محاوراتي ... محاوراتية ... الحق العمرة الجماعية ( اخر موعد الخميس القادم .متجدد)

[mekkawy]

إخواني الكرام

فتح الله على بفكرة هذا الموضوع بسبب مشاركة من الأخ زهيري الحقيقة بارك الله فيه و حفظه

الفكرة تتلخص في الآتي :

عمرة جماعية

طبعاً الفكرة هتكون مطبقة عملياً لكل الإخوة و الأخوات و العائلات اللي في السعودية ... و يمكن اللي في غير السعودية اللي يقدر

زهيري قال إن هو جاي يعمل عمرة الشهر الجاي ... و أنا موجود و أقدر أروح بإذن الله و حوله و قوته

يا ريت كل اللي يقدر يحضر هيكون شئ جميل أوي و هنستفاد منه كتيييييييييييير:

أولاً: هنعمل عمرة كلنا و هنستفاد ثواب كبير أوي و تجديد نشاط و تجديد نية لله تعالى

ثانياً: هنتقابل على أرض الواقع و ننزل بأة بالمحاورات على الحقيقة و نحاول نتدارس و نطبق و نتناقش في كل الأمور اللي شاغلة بالنا هنا بعد ضاء العمرة إن شاء الله

ثالثاً: هتكون فرصة طيبة للتعارف العائلي بين المتزوجين من المحاوراتية و تعارف شبابي بين العزاب و العزاب المؤقتين زي حالاتي :D

التطبيق:

طبعاً لكل المحاوراتية اللي في السعودية هتكون الأمور أسهل كتير

يعني اللي في مكة و جدة و المدينة إن شاء الله أمورهم سهلة و مقضية و لو حتى يوم الجمعة بس و نتجمع معاهم في صلاة الجمعة أو قبلها و يفضل ليلة الخميس

للإخوة اللي في الرياض ... الحملات بتطلع من هنا يوم الأربعاء بعد العصر و كلكم عارفين و أكيد جربتوها و إن كنت أفضل نتقابل و نطلع بسيارتنا الخاصة لحرية الحركة و السرعة أيضاً

طبعاً ممكن ناس تختلف على الاجازات لأن مش كل الدوامات زي بعضيها ... لكن على الأقل الكل متاح ليه الخميس و الجمعة أو نص الخميس و الجمعة

الفكرة جادة جداً و هتكون تجمع راقي جداً و جميل جداً خاصة لما يكون أول تجمع لينا (حسب علمي) في بيت الله الحرام و على طاعة ... أظن هيكون أمر جميل أوي

ده تصور مبدأي للفكرة .. و يا ريت لو حد عنده استعداد يبدأ يعرفنا و لو عنده اقتراحات يا ريت نسمعها .. يمكن يكون في عدد من الرياض و نطلع باص خاص بينا بس

حاسس إنه هيكون تجمع جميل أوي و مثمر جداً

بارك الله فيكم و منتظر مشاركاتكم و اقتراحاتكم و تأكيداتكم ياااااااااا رب

مكاوى

تم تعديل 1 مايو 2010 بواسطة mekkawy

[رضوي]

السلام عليكم ورحمة الله وبركاته

يعني انتوا بتغظونا يعني ؟؟؟

طب حرام عليكم علي فكرة

كدة بقي بتتفق علي عمرة جماعية جميلة بالشكل دة علني كدة ؟؟

طيب والناس اللي قاعدين في مصر وهيموتوا علي عمرة زي حلاتي ؟؟

يتفرسوا يعني ويموتوا غيظاً وانتوا كدة رايحين تعملوا عمرة ؟؟؟ :D

ربنا يكتبها لكل مشتاق لزيارة بيته الحرام يارب

بصراحة احييك علي الفكرة

وأغبط كل مشارك في هذه الرحلة المباركة

ربنا يوفقكم يارب

بس ماتنسوش اختكم بالدعاء

ادعولي بس بزيارة بيت الله الحرام

بالتوفيق ان شاء الله

[mekkawy]

