مداخلة اليوم

[مغتربة]

الموضوع بيقول ...طب ارد اقول ايه

- تطرقت المداخلات الى مسألة الموسيقى والغناء..

- أقول باختصار.....هل الخلاف حول هذه المسألة...وهي الغناء والموسيقى..هي امر شديد الأهمية او الخطورة...وهل هو خلاف حول ثوابت..ومسائل...رئيسية حول ما جاء به ديننا الحنيف.....؟؟؟؟؟؟؟؟

- الخلاف حول شيء فرعي جداً ،،، وكما نعرف...ان هذه مسألة من المسائل التي قد يختلف فيها علماء الدين...وهذا أمر محمود وليس مذموم......والخلاف حول ذلك رحمة لنا....

لـــــيه الخلاف حول المسائل الفرعية..التي ,,,لم يأتي بشأنها نصح واضح وصريح رحمة لنا....؟؟؟؟؟

لأن الله تعالى لو جاء بنص واضح...وقاطع الدلالة حول هذه المسائل المختلف حولها..ثم بعد ذلك...عصيناه...لكانت مصيبتنا كبيرة...

- لكن الله يريد اللطف بنا ...فمن ....وجد في نفسه ....القدرة على عدم....الانجرار مثلا..الى ما يصاحب الغناء..والموسيقى من أثام ترتكب احيانا....فهو حر...والله قد يعفو عنه لانه لم يرتكب ...هذه الاثام..

- اما من يستمع للغناء وما يصاحبه من طريقة...مائعة ..من مغني او مغنية...وما يصاحب ذلك من مناظر..وخلاعة..وتضييع للصلاة او تصييع لوقت العمل ...فالبتأكيد.فاعل ذلك يكون آثم...

إذن المسألة مفهومة ومعروفة لمن يقرأ ويبحث.....ولنا...ان نعرف ان المسألة بها ( خلاف طبيعي منطقي ) بين العلماء حول أمر من الأمور الفرعية...ولنا أن نفهم ايضا....وجهة نظر من يحرمها ولماذا يفتي بحرمتها..ويجب ايضا ان نفهم..وجهة نظر من يبيحها وما هي ضوابط اباحتها...فالمسألة سهلة وليست صعبة ...فالناس تختلف في طباعها....ولذلك..الترهيب والترغيب امر مفهوم وهو ما نجده يحدث من العلماء فهناك ثقافات...ومجتمعات لو لم...تقوم بالترهيب فيها لانحلت ...وأصبحت ترتكب فيها كل الشرور والاثامزز.والعكس صحيح.. أتمنى ان اكون لخصت المسألة ...

تحياتي لكم جميعا...

عجبتنى جدا مداخله الفاضل ابوريم

و متفقه معها جمله و تفصيلا

[hanzalah]

مداخلة اليوم من الاستاذ " سلوى " في موضوع ادع الى ربك بالحكمة والموعظة الحسنة

الاخت الحبيبة / مغتربة .

ربنا يكرمك ويسعدك ويبارك لك فى صحتك ومالك ويمنحك نعمة الرضا .

مسألة الزوج الصالح ...دى حاجة يعلمها الله لكنى اؤمن دائما بقول ...الطيبون للطيبات .

وصدقينى ..

فيه ناس كتير كويسة جدا ...

وكل شئ قسمة ونصيب ...وانا اشعر ان الله سبحانه وتعالى سوف يسعدها ويجعل حياتها كلها نور وسوف ترزق ان شاء الله بالذرية الصالحة التى تملأ حياتها وتعوضها عن حرمانها من حنان الأم والأب ..

ادارى دموعى ..وادارى غصة....عندما تحتضنى قائلة ...ادعى لى ان ارزق عندما اتزوج بسبعة اولاد ...حتى اذا توفيت ...لايبقى اى ابن وحيدااا...

الدنيا دى غريبة ...

لكن؟؟

ربنا سبحانه وتعالى له حكمة فى كل شئ ..

سلام ياغالية ..

وللتفاصيل ارجو من الجميع ان يعود الى قراءة اول مداخلة في الموضوع في باب هدي الاسلام

الحقيقة الموضوع انساني جدا ويحمل درجة عالية جدا من النقاء والاحساس المرهف بسمو هذا الدين

عند قراءتك للموضوع .. احترس

اقرأه في خلوة

لان عيناك حتما ستدمع عند ملامسة حروف هذه الانسانة الرائعة " مدام سلوى "

انا .. ظللت محتفظ برباطة جأشي ..

فلما طالعت هذا السطر الذي صبغته باللون الاحمر

وجدت ان الدموع هي الحل الوحيد .. فانسابت .. وليس لي عليها من سبيل

اخوتي

اقرأو هذا الموضوع

وتمتعوا بسمو روحي .. نادرا ما نجده في كلمات مكتوبه على صفحات منتدى

شكراً مدام سلوى .. وجودك انت وأمثالك .. بيننا .. في منتدانا وفي دنيانا .. نعمه

:unsure:

تم تعديل 6 مايو 2010 بواسطة hanzalah

[لماضة مصرية جدا]

السلام عليكم و رحمة الله و بركاته

هو أينعم لسه اليوم مخلصشي و لا الرغي ع المحاورات هيخلص....بس المداخلة دي عجبتني اوي

مع ان هي في موضوعات خفيفة....لكن بساطة صاحبها حدفتني لفوووووووق جدا و بعدين وقعت علي جدور رقبتي....لا بس سليمة ان شاء الله

"سالت مكاوي اللي مهري علي كورسي الاعتراف....

يعني ايه غربة؟؟؟

مكاوي قال....(و يا ريته ما قال...الله يسامحه.....خلصت علبتين كلينكنس دلوقتي)

"الغربة .... غربة ...

كل حاجة غريبة ...

انت غريب

و الناس غريبة

و تصرفاتهم غريبة

و النومة غريبة

و الأكلة غريبة

و حاسس إني ماشي بـ 8 عيون في راسي ...

اتنين أدام و اتنين ورا و اتنين على كل جنب ....

أسوأ حاجة في الدنيا ... و لو كنت أعرف انها كدة ما كنتش جيت"

الصراحة يا مكاوي...كفيت ووفيت...و شفيت...ما خليت

احساس ال8 عيووووون ده قاتل...

حتي و انت نايم.....عينيك في وسط راسك...جوه احلامك....مش عارف تغمض

طب ايه؟؟؟

و اللي هيهرش في دماغه و يقول طب خلاص نرجع مصر

هخده ع جنب كده و بشويش خالص و أقوله

ع فكرة

انا كنت بتكلم عن مصر مش حاجة تانية

فوتكم بعافية

[mekkawy]

السلام عليكم و رحمة الله و بركاته

ع فكرة

انا كنت بتكلم عن مصر مش حاجة تانية

فوتكم بعافية

دي اللي وجعتني اوي بجد .... فاجأتيني بإنك بتتكلمي عن مصر .. لكن للأسف ده ساعات الحال في مصر ... لكن مهما كان ... بلدك غير بلد تاني

مكاوى

[doha]

و اللي هيهرش في دماغه و يقول طب خلاص نرجع مصر

هخده ع جنب كده و بشويش خالص و أقوله

ع فكرة

انا كنت بتكلم عن مصر مش حاجة تانية

فوتكم بعافية

ياااااااااااااااااااه . ومن القلب يالماضه

وانا بقرا حته الاربع عيون وكلامك عنها قلت معقول ؟ الغربة ؟ بس ده في مصر مش هنا

لقيتك كملتيها وقلتي الي في نفسي

للاسف يالماضه ده بيكون احساسي بالظبط في مصر

الغريب في الارض الغريبة

ربنا يختم لنا غربتنا بالخير

شكرا على نقلك ياام اللماضه ويسلم قلبك يامكاوي الي اتحفنا بالبقين دول ..

[hanzalah]

يا استاذ مكاوي واستاذة لماضه واستاذة ضحى

انتوا حسستوني ان مصر مرعبة ..

