]

سؤال محيرني ..

حد سمع عن رد رسمي للحكومة او وزارة الخارجية تعقيبا علي الموضوع ده ؟؟ او انهم علي الاقل علي الاقل بيشجبوا و بيستنكروا ؟؟

[ssmaly]

سؤال محيرني ..

حد سمع عن رد رسمي للحكومة او وزارة الخارجية تعقيبا علي الموضوع ده ؟؟ او انهم علي الاقل علي الاقل بيشجبوا و بيستنكروا ؟؟

فيه رد من الناطق باسم الخارجية المصرية السفير حسام زكى بأن الحادث يمثل(على بشاعته)حادثا فرديا

[مصري أصيل]

السلام عليكم

حتي الأمس لم اتمكن للوصول الي قناعه ان كان الشاب المصري هو مرتكب الجريمه أم لا و مره يقولوا اعترف و مره يقولوا انه اعترف تحت ضغط و مره يقولوا انه ما اعترف و لكن علي الاقل كان هناك دافع للجريمه هوه صحيح دافع خايب و هو أنه اتقدم لطلب ايد بنت من العيله دي و اترفض و لو كل واحد اتقدم لطلب ايد واحده و اترفض و راح قتل عيلتها كلها مش هيتبقي حد في الدنيا .

المهم مين البنت اللي طلبها دي هل هي أخت أم البنات أم هي أم البنات نفسها ام مين بالتحديد ؟ و في اتصال تليفوني بأم البنات القتلي في برنامج الحياه اليوم أمس تحدثت الأم عن الشاب بأنها لا تعرفه و أنه لا يوجد أي سابق معرفه بينها و بينه و عندما سألتها المذيعه رولا خرسا علي ما اظن إن كان تقدم لأحد أفراد اسرتها كما تحدثت وسائل الأعلام أنكرت ذلك تماما و قالت انه لم يتقدم لي و بكل العنجهية اللبنانيه قالت انها عندما تفكر في الزواج يجب ان تتزوج من شخص في نفس مستواها و كأنها بنت بارم ديله مثلاً و لم تصحح المعلومه و تقول أنه تقدم لأختي مثلاً أو أي بنت من العائلة و لم تتحدث عن أي قضايا اتهام سابقه لأعتداء الشاب علي بنت من بناتها.

و بالمختصر المفيد العائله كانت تتكون من الجد و الجده و ام الطفلتين و الطفلتين فأين هذه الفتاه المعتدي عليها من الشاب سابقاً و أين هذه الفتاه التي قالوا ان السبب وراء الجريمه هو رفضهم زواج الشاب منها و كل هذا عباره عن بهارات من الصحافه و وسائل الإعلام طبعاً هذا علي قدر متابعتي الضئيلة للموضوع.

طيب المهم مره تانيه ان الشاب لم يكن له اي صله بالعائله المقتول معظم افرادها إذا فما هو الدافع للجريمه و لماذا تم اتهام الشاب المصري تحديداً بإرتكاب الجريمه ؟ و من هذه اللحظه التي استمعت فيها لهذه السيده تتحدث احسست لاول مره أن الموضوع فعلاً فيه إنه و أخواتها كمان و بسهوله جداً اللي ارتكبوا الجريمه يدسوا سكين و ملابس عليها دم الضحايا في مسكن الشاب المصري و يشيعوا بأنه هو القاتل لكي ينتهي الموضوع و يأتي التآمر الكبير من الشرطه و ذلك بمسرحية تمثيل الجريمه في نفس لحظة انتظار الأهالي لدفن جثامين الضحايا في المجزره الأولي .

يا ريت يا جماعه لو فيه حد شايف معلومه خطأ في كلامي انه يصححلي لأن انا كمان نفسي افهم لأن لكل جريمه دافع فما هو الدافع وراء ارتكاب هذه الجريمه و للعلم لكي لا يتم وضعي مع اصحاب النظريه الـتآمرية فانا حتي الامس كنت مقتنع بان الشاب يستاهل القتل و لكن ليس التنكيل و لكن بعد استماعي لأم الطفلتين تولد عندي احساس عالي جداً أن هذا الشاب تعرض لمكيده كان مخطط لها بعنايه.

