تأجيل خطاب عيد العمال لسوء حالة مبارك الصحية..

[hebapharm]

انا مازلت مصر ان اي قادم بعده سيكون افضل على الاقل لن يجد ما يدمره بل سيقف محلك سر ليتامل ف الفساد الذي اصبح ككرة الثلج حجمها يزداد مع الوقت

ايا كان حاكم مصر المستقبلي فلن يجد ما يفسده واذا اراد الاصلاح فكان الله ف عونه لكنه سيججد كثير يتوق للمساعده وفي راي افضل حل له ان يستعين بعلماء مصر ف الخارج ويفتح ابواب البلد للطيور المهاجرة ف اروروبا وامريكا وكندا وتبنى البلد ع اساس علمي وراقي ومتين

لان طويل العمر سيتركها خرابة يتطلب من مصر فترة للانكفاء ع ذاتها والتركيز ف ان تقوم من كبوتها التي حدثت ع مدار 30 سنة

اما ان نترحم ع ايامه بصراحه لا اجد شيئ يدعو للرحمة ونفتقده لا استقرار اجتماعي لا ناحيه امنية متوفرة قتل لاتفه الاسباب وجرائم غريبة وجودها يدل ع انهيار مجتمعي

نظام تعليم يمر باسوا مراحله

سياسة خارجيه من اسوأ الفترات وتزداد سوءا ، ناحية اقتصاديه كلها تخبط وفشل وعدم وضح رؤية

ف ع ماذا الندم انا بعذر اي رئيس هيجي بعده هيلاقيهم جابوا ضرفها

ام انه احسن الحكام العرب فاتمنى ان نرى هذه الحسنات ظاهرة هل هو ارتقى ببلده هل هو ارسل البعثات للتعليم ف الخارج هل حول دولة صحراء الى دولة بين كل شجرة والاخرى شجرة

هل هو ارتقى بمستوى معيشة الفرد والعلاج الطبي للاسف لم يفعل هذا بل ضيع هيبة ومكانة مصر عربيا واقليميا واضاع مجهود سنوات

انا من راي ان تتم محاكمته من قبله لهم اخطاء سياسية انتهت بزوالهم اما هذا القائد سرطن الاطفال الاطفال الان تولد مسرطنة سمم ابائهم وامهاتهم انه يساهم ف ايجاد جيل عليل بالسرطانات وامراض الفشل الكبدي واذا نجوا من ذلك هناك الموت ع الاسفلت وضياع احلى سنوات عمرهم ف تعليم لاقيمة له ليتخرج ويجلس ع دكة العاطلين ليفكر ف ان يهج ويطفش من جبروت الحاكم الى بطش الكفيل او غرق ف البحر الابيض او موت ف عبارة ويلتهمه القروش والاسماك ليجد نفسه هذا المواطن المسكين يلاطم امواج البحر وقائده يشاهد مباراة كرة قدم

زامن قالوا اللي استحوا ماتوا بجد مش عارف ممكن نندم ع ايه لو شيطان جكمنا مش هيعرف يعمل نفس الخطط البارعه ف تدمير البلد

اعملها بس واحن نشوف هنندم ولا ،،،،، اعملها بقى

لسان حالنا " انتظار البلاء اصعب من وقوعه"

كلام حضرتك صحيح 100..لا مليون%

كما انه والله ابكاني ....ابكاني فعلا

وسؤالي المتكرر ..اذا كنا نحن لا ننام عندما نتذكر العباره الحزينه الغارقه ..وكلمات الطفل البرئ قبل موته تجمدا في المياه...مشهد واحد والله والله والله يسرق النوم مني ايام طويله واذا نمت ارى هذا الطفل البرئ في منامي...مشهد واحد فقط من مشاهد حكمه الحزين يسرق النوم منا....فكيف ينام هذا الرجل؟؟؟؟؟؟؟؟؟؟؟؟

كيف ينام ...كيف يستريح ...اذا سرح بخياله ...في ماذا يفكر؟؟؟هل يفكر انه ربما يكون على وشك ان يلقى الله وكيف سيلقاه وهو مسئول عن كل ماحدث؟؟؟

ام ان الرجل اطمأن انه سيكون له معامله خاصه ولن يسأل؟..ام انه سيتعلل بأنه ليس المسئول ومصر دولة مؤسسات وان المسئولين والحاشيه هم الفاسدين؟؟؟

ام انه سيقول لم يكن في الامكان افضل مما كان؟؟..