السلام عليكم ورحمة الله وبركاته

يعني انتوا بتغظونا يعني ؟؟؟

طب حرام عليكم علي فكرة

كدة بقي بتتفق علي عمرة جماعية جميلة بالشكل دة علني كدة ؟؟

طيب والناس اللي قاعدين في مصر وهيموتوا علي عمرة زي حلاتي ؟؟

يتفرسوا يعني ويموتوا غيظاً وانتوا كدة رايحين تعملوا عمرة ؟؟؟ :D

ربنا يكتبها لكل مشتاق لزيارة بيته الحرام يارب

بصراحة احييك علي الفكرة

وأغبط كل مشارك في هذه الرحلة المباركة

ربنا يوفقكم يارب

بس ماتنسوش اختكم بالدعاء

ادعولي بس بزيارة بيت الله الحرام

بالتوفيق ان شاء الله

لا كدة خلاص بأة يا مدام رضوى

انسوا يا جماعة الموضوع ده باة أحسن الأتوبيس يتقلب ولا حاجة ... نق و قررررررررر عيني عينك كدة من مصر دايركت ... طب استني طيب يمكن ربنا يكتبهالك و تحصلينا ... بس ادعي بس بالله عليكي الناس تتفاعل و يتم الأمر على خير و ساعتها هيبا كأنك جيتي و بدل ما كنتي هتدعي لنفسك هتلاقي خمسين حد يدعيلك wst::

و يا رب يا رب يكتبهالك عاجلاً و ليس آجلاً و تقر بها عينك و تطيب بها نفسك

مكاوى

[رضوي]

لا كدة خلاص بأة يا مدام رضوى

انسوا يا جماعة الموضوع ده باة أحسن الأتوبيس يتقلب ولا حاجة ... نق و قررررررررر عيني عينك كدة من مصر دايركت ... طب استني طيب يمكن ربنا يكتبهالك و تحصلينا ... بس ادعي بس بالله عليكي الناس تتفاعل و يتم الأمر على خير و ساعتها هيبا كأنك جيتي و بدل ما كنتي هتدعي لنفسك هتلاقي خمسين حد يدعيلك wst::

و يا رب يا رب يكتبهالك عاجلاً و ليس آجلاً و تقر بها عينك و تطيب بها نفسك

مكاوى

طب تصدق بقي اني هزعل بجد

يااخي الكريم بقولك غبطة وليس قر وحسد

وبقولكم ربنا يوفقكم ويبارك فيكم ولكم

تقوم تقول بلاش نطلع

وبعدين سيادتك بقي

بالنسبة للكلمة الملونة اعلاه

ان شاء الله اول لما اشوف حسب الله ( زوج المستقبل باذن الله ) هنطلع عمرة او حج سوياً ان شاء الله

ربنا يوفقكم وان شاء الله تلاقي عدد كبير جداً من المشاركين

بس برده ما تنسوش اختكم بالدعاء

رضوي ......... بتدعيلكم :D

[mekkawy]

طب تصدقي بالله باة ما وجعنيش غير الكلمة الملونة دي :D)

و سيباني رايح جاي في المحاورات مدام رضوى راحت مدام رضوى جت .. الا ما حد زمر خاااااااالص ولا قال اي حاجة ... معلش بأة و ربنا يبعت حسب الله بالبريد السريع إن شاء الله

و بخصوص القر بأة و الحسد و الحاجات دي .. بهزر و الله انا عارف طبعاً قد ايه حضرتك تتمنيلنا الخير .. و ياااااااا رب ييسرلك امرك و تكوني معانا ... مفيش حاجة كتيرة على ربنا wst::

مكاوى

[shiko]

تصفيق حااااااااااااااد برافو ...

هذا وقد وصلت المباحاثات من الوفد رفيع المستوى والممثل الدبلوماسى لشئون المحاورات

فى بعثة دبلوماسية ...........على أعلى المستويات وسط حالة من رفعة المكان والزمان "تقريبا كده ممكن تكون فى رجب"

عجبتنى الفكرة والاجمل بقى انى بفكر اروح ...فى نفس الوقت ...

بس الحقيقة انى موش موفقة لغاية دلوقتى .....دعواتكم ...

وان شاء الله امى ...هاتكون هناك على الشهر اللى جاى فى عمرة ...

واحتمال تصاحب الوفد رفيع المستوى

بس بالله عليكم لا تنسونا من صالح دعائكم

تقبلوا ودى واحترامى :D

======================

على جنب يارودى ...عارفة مسجد الصديق بتاع شيراتون ؟؟

قابلينى هناك ....هاتقعد نصلى ونق عليهم .. wst:: ..