تقبلوا تحياتي

تم تعديل 5 مايو 2010 بواسطة مصري أصيل

[ssmaly]

وتبين من التحقيقات التى أجريت بإشراف فريق من النيابة العامة ضم إيهاب نجيب وإسلام سرى، وكيل أول النيابة، أن السلطات اللبنانية أرفقت بالجثة قرارها بنقل الجثمان إلى الأراضى المصرية. وتبين من مناظرة النيابة العامة لجثة القتيل أنه تعرض للسحل على الأرض والاعتداء عليه بآلات حادة، تتضح من الجروح القطعية النافذة الموجودة فى جسده، ولم تتمكن النيابة من حصر عدد الطعنات فى جسد المجنى عليه، نظرا لكثرتها وتفرقها فى جميع أنحاء جسده.وصلت جثة الضحية مساء أمس الأول فى بوليسة شحن على رحلة مصر للطيران رقم ٧١٢ وقررت النيابة تشريح الجثة ونقلها إلى مشرحة زينهم وأشرف على التشريح فريق من النيابة مكلف من النائب العام.

وتبين أن الضحية مصاب بجرح ذبحى قطعى فى الرقبة دون انفصالها مع وجود إصابات وكدمات فى مختلف انحاء الجسم ، وأشارت المناظرة إلى أن الجثة بها العديد من الجروح القطعية النافذة من بينها جروح فى الظهر والبطن والفخذين بالإضافة إلى كدمات وتجمعات دموية فى مختلف أنحاء الجسم نتيجة «سحله» على الأرض.

وكشفت التحقيقات عن أن التقرير الطبى الصادر من أحد مستشفيات لبنان يصف إصابات المجنى عليه، ومدون فيه أنه توفى أثر إصابته بجرح ذبحى فى الرقبة مع حدوث إصابات متفرقة فى مختلف أنحاء الجسم قررت النيابة استدعاء والد القتيل وشقيقه للاستماع لأقوالهما

المصدرالمصدر المصرى اليوم

[Amr Radwan]

سؤال محيرني ..

حد سمع عن رد رسمي للحكومة او وزارة الخارجية تعقيبا علي الموضوع ده ؟؟ او انهم علي الاقل علي الاقل بيشجبوا و بيستنكروا ؟؟

فيه رد من الناطق باسم الخارجية المصرية السفير حسام زكى بأن الحادث يمثل(على بشاعته)حادثا فرديا

كان يسكت احسن ..

[skyed]

اذا كان هما عملوا كده مع المفروض من ان هو عيسي ابن مريم عليه السلام ...(يهوذا الاسخريوطي) ساعة لما كان بيتصلب في فيلم الالم المسيح لو حد شافوا

شوفتوا ازاي عملين يضربوا فيه و يشتموا و يتفرجوا في استمتاع !!! مع العلم انهم كانوا فكرينه ان هو المسيح الحقيقي !!

طبيعة سكان هذه المنطقة الشامية فيهم نزعة دموية مقرفة !

لو الشاب ده طلع برايء زي ما فيه ادلة كثيرة بتقول ..... الكارثة حتكون مضاعفه عشرات المرات ...و الاحساس بالذنب لن يمحوه الزمن .[/font]

[سهران]

يها الزملاء كلمة اقولها لوجة الله اتقو الله اننا اخوة يجمعنا رابط مهم وأذلى

هو ليه النصايح دى توجه للمصريين فقط ..يعنى بعد ما الطرقعة على قفاهم تتم ...يطالبهم امثالك بالتمسك بالاخوة والامة ...لماذا لم يخرج من الطرف الاخر ..من يطالبهم (كما تطالب انت هنا )..بان يراعوا شعور المصريين (اخوانهم ) ..ويراعوا شعورهم ورابطة الأخوة الاسلامية او العربية ...ولماذا لاتظهر الا عندما نطالب بحقوقنا ..وهى مشروعة ...هل تتجاهل سيادتك تعليقات المصريين على الخبر فى المصرى اليوم والعربية وغيرها ..هل رأيتها ..حتى تتحدث بسذاجة مكررة عن المؤامرة على الاخوة العربية او الاسلامية !!!!!!!

