يعنى إيه توقيت صيفى؟...طب يعنى إيه توقيت شتوى؟؟؟؟

[fatfouta]

إقرأو معايا الخبر وبعدين هعلق عليه

التوقيت الصيفى يبدأ الجمعة.. وتحذيرات طبية من خطورته على صحة المواطنين

أعلن الدكتور مجدى راضى، المتحدث باسم مجلس الوزراء، أنه تقرر العمل بالتوقيت الصيفى بدءاً من بعد غد الجمعة، حيث يتم تقديم التوقيت لمدة ساعة طبقاً للقانون رقم ١٤ لسنة ١٩٩٥، إلا أنه على غير العادة لم يحدد موعداً لانتهاء العمل به، حيث كان ينتهى فى الخميس الأخير من شهر سبتمبر كل عام، ما يترك الباب مفتوحاً أمام العودة للعمل بالتوقيت الشتوى عند حلول شهر رمضان المبارك فى أغسطس المقبل.

فى الوقت نفسه، حذر الدكتور جمال شعبان، رئيس وحدة الحالات الحرجة بمعهد القلب القومى، من تأثيرات تغيير الساعة من وقت لآخر على صحة الإنسان، مشيراً إلى أن ذلك يؤدى إلى حدوث خلل فى الساعة البيولوجية، مما يساعد على زيادة احتمالات الإصابة بالأزمات القلبية.

وأوضح شعبان أن معدل حدوث أزمات القلب يتركز بشكل مكثف بدءاً من منتصف الليل حتى الساعة الثامنة صباحاً، ولفت إلى أن التجارب العلمية أكدت حكمة الله فى جعل الليل سكوناً للناس وفصل ساعات النوم بصلاة الفجر، حيث أثبتت أن توقيت صلاة الفجر يقطع دورة التجلط التى تحدث فى الدم خلال ساعات النوم.

وأكد شعبان أن تغيير الساعة وفقاً للتوقيت الصيفى والشتوى أمر خطر بسبب تغييره عدد ساعات النوم، وصعوبة تأقلم الجسم على هذا التغيير، كما أوضح أن التعديل الجديد الذى سيطرأ على القانون ويسمح للحكومة بتغيير التوقيت ٤ مرات بدءا من الأعوام المقبلة، سيسبب مشاكل كثيرة.

كان مجلس الوزراء وافق فى ١٤ أبريل الجارى على تعديل قانون التوقيت الصيفى الذى يقضى بترك تحديد الساعة القانونية فى مصر صيفاً وشتاء لمجلس الوزراء وفقاً لما يطرأ من ضرورات ومتغيرات، ومن المقرر إحالة هذا التعديل لمجلس الشعب لإقراره.

المصدر

[fatfouta]

فى الوقت نفسه، حذر الدكتور جمال شعبان، رئيس وحدة الحالات الحرجة بمعهد القلب القومى، من تأثيرات تغيير الساعة من وقت لآخر على صحة الإنسان، مشيراً إلى أن ذلك يؤدى إلى حدوث خلل فى الساعة البيولوجية، مما يساعد على زيادة احتمالات الإصابة بالأزمات القلبية.

وأوضح شعبان أن معدل حدوث أزمات القلب يتركز بشكل مكثف بدءاً من منتصف الليل حتى الساعة الثامنة صباحاً، ولفت إلى أن التجارب العلمية أكدت حكمة الله فى جعل الليل سكوناً للناس وفصل ساعات النوم بصلاة الفجر، حيث أثبتت أن توقيت صلاة الفجر يقطع دورة التجلط التى تحدث فى الدم خلال ساعات النوم.

الكلام ده لو صحيح فعلا طبيا وعلميا....هما بيعملوها فينا ليه؟؟ وكمان عاوزين يغيروا التوقيت اربع مرات

يعنى تعب قلب بزيادة....عاوز أسأل سؤال لانى اكتشفت انى جاهلة فى حاجات كتيرة

يعنى توقيت صيفى؟؟؟ طب يعنى توقيت شتوى؟؟؟

من زمان وانا مش فاهمة هما بيغيروا الساعة ليه؟!!!!!!!!