فيه ايه يا اهل الله

انا عايش في مصر من ثلاث سنوات بعد اغتراب 15 سنة خارجها

وبرضه مش شايف انها مرعبة !!!

ملحوظة :

انا باتكلم على مصر الخاصة بتاعتي ( زوجتي و اولادي وابويا وامي واخواتي و قليل من الجيران وقليل من الصحاب وشكراً )

لكن لو مقصود كلامكم : مصر هبة النيل

فقولوا زي ما انتوا عاوزين

وانا كمان هاقول معاكوا

[doha]

اخي الفاضل حنظلة

احساس الغربة في مصر بالنسبة لي احساس خاص جدا نظرا لظروف شخصية جدا

حيث اني عشت وتربيت في الخارج واهلي عايشين للآن برا مصر ده غير اني تزوجت في مدينة تانيه خالص غير الي قضيت فيها السنوات اليتيمه الي قضيتها في مصر بالعربي يعني معرفش حد في مصر حاليا غير زوجي ومامته وباباه

مش عارفه يمكن لو كنت عشت وتربيت في مصر وكان اهلي عايشين فيها او كنت عايشه وسط صاحباتي او قريباتي يمكن مكانتش مصر هتبقى غربة بالنسبة لي

يمكن

[لماضة مصرية جدا]

السلام عليكم و رحمة الله و بركاته

انا حبيت دي اوي

ذهبية المشاعر قالت في توبيك مهو بيحب مراته...و هي بتحبه:

"كما انتى دائما يا ضحى موضوعك رائع

انا هاتكلم عن موقف انا مريت فية على قد ماهو كان شديد القسوة جدا ......لكن عرفت منة اشياء لا يمكن اعرفها الا لو مريت بيها

زواجى كان تقليدا ...... يعنى لم اعرف زوجى و كانت فترة الخطوبة قليلة جدااا ...... لم تكمل شهور معدودة

و كنت مقتعنة بشكل حب......... معين فى خيالى زى ما كنا بنتفرج كدة فى الافلام يجى كدة تحت الشباك

و زى ما شوفنا فى افلام عبد الحليم ....... جوابات غرام و اغانى و طبعا عشلان انا ما مريت بالموضوع دة

فلم امر بالحب و لم تشتعل تلك اللحظة السحرية ......اللى القلب يعلن فيها ......عن اقتحام ملوش مقاومة يغزو الروح والقلب بلا مقاومة

حتى مررت بموقف صعب فى حياتى انا و زوجى

اكتشفنا فجاة .... بالصدفة البحتة وجود مرض مجرد ذكرة ياتى غضة بالقلب المرض الذى يجعل كل الناس تعد الايام الباقية فى الحياة

لم نصدق و لم نتحمل اللحظة معا و اجرينا الكثير من التحاليل للتاكد من النتيجة و للاسف كل مرة تاكد

مر عليا شريط حياتى كلة امام عينى و فجاة

رايت كما انا كنت عايشة فى متع لم اعرف قيمتها .... كم رزقنى الله باكثر مما احلم .....و لم اشعر كم كان بين يدى اعظم حب

كيف لم اشعر بية الا....... و انا على عتبة ان افقدة الى الابد

واكتشفنا هذا فى ايام العيد المبارك...... كان اسوء عيد الكل سعيد يمرح و يضحك و انا و اسرتى الكبيرة و الضغيرة يبكى

فى هذا اليوم ...... فقط عرفت كم هذا الحب الذى كان فى قلبى..... و لم اشعر بية الا الان

حتى ملابسة كان لها قيمة.... حتى برفانتة ... كانت لها قيمة حتى حذائة الذى يرتدية كان لة قيمة ...سجادة صلاتة سبحتة

اى جزء فى المنزل لة فيها لها طعم اخر لم اشعر بة

فقط هذا اليوم عرفت قيمة حبى لزوجى

فى هذا اليوم فقط شعرت بحياتى كم كانت جميلة

فى هذا اليوم فقط عرفت معنى الحب

لا ادرى هل هو طبع الانسان لا يعرف قيمة ما بين يدية الا لو امتحنتة الحياة امتحان اقوى و اقسى من طاقتة

هل لابد ان تاتى السعادة بعد الم هل دائما لابد لنا من دفع ضريبة حتى تحافظ على ما تملك

احمد الله انى دفعت تلك الضريبة و انى تعلمت الدرس احمد الله انى تعلمت ان الحب بين يديك ااقرب اليك مما تشعر

لا ينقص فقط الا ان تفتح عنيك و تراه"

الجميلة دوما ذهبية

رائحة برفانه.....صدقتي.......البعض يتلمس رائحة من يحب....

البعض.....يعشق بحاسة الشم....

لكن ليس الشم فحسب....

انه تلمس رائحة الاماكن الدافئة التي تجمعنا بمن نحب....

انه تنفس رائحته....اينما ذهب.....

و لاصدقك القول...البعض حتي يتنفس رائحة حبات العرق حين تنهال علي جبينه في الصيف.....

هو هكذا.... بلا سبب..... بلا تعقل....نحن فقط نحب

ذهبية المشاعر...قد قولتي..."فلنفتح أعيننا لنراه"

اختلف

العين لا تري بدون نور القلب

ابدليها سيدتي المغرقة في الاحساس لتكون.....فلنفتح قلوبنا.....

لنثمل بمن نحب.....

فلا ندري غدا ماذا يكون

مساااااااااااكي دفء اللحظة

[عبير يونس]

بصراحة مداخلة بحق رائعة

عشت مع كل كلمة فيها

أبكتني جدا

و اقشعر لها بدني

حقا يارب أنك لا تخذل أبدا من يدق بابك

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62

يا حبيبي يارب

ثاني اصعب موقف مريت بيه في حياتي كان من حوالي سبع او ثمان سنوات من دلوقت ..

كنت بدرس كورس وزارة الاتصالات وكان باقي شهر ونخلص بس كان لازم الاول نقدم مشروع تخرج

المشروع كان عباره عن موقع انترنت من الألف للياء ويكون باحد لغات البرمجه للويب يعني موقع تفاعلي مش مجرد تصميم صفحات .. ومفروض اننا نقسم نفسنا مجموعات ثلاث الى اربعه في كل مجموعه بحد اقصى وطبعا نقسم الشغل على بعض بحيث كل واحد يمسك حاجه في المشروع ..

معرفش هو حظ ولا غباء ولا عدم متابعه جيده للسينما المصرية اني مكنتش قبل الوقت ده سمعت انور وجدي وهو بيقول لا بارك الله العمل القائم على الصداقة لكن اهو الي حصل

كان من نصيبي ان مجموعتي فيها بنتين على اساس انهم افضل صديقات لي في الكورس كله .. طبعا احنا طوال الست شهور الي قضيناها في الكورس بنحضر بشكل يومي من 8 الصبح لغايه 4 او 5 العصر مش فاكره .. وطبعا كل واحد فينا قاعد على جهاز بتاعه متوصل بالنت طول الوقت .. مكاتش النت السريع لسه دخلت مصر كان كله على خط التليفون .. وعشان كده البعض استغل ( المنحه ) دي في انه يقعد على الانترنت لاطول مرة ممكن في الشات .. اعني بالبعض دول تحديدا بنتين هم في الكورس كله .. لدرجه انهم بقوا معروفين بالاسمين دول ( م ) آي سكيو .. و ( ش ) ماسنجر ..

مش محتاج اقول ان هم دول الجروب بتاعتي الي بدأت معاهم رحلة الكفاح لانجاز المشروع ..

في بدايه الكورس طبعا كان الامل في اني هكون من الاوائل الي يعملوا المشروع الي محصلش والي هيتم ترشيحهم لبعثه يستكملوا دراستهم فيها بامريكا .. طبعا كله طلع في الهجايص بعد كده مش دي المشكلة كويس اني فقدت الامل قبل مانعرف الحقيقة اصلا.. سبب تخلي عن الامل اني وبعد ماتكونت المجموعه وبعد ماشفت الامكانيات وبعد ماوزعت علينا الشغل بقى كل املي نسلم اي حاجه ينقال عليها سايت محترم ومش مهم ينافس على المركز الاول المهم انه يكون شيء يستحق يتقدم .. بيني وبينكم كان لسه عندي امل اني لوحدي هقدر انجز المشروع ..

