تأجيل خطاب عيد العمال لسوء حالة مبارك الصحية..

[fatfouta]

أنا بقى اللى ضايقنى فى الخطاب اسلوبه فى التحدى لكل الناس حتى الشعب

وكمان لما قال انا بحذر المعارضة من الإنفلات.......عندك حق يا عم ماهم حاولو يعملوا مظاهرات كتمتوا عليهم علطول

والله حاجة تقرف

حذر الرئيس المصري حسني مبارك الخميس 6-5-2010 المعارضة من إحداث أي فوضى, وتحداها بأن تقدم برامجها السياسية.

وأضاف "أتابع ما تموج به مصر من تفاعل نشط لقوى المجتمع وأرحب به باعتباره ظاهرة صحية ودليلاً على حيوية مجتمعنا، لكنني أتحسب من أن ينزلق البعض بهذا التفاعل إلى انفلات يعرض مصر وأبناءها لمخاطر الانتكاس".

اه والحته دى كمان بيوعد الشعب ان الانتحابات هتبقى نزيهة والشعب هو اللى ليه الكلمة الاولى فيها.....أفلح إن صدق

هو احنا لسه هنصدقك!!!

وقال مبارك في خطاب بمناسبة عيد العمال، وهو أول خطاب له منذ عودته للقاهرة بعد خضوعه لعملية جراحية، إن "الانتخابات المقبلة بشقيها الرئاسية والتشريعية ستكون حرة ونزيهة وسيكون الشعب هو الحكم وكلمته هي الفيصل في صناديق الاقتراع".

اه وكمان مش لازم ننسى انه بيحذر وبيقول انا اشد عزما وقوة

عامل العملية وراجع ماشاء الله يعنى :cry1:

تم تعديل 6 مايو 2010 بواسطة fatfouta

[fatfouta]

ريسنا اليوم اقوى عزمااا

والله عنده حق واقف بيخطب اهو وصحته عال العال والايد الشمال اهى شغالة والحمد لله

مبارك: لا مجال لتعديل الدستور .. وهناك فرق بين المطالبة بالتغيير والفوضى .. وأنا اليوم أقوى عزما من أي وقت مضى

مصراوي - خاص-

قال الرئيس محمد حسني مبارك انه "اليوم أقوى عزما وأشد تصميما على الا ترتد حركة المجتمع للوراء"، مؤكدا على انه يقف بجوار العمال ويدافع عن حقوقهم.

طب فين العشرة جنيه الزيادة السنوية

هو احنا مش عمال وفلاحين ومحدودى دخل ومصريين وكل حاجة حلوة :D

انت عاوز العشرة جنيه يا حسام؟؟؟

طب والاسعار هتروح فين تانى لو اخدناها؟

ماهو بعد مابيديها للناس بيرجع ياخدها منها بزيادة الاسعار....طب اللحمة والناس مقاطعاها تفتكر ممكن يقاطعوا كل حاجة او يعملوا اضراب عن الأكل والشراء

ارحمنا يارب :cry1:

[herohero]

للاسف هذا الخطاب زاد الاحساس بالسوء اكثر

فما ذكر ف الخطاب لا يوضح الا شيئ واحد وهو انه ان شاء الله الرئيس المرشح للفترة القادمة واشارات تهديد للبرادعي ومن غيره

وطبعا تاكيد ع عدم وجود حلو ولا نية ف التعديل

يعني بجد اطمنوا ياجماعه البيه هيستمر وللاسف مصر ع نفس الوضع السيئ اللي كلنا عاوزينه يتغير وهو حاله الضياع فالبيه عاوز يترشح وهيكسب ويوم ما يفكر انه يموت لا له نائب ولا غيره والنتيجه الامور تبقى سداح مداح

بصراحه شيئ مقرف

[ذهبية]

الخطاب الهام الى الناس منتظراها من اسبوع فات و الى قال فية احمد نظيف ان فية كلام هيعجبكم قوى يا عمال مصر و يريحكم قوى طلع من الاخر رسالة تهديد

وانة بمنتهى الصراحة و الوضوح بيقول اعلى ما فى خيلكم اركبوة

لا حاجة هتتغير و لا لا فية امل اصلا

هو لسة ماحدش صحاها هو لسة متخيل ان الى بيحصل دة من قلة قليلة من المنفلتين من المعارضة

بجد حزنت جدااا من الى قريتة يعنى الشعب ملوش اى حساب كانها عزبة و ملك خاص بية

و اى حد يتكلم او يرفض كانة بياخد منة ملكة و لازم يدافع عنة بكل ما اوتى من قوة

دة ايةةةةةةةةة اترجمة اية

يا ناس احنا دولة كبيرة ليها راى و شعب لو ما احترمت رغبتة يا عالم الامور هتروح فين

بجد انا الان حاسة ان الىل جاى اسوء بكتيررررررررر

[pink rose]

و الله اللي يحزن اكتر يا ذهبية انكم حرقتوا دمكم و اتفرجتوا عليه من الاصل

بالله عليكم حد يشوف حوار لسوسو؟ :cry1:

[MZohairy]

اذا الريس مبارك ساب الحكم راغبا او مجبرا بسبب القدر

فالتالي له هو جمال مبارك بكل ثقه

لا و لن يوجد احتمال آخر

و ما نيل المطالب بالتمني و لكن يأخذ الحكم جمالا

[fatfouta]

رأى البرادعى فى خطاب الرئيس

البرادعي تعقيبا على خطاب مبارك: (التغيير قادم لا محالة)

5/7/2010 9:48:00 AM

سويسرا - محرر مصراوي - أكد الدكتور محمد البرادعي ئيس الجمعية الوطنية للتغيير عقب انتهاء الرئيس مبارك مباشرة من خطابه في احتفالات عيد العمال الخميس: "إن التغيير قادم لا محالة من خلال إرادة شعبية قوية".

وبث البرادعي رسالته القصيرة عبر موقع تويتر على صفحته الشخصية مشيرا إلى أن "توقيت التغيير، ومداه فهو مرهون بإرادة شعبية قوية وواضحة ممثلة فى التوقيعات، مصيرنا بيدنا".

وفي نفس السياق انتقد أعضاء حملة البرادعي عبر موقع المجموعة على "الفيس بوك" ما جاء فى خطاب الرئيس مبارك، معتبرين أن "عدم الحديث عن تعديلات دستورية مقبلة أو إقالة لوزراء فى الحكومة يعكس قمع المعارضة" على حد تعبير أحد المشاركين.

وكان الرئيس مبارك قد ألمح في خطابه الخميس إلى الداعين لتغيير الدستور، قائلا إنه "لا مجال فى هذه المرحلة الدقيقة، لمن يختلط عليه الفارق الشاسع بين التغيير والفوضى.. وبين التحرك المدروس والهرولة غير محسوبة العواقب.. أو لمن يتجاهل ما اعتمده الشعب من تعديلات دستورية منذ عام 2005، وما يتعين أن يتوافر للدساتير من ثبات ورسوخ واستقرار".

المصدر