سؤال بريء.....يا بيه و الله!!!

[لماضة مصرية جدا]

السلام عليكم و رحمة الله و بركاته

هو سؤال عمال ينط في دماغي كل ما نخش الشهر المفترج ده

يا توري يا هل توري...

ليه فيلم صلاح الدين الايوبي.....دايما يتذاع 4 منه؟؟؟

ايه العلاقة يعني؟؟

و كانت شورة مين يعني....كل سنة كده

طب السنادي ايه النظام فيه امل......ان صلاح الدين يتنحي مثلا عن الظهور في الفيلم؟؟؟

ممكن حد يفهمني يكسب فيا ثواب

فوتكم بعافية

[aimen]

عروستى ؟؟؟ bv:-

علشان عيد ميلاد الرئيس ...ابو علاء الشهير بصلاح الدين

وعلشان نستعيد الأمجاد

واهو كله فى محاولة تثقيف الشعب والهاؤه عن اللى بيحصل فى كل حتة فى مصر

وسلم لى على " سيد قراره "

على الماشى كده حد شاف الحلقات دى القادمون اعتقد انها حتعجبك جدا يا لماضه

[مغتربة]

لا طبعا السنه دى غير

السنه دى الشعب كله محضر للريس هديه كده تليق بالمناسبه السعيده

حضرتك فى مظاهره دعت لها كل القوى الوطنيه بكره باذن الله

و اخطرت بيها وزاره الداخليه علشان ميحصلش زى مظاهره 6 ابريل

( طبعا انتى عارفه ان المظاهره دى الهدف منها تقديم عريضه موقعه من الشعب كله تحمل اسمى ايات التهانى و التبريكات و الشعب بيقوله فيها كفايه يوووووه قصدى ربنا يخليك لينا و تحكمنا اعوام مديده باذن الله)

bv:- :blink: wst::