كنت اقعد ابص للبنتين الي معايا واحتاس واقول ياربي مش عارفين حاجه خالص العيال فعلا متعلمتش حاجه نهائي .. والمصيبة انهم الاثنين بس الي متعلموش في تقريبا طالب او اثنين كمان في الدفعه كلها من اصل 36 هم الي مش عارفين والباقي امواس .. حظي سبحان الله وقع في الجروب ده ..

اعتقد نسيت اقولكم ان كان في شرط جزائي ماضيين عليه كلنا قبل مانقبل المنحه ان الي مش هيسلم مشروع تخرج هيدفع للدولة 10 الاف جنيه غرامه ..

مبقيتش عارفه هعمل المشروع ازاي والمجهود الجبار المطلوب مني وانا لوحدي تقريبا

بس بقيت اصبر نفسي واقول مش مهم ربنا معايا وباذن الله هيساعدني ..

المهم توليت الخطوة الاولى في المشروع وهي انجاز قاعده البيانات الخاصه بيه وعملتها وانتهينا .. بدأت الخطوة التانيه اني اربط قاعده البيانات دي بالصفحات الي لسه متصممه بشكل مبدئي .. بدأت اكتب الاكواد وفي الفترة دي جات ( م ) وقالت لي كفايه على كده انا جبت مهندس شغال في الآي تي آي وفي بينا مشروع خطوبة وكده يعني وقال هيعمل الشغل المطلوب مني في المشروع بدالي .. قلت لها على البركه .. قالت لي وقفي انتي بقى شغل كتر خيرك على كده واحنا هنكمل .. قلت مية ميه . .كده انا انجزت قاعده البيانات وجزء من الاكواد وميم هتكمل بقية الاكواد وشين هتعمل الفلاش يبقى مش باقي الا اعمل الجرافيك بتاع الصفحات .. ونمت على كده

بيني وبينكم كان قلبي متوغوش ومش مديه امان .. مش عارفه ليه حسيت ان المفروض مطمنش بس قلت لاه وساوس .. وركزت بقى في المذاكرة عشان الامتحان ونسيت امر المشروع لمده اسبوعين كده ولا حاجه .. المهم مرت الايام وكان باقي اقل من اسبوع على الموعد النهائي لتسليم المشروع

ولقيت ميم جايبه المهندس وجايه وقالت لي تعالي بقى شوفي الي عمله عشان هو كده خلاص مش هيكمل ( مشروع الخطوبة باظ على فكره ) فقلت لها هاتي .. ببص والله العظيم زي مابحكي لكم .. البيه بدأ من الاول خالص .. اعاد نفس الاكواد لبعض الصفحات الي انا كنت عامله اكوادها اصلا وبثيوري تانيه خالص يعني لا ينفع تتربط بما قبلها ولا بما بعدها واساسا عمل الي معمول يعني من الآخر معملش حاجه ..

وساب لنا المشروع ومشي

طبعا مش محتاج اقولكم اني خسرت ميم في الحركه دي بعد ماكانت من اعز اصدقائي .. ومش محتاج اقولكم اني عيطت لما شفت الي اتعمل وتم انجازه في شهر تقريبا وهو يمكن عشرة في المية او اقل من الي مفروض يعمل في خلال الثلاث ايام الباقية .. بكيت بجد لما ادركت ان خلاص فات الاوان وخلاص مفيش فايده ..

ولقيت الناس كلها انفضت كده من حوالي .. ميم غسلت ايدها .. وشين قالت مليش دخل انا هعمل الفلاش بس الي اتفقنا عليه ثم احنا مش مستفيدين حاجه من المشروع ده انتي قلتي انك ممكن تستفيدي منه بعد كده في شغلك الخاص انما احنا علينا بايه من كل ده .. وتقريبا فهمت السبب الي خلاهم اصلا يتعاملوا مع المشروع باستخفاف ..

وروحت البيت .. قعدت على المكتب بتاعي والكمبيوتر قدامي .. بصيت للصفحه الهوم الي لسه بصمم فيها ولسه حتى مكتملتش . . وصعبت علي نفسي الي كنت متوقعه ان مشروعي ينافس على مستوى المحافظات لاكتشف اني محتاجه معجزه عشان اسلم اي حاجه بس والسلام ..

واقسم لكم بالله العظيم .. ولاول مرة في حياتي .. اسمع وكأن صوت بيقول في اذني .. مش ده ربنا الي كنتي بتقولي هيساعدك .. خليه ينفعك

لقيتني بكلم نفسي بحماس .. هينفعني .. وهتشوف

والله مابضحك او ببالغ . . الحوار ده حصل وكأني بسمعه وادركت وقتها ان الشيطان استغلني في لحظة هوان وضعف تقريبا ممريتش بمثلها قبل اليوم ده .. حب يثبت لي اني تعلقت بامل كاذب .. هو كان عارف ومتاكد اني محتاجه معجزه عشان اقدر اسلم المشروع وعارف زي ماانا كنت عارفه في اللحظه دي ان خلاص مفيش معجزات ..

كان يوم الاحد .. قعدت وتفرغت تماما للمشروع.. شويه اصمم في الصفحات بتاعته وشويه اكتب اكواد وشويه اجمع صور من النت واكواد جاهزه وشويه اعبي بيانات في قاعده البيانات عشان ينفع يتجرب بيها ..

قعدت اشتغل اشتغل اشتغل ..

وجنبي كوباية النسكافيه تخلص اعمل غيرها ..

كان باقي لي الجرافيك بتاع المشروع من بانرات دعائية افتراضية لازم تكون فيه واللوجو بتاع الموقع والاشياء الي زي كده سبحان الله بعيت لي شخص اعرفه على الانترنت ومن دولة تانيه وعلاقتي بيه سطحيه تطوع انه يعمل لي البانرات وعملها لي كاملة لوجه الله بلا اي مقابل وكانت اكثر من رائعه .. اخذتها وحطيتها في الموقع ..

وقعدت تاني اشتغل واشتغل واشتغل

يمكن دخلت نمت ساعه او حاجه زي كده مش فاكره بس اتوقع اني منمتش في ذلك اليوم ..

المهم بقي كام صفحه كده في الموقع والدكيومنتيشن بتاعت السايت يعني الاكواد الي فيه وتركيبه قاعده البيانات نفسها لازم تبقى مطبوعه ومشروح على الورق ازاي نستخدم الموقع .. كان باقي شويه حاجات اني اخلص المشروع واحطه على اسطوانات واوديها تتنسخ ( مكانش لسه السي دي الرايتر انتشر ) وبقيت محتاسه هخلص كل ده امتى واوديه امتى

الدكتور صاحب المركز حاول انه يجيب لنا تاجيل لمده يوم عن موعد التسليم المفترض.. المهم اتصلوا بينا وقالوا تعالووا في المبنى الجديد للمركز على الطريق السريع قالوا اعملوا حسابكم هتسهروا لان لازم نسلم النهرده باي طريقة .. اخذت اخويا الصغير معايا يومها المهم تجمعنا كلنا في المركز .. انا جبت معايا البرنتر وناس تانيه جابت ناسخ اقراص وناس تالته جت تتفرج .. والدكتور جايب لنا الشاي والقهوة والنسكافيه والمية السخنه والسكر .. ملناش حجه بقى ..

المكان كله كان زي خلية النحل

الدنيا ليلت علينا وفضلنا سهرانين نشتغل .. لغايه مالقيت نفسي بعمل الصفحه واجي احفظها اكتشف اني عملتها اصلا من قبل كده وانها محفوظه اصلا بس من كتر الارهاق خلاص مخي فوت بجد .. ببص كده وانا بشتغل تفاجأت باحلى مفاجأة كان ممكن اتوقعها في موقف زي ده

اكتشفت اني خلصت ..