ام انه اشترى الدنيا بالأخره في صفقه شيطانيه

ام انه فعلا برئ ونحن شعب نمرود ولا يعجبنا العجب؟

ام انه ..من اعمالكم سلط عليكم؟..هل نستحق فعلا هذا الرجل؟؟

ان كنا نستحقه ف..تبنا الى الله ورجعنا الى الله وندمنا على ما فعلنا وعزمنا على الا نعود لذنب ابدا..اللهم ارفع غضبك ومقتك عنا..اللهم امين

[sarmar]

طبعا اذا كانت مصر لم يبقى منها ولا حتى اسمها فكل المصريين شركاء لما حدث للغالية مصر

هل تتذكروا مصر هل مازالت تزوركم فى احلامكم هل تعرفونها عندما ترونها فى احلام اليقظة ؟؟؟

تغيــــــــــــرت :::: نعم اتغيرت كتير تعرفوا مين اللى غيرها ولا السؤال الصح عرفتم من قام بتغييرها ؟؟؟

مسكينة وحزينة اراها كل يوم تبكى على خصلات شعرها المتساقط وارى دموعها فى نيلها تبكى وتبكى

وانا اصرخ باعلى صوتى ووجدتكم ايضا تصرخون لاتبكى يامصر لاتبكى ياغلى مافى الكون وهى لاتسمعنا ولانحن نسمعنا بل ولا احد يسمعنا

نعود نجلس على الكراسى فى المقاهى نلهوا ونلعب ونشرب الشاى الاسود وننسى لماذا كنا نبكى

نذهب الى الجامعات والمدارس والجوامع والكنائس "" ندعو ونصلى لها ــ نخرج فى الشوارع هائمين نسأل الطبيب والمهندس والخفير والوزير نسال الرئيس ؟

نسأل الرئيس نسأل الرئيس عنها عن مصر فلا احد من كل هؤلاء يجيب لااحد منهم يتذكرها نعم لااحد يتذكرها

هل ستعود مصر باللة اسالكم يامسلمين يامسيحين ياكل المصريين ياكل من يحمل من مصر اسمها هل ستعود ؟ اتوق لرؤيتها اتوق لحضنها اتوق لنيلها واطفالها وشوراعها كما كنا جميعا اطفالا نلهو ونلعب فى خصلات شعرها ودروبها

كانت جميلة كانت نظيفة كل يوم كانت تغسل شعرها *** كانت كل يوم تبدل ثيابها لتلبس فى الليل ابهى حللها وتتزين باريج عطرها ويتغنى بها كل من يريد ان يسبح ربة فى خلقة سبحان اللة وتبارك اللة كانت فى المساء ام الدنيا والنهار ايضا كانت كل الناس تعرفها بانها ام الدنيا ونغنى ياحبيبتى يامصر

ياحب ب ي ب تى ي ا م ص ر لسانى نشف مش عارف انطقها اشعر انى منافق لانى لم احبها لو كنت احبها كنت حافظت عليها ولم اتركها تبعد عنى ونسيتها والان ابحث عنها فلم اجدها

هل وجدتوها يامحاوراتية انى مجنون بحبها فمن يجدها اسالك بالة يدلنى على مكانه ولا تاعلوا نذهب لها ونسالها من فعل فيها هكذا

[sarmar]

كنت ذات مرة اشاهد الجلسات الملعنة عن مجلس الشعب وقد وقف السيد الدكتور زكريا عزمى عضو مجلس الشعب ورئيس ديوان رئاسة الجمهورية معلوماتى عنة كمواطن عادى جدا انة لايتحدث كثرا ولكنة ينطق بالحكمة والموعظة الحسنة

وقف نائبنا امام رئيس المجلس يتسااااااءل عن الخضخضة وما اردراك مالخضخضة خضخضة اية ؟؟ انا اقصد الخصخصة وراح سعادة النائب الدكتور اللى اكبر من الوزير يلعن اليوم اللى شفنا فية الخصخصة 000 وراح قالب الطاولة على راسنا وقال بل لابد من محاكمة المسؤولين عن الخصخصة

محاكمة مين ولا ميم واذا بالكاتب الهمام ابراهيم عيس يلتقط كلام الدكتور اللى اكبر من الوزير وسالة بكل ادب واحترام فى برنامج تليفزيونى سؤال جعلنى اتاكد اننا يلعب بنا بضم الياء الكرة الشراب

السؤال هو واين كنت انت ياسيادة الدكتور طوال هذة المدة ؟؟ اين كنت وانت اقرب فم لأذن رئيس الجمهورية ؟؟

اين كنت طوال هذة المدة وانت تصول وتجول داخل الدولة وخارجها ؟؟

اية دة طيب واللة العظيم انا كنت فاكر ان الراجل دة من اهم واخطر الشخصيا فى الدولة وهو كذلك بس كيف يقول الان لابد من محاسبة المسؤول عن الخضخضة ؟؟؟ معقولة يابلد

الا بالحق هو فين عيد العمال ؟؟؟ من غيرك ياريس العيد مالهوش اى طعم

[Mercedes]

:lol: السلام عليكم و رحمة الله و بركاته :lol:

نفسى ربنا يكرمنى و يطول فى عمرى لحد ما أشوف جنازة الريس, أصل دى هتبقى أول مرة أشوف فيها جنازة ريس مصرى بحق و حقيقى مش فى التليفزيون.