وهل فيه دول غيرنا بتعمل كده؟

طب ايه المغزى منها يعنى والله مش فاهمة بجد؟

[fatfouta]

إفتكرت حاجة

زماان وانا صغيرة سألت خالى لما جه يقول لماما ان الساعة هتتغير واوعى تروح عليكم نومة انتى والعيال وماتصحوش للمدرسة

قلتلوا......يعنى ايه الساعة تتغير؟؟؟ كنت لسه فى تانية ابتدائى

رد وقاللى حكاية طوييييييييييلة مش فاكرا منها غير الكلام ده

قاللى بصى يا فتفوتة ايام السد كنا بنحافظ عالكهرباء فى مصر وكنا بنرشد استهلاكنا يعنى بنحوش كهربتنا لحاجات مفيدة

وكان فى الصيف الدنيا تليل عالساعة 8 مثلا وفى الشتا على 5 كده

وعشان مانستهلكش كهرباء كانوا بيقدموا الساعة فى الصيف ويأخروها فى الشتاء

وكمان قاللى انهم كانوا بيفرضوا عالمحلات تقفل فى ساعة معينة ماعدا ايام الاتنين والخميس عشان الكهرباء اللى بيستخدموها تقل

وانا ساعتها بصراحة مافهمتش قوى وقلتله ماشى وخلاص

[محمد عبدالعزيز]

موضوع تعب القلب ده مش داخل دماغى الصراحة, وإذا كان على الساعة البيولوجية كان أولى يحذروا الناس اللى شغلهم بالليل.

وبعدين موضوع التوقيت الصيفى والشتوى دى مش بدعة ياجماعة, وله فوايد كتير ودول متقدمة كتير على مستوى العالم بتطبقه.

واللى يحب يتأكد, دى خريطة بتوضح الدول الى بتطبق التوقيت الصيفى والشتوى:

http://www.worldtimezone.com/daylight.html

وفى حكاية الفوائد, يكفى بس إنك تستفيد بساعة زيادة فى نور ربنا اللى هو نور الشمس, سواءً فى بيتك أو شغلك أو وانت سايق عربيتك.

تم تعديل 30 أبريل 2010 بواسطة محمد عبدالعزيز

[fatfouta]

موضوع تعب القلب ده مش داخل دماغى الصراحة, وإذا كان على الساعة البيولوجية كان أولى يحذروا الناس اللى شغلهم بالليل.

وبعدين موضوع التوقيت الصيفى والشتوى دى مش بدعة ياجماعة, وله فوايد كتير ودول متقدمة كتير على مستوى العالم بتطبقه.

واللى يحب يتأكد, دى خريطة بتوضح الدول الى بتطبق التوقيت الصيفى والشتوى:

وفى حكاية الفوائد, يكفى بس إنك تستفيد بساعة زيادة فى نور ربنا اللى هو نور الشمس, سواءً فى بيتك أو شغلك أو وانت سايق عربيتك.

بينى وبينك ولا انا مقتنعة بموضوع الساعة البيولوجية دى.....مش عارفة ليه مش مصدقاه

[Simba]

يعني ايه توقيت صيفي وتوقيت شتوي

يعني فراغ

[myusername]

السلام عليكم...

ازيك يا فتفوتة.... يا رب تكونى بخير.

التوقيت الشتوى هو التوقيت الطبيعى بدون اى تغيير, اما التوقيت الصيفى... فهو التوقيت اللذى يتم اضافة ساعة للوقت, من اجل استغلال طلوع الشمس فى خلال فترة الصيف... و الغرض منه هو استخدام ساعات عمل اطول خلال فترة الصيف...

النظام بدأ تطبيقه اول مرة فى الولايات المتحدة الامريكية منذ ما يقرب من قرن من الزمان...

موضوع تأثير تغيير الوقت على الساعة البيولوجية و على صحة الانسان بالسلب هو امر غير مقنع بصراحة... لان فيه ناس كتير بتسافر كل سنة و بالتالى التوقيتات بتتغير بالنسبة لهم... يعنى مثلا اللى عايش فى السعودية و بيجى مصر اجازة ما هو بيغير وقت و كمان تغيير الجو و ده ألعن و أضل.. ده طبعا غير الناس اللى بتسافر اوروبا كل سنة.. و امريكا... يعنى حكاية تأثير تغيير التوقيت عالانسان مش مقنعة من الاخر, لان دى حاجة بنعملها طول الوقت لما بنسافر من دولة لاخرى.

اما بقى حكاية ان الوقت يتغير اربع مرات فدى جديدة لانج بصراحة, و ماشفنهاش ولا فى بلاد الواق واق :D wst::

من الاخر كده و بالبلدى علشان نخلى البوساط أحمدى... موضوع تغيير الساعة مرتين فى السنة مفيد جدا... بس للدول المتقدمة مش لينا... يعنى احنا هنا فى مصر عايزين نركز على حاجات تانية كتير اهم.... لان الموظفين اصلا مبيشتغلوش, و المصريين مبيعرفوش قيمة الوقت... يعنى انا لو قلت لواحد صاحبى انا هجيلك الساعة 8 و 16 دقيقة, ممكن يضحك و يقولى يا عم خليها 9 و خلاص... انتا مزعل نفسك ليه كده ;)

لما نتعلم الاول قيمة العمل... و قيمة الوقت... يبقى ساعتها بقى نشوف موضوع تغيير الساعة ده...