والله ..

ادور كده لقيت كل الصفحات تم انجازها وخلاص الدكيومنتيشن اتعمل وكله ..

قعدنا بسرعه نصور الورق وننسخ الاقراص وسلمناها للدكتور صاحب المركز على اساس ان في واحد هيجي يستلم منه كل المشاريع ويسافر بيها القاهرة ..

بعد ماسلمت مبقيتش مصدقة نفسي .. بجد مكنتش مستوعبه ايه الي حصل او بيحصل

استأذنت بقى عشان اروح انام .. اخويه بقى كان لسه صغير و من شده اعجابه باللحظه وخلية النحل الي كنا عايشين فيها قالي روحي انتي انا هعقد معاهم شويه ..

بسأل هي الساعه كام .. قالوا لي 11 الصبح

لاحظوا الدنيا ليلت علينا والفجر طلع والصبح كمان واحنا ولا قمنا من مكانا

بسأل بقى وده الاهم .. احنا النهرده ايه ؟ قالوا لي الخميس الصبح او الاربعاء مش فاكره..

تخيلوا .. ثلاثه ايام بلياليها وكام ساعه فوقها وانا منمتش نهائيا .. عمري في حياتي ماعملتها ولا اظنني هعملها .. ازاي قدرت اواصل .. وازاي اصلا قدرت انجز عمل ذهني يحتاج تركيز مضاعف وانا اصلا مش نايمه .. ومين الي بعت الراجل يعمل لي الجرافيك ومين الي خلا شين الي لاتفقه شيء في الدنيا تنجز الفلاش المطلوب منها وانا كنت فاقده فيها الامل !!

صرخت داخلي بانتصار ساحق ..

مش قلت لك هينفعني .. اهو نفعني

وخرجت من باب المركز وانا ماشية اترنح بمعنى الكلمه بحط رجلي معرفش بتنزل فين .. عاوزه انام ومش شايفه قدامي ومع ذلك كانت السعاده تملأني فلاول مرة اشعر بهذا الشعور ولاول مرة احس ان لسه في امكانية لحدوث المعجزات ..

جزاك الله خيرا يا ضحى

:lol:

[لماضة مصرية جدا]

بصراحة مداخلة بحق رائعة

عشت مع كل كلمة فيها

أبكتني جدا

و اقشعر لها بدني

حقا يارب أنك لا تخذل أبدا من يدق بابك

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62

يا حبيبي يارب

ثاني اصعب موقف مريت بيه في حياتي كان من حوالي سبع او ثمان سنوات من دلوقت ..

كنت بدرس كورس وزارة الاتصالات وكان باقي شهر ونخلص بس كان لازم الاول نقدم مشروع تخرج

المشروع كان عباره عن موقع انترنت من الألف للياء ويكون باحد لغات البرمجه للويب يعني موقع تفاعلي مش مجرد تصميم صفحات .. ومفروض اننا نقسم نفسنا مجموعات ثلاث الى اربعه في كل مجموعه بحد اقصى وطبعا نقسم الشغل على بعض بحيث كل واحد يمسك حاجه في المشروع ..

معرفش هو حظ ولا غباء ولا عدم متابعه جيده للسينما المصرية اني مكنتش قبل الوقت ده سمعت انور وجدي وهو بيقول لا بارك الله العمل القائم على الصداقة لكن اهو الي حصل

كان من نصيبي ان مجموعتي فيها بنتين على اساس انهم افضل صديقات لي في الكورس كله .. طبعا احنا طوال الست شهور الي قضيناها في الكورس بنحضر بشكل يومي من 8 الصبح لغايه 4 او 5 العصر مش فاكره .. وطبعا كل واحد فينا قاعد على جهاز بتاعه متوصل بالنت طول الوقت .. مكاتش النت السريع لسه دخلت مصر كان كله على خط التليفون .. وعشان كده البعض استغل ( المنحه ) دي في انه يقعد على الانترنت لاطول مرة ممكن في الشات .. اعني بالبعض دول تحديدا بنتين هم في الكورس كله .. لدرجه انهم بقوا معروفين بالاسمين دول ( م ) آي سكيو .. و ( ش ) ماسنجر ..

مش محتاج اقول ان هم دول الجروب بتاعتي الي بدأت معاهم رحلة الكفاح لانجاز المشروع ..

في بدايه الكورس طبعا كان الامل في اني هكون من الاوائل الي يعملوا المشروع الي محصلش والي هيتم ترشيحهم لبعثه يستكملوا دراستهم فيها بامريكا .. طبعا كله طلع في الهجايص بعد كده مش دي المشكلة كويس اني فقدت الامل قبل مانعرف الحقيقة اصلا.. سبب تخلي عن الامل اني وبعد ماتكونت المجموعه وبعد ماشفت الامكانيات وبعد ماوزعت علينا الشغل بقى كل املي نسلم اي حاجه ينقال عليها سايت محترم ومش مهم ينافس على المركز الاول المهم انه يكون شيء يستحق يتقدم .. بيني وبينكم كان لسه عندي امل اني لوحدي هقدر انجز المشروع ..

كنت اقعد ابص للبنتين الي معايا واحتاس واقول ياربي مش عارفين حاجه خالص العيال فعلا متعلمتش حاجه نهائي .. والمصيبة انهم الاثنين بس الي متعلموش في تقريبا طالب او اثنين كمان في الدفعه كلها من اصل 36 هم الي مش عارفين والباقي امواس .. حظي سبحان الله وقع في الجروب ده ..

اعتقد نسيت اقولكم ان كان في شرط جزائي ماضيين عليه كلنا قبل مانقبل المنحه ان الي مش هيسلم مشروع تخرج هيدفع للدولة 10 الاف جنيه غرامه ..

مبقيتش عارفه هعمل المشروع ازاي والمجهود الجبار المطلوب مني وانا لوحدي تقريبا

بس بقيت اصبر نفسي واقول مش مهم ربنا معايا وباذن الله هيساعدني ..

المهم توليت الخطوة الاولى في المشروع وهي انجاز قاعده البيانات الخاصه بيه وعملتها وانتهينا .. بدأت الخطوة التانيه اني اربط قاعده البيانات دي بالصفحات الي لسه متصممه بشكل مبدئي .. بدأت اكتب الاكواد وفي الفترة دي جات ( م ) وقالت لي كفايه على كده انا جبت مهندس شغال في الآي تي آي وفي بينا مشروع خطوبة وكده يعني وقال هيعمل الشغل المطلوب مني في المشروع بدالي .. قلت لها على البركه .. قالت لي وقفي انتي بقى شغل كتر خيرك على كده واحنا هنكمل .. قلت مية ميه . .كده انا انجزت قاعده البيانات وجزء من الاكواد وميم هتكمل بقية الاكواد وشين هتعمل الفلاش يبقى مش باقي الا اعمل الجرافيك بتاع الصفحات .. ونمت على كده

بيني وبينكم كان قلبي متوغوش ومش مديه امان .. مش عارفه ليه حسيت ان المفروض مطمنش بس قلت لاه وساوس .. وركزت بقى في المذاكرة عشان الامتحان ونسيت امر المشروع لمده اسبوعين كده ولا حاجه .. المهم مرت الايام وكان باقي اقل من اسبوع على الموعد النهائي لتسليم المشروع

ولقيت ميم جايبه المهندس وجايه وقالت لي تعالي بقى شوفي الي عمله عشان هو كده خلاص مش هيكمل ( مشروع الخطوبة باظ على فكره ) فقلت لها هاتي .. ببص والله العظيم زي مابحكي لكم .. البيه بدأ من الاول خالص .. اعاد نفس الاكواد لبعض الصفحات الي انا كنت عامله اكوادها اصلا وبثيوري تانيه خالص يعني لا ينفع تتربط بما قبلها ولا بما بعدها واساسا عمل الي معمول يعني من الآخر معملش حاجه ..