أنا كمان كنت عايز أعرف هو المقابر بتاعتهم بتاع العيلة فين بالظبط, عشان بعد ما يندفن, أروح بنفسى و أتأكد أنه مات و مش هيطلع تانى من القبر, و ندرا على, لأفضل قاعد أودام القبر بتاع 5-6 أيام لحسن يشاور عقله و يطلع تانى بعد ما الناس تمشى.

و النبى يا جماعة, أى حد يعرف أى حاجة عن الموضوع اياه اللى احنا كلنا مستنيينه :lol: , يقول عالطول عشان يبرد النار اللى فى قلبى.

MERCEDES S430

[sarmar]

ارجو ان لايكون منتهى املنا هو موت الرئيس لن نتشفى فى الموت لان الموت ممكن يحصد ارواح من دونه سنا وعمرا

ولكن نسال اللة لمصر والمصريين العافية وبالطريقة التى يقدرها لنا الله سبحانة وتعالى انة ولى ذلك والقادر علية

[herohero]

للاسف رغم ان الموت كلنا مواجهينه كقدر لكن هذا الشخص اكتسب كراهيه فظيعه لا نقول ان عبد الناصر كان ملاكا او السادات لكن كان رغم مساوئهم قريبين من الناس بلاش كنا نحس ان فيه روح وحياة اما حالة الصمود والشلل والعجز الموجود حاليا حاله غريبة راجل عنده جمود لا يوجد جديد عنده سلبية لابعد الحدود احتكار لكل شيئ

الخطابات بتاعته كلها زي بعض لاتراعي اي حدث عكس السادات

وبعدين كده مالوش دعوة باي شيئ يحصل للشعب لحادثة الدويقة ولا الزلزال ولا العباره ولا حريق القطار يعني مكبر دماغه ع الاخر عشان كده موضوع موته هو من ناحيه اننا قرفنا من طلته البهية هيجي اي حد مش مشكلة هتخرب اكتر من كده ماهي خربانة خربانه

[fatfouta]

للاسف رغم ان الموت كلنا مواجهينه كقدر لكن هذا الشخص اكتسب كراهيه فظيعه لا نقول ان عبد الناصر كان ملاكا او السادات لكن كان رغم مساوئهم قريبين من الناس بلاش كنا نحس ان فيه روح وحياة اما حالة الصمود والشلل والعجز الموجود حاليا حاله غريبة راجل عنده جمود لا يوجد جديد عنده سلبية لابعد الحدود احتكار لكل شيئ

الخطابات بتاعته كلها زي بعض لاتراعي اي حدث عكس السادات

وبعدين كده مالوش دعوة باي شيئ يحصل للشعب لحادثة الدويقة ولا الزلزال ولا العباره ولا حريق القطار يعني مكبر دماغه ع الاخر عشان كده موضوع موته هو من ناحيه اننا قرفنا من طلته البهية هيجي اي حد مش مشكلة هتخرب اكتر من كده ماهي خربانة خربانه

صحيح والله اللى ماشوفته فى خطابه الأخير بتاع عيد تحرير سيناء (يارب يجعله اخر خطاب)

اللى ماسمعته اتكلم عن مشكله من مشاكلنا وقال هحلها او اصبروا معايا ولاحاجة

وان يتكلم عن اى مشكلة.....ماتكلمش

وان يشكرنا على سؤالنا عليه وهو تعبان :lol: .......ماشكرش.....اومال الاستاذ جمال قال هيشكرنا ليه؟؟

منتهى الاستهانة بينا وواقف بيتكلم عادى وكل كلامه الى مافى جمله مفيدة

وقال بيقولنا نحن (المصريين يعنى) فى رباط ليوم الدين....هل أضاف حاجة جديدة؟؟؟

هل طمن الناس بحاجة.....خربوها وقعدوا على تلها ومنهم لله ياربى

حد شاف خطابه ده....منتهى الاستفزاز!!!!!!!

خلصنا بقى يارب

[pink rose]

فرج ربنا قريب يا فتفوتة

هاااااااااااااانت فات الكتير ما باقي الا القليل ان شاء الله

[aimen]

حد يقدر يقولى ايه الحاجه المشتركة فى الصور دى كلها ....