ا

هي فين الطرقعه دي سيدي الفاضل وعن اي ( قفا ) تتحدث ؟؟؟؟؟

واحد قتل اربعه بينهم اطفال وبينهم شيوخ .. وراح اعترف وقعد يوريهم كمان قتل ازاي .. الناس راحت قتلته بطريقة معتاده ومعهوده عندهم حضرتك بقى بتسخن في ايه ؟

كل جرائم القتل بالتأكيد بشعة ..... و في كل بلاد الدنيا ما بيحصلش اللي حصل ده و اللي ما يرضيش ربنا بالتأكيد ... ده فرعون و هامان ربنا ما قدرلهمش الموتة دي .... و اللي أبادوا الملايين من البشر ما ذبحوش أسوء من الخراف كدة ..... هو فيه أيه ؟؟؟؟؟ ........... المصيبة أن أركان القضية و طريقة المعاينة تصرخ بأن فيه حاجة غلط ...... ممكن نقرأ مشاركة الفاضل سين سين مرة تانية ........ حتى لو كان قاتل ...... أتمنى ( للأسف ) من كل قلبي أن يتم في القريب العاجل و في نفس القرية جريمة أخرى بنفس البشاعة لشخص اسرائيلــــــــــــي أو أمريكانـــــــــــــــــــــــي أو من أي ملة .... و نشوف ( طريقتهم المعتادة ) في القتل هاينفذوها و اللا الطريقة دي للمصريين فقط و للآخرين مش هيجرؤ حد من أشاوس القرية يقرصة من ودنه حتى علشان ما يتجابش عالي قريتهم الميمونة على واطيها .

تم تعديل 6 مايو 2010 بواسطة سهران

[fatfouta]

خبر جديد فى الموضوع

رئيس بلدية (كترمايا): الأمن اللبناني لم يصطحب محمد مسلم لتمثيل الجريمة كما أعلن

5/8/2010 12:54:00 PM

القاهرة - محرر مصراوي - أكد المهندس محمد حسن رئيس بلدية كترمايا التي شهدت واقعة مقتل الشاب المصري محمد مسلم على أيدي أهالي البلدة، أن الجهات القضائية والأمنية اللبنانية تتكتم على تفاصيل التحقيقات والتحريات حول ملابسات الحادث، مما يجعل الأمر محل تأويل واستغلال.

وكشف رئيس البلدية عن مفاجئات جديدة حول الواقعية حيث قال إن شرطة اللبنانية اصطحبت "مسلم" إلى بلدة كترمايا لإحضار بعض المتعلقات من منزل والدته وتشميع المنزل بالشمع الأحمر وليس لتمثيل الجريمة كما أعلن.

وأوضح أن الجريمة تمت فى منزل الضحايا والشرطة لم تكن متوجهة إليه لو كانت تقصد تمثيل الجريمة ولكن مقصدها كان منزل والدة المتهم، والأهالى كانوا متجمعين أمام منزل الضحايا انتظارا لوصول جثتيهما من المستشفى للدفن.

وأشار رئيس بلدية كترمايا إلى أنه كان مع والدة الطفلتين القتيلتين فى مركز الشرطة الكائن ببلدة شحيم التى تبعد عن كترمايا عدة كيلو مترات لاستخراج تصريح بدفن جثث الضحايا، وعلم أن الشرطة لم تجر سوى تحقيق أولى مع المتهم.

وقال إن خطأ توجيهى لرجال الشرطة قد حدث بإنزال المتهم إلى ساحة كترمايا لإحضار بعض الأغراض الخاصة به من منزل والدته، ثم تشميعه تمهيدا لنقل المتهم إلى مكان بعيد عن كترمايا لتأمينه خلال التحقيق، متسائلا: من هو المسئول عن إصدار الأمر بنزول المتهم إلى ساحة كترمايا وقت تجمهر الناس لتشييع جنازة الضحايا؟.

المصدر

[Amr Radwan]

وقال إن خطأ توجيهى لرجال الشرطة قد حدث بإنزال المتهم إلى ساحة كترمايا لإحضار بعض الأغراض الخاصة به من منزل والدته، ثم تشميعه تمهيدا لنقل المتهم إلى مكان بعيد عن كترمايا لتأمينه خلال التحقيق، متسائلا: من هو المسئول عن إصدار الأمر بنزول المتهم إلى ساحة كترمايا وقت تجمهر الناس لتشييع جنازة الضحايا؟

شماعة معتادة هيعلقوا عليها ذنب هذه الجريمة البشعة .. و هي التوجيهات الغير مسؤوله من كبش الفداء اللي هيضحو بيه (و اكيد هيكون ضابط او مسؤول بالمغفر)

و الله و الله و الله الموضوع ده لو كان حصل مع اي جنسية تانية ما كانش الموضوع اتساب بالصورة دي ..

الله يرحمك يا سادات ..