وساب لنا المشروع ومشي

طبعا مش محتاج اقولكم اني خسرت ميم في الحركه دي بعد ماكانت من اعز اصدقائي .. ومش محتاج اقولكم اني عيطت لما شفت الي اتعمل وتم انجازه في شهر تقريبا وهو يمكن عشرة في المية او اقل من الي مفروض يعمل في خلال الثلاث ايام الباقية .. بكيت بجد لما ادركت ان خلاص فات الاوان وخلاص مفيش فايده ..

ولقيت الناس كلها انفضت كده من حوالي .. ميم غسلت ايدها .. وشين قالت مليش دخل انا هعمل الفلاش بس الي اتفقنا عليه ثم احنا مش مستفيدين حاجه من المشروع ده انتي قلتي انك ممكن تستفيدي منه بعد كده في شغلك الخاص انما احنا علينا بايه من كل ده .. وتقريبا فهمت السبب الي خلاهم اصلا يتعاملوا مع المشروع باستخفاف ..

وروحت البيت .. قعدت على المكتب بتاعي والكمبيوتر قدامي .. بصيت للصفحه الهوم الي لسه بصمم فيها ولسه حتى مكتملتش . . وصعبت علي نفسي الي كنت متوقعه ان مشروعي ينافس على مستوى المحافظات لاكتشف اني محتاجه معجزه عشان اسلم اي حاجه بس والسلام ..

واقسم لكم بالله العظيم .. ولاول مرة في حياتي .. اسمع وكأن صوت بيقول في اذني .. مش ده ربنا الي كنتي بتقولي هيساعدك .. خليه ينفعك

لقيتني بكلم نفسي بحماس .. هينفعني .. وهتشوف

والله مابضحك او ببالغ . . الحوار ده حصل وكأني بسمعه وادركت وقتها ان الشيطان استغلني في لحظة هوان وضعف تقريبا ممريتش بمثلها قبل اليوم ده .. حب يثبت لي اني تعلقت بامل كاذب .. هو كان عارف ومتاكد اني محتاجه معجزه عشان اقدر اسلم المشروع وعارف زي ماانا كنت عارفه في اللحظه دي ان خلاص مفيش معجزات ..

كان يوم الاحد .. قعدت وتفرغت تماما للمشروع.. شويه اصمم في الصفحات بتاعته وشويه اكتب اكواد وشويه اجمع صور من النت واكواد جاهزه وشويه اعبي بيانات في قاعده البيانات عشان ينفع يتجرب بيها ..

قعدت اشتغل اشتغل اشتغل ..

وجنبي كوباية النسكافيه تخلص اعمل غيرها ..

كان باقي لي الجرافيك بتاع المشروع من بانرات دعائية افتراضية لازم تكون فيه واللوجو بتاع الموقع والاشياء الي زي كده سبحان الله بعيت لي شخص اعرفه على الانترنت ومن دولة تانيه وعلاقتي بيه سطحيه تطوع انه يعمل لي البانرات وعملها لي كاملة لوجه الله بلا اي مقابل وكانت اكثر من رائعه .. اخذتها وحطيتها في الموقع ..

وقعدت تاني اشتغل واشتغل واشتغل

يمكن دخلت نمت ساعه او حاجه زي كده مش فاكره بس اتوقع اني منمتش في ذلك اليوم ..

المهم بقي كام صفحه كده في الموقع والدكيومنتيشن بتاعت السايت يعني الاكواد الي فيه وتركيبه قاعده البيانات نفسها لازم تبقى مطبوعه ومشروح على الورق ازاي نستخدم الموقع .. كان باقي شويه حاجات اني اخلص المشروع واحطه على اسطوانات واوديها تتنسخ ( مكانش لسه السي دي الرايتر انتشر ) وبقيت محتاسه هخلص كل ده امتى واوديه امتى

الدكتور صاحب المركز حاول انه يجيب لنا تاجيل لمده يوم عن موعد التسليم المفترض.. المهم اتصلوا بينا وقالوا تعالووا في المبنى الجديد للمركز على الطريق السريع قالوا اعملوا حسابكم هتسهروا لان لازم نسلم النهرده باي طريقة .. اخذت اخويا الصغير معايا يومها المهم تجمعنا كلنا في المركز .. انا جبت معايا البرنتر وناس تانيه جابت ناسخ اقراص وناس تالته جت تتفرج .. والدكتور جايب لنا الشاي والقهوة والنسكافيه والمية السخنه والسكر .. ملناش حجه بقى ..

المكان كله كان زي خلية النحل

الدنيا ليلت علينا وفضلنا سهرانين نشتغل .. لغايه مالقيت نفسي بعمل الصفحه واجي احفظها اكتشف اني عملتها اصلا من قبل كده وانها محفوظه اصلا بس من كتر الارهاق خلاص مخي فوت بجد .. ببص كده وانا بشتغل تفاجأت باحلى مفاجأة كان ممكن اتوقعها في موقف زي ده

اكتشفت اني خلصت ..

والله ..

ادور كده لقيت كل الصفحات تم انجازها وخلاص الدكيومنتيشن اتعمل وكله ..

قعدنا بسرعه نصور الورق وننسخ الاقراص وسلمناها للدكتور صاحب المركز على اساس ان في واحد هيجي يستلم منه كل المشاريع ويسافر بيها القاهرة ..

بعد ماسلمت مبقيتش مصدقة نفسي .. بجد مكنتش مستوعبه ايه الي حصل او بيحصل

استأذنت بقى عشان اروح انام .. اخويه بقى كان لسه صغير و من شده اعجابه باللحظه وخلية النحل الي كنا عايشين فيها قالي روحي انتي انا هعقد معاهم شويه ..

بسأل هي الساعه كام .. قالوا لي 11 الصبح

لاحظوا الدنيا ليلت علينا والفجر طلع والصبح كمان واحنا ولا قمنا من مكانا

بسأل بقى وده الاهم .. احنا النهرده ايه ؟ قالوا لي الخميس الصبح او الاربعاء مش فاكره..

تخيلوا .. ثلاثه ايام بلياليها وكام ساعه فوقها وانا منمتش نهائيا .. عمري في حياتي ماعملتها ولا اظنني هعملها .. ازاي قدرت اواصل .. وازاي اصلا قدرت انجز عمل ذهني يحتاج تركيز مضاعف وانا اصلا مش نايمه .. ومين الي بعت الراجل يعمل لي الجرافيك ومين الي خلا شين الي لاتفقه شيء في الدنيا تنجز الفلاش المطلوب منها وانا كنت فاقده فيها الامل !!

صرخت داخلي بانتصار ساحق ..

مش قلت لك هينفعني .. اهو نفعني

وخرجت من باب المركز وانا ماشية اترنح بمعنى الكلمه بحط رجلي معرفش بتنزل فين .. عاوزه انام ومش شايفه قدامي ومع ذلك كانت السعاده تملأني فلاول مرة اشعر بهذا الشعور ولاول مرة احس ان لسه في امكانية لحدوث المعجزات ..

جزاك الله خيرا يا ضحى

:closedeyes:

خلتيني ابكي يا ضحي و تسلم ايدك يا مصرية

روحي يا شيخة

ربنا يسعد قلبك

و ينور سكتك

و يديك نور في قلبك لا ينقطع أبدا,,,,,نور تدركي دوما انه لازال دوما معجزات....فقط العين التي تري

[Scorpion]

doha :

مدام مفيش فلوس. . اشتغل بدراعك

[fatfouta]

ابو ريم فى الموضوع ده

أخي كت كات

اولاً / حبيت فقط اقتبس الكلام اعلاه لأنه كلام عجبني جداً ،،، وفعلا هذا هو الهدف الأسمى والأعلى للانسان ،،، فشكرا لكاتبته ـــ

- نصيحتي لك تأتي من خبرتي للعمل في الرياض لسنين طويلة ، والان في بلد اخر وعاصمة اخرى خليجية جميلة وهي الدوحة،

وسأبداها لك ، كما ذكرت انت ، بمسألة العمرة والحج واحرص على ان تكون في سنتك الأولى وألا تؤجلها لكي تكون فاتحة خير عليك.