[لماضة مصرية جدا]

السلام عليكم و رحمة الله و بركاته

ايه يا عكاوي....عمال تزعق و تنده علينا....هو احنا في موقف عبود...ايه يا جدع

انا جيت أهه (فيه عشا و لا اورديحي)

بس اتصدق و الله ربنا يباركك في الفكرة دي و تكون في ميزان حساناتك

هو احلي حاجة ان كل اللي جه الحوتة دي لغاية دلوقتي يا اما بره مصر يا اما مينفعشي يخش السعودية اصلا....بس ربنا كريم ان شاء الله

و بناء عليه

ان شاء الله لما تكمل انفار الاتوبيس...يا ريت تقولنا....عشان انا هديك ورقة فيها شوية دعوات كده....و دي امانة اديني بقول اهه.....تعملها برشامة......تشتري كشكول و تاخده معاك.....تحفظها.....دي امانة .....و الجيش قالك اتصرف

ربنا يا رب يوفقكم....و ييسرلكم امره....و تتجمعوا علي طاعة

في امان الله

[myusername]

انا فى أمس الحاجة انى اروح عمرة...

الصلاة امام الكعبة لها طعم خاص جدا...

ان شاء الله لو قدرت اجمع تمن تذكرة الطيران :D, هروح فورا فى وقت التجمع اللى هتقولوا عليه... بس ادعوا لى اجمع تمن التذكرة wst::

[mekkawy]

و ما زلنا في انتظار الأخوة الموجودين في السعودية و الخليج عامة لحضور التجمع المحاوراتي الخاص و الهام

الأخت رضوى ... إن شاء الله بدعيلك تاني تكوني معانا

الفاضلة شيكو ... يا ريت و الله تصحبي والدتك لو ينفع و تتفضلي بالهبوط معنا على أرض واقع المحاورات و عامة مرحباً بأمنا الكريمة و نشيلها في عنينا

لماضة ... سبقتيني بفكرة تجميع الدعوات .. و دي إن شاء الله في مرحلة جاية و هنجمعها و نكتبها سواء الرحلة تمت أو لأ .. هنجمعها و أقرب حد رايح إن شاء الله هيقوم بالواجب ... بطلي حضرتك لماضة شوية بس :)

يوزر ... جميع اللي تقدر عليه و لو ما لقتش (الجادون) هأبعتهولك من هنا ولا يهمك .. انوي إنت بس النية لله و متعرفش ربك بييسرها منين و إزاي ... ده ربك كريم

مكاوى

[قلب ابيض]

تصدق انت كده مش حلو ؟؟؟؟؟

وانا اللى كنت ناويه اناسبك واخد سلمى لنورالدين؟؟؟؟

ماشى يا مكاوى 000يعنى انت منشن على سفرى لمصر وتعملها؟؟ وطبعا لما نرجع هايبقى مافيش تأشيرات الا بعد الحج

قادر ربنا كريم يجمعنا على خير فى وقت تانى 0000وجايز جااااااايز نطلع من الكويت بباص خاص كمحاوراتيه الكويت وابقوا قابلونا بقى يا بتوع السعوديه

يااااارب يجمعنى بيكم فى الخير دايما يارب :)

[hOuSsAm]

ياجاااااااااااااااااااااااااااااااامد يا مكااااااااااااااااااااااااااااااوى

ايوة كدة يا وديع اهو ده الشغل ولا بلاش

روح يا شيخ ربنا يجبلك مراتك وبنتك بالسلامة :)

ان شاء الله اكون موجود بشحمى وطولى وعرضى وكل الزوايا والكماليات زى متفقنا قبل كدة

وانا متاكد هيبقى تجمع جميل جدا وبالذات اننا فى بيت الله الحرام

المهم متنساش انى نازل الاجازة يونيو 24 يعنى تلحق تكمل انفار الاتوبيس على راى لماضة وتجيبهم قبل نص يونيو

وتربطوا الحزامات (جمع حزام يعنى) كويس عشان مش ناقصين مخالفات (برنامج ساهر واقف بالمرصاد)

وتنادى بزمة واحد مكة واحد مكة واحد واحد واحد

على هامش التجمع كنت على بالى النهاردة وكنت عايز اكلمك بس كنت مضغوط :closedeyes: فى الاقفال الشهرى