[fatfouta]

حد يقدر يقولى ايه الحاجه المشتركة فى الصور دى كلها ....

مش عارفة يا ايمن حاسة ان ايده الشمال فيها حاجة......صح؟

[aimen]

ماشاء الله يا مدام فتفوتة

خلاص تابعى الموضوع على الرابط ده (what in the hand )

[Alrefaey]

نفس البدله والقميس والكرفات

[بندق أفندى]

طيب كانوا أخدو العمال لشرم وعملو العيد هناك

[aimen]

لا العيد عمله و يا للغرابة اهالى طوسون ( فعلا الراجل ده احنا شعب لقطة بالنسبة له )

قرر أهالى طوسون المعتصمون أمام مقر وزارة الزراعة واستصلاح الأراضى للأسبوع الرابع على التوالى، احتجاجا على قرار محافظ الإسكندرية اللواء عادل لبيب بإزالة منازلهم، الاحتفال اليوم بعيد ميلاد الرئيس حسنى مبارك الثالث والثمانين بشارع وزارة الزراعة.

وقال أشرف عبيد المتحدث الرسمى باسم المعتصمين إن أهالى طوسون قاموا بشراء عدد من الشموع والبالونات وقاموا بتعليقها على مناشر الغسيل وأعمدة الإنارة المجاورة لهم، كما اشترى الأهالى "تورتاية" للاحتفال بعيد ميلاد الرئيس مبارك فى مقر اعتصامهم.

وأضاف أن احتفال أهالى طوسون التابعة لمحافظة الإسكندرية بعيد ميلاد الرئيس سيكون الأول من نوعه فى تاريخ الاعتصامات المصرية، وأنه مشاركة أيضا بعودة الرئيس من ألمانيا بعد إجرائه لعملية جراحية قبل شهر.

يا حلوة يا بلحة يا مقمعه

بصراحة عجبنى التعليق ده "شعب مصر ... ام الشعوب التانية "

جريدة اليوم الساقع

[aimen]

مكرر

تم تعديل 4 مايو 2010 بواسطة aimen

[صافى]

[يا جماعة هو احسن من غيرة وعلى راى المثل بكرة تشوف يا ناكر خيرى زمنى من زمن غيرى دول عاوزين يجيبو لنا واحد لسة جاى من امريك يعنى مرفه ومش هيحس بينا يا جماعة احنا فى غفلة وربنا يستر علينا وعلى اولادنا :happy: wst::

[aimen]

[يا جماعة هو احسن من غيرة وعلى راى المثل بكرة تشوف يا ناكر خيرى زمنى من زمن غيرى دول عاوزين يجيبو لنا واحد لسة جاى من امريك يعنى مرفه ومش هيحس بينا يا جماعة احنا فى غفلة وربنا يستر علينا وعلى اولادنا :happy: wst::

:blink:

دا يا مدام صافى على اعتبار ان السيد الرئيس بينزل الصبح يقف فى طابور العيش و ساكن ايجار ووراه دروس خصوصية لولاده

انما الشرير محمد البرادعى ..كان مرفه بياكل جبنه مثلثات كل يوم ..زى ما اتحفنا الموكوس مصطفى الفقى

[dawn walker]

[

حرام للى الراجل ده بيعمله فى نفسه ..كبرسنه وشيخوخته لم تعد تخفيها اى رتوش ..وانعكست حتى على سياسته الداخلية والخارجية ..فاصبحت مصر كالفتوة العجوز الذى يلطش فيه اطفال الحارة وهو عاجز عن الرد

لماذا لا يعتزل ..ويترك الساحة لاخرين ؟!!

تم تعديل 4 مايو 2010 بواسطة dawn walker

[عماد حمدي]

شكلنا كدة هتيجي كبسة دلوقتي تاخدنا أمن الدولة .. :happy:

يا جماعة إن كان قدرنا فليعنا الله عليه .. الله يرحمك يا شيخ شعراوي ..

السؤال اللي بيطرح نفسة ع نفسة .. لما يقف بين إيدين ربنا ويحاسبة هيقولة اية ؟؟

لو علم انه سيقف بين يدي الله وسيحاسبة عن 80 مليون شخص لمدة 30 عام .. والله والله لأنصلح حال البلد وعشنا أحلي أيام

لانه بكل بساطة سيتحري في أي قرار يصدره الحلال والحرام هل هوه عادل ام لا .. راعي الله ورسولة فيما يفعلة أم لا .. لكن حدث ولا حرج

ربنا يدينا الصبر ..

[okwaitme]

80 مليون شخص لمدة 30 عام

الـ 80 مليون دول الصافي بعد 30 سنة

حضرتك نسيت الناس اللي توفاها الله خلال هذه العقود الثلاثة