- البداية في عملك مهمة جدا فاحرص ان تكون بداية قوية تعطي انطباع جيد..وحافظ على عباداتك حيث ان الجو هناك مهيأ لأن تزيد في العبادات والنوافل.

- احرص في عملك وتعاملات مع الجنسيات المختلفة أن تحترم الجميع وتحبهم ولا تأخذ انطباعات مسبقة عن اي شخص ...وتعامل معه بشخصيتك انت واخلاقك انت لا بأخلاقه هو..واعرف انه كلما كنت محترما في تعاملات مع الجميع..وصادق وجاد.وهاديء الطباع غير متعصب تأكد ان ذلك سيشفع لك لاحقا في مواقف كثيرة...( بمعنى أنه أحيانا أدبك واحترامك..وحسن طباعك قد يكون عامل مساعد لك في استمرارك في عملك حتى لو كان هناك تقصير أو خطأ غير متعمد )

- تحمل في البداية أي سخافات تواجهها او صعوبات..فالبداية دائما تكون صعبة ...ولا تكثر الشكوى...واعلم انه مع مرور الوقت ستتحسن اوضاعك...المعيشية وأوضاعك في العمل...فلا..تنزعج من اي صعوبات في السنة الأولى ، واحرص على أن استمرارك ونجاحك في السنة الأولى..هو أول خطوات النجاح الهامة.

- اهتم باللغة الانجليزية واستخدامات الكمبيوتر جيدا واحرص على استخدام اللغة اذا كان مجال عملك يتطلب ذلك..وكلما اجدتها..كلما كان فرصتك كبيرة بعد ذلك في التدرج في العمل.

- إذا صادفت زميل لك في العمل أيا كان منصبه او وضعه وسمعته يتكلم معك عن شخص اخر بطريقة غير جيدة أو يشتم فيه من وراء ظهره فاحرص الا تؤيد كلامه..أو تردد وراؤه هذه الاساءات حتى لو كان هذا الشخص يستحق ذلك...فهناك اشخاص تكون مهمتهم انهم يجعلونك تخطيء في حق شخص اخر في العمل..وخاصة لو كان مدير متغطرس ...حتى...يأخذوا هذا الكلام عليك,,ويسارعوا بنقله...فخليك على الحياد...ولاتنطق باي كلمة اساءة في حق اي احد أمام زملائك.

- احرص على التوفير....ولا تمنع نفسك من الترفيه..وشراء ما تحبه ولكن بحدود...ولا تنسى اهلك ...بالمال..ولا تنسى تخصيص جزء لأعمال الخير بالطبع ،، وخاصة الذبح والتوزيع على الفقراء ...فهذه عن تجربة لها مفعول أكيد في البركة..

- نهاية اعلم ان السنة الأولى عادة لا يحدث منها عائد كبير....ولكن بالصبر وعدم الاستماع الى هواة تثبيط الهمم ستنجح لو أردت ذلك..والعمل في أي بلد ليس عيبا طالما تقوم بعمل شريف وكلها بلاد الله...واحرص أن تكون صورة مشرفة لبلدك..وذلك باحترام قوانين البلد الذي تعيش فيه ، ولا تنزعج من اختلاف الطباع في البداية..

أتمنى لك التوفيق ونتمنى أن تطمئنا عليك أول بأول ، عندما تستقر.....

[hazemtara]

يُعجبنى مُعظم المداخلات فى هذا الموضوع الذى يُعتبر بحق مرجع هام جداً لمن أراد التعاقد فى الحكومة السعودية.

الجميل فى هذا الباب وهذا من فضل الله أنة يُتابع الأحداث والأخبار الجديدة فى مجال العمل الحكومى والعقود الجديدة وقوانين العمل الخاص بها(فى مجال الصحة طبعاً) لحظة بلحظة ونحصل على كثير من القوانين والقرارات الهامة حتى قبل وصولها إلى كثير من الموظفين فى مجال الصحة داخل المملكة العربية السعودية.

http://www.egyptiantalks.org/invb/?showtopic=69075&st=15

[hanzalah]

مداخلة رقم 11 من الفاضلة مغتربة

في موضوع د. ام احمد الذي كان بعنوان

"" متى اكون متحاوراً و متي أكون مجادلاً "

هذه الجمله بالذات تختزل الكثير من صور الجدال فى المنتدى او الحياه بشكل كبير

يا اخى الكريم

لمى التحدى و لمن

نحن لسنا فى ساحه حرب و لا نفتتح المواضيع بلسان حال هل من مبارز

و لسنا اصحاب بضاعه ندلل عليها و نستخدم كل الاساليب للترويج لها حتى و ان كانت باطله

نحن هنا لنعرض افكارنا و ما نحن مقتنعين به

بغض النظر ان اقتنع به غيرنا ام لا

نحن هنا لنتحاور و نتناقش و نعبر عما يجيش بداخلنا

نحن هنا اخى الكريم لنبلور اراءنا و نصقل شخصياتنا

نحن هنا لنتعلم ان كان مجال للتعلم او لنترك اثر و لو بسيط عند غيرنا ان كان هذا مجاله

نحن هنا لاهداف عديده ليس من بينها ابدا ان نثبت تفوق فكرى او لننتصر فى معارك جدليه

او لنجبر الاخرين على الاقتناع بما نقتنع به

لكن يحق لنا دوما و ابدا ان نجبرهم على ان يحترمونا حتى و ان اختلفوا معنا

لذلك لا مجال لا تحدى من اى نوع لاننا اساسا لسنا فى مجال له

و لا يقع ضمن اهدافنا

و بناء على تفهم كل ما سبق سنجد ان تغير الاخر لقناعته ليست هى لهدف الاساسى من اى تحاور

و بالتالى فان غير او لم يغير ايا منها لن يحدث هذا فرق

و لكن حتما تتغير القناعه من ذات نفسها

ليس من الضروره فى موضوع معين او تجاه فكره معينه

و لكن بتوسيع افقنا بشكل عام

و توسيع قدرتنا على تفهم مبررات مختلفى الفكر عنا حتى لو لم نوافقهم على اتجاههم

و تغير نظرتنا لكثير من الامور بجعلها اكثر اتساعا و اكثر استيعابا لزوايا اخرى و رؤى اخرى

هذا يحدث دون اراده منا

هذا يحدث بشكل دورى كلما طالعنا فكره جديده او احتكينا فكريا بانسان مختلف فكريا عنا او ذو مدارك ابعد مننا او حتى اقل

هذه هى الثمره الطبيعيه لكل من يتحاور و لا يجادل

اما من يدخل ليجادل فقط فبالتاكيد سيهتم بشكل اساسى بالتحدى و النزعه للتعصب و للتقوقع

لان لم يدخل لكى يفيد و يستفيد

بل ليحرز بطولات وهميه فى الساحات الفكريه يعوض بها احتياج داخلى عنده للتميز حتى و ان كان بالغصب

حمانا الله اخى الكريم انت و انا و كل اعضاء المحاورات الكرام من نير هذه النزعه ووقانا شرها

تحياتى لك

[hanzalah]

مقالة ياعم افرح

للصحفي سمير الشحات .. في جريدة الاهرام - يوم الاثنين 5/7/2010

http://www.ahram.org.eg/218/2010/07/05/11/28026/219.aspx

جاء فيها :

أهي حياة والسلام‏..‏

ذلك هو لسان حالنا‏,‏ والاتجاه السائد المسيطر علي تفكيرنا‏,‏

نحن المصريين العاديين‏,‏ هذه الأيام وهناك سباق محموم بيننا فيمن يكتئب أكثر من أخيه‏.‏ طبعا‏..‏ اكيد‏..‏ لابد‏..‏ أليست الحياة صعبة؟