يومين كدة اخلصه وافوق لحياتى واكلمك عالطول

[عبير يونس]

ياريت يا جماعة فعلا

بس ده واجب عندي انا بقى

نعزمكم في مكة

على مية زمزم

:closedeyes:

و شوية تمر و قهوة

و دمتم على كده

:lol:

محدش بقى يدخل على طمع و يفكر في غداء أو عشاء و الحاجات الوحشة دي

آه

ده تجمع روحاني

بلا أكل بلا كلام فاضي

حتى عشان نبقى خفاف كده

:)

[MZohairy]

انا جاهز يا ريس

و اول ما اوصل الرياض حبلغك بإذن الله و نتفق

[الغريب]

إن شاء الرحمن معاكم

فعلا كنت ناوي والله نطلع عمرة أنا والعيال كمان شهر ولا حاجة قبل ما ننزل مصر

بس حددو الميعاد بالظبط وياريت يكون في رجب وقولو قبلها بفترة علشان الواحد يلحق يجهز ويقدم في حملة من الكويت

علشان التأشيرة بتاخد أسبوعين تقريبا...

إلى اللقاء قريبا إن شاء الله :) ،،

[mekkawy]

أصبحنا و أصبح الملك لله و الحمد لله و لا إله إلا الله وحده لا شريك له يحيي و يميت و هو على كل شئ قدير

اللهم بك أصبحنا و بك أمسينا و بك نحيا و بك نموت و إليك النشور

:)

[mekkawy]

بسم الله الرحمن الرحيم

بدأت معالم حملة المحاورات تظهر شوية الحمد لله و لا زلنا في انتظار باقي دعائم المنتدى الموجودين بالسعودية أو غيرها من اللي مستعدين للخروج معانا

حالة الأعضاء:

قلب أبيض ----> احتمال إن شاء الله يخرجوا من الكويت في حملة و أرجح الترتيب مع الأخ الغريب ... و الواد للبت خلاص الموضوع اتحسم :)

الغريب ----> تأكيد مبدأي و نرجو التعاون في إمكانية الترتيب مع الأخت قلب أبيض بم إنكم كويتييين مع بعضيكم :)

زهيري ---> تمام التأكيد النهائي ما شاء الله .. و نزولتك الرياض تكون عليا على طول أنا بأحذرك ... هأفسحك في الصناعية إن شاء الله :)

مصرية مغتربة ---> بالله يا شيخة حلة محشي الله يسترك ... بم إنك في مكة المكرمة ... يبا وجودكم مضمون إن شاء الله .. و سيبك من التمر و المية و الكلام ده .. عاوزين محــــــــشى

حوس حوس ---> حبيب قلبي يا جاهز ... إن شاء الله نلحقها قبل أجازتك ... أمال مين هيسكني في جدة يا باشا .. اعمل حسابك إنك هتتبناني في جدة إن شاء الله

شيكو و لماضة و يوزر ---> دعوااااااااتنا بجد تكونوا معانا و بأكد تاني مفيش حاجة بعيدة على ربنا

لا زلنا في إنتظار باقي الإخوة و الأخوات لجمع التأكيدات و البدء في الترتيبات و استخراج الفلزات و التعامل مع المستجدات و كل الحاجات و سلامات

مكاوى

[hosambob]

يا جماعة تيجوا مكة بإذن الله و الغذاء و العشاء ( وجبة البيك ) عندي بس لو الشركة بتاعتي صرفت الرواتب ( بقالي 4 شهور مقبضناش ) ...

تم تعديل 2 مايو 2010 بواسطة hosambob

[mekkawy]

يا حسام باشا سيبك من الرواتب .. ميهمكش ... خليها على الله و بالنية الحلوة تطلع الرواتب ان شاء الله

ها معانا بإذن الله ؟؟

مكاوى

[عنبو]

انا معاكم يا رداله

[okwaitme]

السلام عليكم

الأول أدعيلكم دعوة، ثم أكتب مشاركتي

(لجميع أعضاء هذا المنتدى، وأزواجهم وذرياتهم، وأهليهم، ولكل من قرأ هذا الموضوع وغيره من مواضيع هذا المنتدى، ولجميع المسلمين والمسلمات)

اللهم

اغفر لهم

وارحمهم

وارزقهم

وعافهم

واهدهم

وتولهم