نجوم مسابقات المواهب

[Sherief AbdelWahab]

أيا كان اختلافنا مع أو على مسابقات المواهب من عينة سوبر ستار و ستار أكاديمي و غيرها..فقد لاحظت مقدار الدعاية الهائل الذي حظي به المتسابقون كل في بلده كما لو كان بطلا قوميا..كما حدث مع المصري محمد عطية و الكويتي بشار الشطي و من قبلهما ملحم زين..

هل هؤلاء ، و المشاركون عموما ، موهوبون أم موهومون؟..مغمورون أم مغامرون؟..هل لديهم الكاريزما التي يملكها "النجم" ؟

خلص الكلام

[souda]

ما اعتقدش ان البرامج دى نجحت كدة -وخصوصا ستار اكا wlch:: gt: ديمى-من فراغ

[Set_Amina]

لا الحقيقة انها انتشرت فعلا من فراغ، ألا وهو الفراغ الدماغي والفراغ الثقافي والفراغ في حاجات كتير.

[Cleo]

أعتقد أنهم موهومون... الصوت الحلو مش هو كل حاجة عشان الواحد يبقى نجم...

أم كلثوم مثلا غنت رائعتها "يا مسهرنى" و بدا الإرهاق واضحا فى صوتها بسبب المرض و كبر السن... فكانت جودة صوتها أقل من المعتاد... و لكنها أطربتنا و أجادت و كانت نجمة...

عبد الحليم حافظ مثلا غنى أروع أغانيه قارئة الفنجان، موعود، زى الهوا .... بعد أن تمكن المرض منه و كبر سنه و أثرت الخمور على حلاوة صوته.... و مع ذلك أطربنا و أمتعنا...

ديانا كرازون صوت جميل و ناعم... فازت فى مسابقة سوبر ستار منذ عام تقريبا.. حدش سمعلها "حس" ؟؟

و من قبلها شاهيناز قوللى قوللى...

و حتى ملحم زين... كام واحد يعرفه أو بيسمعه؟؟؟ إيه هى طيب "أشهر أغانيه" ؟؟؟

ولا حد يعرف

بالظبط زى مسابقات الكورة الشراب اللى ببتعمل فى الشوارع و يطلعوا أحسن لعيب فى الحارة... هل معنى كدة إنه خلاص... بيليه أو محمود الخطيب؟؟

تم تعديل 21 أبريل 2004 بواسطة Cleo

[elmelegee]

إحنا لو أخدنا ستار أكاديمي مثال بسيط ممكن نفهم من خلاله الموضوع

بإختصار التقييم والإختيار في البرنامج مش ممكن يتمتع بمصداقية حقيقية, وهاقول ليه

دلوقتي إختيار المتسابقين واللي هايخرج منهم واللي هايستمر بيتم إزاي؟

تصويت من الجمهور عن طريق التليفون

والجمهور هو الشباب العربي

ونظرا لأن إختيار المتسابقين في الأول كان من المشرفين على البرنامج بطريقة تجارية بحتة "بمعنى إنهم في إختيارتهم أكدوا على العناصر اللي ممكن تشد الشباب وتعمل عندهم إثارة مطلوبة لتدعيم البرنامج"

فده اللي خلى الشباب اللي بيصوتوا إسبوعيا من فئة تنحصر إهتماماتها في العناصر اللي أكد عليها المشرفين على البرنامج, وبالتالي كان الإختيار على أساس العناصر دي

والعناصر دي أهمها:

بنت حلوة بشبه ملابس يحبها الشباب

شاب وسيم تطارده أحلام البنات

جو من الحياة اليومية الخارجة عن المألوف يتمنى الشباب والفتيات الحياة فيها

مبالغة غير منطقية في الإحتفاء بمواهب غير حقيقية وده بيخلى كل واحد من الشباب عنده نص موهبة يفتكر نفسه عنتر زمانه

هل كل الكلام ده ممكن يخرج لنا من وسط العك ده كله نجم موهوب

وهانروح بعيد ليه؟

محمد عطية نفسه

فكرني بالمشهد بتاع مسرحية تخاريف

هو ده الزعيم بتاعكو؟؟؟

انتو عارفين ده بنسميه ايه في مصر؟؟؟

[فــيــروز]

من ايام قليله اذاع التليفزيون حلقه من برنامج ستار ميكر

وكانت اختيارات لجنة التحكيم فاجعه بالنسبه لى

حيث ان الشاب الذى اختاروه و كان ليبى الجنسيه لم يكن موهوب فى اى شئ فى نظرى سوى التنطيط و الرقص بطريقة مايكل جاكسون وانه يفضل يحرك عضلات جسمه كان ماشى فيه تيار كهربائى و العياذ بالله .. واللى فرسنى اكتر ان لجنة التحكيم اختارته لاننا نفتقد هذا النوع من الغناء !! "هو فين الغناء ده" !! :D

المثير للضحك حتى البكاء ان حلمى بكر انتقد احدى المتسابقات لانها بتغنى بكل شئ فى جسمها عدا حنجرتها !! gt: يا مثبت العقل و الدين يا رب !! wlch:: بالرغم من انهم قبل كده فى دوره سابقه انتقدوا احدى المتسابقات لانها ليست "متحركه" بما فيه الكفايه :o !! وجالهم عين يقولوها !! :D

فى نفس اليوم كان هناك حلقه من اسهر معانا !! تنتقد فيها سلمى الشماع فوز محمد عطيه بجائزه تقديرا لموهبته ومعنى فوزه بجائزه و معنى التفاف الشباب حوله رغم ضحالة موهبته !! فلقيت نفسى باسالها : طيب وانتم عملتم ايه لاى موهبه حقيقيه قبل ان تنتقدوا المواهب المزيفه؟ الم يفتح التليفزيون الذى تذاع منه هذه الحلقه من اسهر معانا ابوابه لكل راقص و راقصه من ذوى المواهب المضروبه ليتوارى اصحاب المواهب الحقيقيه؟ كيف يمكن لاى كاتب ممن حضروا هذه الحلقه ان يقعد و ينجعص اوى فى الكرسى بتاعه :D عشان يقول لنا فى الحكيكه و فى الواكع وهو ممن يحاربون اى مواهب حقيقيه جاده تحاول ان تجد لها فرصه للظهور !! :) ويكون عنده شجاعه بعد كده لتحدث عن مستوى المواهب التى تظهر بقوة الاعلام و الصوت العالى واوراق البنكنوت لا بقوة الموهبه !!

مساندة المواهب المضروبه هو الذى يجعل اصحاب المواهب الحقيقيه يختفون وسط هذه الضوضاء و الصخب !! mf( ولا لوم على عطيه و اخوانه ان يظهروا بضجه تصاحبهم حيث ان هذه هى الوسيله المعترف بها حاليا mf)

تم تعديل 21 أبريل 2004 بواسطة فــيــروز