ومنذ متي والحياة ليست صعبة؟

إنك إن جلست إلي عشرة اشخاص‏,‏

فسوف تجد بينهم تسعة علي الأقل‏(‏ أنت شخصيا منهم‏)!‏ متشائمين سوداويين خائفين من الغد والمستقبل

مع أنهم يكررون صباح مساء عبارة المستقبل بيد الله‏!‏

وهل يمكن تغيير تفكير هؤلاء الذين هم نحن جميعا؟ هل ممكن أن نعود لنفرح؟

يا أخي حرام عليك‏..‏ وهل هناك شيء مفرح في هذا البلد؟

تصدق فيه حاجات مفرحة‏!‏

خذ عندك عشرة مفرحات سريعة‏:‏

ضحكة طفلك التي ترن في هذه اللحظة وهو يداعب أخاه الأصغر‏,‏

والمدام المزروعة في المطبخ تطبخ لك‏,‏

وصوت الماء النازل من صنبور المياه كي تشرب‏,‏

ودعاء أمك لك في السر حتي يسترها الله معك‏,‏

والجنيهات القليلة التي في جيبك‏,‏

وبهجتك بأداء غانا في كأس العالم‏,‏ رغم خروجها منه‏,‏

وقدرتك الفائقة علي النهوض من مكانك بكل خفة متوجها إلي بيت الراحة تقضي حاجة عرضت‏,‏

والمروحة الكهربية فوق رأسك‏,‏

والموبايل الهزاز الذي كلما تحسست غطاءه المعدني اللامع باناملك أحسست بالفخر‏,‏

وحذاؤك المريح الذي تمد اصابع رجليك فيه بكل اريحية فلا يرفض‏!‏

تريد عشرا اخري؟ إذن انظر حولك‏!‏

ياناس لقد شبعنا هما وغما وكأبة‏,‏ فتعالوا نفرح‏.

‏

طيب والفساد؟ والبلد المنهوب؟

وأنت مالك؟ وهل هم سرقوا منك أنت شخصيا شيئا؟

وهل كنت تملك منها شيئا اصلا لكي يسرق؟

وماذا عن مستقبل العيال؟

عيال إيه؟ ياأخي لهم رب ياأخي‏..‏ وهل انت اطلعت علي الغيب؟

وبالنسبة لحماس وفتح وإسرائيل والقضية؟ ياعم كبر‏..‏ بلا قضية بلا بطيخ اشتري دماغك‏!‏

ياوسائل الإعلام في مصر اتحدوا وهيا بنا نفرح‏..‏

لماذا تبحثون كل يوم عن كل مزعج فتبيعونه لنا؟ فرحونا وفرفشونا وابسطونا‏..‏

وإلا‏..‏

فو الله لن نقرأكم أو نشاهدكم بعد اليوم أبدا‏!.‏

‏Sshahat58@hotmail.com‏

[Howayda Ismail]

جاء فى مقالة فى جريدة (اخبار اليوم) عدد الاسبوع الماضى تحت عنوان ( انا قرفان )

الدنيا حلوة ...والحياة احلى ..ليه تنظر فقط للونين الاسود والرمادى؟!

اجابة السؤال هو مضمون الموضوع .ز فالاحصاءات تشير الى اصابة 25% من المصريين بالاكتئاب ويرجعون الاصابة

الى اسباب كثيرة اهمها الحزن واليأس والاحباط والبطالة وهموم الحياة اليومية بصفة عامة ويؤكدون ان1 % فقط

من المصابين يترددون على العيادات والمصحات النفسية اما ال99% فان الخجل وثقافة التعامل مع المرصد يجعلهم

يحبسون الامهم بين ضلوعهم وداخل كيانهم ووجدانهم!

ولان كل مشكلة لها حل فان الخبرا ينصحون بضرورة تعاطى ادوية روشتة تشمل القناعة والرضا والايمان بالقضاء والقدر

والفضفضة والتفاؤل والتعامل مع الاطبء النفسيين حتى يرى هؤلاء الحياة بلونها الوردى.

[أحمد سيف]

مداخلة أخويا الكبير سي السيد عن حلايب وشلاتين ... بجد تحفه ... تسلم الأيادي يابو الأسيان

الأسد العجوز جتته نحست - مشيها جتته عشان الرقابة -

فداخلياً هو أفسد كل حاجه وباع كل حاجه

وخارجياً أصبح خيال مآته ووزنه ما بقاش يساوي جناح بعوضه والصغير قبل الكبير بقى يضحك عليه ... ويكفي ان يكون لديك وزير خارجية مثل أحمد أبو الغائط لكي تكتمل بالوعة المجاري

فعندما سمع إشاعة .. إشاعة فقط ..الأسبوع الماضي

بإن حماس هاتنقل قبر الجندي المصري المجهول في غزه وهاتعبث به ... قبل أن يتأكد من الخبر وإنه مش صحيح وإن الموضوع إنهم بيرمموه وبيخلوا منظره أحسن على حسابهم ... خرج يتوعد ويهدد حماس بعواقب الأمر والويلات والثبور ... مثلما قال لهم في تصريح عنتري غائطي " اللي هايخطي حدود مصر هاقطع رجله "

يا واد يا راجل ياللي غلبت عتريس في زمانه

لسه بقى ما كملش القاذورات اللي بيخرجها من فمه .. إلا ويكون لليوم الثالث على التوالي إسرائيل تقتل على الحدود المشتركة مصريين ... يومياً تخيلوا ؟ بداعي إنهم مهربين

طب حتى المهرب يابو الغائط مش مصري برضوا ولا أنت إيه نظامك ؟

بعدها بيوم وده كله الأسبوع اللي فات ... جندي من قوات حرس الحدود المصريين أتصاب برصاصة ... لأن ببساطة ومن شهادات ومشاهدات موثقة على قنوات إخباريه والله يا جماعة شاهدتها ... الصهاينة بيتعلموا النشان على الجنود المصريين الغلابه العُزل ... تخيلوا ؟ ..

بيقف الصهيوني من دول في برج الحراسة .. وينشن على اي حد واقف الناحية التانية ... وأهي بتبقى تدريبات بالذخيرة الحية .. وتكرر الموضوع ده كثير جداً جداً

ولم يخرج أبو الغائط ويقول كخ كده حتى .. اه والله

ومن شهرين فاتوا ... وحوالي 3 مرات ورا بعض ...

واحد صحفي صهيوني تسلل من جنوب سينا إلى حيث معبر رفح ... عشان يعمل سبق صحفي عن الأنفاق ... قوات الشرطة المصرية مسكته وقعدوه في احلى فندق في العريش واكل نايم شارب وجابوا له بدله جديده وطقم ملابس داخلية .. ورجعوه معزز مكرم لأسرائيل ويمكن معاه اكياس رز وسكر عشان الاولاد .

تاني يوم .. والله الكلام ده حقيقي مش تهريج ... شخص صهيوني تسلل بالموتوسكيل الخاص به إلى سينا ..... وبرضوا أتمسك ... ورجع برضوا بسكر ورز

تالت يوم ( وكأني بأشاهد فيلم عنتر ولبلب بتاع كل قفا ) شخص تسلل سابحاً إلى طابا ... وأتمسك من حرس الحدود .. وقالوا عليه مختل عقلياً ورجعوه لأسرائيل بس مش عارف كان في رز وسكر ولا لأ

بعدها بيوم ... كل ده موثق ... محكمة إسرائيلية حكمت على مصري سيناوي بالسجن 4 سنوات بدعوه التسلل إلى أراضيها من مصر

لوووووووووووووووووووووووووووووووووووولي

أيوه كده يحي العدل يحي العدل

كل ده وإيه .. ابو الغائط ولا بيفتح بؤه .. لكنه مصلطح قفاه عشان القفا يتلزق بالصوابع الخمسة واللي يطرقع ما يتحسبش يا معلم

------------

نرجع لموضوع السودان ..