امبارح كنت بتفرج بالصدفة علي برنامج المسلماني (الطبعة الاولي) و جاب لقطاط مصورة من زيارة السادات للكنيست الاسرائيلي بعد 1973 و هو رافع راسه و بيقولهم عبارات من العيار الثقيل في عقر دارهم .. لا و الادهي كمان انهم بيسقفوله !!!

الله يرمحمك يا سادات ..

[fatfouta]

و الله و الله و الله الموضوع ده لو كان حصل مع اي جنسية تانية ما كانش الموضوع اتساب بالصورة دي ..

الله يرحمك يا سادات ..

من غير حلفان يا عمرو

معروف جدااا ان لو اى جنسية تانى كانت الدنيا قامت واتقلبت

جوزى معظم اللى بيشتغلوا معاه لبنانيين ومش بيتكلموا خالص فى الموضوع ده من ساعة ماحصل وبيتعمدوا يعملوا كده

فيه واحد معاهم فى ادارة تانية سعودى رمى كلمة وقال هو لو كان مش مصرى كانوا عملوا فيه كده....ماعتقدش

طبعا جوزى اتحرق دمه ورد عليه

طبعا ده لو كان اسرائيلى ماحدش كان يقدر يقرب له

حسبى الله ونعم الوكيل....... ربنا هيكشف الحق ان شاء الله

[lefilsdunil]

خبر متعلق بالموضوع

النائب العام يطالب بتعديل تشريعي لحماية المصريين بالخارج

النائب العام المستشار عبد المجيد محمود

مصراوى - خاص – أرسل النائب العام المستشار عبد المجيد محمود الاثنين مذكرة تفصيلية لوزارة العدل بتعديل تشريعي مقترح يتيح اختصاص السلطات المصرية ببعض الجرائم التي تقع خارج مصر وتهدد حياة المواطن أو سلامة جسده أو حقه في الحرية وحماية ممتلكاته، احتراما لكرامة مواطني مصر خارج حدود إقليمها وتأكيدا لسيادة الدولة على رعاياها.

وأكد النائب العام على أن التعديل التشريعي المقترح تضمن أيضا ان تختص السلطات المصرية أيضا بنظر الجرائم التي تقع ضد مواطنين مصريين كجنايات الحريق العمدي وهتك الأعراض والقبض على الناس وحبسهم بدون وجه حق والسرقة، معيارا لسريان أحكام القانون على هذه الجرائم.

وأوضح انه سبق للعديد من دول العالم أن سارت على هذا النهج التشريعي احتراما لحقوق وكرامة مواطنيها خارج حدود إقليمها، إلى جانب أن المشرع المصري أخذ بهذا النهج أيضا في المادة الثانية من قانون العقوبات بشأن جرائم محددة وهي تلك الجرائم المخلة بأمن الدولة وجنايات التزوير وجنايات تقليد وتزييف وتزوير العملة المصرية أو ترويجها، وكذلك ما ورد بنص المادة 291 من قانون العقوبات بشأن الاتجار بالأطفال، والمادة 16 من مشروع قانون الاتجار بالأفراد، ونصوص قانون مكافحة جرائم غسل الأموال، وقانون مكافحة المخدرات، إلا أن نطاق سريان تلك النصوص لا يزال قاصرا على جرائم معينة.

وأوضح أن هذا الأمر يجدر معه إجراء تعديل عاجل في قانون العقوبات لينص على اختصاص السلطات المصرية بجرائم الجنايات التي تقع خارج مصر.

[herohero]

ماقولنا ياجماعه" إن يُصلح الراعى ويتقى ربه تخشى الذئاب ربوعه وحماهُ * ...

ولما اتكلمت وجيبت تصريحات جريده كويتية عن رئيسة الفلبين والمجهود اللي بتبذله عشان خدامه قتلت كفيلها ف الكويت

القصه هل بلدك عامله لك حساب وقيمة فيخشاك الغريب او لا

عساكر مصرية تتضرب من اسرائيل عادي

من حماس عادي

ف دارفور عادي

مصريين النعوش الطائرة ف العراق عادي

جلد اطباء ف السعودية عادي

معرفش بيقولوا عليهم ايه انما عاملات نظافه من بناتنا ف الكويت عادي

حاجات كتير عادي اما اللي هيجنني ليه الغريب ف بلدنا بيقيم اكتر مننا بجد نفسي اعرف

وان شاء الله هنتوقع المزيد لان للاسف حكومتنا صيعتنا

عااااااااااااااااااااااادددددددددددددييييييي :lol: wst::