إذا كنت إنت في أزمة ... ولقيت قفا ممكن يخرجك من الأزمة دي .. وإيه قفا طيب لا بيصد ولا بيرد ... تتبطر على النعمة وتقول لأ مش لازقك يا قفا على قفاك ... ولا ترزعه وتظهر في صورة أبو السباع وعنتر زمانه أمام شعبك والجماهير العريضه .؟

وهذا ما فعله البشير ....

البشير في مصيبة وكارثة حقيقية ... لأن موعد إستفتاء أنفصال جنوب السودان قرب ولم يتبقى عليه إلا 5 شهور ( يناير 2011 ) ... هههههه والموضوع محسوم زي تيمور الشرقية في أندونيسيا ... ناس بيحاربوا سنوات عشان ينفصلوا لأنهم شعروا بظلم على مر الزمن من الحكومة الشمالية يبقوا هايقولوا لأ عاوزين نبقى في حضن ماما ومش عاوزين نتطلق ؟؟؟؟؟؟؟؟؟ ... كمان هما ينتموا إلى العرق الأفريقي الزنجي .. عكس الشماليين اللي فيهم عرق عربي .... وكمان ديانة معظمهم مختلفة .. ما بين مسيحية ووثنية ... كمان ظهرت ثروات عندهم تخليهم عايشين في نعيم .. يكفي إن معظم أحتياطي النفط عندهم ولسه بخيره ماحدش شفطه .. كمان في مساعدات من دول الجوار الشريرة زي أوغندا .... ولم ننسى قيام الحيزبون المتصابيه مادلين أولبريت حينما كانت وزير خارجية .. قامت بالذهاب إلى أوغندا ومن ثم السفر عن طريق البر إلى جنوب السودان في زيارة رسمية للاجتماع بالمسئولين الجنوبيين في قفا واضح للبشير وكأنها ميغه أو بلد من غير صحاب ..

كمان عنده مصيبة دارفور والسعي نحو الأنفصال ... وبرضوا الخرائط بتبين إن عندهم يورانيوم بالعبيط ونفط كمان ...

كمان البشير عليه أحكام نفقة ومطلوب وكان رايح يحضر أفتتاح كاس العالم فرئيس جنوب أفريقيا ( زوما ) قال له لو جيت أهلاً وسهلاً بك .. لكن هاتتعكش في أقرب كمين يا معلم وهانسلمك تسليم مفتاح

فالراجل بعد ده كله عاوز يخرج بأي شكل .. فقال لك نتنطط على ضهر الأسد الخرفان يمكن يبقى لي شعبيه ...

أضف إلى ذلك .. كيف تقول الخارجية المصرية أمس في بيان رسمي أن حلايب وشلاتين تابعه لمصر - وهي حقيقة بالمناسبة بغض النظر عن التخاريف السودانية - ثم نسمح كمصر لسكانها في المشاركة بالأنتخابات الرئاسية السودانية اللي تمت منذ شهور قليلة ؟

حد يفهمني أصلي خلاص مخي أبتدا يهيس

فوق كل ده وده

الأسافين الصهيوينة في تسخين دول المنبع على السودان ومصر عشان يشربونا بيبس بدل الميه

وإمعاناً في ............of the Old Lion احم احم Kicking the .. قالوا ما تيجي نخنقه وندق أخر مسمار في شنبه .. ونسخن عليه السودان اللي أخر مره أتكلموا في الموضوع ده كان سنة 92 ... تخيلوا ؟

طب حتى لو هي حقهم .. إيه اللي صحى الموضوع سنة 2010 ؟

كل ده عشان عارفين إن الراجل مات تقريباً وهي مسألة أيام على ما نستخرج تصريح الدفن وإعلام الوراثة ... فأن خرب بيت الأسد .. خد لك منه حلايب ...

وسلم لي على حديقة الحيوان بالديزة .

[MaYousof]

مداخلة الفاضلة: doha

في موضوع: متى أكون متحاورا ومتى أكون مجادلا ؟؟؟

المحاور بيناقش الفكرة .. المجادل بيناقش قائلها

المحاور هدفه يثبت ان رأيه صح .. المجادل هدفه يثبت انه هو صح

المحاور ينتفض وينتصر لقناعاته ومبادئه وممكن يضحي بنفسه عشان يثبتها .. المجادل ينتفض وينتصر لنفسه وممكن يضحي بقناعاته ومبادئه عشان ينصرها

المحاور بيتحاور وهو حاطط في ذهنه ان في امل لاقتناع الطرف الآخر.. المجادل برضه بيتحاور وفي ذهنه نفس الامل .. المحاور بينسحب فور تأكده من ان مفيش فايده ويركز جهوده في ( جبهة تانية ) .. المجادل بيستمر وعمره مابيفقد الامل فبتكون النتيجه اننا مبنشوفش له جهود في اي جبهات اخرى

ينطبق كل ماسبق على المتحاورين والمتجادلين سواء من كان منهم على صواب او من كان على خطأ .. من كان هدفه الاول اثبات وجهة نظره او من كان هدفه اثبات نفسه .. من دخل ليفيد ويستفيد ومن دخل ليتسلى ويشعل الامور ويقف مزهو بنفسه حيث شعر لاول مرة ان له قيمه وان هنالك من يسمع له صوت ..

شكرا يادكتورة على سؤالك الجميل

شكرا يا مدام ضحى على المداخلة الرائعة.

[أحمد سيف]

عودا حميدا يا أستاذ MaYousof

أفتقدتك والله.

[الدكتورة أم أحمد]

مداخلة للفاضل حسام عبد الفتاح فيمصر هي أمي ...

اول حاجة انا بحب مصر مش عشان هى احسن حاجة فى الدنيا ولا هى احسن بلد ............ انا بحبها عشان لاقيتها كدة بحلوها ومرها

(يعنى كدة زى مسالك انتى بتحبى والدتك ليه............ ممكن متكونش والدتك احسن ام ولا اجمل ام ......... بس هى والدتك وهى اللى ربتك وصرفت عليكى واهتمت بيكى اكتر من اى حاجة تانية) يمكن يكون فى امهات تانية كتير احسن من والدتك ولو كنتى بنتهم كانوا هيهتموا بيكى اكتر من والدتك بس انتى مش هتحبيهم اكتر منها ................ لانها هى والدتك

------------------

فيه شق تانى

انا عشت احلى ايام حياتى فى مصر

بشكل معين وبيئة وفى ظل ظروف وتغيرات مختلفة

يمكن مش احسن مكان ولا لاقيت كل الامكانيات ولا اتعاملت احسن معاملة

بس هى دى احسن ايامى واجمل زكرياتى وهى دى الظروف اللى ادتنى الشخصية بتاعتى اللى بحبها واللى خلتنى اتغلب على اى حاجة فى الدنيا عشان انجح واثبت نفسى

هى دى الظروف اللى ولله الحمد خلتنى متفوق عن ناس كتيرة سواء مصريين او اجانب (وده واقع انا بلمسه)

هى دى البلد اللى خلت عندى نظرة موضوعية للامور وابعاد اخرى لحل المشاكل

هى دى بلدى اللى خلت عندى هدف شخصى فى النجاح وهدف قومى فى التطوير والتغير

وهرجع اقول هى دى اللى طلعت لاقيتها.............. هو فيه حد بيختار امه

-----------------

شق تالت

بلد فيها تركيبات متغيرة من جغرافيا ومناخ وتاريخ طويل عريض وتركيبة شعب بكل فئاته وطبقاته وطريقة فى الحياة خلتنى احس ان فيها من الامكانيات ما يساعدها عالنجاح وفيها من الامكانيات انك تقدر تعيش فيها حياة سعيدة لو توفرت فيها مقومات العدالة

يعنى مصر بكل الحسابات تقدر تعيش فيها مبسوط اوى فقط .................. لو هى بلد بها عدالة

كأنه عبر بها عن رأي

جزاك الله خيرا